Luka 4
4
A̱krimu ke̱ta̱mske̱ Ye̱so
(Mat 4:1-11; Mar 1:12-13)
1A̱n daava̱n lo, Ye̱so gyiika̱ lanma̱n ge̱nka̱n Jodan. We̱sma̱n Hora̱md Na'Sil el d'kut a unwa na. Da̱ de̱lk ta̱m o u uvk a̱n k'kade. 2Ye̱so emka c'hwen kwe̱zc c'il A̱krimu el a̱n ke̱ta̱mse̱m ru. A̱n hweca̱n lo kwe̱, u ta ryaa rihi da. Merk la̱a̱k kaa o hwe̱di.
3A̱krimu zeta bo̱ o, “Awaz i vo Waav Na'Sila̱, vaaksa taarda̱ ha̱n d'gaa.”
4Ye̱so se̱sk la o, “I el a'ge̱n a̱nmin lalks Na'Sila̱, ‘Nocurimu au po̱t a̱n ryaaka̱ d'gaa c'taa da.’ ”
5A̱krimu o̱mt bo̱ ta̱m Ye̱so u eltk o a̱n se̱mka̱n ho̱pin hwe̱di. U kwesaka ta̱m o go̱mca̱n copun yanda̱ha̱n kwe̱ v'daa v'da̱n.
6A̱krimu zeta bo̱ ta̱m o, “Ta̱'m nes a̱v go̱mca̱n rihica̱ ha̱n kwe̱ a gwinka̱n ca̱n na̱. Rema̱n na nesk a̱m ca̱nca kwe̱. Koowe̱ ta̱m a̱m to̱nine, ta̱'m la̱a̱ a̱m nes o ca̱n. 7Awaz ta̱'v hyaa a̱n c'rwin a̱v hwiipsa̱ me, go̱mca̱n rihica̱ ha̱n kwe̱ ca̱n soot c'rovo.”
8Ye̱so se̱sk la o, “I el a'ge̱n a̱nmin lalks Na'Sila̱, ‘I Kan Go̱mca̱n Kooye̱, Sila rov c'taa a̱n ta̱'v hwiipsa̱. I na̱nna ta̱m c'taa a̱n ta̱'v ema m'coko.’ ”#4:8 Go̱t ta̱m: Ggdk 6:13.
9A̱krimu savk ta̱m Ye̱so a̱n buuk Na'Sil a̱nmin le̱in Urisalima. U eltk ta̱m o a̱n dwebe un pa̱tin na̱m'ho̱p kwe̱. U zeta bo̱ o, “Awaz i vo Waav Na'Sila̱, mak a̱v hapo nu'cop lanma̱n tahna. 10Rema̱n i el a'ge̱n a̱nmin lalks Na'Sila̱, ‘Ta nes comta̱nc na̱ go̱tec rovo, ta rega̱d ta̱m vo.#4:10 Go̱t ta̱m: Zab 91:11. 11Ta gwaav ta̱m a̱n komc na̱ rema̱n av tak la a̱n cakese nau rov a̱n d'taar da.’ ”#4:11 Go̱t ta̱m: Zab 91:12.
12Ye̱so se̱sk ta̱m o, “Lalks Na'Sil zeka, ‘Av taks la Sila rov da.’ ”#4:12 Go̱t ta̱m: Ggdk 6:16.
13An A̱krimu taastin ke̱ta̱mse̱m Ye̱so, u baat bo̱ a lag Ye̱so i cet ta̱m daav hyan.
Ye̱so takka Yomka ru
(Mat 4:12-17; Mar 1:14-15)
14Ye̱so vaakka a̱n copun Galili a̱n we̱sma̱n Hora̱md Na'Sila̱. Dind ru cek ta̱m koope̱. 15U la̱a̱ska̱ ta̱m na̱ a̱nmin ka̱bca̱n kargad Yahude̱ne̱. Koowe̱ el ta̱m a̱n bo̱mc ru.
Na ha̱lk Ye̱so a̱n Nazare̱t
(Mat 13:53-58; Mar 6:1-6)
16Ye̱so ceka ta̱m le̱in Nazarat va̱na̱n u gubini. Ho̱da̱na̱n u vetastain tu ema, u uvk a̱nmin ka̱bda̱n kargad Yahude̱n a̱n hweda̱n hwerad Yahude̱ne̱. U unutu bo̱ rema̱n u po̱gt ge̱nsa̱n lalks Na'Sila̱. 17Na nest bo̱ o taka̱llak k'barav Na'Sil Isaaya. Au a̱ba̱sta̱in taka̱llak ne, u po̱gk va̱na̱n na ge̱nin az:
18“Hora̱md Na'Sil el baa ri,
rema̱n Sila dagk me a̱m
ba̱s kasi lalk baa kobnetna.
Sila comka me a̱m ba̱s bated
neta̱n an rein a'gaga.
A̱m de̱l poma̱n he̱ne̱.
A̱m o̱do̱so̱ ta̱m an na reina̱n
ryeesam d'koba.
19A̱m ba̱s ta̱m az we̱e̱una̱n
Sila ta gwa̱a̱t neta̱n na̱ ceka.”
20Au gwedatain k'taka̱lla, u nesk kanayomk ka̱n, u vaakk u sootka. Koowe̱ a̱n lain a̱nmin ka̱bda̱n kargad Yahude̱n ke̱e̱ke̱ o isa̱. 21U takaz zem na̱, “Te̱nte̱, ge̱nsa̱n lalks Na'Sil sa̱ha̱n esk ho̱da̱na̱n hongtin a̱m po̱gk sa̱.”
22Koowe̱ hongk ke̱md ru. A sipk ta̱m a'nwa̱a̱ rema̱n lalks nu'pusu su vatine. A ipkt bo̱ o, “Za ho waav Isuhu ha̱n da?”
23U se̱st bo̱ na̱, “A̱m napk az ta̱n ve̱ce̱ a̱m lalk uhna, ‘Ka s'banco, ema hid rov s'banco. Rihica̱ c hongin az a̱v emka kwe̱ a̱n le̱in Kafarnahum, em ca̱ ta̱m taha̱n a̱n copu rovo.’ ” 24U dangt bo̱ ta̱m u zeka, “Lag na a̱m ve̱ce̱te̱ no m'ga̱u. K'Barav Na'Sil zatta k'gwin a̱n copu ru da.”
25A̱m el ta̱m a̱n ve̱ce̱m no m'ga̱u, “Bomsa̱n lak hwe̱di a̱nmin copun Isra'ila a̱n daav Iliya. Daava̱n me̱nk ta hetin da s'we̱e̱ s'ta̱a̱c a̱n s'pe̱e̱t s'cihin, mer em u'cop u'biri. 26A̱n na com la Iliya baa da̱nv na̱ da, a za baa bomsva̱n le̱in Zarafat a̱n copun Sido̱n da. 27An gaag c'dak lak ta̱m hwe̱di a̱n copun Isra'ila a̱n daav Iliya k'barav Na'Sila̱. Noc za la kan na taasin c'dak da, a za Na'aman kan Siriya da.”
28An lain kwe̱ a̱nmin ka̱bda̱n kargad Yahude̱ne̱, aa hongtin rihica̱ hna, a hwinsk hwe̱di. 29A gudgk a rutk ta̱m Ye̱so a̱n pangad ni'le̱e̱. A cetk o a̱n be̱se̱da̱n se̱mka̱n le̱ine, bat ta cuk be̱ o u kobo. 30Ye̱so gedanka la a̱n te̱ka na̱ u to̱o̱k a̱n c ru.
A̱ra̱m kan rinnas'ce
(Mar 1:21-28)
31Ye̱so cet bo̱ ta̱m le̱in Kafarnahum in rein a̱nmin copun Galili. U la̱a̱ska̱ neta̱n a̱n ka̱bda̱ d'karga a̱n hweda̱ d'hwera. 32An lain a̱n a̱n'a kwe̱, a sipk a'nwa̱a̱ rema̱n lalks ru ci m'we̱s hwe̱di.
33A̱ra̱m lak ta̱m a̱nmin ka̱bda̱n kargad Yahude̱n un ciin rinnas'ce. U kant bo̱, 34“Lag co a̱n c co. Iye̱ c paatin vo, vo Ye̱so kan Nazarat? A̱v han-han a̱v hot co? A̱m napk vo. I vo noca̱v Na'Sil un zattin ri d'reb da.”
35Ye̱so haagsta bo̱ rinnas'ce, “Res na te̱kk! Rwa̱a̱ na a̱n lag o a̱n c ru.” Rinnas'ce hett bo̱ o a̱n te̱kan netna. A ruk la a ta hwese o da.
36Neta̱n sipk a'nwa̱a̱ kwe̱, a ippka̱, “Iye̱ goon rihica hna? U pa̱tk rinnas'ce. I a̱n we̱sma̱ c'go̱m u retin tu vog na̱, a rwa̱a̱ la.” 37Dind ru ba̱rgk a̱d cek koope̱.
Ye̱so taask neta̱n s'malse
(Mat 8:14-17; Mar 1:29-34)
38Ye̱so lagka ka̱bda̱n kargad Yahude̱n u uvk a̱n buu Simo̱n. In netav Simo̱n lak la a̱n malse. A kont bo̱ Ye̱so az u se̱e̱te̱ o. 39Ye̱so hata bo̱ u es baa ru. U haagska malse, mals batk la o a̱ndaabe. U unuku ta̱m u emaka na̱ c'ryaako.
40An hwed kaatin na̱m'hyoo, an ciin an gaag kwe̱ a s'malsa̱n s'goo-s'goo, a saka na̱ baa Ye̱so. Ye̱so do̱vk la kooye̱ da̱nv na̱ wa a̱n koma ru, u taask na̱ s'mals kwe̱. 41Rinnas'ce rwiila̱lk ta̱m baa neta̱n hwe̱di a̱n s'kan ta zeuzo, “I vo a̱n rein Waav Na'Sila̱.” Au haagstain la na̱, u holk na̱ s'igmu, rema̱n a napk az i unwa a̱n rein Ka̱risti.
Ba̱sa̱d Ye̱so a̱n ka̱bda̱ d'karga
(Mar 1:35-39)
42Ai zantaine, Ye̱so havk u kumk d'baa u sootk un v'da̱n. Bugda̱n neta̱n nokta bo̱ a̱n hob ru. Aa he̱ntin o, a konk az au to̱o̱ la u lag na̱ da. 43U zeka la na̱, “I ke̱ng a̱m hav a̱m bisi le̱e̱m hyan kasi lalksa̱n go̱mc Na'Sila̱. I rema̱n taanl a̱n na comtain me.”
44U havk u ba̱sk a̱nmin ka̱bca̱n kargad Yahude̱ne̱ a̱n copun Judiya.
ទើបបានជ្រើសរើសហើយ៖
Luka 4: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 4
4
A̱krimu ke̱ta̱mske̱ Ye̱so
(Mat 4:1-11; Mar 1:12-13)
1A̱n daava̱n lo, Ye̱so gyiika̱ lanma̱n ge̱nka̱n Jodan. We̱sma̱n Hora̱md Na'Sil el d'kut a unwa na. Da̱ de̱lk ta̱m o u uvk a̱n k'kade. 2Ye̱so emka c'hwen kwe̱zc c'il A̱krimu el a̱n ke̱ta̱mse̱m ru. A̱n hweca̱n lo kwe̱, u ta ryaa rihi da. Merk la̱a̱k kaa o hwe̱di.
3A̱krimu zeta bo̱ o, “Awaz i vo Waav Na'Sila̱, vaaksa taarda̱ ha̱n d'gaa.”
4Ye̱so se̱sk la o, “I el a'ge̱n a̱nmin lalks Na'Sila̱, ‘Nocurimu au po̱t a̱n ryaaka̱ d'gaa c'taa da.’ ”
5A̱krimu o̱mt bo̱ ta̱m Ye̱so u eltk o a̱n se̱mka̱n ho̱pin hwe̱di. U kwesaka ta̱m o go̱mca̱n copun yanda̱ha̱n kwe̱ v'daa v'da̱n.
6A̱krimu zeta bo̱ ta̱m o, “Ta̱'m nes a̱v go̱mca̱n rihica̱ ha̱n kwe̱ a gwinka̱n ca̱n na̱. Rema̱n na nesk a̱m ca̱nca kwe̱. Koowe̱ ta̱m a̱m to̱nine, ta̱'m la̱a̱ a̱m nes o ca̱n. 7Awaz ta̱'v hyaa a̱n c'rwin a̱v hwiipsa̱ me, go̱mca̱n rihica̱ ha̱n kwe̱ ca̱n soot c'rovo.”
8Ye̱so se̱sk la o, “I el a'ge̱n a̱nmin lalks Na'Sila̱, ‘I Kan Go̱mca̱n Kooye̱, Sila rov c'taa a̱n ta̱'v hwiipsa̱. I na̱nna ta̱m c'taa a̱n ta̱'v ema m'coko.’ ”#4:8 Go̱t ta̱m: Ggdk 6:13.
9A̱krimu savk ta̱m Ye̱so a̱n buuk Na'Sil a̱nmin le̱in Urisalima. U eltk ta̱m o a̱n dwebe un pa̱tin na̱m'ho̱p kwe̱. U zeta bo̱ o, “Awaz i vo Waav Na'Sila̱, mak a̱v hapo nu'cop lanma̱n tahna. 10Rema̱n i el a'ge̱n a̱nmin lalks Na'Sila̱, ‘Ta nes comta̱nc na̱ go̱tec rovo, ta rega̱d ta̱m vo.#4:10 Go̱t ta̱m: Zab 91:11. 11Ta gwaav ta̱m a̱n komc na̱ rema̱n av tak la a̱n cakese nau rov a̱n d'taar da.’ ”#4:11 Go̱t ta̱m: Zab 91:12.
12Ye̱so se̱sk ta̱m o, “Lalks Na'Sil zeka, ‘Av taks la Sila rov da.’ ”#4:12 Go̱t ta̱m: Ggdk 6:16.
13An A̱krimu taastin ke̱ta̱mse̱m Ye̱so, u baat bo̱ a lag Ye̱so i cet ta̱m daav hyan.
Ye̱so takka Yomka ru
(Mat 4:12-17; Mar 1:14-15)
14Ye̱so vaakka a̱n copun Galili a̱n we̱sma̱n Hora̱md Na'Sila̱. Dind ru cek ta̱m koope̱. 15U la̱a̱ska̱ ta̱m na̱ a̱nmin ka̱bca̱n kargad Yahude̱ne̱. Koowe̱ el ta̱m a̱n bo̱mc ru.
Na ha̱lk Ye̱so a̱n Nazare̱t
(Mat 13:53-58; Mar 6:1-6)
16Ye̱so ceka ta̱m le̱in Nazarat va̱na̱n u gubini. Ho̱da̱na̱n u vetastain tu ema, u uvk a̱nmin ka̱bda̱n kargad Yahude̱n a̱n hweda̱n hwerad Yahude̱ne̱. U unutu bo̱ rema̱n u po̱gt ge̱nsa̱n lalks Na'Sila̱. 17Na nest bo̱ o taka̱llak k'barav Na'Sil Isaaya. Au a̱ba̱sta̱in taka̱llak ne, u po̱gk va̱na̱n na ge̱nin az:
18“Hora̱md Na'Sil el baa ri,
rema̱n Sila dagk me a̱m
ba̱s kasi lalk baa kobnetna.
Sila comka me a̱m ba̱s bated
neta̱n an rein a'gaga.
A̱m de̱l poma̱n he̱ne̱.
A̱m o̱do̱so̱ ta̱m an na reina̱n
ryeesam d'koba.
19A̱m ba̱s ta̱m az we̱e̱una̱n
Sila ta gwa̱a̱t neta̱n na̱ ceka.”
20Au gwedatain k'taka̱lla, u nesk kanayomk ka̱n, u vaakk u sootka. Koowe̱ a̱n lain a̱nmin ka̱bda̱n kargad Yahude̱n ke̱e̱ke̱ o isa̱. 21U takaz zem na̱, “Te̱nte̱, ge̱nsa̱n lalks Na'Sil sa̱ha̱n esk ho̱da̱na̱n hongtin a̱m po̱gk sa̱.”
22Koowe̱ hongk ke̱md ru. A sipk ta̱m a'nwa̱a̱ rema̱n lalks nu'pusu su vatine. A ipkt bo̱ o, “Za ho waav Isuhu ha̱n da?”
23U se̱st bo̱ na̱, “A̱m napk az ta̱n ve̱ce̱ a̱m lalk uhna, ‘Ka s'banco, ema hid rov s'banco. Rihica̱ c hongin az a̱v emka kwe̱ a̱n le̱in Kafarnahum, em ca̱ ta̱m taha̱n a̱n copu rovo.’ ” 24U dangt bo̱ ta̱m u zeka, “Lag na a̱m ve̱ce̱te̱ no m'ga̱u. K'Barav Na'Sil zatta k'gwin a̱n copu ru da.”
25A̱m el ta̱m a̱n ve̱ce̱m no m'ga̱u, “Bomsa̱n lak hwe̱di a̱nmin copun Isra'ila a̱n daav Iliya. Daava̱n me̱nk ta hetin da s'we̱e̱ s'ta̱a̱c a̱n s'pe̱e̱t s'cihin, mer em u'cop u'biri. 26A̱n na com la Iliya baa da̱nv na̱ da, a za baa bomsva̱n le̱in Zarafat a̱n copun Sido̱n da. 27An gaag c'dak lak ta̱m hwe̱di a̱n copun Isra'ila a̱n daav Iliya k'barav Na'Sila̱. Noc za la kan na taasin c'dak da, a za Na'aman kan Siriya da.”
28An lain kwe̱ a̱nmin ka̱bda̱n kargad Yahude̱ne̱, aa hongtin rihica̱ hna, a hwinsk hwe̱di. 29A gudgk a rutk ta̱m Ye̱so a̱n pangad ni'le̱e̱. A cetk o a̱n be̱se̱da̱n se̱mka̱n le̱ine, bat ta cuk be̱ o u kobo. 30Ye̱so gedanka la a̱n te̱ka na̱ u to̱o̱k a̱n c ru.
A̱ra̱m kan rinnas'ce
(Mar 1:21-28)
31Ye̱so cet bo̱ ta̱m le̱in Kafarnahum in rein a̱nmin copun Galili. U la̱a̱ska̱ neta̱n a̱n ka̱bda̱ d'karga a̱n hweda̱ d'hwera. 32An lain a̱n a̱n'a kwe̱, a sipk a'nwa̱a̱ rema̱n lalks ru ci m'we̱s hwe̱di.
33A̱ra̱m lak ta̱m a̱nmin ka̱bda̱n kargad Yahude̱n un ciin rinnas'ce. U kant bo̱, 34“Lag co a̱n c co. Iye̱ c paatin vo, vo Ye̱so kan Nazarat? A̱v han-han a̱v hot co? A̱m napk vo. I vo noca̱v Na'Sil un zattin ri d'reb da.”
35Ye̱so haagsta bo̱ rinnas'ce, “Res na te̱kk! Rwa̱a̱ na a̱n lag o a̱n c ru.” Rinnas'ce hett bo̱ o a̱n te̱kan netna. A ruk la a ta hwese o da.
36Neta̱n sipk a'nwa̱a̱ kwe̱, a ippka̱, “Iye̱ goon rihica hna? U pa̱tk rinnas'ce. I a̱n we̱sma̱ c'go̱m u retin tu vog na̱, a rwa̱a̱ la.” 37Dind ru ba̱rgk a̱d cek koope̱.
Ye̱so taask neta̱n s'malse
(Mat 8:14-17; Mar 1:29-34)
38Ye̱so lagka ka̱bda̱n kargad Yahude̱n u uvk a̱n buu Simo̱n. In netav Simo̱n lak la a̱n malse. A kont bo̱ Ye̱so az u se̱e̱te̱ o. 39Ye̱so hata bo̱ u es baa ru. U haagska malse, mals batk la o a̱ndaabe. U unuku ta̱m u emaka na̱ c'ryaako.
40An hwed kaatin na̱m'hyoo, an ciin an gaag kwe̱ a s'malsa̱n s'goo-s'goo, a saka na̱ baa Ye̱so. Ye̱so do̱vk la kooye̱ da̱nv na̱ wa a̱n koma ru, u taask na̱ s'mals kwe̱. 41Rinnas'ce rwiila̱lk ta̱m baa neta̱n hwe̱di a̱n s'kan ta zeuzo, “I vo a̱n rein Waav Na'Sila̱.” Au haagstain la na̱, u holk na̱ s'igmu, rema̱n a napk az i unwa a̱n rein Ka̱risti.
Ba̱sa̱d Ye̱so a̱n ka̱bda̱ d'karga
(Mar 1:35-39)
42Ai zantaine, Ye̱so havk u kumk d'baa u sootk un v'da̱n. Bugda̱n neta̱n nokta bo̱ a̱n hob ru. Aa he̱ntin o, a konk az au to̱o̱ la u lag na̱ da. 43U zeka la na̱, “I ke̱ng a̱m hav a̱m bisi le̱e̱m hyan kasi lalksa̱n go̱mc Na'Sila̱. I rema̱n taanl a̱n na comtain me.”
44U havk u ba̱sk a̱nmin ka̱bca̱n kargad Yahude̱ne̱ a̱n copun Judiya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019