Luka 9
9
Ye̱so comk comta̱nc ru
(Mat 10:5-15; Mar 6:7-13)
1Ye̱so po̱gko̱ an la̱a̱s baa ru oopa ni'il a karga. U ne̱e̱k na̱ ta̱m m'we̱s a c'go̱ma̱n a vog rinnas'ce, a taas ta̱m neta̱n s'malse. 2U comk ta̱m na̱ a em ba̱sda̱n go̱mc Na'Sila̱, a taas ta̱m an gaag, gaago. 3U zeka ta̱m na̱, “An o̱m la rihi rema̱n baalma̱n da. Za d'kyur alla k'bai alla kindi alla d'gaa da. An o̱m la ta̱m m'kus m'il da. 4Kooye̱ buuwa a̱n uvtine, soot na a̱n a̱n'a i caa no lagma̱n le̱in lo. 5Koope̱ ta̱m a̱n na kabin no da, daava̱n ta̱n lagt le̱in lo, pezg na budgda̱n naas no i kwesata az Sila ta ryeesa na̱ d'kob rema̱n a ha̱lk gabma̱n lalk no.”
6Comta̱nc Ye̱so to̱o̱k la a havk a paak m'le̱e̱ a̱n ba̱sda̱n kasi lalk Na'Sila̱. Ta taasuz ta̱m neta̱n s'mals koope̱.
Rihic gagk He̱ro̱d d'hi
(Mat 14:1-12; Mar 6:14-29)
7A̱n daava̱n lo, He̱ro̱d kac'go̱m hongk da̱n rihica̱n Ye̱so emka̱llin kwe̱. I gagk o d'hi rema̱n ahyan zeka az i Yohana a̱n po̱tine. 8Ahyan zek az i Iliya a̱n vaakaine. Ahyan zek ta̱m az i da̱nv baranc Na'Sil an de̱hne a̱n po̱tine. 9He̱ro̱d ipkk la, “A̱m gedk Yohana d'hi. Iwe̱ ta̱m a̱m rein nu'hong na el a̱n lalks ru?” U to̱nk hwe̱di u he̱n Ye̱so.
Ye̱so ryaakska d'bugu
(Mat 14:13-21; Mar 6:30-44; Yoh 6:1-14)
10Daava̱n comta̱nc Ye̱so vaaktaine, a ve̱ce̱ke̱ o rihica̱n ca emain kwe̱. U o̱mt bo̱ na̱ a ho̱tk a havk a̱n le̱in Be̱tsaida. 11An neta̱n naptin az u el a̱n a̱n'a, a gabk o. U marska na̱. U ve̱ce̱ke̱ na̱ da̱n go̱mc Na'Sila̱. U taask ta̱m an gaag an reina̱n to̱na̱m m'ho̱o̱kno̱.
12An hwed bo̱ptin m'hyoo, comta̱nc Ye̱so oopa ni'il nanlo nokka baa ru. A zeka o, “Pya̱a̱ksa̱ d'bug bat ta uv na̱ m'le̱e̱ a belca̱n rigta̱n a cila̱, a kum ta̱m rina̱n ta ryaa. Rema̱n taha̱n va̱na̱n na reine, neta̱n za da.”
13Ye̱so se̱sk la na̱, “Ne̱e̱ na na̱ rina̱n ta ryaa.”
A zeta bo̱, “Na zatta rina̱n pa̱tin c'be̱re̱e̱di c'tan a ge̱n ni'il a̱n taha̱n da. A za bo̱ kaa a̱n na havk na weva netna ha̱n kwe̱ c'ryaak da.” 14(A̱rma̱n c'taa, a cek ho̱d s'kwe̱re̱ s'tan.)
Ye̱so zeta bo̱ an la̱a̱s baa ru, “De̱l na na̱ a soot c'ka̱n-c'ka̱n, kwe̱zc c'il a̱n oopa-oopa.” 15A emk taanlo. A de̱lk na̱ kwe̱ a sweeta̱lka. 16Ye̱so o̱mt bo̱ be̱e̱re̱dica̱n lo c'tan a̱n ge̱nn i'ila̱. Au wa̱lktin a'cona, u bo̱mk A'Sila̱. U bosa̱mk ta̱m ca̱ u nesk an la̱a̱s baa ru a we̱nke̱ netna. 17Neta̱n ryaak la a cigk kwe̱. An la̱a̱s baa Ye̱so o̱mk ta̱m yatrama̱n na ka̱ltin c'gyo̱b oopa a̱n c'ila̱.
I Ye̱so a̱n rein Ka̱risti
(Mat 16:13-19; Mar 8:27-29)
18A̱n d'hwen Ye̱so lak unwa v'da̱n a̱n s'cepko. An la̱a̱s baa ru nokta bo̱ baa ru. U ipkt bo̱ na̱, “Iwe̱ a̱n neta̱n rein ta po̱g me?”
19A se̱sk o, “Ahyan zek az i vo Yohana kan emam na baptisma. Ahyan zek az i vo Iliya. Ahyan el ta̱m ta ze az i vo k'barav Na'Sil un de̱ha̱n a̱n po̱tin ta̱m u vaaka.”
20Ye̱so ipkt bo̱ na̱, “Nwaa la bano, iwe̱ a̱n rein ta̱n po̱g me?”
Bitrus se̱sk o, “I vo a̱n rein Ka̱risti.”
21U saat bo̱ na̱ d'rin a̱ndaabe, u kaagk ta̱m na̱ az aa ve̱ce̱ la noc ri ha̱n da. 22U zeka na̱ ta̱ma̱, “Ke̱ng Waav Noc tu ryaa d'kob s'goo-s'goo. Hwenga̱nc Yahude̱ne̱ a c'hwengnan ka̱bd Na'Sil a an la̱a̱sa̱m na s'giiran ta ha̱l o. Nan hwaa o. A̱n hweda̱ v'ta̱ccu la, Sila ta po̱to̱so̱ o.”
Neta̱n Ye̱so ta ryaa d'koba
(Mat 16:24-28; Mar 8:34)
23U zeka ta̱m an lain a̱n a̱n'a kwe̱, “Koowe̱ a̱n to̱nin u gaba me, i ke̱ng u ha̱l to̱nun de̱bc ru. U walg ryaaka̱ d'kob kooye̱ hweda, ho̱d kan na twe̱e̱se̱in kanka̱n nan hot o, u gaba me. 24Rema̱n kowe̱ a̱n hyain naps ri a̱n gelva̱n nan hwaa o, tu wa̱a̱. Koowe̱ la a̱n nan hwaa rem ri, i unwa a̱n tu po̱to̱. 25Iye̱ a̱n noc tu kumu, awaz u kumk rihica̱n copun yanda̱ha̱n kwe̱, u rob kaa hid ru? Alla iye̱ a̱n noc tu nes u to̱vt hid ru? 26Koowe̱ a̱n tu hong e̱nm ri a lalks ri ni, mi Waav Noc ta̱'m hong la e̱nm ru a̱n daava̱n ta̱'m hata a comta̱nc rin an zattin ri d'reb da, a̱nmin gwink ri a gwink K'Ceto no. 27A̱m el a̱n ve̱ce̱m no m'ga̱u, ahyan el a'es taha̱n an zain na̱m'wa̱a̱ da a za a he̱nk go̱mc Na'Sil da.”
Vodma̱n hyo̱o̱m Ye̱so
(Mat 17:1-8; Mar 9:2-8)
28An na la̱vtin ho̱d c'hwen c'ya̱a̱r a̱n taasma̱n vatma̱n lalksa̱ hna, Ye̱so o̱mk Bitrus a Yohana na a Yakub nu, a elk a̱n k'se̱m a cepkte. 29Au latina̱n s'cepko, hyo̱o̱ma̱n cu'a ru vodka, kusa̱m ru pusa̱nka̱ ta̱m padpada. 30Na el taanlo, go̱t net ni'il a̱n s'lalk a Ye̱so no. Netna ne, i Mosa na Iliya, baranc Na'Sila̱. 31A ceka coso a̱n gwink Na'Sila̱. A emk s'lalk a Ye̱son ho̱da̱na̱n tu esasta rina̱n Sila walgin in tanin wa̱a̱'anan tu wa̱a̱ a̱n le̱in Urisalima.
32Bitrus a an lain a unwan lak na̱m'la̱va̱. Aa pa̱dktine, a he̱nk gwink Ye̱so d'kut a k net ni'il an lain a'es a unwa na. 33Daava̱n netna ne latin na̱ m'unu a lag Ye̱so, Bitrus zeka o, “Kanubu, i emk d'ke̱m an na retin tahna. Lag c em m'saace m'ta̱a̱cu. I'Da̱n rem rovo. I'Da̱n rem Mosa. I hyan rem Iliya.”
Bitrus ta nap la rina̱n u rein nu'zeu da, rem i yata̱rk o.
34Au latina̱n s'lalk taaha̱nna, weck haka k emaka na̱ m'le̱le̱. A hongk ta̱m v'gel aa uvtin a̱nmin weck ne. 35Goda̱v ruka̱ ta̱m a̱nmi k'wec a̱v zeka, “Go̱t na Waav ri. A̱m el ta̱'m to̱n o hwe̱di d'kala. Ge̱ne̱ na o u'con.”#9:35 Go̱t ta̱m: Isa 42:1; Mat 3:17; 12:18; Mar 1:11; Luk 3:22.
36A̱n daava̱n lalks restine, a he̱n-he̱n Ye̱so unwa v'da̱n. A kink la e a̱n c'de̱be̱, a ta ve̱ce̱ noc a̱n hweca̱n lo da̱n rihica̱n a he̱ne̱in da.
Ye̱so vogk rinnas'ce baa waa
(Mat 17:14-18; Mar 9:14-27)
37Na̱m'zanta, Ye̱so a an gaba̱m ru nanlo i'ta̱a̱c cizka̱ a̱n se̱me̱. Damran bugda̱n neta̱n nokka ta̱m baa ru. 38Go̱to̱ ta̱m noc a̱nmi d'bug ze̱lk v'god na̱m'we̱se̱. U zeka, “Kan la̱a̱sa̱m na, a̱m el a̱n kona̱m rovo, se̱e̱te̱ waav ri. I unwa v'da̱n a̱m ciini. 39Rinnas'ce el ta ko̱s o, ta de̱l o u kan a̱ndaabe. Ta de̱l o ta̱m tu hyaa v'tattra tu ruta̱ c'pekta na'nwa̱a̱. A za ta lag o u hwera da. A el ta̱m a̱n pita̱lsa̱m ru. 40A̱m konk an la̱a̱s baa rov az a vog na̱. A ta hweks la da.”
41Ye̱so zeta bo̱, “Nwaa netnan ta̱ma̱, a c'honga̱mzan, an robamda̱n bata̱m d'ba̱ta̱! Go̱t na ho̱da̱na̱n m gostin baa no. A̱m gagk ta̱m c'de̱b a nwaa na. V'Daa la a̱n ta bat d'ba̱t baa ri da. Nokta ha waav rovo.”
42An waaune latin tu noka-noka, rinnas'ce de̱lk u hek v'tattra. Ye̱so haagsta bo̱ rinnas'ce. U taask ta̱m waa gaago. U badasta bo̱ ceto unwa.
43Netnanan lain kwe̱ a̱n a̱n'a, a sipk a'nwa̱a̱ rema̱n damran we̱sa̱m Na'Sila̱.
Ye̱so tanka ta̱m da̱n wa̱a̱'a ru
(Mat 17:22-23; Mar 9:30-32)
Aa latin ge̱ v'daa a̱n sipa̱m na'nwa̱a̱ rema̱n rihica̱n Ye̱so emka̱llin kwe̱, u zeka an la̱a̱s baa ru, 44“A hwec kaa la no lalksa̱ ha̱n da. Nan badasa Waav Noc a̱n komc an ha̱lc ru.” 45An la̱a̱s baa ru ta ke̱e̱se̱ la rina̱n u vatin da. Na ze̱s-ze̱s la na̱ rema̱n aa ke̱e̱se̱ la rina̱n u vatin da. A hongk ta̱m gelva̱n ipka̱m ru da̱n lalkune.
Iwe̱ a̱n rein u so̱dk kwe̱?
(Mat 18:1-5; Mar 9:33-37)
46An la̱a̱s baa Ye̱so lak a̱n lansa̱n az iwe̱ baa na̱ a̱n tu soot u so̱dk kwe̱. 47Ye̱so napk la de̱bc na̱. U o̱mto̱ bo̱ waa u reko, u esasa a̱n hwic na̱. 48U zeta bo̱ na̱, “Koowe̱ a̱n tu kab waa uha̱n rema̱n dind ri, i mi u kabine. Koowe̱ ta̱m a̱n kabin me, i kan comain me u kabine. Koowe̱ a̱n rein u kalk kwe̱ baa no, i unwa a̱n tu soot u so̱dk kwe̱.”
Kan ta ha̱lin v da iu rovo
(Mar 9:38-40)
49Yohana emt bo̱ s'lalko, “Kanubu, c he̱nke̱ uhyan a̱n rutma̱n rinnas'ce a̱n we̱sma̱n dind rovo. Ca̱ holta bo̱ o, rema̱n u za d'kut a cinnan da.”
50Ye̱so zeta bo̱ o, “A̱n ta la be̱ a̱n hol o da. Kan zain a̱n ha̱lc na da, iu cinna.”
A ta marssa Ye̱so da
51An daav bo̱ptina̱n can va̱n Sila ta o̱mt Ye̱so caam na'cona, u de̱lk de̱bca̱n havma̱n le̱in Urisalima. 52Ye̱so cukt bo̱ neta̱n a nokso. A havt bo̱ a̱n herg hyan un le̱in Samariya a we̱lgte̱ o c'rihi. 53An le̱in lo ta marssa la o da rema̱n u de̱lk de̱bca̱n havma̱n le̱in Urisalima. 54A̱n daava̱n an la̱a̱s baa ru, Yakub na Yohana he̱ntin tan, a zeka, “Kanubu, ta̱'v lag c de̱l hwelan ciza̱ lanm na'con a toks na̱?”
55Ye̱so pankka u haagska na̱. 56A to̱o̱t bo̱ a hav a̱n herg hyan.
An zein az ta gab Ye̱so
(Mat 8:19-22)
57Aa retina̱n k'le̱ve̱, noc hyan zeka o, “Ta̱'m gab vo va̱na̱n ta̱'v hav kwe̱.”
58Ye̱so zeta bo̱ o, “Kirke̱e̱con ci s'wa̱a̱, nema̱n ci c'ta̱ndi. Waav Noc la, u zatta va̱na̱n tu la̱ta̱sa̱ hid ru da.”
59U zeka ta̱m a̱ra̱m hyan, “Gaba ha me.”
A̱rmun zeka la o, “Kanubu, lag a̱m baa hav a̱m saga cet me.”
60Ye̱so zeta bo̱ o, “Lag ha an wa̱in a sag wa̱a̱c na̱. Nok ba̱ra̱v a̱v em ba̱sda̱n go̱mc Na'Sila̱.”
61Uhyan zeka ta̱m o, “Kanubu, ta̱'m gab vo. La-la ta̱'m baa hav a̱m ve̱ce̱ an buu ri.” 62Ye̱so zeta bo̱ o, “Koowe̱ a̱n tu gab a̱m tu be̱le̱z dima̱, u ta hwenna yomkan go̱mc Na'Sil da. Ho̱da̱na̱n kan ka̱ra̱mca̱n naama̱n ta hwentain a̱n be̱le̱sa̱n dim da.”
ទើបបានជ្រើសរើសហើយ៖
Luka 9: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 9
9
Ye̱so comk comta̱nc ru
(Mat 10:5-15; Mar 6:7-13)
1Ye̱so po̱gko̱ an la̱a̱s baa ru oopa ni'il a karga. U ne̱e̱k na̱ ta̱m m'we̱s a c'go̱ma̱n a vog rinnas'ce, a taas ta̱m neta̱n s'malse. 2U comk ta̱m na̱ a em ba̱sda̱n go̱mc Na'Sila̱, a taas ta̱m an gaag, gaago. 3U zeka ta̱m na̱, “An o̱m la rihi rema̱n baalma̱n da. Za d'kyur alla k'bai alla kindi alla d'gaa da. An o̱m la ta̱m m'kus m'il da. 4Kooye̱ buuwa a̱n uvtine, soot na a̱n a̱n'a i caa no lagma̱n le̱in lo. 5Koope̱ ta̱m a̱n na kabin no da, daava̱n ta̱n lagt le̱in lo, pezg na budgda̱n naas no i kwesata az Sila ta ryeesa na̱ d'kob rema̱n a ha̱lk gabma̱n lalk no.”
6Comta̱nc Ye̱so to̱o̱k la a havk a paak m'le̱e̱ a̱n ba̱sda̱n kasi lalk Na'Sila̱. Ta taasuz ta̱m neta̱n s'mals koope̱.
Rihic gagk He̱ro̱d d'hi
(Mat 14:1-12; Mar 6:14-29)
7A̱n daava̱n lo, He̱ro̱d kac'go̱m hongk da̱n rihica̱n Ye̱so emka̱llin kwe̱. I gagk o d'hi rema̱n ahyan zeka az i Yohana a̱n po̱tine. 8Ahyan zek az i Iliya a̱n vaakaine. Ahyan zek ta̱m az i da̱nv baranc Na'Sil an de̱hne a̱n po̱tine. 9He̱ro̱d ipkk la, “A̱m gedk Yohana d'hi. Iwe̱ ta̱m a̱m rein nu'hong na el a̱n lalks ru?” U to̱nk hwe̱di u he̱n Ye̱so.
Ye̱so ryaakska d'bugu
(Mat 14:13-21; Mar 6:30-44; Yoh 6:1-14)
10Daava̱n comta̱nc Ye̱so vaaktaine, a ve̱ce̱ke̱ o rihica̱n ca emain kwe̱. U o̱mt bo̱ na̱ a ho̱tk a havk a̱n le̱in Be̱tsaida. 11An neta̱n naptin az u el a̱n a̱n'a, a gabk o. U marska na̱. U ve̱ce̱ke̱ na̱ da̱n go̱mc Na'Sila̱. U taask ta̱m an gaag an reina̱n to̱na̱m m'ho̱o̱kno̱.
12An hwed bo̱ptin m'hyoo, comta̱nc Ye̱so oopa ni'il nanlo nokka baa ru. A zeka o, “Pya̱a̱ksa̱ d'bug bat ta uv na̱ m'le̱e̱ a belca̱n rigta̱n a cila̱, a kum ta̱m rina̱n ta ryaa. Rema̱n taha̱n va̱na̱n na reine, neta̱n za da.”
13Ye̱so se̱sk la na̱, “Ne̱e̱ na na̱ rina̱n ta ryaa.”
A zeta bo̱, “Na zatta rina̱n pa̱tin c'be̱re̱e̱di c'tan a ge̱n ni'il a̱n taha̱n da. A za bo̱ kaa a̱n na havk na weva netna ha̱n kwe̱ c'ryaak da.” 14(A̱rma̱n c'taa, a cek ho̱d s'kwe̱re̱ s'tan.)
Ye̱so zeta bo̱ an la̱a̱s baa ru, “De̱l na na̱ a soot c'ka̱n-c'ka̱n, kwe̱zc c'il a̱n oopa-oopa.” 15A emk taanlo. A de̱lk na̱ kwe̱ a sweeta̱lka. 16Ye̱so o̱mt bo̱ be̱e̱re̱dica̱n lo c'tan a̱n ge̱nn i'ila̱. Au wa̱lktin a'cona, u bo̱mk A'Sila̱. U bosa̱mk ta̱m ca̱ u nesk an la̱a̱s baa ru a we̱nke̱ netna. 17Neta̱n ryaak la a cigk kwe̱. An la̱a̱s baa Ye̱so o̱mk ta̱m yatrama̱n na ka̱ltin c'gyo̱b oopa a̱n c'ila̱.
I Ye̱so a̱n rein Ka̱risti
(Mat 16:13-19; Mar 8:27-29)
18A̱n d'hwen Ye̱so lak unwa v'da̱n a̱n s'cepko. An la̱a̱s baa ru nokta bo̱ baa ru. U ipkt bo̱ na̱, “Iwe̱ a̱n neta̱n rein ta po̱g me?”
19A se̱sk o, “Ahyan zek az i vo Yohana kan emam na baptisma. Ahyan zek az i vo Iliya. Ahyan el ta̱m ta ze az i vo k'barav Na'Sil un de̱ha̱n a̱n po̱tin ta̱m u vaaka.”
20Ye̱so ipkt bo̱ na̱, “Nwaa la bano, iwe̱ a̱n rein ta̱n po̱g me?”
Bitrus se̱sk o, “I vo a̱n rein Ka̱risti.”
21U saat bo̱ na̱ d'rin a̱ndaabe, u kaagk ta̱m na̱ az aa ve̱ce̱ la noc ri ha̱n da. 22U zeka na̱ ta̱ma̱, “Ke̱ng Waav Noc tu ryaa d'kob s'goo-s'goo. Hwenga̱nc Yahude̱ne̱ a c'hwengnan ka̱bd Na'Sil a an la̱a̱sa̱m na s'giiran ta ha̱l o. Nan hwaa o. A̱n hweda̱ v'ta̱ccu la, Sila ta po̱to̱so̱ o.”
Neta̱n Ye̱so ta ryaa d'koba
(Mat 16:24-28; Mar 8:34)
23U zeka ta̱m an lain a̱n a̱n'a kwe̱, “Koowe̱ a̱n to̱nin u gaba me, i ke̱ng u ha̱l to̱nun de̱bc ru. U walg ryaaka̱ d'kob kooye̱ hweda, ho̱d kan na twe̱e̱se̱in kanka̱n nan hot o, u gaba me. 24Rema̱n kowe̱ a̱n hyain naps ri a̱n gelva̱n nan hwaa o, tu wa̱a̱. Koowe̱ la a̱n nan hwaa rem ri, i unwa a̱n tu po̱to̱. 25Iye̱ a̱n noc tu kumu, awaz u kumk rihica̱n copun yanda̱ha̱n kwe̱, u rob kaa hid ru? Alla iye̱ a̱n noc tu nes u to̱vt hid ru? 26Koowe̱ a̱n tu hong e̱nm ri a lalks ri ni, mi Waav Noc ta̱'m hong la e̱nm ru a̱n daava̱n ta̱'m hata a comta̱nc rin an zattin ri d'reb da, a̱nmin gwink ri a gwink K'Ceto no. 27A̱m el a̱n ve̱ce̱m no m'ga̱u, ahyan el a'es taha̱n an zain na̱m'wa̱a̱ da a za a he̱nk go̱mc Na'Sil da.”
Vodma̱n hyo̱o̱m Ye̱so
(Mat 17:1-8; Mar 9:2-8)
28An na la̱vtin ho̱d c'hwen c'ya̱a̱r a̱n taasma̱n vatma̱n lalksa̱ hna, Ye̱so o̱mk Bitrus a Yohana na a Yakub nu, a elk a̱n k'se̱m a cepkte. 29Au latina̱n s'cepko, hyo̱o̱ma̱n cu'a ru vodka, kusa̱m ru pusa̱nka̱ ta̱m padpada. 30Na el taanlo, go̱t net ni'il a̱n s'lalk a Ye̱so no. Netna ne, i Mosa na Iliya, baranc Na'Sila̱. 31A ceka coso a̱n gwink Na'Sila̱. A emk s'lalk a Ye̱son ho̱da̱na̱n tu esasta rina̱n Sila walgin in tanin wa̱a̱'anan tu wa̱a̱ a̱n le̱in Urisalima.
32Bitrus a an lain a unwan lak na̱m'la̱va̱. Aa pa̱dktine, a he̱nk gwink Ye̱so d'kut a k net ni'il an lain a'es a unwa na. 33Daava̱n netna ne latin na̱ m'unu a lag Ye̱so, Bitrus zeka o, “Kanubu, i emk d'ke̱m an na retin tahna. Lag c em m'saace m'ta̱a̱cu. I'Da̱n rem rovo. I'Da̱n rem Mosa. I hyan rem Iliya.”
Bitrus ta nap la rina̱n u rein nu'zeu da, rem i yata̱rk o.
34Au latina̱n s'lalk taaha̱nna, weck haka k emaka na̱ m'le̱le̱. A hongk ta̱m v'gel aa uvtin a̱nmin weck ne. 35Goda̱v ruka̱ ta̱m a̱nmi k'wec a̱v zeka, “Go̱t na Waav ri. A̱m el ta̱'m to̱n o hwe̱di d'kala. Ge̱ne̱ na o u'con.”#9:35 Go̱t ta̱m: Isa 42:1; Mat 3:17; 12:18; Mar 1:11; Luk 3:22.
36A̱n daava̱n lalks restine, a he̱n-he̱n Ye̱so unwa v'da̱n. A kink la e a̱n c'de̱be̱, a ta ve̱ce̱ noc a̱n hweca̱n lo da̱n rihica̱n a he̱ne̱in da.
Ye̱so vogk rinnas'ce baa waa
(Mat 17:14-18; Mar 9:14-27)
37Na̱m'zanta, Ye̱so a an gaba̱m ru nanlo i'ta̱a̱c cizka̱ a̱n se̱me̱. Damran bugda̱n neta̱n nokka ta̱m baa ru. 38Go̱to̱ ta̱m noc a̱nmi d'bug ze̱lk v'god na̱m'we̱se̱. U zeka, “Kan la̱a̱sa̱m na, a̱m el a̱n kona̱m rovo, se̱e̱te̱ waav ri. I unwa v'da̱n a̱m ciini. 39Rinnas'ce el ta ko̱s o, ta de̱l o u kan a̱ndaabe. Ta de̱l o ta̱m tu hyaa v'tattra tu ruta̱ c'pekta na'nwa̱a̱. A za ta lag o u hwera da. A el ta̱m a̱n pita̱lsa̱m ru. 40A̱m konk an la̱a̱s baa rov az a vog na̱. A ta hweks la da.”
41Ye̱so zeta bo̱, “Nwaa netnan ta̱ma̱, a c'honga̱mzan, an robamda̱n bata̱m d'ba̱ta̱! Go̱t na ho̱da̱na̱n m gostin baa no. A̱m gagk ta̱m c'de̱b a nwaa na. V'Daa la a̱n ta bat d'ba̱t baa ri da. Nokta ha waav rovo.”
42An waaune latin tu noka-noka, rinnas'ce de̱lk u hek v'tattra. Ye̱so haagsta bo̱ rinnas'ce. U taask ta̱m waa gaago. U badasta bo̱ ceto unwa.
43Netnanan lain kwe̱ a̱n a̱n'a, a sipk a'nwa̱a̱ rema̱n damran we̱sa̱m Na'Sila̱.
Ye̱so tanka ta̱m da̱n wa̱a̱'a ru
(Mat 17:22-23; Mar 9:30-32)
Aa latin ge̱ v'daa a̱n sipa̱m na'nwa̱a̱ rema̱n rihica̱n Ye̱so emka̱llin kwe̱, u zeka an la̱a̱s baa ru, 44“A hwec kaa la no lalksa̱ ha̱n da. Nan badasa Waav Noc a̱n komc an ha̱lc ru.” 45An la̱a̱s baa ru ta ke̱e̱se̱ la rina̱n u vatin da. Na ze̱s-ze̱s la na̱ rema̱n aa ke̱e̱se̱ la rina̱n u vatin da. A hongk ta̱m gelva̱n ipka̱m ru da̱n lalkune.
Iwe̱ a̱n rein u so̱dk kwe̱?
(Mat 18:1-5; Mar 9:33-37)
46An la̱a̱s baa Ye̱so lak a̱n lansa̱n az iwe̱ baa na̱ a̱n tu soot u so̱dk kwe̱. 47Ye̱so napk la de̱bc na̱. U o̱mto̱ bo̱ waa u reko, u esasa a̱n hwic na̱. 48U zeta bo̱ na̱, “Koowe̱ a̱n tu kab waa uha̱n rema̱n dind ri, i mi u kabine. Koowe̱ ta̱m a̱n kabin me, i kan comain me u kabine. Koowe̱ a̱n rein u kalk kwe̱ baa no, i unwa a̱n tu soot u so̱dk kwe̱.”
Kan ta ha̱lin v da iu rovo
(Mar 9:38-40)
49Yohana emt bo̱ s'lalko, “Kanubu, c he̱nke̱ uhyan a̱n rutma̱n rinnas'ce a̱n we̱sma̱n dind rovo. Ca̱ holta bo̱ o, rema̱n u za d'kut a cinnan da.”
50Ye̱so zeta bo̱ o, “A̱n ta la be̱ a̱n hol o da. Kan zain a̱n ha̱lc na da, iu cinna.”
A ta marssa Ye̱so da
51An daav bo̱ptina̱n can va̱n Sila ta o̱mt Ye̱so caam na'cona, u de̱lk de̱bca̱n havma̱n le̱in Urisalima. 52Ye̱so cukt bo̱ neta̱n a nokso. A havt bo̱ a̱n herg hyan un le̱in Samariya a we̱lgte̱ o c'rihi. 53An le̱in lo ta marssa la o da rema̱n u de̱lk de̱bca̱n havma̱n le̱in Urisalima. 54A̱n daava̱n an la̱a̱s baa ru, Yakub na Yohana he̱ntin tan, a zeka, “Kanubu, ta̱'v lag c de̱l hwelan ciza̱ lanm na'con a toks na̱?”
55Ye̱so pankka u haagska na̱. 56A to̱o̱t bo̱ a hav a̱n herg hyan.
An zein az ta gab Ye̱so
(Mat 8:19-22)
57Aa retina̱n k'le̱ve̱, noc hyan zeka o, “Ta̱'m gab vo va̱na̱n ta̱'v hav kwe̱.”
58Ye̱so zeta bo̱ o, “Kirke̱e̱con ci s'wa̱a̱, nema̱n ci c'ta̱ndi. Waav Noc la, u zatta va̱na̱n tu la̱ta̱sa̱ hid ru da.”
59U zeka ta̱m a̱ra̱m hyan, “Gaba ha me.”
A̱rmun zeka la o, “Kanubu, lag a̱m baa hav a̱m saga cet me.”
60Ye̱so zeta bo̱ o, “Lag ha an wa̱in a sag wa̱a̱c na̱. Nok ba̱ra̱v a̱v em ba̱sda̱n go̱mc Na'Sila̱.”
61Uhyan zeka ta̱m o, “Kanubu, ta̱'m gab vo. La-la ta̱'m baa hav a̱m ve̱ce̱ an buu ri.” 62Ye̱so zeta bo̱ o, “Koowe̱ a̱n tu gab a̱m tu be̱le̱z dima̱, u ta hwenna yomkan go̱mc Na'Sil da. Ho̱da̱na̱n kan ka̱ra̱mca̱n naama̱n ta hwentain a̱n be̱le̱sa̱n dim da.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019