Luka 5
5
Ye̱so dagk an la̱a̱s baa ru
(Mat 4:18-22; Mar 1:16-20)
1A̱n d'hwen Ye̱so lak a'es a̱n bilka̱n Saama̱n Janasare̱t a̱n ba̱sda̱n kasi lalk Na'Sila̱. Bugda̱n neta̱n ryaat bo̱ hwic nu'noka rem a hongt o. I cek a takka ho̱dksem ru. 2U he̱nto bo̱ bumbca̱ m'ho̱o̱ c'il a'gag a̱n paata̱n m'ho̱o̱. An suva̱n ge̱nn baask a cizka̱ a̱n ca̱nca, a el a̱n guza̱m c'raaga. 3U uvt bo̱ a̱nmin bumbka̱ m'ho̱o̱ k Simo̱n. U kont bo̱ Simo̱n az u cuk ka̱ ca̱nmi lanma̱ k'bila̱. U soott bo̱ a̱nmin bumbuk ne u la̱a̱sta̱ netna.
4Au cimtin s'lalko, u zeka Simo̱n, “Caa na baad pimk a̱n as c'raaga bat ta̱n sipa̱ ge̱nne̱.”
5Simo̱n se̱st bo̱ o, “Kanubu, ca̱ o̱sk bo̱ m'lo̱n gyop u'biri, ca sipa̱ la rihi da. Puti a tan na, av zetine, ta̱'m asa.” 6Aa astin la ca̱, a gagka ge̱na̱n a rork s'goo-s'goo. I de̱lk raagac takka u'ka̱smu. 7A po̱gto̱ bo̱ hyannana̱ an rein a̱nmin bumbka̱ m'ho̱o̱ k hyan az a noka a se̱e̱te̱ na̱. A nokka la a hiisk c'bumbu c'il kwe̱ cwebe a̱n ge̱nne̱. Bumbuc takka u'ya̱u. 8An Simo̱n Bitrus he̱ntin taanlo, u hek a̱n c'rwin baa Ye̱so. U zeka o, “Kan Go̱mca̱n Kooye̱, i mi ka c'ko̱to. Av can la baa ri da.”
9Simo̱n Bitrus a an lain baa run sipk a'nwa̱a̱ aa he̱ntin goon ge̱nnanan a sipa̱in hwe̱di s'goo-s'goo. 10Yakub na Yohana, aka̱n Za̱ba̱di an rein ta em a'yomk d'kut a Simo̱n ne, a̱n'a ta̱m a sipk a'nwa̱a̱. Ye̱so zeta bo̱ Simo̱n, “Av hong la v'gel da, lanma̱n ta̱ma̱, i neta̱n a̱n ta̱'v hoba.”
11Aa cettain bumbc na̱ a̱n k'bila̱, a lagk ca̱ kwe̱, a gabk Ye̱so.
Ye̱so taask a̱ra̱m gaag c'daka
(Mat 8:1-4; Mar 1:40-45)
12A̱n d'hwen ta̱ma̱, Ye̱so ceka i'le̱ va̱na̱n a̱ra̱m lain a gaag c'dak na. Au he̱ntin Ye̱so, u kugtk a̱n c'rwin a̱n hwic ru. U zeka, “Kanubu, a̱v ci we̱sma̱n ta̱'v taast a̱m c'dak awaz a̱v to̱nko̱.”#5:12 c'dak: Koowe̱ a̱n ciin gaag u c'daka a̱n copun Isra'ila, u ci c'ko̱pto̱ ta̱m au uv baa netan da.
13Ye̱so tapta bo̱ koma ru u do̱v o. U zeka, “A̱m to̱nko̱, lag dakc taa vo.” A̱ndaabe, dakc taak la o. 14Ye̱so saat bo̱ o d'rin az au ve̱ce̱ la noc da. U zeka o, “Sav hid rov baa go̱m va̱ d'ka̱b u Na'Sil a̱v ema ta̱m A'Sil sak rema̱n taama̱n dakc rov ho̱da̱na̱n Mosa zetin no. I bat ta he̱ne̱, a nap az dakc taak vo.”
15Dind Ye̱so sudt bo̱ a̱n ba̱rg koope̱. Damran bugca̱n neta̱n ryaak hwic nu'nok a hongt o. I bat ta̱m tu taast na̱ s'mals s'goo-s'goo. 16Ye̱so lak tu ge̱e̱se̱ tu uv a̱n k'kad va̱na̱n noc zain da, u cepkte.
Ye̱so taask a̱ra̱m m'le̱me̱
(Mat 9:1-8; Mar 2:1-12)
17A̱n d'hwen ta̱m an Ye̱so latina̱n la̱a̱sa̱m na, Farisin a damranan la̱a̱sa̱m na s'giiran nokka lanma̱n kooye̱ le̱e̱ya a̱nmin copca̱n Galili, a Judiya na, a le̱in Urisalima na. A haka a sootk a hongt Ye̱so. We̱sa̱m Na'Sil el ta̱m baa ru rem u taast na̱ s'malse. 18Go̱to̱ ta̱m a̱rma̱n noktka a̱rm u le̱mk a'la̱ta̱sa̱ a̱n k'zega. A hobk le̱vka̱n ta uvtt o baa Ye̱so. 19Aa ta kumtin k'le̱v a uvtt o da rema̱n bugda̱n netna, a elk a̱n bema nu'bu a balk d'haka. A sargska o a̱n k'zega a̱n te̱ka k'kur a̱n hwic Ye̱so. 20An Ye̱so he̱ntin ho̱da̱na̱n a battin d'ba̱t baa ru, u zeka o, “A̱rma̱, na kwisiki v ko̱tc rovo.”
21Farisin a an la̱a̱sa̱m na s'giiran emt bo̱ s'lan a̱n a̱n'na̱n a̱n'na̱. A zeka, “Iwe̱ ha̱n a̱n reina̱n ela̱vsom Na'Sila̱? Iwe̱ a̱n tu kwisi na c'ko̱to, a za A'Sil c'taa da?”
22Ye̱so napk la keka̱bs na̱. U ipkt bo̱ na̱, “I rema̱n ye̱ a̱n retina̱n s'keka̱b a̱nmin de̱bc no? 23Iye̱ a̱n pa̱tini? I a̱m ze, ‘Na kwisiki v ko̱tc rove,’ alla a̱m ze o, ‘Unu v em a'ha̱gcu’? 24Rema̱n a̱n napt la az, mi Waav Noco, a̱m ci m'we̱s a̱nmin copun yanda̱ha̱n a̱m kwisi na c'ko̱to,” Ye̱so zeka le̱me̱, “A̱m zeka vo, unu, o̱m zegak rov a̱v gya̱a̱.”
25A̱rmune unuku a̱ndaabe u esk a̱n hwic na̱. U o̱mk ta̱m zegaka̱n u latin a'la̱ta̱, u to̱o̱k u gyiik a̱n bo̱mc Na'Sila̱. 26Neta̱n kwe̱ a sipk a'nwa̱a̱, a ne̱e̱k ta̱m A'Sil k'gwin. Gela̱v ryaak ta̱m na̱ hwe̱di d'kala. A zeka, “Na he̱nk bo̱ kaa c'he̱t te̱nte̱.”
Ye̱so po̱gk Le̱vi
(Mat 9:9-13; Mar 2:13-17)
27An rihica̱ ha̱n to̱o̱tine, Ye̱so ruka̱ u he̱nk kan kabma̱n tala, nan po̱g o Le̱vi. U el a'soot baan kabma̱n tala. U zeta bo̱ o, “Gaba me.” 28Le̱vi unuku la cott, u lagk kooye̱, u gabk o.
29Le̱vi walgt bo̱ damra d'he̱t a̱n buu ru rem Ye̱so. Damran bugda̱n an kabma̱n tal a neta̱n hyan lak ta̱m a̱n a̱n'a. 30Farisin a an la̱a̱sa̱m na s'giira takta bo̱ emam an la̱a̱s baa Ye̱so s'remreme. A ipkt bo̱ na̱, “I rema̱n ye̱ a̱n retina̱n k'ryaa, ta̱n so̱uzo a an kabma̱n tala̱n a a c'ko̱t no?”
31An Ye̱so hongtin tan u se̱st bo̱ na̱, “An rein m'ho̱o̱ka̱n za a̱n hoba̱n ka s'banc da, a za an gaag da. 32A̱m ta noka-noka a̱m po̱gt an gela̱v Na'Sil da, i a c'ko̱t a bita̱lt c'hwin a lag c'ko̱to.”
Lalk ni'so̱o̱ti
(Mat 9:14-17; Mar 2:18-22)
33Neta̱n hyan ipkt bo̱ Ye̱so, “An la̱a̱s baa Yohana kan emam na baptisma a an gaba̱m Farisin el ta em i'so̱o̱ti a s'cepka̱n kooye̱ daava. I rema̱n ye̱ kaa a̱n a rov zatin ta em da?” 34Ye̱so se̱st bo̱ na̱, “Ta̱n la̱a̱ a̱n de̱l hamca̱n ga̱a̱gi em i'so̱o̱ti daava̱n ga̱a̱gi retin baa na̱? 35Hwec lan la, ca̱n nan o̱mt ga̱a̱gi baa na̱. I daava̱n lo kaa a̱n ta emt i'so̱o̱ti.”
36Ye̱so emata bo̱ na̱ c'hwennsa a̱n lalk uhna. U zeka, “Noc za un tu pe̱le̱ d'ke̱pse̱ a̱n kusi poine u zo̱pt kusi ut da. Au em taanlo, tu sa̱ta̱nna̱ kusi poine, ke̱pse̱d pooda̱n ta̱ma̱ a da̱n hwenna kusi ut da. 37Na za ta̱m nan de̱l ho̱o̱ma̱n yaanin ceun anab m'pooma̱n a̱nmin kwa̱a̱c c'we̱d#5:37 kwa̱a̱c c'we̱d: Yahude̱n el ta em kwa̱a̱c c'we̱d ta de̱lt ho̱o̱ma̱n yaanin ceun anab. Ai retin ho̱o̱ma̱n a̱m po̱o̱ma̱n el ta̱m unu, a ta de̱l ma̱ a̱n kwa̱a̱c ut da. Rema̱n aa de̱l ca̱n he̱e̱ke̱. c ut da. A na em taanlo, ca̱n purtu, ho̱o̱ma̱n yaanin ceun anab aska, na rob ta̱m kwa̱a̱c ne. I a̱n kwa̱a̱c c'we̱d c'pooca̱n a̱n nan de̱lt ho̱o̱ma̱n yaanin ceun anab m'poomne. I taanl a̱n kwa̱a̱c zatin nu'purt na rob ca̱ d'kut a ho̱o̱ma̱n yaanin ceun anab a̱n da.
38“Ho̱o̱ma̱n yaanin ceun anab m'pooma̱n la, i a̱n kwa̱a̱c pooca̱n a̱n nan de̱l ma̱. 39Noc au so̱o̱ ta̱m ho̱o̱ma̱n yaanin ceun anab m'utu, u vaak u ze a̱ndaabe az u to̱nk m'pooma̱n da. Au so̱o̱, tu ze, a̱m ut pa̱tk a̱n d'ke̱me̱.”
ទើបបានជ្រើសរើសហើយ៖
Luka 5: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 5
5
Ye̱so dagk an la̱a̱s baa ru
(Mat 4:18-22; Mar 1:16-20)
1A̱n d'hwen Ye̱so lak a'es a̱n bilka̱n Saama̱n Janasare̱t a̱n ba̱sda̱n kasi lalk Na'Sila̱. Bugda̱n neta̱n ryaat bo̱ hwic nu'noka rem a hongt o. I cek a takka ho̱dksem ru. 2U he̱nto bo̱ bumbca̱ m'ho̱o̱ c'il a'gag a̱n paata̱n m'ho̱o̱. An suva̱n ge̱nn baask a cizka̱ a̱n ca̱nca, a el a̱n guza̱m c'raaga. 3U uvt bo̱ a̱nmin bumbka̱ m'ho̱o̱ k Simo̱n. U kont bo̱ Simo̱n az u cuk ka̱ ca̱nmi lanma̱ k'bila̱. U soott bo̱ a̱nmin bumbuk ne u la̱a̱sta̱ netna.
4Au cimtin s'lalko, u zeka Simo̱n, “Caa na baad pimk a̱n as c'raaga bat ta̱n sipa̱ ge̱nne̱.”
5Simo̱n se̱st bo̱ o, “Kanubu, ca̱ o̱sk bo̱ m'lo̱n gyop u'biri, ca sipa̱ la rihi da. Puti a tan na, av zetine, ta̱'m asa.” 6Aa astin la ca̱, a gagka ge̱na̱n a rork s'goo-s'goo. I de̱lk raagac takka u'ka̱smu. 7A po̱gto̱ bo̱ hyannana̱ an rein a̱nmin bumbka̱ m'ho̱o̱ k hyan az a noka a se̱e̱te̱ na̱. A nokka la a hiisk c'bumbu c'il kwe̱ cwebe a̱n ge̱nne̱. Bumbuc takka u'ya̱u. 8An Simo̱n Bitrus he̱ntin taanlo, u hek a̱n c'rwin baa Ye̱so. U zeka o, “Kan Go̱mca̱n Kooye̱, i mi ka c'ko̱to. Av can la baa ri da.”
9Simo̱n Bitrus a an lain baa run sipk a'nwa̱a̱ aa he̱ntin goon ge̱nnanan a sipa̱in hwe̱di s'goo-s'goo. 10Yakub na Yohana, aka̱n Za̱ba̱di an rein ta em a'yomk d'kut a Simo̱n ne, a̱n'a ta̱m a sipk a'nwa̱a̱. Ye̱so zeta bo̱ Simo̱n, “Av hong la v'gel da, lanma̱n ta̱ma̱, i neta̱n a̱n ta̱'v hoba.”
11Aa cettain bumbc na̱ a̱n k'bila̱, a lagk ca̱ kwe̱, a gabk Ye̱so.
Ye̱so taask a̱ra̱m gaag c'daka
(Mat 8:1-4; Mar 1:40-45)
12A̱n d'hwen ta̱ma̱, Ye̱so ceka i'le̱ va̱na̱n a̱ra̱m lain a gaag c'dak na. Au he̱ntin Ye̱so, u kugtk a̱n c'rwin a̱n hwic ru. U zeka, “Kanubu, a̱v ci we̱sma̱n ta̱'v taast a̱m c'dak awaz a̱v to̱nko̱.”#5:12 c'dak: Koowe̱ a̱n ciin gaag u c'daka a̱n copun Isra'ila, u ci c'ko̱pto̱ ta̱m au uv baa netan da.
13Ye̱so tapta bo̱ koma ru u do̱v o. U zeka, “A̱m to̱nko̱, lag dakc taa vo.” A̱ndaabe, dakc taak la o. 14Ye̱so saat bo̱ o d'rin az au ve̱ce̱ la noc da. U zeka o, “Sav hid rov baa go̱m va̱ d'ka̱b u Na'Sil a̱v ema ta̱m A'Sil sak rema̱n taama̱n dakc rov ho̱da̱na̱n Mosa zetin no. I bat ta he̱ne̱, a nap az dakc taak vo.”
15Dind Ye̱so sudt bo̱ a̱n ba̱rg koope̱. Damran bugca̱n neta̱n ryaak hwic nu'nok a hongt o. I bat ta̱m tu taast na̱ s'mals s'goo-s'goo. 16Ye̱so lak tu ge̱e̱se̱ tu uv a̱n k'kad va̱na̱n noc zain da, u cepkte.
Ye̱so taask a̱ra̱m m'le̱me̱
(Mat 9:1-8; Mar 2:1-12)
17A̱n d'hwen ta̱m an Ye̱so latina̱n la̱a̱sa̱m na, Farisin a damranan la̱a̱sa̱m na s'giiran nokka lanma̱n kooye̱ le̱e̱ya a̱nmin copca̱n Galili, a Judiya na, a le̱in Urisalima na. A haka a sootk a hongt Ye̱so. We̱sa̱m Na'Sil el ta̱m baa ru rem u taast na̱ s'malse. 18Go̱to̱ ta̱m a̱rma̱n noktka a̱rm u le̱mk a'la̱ta̱sa̱ a̱n k'zega. A hobk le̱vka̱n ta uvtt o baa Ye̱so. 19Aa ta kumtin k'le̱v a uvtt o da rema̱n bugda̱n netna, a elk a̱n bema nu'bu a balk d'haka. A sargska o a̱n k'zega a̱n te̱ka k'kur a̱n hwic Ye̱so. 20An Ye̱so he̱ntin ho̱da̱na̱n a battin d'ba̱t baa ru, u zeka o, “A̱rma̱, na kwisiki v ko̱tc rovo.”
21Farisin a an la̱a̱sa̱m na s'giiran emt bo̱ s'lan a̱n a̱n'na̱n a̱n'na̱. A zeka, “Iwe̱ ha̱n a̱n reina̱n ela̱vsom Na'Sila̱? Iwe̱ a̱n tu kwisi na c'ko̱to, a za A'Sil c'taa da?”
22Ye̱so napk la keka̱bs na̱. U ipkt bo̱ na̱, “I rema̱n ye̱ a̱n retina̱n s'keka̱b a̱nmin de̱bc no? 23Iye̱ a̱n pa̱tini? I a̱m ze, ‘Na kwisiki v ko̱tc rove,’ alla a̱m ze o, ‘Unu v em a'ha̱gcu’? 24Rema̱n a̱n napt la az, mi Waav Noco, a̱m ci m'we̱s a̱nmin copun yanda̱ha̱n a̱m kwisi na c'ko̱to,” Ye̱so zeka le̱me̱, “A̱m zeka vo, unu, o̱m zegak rov a̱v gya̱a̱.”
25A̱rmune unuku a̱ndaabe u esk a̱n hwic na̱. U o̱mk ta̱m zegaka̱n u latin a'la̱ta̱, u to̱o̱k u gyiik a̱n bo̱mc Na'Sila̱. 26Neta̱n kwe̱ a sipk a'nwa̱a̱, a ne̱e̱k ta̱m A'Sil k'gwin. Gela̱v ryaak ta̱m na̱ hwe̱di d'kala. A zeka, “Na he̱nk bo̱ kaa c'he̱t te̱nte̱.”
Ye̱so po̱gk Le̱vi
(Mat 9:9-13; Mar 2:13-17)
27An rihica̱ ha̱n to̱o̱tine, Ye̱so ruka̱ u he̱nk kan kabma̱n tala, nan po̱g o Le̱vi. U el a'soot baan kabma̱n tala. U zeta bo̱ o, “Gaba me.” 28Le̱vi unuku la cott, u lagk kooye̱, u gabk o.
29Le̱vi walgt bo̱ damra d'he̱t a̱n buu ru rem Ye̱so. Damran bugda̱n an kabma̱n tal a neta̱n hyan lak ta̱m a̱n a̱n'a. 30Farisin a an la̱a̱sa̱m na s'giira takta bo̱ emam an la̱a̱s baa Ye̱so s'remreme. A ipkt bo̱ na̱, “I rema̱n ye̱ a̱n retina̱n k'ryaa, ta̱n so̱uzo a an kabma̱n tala̱n a a c'ko̱t no?”
31An Ye̱so hongtin tan u se̱st bo̱ na̱, “An rein m'ho̱o̱ka̱n za a̱n hoba̱n ka s'banc da, a za an gaag da. 32A̱m ta noka-noka a̱m po̱gt an gela̱v Na'Sil da, i a c'ko̱t a bita̱lt c'hwin a lag c'ko̱to.”
Lalk ni'so̱o̱ti
(Mat 9:14-17; Mar 2:18-22)
33Neta̱n hyan ipkt bo̱ Ye̱so, “An la̱a̱s baa Yohana kan emam na baptisma a an gaba̱m Farisin el ta em i'so̱o̱ti a s'cepka̱n kooye̱ daava. I rema̱n ye̱ kaa a̱n a rov zatin ta em da?” 34Ye̱so se̱st bo̱ na̱, “Ta̱n la̱a̱ a̱n de̱l hamca̱n ga̱a̱gi em i'so̱o̱ti daava̱n ga̱a̱gi retin baa na̱? 35Hwec lan la, ca̱n nan o̱mt ga̱a̱gi baa na̱. I daava̱n lo kaa a̱n ta emt i'so̱o̱ti.”
36Ye̱so emata bo̱ na̱ c'hwennsa a̱n lalk uhna. U zeka, “Noc za un tu pe̱le̱ d'ke̱pse̱ a̱n kusi poine u zo̱pt kusi ut da. Au em taanlo, tu sa̱ta̱nna̱ kusi poine, ke̱pse̱d pooda̱n ta̱ma̱ a da̱n hwenna kusi ut da. 37Na za ta̱m nan de̱l ho̱o̱ma̱n yaanin ceun anab m'pooma̱n a̱nmin kwa̱a̱c c'we̱d#5:37 kwa̱a̱c c'we̱d: Yahude̱n el ta em kwa̱a̱c c'we̱d ta de̱lt ho̱o̱ma̱n yaanin ceun anab. Ai retin ho̱o̱ma̱n a̱m po̱o̱ma̱n el ta̱m unu, a ta de̱l ma̱ a̱n kwa̱a̱c ut da. Rema̱n aa de̱l ca̱n he̱e̱ke̱. c ut da. A na em taanlo, ca̱n purtu, ho̱o̱ma̱n yaanin ceun anab aska, na rob ta̱m kwa̱a̱c ne. I a̱n kwa̱a̱c c'we̱d c'pooca̱n a̱n nan de̱lt ho̱o̱ma̱n yaanin ceun anab m'poomne. I taanl a̱n kwa̱a̱c zatin nu'purt na rob ca̱ d'kut a ho̱o̱ma̱n yaanin ceun anab a̱n da.
38“Ho̱o̱ma̱n yaanin ceun anab m'pooma̱n la, i a̱n kwa̱a̱c pooca̱n a̱n nan de̱l ma̱. 39Noc au so̱o̱ ta̱m ho̱o̱ma̱n yaanin ceun anab m'utu, u vaak u ze a̱ndaabe az u to̱nk m'pooma̱n da. Au so̱o̱, tu ze, a̱m ut pa̱tk a̱n d'ke̱me̱.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019