Luka 6
6
Hweda̱n hwerad Yahude̱ne̱
(Mat 12:1-8; Mar 2:23-28)
1A̱n hweda̱n hwerad Yahude̱ne̱, Ye̱so a an la̱a̱s baa run gedanka u'bela. An la̱a̱s baa ru sa̱ta̱mt bo̱ ko̱lgo̱sa̱n gwange ta hoka̱m a̱n c'kom ta ta̱a̱. 2Farisin hyan ipkt bo̱ na̱, “I rema̱n ye̱ a̱n emtin rina̱n giira holin na u'em a̱n hweda̱ d'hwera?”
3Ye̱so se̱sk la na̱, “A̱n ta po̱g ha̱n ge̱nsa̱n rina̱n Dauda emin an merk la̱a̱tin o d'kut a an lain a unwan da? 4U uvk a̱n buuk Na'Sila̱, va̱na̱n na rein nan ema A'Sil c'hwiipsa̱. U o̱mk be̱re̱e̱dida̱n na se̱ke̱in A'Sil u ryaaka, u ne̱e̱ ta̱m an lain d'kut a unwa na. I rina̱n giira holin na u'ryau, a za go̱mna d'ka̱b a Na'Sil c'taa da.”
5U zeta bo̱ na̱, “Mi Waav Noco, i mi Kan Go̱mca̱n Kooye̱ a hweda̱n hwerad Yahude̱n ne̱.”
A̱ra̱m kan koma talke
(Mat 12:9-14; Mar 3:1-6)
6An na cetain ta̱m hweda̱n hwerad Yahude̱n da̱ hyan, Ye̱so uvk a̱n ka̱bda̱n kargad Yahude̱n u lak a̱n la̱a̱sa̱m netna. A̱ra̱m lak ta̱m a̱n a̱n'a kan koma s'to̱o̱ taline. 7An la̱a̱sa̱m na s'giira a Farisin de̱le̱te̱ bo̱ Ye̱so is a he̱nt awaz tu taas o gaag a̱n hweda̱ d'hwera, bat ta kum rina̱n ta sipt o a̱n inya. 8Ai retin la Ye̱so napk keka̱bs na̱, u zeka a̱ra̱m kan koma talke, “Unu v es koowe̱ he̱n vo.” U unuku la u eska. 9Ye̱so zeta bo̱ na̱, “Ta̱'m ipk no ipk uda̱nka̱. I rihic kasi a̱n giira zein az na em a̱n hweda̱ d'hwera alla c'naake? I na gwa̱a̱ alla i na hwaa?” 10Au kekstain na̱ kwe̱, u zeta bo̱ a̱rmune, “Na̱ka̱nsa̱ koma rovo.” A̱ra̱m na̱ka̱nsta̱ bo̱ la a'koma. Koma vaakk honhon ho̱da̱n koma hyan.
11A za̱ngt bo̱ a̱n s'le̱b hwe̱di d'kala. A takaz ta̱m buum s'lan a̱n a̱n'na̱n a̱n'na̱ a̱n hoba̱n rina̱n ta em Ye̱so.
Ye̱so dagk comta̱nc ru
(Mat 10:1-4; Mar 3:13-19)
12A̱n hweca̱n lo, Ye̱so elk a̱n k'se̱m u cepkte. U taaska gyop u'biri a̱n s'cepk baa Na'Sila̱. 13Ai zantaine, u po̱gko̱ an la̱a̱s baa ru a noka. U dagt bo̱ oopa ni'il baa na̱. U cetk ta̱m na̱ c'comtne. 14Go̱t dinc na̱, Simo̱n (kan u cetin Bitrus) a̱n Andarawus ha̱nu, Yakub na Yohana, Filip na Batalomi ni. 15Go̱t ta̱m Maatiyu na Toma, Yakub waav Halfa a̱n Simo̱n un nan po̱g Zalotes ni. 16Go̱t ta̱m Yahuda waav Yakub a Yahuda Iskariyo̱ti ni, un babin Ye̱so.
La̱a̱s a taasa̱m neta̱n s'malse
(Mat 4:23-25)
17Ye̱so cizgka̱ d'kut a an la̱a̱s baa run u esk a̱n paata̱n se̱me̱. Damran bugca̱n neta̱n a an la̱a̱s baa ru ahyan a netnanan rwa̱in lanma̱n ke̱e̱ca̱n Judiya kwe̱, a an le̱in Urisalima na, a an lanma̱n bilka̱ m'saa ma̱n Taya a Sido̱n ne, a lak kwe̱ a̱n a̱n'a. 18A nokka kwe̱ rem a hongt o, u taast ta̱m na̱ s'malse. An rinnas'ce bo̱pin ta̱ma̱, u rutk na̱ rinnas'ce kwe̱. 19D'Bug d'biri, koowe̱ to̱nk be̱ u do̱v Ye̱so, rema̱n we̱sa̱m lan na̱m'rwa̱n baa ru a̱m el a̱n taasa̱m na̱ s'mals kwe̱.
S'Nwa̱a̱ a emu Na'Sil na̱
(Mat 5:1-12)
20Ye̱so go̱tt bo̱ an la̱a̱s baa ru. U zeka na̱,
“Sila emaka no nwaa kobnetna,
rema̱n go̱mc Na'Sil ic no.
21Sila emaka no nwaananan
reina̱n mer a̱nta̱ma̱,
rema̱n nan cigs no buka.
Sila emaka no
nwaa a s'o̱n a̱nta̱ma̱,
rema̱n ta̱n na̱msa̱.
22“Sila emaka no daava̱n neta̱n ta ha̱lt no, a vog no baan kargad na̱, a rebga̱l no, dinc no ha̱lsa̱ ta̱m na̱ az i nwaa neta̱n naak rema̱n Waav Noco. 23Em na c'za̱ngkta̱ a s'zo̱l a̱n hweda̱n lo, rema̱n copa̱nc no i c'damra a̱nmi na'cona. I taanl a̱n ceta na̱n ematain baranc Na'Sil an de̱hne.
24“I naak la no nwaa a nu'kumu,
a̱n baask a̱n he̱nk ke̱md no.
25I naak no nwaa a d'cigi,
ta̱n em mero.
I naak no a c'na̱ms a̱nta̱ma̱,
ta̱n em naam c'de̱b a s'o̱n no̱.
26I naak no daava̱n neta̱n retina̱n hwe̱lsa̱m no.
I taanl a̱n ceta na̱n hwe̱lstin baranc Na'Sil a c'ko̱lo̱.
To̱n na an ha̱lin no
(Mat 5:43-48)
27“A̱m el a̱n ve̱ce̱m no nwaananan reina̱n honga̱m ri, to̱n na an ha̱lc no. Ema na an zain ta to̱n no da c'rihi c'kasi. 28Pe̱ge̱ na an ta ema no s'nwa̱a̱ emu Na'Sila̱. Cepka na an reina̱n hitksa̱m no. 29A noc gonanna v u'yam uda̱nka̱, panksa o yamu hyan. A noc rum a̱v kusi so̱dke, nes o a i rekin ne. 30Koowe̱ a̱n konin v rihi, ne̱e̱ o. Koowe̱ ta̱m a̱n o̱min va̱ rihi, av ipk la o da. 31Ema na neta̱n ho̱da̱na̱n to̱ntin az a ema no.
32“Awaz i an ta to̱n no c'taa a̱n ta̱n to̱no̱, iye̱ bo̱ kaa a̱n emine? A c'ko̱t ta̱ma̱, a el ta to̱n an ta to̱n na̱. 33Awaz i an ta ema no c'rihi c'kasi a̱n ta̱n ema, iye̱ bo̱ kaa a̱n emine? A c'ko̱t ta̱ma̱, a el ta em taanlo. 34Awaz i an ta cop no c'taa a̱n ta̱n me̱ge̱, iye̱ bo̱ kaa a̱n emine? A c'ko̱t ta̱ma̱, a el ta me̱ge̱ a c'ko̱to, a vaak la a cop na̱ rin a mo̱gine.
35“Nwaa la, to̱n na an ha̱lc no, ema na na̱ c'rihi c'kasi. Me̱ge̱ na na̱, an hob la a cop no da. I taanl a̱n copa̱nc no ca̱n rort d'kala. Ta̱n soot ta̱m akna Na'Sila̱. Rema̱n Sila el ta ema an zain ta bo̱m na̱ da a an de̱bc naaka̱n u'pusu. 36Soot na an ta ne̱pe̱ ahyan ho̱d Na'Sil Ceta no.
Gedam neta̱n lalko
(Mat 7:1-5)
37“An geda la noc lalk da, a nan geda la no lalk da. An se̱ke̱ la noc d'ko̱t da, nwaa ta̱m a nan se̱ke̱ no da. Kwisi na netna, nwaa ta̱m nan kwisi no. 38Em na m'ho̱so̱, nan ema la no, a̱n honin maak i kasin in na te̱kkse̱in na da̱a̱gk i el ta̱m nu'asko, a̱n nan me̱e̱ke̱ no. Rema̱n a̱n honin v me̱e̱kte̱in na, i a̱n inya a̱n nan me̱e̱kte̱ la vo.”
39Ye̱so emaka ta̱m na̱ c'hwennsa u zeka, “Pom tu nak hyan pome? Au em tan, na̱n kwe̱ a ta kobo a̱n k'wa̱a̱ da? 40Kan la̱a̱s a tu hat kan la̱a̱sa̱m ru da. Koowe̱ la a̱n na la̱a̱sa̱in u la̱a̱k a d'ke̱mne̱n ne̱, tu soot ho̱d kan la̱a̱sa̱in o.
41“I rema̱n ye̱ a̱n ta̱'v he̱nt i'gwe̱e̱ a̱n isa̱d hyaarvo, a̱v ha̱l a̱n he̱n kungka̱n rein a̱n is rovo? 42I'le̱e̱le̱ a̱n ta̱'v zeta hyaarvo, ‘Hyaare, lag a̱m hwe̱le̱te̱ v i'gwe̱e̱ a̱n isa̱d rovo?’ Go̱t la vo a̱v ta he̱n kungka̱n rein a̱n isa̱d rov da? Vo oba̱l va̱ d'kika̱. Baa ho̱l kungka̱n rein a̱n isa̱d rovo. I daava̱n lo kaa a̱n ta̱'v he̱nt a d'ke̱mne̱n a̱v ho̱lt hyaara̱v i'gwe̱e̱ a̱n isa̱d ru.”
Ce a yaanc ru nu
(Mat 7:16-20; 12:33-35)
43“Ce kasi tu mat yaan kasi. Ce naak ta̱ma̱, tu mat yaan naake. 44Na la nan nap kooye̱ cewa a̱n yaan ru. La̱nda̱ a tu mat a̱n boma da. Rig a tu mat la c'gol da. 45Kan de̱bc kasi, i lanma̱n rihic kasi cu puin a̱n de̱bc ru, a̱n tu vatt rihic kasi. Kan de̱bc naak la, i lanma̱n rihic naak cu megain a̱n de̱bc ru, a̱n tu vatt rihic naake. I rihica̱n cu puin a̱n c'de̱b a̱n tu vata.”
A na'maa i'ila̱
46“I rema̱n ye̱ a̱n ta̱n po̱gt a̱m ‘Kanubu, Kanubu,’ a̱n za la a̱n emma̱n rina̱n m zein no da? 47Koowe̱ a̱n nokain baa ri, u hong ta̱m vats ri, u gab ta̱m sa̱, ta̱'m kwesa no a̱n un nan hwenna̱sta o. 48U el ho̱d nocuna̱n zein maam nu'bu, u taka baama̱n koora̱v d'kaak u pima̱sa̱. U em kaa d'kaak a̱n cona nu'taare. Daava̱n weru m'ho̱o̱ tu gudgta̱, hwensa̱ m'ho̱o̱ duva̱ a̱n buune, a sa̱n hweks a̱n viga̱msi o da, rema̱n na kaakk o a̱n cona nu'taare. 49Koowe̱ la a̱n hongin vats ri u ha̱l a̱n gaba, u el ho̱d nocuna̱n main u'bu a̱n k'mama, u ta em d'kaak da. Daava̱n weru tu duvta̱ na̱m'we̱se̱, buun lo tu hyaa furupp.”
ទើបបានជ្រើសរើសហើយ៖
Luka 6: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 6
6
Hweda̱n hwerad Yahude̱ne̱
(Mat 12:1-8; Mar 2:23-28)
1A̱n hweda̱n hwerad Yahude̱ne̱, Ye̱so a an la̱a̱s baa run gedanka u'bela. An la̱a̱s baa ru sa̱ta̱mt bo̱ ko̱lgo̱sa̱n gwange ta hoka̱m a̱n c'kom ta ta̱a̱. 2Farisin hyan ipkt bo̱ na̱, “I rema̱n ye̱ a̱n emtin rina̱n giira holin na u'em a̱n hweda̱ d'hwera?”
3Ye̱so se̱sk la na̱, “A̱n ta po̱g ha̱n ge̱nsa̱n rina̱n Dauda emin an merk la̱a̱tin o d'kut a an lain a unwan da? 4U uvk a̱n buuk Na'Sila̱, va̱na̱n na rein nan ema A'Sil c'hwiipsa̱. U o̱mk be̱re̱e̱dida̱n na se̱ke̱in A'Sil u ryaaka, u ne̱e̱ ta̱m an lain d'kut a unwa na. I rina̱n giira holin na u'ryau, a za go̱mna d'ka̱b a Na'Sil c'taa da.”
5U zeta bo̱ na̱, “Mi Waav Noco, i mi Kan Go̱mca̱n Kooye̱ a hweda̱n hwerad Yahude̱n ne̱.”
A̱ra̱m kan koma talke
(Mat 12:9-14; Mar 3:1-6)
6An na cetain ta̱m hweda̱n hwerad Yahude̱n da̱ hyan, Ye̱so uvk a̱n ka̱bda̱n kargad Yahude̱n u lak a̱n la̱a̱sa̱m netna. A̱ra̱m lak ta̱m a̱n a̱n'a kan koma s'to̱o̱ taline. 7An la̱a̱sa̱m na s'giira a Farisin de̱le̱te̱ bo̱ Ye̱so is a he̱nt awaz tu taas o gaag a̱n hweda̱ d'hwera, bat ta kum rina̱n ta sipt o a̱n inya. 8Ai retin la Ye̱so napk keka̱bs na̱, u zeka a̱ra̱m kan koma talke, “Unu v es koowe̱ he̱n vo.” U unuku la u eska. 9Ye̱so zeta bo̱ na̱, “Ta̱'m ipk no ipk uda̱nka̱. I rihic kasi a̱n giira zein az na em a̱n hweda̱ d'hwera alla c'naake? I na gwa̱a̱ alla i na hwaa?” 10Au kekstain na̱ kwe̱, u zeta bo̱ a̱rmune, “Na̱ka̱nsa̱ koma rovo.” A̱ra̱m na̱ka̱nsta̱ bo̱ la a'koma. Koma vaakk honhon ho̱da̱n koma hyan.
11A za̱ngt bo̱ a̱n s'le̱b hwe̱di d'kala. A takaz ta̱m buum s'lan a̱n a̱n'na̱n a̱n'na̱ a̱n hoba̱n rina̱n ta em Ye̱so.
Ye̱so dagk comta̱nc ru
(Mat 10:1-4; Mar 3:13-19)
12A̱n hweca̱n lo, Ye̱so elk a̱n k'se̱m u cepkte. U taaska gyop u'biri a̱n s'cepk baa Na'Sila̱. 13Ai zantaine, u po̱gko̱ an la̱a̱s baa ru a noka. U dagt bo̱ oopa ni'il baa na̱. U cetk ta̱m na̱ c'comtne. 14Go̱t dinc na̱, Simo̱n (kan u cetin Bitrus) a̱n Andarawus ha̱nu, Yakub na Yohana, Filip na Batalomi ni. 15Go̱t ta̱m Maatiyu na Toma, Yakub waav Halfa a̱n Simo̱n un nan po̱g Zalotes ni. 16Go̱t ta̱m Yahuda waav Yakub a Yahuda Iskariyo̱ti ni, un babin Ye̱so.
La̱a̱s a taasa̱m neta̱n s'malse
(Mat 4:23-25)
17Ye̱so cizgka̱ d'kut a an la̱a̱s baa run u esk a̱n paata̱n se̱me̱. Damran bugca̱n neta̱n a an la̱a̱s baa ru ahyan a netnanan rwa̱in lanma̱n ke̱e̱ca̱n Judiya kwe̱, a an le̱in Urisalima na, a an lanma̱n bilka̱ m'saa ma̱n Taya a Sido̱n ne, a lak kwe̱ a̱n a̱n'a. 18A nokka kwe̱ rem a hongt o, u taast ta̱m na̱ s'malse. An rinnas'ce bo̱pin ta̱ma̱, u rutk na̱ rinnas'ce kwe̱. 19D'Bug d'biri, koowe̱ to̱nk be̱ u do̱v Ye̱so, rema̱n we̱sa̱m lan na̱m'rwa̱n baa ru a̱m el a̱n taasa̱m na̱ s'mals kwe̱.
S'Nwa̱a̱ a emu Na'Sil na̱
(Mat 5:1-12)
20Ye̱so go̱tt bo̱ an la̱a̱s baa ru. U zeka na̱,
“Sila emaka no nwaa kobnetna,
rema̱n go̱mc Na'Sil ic no.
21Sila emaka no nwaananan
reina̱n mer a̱nta̱ma̱,
rema̱n nan cigs no buka.
Sila emaka no
nwaa a s'o̱n a̱nta̱ma̱,
rema̱n ta̱n na̱msa̱.
22“Sila emaka no daava̱n neta̱n ta ha̱lt no, a vog no baan kargad na̱, a rebga̱l no, dinc no ha̱lsa̱ ta̱m na̱ az i nwaa neta̱n naak rema̱n Waav Noco. 23Em na c'za̱ngkta̱ a s'zo̱l a̱n hweda̱n lo, rema̱n copa̱nc no i c'damra a̱nmi na'cona. I taanl a̱n ceta na̱n ematain baranc Na'Sil an de̱hne.
24“I naak la no nwaa a nu'kumu,
a̱n baask a̱n he̱nk ke̱md no.
25I naak no nwaa a d'cigi,
ta̱n em mero.
I naak no a c'na̱ms a̱nta̱ma̱,
ta̱n em naam c'de̱b a s'o̱n no̱.
26I naak no daava̱n neta̱n retina̱n hwe̱lsa̱m no.
I taanl a̱n ceta na̱n hwe̱lstin baranc Na'Sil a c'ko̱lo̱.
To̱n na an ha̱lin no
(Mat 5:43-48)
27“A̱m el a̱n ve̱ce̱m no nwaananan reina̱n honga̱m ri, to̱n na an ha̱lc no. Ema na an zain ta to̱n no da c'rihi c'kasi. 28Pe̱ge̱ na an ta ema no s'nwa̱a̱ emu Na'Sila̱. Cepka na an reina̱n hitksa̱m no. 29A noc gonanna v u'yam uda̱nka̱, panksa o yamu hyan. A noc rum a̱v kusi so̱dke, nes o a i rekin ne. 30Koowe̱ a̱n konin v rihi, ne̱e̱ o. Koowe̱ ta̱m a̱n o̱min va̱ rihi, av ipk la o da. 31Ema na neta̱n ho̱da̱na̱n to̱ntin az a ema no.
32“Awaz i an ta to̱n no c'taa a̱n ta̱n to̱no̱, iye̱ bo̱ kaa a̱n emine? A c'ko̱t ta̱ma̱, a el ta to̱n an ta to̱n na̱. 33Awaz i an ta ema no c'rihi c'kasi a̱n ta̱n ema, iye̱ bo̱ kaa a̱n emine? A c'ko̱t ta̱ma̱, a el ta em taanlo. 34Awaz i an ta cop no c'taa a̱n ta̱n me̱ge̱, iye̱ bo̱ kaa a̱n emine? A c'ko̱t ta̱ma̱, a el ta me̱ge̱ a c'ko̱to, a vaak la a cop na̱ rin a mo̱gine.
35“Nwaa la, to̱n na an ha̱lc no, ema na na̱ c'rihi c'kasi. Me̱ge̱ na na̱, an hob la a cop no da. I taanl a̱n copa̱nc no ca̱n rort d'kala. Ta̱n soot ta̱m akna Na'Sila̱. Rema̱n Sila el ta ema an zain ta bo̱m na̱ da a an de̱bc naaka̱n u'pusu. 36Soot na an ta ne̱pe̱ ahyan ho̱d Na'Sil Ceta no.
Gedam neta̱n lalko
(Mat 7:1-5)
37“An geda la noc lalk da, a nan geda la no lalk da. An se̱ke̱ la noc d'ko̱t da, nwaa ta̱m a nan se̱ke̱ no da. Kwisi na netna, nwaa ta̱m nan kwisi no. 38Em na m'ho̱so̱, nan ema la no, a̱n honin maak i kasin in na te̱kkse̱in na da̱a̱gk i el ta̱m nu'asko, a̱n nan me̱e̱ke̱ no. Rema̱n a̱n honin v me̱e̱kte̱in na, i a̱n inya a̱n nan me̱e̱kte̱ la vo.”
39Ye̱so emaka ta̱m na̱ c'hwennsa u zeka, “Pom tu nak hyan pome? Au em tan, na̱n kwe̱ a ta kobo a̱n k'wa̱a̱ da? 40Kan la̱a̱s a tu hat kan la̱a̱sa̱m ru da. Koowe̱ la a̱n na la̱a̱sa̱in u la̱a̱k a d'ke̱mne̱n ne̱, tu soot ho̱d kan la̱a̱sa̱in o.
41“I rema̱n ye̱ a̱n ta̱'v he̱nt i'gwe̱e̱ a̱n isa̱d hyaarvo, a̱v ha̱l a̱n he̱n kungka̱n rein a̱n is rovo? 42I'le̱e̱le̱ a̱n ta̱'v zeta hyaarvo, ‘Hyaare, lag a̱m hwe̱le̱te̱ v i'gwe̱e̱ a̱n isa̱d rovo?’ Go̱t la vo a̱v ta he̱n kungka̱n rein a̱n isa̱d rov da? Vo oba̱l va̱ d'kika̱. Baa ho̱l kungka̱n rein a̱n isa̱d rovo. I daava̱n lo kaa a̱n ta̱'v he̱nt a d'ke̱mne̱n a̱v ho̱lt hyaara̱v i'gwe̱e̱ a̱n isa̱d ru.”
Ce a yaanc ru nu
(Mat 7:16-20; 12:33-35)
43“Ce kasi tu mat yaan kasi. Ce naak ta̱ma̱, tu mat yaan naake. 44Na la nan nap kooye̱ cewa a̱n yaan ru. La̱nda̱ a tu mat a̱n boma da. Rig a tu mat la c'gol da. 45Kan de̱bc kasi, i lanma̱n rihic kasi cu puin a̱n de̱bc ru, a̱n tu vatt rihic kasi. Kan de̱bc naak la, i lanma̱n rihic naak cu megain a̱n de̱bc ru, a̱n tu vatt rihic naake. I rihica̱n cu puin a̱n c'de̱b a̱n tu vata.”
A na'maa i'ila̱
46“I rema̱n ye̱ a̱n ta̱n po̱gt a̱m ‘Kanubu, Kanubu,’ a̱n za la a̱n emma̱n rina̱n m zein no da? 47Koowe̱ a̱n nokain baa ri, u hong ta̱m vats ri, u gab ta̱m sa̱, ta̱'m kwesa no a̱n un nan hwenna̱sta o. 48U el ho̱d nocuna̱n zein maam nu'bu, u taka baama̱n koora̱v d'kaak u pima̱sa̱. U em kaa d'kaak a̱n cona nu'taare. Daava̱n weru m'ho̱o̱ tu gudgta̱, hwensa̱ m'ho̱o̱ duva̱ a̱n buune, a sa̱n hweks a̱n viga̱msi o da, rema̱n na kaakk o a̱n cona nu'taare. 49Koowe̱ la a̱n hongin vats ri u ha̱l a̱n gaba, u el ho̱d nocuna̱n main u'bu a̱n k'mama, u ta em d'kaak da. Daava̱n weru tu duvta̱ na̱m'we̱se̱, buun lo tu hyaa furupp.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019