Markus 12
12
An le̱kun belu s'ce
(Mat 21:33-46; Luk 20:9-19)
1Ye̱so takaz emam na̱ s'lalk a̱n c'hwennsa. U zeka, “I a̱ra̱m a̱n gwain belu s'ce, u ag o kwe̱ a̱n gagne. U emk ta̱m baada̱n mo̱dma̱n yaana. U maa ta̱m sakad s'regdo. U le̱gse̱z kaa an le̱ko. U to̱uz u baal m'naka.#12:1 Go̱t ta̱m: Isa 5:1-2. 2An daav emtine, u comk coka̱v ru baa an o̱min le̱k nu'bel bat tu kabva o yobu ru baan rina̱n na kumine. 3An le̱k sipk la cokune a buuk o s'bii, a cuk ta̱m o u to̱o̱ c'kom-c'koma. 4Kanubel sudt bo̱ ta̱m a̱n com cok hyan. A sipk o ta̱m a buuku, a be̱se̱ a kel o d'hi a lag o m'e̱n-m'e̱n. 5V'Daa ge̱, u sudk a̱n com uhyan, a hwauz ta̱m o. U comuz ta̱m ge̱ ahyan hwe̱di. An le̱knan lo ba̱a̱ka̱lk ta̱m na̱, a be̱se̱ a hweela̱l ahyan.
6“Ai retin la waava̱n ba̱ta̱d ru uda̱n, un u rein tu to̱n kusku, u comt bo̱ ta̱m o. U zeka, tade̱e̱da ta hwenga kaa waav ri.
7“An le̱k zeta bo̱ a̱n a̱n'na̱n a̱n'na̱, ‘I waav nu'bu hna. I unwa a̱n tu buka gaad u'bela. Noka na c hwaa na o bat belu tu soot u co.’ 8A sipk la o a hoka. A dukuku ta̱m o a̱n rigt nu'bela.
9“A̱n he̱nu no, iye̱ a̱n kanubel tu ema? Tu han u hweela̱l an le̱k nane. U be̱se̱ ta̱m u kab u'bel u nes neta̱n hyan. 10A̱n ta po̱g a̱n ge̱nsa̱n lalks Na'Sil az,
“ ‘Taarda̱n maaga̱n ha̱line,
a da̱nda a̱n vaakin
taara̱d d'kaak da?
11I emu Na'Sil hna.
I rihica̱ c'he̱t la baa cinna.’ ”#12:11 Go̱t ta̱m: Zab 118:22-23.
12Hwenga̱nc Yahude̱n to̱nk be̱ hwe̱di a sip o. Rema̱n a napk kwe̱ az i na̱nna u tanain a̱n hwennsac ne. A el la kaa a̱n gelk netna. A lagt bo̱ o a to̱o̱k a̱n c'na̱.
Lalkun tala
(Mat 22:15-22; Luk 20:20-26)
13A cukk ta̱m ahyan lanma̱n buga̱d an la̱a̱sa̱m na s'giira a neta̱n He̱ro̱d ne. I bat ta kum rina̱n ta sipt Ye̱so awaz u habsk u vatk rihi i naake. 14Aa cetine, a zeka o, “Kan la̱a̱sa̱m na, c napk az a̱v el ta̱'v vat m'ga̱u. A̱v zatta ta̱m gela̱v noc da. A̱v zatta ta̱m c'ka̱a̱ka̱nsi da. A̱v el ta̱m ta̱'v la̱a̱sa̱ na lalks Na'Sil honhono. I hwennka na cop Kaisar tale? Na cope alla a na cop la da?”
15Ai retin la Ye̱so baask u napk keka̱bs na̱, u ipkk na̱, “I rema̱n ye̱ a̱n retina̱n taksa̱m ri? Noktva na m kind a̱m he̱nte.”
16A nokta̱vta bo̱ o kindine. U ipkt bo̱ na̱, “I hyo̱o̱m we̱ ha̱n a dind we̱n i ciini?”
A se̱sk o, “I Kaisar.”
17Ye̱so zeta bo̱ na̱, “Nes na Kaisar rina̱n rein i Kaisar. A̱n nes A'Sil ta̱m rina̱n rein i Na'Sila̱.”
A̱n'a kwe̱ a sipk a'nwa̱a̱ rema̱n ho̱da̱na̱n u se̱stine.
Lalkun po̱to̱so̱m an wa̱ine
(Mat 22:23-33; Luk 20:27-40)
18Sadusini, an ta se̱sin az a na wa̱a̱ Sila ta po̱to̱so̱ na a̱n d'hwen da, a nokka baa Ye̱so. A ipkk o,#12:18 Go̱t ta̱m: YCCo 23:8. 19“Kan la̱a̱sa̱m na lalks Na'Sila̱, Mosa ge̱ne̱ke̱ na az a ha̱n noc wa̱a̱ u lag netav ru a ta mat da, ha̱nu so̱t netaune bat tu me̱te̱ o akna.#12:19 Go̱t ta̱m: Rsgi 25:5. 20De̱ha̱n a̱rma̱n lak nu'ha̱nu na̱nna i'tan'ila̱. Magaza̱v na̱ kwe̱, u gaak neta, u wa̱uz a ta uvt a matt da. 21Un tu gaba o so̱tuz netaune. Unwa ta̱m u uk a ta mat da. Taanl ta̱m u v'ta̱ccu.
22“I cek na̱nna kwe̱ i'tan'ila̱, a gaak netaune. A̱n na kum la un matin a unwan da. A̱n d'be̱se̱, netaune, unwa ta̱m u uku. 23Daava̱n Sila ta po̱to̱sto̱ an wa̱ini, i unwa netav we̱ baa na̱? Rema̱n na̱nna i'tan'il kwe̱ a gaak o.”
24Ye̱so se̱sk na̱, “Habsa̱d no i rema̱n a̱n ta nap ge̱nsa̱n lalks Na'Sil a we̱sa̱m Na'Sil a̱n da. 25Hweda̱n Sila ta po̱to̱sto̱ an wa̱ini, lalk c'ga̱i za da. A ta gyiiti na da, a nan gyiitva̱ la na̱ da. Ta soot ho̱d comta̱nc Na'Sil an rein a̱nmi na'cona. 26A na tana ta̱m da̱n po̱to̱so̱m an wa̱in a̱n d'hwen. A̱n ta po̱g ho a̱n ge̱nsa̱n taka̱llak Mosa da? Daava̱n Sila iga̱mstin o a̱nmin d'gaga? A zeka o, ‘I mi Sila Ibrahi, Isaaku a Yakubun da?’#12:26 Go̱t ta̱m: U'Rwa̱ 3:6. 27Sila za Sila neta̱n uk da. I Sila neta̱n po̱tke. Rema̱n taanlo, a̱n el a̱n damra d'habse.”
Giira so̱dk kwe̱
(Mat 22:34-40; Luk 10:25-28)
28Da̱nv an la̱a̱sa̱m na s'giira haka. Au hongtin Sadusin a̱n buum s'lan a̱n a̱n'na̱n a̱n'na̱, u ke̱e̱se̱z az Ye̱so se̱sk na̱ i kasi. U ipkt bo̱ Ye̱so, “Iye̱ giirawa a̱n rein u so̱dk kwe̱?”
29Ye̱so se̱sk la o, “Giirauna̱n so̱din kwe̱ zeka, ‘Gan na u'con nwaa an Isra'ila. Kan Go̱mca̱n Kooye̱, Sila cinna, i uda̱n c'taa. 30To̱n Sila rov a̱n de̱bc rov kwe̱, a hora̱md rov no, a keka̱bs rova̱n kwe̱, a geda̱n we̱sa̱m rova̱n ta̱m kwe̱.’ 31U v'illa̱ el ta̱m ho̱d uhna, ‘To̱n kan e̱s rov ho̱da̱na̱n v to̱ntin hid rovo.’ Giiras za ta̱m sa̱n so̱din o̱p sa̱ha̱n da.”#12:31 Go̱t ta̱m: Ggdk 19:18.
32Kan la̱a̱sa̱m na s'giira zeta bo̱ Ye̱so, “I m'ga̱u, kan la̱a̱sa̱m na lalks Na'Sila̱. A̱v vatk honhon av zetin az i A'Sil a'da̱nka̱ a̱n reine. Ahyan za ta̱m da a za na̱nna c'taa da. 33A noc to̱n A'Sil a̱n de̱bc ru kwe̱, u to̱n na̱ geda̱n we̱sa̱m ru a keka̱bs ru nu, u to̱n ta̱m kan e̱s ru ho̱da̱na̱n u to̱ntin hid ru, i pa̱tk sakuna̱n tu ema A'Sil kwe̱.”
34An Ye̱so hongtin u se̱sk o i kasi, u zeka o, “A̱v bo̱pk a̱n uv a̱n go̱mc Na'Sila̱.”
An ta̱da̱ha̱n to̱o̱tine, a̱n na kum ta̱m noc hyan un kumin a̱ra̱mca̱n ipka̱m Ye̱so rihi hyan da.
Iwe̱ a̱n rein Ka̱risti
(Mat 22:41-46; Luk 20:41-44)
35Ye̱so emt bo̱ s'lalk au retina̱n la̱a̱sa̱m na̱ a̱n gwen un buuk Na'Sila̱. U ipkk na̱, “I rema̱n ye̱ a̱n an la̱a̱sa̱m na s'giira zetin az Ka̱risti i waav Dauda? 36Go̱t la Dauda a̱n hid ru u vatk a̱n we̱sma̱n Hora̱mda̱n zattin ri d'reb da. U zeka,
“ ‘Sila zeka Kan buu ri,
“soot a̱n kabva̱n koma s'to̱o̱ a ri,
i cet a̱m de̱l a̱v pa̱t
we̱sa̱m an ha̱lc rovo.” ’
37Dauda a̱n hid ru, u po̱gk o, ‘Kanubu.’ I'le̱e̱le̱ kaa i taktain u soott ta̱m waav ru?”
Bugda̱n netnanan hongin o, a emk c'za̱ngkta̱ hwe̱di.
Na e̱l la̱a̱ss an la̱a̱sa̱m na s'giira
(Mat 23:1-36; Luk 20:45-47)
38An Ye̱so latina̱n la̱a̱sa̱m na̱, u zeka, “Gab na bo̱ sasa a an la̱a̱sa̱m na s'giira na. A el ta to̱n paam c'baa a kusa̱m zisma̱n a'to̱po̱. Ta to̱n ta̱m na po̱o̱so̱ na̱ a̱n baaca̱ s'yo̱po. 39A el ta to̱n ta̱m baaca̱ d'sooc c so̱dk a̱nmin ka̱bca̱n kargac Yahude̱ne̱ a baad d'he̱t ne̱. 40I na̱nna a̱n rein ta hitksa̱ bomsne, rema̱n yangsa̱m s'naa la, a el ta gos hwe̱di a̱n s'cepko. Goon netna ha̱n nan pa̱t a̱n vena̱m na̱.”
Ho̱sa̱m Bomse
(Luk 21:1-4)
41Ye̱so lak a'soot a̱nmin buuk Na'Sil tu go̱tto rida̱n nan de̱lt m'ho̱so̱. U he̱n-he̱n a nu'kum a̱n de̱lma̱n kind hwe̱di-hwe̱di. 42Na el taanlo, go̱to̱ kob boms nokka u de̱lko c'ko̱bo̱ c'il c'taa.
43Ye̱so po̱gto̱ bo̱ an la̱a̱s baa ru. U zeka na̱, “A̱n he̱nko kob bomsun le? Lag na a̱m ve̱ce̱te̱ no m'ga̱u. Rina̱n u de̱lin pa̱tk rina̱n koowe̱ de̱lin tahna. 44Rema̱n na̱nna kwe̱ a zo̱ko̱-zo̱ko̱ ca̱nmi baan kumu na̱. Neta uha̱n la, a̱nmin robamad ru, u de̱lko geda̱n rina̱n u ciin kwe̱. Geda̱n rihica̱n u ciin a̱n nocurimuc ru.”
ទើបបានជ្រើសរើសហើយ៖
Markus 12: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Markus 12
12
An le̱kun belu s'ce
(Mat 21:33-46; Luk 20:9-19)
1Ye̱so takaz emam na̱ s'lalk a̱n c'hwennsa. U zeka, “I a̱ra̱m a̱n gwain belu s'ce, u ag o kwe̱ a̱n gagne. U emk ta̱m baada̱n mo̱dma̱n yaana. U maa ta̱m sakad s'regdo. U le̱gse̱z kaa an le̱ko. U to̱uz u baal m'naka.#12:1 Go̱t ta̱m: Isa 5:1-2. 2An daav emtine, u comk coka̱v ru baa an o̱min le̱k nu'bel bat tu kabva o yobu ru baan rina̱n na kumine. 3An le̱k sipk la cokune a buuk o s'bii, a cuk ta̱m o u to̱o̱ c'kom-c'koma. 4Kanubel sudt bo̱ ta̱m a̱n com cok hyan. A sipk o ta̱m a buuku, a be̱se̱ a kel o d'hi a lag o m'e̱n-m'e̱n. 5V'Daa ge̱, u sudk a̱n com uhyan, a hwauz ta̱m o. U comuz ta̱m ge̱ ahyan hwe̱di. An le̱knan lo ba̱a̱ka̱lk ta̱m na̱, a be̱se̱ a hweela̱l ahyan.
6“Ai retin la waava̱n ba̱ta̱d ru uda̱n, un u rein tu to̱n kusku, u comt bo̱ ta̱m o. U zeka, tade̱e̱da ta hwenga kaa waav ri.
7“An le̱k zeta bo̱ a̱n a̱n'na̱n a̱n'na̱, ‘I waav nu'bu hna. I unwa a̱n tu buka gaad u'bela. Noka na c hwaa na o bat belu tu soot u co.’ 8A sipk la o a hoka. A dukuku ta̱m o a̱n rigt nu'bela.
9“A̱n he̱nu no, iye̱ a̱n kanubel tu ema? Tu han u hweela̱l an le̱k nane. U be̱se̱ ta̱m u kab u'bel u nes neta̱n hyan. 10A̱n ta po̱g a̱n ge̱nsa̱n lalks Na'Sil az,
“ ‘Taarda̱n maaga̱n ha̱line,
a da̱nda a̱n vaakin
taara̱d d'kaak da?
11I emu Na'Sil hna.
I rihica̱ c'he̱t la baa cinna.’ ”#12:11 Go̱t ta̱m: Zab 118:22-23.
12Hwenga̱nc Yahude̱n to̱nk be̱ hwe̱di a sip o. Rema̱n a napk kwe̱ az i na̱nna u tanain a̱n hwennsac ne. A el la kaa a̱n gelk netna. A lagt bo̱ o a to̱o̱k a̱n c'na̱.
Lalkun tala
(Mat 22:15-22; Luk 20:20-26)
13A cukk ta̱m ahyan lanma̱n buga̱d an la̱a̱sa̱m na s'giira a neta̱n He̱ro̱d ne. I bat ta kum rina̱n ta sipt Ye̱so awaz u habsk u vatk rihi i naake. 14Aa cetine, a zeka o, “Kan la̱a̱sa̱m na, c napk az a̱v el ta̱'v vat m'ga̱u. A̱v zatta ta̱m gela̱v noc da. A̱v zatta ta̱m c'ka̱a̱ka̱nsi da. A̱v el ta̱m ta̱'v la̱a̱sa̱ na lalks Na'Sil honhono. I hwennka na cop Kaisar tale? Na cope alla a na cop la da?”
15Ai retin la Ye̱so baask u napk keka̱bs na̱, u ipkk na̱, “I rema̱n ye̱ a̱n retina̱n taksa̱m ri? Noktva na m kind a̱m he̱nte.”
16A nokta̱vta bo̱ o kindine. U ipkt bo̱ na̱, “I hyo̱o̱m we̱ ha̱n a dind we̱n i ciini?”
A se̱sk o, “I Kaisar.”
17Ye̱so zeta bo̱ na̱, “Nes na Kaisar rina̱n rein i Kaisar. A̱n nes A'Sil ta̱m rina̱n rein i Na'Sila̱.”
A̱n'a kwe̱ a sipk a'nwa̱a̱ rema̱n ho̱da̱na̱n u se̱stine.
Lalkun po̱to̱so̱m an wa̱ine
(Mat 22:23-33; Luk 20:27-40)
18Sadusini, an ta se̱sin az a na wa̱a̱ Sila ta po̱to̱so̱ na a̱n d'hwen da, a nokka baa Ye̱so. A ipkk o,#12:18 Go̱t ta̱m: YCCo 23:8. 19“Kan la̱a̱sa̱m na lalks Na'Sila̱, Mosa ge̱ne̱ke̱ na az a ha̱n noc wa̱a̱ u lag netav ru a ta mat da, ha̱nu so̱t netaune bat tu me̱te̱ o akna.#12:19 Go̱t ta̱m: Rsgi 25:5. 20De̱ha̱n a̱rma̱n lak nu'ha̱nu na̱nna i'tan'ila̱. Magaza̱v na̱ kwe̱, u gaak neta, u wa̱uz a ta uvt a matt da. 21Un tu gaba o so̱tuz netaune. Unwa ta̱m u uk a ta mat da. Taanl ta̱m u v'ta̱ccu.
22“I cek na̱nna kwe̱ i'tan'ila̱, a gaak netaune. A̱n na kum la un matin a unwan da. A̱n d'be̱se̱, netaune, unwa ta̱m u uku. 23Daava̱n Sila ta po̱to̱sto̱ an wa̱ini, i unwa netav we̱ baa na̱? Rema̱n na̱nna i'tan'il kwe̱ a gaak o.”
24Ye̱so se̱sk na̱, “Habsa̱d no i rema̱n a̱n ta nap ge̱nsa̱n lalks Na'Sil a we̱sa̱m Na'Sil a̱n da. 25Hweda̱n Sila ta po̱to̱sto̱ an wa̱ini, lalk c'ga̱i za da. A ta gyiiti na da, a nan gyiitva̱ la na̱ da. Ta soot ho̱d comta̱nc Na'Sil an rein a̱nmi na'cona. 26A na tana ta̱m da̱n po̱to̱so̱m an wa̱in a̱n d'hwen. A̱n ta po̱g ho a̱n ge̱nsa̱n taka̱llak Mosa da? Daava̱n Sila iga̱mstin o a̱nmin d'gaga? A zeka o, ‘I mi Sila Ibrahi, Isaaku a Yakubun da?’#12:26 Go̱t ta̱m: U'Rwa̱ 3:6. 27Sila za Sila neta̱n uk da. I Sila neta̱n po̱tke. Rema̱n taanlo, a̱n el a̱n damra d'habse.”
Giira so̱dk kwe̱
(Mat 22:34-40; Luk 10:25-28)
28Da̱nv an la̱a̱sa̱m na s'giira haka. Au hongtin Sadusin a̱n buum s'lan a̱n a̱n'na̱n a̱n'na̱, u ke̱e̱se̱z az Ye̱so se̱sk na̱ i kasi. U ipkt bo̱ Ye̱so, “Iye̱ giirawa a̱n rein u so̱dk kwe̱?”
29Ye̱so se̱sk la o, “Giirauna̱n so̱din kwe̱ zeka, ‘Gan na u'con nwaa an Isra'ila. Kan Go̱mca̱n Kooye̱, Sila cinna, i uda̱n c'taa. 30To̱n Sila rov a̱n de̱bc rov kwe̱, a hora̱md rov no, a keka̱bs rova̱n kwe̱, a geda̱n we̱sa̱m rova̱n ta̱m kwe̱.’ 31U v'illa̱ el ta̱m ho̱d uhna, ‘To̱n kan e̱s rov ho̱da̱na̱n v to̱ntin hid rovo.’ Giiras za ta̱m sa̱n so̱din o̱p sa̱ha̱n da.”#12:31 Go̱t ta̱m: Ggdk 19:18.
32Kan la̱a̱sa̱m na s'giira zeta bo̱ Ye̱so, “I m'ga̱u, kan la̱a̱sa̱m na lalks Na'Sila̱. A̱v vatk honhon av zetin az i A'Sil a'da̱nka̱ a̱n reine. Ahyan za ta̱m da a za na̱nna c'taa da. 33A noc to̱n A'Sil a̱n de̱bc ru kwe̱, u to̱n na̱ geda̱n we̱sa̱m ru a keka̱bs ru nu, u to̱n ta̱m kan e̱s ru ho̱da̱na̱n u to̱ntin hid ru, i pa̱tk sakuna̱n tu ema A'Sil kwe̱.”
34An Ye̱so hongtin u se̱sk o i kasi, u zeka o, “A̱v bo̱pk a̱n uv a̱n go̱mc Na'Sila̱.”
An ta̱da̱ha̱n to̱o̱tine, a̱n na kum ta̱m noc hyan un kumin a̱ra̱mca̱n ipka̱m Ye̱so rihi hyan da.
Iwe̱ a̱n rein Ka̱risti
(Mat 22:41-46; Luk 20:41-44)
35Ye̱so emt bo̱ s'lalk au retina̱n la̱a̱sa̱m na̱ a̱n gwen un buuk Na'Sila̱. U ipkk na̱, “I rema̱n ye̱ a̱n an la̱a̱sa̱m na s'giira zetin az Ka̱risti i waav Dauda? 36Go̱t la Dauda a̱n hid ru u vatk a̱n we̱sma̱n Hora̱mda̱n zattin ri d'reb da. U zeka,
“ ‘Sila zeka Kan buu ri,
“soot a̱n kabva̱n koma s'to̱o̱ a ri,
i cet a̱m de̱l a̱v pa̱t
we̱sa̱m an ha̱lc rovo.” ’
37Dauda a̱n hid ru, u po̱gk o, ‘Kanubu.’ I'le̱e̱le̱ kaa i taktain u soott ta̱m waav ru?”
Bugda̱n netnanan hongin o, a emk c'za̱ngkta̱ hwe̱di.
Na e̱l la̱a̱ss an la̱a̱sa̱m na s'giira
(Mat 23:1-36; Luk 20:45-47)
38An Ye̱so latina̱n la̱a̱sa̱m na̱, u zeka, “Gab na bo̱ sasa a an la̱a̱sa̱m na s'giira na. A el ta to̱n paam c'baa a kusa̱m zisma̱n a'to̱po̱. Ta to̱n ta̱m na po̱o̱so̱ na̱ a̱n baaca̱ s'yo̱po. 39A el ta to̱n ta̱m baaca̱ d'sooc c so̱dk a̱nmin ka̱bca̱n kargac Yahude̱ne̱ a baad d'he̱t ne̱. 40I na̱nna a̱n rein ta hitksa̱ bomsne, rema̱n yangsa̱m s'naa la, a el ta gos hwe̱di a̱n s'cepko. Goon netna ha̱n nan pa̱t a̱n vena̱m na̱.”
Ho̱sa̱m Bomse
(Luk 21:1-4)
41Ye̱so lak a'soot a̱nmin buuk Na'Sil tu go̱tto rida̱n nan de̱lt m'ho̱so̱. U he̱n-he̱n a nu'kum a̱n de̱lma̱n kind hwe̱di-hwe̱di. 42Na el taanlo, go̱to̱ kob boms nokka u de̱lko c'ko̱bo̱ c'il c'taa.
43Ye̱so po̱gto̱ bo̱ an la̱a̱s baa ru. U zeka na̱, “A̱n he̱nko kob bomsun le? Lag na a̱m ve̱ce̱te̱ no m'ga̱u. Rina̱n u de̱lin pa̱tk rina̱n koowe̱ de̱lin tahna. 44Rema̱n na̱nna kwe̱ a zo̱ko̱-zo̱ko̱ ca̱nmi baan kumu na̱. Neta uha̱n la, a̱nmin robamad ru, u de̱lko geda̱n rina̱n u ciin kwe̱. Geda̱n rihica̱n u ciin a̱n nocurimuc ru.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019