Markus 10
10
Ye̱so holk kuza̱m c'ga̱i
(Mat 19:1-12; Luk 16:18)
1Ye̱so una̱vka̱ va̱na̱n u laine. U ceka copun Judiya a̱n rigta̱n ge̱nka̱n Jodan. Neta̱n kargta bo̱ ta̱m baa ru. U la̱a̱ska̱ ta̱m na̱ ho̱da̱na̱n u vetastaine.
2Farisin hyan hata bo̱ baa ru a maakt o. A ipkk o, “Giira zek az a̱ra̱m kuz netav ru c'ga̱i?”
3Ye̱so ipkk la na̱, “Iye̱ a̱n Mosa zein no az a̱n ema?”
4A se̱sk o, “Mosa zek az a noc kuz netav ru, u ge̱ne̱ o vaaka̱n kwizid c'ga̱i.”#10:4 Go̱t ta̱m: Rsgi 24:1.
5Ye̱so se̱sk ta̱m na̱, “I rema̱n honga̱mzac no a̱n Mosa ke̱e̱te̱in no giira uhna. 6A̱n d'takbo, an Sila baltin c'rihi, a emk na̱ a̱ra̱m na neta.#10:6 Go̱t ta̱m: D'Tak 1:27; 5:2. 7I rema̱n taanl a̱n a̱ra̱m tu lagt an matin o, u de̱pe̱ netav ru. 8Na̱nna i'il ta soot u'we̱d uda̱nka̱,#10:8 Go̱t ta̱m: D'Tak 2:24. za ta̱m i'il da. I u'we̱d uda̱n. 9Rina̱n Sila baasin a gagka, a noc but la da.”
10Au latin a̱nmi nu'bu a an la̱a̱s baa ru nu, a ipkk o da̱n lalk uhna. 11U zeta bo̱ na̱, “Koowe̱ a̱n kuzin netav ru, u gaat uhyan, u laa a̱n d'o̱mo̱. U ko̱tk ta̱m baa netav ru u m'e̱te̱. 12Awaz ta̱m neta kuzk a̱rma̱v ru, uhyan gaat o, netaun lo la a̱n d'o̱mo̱. U ko̱tk ta̱m baa a̱rma̱v ru u m'e̱te̱.”
Ye̱so pe̱ge̱ke̱ aka̱n u'pusu
(Mat 19:13-15; Luk 18:15-17)
13Neta̱n hyan nokta̱vka Ye̱so aka̱n rekane az u do̱v na̱ a̱n komc ru. An la̱a̱s baa ru haagsta bo̱ na̱. 14An Ye̱so he̱ntin tan, u hwinska̱. U zeta bo̱ na̱, “Lag na aka̱n noka baa ri. An hol la na̱ da. Rema̱n go̱mc Na'Sil ic goon na̱nna. 15Lag na a̱m ve̱ce̱te̱ no m'ga̱u. Koowe̱ a̱n ta kabin lalks Na'Sil ho̱d waark da, a tu uv a̱n go̱mc Na'Sil da.” 16Ye̱so de̱e̱ta̱lt bo̱ na̱ u hamta. U se̱ka̱lke̱ na̱ a'kom a̱n d'hi, u pe̱ge̱ke̱ ta̱m na̱ u'pusu.
A̱ra̱m kanukumu
(Mat 19:16-30; Luk 18:18-30)
17An Ye̱so ruta̱in ta̱m u el a̱n k'le̱ve̱, go̱to̱ a̱ra̱m panka o a̱n kwe̱e̱ve̱. U ceka u kwigtki o. U ipkk ta̱m o, “Kan la̱a̱sa̱m na u kasi, iye̱ a̱n ma em a̱m po̱tt d'kala?”
18Ye̱so se̱sk la o, “I rema̱n ye̱ v po̱gtin m noc u kasi? Noc u kasi za da, a za A'Sil c'taa da. 19A̱v baask ta̱m a̱v napk giiras Na'Sil kwe̱, ‘Av hwaa la noc da. Av em la d'o̱m da. Av em la d'hiv da. Av ke̱m la noc da. Av hitksa̱ la noc da. A̱v ne̱e̱ ta̱m cet vo a in va̱n k'gwin.’ ”
20U se̱sk la Ye̱so, “Kan la̱a̱sa̱m na, o̱p ca̱ha̱n kwe̱, a̱m gabk ca̱ lanma̱n paad ri.”
21An Ye̱so kekstain o, u to̱nk o hwe̱di d'kala. U zeta bo̱ o, “Rihi i'da̱nka̱ v robine. Nok a̱v bab kumu rov kwe̱ v we̱nke̱ kobnetna. Nan kini v kaa kumu rov a̱nz a'cona. Av taasa, v noka kaa v gaba me.”
22De̱bc ru naat bo̱ hwe̱di d'kal au hongtin lalksa̱ hna. U to̱o̱k ta̱m a̱n naam c'de̱b rema̱n u ci u'kum u rorke.
23Ye̱so go̱tt bo̱ an la̱a̱s baa ru. U zeta bo̱ na̱, “I c'ma̱d bo̱ a ta̱ga̱n kanukum uvt a̱n go̱mc Na'Sila̱.”
24An la̱a̱s baa ru sipt bo̱ a'nwa̱a̱ rema̱n lalks ru. Ye̱so sudk la a̱n ze na̱, “Aka̱n ri, uvma̱n go̱mc Na'Sil bo̱ i c'ma̱d a ta̱g nu. 25I pa̱tk a̱n k'le̱v rakum uv a̱n wa̱a̱va̱ v'tamswa, a̱nda kanukum uv a̱n go̱mc Na'Sila̱.”
26An la̱a̱s baa ru sudk a̱n sip a'nwa̱a̱. A ipkk hid na̱, “Awaz i taanlo, iwe̱ bo̱ kaa a̱n tu kum d'gwa̱a̱ma̱?”
27Ye̱so go̱tt bo̱ na̱ u zeka, “Baa netna, a ti ema da. Baa Na'Sil la, kooye̱ ti ema.”
28Bitrus zeta bo̱ o, “Go̱to̱, c lagka c'rihi kwe̱ c gabk vo.”
29Ye̱so se̱sk ta̱m na̱, “Lag na a̱m ve̱ce̱te̱ no m'ga̱u. Koowe̱ a̱n lagain u'bu alla ha̱nun nu alla k'inu alla k'ceto alla akna alla ta̱m c'bel rem ri a rema̱n kasi lalk no, 30tu kum rina̱n u robin s'lam v'za̱ngu a̱n daava̱ hna. (Tu kum c'buu a ha̱nun nu a c'inun nu a aka̱n na a c'bela̱n ta̱ma̱. Go̱t ge̱ nan ne̱e̱ na̱ d'koba.) Buka a̱n d'hwen la, ta kum po̱tu d'kala. 31An rein na̱m'he̱n az i na̱nna a̱n nan hwenga na̱m'e̱te̱, ta vaak an na zain nan hwenga da. An rein ta̱m na̱m'he̱n la az a nan hwenga na̱ da, ta vaak an nan hwenga a̱n d'be̱se̱.”
Ye̱so sudk a̱n vat az tu wa̱a̱
(Mat 20:17-19; Luk 18:31-34)
32Aa latin ta el-el a̱n le̱in Urisalima, Ye̱so gaak hwici, an la̱a̱s baa ru a neta̱n hyan ta gabo. An la̱a̱s baa ru sipk a'nwa̱a̱. Neta̱n hyan ta̱m gela̱v ciki na̱. U po̱gt bo̱ an la̱a̱s baa ru oopa ni'il nanlo a he̱gk v'kabo. U takta bo̱ ve̱ce̱m na̱ rina̱n ti kum o. 33U zeka na̱, “Go̱to̱ na el a̱n havma̱n le̱in Urisalima. Nan badasa Waav Noc a̱n komc c'hwengnan ka̱bd Na'Sil a an la̱a̱sa̱m na s'giira na. Ta de̱l ta̱m na geda o lalk az na hwaa o. Ta badasa ta̱m o a̱n komc an zain Yahude̱n da. 34Ta hyaak o. Ta piski o c'te̱i. Ta swepa̱l o a̱n s'lako, a be̱se̱ a hwaa o. A̱n hweda̱ v'ta̱ccu la, tu po̱to̱.”
Kon Yakub na Yohana
(Mat 20:20-28)
35Yakub na Yohana, aka̱n Za̱ba̱di nokka baa Ye̱so. A zeka o, “Kan la̱a̱sa̱m na, ac kon a̱v rihi, ta̱'v ema co?”
36Ye̱so ipkt bo̱ na̱, “Iye̱ a̱n to̱nin a̱m ema no?”
37A zeta bo̱ o, “C to̱nk az daava̱n ta̱'v soott a̱n go̱mc rovo, kin co baad k'gwin. Uda̱n a̱n kabva̱n koma s'to̱o̱ a rovo. Uhyan a̱n kabva̱n koman kanta.”
38Ye̱so zeta bo̱ na̱, “A̱n ta nap rina̱n a̱n rein a̱n kon da. Ta̱n la̱a̱ a̱n ryaa goon kobda̱n ta̱'m ryaa? Na ema ta̱m no goon baptisma u'na̱n nan ema me?” 39A zeka la o, “Ca̱n la̱a̱.”
Ye̱so zeka ta̱m na̱, “Ke̱ng ta̱n la̱a̱ a̱n ryaa goon kobda̱n ta̱'m ryaa, na ema no ta̱m goon baptisma u'na̱n nan ema me. 40Sootma̱n kabva̱n koma s'to̱o̱ alla kanta ri la, za d ri bo̱ da. I Silan ta nes aa dagine.”
41An an la̱a̱snan lo oopa an kusin hongtine, a hwiinski Yakub na Yohana. 42Ye̱so po̱gto̱ bo̱ na̱ kwe̱ a karga d'baa d'da̱n. U zeta bo̱ na̱, “A̱n napk az an na kain c'go̱m baa an zain Yahude̱n da, a el ta kugsa̱ neta̱n a̱n we̱sma̱n go̱mc na̱. Damran na̱ el ta̱m ta kwesa na̱ c'damra. 43Za taanl la a̱n ti soott baa no da. Koowe̱ a̱n to̱nin u soot u so̱dk baa no, i unwa a̱n tu soot coka̱v no. 44Koowe̱ ta̱m a̱n to̱nin u soot kan hwic kwe̱ baa no, i unwa a̱n tu soot coka̱v koowe̱. 45Waav Noc ta han la rema̱n na emata o m'cok da. I rema̱n u emt m'coko. U cod ta̱m hid ru rema̱n u to̱vt neta̱n hwe̱di.”
Ye̱so taask noc m'poma
(Mat 20:29-34; Luk 18:35-43)
46A ceka ta̱m a̱n le̱in Je̱riko. Au retina̱n rwa̱a̱ma̱n le̱in Je̱riko a an la̱a̱s baa run d'kut a damran bugda̱n neta̱n na, Batimawus poma, (waav Timawus), lak a'soot a̱n e̱s k'le̱v a̱n kona. 47Au hongtin az i Ye̱so kan Nazarat a̱n rein tu to̱o̱-to̱o̱, u ze̱lk v'god na̱m'we̱se̱. U zeka, “Ye̱so, vo Waav Dauda, hong za̱im ri.”
48Neta̱n hwe̱di haagsta bo̱ o, az u mo̱do̱. U sudt bo̱ la a̱n ze̱l v'god na̱m'we̱s u zeka, “Vo Waav Dauda, hong za̱im ri.”
49An Ye̱so hongtin o, u eska. U zeta bo̱, “Po̱go̱ na o.”
A po̱gto̱ bo̱ a̱ra̱m pomune. A zeka ta̱m o, “Em pusuu c'de̱be̱. Unu, Ye̱so el a̱n po̱gs rovo.” 50U dukutu bo̱ la̱a̱pa̱k ru, u gudgka̱ u ceka baa Ye̱so.
51Ye̱so ikpt bo̱ o, “Iye̱ v to̱nin a̱m ema vo?”
Pom se̱st bo̱ o, “Kan la̱a̱sa̱m na, a̱m to̱nk a̱m he̱ne̱.”
52Ye̱so zeta bo̱ o, “To̱o̱ a̱n c'rovo. Batma̱n ba̱ta̱d rov taask va̱ m'poma.”
A̱ndaabe, u he̱nk cass. U gaboz Ye̱so.
ទើបបានជ្រើសរើសហើយ៖
Markus 10: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Markus 10
10
Ye̱so holk kuza̱m c'ga̱i
(Mat 19:1-12; Luk 16:18)
1Ye̱so una̱vka̱ va̱na̱n u laine. U ceka copun Judiya a̱n rigta̱n ge̱nka̱n Jodan. Neta̱n kargta bo̱ ta̱m baa ru. U la̱a̱ska̱ ta̱m na̱ ho̱da̱na̱n u vetastaine.
2Farisin hyan hata bo̱ baa ru a maakt o. A ipkk o, “Giira zek az a̱ra̱m kuz netav ru c'ga̱i?”
3Ye̱so ipkk la na̱, “Iye̱ a̱n Mosa zein no az a̱n ema?”
4A se̱sk o, “Mosa zek az a noc kuz netav ru, u ge̱ne̱ o vaaka̱n kwizid c'ga̱i.”#10:4 Go̱t ta̱m: Rsgi 24:1.
5Ye̱so se̱sk ta̱m na̱, “I rema̱n honga̱mzac no a̱n Mosa ke̱e̱te̱in no giira uhna. 6A̱n d'takbo, an Sila baltin c'rihi, a emk na̱ a̱ra̱m na neta.#10:6 Go̱t ta̱m: D'Tak 1:27; 5:2. 7I rema̱n taanl a̱n a̱ra̱m tu lagt an matin o, u de̱pe̱ netav ru. 8Na̱nna i'il ta soot u'we̱d uda̱nka̱,#10:8 Go̱t ta̱m: D'Tak 2:24. za ta̱m i'il da. I u'we̱d uda̱n. 9Rina̱n Sila baasin a gagka, a noc but la da.”
10Au latin a̱nmi nu'bu a an la̱a̱s baa ru nu, a ipkk o da̱n lalk uhna. 11U zeta bo̱ na̱, “Koowe̱ a̱n kuzin netav ru, u gaat uhyan, u laa a̱n d'o̱mo̱. U ko̱tk ta̱m baa netav ru u m'e̱te̱. 12Awaz ta̱m neta kuzk a̱rma̱v ru, uhyan gaat o, netaun lo la a̱n d'o̱mo̱. U ko̱tk ta̱m baa a̱rma̱v ru u m'e̱te̱.”
Ye̱so pe̱ge̱ke̱ aka̱n u'pusu
(Mat 19:13-15; Luk 18:15-17)
13Neta̱n hyan nokta̱vka Ye̱so aka̱n rekane az u do̱v na̱ a̱n komc ru. An la̱a̱s baa ru haagsta bo̱ na̱. 14An Ye̱so he̱ntin tan, u hwinska̱. U zeta bo̱ na̱, “Lag na aka̱n noka baa ri. An hol la na̱ da. Rema̱n go̱mc Na'Sil ic goon na̱nna. 15Lag na a̱m ve̱ce̱te̱ no m'ga̱u. Koowe̱ a̱n ta kabin lalks Na'Sil ho̱d waark da, a tu uv a̱n go̱mc Na'Sil da.” 16Ye̱so de̱e̱ta̱lt bo̱ na̱ u hamta. U se̱ka̱lke̱ na̱ a'kom a̱n d'hi, u pe̱ge̱ke̱ ta̱m na̱ u'pusu.
A̱ra̱m kanukumu
(Mat 19:16-30; Luk 18:18-30)
17An Ye̱so ruta̱in ta̱m u el a̱n k'le̱ve̱, go̱to̱ a̱ra̱m panka o a̱n kwe̱e̱ve̱. U ceka u kwigtki o. U ipkk ta̱m o, “Kan la̱a̱sa̱m na u kasi, iye̱ a̱n ma em a̱m po̱tt d'kala?”
18Ye̱so se̱sk la o, “I rema̱n ye̱ v po̱gtin m noc u kasi? Noc u kasi za da, a za A'Sil c'taa da. 19A̱v baask ta̱m a̱v napk giiras Na'Sil kwe̱, ‘Av hwaa la noc da. Av em la d'o̱m da. Av em la d'hiv da. Av ke̱m la noc da. Av hitksa̱ la noc da. A̱v ne̱e̱ ta̱m cet vo a in va̱n k'gwin.’ ”
20U se̱sk la Ye̱so, “Kan la̱a̱sa̱m na, o̱p ca̱ha̱n kwe̱, a̱m gabk ca̱ lanma̱n paad ri.”
21An Ye̱so kekstain o, u to̱nk o hwe̱di d'kala. U zeta bo̱ o, “Rihi i'da̱nka̱ v robine. Nok a̱v bab kumu rov kwe̱ v we̱nke̱ kobnetna. Nan kini v kaa kumu rov a̱nz a'cona. Av taasa, v noka kaa v gaba me.”
22De̱bc ru naat bo̱ hwe̱di d'kal au hongtin lalksa̱ hna. U to̱o̱k ta̱m a̱n naam c'de̱b rema̱n u ci u'kum u rorke.
23Ye̱so go̱tt bo̱ an la̱a̱s baa ru. U zeta bo̱ na̱, “I c'ma̱d bo̱ a ta̱ga̱n kanukum uvt a̱n go̱mc Na'Sila̱.”
24An la̱a̱s baa ru sipt bo̱ a'nwa̱a̱ rema̱n lalks ru. Ye̱so sudk la a̱n ze na̱, “Aka̱n ri, uvma̱n go̱mc Na'Sil bo̱ i c'ma̱d a ta̱g nu. 25I pa̱tk a̱n k'le̱v rakum uv a̱n wa̱a̱va̱ v'tamswa, a̱nda kanukum uv a̱n go̱mc Na'Sila̱.”
26An la̱a̱s baa ru sudk a̱n sip a'nwa̱a̱. A ipkk hid na̱, “Awaz i taanlo, iwe̱ bo̱ kaa a̱n tu kum d'gwa̱a̱ma̱?”
27Ye̱so go̱tt bo̱ na̱ u zeka, “Baa netna, a ti ema da. Baa Na'Sil la, kooye̱ ti ema.”
28Bitrus zeta bo̱ o, “Go̱to̱, c lagka c'rihi kwe̱ c gabk vo.”
29Ye̱so se̱sk ta̱m na̱, “Lag na a̱m ve̱ce̱te̱ no m'ga̱u. Koowe̱ a̱n lagain u'bu alla ha̱nun nu alla k'inu alla k'ceto alla akna alla ta̱m c'bel rem ri a rema̱n kasi lalk no, 30tu kum rina̱n u robin s'lam v'za̱ngu a̱n daava̱ hna. (Tu kum c'buu a ha̱nun nu a c'inun nu a aka̱n na a c'bela̱n ta̱ma̱. Go̱t ge̱ nan ne̱e̱ na̱ d'koba.) Buka a̱n d'hwen la, ta kum po̱tu d'kala. 31An rein na̱m'he̱n az i na̱nna a̱n nan hwenga na̱m'e̱te̱, ta vaak an na zain nan hwenga da. An rein ta̱m na̱m'he̱n la az a nan hwenga na̱ da, ta vaak an nan hwenga a̱n d'be̱se̱.”
Ye̱so sudk a̱n vat az tu wa̱a̱
(Mat 20:17-19; Luk 18:31-34)
32Aa latin ta el-el a̱n le̱in Urisalima, Ye̱so gaak hwici, an la̱a̱s baa ru a neta̱n hyan ta gabo. An la̱a̱s baa ru sipk a'nwa̱a̱. Neta̱n hyan ta̱m gela̱v ciki na̱. U po̱gt bo̱ an la̱a̱s baa ru oopa ni'il nanlo a he̱gk v'kabo. U takta bo̱ ve̱ce̱m na̱ rina̱n ti kum o. 33U zeka na̱, “Go̱to̱ na el a̱n havma̱n le̱in Urisalima. Nan badasa Waav Noc a̱n komc c'hwengnan ka̱bd Na'Sil a an la̱a̱sa̱m na s'giira na. Ta de̱l ta̱m na geda o lalk az na hwaa o. Ta badasa ta̱m o a̱n komc an zain Yahude̱n da. 34Ta hyaak o. Ta piski o c'te̱i. Ta swepa̱l o a̱n s'lako, a be̱se̱ a hwaa o. A̱n hweda̱ v'ta̱ccu la, tu po̱to̱.”
Kon Yakub na Yohana
(Mat 20:20-28)
35Yakub na Yohana, aka̱n Za̱ba̱di nokka baa Ye̱so. A zeka o, “Kan la̱a̱sa̱m na, ac kon a̱v rihi, ta̱'v ema co?”
36Ye̱so ipkt bo̱ na̱, “Iye̱ a̱n to̱nin a̱m ema no?”
37A zeta bo̱ o, “C to̱nk az daava̱n ta̱'v soott a̱n go̱mc rovo, kin co baad k'gwin. Uda̱n a̱n kabva̱n koma s'to̱o̱ a rovo. Uhyan a̱n kabva̱n koman kanta.”
38Ye̱so zeta bo̱ na̱, “A̱n ta nap rina̱n a̱n rein a̱n kon da. Ta̱n la̱a̱ a̱n ryaa goon kobda̱n ta̱'m ryaa? Na ema ta̱m no goon baptisma u'na̱n nan ema me?” 39A zeka la o, “Ca̱n la̱a̱.”
Ye̱so zeka ta̱m na̱, “Ke̱ng ta̱n la̱a̱ a̱n ryaa goon kobda̱n ta̱'m ryaa, na ema no ta̱m goon baptisma u'na̱n nan ema me. 40Sootma̱n kabva̱n koma s'to̱o̱ alla kanta ri la, za d ri bo̱ da. I Silan ta nes aa dagine.”
41An an la̱a̱snan lo oopa an kusin hongtine, a hwiinski Yakub na Yohana. 42Ye̱so po̱gto̱ bo̱ na̱ kwe̱ a karga d'baa d'da̱n. U zeta bo̱ na̱, “A̱n napk az an na kain c'go̱m baa an zain Yahude̱n da, a el ta kugsa̱ neta̱n a̱n we̱sma̱n go̱mc na̱. Damran na̱ el ta̱m ta kwesa na̱ c'damra. 43Za taanl la a̱n ti soott baa no da. Koowe̱ a̱n to̱nin u soot u so̱dk baa no, i unwa a̱n tu soot coka̱v no. 44Koowe̱ ta̱m a̱n to̱nin u soot kan hwic kwe̱ baa no, i unwa a̱n tu soot coka̱v koowe̱. 45Waav Noc ta han la rema̱n na emata o m'cok da. I rema̱n u emt m'coko. U cod ta̱m hid ru rema̱n u to̱vt neta̱n hwe̱di.”
Ye̱so taask noc m'poma
(Mat 20:29-34; Luk 18:35-43)
46A ceka ta̱m a̱n le̱in Je̱riko. Au retina̱n rwa̱a̱ma̱n le̱in Je̱riko a an la̱a̱s baa run d'kut a damran bugda̱n neta̱n na, Batimawus poma, (waav Timawus), lak a'soot a̱n e̱s k'le̱v a̱n kona. 47Au hongtin az i Ye̱so kan Nazarat a̱n rein tu to̱o̱-to̱o̱, u ze̱lk v'god na̱m'we̱se̱. U zeka, “Ye̱so, vo Waav Dauda, hong za̱im ri.”
48Neta̱n hwe̱di haagsta bo̱ o, az u mo̱do̱. U sudt bo̱ la a̱n ze̱l v'god na̱m'we̱s u zeka, “Vo Waav Dauda, hong za̱im ri.”
49An Ye̱so hongtin o, u eska. U zeta bo̱, “Po̱go̱ na o.”
A po̱gto̱ bo̱ a̱ra̱m pomune. A zeka ta̱m o, “Em pusuu c'de̱be̱. Unu, Ye̱so el a̱n po̱gs rovo.” 50U dukutu bo̱ la̱a̱pa̱k ru, u gudgka̱ u ceka baa Ye̱so.
51Ye̱so ikpt bo̱ o, “Iye̱ v to̱nin a̱m ema vo?”
Pom se̱st bo̱ o, “Kan la̱a̱sa̱m na, a̱m to̱nk a̱m he̱ne̱.”
52Ye̱so zeta bo̱ o, “To̱o̱ a̱n c'rovo. Batma̱n ba̱ta̱d rov taask va̱ m'poma.”
A̱ndaabe, u he̱nk cass. U gaboz Ye̱so.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019