Luka 7
7
Ye̱so taask cok malse
(Mat 8:5-13)
1A̱n daava̱n lo, an Ye̱so taastin lalks ru kwe̱ neta̱n ta hongte, u to̱o̱k u havk a̱n le̱in Kafarnahum. 2A̱n le̱in lo, so̱dka̱v koolnan copun Roma lak a cokno un tu to̱n hwe̱di d'kala. Cokun lo lak a̱n gaag u el a̱n hob na'wa̱a̱. 3An so̱dka̱v koola̱n hongtin dind Ye̱so, u comk hwenga̱nc Yahude̱n baa ru a kona o u noka u taas coka̱v ru gaago. 4Daava̱n manknane cetin baa Ye̱so, a konk o hwe̱di. A zeka o, “U cek a̱v ema o taanlo. 5Rema̱n u el a̱n to̱nca̱n copu cinna. U me̱e̱ke̱ ta̱m na ka̱bda̱n kargad Yahude̱ne̱.”
6Ye̱so gabt bo̱ na̱. Au cetain d'viivi a̱n buune, so̱dka̱v koola̱n comka baran ru baa Ye̱so. U zek az na ze Ye̱so, “Kanubu, av o̱so̱so̱ la hid rov da. A̱m ta ma̱a̱na̱ v uva̱ a̱n buu ri da. 7A̱m ta he̱n ta̱m az a̱m ma̱a̱nka̱ a̱m noka baa rov da. Ze ba̱ra̱v d'gom c'taa, gaag tu taa coka̱v ri. 8A̱m ci go̱mgo̱mnan hwic ri. A̱m ci ta̱m koolnanan reina̱n dimd ri. Am ze ta̱wa̱, ‘To̱o̱,’ tu to̱o̱ la. Am ze ta̱m uhyan, ‘Noka,’ tu noka. Coka̱v ri ta̱ma̱, am ze o, ‘Em taahna,’ tu em e.”
9Daava̱n Ye̱so hongtin rihica̱ hna, u sipk a'nwa̱a̱ rem ru. U pankta bo̱ u zek an laina̱n gabam ru, “Lag na a̱m ve̱ce̱te̱ no. Baa an Isra'ila kwe̱, a̱m ta tak a̱n kum noc a bata̱m d'ba̱ta̱n ho̱d uha̱n da.”
10An an na comin vaaktain a̱n buu so̱dka̱v koolno, a gatka cokuna̱n laina̱n gaag m'ho̱o̱kno̱.
Ye̱so po̱to̱sko̱ waav bomse
11A̱n zantam hyan, Ye̱so a an la̱a̱s baa run uvk a̱n le̱ina̱n nan po̱g Nayin. Neta̱n hwe̱di gabk ta̱m o. 12Aa cetain d'viivi a hutda̱n uva̱m ni'le̱e̱ ne̱, go̱to̱ neta̱n o̱mko̱ d'wa̱a̱ ta sav-sav baa c'sago. Neta̱n hwe̱di a ni'le̱e̱ swiva̱ka̱ in kan wa̱ini. Kan wa̱ini, i waa'beba. I unwa la c'taa a̱n inu matine. Inu ta̱m i bomse. 13Daava̱n Kanubu Ye̱so he̱ntin netaune, u hongk za̱im ru hwe̱di. U zeta bo̱ o, “Lag s'kan.” 14U nokt bo̱ u do̱v u'ke̱nbe̱. An to̱o̱so̱in d'wa̱a̱ est bo̱. U zeta bo̱, “Waa'beba, a̱m zeka vo, unu.” 15Kan wa̱in unuku u sootka. U takaz ta̱m s'lalko. Ye̱so badasta bo̱ o baa inu.
16Gela̱v ryaak koowe̱. A ne̱e̱k ta̱m A'Sil k'gwin. A zeka, “Damran k'barav Na'Sil haka u se̱e̱tte̱ cinna,” ta̱ma̱, “Sila haka baa neta̱n na̱.”
17Lalks ru sa̱ha̱n ba̱rgk koope̱ a̱nmin copun Judiya a ke̱e̱ca̱n copca̱n rigta̱n kwe̱.
Yohana comka neta̱n baa Ye̱so
(Mat 11:2-19)
18An la̱a̱s baa Yohana kan emam na baptisma ve̱ce̱ke̱ o rihica̱ ha̱n kwe̱. Yohana po̱gto̱ bo̱ an la̱a̱s baa ru i'ila̱. 19U comk na̱ baa Kanubu Ye̱so az a ipka̱ o, “I vo o̱pun lo un lain na̱m'han alla c go̱t le̱vk uhyan?”
20Daava̱n netnan lo cetain baa Ye̱so, a zeka o, “Yohana kan emam na Baptisma comka co baa rovo. U zek az ca̱ ipk vo, ‘I vo o̱pun lo un lain na̱m'han alla c go̱t le̱vk uhyan?’ ”
21A̱n ho̱rva̱n lo ge̱, Ye̱so taask neta̱n s'mals s'goo-s'goo. U vogk ta̱m rinnas'cen baa an ciin rinnas'ce. An lain ta̱m pomna, u de̱lk a he̱nke̱.
22Ye̱so zeta bo̱ na̱, “Vaak na a̱n ve̱ce̱ Yohana rihica̱n a̱n he̱nine a ca̱n hongin ne. Ve̱ce̱ na o az poma̱n he̱nke̱. Le̱ma̱n el na'ha̱gcu. Na taask a c'dak c'daka. Kyurma̱n el nu'hongo. Na po̱to̱sko̱ an wa̱ine. Kobneta̱n el ta̱m a̱n hongma̱n ba̱sda̱n kasi lalko.”#7:22 Go̱t ta̱m: Isa 35:5-6; 61:1.
23“Sila emaka kan ta kuzin s'gab rem ri da.”
24Daava̱n an Yohana comain to̱o̱tine, Ye̱so takaz ve̱ce̱m neta̱n da̱n Yohana. U zeka, “A̱n ta mak-mak a̱n hav a̱n k'kad da. Iwe̱ a̱n havin a̱n he̱ne̱? Gwe̱e̱va̱n e̱nm rein nu'viga̱ma̱lsi? 25Iye̱ kaa a̱n rwa̱in a̱n he̱ne̱? Noc kan kusma̱n kindi? A̱'a̱, an ta to̱p kusma̱n kindi, a el ta̱m a̱n he̱nu d'ke̱me̱, a el a̱n ka̱bc go̱mgo̱mno̱.
26“Iye̱ kaa a̱n havin a̱n he̱ne̱? K'Barav Na'Sili? Ha̱, mi ge̱ a̱n ve̱ce̱in no, to̱o̱ka̱n k'barav Na'Sila̱. 27I unwa ha̱n a̱n na ge̱nin d'ru, ‘Go̱to̱, ta̱'m coma k'comta̱v ri na̱m'e̱t un tu we̱lge̱ v k'le̱v a̱n hwic rovo.’#7:27 Go̱t ta̱m: Mal 3:1. 28Rema̱n a̱m el a̱n ve̱ce̱m no, a̱n macu neta, noc za un so̱din Yohana kan emam na baptisma da. Kan rein la u kalk kwe̱ a̱nmin go̱mc Na'Sila̱, u so̱dk o.”
29Neta̱n kwe̱ an hongin o d'kut a an kabma̱n tal na, a kabk az A'Sil i ka m'ga̱u. Rema̱n na emaka na̱ baptisma, goon baptisma u'na̱n Yohana rein tu ema na. 30An la̱a̱sa̱m na s'giira a la̱a̱gnan giiran la, a ha̱lk a̱n kab se̱e̱pse̱d Na'Sil rem na̱. Rema̱n a ta se̱s Yohana emaka na̱ baptisma da.
31Ye̱so zeta bo̱, “I a̱n ye̱ a̱n ta̱'m hwenna̱sta netnan daava̱ hna? I ho̱da̱n ye̱ a retine? 32A el ho̱d aknanan rein a'soot baa s'yo̱p a̱n po̱ga̱m hyannana̱, ‘C hwiliki no s'kwa̱a̱ a̱n ta hev da. C ke̱ne̱ke̱ no kansa̱n wa̱a̱, a̱n ta kanng da.’ 33Go̱t Yohana kan emam na baptisma haka, a tu ryaak da, a tu so̱o̱ ho̱o̱ma̱n yaanin ceun anab da. A̱n zek u ci rinnas'ce. 34Waav Noc haka la tu ryaak tu so̱o̱. A̱n zeka, ‘Go̱t na kan hamo, so̱o̱g ta̱ma̱. Barav an kabma̱n tal a a c'ko̱t no.’ 35Go̱t la vers Na'Sil kwesaka az sa̱nsa i rihi i'kasi baa an ciin sa̱.”
Ye̱so havk a̱n buu k'Farisi
36Da̱nv Farisin bank Ye̱so u noka a ryaak a̱n buu ru. Ye̱so havk la u uvk a̱n buu k'Farisi une, u sootk a el a̱n c'ryaako. 37Daava̱n neta ka c'ko̱t hongtin az Ye̱so el a̱n c'ryaak a̱n buu k'Farisi, u noktka neva̱m d'ha̱ng a̱n battada̱n alabasta. 38U hek a̱n c'rwin a̱n naas Ye̱so a̱n s'o̱n a̱n o̱gsma̱n daksc Ye̱so a̱n c'isa̱, tu pinkuz ca̱ a̱n his ru. U taama̱lk ta̱m daksc ne, u be̱se̱ ta̱m u swiki ca̱ neva̱m d'ha̱ngu. 39Daava̱n k'Farisi un banain Ye̱so he̱ntin taanlo, u emk lalk a̱n c'de̱be̱. U zeka, “Awaz be̱ a̱rm uha̱n i k'barav Na'Sila̱, lak be̱ u napk iye̱ goon netawa a̱n reina̱n do̱va̱m ru. Rema̱n netaune, i ka c'ko̱to.”
40Ye̱so zeta bo̱ o, “Simo̱n, a̱m ci rina̱n ta̱'m ve̱ce̱ vo.”
U zeta bo̱ o, “Kan la̱a̱sa̱m na, vata ha.”
41Ye̱so ve̱ce̱ke̱ Simo̱n, k'Farisi lalk uhna, “Noc kan ne̱e̱m na d'mo̱g lak un ciin net ni'il an ryain d'mo̱g baa ru. Tu gab uda̱n denariyus s'za̱ngu s'tan, uhyan kwe̱zc c'il a̱n oopa. 42Aa ta hwekstina̱n cop o da, u kwisiki na̱ kwe̱ d'ba̱t d'da̱n. Ve̱ce̱ kaa me, iwe̱ baa na̱ a̱n tu hat a̱n to̱na̱m ru?”
43Simo̱n se̱sk o, “A̱n he̱nu ri, kan na kwisiin mo̱ga̱d so̱dke.”
Ye̱so zeta bo̱ o, “A̱v vatk honhono.” 44Ye̱so pankta bo̱ baa neta. U ipkt bo̱ ta̱m Simo̱n, “A̱v he̱nk neta uhne? A̱m uvka̱ a̱n buu rovo, a̱v ta ne̱e̱ m m'ho̱o̱ a̱m sapt s'naa da. Unwa la, u saptk a̱m s'naa a̱n isca̱n kasain o, u pink ta̱m sa̱ a̱n hisa̱n hid ru. 45A̱v ta be̱te̱ m a'cuu daat a̱v hamta m da. Neta uha̱n la, lanma̱n uva̱m ri, u ta cim taama̱lla̱m naas ri da. 46A̱v ta swiki hid ri m'nev da. Neta uha̱n la, u swikiki naas ri neva̱m d'ha̱ngu. 47I rema̱n taanl a̱m zetin vo, ko̱tc neta uha̱n ca̱n rein hwe̱di, na kwisiki o ca̱nca kwe̱ rema̱n u emk c'to̱n c rorke. Koowe̱ la a̱n na emain kwisid c'rihi ca̱nmi, tu em c'to̱n ca̱nmi.”
48U zeta bo̱ netaune, “Na kwisiki v ko̱tc rovo.”
49An lain a'soot a̱n c'ryaak a unwan takaz s'lalk a̱n c'de̱be̱, “Iwe̱ ha̱n ta̱m un tu kwisi na c'ko̱to?”
50Ye̱so zeka la netaune, “Batma̱n ba̱ta̱d rov gwa̱a̱k vo, to̱o̱ d'ba̱t d'da̱n.”
ទើបបានជ្រើសរើសហើយ៖
Luka 7: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 7
7
Ye̱so taask cok malse
(Mat 8:5-13)
1A̱n daava̱n lo, an Ye̱so taastin lalks ru kwe̱ neta̱n ta hongte, u to̱o̱k u havk a̱n le̱in Kafarnahum. 2A̱n le̱in lo, so̱dka̱v koolnan copun Roma lak a cokno un tu to̱n hwe̱di d'kala. Cokun lo lak a̱n gaag u el a̱n hob na'wa̱a̱. 3An so̱dka̱v koola̱n hongtin dind Ye̱so, u comk hwenga̱nc Yahude̱n baa ru a kona o u noka u taas coka̱v ru gaago. 4Daava̱n manknane cetin baa Ye̱so, a konk o hwe̱di. A zeka o, “U cek a̱v ema o taanlo. 5Rema̱n u el a̱n to̱nca̱n copu cinna. U me̱e̱ke̱ ta̱m na ka̱bda̱n kargad Yahude̱ne̱.”
6Ye̱so gabt bo̱ na̱. Au cetain d'viivi a̱n buune, so̱dka̱v koola̱n comka baran ru baa Ye̱so. U zek az na ze Ye̱so, “Kanubu, av o̱so̱so̱ la hid rov da. A̱m ta ma̱a̱na̱ v uva̱ a̱n buu ri da. 7A̱m ta he̱n ta̱m az a̱m ma̱a̱nka̱ a̱m noka baa rov da. Ze ba̱ra̱v d'gom c'taa, gaag tu taa coka̱v ri. 8A̱m ci go̱mgo̱mnan hwic ri. A̱m ci ta̱m koolnanan reina̱n dimd ri. Am ze ta̱wa̱, ‘To̱o̱,’ tu to̱o̱ la. Am ze ta̱m uhyan, ‘Noka,’ tu noka. Coka̱v ri ta̱ma̱, am ze o, ‘Em taahna,’ tu em e.”
9Daava̱n Ye̱so hongtin rihica̱ hna, u sipk a'nwa̱a̱ rem ru. U pankta bo̱ u zek an laina̱n gabam ru, “Lag na a̱m ve̱ce̱te̱ no. Baa an Isra'ila kwe̱, a̱m ta tak a̱n kum noc a bata̱m d'ba̱ta̱n ho̱d uha̱n da.”
10An an na comin vaaktain a̱n buu so̱dka̱v koolno, a gatka cokuna̱n laina̱n gaag m'ho̱o̱kno̱.
Ye̱so po̱to̱sko̱ waav bomse
11A̱n zantam hyan, Ye̱so a an la̱a̱s baa run uvk a̱n le̱ina̱n nan po̱g Nayin. Neta̱n hwe̱di gabk ta̱m o. 12Aa cetain d'viivi a hutda̱n uva̱m ni'le̱e̱ ne̱, go̱to̱ neta̱n o̱mko̱ d'wa̱a̱ ta sav-sav baa c'sago. Neta̱n hwe̱di a ni'le̱e̱ swiva̱ka̱ in kan wa̱ini. Kan wa̱ini, i waa'beba. I unwa la c'taa a̱n inu matine. Inu ta̱m i bomse. 13Daava̱n Kanubu Ye̱so he̱ntin netaune, u hongk za̱im ru hwe̱di. U zeta bo̱ o, “Lag s'kan.” 14U nokt bo̱ u do̱v u'ke̱nbe̱. An to̱o̱so̱in d'wa̱a̱ est bo̱. U zeta bo̱, “Waa'beba, a̱m zeka vo, unu.” 15Kan wa̱in unuku u sootka. U takaz ta̱m s'lalko. Ye̱so badasta bo̱ o baa inu.
16Gela̱v ryaak koowe̱. A ne̱e̱k ta̱m A'Sil k'gwin. A zeka, “Damran k'barav Na'Sil haka u se̱e̱tte̱ cinna,” ta̱ma̱, “Sila haka baa neta̱n na̱.”
17Lalks ru sa̱ha̱n ba̱rgk koope̱ a̱nmin copun Judiya a ke̱e̱ca̱n copca̱n rigta̱n kwe̱.
Yohana comka neta̱n baa Ye̱so
(Mat 11:2-19)
18An la̱a̱s baa Yohana kan emam na baptisma ve̱ce̱ke̱ o rihica̱ ha̱n kwe̱. Yohana po̱gto̱ bo̱ an la̱a̱s baa ru i'ila̱. 19U comk na̱ baa Kanubu Ye̱so az a ipka̱ o, “I vo o̱pun lo un lain na̱m'han alla c go̱t le̱vk uhyan?”
20Daava̱n netnan lo cetain baa Ye̱so, a zeka o, “Yohana kan emam na Baptisma comka co baa rovo. U zek az ca̱ ipk vo, ‘I vo o̱pun lo un lain na̱m'han alla c go̱t le̱vk uhyan?’ ”
21A̱n ho̱rva̱n lo ge̱, Ye̱so taask neta̱n s'mals s'goo-s'goo. U vogk ta̱m rinnas'cen baa an ciin rinnas'ce. An lain ta̱m pomna, u de̱lk a he̱nke̱.
22Ye̱so zeta bo̱ na̱, “Vaak na a̱n ve̱ce̱ Yohana rihica̱n a̱n he̱nine a ca̱n hongin ne. Ve̱ce̱ na o az poma̱n he̱nke̱. Le̱ma̱n el na'ha̱gcu. Na taask a c'dak c'daka. Kyurma̱n el nu'hongo. Na po̱to̱sko̱ an wa̱ine. Kobneta̱n el ta̱m a̱n hongma̱n ba̱sda̱n kasi lalko.”#7:22 Go̱t ta̱m: Isa 35:5-6; 61:1.
23“Sila emaka kan ta kuzin s'gab rem ri da.”
24Daava̱n an Yohana comain to̱o̱tine, Ye̱so takaz ve̱ce̱m neta̱n da̱n Yohana. U zeka, “A̱n ta mak-mak a̱n hav a̱n k'kad da. Iwe̱ a̱n havin a̱n he̱ne̱? Gwe̱e̱va̱n e̱nm rein nu'viga̱ma̱lsi? 25Iye̱ kaa a̱n rwa̱in a̱n he̱ne̱? Noc kan kusma̱n kindi? A̱'a̱, an ta to̱p kusma̱n kindi, a el ta̱m a̱n he̱nu d'ke̱me̱, a el a̱n ka̱bc go̱mgo̱mno̱.
26“Iye̱ kaa a̱n havin a̱n he̱ne̱? K'Barav Na'Sili? Ha̱, mi ge̱ a̱n ve̱ce̱in no, to̱o̱ka̱n k'barav Na'Sila̱. 27I unwa ha̱n a̱n na ge̱nin d'ru, ‘Go̱to̱, ta̱'m coma k'comta̱v ri na̱m'e̱t un tu we̱lge̱ v k'le̱v a̱n hwic rovo.’#7:27 Go̱t ta̱m: Mal 3:1. 28Rema̱n a̱m el a̱n ve̱ce̱m no, a̱n macu neta, noc za un so̱din Yohana kan emam na baptisma da. Kan rein la u kalk kwe̱ a̱nmin go̱mc Na'Sila̱, u so̱dk o.”
29Neta̱n kwe̱ an hongin o d'kut a an kabma̱n tal na, a kabk az A'Sil i ka m'ga̱u. Rema̱n na emaka na̱ baptisma, goon baptisma u'na̱n Yohana rein tu ema na. 30An la̱a̱sa̱m na s'giira a la̱a̱gnan giiran la, a ha̱lk a̱n kab se̱e̱pse̱d Na'Sil rem na̱. Rema̱n a ta se̱s Yohana emaka na̱ baptisma da.
31Ye̱so zeta bo̱, “I a̱n ye̱ a̱n ta̱'m hwenna̱sta netnan daava̱ hna? I ho̱da̱n ye̱ a retine? 32A el ho̱d aknanan rein a'soot baa s'yo̱p a̱n po̱ga̱m hyannana̱, ‘C hwiliki no s'kwa̱a̱ a̱n ta hev da. C ke̱ne̱ke̱ no kansa̱n wa̱a̱, a̱n ta kanng da.’ 33Go̱t Yohana kan emam na baptisma haka, a tu ryaak da, a tu so̱o̱ ho̱o̱ma̱n yaanin ceun anab da. A̱n zek u ci rinnas'ce. 34Waav Noc haka la tu ryaak tu so̱o̱. A̱n zeka, ‘Go̱t na kan hamo, so̱o̱g ta̱ma̱. Barav an kabma̱n tal a a c'ko̱t no.’ 35Go̱t la vers Na'Sil kwesaka az sa̱nsa i rihi i'kasi baa an ciin sa̱.”
Ye̱so havk a̱n buu k'Farisi
36Da̱nv Farisin bank Ye̱so u noka a ryaak a̱n buu ru. Ye̱so havk la u uvk a̱n buu k'Farisi une, u sootk a el a̱n c'ryaako. 37Daava̱n neta ka c'ko̱t hongtin az Ye̱so el a̱n c'ryaak a̱n buu k'Farisi, u noktka neva̱m d'ha̱ng a̱n battada̱n alabasta. 38U hek a̱n c'rwin a̱n naas Ye̱so a̱n s'o̱n a̱n o̱gsma̱n daksc Ye̱so a̱n c'isa̱, tu pinkuz ca̱ a̱n his ru. U taama̱lk ta̱m daksc ne, u be̱se̱ ta̱m u swiki ca̱ neva̱m d'ha̱ngu. 39Daava̱n k'Farisi un banain Ye̱so he̱ntin taanlo, u emk lalk a̱n c'de̱be̱. U zeka, “Awaz be̱ a̱rm uha̱n i k'barav Na'Sila̱, lak be̱ u napk iye̱ goon netawa a̱n reina̱n do̱va̱m ru. Rema̱n netaune, i ka c'ko̱to.”
40Ye̱so zeta bo̱ o, “Simo̱n, a̱m ci rina̱n ta̱'m ve̱ce̱ vo.”
U zeta bo̱ o, “Kan la̱a̱sa̱m na, vata ha.”
41Ye̱so ve̱ce̱ke̱ Simo̱n, k'Farisi lalk uhna, “Noc kan ne̱e̱m na d'mo̱g lak un ciin net ni'il an ryain d'mo̱g baa ru. Tu gab uda̱n denariyus s'za̱ngu s'tan, uhyan kwe̱zc c'il a̱n oopa. 42Aa ta hwekstina̱n cop o da, u kwisiki na̱ kwe̱ d'ba̱t d'da̱n. Ve̱ce̱ kaa me, iwe̱ baa na̱ a̱n tu hat a̱n to̱na̱m ru?”
43Simo̱n se̱sk o, “A̱n he̱nu ri, kan na kwisiin mo̱ga̱d so̱dke.”
Ye̱so zeta bo̱ o, “A̱v vatk honhono.” 44Ye̱so pankta bo̱ baa neta. U ipkt bo̱ ta̱m Simo̱n, “A̱v he̱nk neta uhne? A̱m uvka̱ a̱n buu rovo, a̱v ta ne̱e̱ m m'ho̱o̱ a̱m sapt s'naa da. Unwa la, u saptk a̱m s'naa a̱n isca̱n kasain o, u pink ta̱m sa̱ a̱n hisa̱n hid ru. 45A̱v ta be̱te̱ m a'cuu daat a̱v hamta m da. Neta uha̱n la, lanma̱n uva̱m ri, u ta cim taama̱lla̱m naas ri da. 46A̱v ta swiki hid ri m'nev da. Neta uha̱n la, u swikiki naas ri neva̱m d'ha̱ngu. 47I rema̱n taanl a̱m zetin vo, ko̱tc neta uha̱n ca̱n rein hwe̱di, na kwisiki o ca̱nca kwe̱ rema̱n u emk c'to̱n c rorke. Koowe̱ la a̱n na emain kwisid c'rihi ca̱nmi, tu em c'to̱n ca̱nmi.”
48U zeta bo̱ netaune, “Na kwisiki v ko̱tc rovo.”
49An lain a'soot a̱n c'ryaak a unwan takaz s'lalk a̱n c'de̱be̱, “Iwe̱ ha̱n ta̱m un tu kwisi na c'ko̱to?”
50Ye̱so zeka la netaune, “Batma̱n ba̱ta̱d rov gwa̱a̱k vo, to̱o̱ d'ba̱t d'da̱n.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019