Markus 11
11
Ye̱so uvk le̱in Urisalima ho̱d go̱mo̱
(Mat 21:1-11; Luk 19:28-40; Yoh 12:12-19)
1Ye̱so a an la̱a̱s baa run cek koma̱n le̱e̱ma̱n Betafeji a Betanin, paata̱n Se̱mka̱n Cesa̱n O̱lif. Aa bo̱ptina̱n caa le̱in Urisalima, Ye̱so comk an la̱a̱s baa ru i'ila̱. 2U zeka na̱, “Nok na a̱n le̱ina̱n rein a̱n hwic cinna. An caa, a̱ndaabe a̱n ta̱n he̱n waa'jank a'gag un noc ta takina̱n sak a̱n unwa da. Buta̱ na o a̱n nokta. 3A noc ipk no rina̱n de̱lin a̱n lat a̱n buta̱m ru, ze na o, ‘I Kanubu a̱n reina̱n to̱na̱m ru. A ti gos da a̱n nan doogta ta̱m o.’ ”
4An la̱a̱s nane i'il nok a gatko la d'waa jank a'gag a̱n ha̱ta̱nka̱nca̱n isa nu'bu. A butta̱ bo̱ la da̱. 5An lain a'es a̱n a̱n'a ipkt bo̱ na̱, “Iye̱ a̱n retina̱n buta̱m d'waa janka?”
6A se̱sk la na̱ ho̱da̱na̱n Ye̱so zetin na̱. A lagt bo̱ na̱ a to̱o̱ko̱. 7Aa cettain d'waa jank baa Ye̱so, a se̱ka̱lke̱ kusa̱m na̱ a̱n cind waa'jank da̱ne. Ye̱so sakt bo̱ a̱n da̱nda. 8Neta̱n hwe̱di heeska kusa̱m na̱ a̱n k'le̱ve̱. Ahyan sa̱ta̱mka̱ ta̱m c'vaa a heeska ca̱ a̱n k'le̱ve̱.
9An rein a̱n hwici a an dim na̱, a ze̱lk s'godo a zeka,
“C'Bo̱m baa Na'Sila̱!
Sila emaka kan
nokain a̱n dind Na'Sila̱.”
10“Sila ema go̱mc ceta cinna Dauda.”
“C'Bo̱m baa Na'Sil a̱nz a'con zo.”
11A̱n daava̱n lo, Ye̱so uvk a̱n le̱in Urisalima. U danguz u uv a̱n buuk Na'Sila̱. Au go̱ttin c'rihi kwe̱, ai retin ta̱m rima tudku, u rut bo̱ u havt le̱in Betani d'kut a an la̱a̱s baa run oopa ni'ila̱.
Ye̱so emaka ceun remba s'nwa̱a̱
(Mat 21:18-19)
12Na̱m'zanta, aa latain lanma̱n le̱in Betani, merk la̱a̱k Ye̱so. 13Au he̱ntoin ceun remba m'nak c'vaa firim, u ceka na̱m'ze az tu kum c'remba. Au cetain la baan ceune, u ta gita̱ rihi da a za c'vaa da. Rema̱n daava̱n rembac ca̱n matt ta hwesa em da. 14Ye̱so zeta bo̱ ceune, “Noc au sud ta̱m a̱n ryaa yaanc rov da d'kala.”
An la̱a̱s baa ru hongk la rina̱n u zeine.
Ye̱so vogk a s'yo̱p a̱n buuk Na'Sila̱
(Mat 21:12-17; Luk 19:45-48; Yoh 2:13-22)
15Aa cetain le̱in Urisalima, Ye̱so uvk a̱nmin gwen un buuk Na'Sila̱. U takaz vegla̱m an reina̱n s'yo̱p a̱n a̱n'a. U panka̱lska zegac an se̱sa̱n kind c'ga̱lha̱ngna̱ a dotac an reina̱n babeda̱n gorba̱n na. 16U ta lag ta̱m noc em s'yo̱p a̱n gwen un buuk Na'Sil da. 17Au latina̱n la̱a̱sa̱m na̱, u zeka, “Lalks Na'Sil zek az, ‘Copca̱n copun yanda̱ha̱n kwe̱ ca̱n po̱g buu ri, buuka̱ s'cepko,’#11:17 Go̱t ta̱m: Isa 56:7; Je̱r 7:11. Nwaa la a̱n vaakska ka̱ baada̱n pagc hivni.”
18C'Hwengnan ka̱bd Na'Sil a an la̱a̱sa̱m na s'giiran hongt bo̱ rina̱n Ye̱so zeine. A takaz hoba̱n le̱vsa̱n ta hot o. A el la a̱n gela̱v ru, ai retin neta̱n kwe̱ a sipk a'nwa̱a̱ rema̱n la̱a̱ss ru. 19An rima tudtine, Ye̱so a an la̱a̱s baa run to̱o̱k a lagk le̱ine.
La̱a̱s a̱n ceun remba
(Mat 21:20-22)
20Na̱m'zanta, aa latin ta to̱o̱-to̱o̱, a he̱nk ceun rembaun lo ho̱o̱k kau lanma̱n ga̱a̱rs ru. 21An Bitrus bakastaine, u zeka Ye̱so, “Kan la̱a̱sa̱m na, go̱t ceun remba u'na̱n v emain s'nwa̱a̱, u ho̱o̱k kau.”
22Ye̱so se̱st bo̱, “Bat na d'ba̱t baa Na'Sila̱. 23Lag na a̱m ve̱ce̱te̱ no m'ga̱u. Koowe̱ a̱n batin d'ba̱t baa Na'Sila̱, u ta em ta̱m u'hevkehevke a̱n de̱bc ru da, au ze se̱mka̱ ha̱n, ‘Vuga̱nna̱ v kobo a̱nmi m'saa.’ Ti em la ho̱da̱na̱n u zetine. 24Kooye̱ a̱n konin A'Sil a̱n s'cepko, bat na d'ba̱t az a̱n baask a̱n kabka, ti soot i no. 25An hwesa s'cepko, awaz a̱n ci noc a̱n c'de̱be̱, kwisi na o. I bat ceta no un rein a̱nmi na'con unwa ta̱ma̱, tu kwisi no ko̱tc no. [26An ta kwisi la neta̱n ko̱tc na̱ da, Ceta no un rein a̱nmi na'con a ta kwisi la no ko̱tc no da.”]#11:26 Ge̱nke̱-ge̱nke̱ c hyan zatta za̱tva̱n 26 da.
Ipe̱ a̱n we̱sa̱m Ye̱so rwa̱ini
(Mat 21:23-27; Luk 20:1-8)
27Ye̱so a an la̱a̱s baa run sudk a̱n hav a̱n le̱in Urisalima. Au latin na'ha̱gc a̱n gwen un buuk Na'Sila̱, c'hwengnan ka̱bd Na'Sil a an la̱a̱sa̱m na s'giira a hwenga̱nc Yahude̱n nokka baa ru. 28A ipkk o, “Iwe̱ a̱n ne̱in v we̱sma̱n emma̱n rihica̱ hna?”
29Ye̱so se̱sk la na̱, “Mi la ta̱'m ipk no ipk uda̱nka̱. An se̱s me, mi la ba̱ri ta̱'m ve̱ce̱ no kan ne̱in m we̱sma̱n emma̱n rihica̱ hna. 30I Silan ne̱in Yohana we̱sma̱n emam na Baptisma alla i neta̱nrima? Se̱s na me.”
31A zeka a̱n a̱n'na̱n a̱n'na̱, “Ac ze na az i A'Sila̱. Tu ze, ‘I rema̱n ye̱ a̱n ta kabtin lalks ru da?’ 32Ac ze na ta̱m az, i neta̱nrima.”
A el na̱v'gel az neta̱n ta bonga̱l na̱. Rema̱n neta̱n o̱mk az Yohana i k'barav Na'Sil u m'ga̱u.
33A se̱st bo̱ o, “Ca nap bo̱ da.”
Ye̱so zeta bo̱ la na̱, “Mi la, a ta̱'m ve̱ce̱ no kan ne̱in m we̱sma̱n emma̱n rihica̱ ha̱n da.”
ទើបបានជ្រើសរើសហើយ៖
Markus 11: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Markus 11
11
Ye̱so uvk le̱in Urisalima ho̱d go̱mo̱
(Mat 21:1-11; Luk 19:28-40; Yoh 12:12-19)
1Ye̱so a an la̱a̱s baa run cek koma̱n le̱e̱ma̱n Betafeji a Betanin, paata̱n Se̱mka̱n Cesa̱n O̱lif. Aa bo̱ptina̱n caa le̱in Urisalima, Ye̱so comk an la̱a̱s baa ru i'ila̱. 2U zeka na̱, “Nok na a̱n le̱ina̱n rein a̱n hwic cinna. An caa, a̱ndaabe a̱n ta̱n he̱n waa'jank a'gag un noc ta takina̱n sak a̱n unwa da. Buta̱ na o a̱n nokta. 3A noc ipk no rina̱n de̱lin a̱n lat a̱n buta̱m ru, ze na o, ‘I Kanubu a̱n reina̱n to̱na̱m ru. A ti gos da a̱n nan doogta ta̱m o.’ ”
4An la̱a̱s nane i'il nok a gatko la d'waa jank a'gag a̱n ha̱ta̱nka̱nca̱n isa nu'bu. A butta̱ bo̱ la da̱. 5An lain a'es a̱n a̱n'a ipkt bo̱ na̱, “Iye̱ a̱n retina̱n buta̱m d'waa janka?”
6A se̱sk la na̱ ho̱da̱na̱n Ye̱so zetin na̱. A lagt bo̱ na̱ a to̱o̱ko̱. 7Aa cettain d'waa jank baa Ye̱so, a se̱ka̱lke̱ kusa̱m na̱ a̱n cind waa'jank da̱ne. Ye̱so sakt bo̱ a̱n da̱nda. 8Neta̱n hwe̱di heeska kusa̱m na̱ a̱n k'le̱ve̱. Ahyan sa̱ta̱mka̱ ta̱m c'vaa a heeska ca̱ a̱n k'le̱ve̱.
9An rein a̱n hwici a an dim na̱, a ze̱lk s'godo a zeka,
“C'Bo̱m baa Na'Sila̱!
Sila emaka kan
nokain a̱n dind Na'Sila̱.”
10“Sila ema go̱mc ceta cinna Dauda.”
“C'Bo̱m baa Na'Sil a̱nz a'con zo.”
11A̱n daava̱n lo, Ye̱so uvk a̱n le̱in Urisalima. U danguz u uv a̱n buuk Na'Sila̱. Au go̱ttin c'rihi kwe̱, ai retin ta̱m rima tudku, u rut bo̱ u havt le̱in Betani d'kut a an la̱a̱s baa run oopa ni'ila̱.
Ye̱so emaka ceun remba s'nwa̱a̱
(Mat 21:18-19)
12Na̱m'zanta, aa latain lanma̱n le̱in Betani, merk la̱a̱k Ye̱so. 13Au he̱ntoin ceun remba m'nak c'vaa firim, u ceka na̱m'ze az tu kum c'remba. Au cetain la baan ceune, u ta gita̱ rihi da a za c'vaa da. Rema̱n daava̱n rembac ca̱n matt ta hwesa em da. 14Ye̱so zeta bo̱ ceune, “Noc au sud ta̱m a̱n ryaa yaanc rov da d'kala.”
An la̱a̱s baa ru hongk la rina̱n u zeine.
Ye̱so vogk a s'yo̱p a̱n buuk Na'Sila̱
(Mat 21:12-17; Luk 19:45-48; Yoh 2:13-22)
15Aa cetain le̱in Urisalima, Ye̱so uvk a̱nmin gwen un buuk Na'Sila̱. U takaz vegla̱m an reina̱n s'yo̱p a̱n a̱n'a. U panka̱lska zegac an se̱sa̱n kind c'ga̱lha̱ngna̱ a dotac an reina̱n babeda̱n gorba̱n na. 16U ta lag ta̱m noc em s'yo̱p a̱n gwen un buuk Na'Sil da. 17Au latina̱n la̱a̱sa̱m na̱, u zeka, “Lalks Na'Sil zek az, ‘Copca̱n copun yanda̱ha̱n kwe̱ ca̱n po̱g buu ri, buuka̱ s'cepko,’#11:17 Go̱t ta̱m: Isa 56:7; Je̱r 7:11. Nwaa la a̱n vaakska ka̱ baada̱n pagc hivni.”
18C'Hwengnan ka̱bd Na'Sil a an la̱a̱sa̱m na s'giiran hongt bo̱ rina̱n Ye̱so zeine. A takaz hoba̱n le̱vsa̱n ta hot o. A el la a̱n gela̱v ru, ai retin neta̱n kwe̱ a sipk a'nwa̱a̱ rema̱n la̱a̱ss ru. 19An rima tudtine, Ye̱so a an la̱a̱s baa run to̱o̱k a lagk le̱ine.
La̱a̱s a̱n ceun remba
(Mat 21:20-22)
20Na̱m'zanta, aa latin ta to̱o̱-to̱o̱, a he̱nk ceun rembaun lo ho̱o̱k kau lanma̱n ga̱a̱rs ru. 21An Bitrus bakastaine, u zeka Ye̱so, “Kan la̱a̱sa̱m na, go̱t ceun remba u'na̱n v emain s'nwa̱a̱, u ho̱o̱k kau.”
22Ye̱so se̱st bo̱, “Bat na d'ba̱t baa Na'Sila̱. 23Lag na a̱m ve̱ce̱te̱ no m'ga̱u. Koowe̱ a̱n batin d'ba̱t baa Na'Sila̱, u ta em ta̱m u'hevkehevke a̱n de̱bc ru da, au ze se̱mka̱ ha̱n, ‘Vuga̱nna̱ v kobo a̱nmi m'saa.’ Ti em la ho̱da̱na̱n u zetine. 24Kooye̱ a̱n konin A'Sil a̱n s'cepko, bat na d'ba̱t az a̱n baask a̱n kabka, ti soot i no. 25An hwesa s'cepko, awaz a̱n ci noc a̱n c'de̱be̱, kwisi na o. I bat ceta no un rein a̱nmi na'con unwa ta̱ma̱, tu kwisi no ko̱tc no. [26An ta kwisi la neta̱n ko̱tc na̱ da, Ceta no un rein a̱nmi na'con a ta kwisi la no ko̱tc no da.”]#11:26 Ge̱nke̱-ge̱nke̱ c hyan zatta za̱tva̱n 26 da.
Ipe̱ a̱n we̱sa̱m Ye̱so rwa̱ini
(Mat 21:23-27; Luk 20:1-8)
27Ye̱so a an la̱a̱s baa run sudk a̱n hav a̱n le̱in Urisalima. Au latin na'ha̱gc a̱n gwen un buuk Na'Sila̱, c'hwengnan ka̱bd Na'Sil a an la̱a̱sa̱m na s'giira a hwenga̱nc Yahude̱n nokka baa ru. 28A ipkk o, “Iwe̱ a̱n ne̱in v we̱sma̱n emma̱n rihica̱ hna?”
29Ye̱so se̱sk la na̱, “Mi la ta̱'m ipk no ipk uda̱nka̱. An se̱s me, mi la ba̱ri ta̱'m ve̱ce̱ no kan ne̱in m we̱sma̱n emma̱n rihica̱ hna. 30I Silan ne̱in Yohana we̱sma̱n emam na Baptisma alla i neta̱nrima? Se̱s na me.”
31A zeka a̱n a̱n'na̱n a̱n'na̱, “Ac ze na az i A'Sila̱. Tu ze, ‘I rema̱n ye̱ a̱n ta kabtin lalks ru da?’ 32Ac ze na ta̱m az, i neta̱nrima.”
A el na̱v'gel az neta̱n ta bonga̱l na̱. Rema̱n neta̱n o̱mk az Yohana i k'barav Na'Sil u m'ga̱u.
33A se̱st bo̱ o, “Ca nap bo̱ da.”
Ye̱so zeta bo̱ la na̱, “Mi la, a ta̱'m ve̱ce̱ no kan ne̱in m we̱sma̱n emma̱n rihica̱ ha̱n da.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019