Luka 8
8
Netananan gabin Ye̱so
1An ho̱ra̱v hwaine, Ye̱so uvk a̱nmin kooye̱ le̱e̱ya, a̱m damran a a̱m rekma̱n kwe̱. U emk d'ba̱s a̱n ba̱tksa̱ma̱n kasi lalksa̱n go̱mc Na'Sila̱. An la̱a̱s baa ru oopa ni'il anlo lak ta̱m d'kut a unwa na. 2Netan hyan au rutin rinnas'ce u taas ta̱m na̱ s'malse, a lak ta̱m baa na̱. Go̱t Me̱e̱ri (kan Magdala), un Ye̱so vogin rinnas'ce i'tan'il baa ru. 3Go̱t Yuwana netav Kuza, un lain da̱nv so̱dka̱n coka̱n He̱ro̱d. A̱n Suzana a ahyan ta̱m hwe̱di. Netana ha̱n lak a̱n se̱e̱te̱m Ye̱so a an la̱a̱s baa run a̱n kumu na̱.
C'Hwennsa a̱n kanugo̱vo̱
(Mat 13:1-9; Mar 4:1-9)
4Daava̱n neta̱n hwe̱di kargtain d'baa d'da̱n, lanma̱n kooye̱ le̱e̱ya, Ye̱so emaka na̱ s'lalk a̱n c'hwennsa.
5U zeka, “Kanugo̱v ruk a̱n d'goo. Au latina̱n d'goo, goo hyan hek a̱n e̱s k'le̱ve̱, na le̱vga̱lk e ta̱m nema̱n ryaaka. 6I hyan hek nu'taare. Daav i pottaine, i ho̱o̱ko̱ rema̱n baad zatta u'sumu da. 7I hyan hek a̱n c'hila̱. Hila̱c gubiski a inyan c holk e c'gubu. 8I hyan hek a̱n copu kasi. I gubk i matka yaan hwe̱di.”
Daava̱n Ye̱so vattin rihica̱ hna, u zeka, “Koowe̱ a̱n ciin conc nu'hongo, lag u honga.”
Rina̱n de̱lin Ye̱so a̱n c'hwennsa
(Mat 13:10-17; Mar 4:10-12)
9An la̱a̱s baa Ye̱so ipkt bo̱ o, “Iye̱ bo̱ kaa v vatina̱n hwennsaca̱ hna?” 10U se̱st bo̱ na̱, “Nwaa a̱n kumk na ve̱ce̱ke̱ no rihic ze̱sk ca̱n go̱mc Na'Sila̱. Ahyan la, i a̱n c'hwennsa. Rema̱n go̱t ge̱ ta go̱tte, a ta he̱n la da. Ta honga, a ta ke̱e̱se̱ la da.”
Ye̱so ba̱tkska̱ c'hwennsa
(Mat 13:18-23; Mar 4:13-20)
11“Go̱t na rina̱n na vatin a̱n c'hwennsa: Goo, i lalks Na'Sila̱. 12Goina̱n hyain a̱n e̱s k'le̱ve̱, i ho̱da̱n netnanan ta hong lalks Na'Sila̱, A̱krimu hanz a̱ndaabe u ko̱s lalks ne a̱n de̱bc na̱, rema̱n aa bat la d'ba̱t a kum d'gwa̱a̱ma̱ da. 13Goina̱n hyain nu'taare, i ho̱da̱n netnanan ta hong lalks Na'Sila̱, a kab sa̱ a̱n c'za̱ngkta̱ daav a hongtin sa̱. Ai retin la a ta tan s'ga̱a̱r da, ta bat d'ba̱t a kab na̱v'daa ca̱nmi. Daava̱n ke̱ta̱mse̱c ca̱n nokta la, ta vaak dima̱.
14“Goina̱n hyain la baa c'hila̱, i ho̱da̱n netnanan ta hong lalks Na'Sila̱. Ai gosin ca̱nmi, keka̱bsa̱n rihica̱ c'nocurimu, u'kumu, a he̱nun ke̱mda̱ c'nocurimun nokaz ca̱ hol na̱ matma̱n yaana. 15In hyain la a̱n copu kasi, i an hongin lalks ne, a kabk sa̱ d'ba̱t d'da̱n. A kin sa̱ ta̱m a̱n c'de̱be̱. A gag ta̱m c'de̱b a mat yaan hwe̱di.
D'Ta̱si
(Mar 4:21-25)
16“Noc za ta̱m un tu dapasa d'ta̱si u kubg da̱ ni'dor alla u cuk da̱ a̱n parasa̱n da. Tu sakasa da̱ a̱n d'saka rema̱n an ta uva̱ a kum d'za̱n. 17Rihi za in na ze̱sin in na zain a̱n ruta̱ a̱n d'yan alla lalksa̱n na ze̱sin sa̱n na zain nu'ba̱s koowe̱ hong da. 18Rema̱n taanlo, kaa na kaa d'hi a̱n nap ho̱da̱na̱n ta̱n gant u'con. Koowe̱ a̱n ciini, i unwa a̱n nan ne̱e̱. Koowe̱ ta̱m a̱n zattin rihi da, baa ru a̱n nan kab rina̱n u rein nu'he̱n az u ci.”
Ha̱n Ye̱son a inu nu
(Mat 12:46-50; Mar 3:31-35)
19A̱n d'hwen, in Ye̱so a ha̱nun nokka baa ru. A ta kum la ke̱e̱da̱n caama̱n baa ru da rema̱n bugda̱n netna. 20Neta̱n hyan ve̱ce̱te̱ bo̱ o, “In vu a ha̱n va̱n el a'es na'is a to̱nk a he̱n vo.”
21Ye̱so se̱st bo̱ na̱, “In mi a ha̱n mi ni, i an ta hong lalks Na'Sila̱, a gab ta̱m sa̱.”
Ye̱so esaska c'e̱n
(Mat 8:23-27; Mar 4:35-41)
22A̱n d'hwen, Ye̱so uvk a̱n bumbka̱ m'ho̱o̱ a an la̱a̱s baa ru nu. U zeta bo̱ na̱, “Na pas na rigt m'saa.” A to̱uzo. 23Aa latin na'ha̱gc na̱m'saa, la̱va̱m ko̱suz Ye̱so. Go̱to̱z kaa e̱nc gudgka̱ na̱m'saa, ho̱o̱m hik ta̱m bumbka̱ m'ho̱o̱ cwebe, ka̱ el a̱n hob nu'ya̱u. 24A hata bo̱ baa Ye̱so a pa̱dkska̱ o. A zeka o, “Kanubu, Kanubu, nan hav bo̱ na'wa̱a̱.”
U unuku la u haagska c'e̱n a gaagca̱ m'ho̱o̱ no̱. A̱ndaabe, c'e̱n a gaagca̱ m'ho̱o̱n resk te̱kk. 25U zeta bo̱ na̱, “I pe̱ha̱n bo̱ kaa batma̱n ba̱ta̱d no?”
A sipk a'nwa̱a̱ ta̱m gelk ryaak na̱. A zeka hyannana̱, “Iye̱ goon nocwa hna? Tu ze c'e̱n a m'ho̱o̱n az c esa, ca̱ gab la rina̱n u zeine.”
Ye̱so rutk a̱ra̱m rinnas'ce
(Mat 8:28-34; Mar 5:1-20)
26Ye̱so a an la̱a̱s baa run ceka ta̱m copun Ge̱rasin, un rein rigt ti go̱tto Galili. 27An Ye̱so rwa̱a̱gta̱in u ceka k'bila̱, noc hyan kan le̱in lo haka u gwaantka o. Nocune, u gosk u ci rinnas'ce. A tu to̱p m'kus da. A tu soot ta̱m nu'bu da a za baa c'sag da.
28Au he̱ntin Ye̱so, u kank u haka u hek a̱n hwic Ye̱so. U ipkk ta̱m na̱m'we̱se̱, “Iye̱ c paatin vo, Ye̱so, Waav Sila nan pa̱tin kooye̱? A̱m konk vo, av ryeesa la m d'kob da.” 29U vat-vat taanl rema̱n Ye̱so baask u haagska rinnas'ce az a rwa̱n baa nocune. S'Lam hwe̱di ai gudga̱ nocune, a na gag o a̱n s'ko̱mo̱ a d'kampareeg ne, u el la tu ka̱sa̱m u geca̱m ta̱m ca̱, rinnas'ce cuk ta̱m o a̱nmi k'kade.
30Ye̱so ipkt bo̱ o, “Dind rov we̱?”
U zeka, “D'Bugu.” Rema̱n i rinnas'ce hwe̱di an uvin baa ru. 31A kont bo̱ Ye̱so az au ze la az a rwa̱a̱ a uv a̱n wa̱a̱ka̱n zattin ged da.#8:31 wa̱a̱ka̱n zattin ged da: Wa̱a̱ka̱n na zein ka̱ el nu'cop va̱na̱n na gagin rinnas'ce i caa hweda̱n nan gedata na̱ s'lalko.
32A̱n daava̱n lo, bugda̱n ale̱de̱n lak a̱n c'ta̱a̱g a̱n conan se̱me̱. Rinnas'ce kont bo̱ Ye̱so az u lag na̱ a uv a̱n ale̱de̱ne̱. Ye̱so se̱sk la na̱. 33Rinnas'ce rut bo̱ baa nocune, a uvk baa ale̱de̱ne̱. D'Bug d'biri virkka̱ a̱n se̱m a kivku na̱m'saa, a yiik a uk kwe̱.
34A̱n daava̱n an go̱tec na̱ he̱ntin rina̱n emine, a somk a havk a ba̱sk e a̱nmi ni'le̱e̱ a c'bel na. 35Neta̱n rwiila̱lta̱ bo̱ a he̱nt rina̱n emine. A ceka baa Ye̱so a gitka̱ nocuna̱n rinnas'ce rwa̱in baa ru a'soot baan naas Ye̱so a m'kusa̱n a'to̱po̱. U el ta̱m vedvede. Gelk ryaat bo̱ na̱. 36An he̱nin rina̱n emin kwe̱, a ve̱ce̱ke̱ neta̱n ho̱da̱na̱n kan ciin rinnas'ce kumtin m'ho̱o̱kno̱. 37A̱n daava̱n lo, netnan copca̱n Ge̱rasin a e̱ssa̱n rigin na̱n kont bo̱ Ye̱so az u unu baa na̱. Rema̱n gela̱v ryaak na̱ hwe̱di d'kala. U sakt bo̱ a̱n bumbka̱ m'ho̱o̱, u to̱o̱ko̱. 38A̱n daava̱n lo, nocuna̱n rinnas'ce rwa̱in baa ru, konk az Ye̱so lag o u soot baa ru.
Ye̱so de̱lk la o u to̱o̱. U zeka ta̱m o, 39“Vaak nu'bu a̱v vat rina̱n Sila emain vo.”
U to̱o̱k la u gedanka i'le̱e̱ a̱n vatma̱n rina̱n Ye̱so emain o.
Na taask an batin d'ba̱t s'malse
(Mat 9:18-26; Mar 5:21-43)
40An Ye̱so vaaktaine, neta̱n kabk o a̱n c'za̱ngkta̱ rema̱n a lak kwe̱ a̱n la̱gsa̱m ru. 41Go̱to̱ ta̱m nocuna̱n nan po̱g Jairus, k'go̱mgo̱m va̱n ka̱bda̱n kargad Yahude̱ne̱. U haka u hek baan naas Ye̱so, u konk o az u han a̱n buu ru. 42U ciki waa'wanta uda̱nka̱. Waav s'we̱e̱ oopa a̱n s'il nu'maco, un rein ta̱m a'la̱t a̱n hob na'wa̱a̱.
An Ye̱so latin tu nok-noka, neta̱n rigk o a ho̱dkske o. 43A̱nmin bugda̱n netna ne, neta lak baa na̱ un so̱in d'kob hwe̱di nu'cin s'we̱e̱ oopa a̱n s'ila̱. U hok rina̱n u ciin a̱n nocurimuc ru kwe̱ a̱n hob s'banco. A̱n na kum la kan hweksin taasa̱m ru gaag da. 44U gabta bo̱ ga̱la̱n dimd Ye̱so u do̱v nwa̱a̱da̱n kusi ru. A̱ndaabe, hiba̱m gedk kyo̱tt. 45Ye̱so ipkt bo̱, “Iwe̱ a̱n do̱vin me?”
An koowe̱ hyaatine, Bitrus a an lain baa run ipkk o. A zeka “Kanubu, bugda̱n neta̱n rigk a el a̱n ho̱dksem rovo, ta̱'v ze ta̱ma̱, ‘Iwe̱ a̱n do̱vin me?’ ”
46Ye̱so se̱sk la, “Noc do̱vk a̱m a̱n d'to̱nke. Rema̱n a̱m hongk we̱sa̱m ruk baa ri.” 47An neta he̱ntin az rina̱n u emin ta ze̱se̱ da, u haka a̱n s'zap u hek baan naas Ye̱so. U ve̱ce̱te̱ bo̱ o rina̱n de̱lin o u do̱vt kusi ru neta̱n kwe̱ ta hongte. U vatk ta̱m ho̱da̱na̱n gaag taatin o a̱ndaabe. 48Ye̱so zeta bo̱ o, “Waav ri, la̱ta̱sa̱ de̱bc rovo. Batma̱n ba̱ta̱d rov taask a̱v gaag rovo. To̱o̱ c'de̱b ca̱ la̱tki.”
49An Ye̱so latina̱n s'lalko, noc haka lanma̱n buu k'go̱mgo̱m va̱n ka̱bda̱ d'karga. U zeka Jairus, “Waa'wantad rov uku, av o̱so̱so̱ la ta̱m kan la̱a̱s da.”
50Daava̱n Ye̱so hongtine, u zeka, “Av hong la v'gel da. Bat ba̱ra̱v d'ba̱t baa ri, gaag tu taa waa'wanta.”
51Daava̱n Ye̱so uvta̱in a̱n buune, u ta se̱s noc hyan uva̱ da a za Bitrus a Yakub a Yohana a k'ceto a ina̱n waa'wantan da. 52Neta̱n lak kwe̱ a̱n o̱ns waa'wantaune. Ye̱so zeta bo̱ na̱, “Lag na s'o̱n. U ta wa̱a̱ da, la̱vma u retine.”
53A ke̱ka̱lt bo̱ Ye̱so a ceesa. Rema̱n a napk az waa'wanta baask u uku. 54Au cetin baa waa'wanta, u sipk o a'koma. U po̱gk ta̱m o, “Waa'wanta, unu!” 55Hora̱md waa'wanta vaakka baa ru. U unuku cott. Ye̱so de̱lt bo̱ na̱ a ne̱e̱ o c'ryaako. 56An matin waa'wanta sipk a'nwa̱a̱. Ye̱so saat bo̱ na̱ d'rin az aa ve̱ce̱ la noc rina̱n emin da.
ទើបបានជ្រើសរើសហើយ៖
Luka 8: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 8
8
Netananan gabin Ye̱so
1An ho̱ra̱v hwaine, Ye̱so uvk a̱nmin kooye̱ le̱e̱ya, a̱m damran a a̱m rekma̱n kwe̱. U emk d'ba̱s a̱n ba̱tksa̱ma̱n kasi lalksa̱n go̱mc Na'Sila̱. An la̱a̱s baa ru oopa ni'il anlo lak ta̱m d'kut a unwa na. 2Netan hyan au rutin rinnas'ce u taas ta̱m na̱ s'malse, a lak ta̱m baa na̱. Go̱t Me̱e̱ri (kan Magdala), un Ye̱so vogin rinnas'ce i'tan'il baa ru. 3Go̱t Yuwana netav Kuza, un lain da̱nv so̱dka̱n coka̱n He̱ro̱d. A̱n Suzana a ahyan ta̱m hwe̱di. Netana ha̱n lak a̱n se̱e̱te̱m Ye̱so a an la̱a̱s baa run a̱n kumu na̱.
C'Hwennsa a̱n kanugo̱vo̱
(Mat 13:1-9; Mar 4:1-9)
4Daava̱n neta̱n hwe̱di kargtain d'baa d'da̱n, lanma̱n kooye̱ le̱e̱ya, Ye̱so emaka na̱ s'lalk a̱n c'hwennsa.
5U zeka, “Kanugo̱v ruk a̱n d'goo. Au latina̱n d'goo, goo hyan hek a̱n e̱s k'le̱ve̱, na le̱vga̱lk e ta̱m nema̱n ryaaka. 6I hyan hek nu'taare. Daav i pottaine, i ho̱o̱ko̱ rema̱n baad zatta u'sumu da. 7I hyan hek a̱n c'hila̱. Hila̱c gubiski a inyan c holk e c'gubu. 8I hyan hek a̱n copu kasi. I gubk i matka yaan hwe̱di.”
Daava̱n Ye̱so vattin rihica̱ hna, u zeka, “Koowe̱ a̱n ciin conc nu'hongo, lag u honga.”
Rina̱n de̱lin Ye̱so a̱n c'hwennsa
(Mat 13:10-17; Mar 4:10-12)
9An la̱a̱s baa Ye̱so ipkt bo̱ o, “Iye̱ bo̱ kaa v vatina̱n hwennsaca̱ hna?” 10U se̱st bo̱ na̱, “Nwaa a̱n kumk na ve̱ce̱ke̱ no rihic ze̱sk ca̱n go̱mc Na'Sila̱. Ahyan la, i a̱n c'hwennsa. Rema̱n go̱t ge̱ ta go̱tte, a ta he̱n la da. Ta honga, a ta ke̱e̱se̱ la da.”
Ye̱so ba̱tkska̱ c'hwennsa
(Mat 13:18-23; Mar 4:13-20)
11“Go̱t na rina̱n na vatin a̱n c'hwennsa: Goo, i lalks Na'Sila̱. 12Goina̱n hyain a̱n e̱s k'le̱ve̱, i ho̱da̱n netnanan ta hong lalks Na'Sila̱, A̱krimu hanz a̱ndaabe u ko̱s lalks ne a̱n de̱bc na̱, rema̱n aa bat la d'ba̱t a kum d'gwa̱a̱ma̱ da. 13Goina̱n hyain nu'taare, i ho̱da̱n netnanan ta hong lalks Na'Sila̱, a kab sa̱ a̱n c'za̱ngkta̱ daav a hongtin sa̱. Ai retin la a ta tan s'ga̱a̱r da, ta bat d'ba̱t a kab na̱v'daa ca̱nmi. Daava̱n ke̱ta̱mse̱c ca̱n nokta la, ta vaak dima̱.
14“Goina̱n hyain la baa c'hila̱, i ho̱da̱n netnanan ta hong lalks Na'Sila̱. Ai gosin ca̱nmi, keka̱bsa̱n rihica̱ c'nocurimu, u'kumu, a he̱nun ke̱mda̱ c'nocurimun nokaz ca̱ hol na̱ matma̱n yaana. 15In hyain la a̱n copu kasi, i an hongin lalks ne, a kabk sa̱ d'ba̱t d'da̱n. A kin sa̱ ta̱m a̱n c'de̱be̱. A gag ta̱m c'de̱b a mat yaan hwe̱di.
D'Ta̱si
(Mar 4:21-25)
16“Noc za ta̱m un tu dapasa d'ta̱si u kubg da̱ ni'dor alla u cuk da̱ a̱n parasa̱n da. Tu sakasa da̱ a̱n d'saka rema̱n an ta uva̱ a kum d'za̱n. 17Rihi za in na ze̱sin in na zain a̱n ruta̱ a̱n d'yan alla lalksa̱n na ze̱sin sa̱n na zain nu'ba̱s koowe̱ hong da. 18Rema̱n taanlo, kaa na kaa d'hi a̱n nap ho̱da̱na̱n ta̱n gant u'con. Koowe̱ a̱n ciini, i unwa a̱n nan ne̱e̱. Koowe̱ ta̱m a̱n zattin rihi da, baa ru a̱n nan kab rina̱n u rein nu'he̱n az u ci.”
Ha̱n Ye̱son a inu nu
(Mat 12:46-50; Mar 3:31-35)
19A̱n d'hwen, in Ye̱so a ha̱nun nokka baa ru. A ta kum la ke̱e̱da̱n caama̱n baa ru da rema̱n bugda̱n netna. 20Neta̱n hyan ve̱ce̱te̱ bo̱ o, “In vu a ha̱n va̱n el a'es na'is a to̱nk a he̱n vo.”
21Ye̱so se̱st bo̱ na̱, “In mi a ha̱n mi ni, i an ta hong lalks Na'Sila̱, a gab ta̱m sa̱.”
Ye̱so esaska c'e̱n
(Mat 8:23-27; Mar 4:35-41)
22A̱n d'hwen, Ye̱so uvk a̱n bumbka̱ m'ho̱o̱ a an la̱a̱s baa ru nu. U zeta bo̱ na̱, “Na pas na rigt m'saa.” A to̱uzo. 23Aa latin na'ha̱gc na̱m'saa, la̱va̱m ko̱suz Ye̱so. Go̱to̱z kaa e̱nc gudgka̱ na̱m'saa, ho̱o̱m hik ta̱m bumbka̱ m'ho̱o̱ cwebe, ka̱ el a̱n hob nu'ya̱u. 24A hata bo̱ baa Ye̱so a pa̱dkska̱ o. A zeka o, “Kanubu, Kanubu, nan hav bo̱ na'wa̱a̱.”
U unuku la u haagska c'e̱n a gaagca̱ m'ho̱o̱ no̱. A̱ndaabe, c'e̱n a gaagca̱ m'ho̱o̱n resk te̱kk. 25U zeta bo̱ na̱, “I pe̱ha̱n bo̱ kaa batma̱n ba̱ta̱d no?”
A sipk a'nwa̱a̱ ta̱m gelk ryaak na̱. A zeka hyannana̱, “Iye̱ goon nocwa hna? Tu ze c'e̱n a m'ho̱o̱n az c esa, ca̱ gab la rina̱n u zeine.”
Ye̱so rutk a̱ra̱m rinnas'ce
(Mat 8:28-34; Mar 5:1-20)
26Ye̱so a an la̱a̱s baa run ceka ta̱m copun Ge̱rasin, un rein rigt ti go̱tto Galili. 27An Ye̱so rwa̱a̱gta̱in u ceka k'bila̱, noc hyan kan le̱in lo haka u gwaantka o. Nocune, u gosk u ci rinnas'ce. A tu to̱p m'kus da. A tu soot ta̱m nu'bu da a za baa c'sag da.
28Au he̱ntin Ye̱so, u kank u haka u hek a̱n hwic Ye̱so. U ipkk ta̱m na̱m'we̱se̱, “Iye̱ c paatin vo, Ye̱so, Waav Sila nan pa̱tin kooye̱? A̱m konk vo, av ryeesa la m d'kob da.” 29U vat-vat taanl rema̱n Ye̱so baask u haagska rinnas'ce az a rwa̱n baa nocune. S'Lam hwe̱di ai gudga̱ nocune, a na gag o a̱n s'ko̱mo̱ a d'kampareeg ne, u el la tu ka̱sa̱m u geca̱m ta̱m ca̱, rinnas'ce cuk ta̱m o a̱nmi k'kade.
30Ye̱so ipkt bo̱ o, “Dind rov we̱?”
U zeka, “D'Bugu.” Rema̱n i rinnas'ce hwe̱di an uvin baa ru. 31A kont bo̱ Ye̱so az au ze la az a rwa̱a̱ a uv a̱n wa̱a̱ka̱n zattin ged da.#8:31 wa̱a̱ka̱n zattin ged da: Wa̱a̱ka̱n na zein ka̱ el nu'cop va̱na̱n na gagin rinnas'ce i caa hweda̱n nan gedata na̱ s'lalko.
32A̱n daava̱n lo, bugda̱n ale̱de̱n lak a̱n c'ta̱a̱g a̱n conan se̱me̱. Rinnas'ce kont bo̱ Ye̱so az u lag na̱ a uv a̱n ale̱de̱ne̱. Ye̱so se̱sk la na̱. 33Rinnas'ce rut bo̱ baa nocune, a uvk baa ale̱de̱ne̱. D'Bug d'biri virkka̱ a̱n se̱m a kivku na̱m'saa, a yiik a uk kwe̱.
34A̱n daava̱n an go̱tec na̱ he̱ntin rina̱n emine, a somk a havk a ba̱sk e a̱nmi ni'le̱e̱ a c'bel na. 35Neta̱n rwiila̱lta̱ bo̱ a he̱nt rina̱n emine. A ceka baa Ye̱so a gitka̱ nocuna̱n rinnas'ce rwa̱in baa ru a'soot baan naas Ye̱so a m'kusa̱n a'to̱po̱. U el ta̱m vedvede. Gelk ryaat bo̱ na̱. 36An he̱nin rina̱n emin kwe̱, a ve̱ce̱ke̱ neta̱n ho̱da̱na̱n kan ciin rinnas'ce kumtin m'ho̱o̱kno̱. 37A̱n daava̱n lo, netnan copca̱n Ge̱rasin a e̱ssa̱n rigin na̱n kont bo̱ Ye̱so az u unu baa na̱. Rema̱n gela̱v ryaak na̱ hwe̱di d'kala. U sakt bo̱ a̱n bumbka̱ m'ho̱o̱, u to̱o̱ko̱. 38A̱n daava̱n lo, nocuna̱n rinnas'ce rwa̱in baa ru, konk az Ye̱so lag o u soot baa ru.
Ye̱so de̱lk la o u to̱o̱. U zeka ta̱m o, 39“Vaak nu'bu a̱v vat rina̱n Sila emain vo.”
U to̱o̱k la u gedanka i'le̱e̱ a̱n vatma̱n rina̱n Ye̱so emain o.
Na taask an batin d'ba̱t s'malse
(Mat 9:18-26; Mar 5:21-43)
40An Ye̱so vaaktaine, neta̱n kabk o a̱n c'za̱ngkta̱ rema̱n a lak kwe̱ a̱n la̱gsa̱m ru. 41Go̱to̱ ta̱m nocuna̱n nan po̱g Jairus, k'go̱mgo̱m va̱n ka̱bda̱n kargad Yahude̱ne̱. U haka u hek baan naas Ye̱so, u konk o az u han a̱n buu ru. 42U ciki waa'wanta uda̱nka̱. Waav s'we̱e̱ oopa a̱n s'il nu'maco, un rein ta̱m a'la̱t a̱n hob na'wa̱a̱.
An Ye̱so latin tu nok-noka, neta̱n rigk o a ho̱dkske o. 43A̱nmin bugda̱n netna ne, neta lak baa na̱ un so̱in d'kob hwe̱di nu'cin s'we̱e̱ oopa a̱n s'ila̱. U hok rina̱n u ciin a̱n nocurimuc ru kwe̱ a̱n hob s'banco. A̱n na kum la kan hweksin taasa̱m ru gaag da. 44U gabta bo̱ ga̱la̱n dimd Ye̱so u do̱v nwa̱a̱da̱n kusi ru. A̱ndaabe, hiba̱m gedk kyo̱tt. 45Ye̱so ipkt bo̱, “Iwe̱ a̱n do̱vin me?”
An koowe̱ hyaatine, Bitrus a an lain baa run ipkk o. A zeka “Kanubu, bugda̱n neta̱n rigk a el a̱n ho̱dksem rovo, ta̱'v ze ta̱ma̱, ‘Iwe̱ a̱n do̱vin me?’ ”
46Ye̱so se̱sk la, “Noc do̱vk a̱m a̱n d'to̱nke. Rema̱n a̱m hongk we̱sa̱m ruk baa ri.” 47An neta he̱ntin az rina̱n u emin ta ze̱se̱ da, u haka a̱n s'zap u hek baan naas Ye̱so. U ve̱ce̱te̱ bo̱ o rina̱n de̱lin o u do̱vt kusi ru neta̱n kwe̱ ta hongte. U vatk ta̱m ho̱da̱na̱n gaag taatin o a̱ndaabe. 48Ye̱so zeta bo̱ o, “Waav ri, la̱ta̱sa̱ de̱bc rovo. Batma̱n ba̱ta̱d rov taask a̱v gaag rovo. To̱o̱ c'de̱b ca̱ la̱tki.”
49An Ye̱so latina̱n s'lalko, noc haka lanma̱n buu k'go̱mgo̱m va̱n ka̱bda̱ d'karga. U zeka Jairus, “Waa'wantad rov uku, av o̱so̱so̱ la ta̱m kan la̱a̱s da.”
50Daava̱n Ye̱so hongtine, u zeka, “Av hong la v'gel da. Bat ba̱ra̱v d'ba̱t baa ri, gaag tu taa waa'wanta.”
51Daava̱n Ye̱so uvta̱in a̱n buune, u ta se̱s noc hyan uva̱ da a za Bitrus a Yakub a Yohana a k'ceto a ina̱n waa'wantan da. 52Neta̱n lak kwe̱ a̱n o̱ns waa'wantaune. Ye̱so zeta bo̱ na̱, “Lag na s'o̱n. U ta wa̱a̱ da, la̱vma u retine.”
53A ke̱ka̱lt bo̱ Ye̱so a ceesa. Rema̱n a napk az waa'wanta baask u uku. 54Au cetin baa waa'wanta, u sipk o a'koma. U po̱gk ta̱m o, “Waa'wanta, unu!” 55Hora̱md waa'wanta vaakka baa ru. U unuku cott. Ye̱so de̱lt bo̱ na̱ a ne̱e̱ o c'ryaako. 56An matin waa'wanta sipk a'nwa̱a̱. Ye̱so saat bo̱ na̱ d'rin az aa ve̱ce̱ la noc rina̱n emin da.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019