Markus 13
13
Nan he̱e̱k buuk Na'Sila̱
(Mat 24:1-2; Luk 21:5-6)
1An Ye̱so latin tu rwa̱n-rwa̱n a̱n buuk Na'Sila̱, da̱nv an la̱a̱s baa ru ipkk o, “Kan la̱a̱sa̱m na lalks Na'Sila̱, keksa goon damran taarca̱ ha̱n a me̱le̱me̱le̱ca̱ ha̱nna̱n kwe̱ c'kasi-c'kasi.”
2Ye̱so se̱sk la o, “A̱n he̱nk damran me̱le̱me̱le̱ ca̱hne? Nan zuta̱sa̱ ca̱ kwe̱. A nan lag ta̱m d'taar a̱n cona da̱ hyan da̱n na zain a̱n kobta da.”
D'O̱so̱mo̱ a ryaaka̱ d'kob na
(Mat 24:3-14; Luk 21:7-19)
3An Ye̱so latin ta̱m a'soot a̱n Se̱mka̱n Cesa̱n O̱lif ka̱n rein ka̱n go̱tto buuk Na'Sila̱, Bitrus, Yakub, Yohana a̱n Andarawus, a nokka a ipkk o m'ze̱se̱. A zeka, 4“Ve̱ce̱ co. I nama a̱n nan em rihica̱ hna? Iye̱ a̱n ti kwesa az daava̱n nan emt ca̱ bo̱pk m'can?”
5Ye̱so se̱sk na̱, “Gab na sasa. A noc palk la no da. 6A̱m ryaa-ryaa no bena. Rema̱n neta̱n hwe̱di ta han a̱n dind ri. Ta ze no, ‘I mi a̱n rein Ka̱risti.’ Ta yangs la neta̱n hwe̱di. 7Daava̱n ta̱n hongt ganca̱m d'gaag a̱n c'baa hwe̱di a honga-hongasa̱ d'gaag no, a de̱bc naa la no da. I ke̱ng na em goon rihica̱ hna. Za d'be̱se̱ bo̱ la da. 8Copu tu gudgva̱ copu hyan. C'Go̱m ta̱m ca̱n gudgva̱ go̱mc hyan. Copu tu vigma̱lsi a̱n c'baa s'goo-s'goo. Nan em ta̱m mer a naam c'de̱ba̱n hwe̱di. Ta̱ca̱ha̱n kwe̱, i takada̱n ryaaka̱ d'koba.
9“Soot na a c'walg no. Rema̱n ta sav no baa ka̱nca̱n gedma̱n lalko. Ta buu no s'bii a̱nmin ka̱bca̱n kargad Yahude̱ne̱. Ta sav ta̱m no baa go̱mgo̱mno̱ a baa gwamna na, rem ri. I taanl a̱n ta̱n kumt ke̱e̱da̱n ve̱ce̱m na̱ da̱n mi. 10Ai be̱se̱d ceta la, i ke̱ng na ba̱s kasi lalk a̱nmin copun yanda̱ha̱n kwe̱. 11Daava̱n ta sipt no a sav no a̱n ka̱bda̱n gedma̱n lalko, an keka̱b la rina̱n ta̱n vat da. I Silan ta ne̱e̱ no rina̱n ta̱n vat a̱n ho̱rva̱n lo. Ai retin za nwaa a̱n ta̱n iga̱m da, i Hora̱mda̱n zattin ri d'reb da.
12“Noc tu be̱be̱ na ha̱nu na hote. Cetok ka̱n bab ta̱m waa. Aka̱n ta gudgva̱ an matin na̱ a de̱l ta̱m na hwaa na̱. 13Neta̱n kwe̱ ta ha̱l no rema̱n a̱n gabk me. Koowe̱ la a̱n gagin c'de̱b i caa d'be̱se̱, i unwa a̱n nan gwa̱a̱.
Nan ko̱pso̱ buuk Na'Sila̱
(Mat 24:15-28; Mar 13:14)
14“A̱n hweda̱n ta̱n he̱nt rihi naak in ti ko̱psso̱ buuk Na'Sil a'es va̱na̱n i ta ge̱be̱se̱in da, lag kan po̱ga̱m s'ge̱n ke̱e̱se̱. Lag na an rein a̱n copun Judiya som a caa c'se̱me̱.#13:14 Go̱t ta̱m: Dan 9:27; 11:31; 12:11. 15Kan rein ta̱m a̱n dwenkcei nu'bu, au ciza̱ la u uvt nu'buu u o̱mto̱ rihi da. 16Lag ta̱m kan rein nu'bel au gya̱n la rema̱n u o̱mto̱ kusi ru da.
17“Ti naa netananan ciin c'ubu a an ciin yaa'gyoza̱n a̱n hweca̱n lo. 18Em na s'cepk az a daava̱n lo soot la daava̱n yo̱o̱yo̱n da. 19Rema̱n a̱n hweca̱n lo, neta̱n ta ryaa goon kobda̱n a na takina̱n ryaa da lanma̱n takboda̱n rina̱n Sila emin kwe̱, i ceta daava̱ hna. A nan sud la a̱n em goon da̱nda da cakk. 20A za be̱ an Sila habksein hweca̱n lo rema̱n netnanan a dagin da, noc au po̱t be̱ da.
21“A̱n daava̱n lo, a noc ze no, ‘Go̱t ha̱n na Ka̱risti tahna.’ Alla, ‘Go̱tuz o a̱nzu.’ An kab la lalk ru da. 22Rema̱n Ka̱ristin a c'ko̱lo̱, a baranc Na'Sil a̱n a c'ko̱l ta noka a em ta̱m rihica̱ c'he̱t ca̱n-ca̱n de̱l neta̱n a̱n sipa̱m na'nwa̱a̱. Bat ai ema be̱, a yangs netna a an Sila dagin ne. 23Soot na a c'walg no. I rina̱n de̱lin bo̱ a̱m latina̱n ve̱ce̱m no rihica̱ ha̱n a̱nta̱ma̱, go̱t la daav ca̱ ta hwesa em da.
Vaakam Ye̱so
(Mat 24:36-44; Luk 21:25-28)
24“A hweca̱n kobda̱n lo to̱o̱, cumunkunni ti gweda d'hwen. Pe̱e̱t au za̱na̱sa̱ ta̱m da. 25Keba̱n ta kwebra̱lla. Rihica̱n rein ta̱m a'con kwe̱ ca̱n vigma̱lsi.
26“I a̱n daava̱n lo kaa a̱n koowe̱ tu he̱nt Waav Noc na̱m'ciza̱ lanm c'wec a damran we̱sma̱n c'go̱m a gwink run ta̱ma̱. 27Tu coma comta̱nc ru a karga̱vsa netnanan au dagin a̱nmin copun yanda̱ha̱n kwe̱.”
La̱a̱s a̱n ceun remba
(Mat 24:32-35; Luk 21:29-33)
28“Go̱t na ceun remba. Daava̱n tu pista̱, a̱n napk az siisiu bo̱pk a̱n can. 29I ho̱da̱n lo bo̱ nwaa ta̱ma̱, daava̱n ta̱n he̱nt rihica̱ ha̱n el na̱m'ema, nap na az daav ne ceka d'viivi. 30Lag na a̱m ve̱ce̱te̱ no m'ga̱u. Netnan daava̱ ha̱n a ta taa kwe̱ da a za na emk rihica̱ ha̱n da. 31A'Con a copun yanda̱ha̱nna̱n ta taa kwe̱. Lalks ri la, a sa̱n tak a̱n taa da cakk.
Noc ta nap d'hwen a v'daan da
(Mat 24:36-44)
32“Lalkun d'hwen a v'daa na, noc ta nap da. Za comta̱nc Na'Sil nanan rein a̱nmi na'con da. Waav Na'Sil unwa ta̱ma̱, u ta nap da. I K'Ceto c'taa a̱n napine. 33Rema̱n taanlo, an la̱v la da, soot na a c'walg no. Rema̱n a̱n ta nap v'daa da. 34Hanm Nocuna̱n rwa̱in lanm na'con el ho̱da̱n nocuna̱n unuin na̱m'baal m'naka. Au hwestain u'noko, u le̱gske̱ coka̱n ru go̱teca̱n buu ru. U we̱nkke̱ ta̱m na̱ a'yomko. U zeka ka s'rega̱d az u em s'rega̱d male.
35“An la̱v la da, rema̱n a̱n ta nap daava̱n kanubu tu vaakta da. Ai i na'rimi alla a̱n te̱kan gyope alla nu'pun alla ta̱m na̱m'zane? 36Rema̱n au vaaka la cunksi, u gita̱ v na̱m'la̱v da. 37Rina̱n m ve̱ce̱in no, i inya a̱m ve̱ce̱in koowe̱. Soot na a c'walg no.”
ទើបបានជ្រើសរើសហើយ៖
Markus 13: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Markus 13
13
Nan he̱e̱k buuk Na'Sila̱
(Mat 24:1-2; Luk 21:5-6)
1An Ye̱so latin tu rwa̱n-rwa̱n a̱n buuk Na'Sila̱, da̱nv an la̱a̱s baa ru ipkk o, “Kan la̱a̱sa̱m na lalks Na'Sila̱, keksa goon damran taarca̱ ha̱n a me̱le̱me̱le̱ca̱ ha̱nna̱n kwe̱ c'kasi-c'kasi.”
2Ye̱so se̱sk la o, “A̱n he̱nk damran me̱le̱me̱le̱ ca̱hne? Nan zuta̱sa̱ ca̱ kwe̱. A nan lag ta̱m d'taar a̱n cona da̱ hyan da̱n na zain a̱n kobta da.”
D'O̱so̱mo̱ a ryaaka̱ d'kob na
(Mat 24:3-14; Luk 21:7-19)
3An Ye̱so latin ta̱m a'soot a̱n Se̱mka̱n Cesa̱n O̱lif ka̱n rein ka̱n go̱tto buuk Na'Sila̱, Bitrus, Yakub, Yohana a̱n Andarawus, a nokka a ipkk o m'ze̱se̱. A zeka, 4“Ve̱ce̱ co. I nama a̱n nan em rihica̱ hna? Iye̱ a̱n ti kwesa az daava̱n nan emt ca̱ bo̱pk m'can?”
5Ye̱so se̱sk na̱, “Gab na sasa. A noc palk la no da. 6A̱m ryaa-ryaa no bena. Rema̱n neta̱n hwe̱di ta han a̱n dind ri. Ta ze no, ‘I mi a̱n rein Ka̱risti.’ Ta yangs la neta̱n hwe̱di. 7Daava̱n ta̱n hongt ganca̱m d'gaag a̱n c'baa hwe̱di a honga-hongasa̱ d'gaag no, a de̱bc naa la no da. I ke̱ng na em goon rihica̱ hna. Za d'be̱se̱ bo̱ la da. 8Copu tu gudgva̱ copu hyan. C'Go̱m ta̱m ca̱n gudgva̱ go̱mc hyan. Copu tu vigma̱lsi a̱n c'baa s'goo-s'goo. Nan em ta̱m mer a naam c'de̱ba̱n hwe̱di. Ta̱ca̱ha̱n kwe̱, i takada̱n ryaaka̱ d'koba.
9“Soot na a c'walg no. Rema̱n ta sav no baa ka̱nca̱n gedma̱n lalko. Ta buu no s'bii a̱nmin ka̱bca̱n kargad Yahude̱ne̱. Ta sav ta̱m no baa go̱mgo̱mno̱ a baa gwamna na, rem ri. I taanl a̱n ta̱n kumt ke̱e̱da̱n ve̱ce̱m na̱ da̱n mi. 10Ai be̱se̱d ceta la, i ke̱ng na ba̱s kasi lalk a̱nmin copun yanda̱ha̱n kwe̱. 11Daava̱n ta sipt no a sav no a̱n ka̱bda̱n gedma̱n lalko, an keka̱b la rina̱n ta̱n vat da. I Silan ta ne̱e̱ no rina̱n ta̱n vat a̱n ho̱rva̱n lo. Ai retin za nwaa a̱n ta̱n iga̱m da, i Hora̱mda̱n zattin ri d'reb da.
12“Noc tu be̱be̱ na ha̱nu na hote. Cetok ka̱n bab ta̱m waa. Aka̱n ta gudgva̱ an matin na̱ a de̱l ta̱m na hwaa na̱. 13Neta̱n kwe̱ ta ha̱l no rema̱n a̱n gabk me. Koowe̱ la a̱n gagin c'de̱b i caa d'be̱se̱, i unwa a̱n nan gwa̱a̱.
Nan ko̱pso̱ buuk Na'Sila̱
(Mat 24:15-28; Mar 13:14)
14“A̱n hweda̱n ta̱n he̱nt rihi naak in ti ko̱psso̱ buuk Na'Sil a'es va̱na̱n i ta ge̱be̱se̱in da, lag kan po̱ga̱m s'ge̱n ke̱e̱se̱. Lag na an rein a̱n copun Judiya som a caa c'se̱me̱.#13:14 Go̱t ta̱m: Dan 9:27; 11:31; 12:11. 15Kan rein ta̱m a̱n dwenkcei nu'bu, au ciza̱ la u uvt nu'buu u o̱mto̱ rihi da. 16Lag ta̱m kan rein nu'bel au gya̱n la rema̱n u o̱mto̱ kusi ru da.
17“Ti naa netananan ciin c'ubu a an ciin yaa'gyoza̱n a̱n hweca̱n lo. 18Em na s'cepk az a daava̱n lo soot la daava̱n yo̱o̱yo̱n da. 19Rema̱n a̱n hweca̱n lo, neta̱n ta ryaa goon kobda̱n a na takina̱n ryaa da lanma̱n takboda̱n rina̱n Sila emin kwe̱, i ceta daava̱ hna. A nan sud la a̱n em goon da̱nda da cakk. 20A za be̱ an Sila habksein hweca̱n lo rema̱n netnanan a dagin da, noc au po̱t be̱ da.
21“A̱n daava̱n lo, a noc ze no, ‘Go̱t ha̱n na Ka̱risti tahna.’ Alla, ‘Go̱tuz o a̱nzu.’ An kab la lalk ru da. 22Rema̱n Ka̱ristin a c'ko̱lo̱, a baranc Na'Sil a̱n a c'ko̱l ta noka a em ta̱m rihica̱ c'he̱t ca̱n-ca̱n de̱l neta̱n a̱n sipa̱m na'nwa̱a̱. Bat ai ema be̱, a yangs netna a an Sila dagin ne. 23Soot na a c'walg no. I rina̱n de̱lin bo̱ a̱m latina̱n ve̱ce̱m no rihica̱ ha̱n a̱nta̱ma̱, go̱t la daav ca̱ ta hwesa em da.
Vaakam Ye̱so
(Mat 24:36-44; Luk 21:25-28)
24“A hweca̱n kobda̱n lo to̱o̱, cumunkunni ti gweda d'hwen. Pe̱e̱t au za̱na̱sa̱ ta̱m da. 25Keba̱n ta kwebra̱lla. Rihica̱n rein ta̱m a'con kwe̱ ca̱n vigma̱lsi.
26“I a̱n daava̱n lo kaa a̱n koowe̱ tu he̱nt Waav Noc na̱m'ciza̱ lanm c'wec a damran we̱sma̱n c'go̱m a gwink run ta̱ma̱. 27Tu coma comta̱nc ru a karga̱vsa netnanan au dagin a̱nmin copun yanda̱ha̱n kwe̱.”
La̱a̱s a̱n ceun remba
(Mat 24:32-35; Luk 21:29-33)
28“Go̱t na ceun remba. Daava̱n tu pista̱, a̱n napk az siisiu bo̱pk a̱n can. 29I ho̱da̱n lo bo̱ nwaa ta̱ma̱, daava̱n ta̱n he̱nt rihica̱ ha̱n el na̱m'ema, nap na az daav ne ceka d'viivi. 30Lag na a̱m ve̱ce̱te̱ no m'ga̱u. Netnan daava̱ ha̱n a ta taa kwe̱ da a za na emk rihica̱ ha̱n da. 31A'Con a copun yanda̱ha̱nna̱n ta taa kwe̱. Lalks ri la, a sa̱n tak a̱n taa da cakk.
Noc ta nap d'hwen a v'daan da
(Mat 24:36-44)
32“Lalkun d'hwen a v'daa na, noc ta nap da. Za comta̱nc Na'Sil nanan rein a̱nmi na'con da. Waav Na'Sil unwa ta̱ma̱, u ta nap da. I K'Ceto c'taa a̱n napine. 33Rema̱n taanlo, an la̱v la da, soot na a c'walg no. Rema̱n a̱n ta nap v'daa da. 34Hanm Nocuna̱n rwa̱in lanm na'con el ho̱da̱n nocuna̱n unuin na̱m'baal m'naka. Au hwestain u'noko, u le̱gske̱ coka̱n ru go̱teca̱n buu ru. U we̱nkke̱ ta̱m na̱ a'yomko. U zeka ka s'rega̱d az u em s'rega̱d male.
35“An la̱v la da, rema̱n a̱n ta nap daava̱n kanubu tu vaakta da. Ai i na'rimi alla a̱n te̱kan gyope alla nu'pun alla ta̱m na̱m'zane? 36Rema̱n au vaaka la cunksi, u gita̱ v na̱m'la̱v da. 37Rina̱n m ve̱ce̱in no, i inya a̱m ve̱ce̱in koowe̱. Soot na a c'walg no.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019