Luka 3
3
Ba̱sa̱d Yohana
(Mar 1:1-8; Mat 3:1-12; Yoh 1:19-28)
1A̱nmin we̱e̱un oopa na̱v'tan un go̱mc Tiberiyus Kaisar a̱n copun Roma, Bilatu Babunte lak a̱n go̱mca̱n copun Judiya. He̱ro̱d el la ba̱ru a̱n go̱mca̱n Galili. Ha̱nu Filip el la ta̱m a̱n go̱mca̱n Ituriya a Tarakoniti ni. Lisaniyas el la ba̱ru a̱n go̱mca̱n Abiliya. 2Anas na Kayafa ta̱m an lain go̱mna d'ka̱b a Na'Sil a so̱dk a̱n daava̱n lo. I a̱n daava̱n lo a̱n Sila iga̱mstin Yohana waav Zakariya a̱nmi k'kade. 3U paak copca̱n rigin ge̱nka̱n Jodan kwe̱ a̱n d'ba̱s az neta̱n lag c'ko̱to a noka na ema na̱ baptisma, bat Sila ta kwisi na̱ c'ko̱to.
4I ho̱da̱na̱n i retin a'ge̱n a̱nmin taka̱llak Isaaya k'barav Na'Sila̱. U zeka,
“Noc el a̱n d'ba̱s a̱nmi k'kade,
‘Mamgsa na Kan
Go̱mca̱n Kooye̱ k'le̱ve̱.
Una̱sa̱ na o s'le̱v rococo.
5Hiis na kooye̱ wa̱a̱ka.
Se̱tk na ta̱m kooye̱ se̱mka,
k'damran a k'reka̱n ne.
Le̱vka̱n ko̱din ta̱ma̱,
na una̱sa̱ ka̱ rococo.
Le̱vsa̱n rein ta̱m s naake,
na mamgsa sa̱.
6Neta̱nrima kwe̱
ta he̱n gwa̱a̱ma̱d Na'Sila̱.’ ”
7Yohana zeta bo̱ bugda̱n netnanan nokain u emata na̱ baptisma, “Nwaananan rein ho̱d yaa'bo̱mno̱! Iwe̱ a̱n ve̱ce̱in no a̱n som hwinsa̱d Na'Sil da̱n laine? 8Em na bo̱ kaa rihica̱n ca̱n kwesa az a̱n bita̱lk c'hwin. An hav la na̱m'ze a̱n de̱bc no az, ‘Na ci Ibrahi ceta cinna da.’ Nap na az Sila ta la̱a̱ a̱n vaaksa taarca̱ ha̱n ca̱ bala̱m aka̱n Ibrahi. 9A̱nta̱ma̱, gyuri el i walgk a'dod a̱n beboda̱n ce. Kooye̱ cewa a̱n ta matin yaan kasi da, nan gedanna o na dwaa a̱n hwela.”
10Neta̱n ipkt bo̱ o, “Iye̱ bo̱ kaa a̱n ca ema?”
11U se̱sk na̱, “Nocuna̱n ciin m'kus m'ila̱, u ne̱e̱ un zattin da i'da̱n. Koowe̱ ta̱m a̱n ciin c'ryaako, u em ta̱m taanlo.”
12A̱n daava̱n lo, an kabma̱n tal nokka ta̱m u emata na̱ baptisma. A ipkk o, “Kan la̱a̱sa̱m na, iye̱ a̱n ca̱n ema?”
13U se̱sk na̱, “An kab la rina̱n hatin rina̱n na zein az a̱n kab da.”
14Koola̱n ta̱ma̱, a ipkk o, “Cwan la baco, iye̱ a̱n ca ema?”
U se̱sk na̱, “An rum la noc rihi da. An ke̱m la ta̱m noc a̱n c'ko̱l da. Es na a̱n geda̱n rina̱n na rein nan cop no.”
15Neta̱n lak a̱n de̱la̱m c'de̱b az Ka̱risti bo̱pk a̱n han. A buut bo̱ s'lan a̱nmin de̱bc na̱ kwe̱ az tade̱e̱da, i Yohana a̱n rein Ka̱risti une. 16Yohana zeta bo̱ na̱ kwe̱, “Mi, a̱m el a̱n emam no baptisma na̱m'ho̱o̱. Noc hyan la un pa̱tin ma̱ na̱m'we̱s lan na̱m'noka. A̱m ta ma̱a̱na̱ a̱m but rabsa̱n kaatc ru da. I unwa a̱n tu ema no baptisma a̱n Hora̱mda̱n zattin ri d'reb da a hwela na. 17U bo̱pk v'zaagc a̱n koma ru. Tu za̱a̱g c'cwembe u kargsa hii u de̱l a̱n d'be̱e̱. Tu dwaa kaa c'cwembe a̱n hwelananan zain ta rimsi da cakk.”
18Yohana ve̱ce̱ke̱ ta̱m neta̱n c'rihi hwe̱di u de̱lt na̱ a hob kwisida̱ c'ko̱to, au ematain na̱ ba̱sda̱n kasi lalk Ka̱risti. 19Yohana de̱me̱ke̱ ta̱m He̱ro̱d Antipas, go̱m va̱n Galili rem u rumk Hiridiya netav ha̱nu Filip. A ta̱m rema̱n rihic c'naaka̱n c hyan kwe̱ cu emka̱lline. 20He̱ro̱d sudk a̱n em ta̱m rina̱n pa̱tin kwe̱ na̱m'naa, u gwedaka Yohana a̱n buu s'ko̱mo̱.
Baptisma a ke̱ta̱mse̱m Ye̱so no
(Mat 3:13-17; Mar 1:9-11)
21Yohana emaka Ye̱so baptisma daava̱n u latina̱n emam neta̱n an nokain a konk kwisid c'ko̱t baptisma. An Ye̱so cepktine, cona a̱ba̱ska̱. 22Hora̱mda̱n zattin ri d'reb da cizka̱ a̱n hid ru ho̱d gorba. A hong-hong v'god lanm na'con na̱m'ze, “I vo waav ri um reina̱n c'to̱n hwe̱di d'kala. A̱m el ta̱m a̱n he̱nma̱n ke̱md rov hwe̱di.”
Bapca̱d Ye̱so
(Mat 1:1-17)
23Ye̱so lak ho̱d s'we̱e̱ d'kwe̱z a̱n oopa nu'mac u taktain ba̱sda̱n kasi lalko. Neta̱n o̱mk az i unwa waav
Isuhu, Isuhu waav He̱e̱li. 24Az i He̱e̱li a̱n rein waav Matahat,
Matahat waav Le̱vi.
Az i Le̱vi a̱n rein waav Malki,
Malki waav Yanna,
Yanna waav Isuhu.
25Az in Isuhu a̱n rein waav Maatiyutiya,
Maatiyutiya waav E̱mo̱s,
E̱mo̱s waav Nahoma,
Nahoma waav Hasli,
Hasli la waav Najjaya.
26Az in Najjaya a̱n rein waav Ma'ata,
Ma'ata waav Maatiyutiya,
Maatiyutiya waav Simi,
Simi waav Yusekan,
Yusekan waav Joda.
27Az i Joda a̱n rein waav Yohana,
Yohana waav Risa,
Risa waav Zarubabila,
Zarubabila waav Sha'altiye̱l,
Sha'altiye̱l waav Niri.
28Az i Niri a̱n rein waav Malki,
Malki waav Addi,
Addi waav Kusama,
Kusama waav Almodama,
Almodama waav Iri.
29Az i Iri a̱n rein waav Jo̱suwa,
Jo̱suwa waav Ali'azara,
Ali'azara waav Yorima,
Yorima waav Matahat,
Matahat waav Le̱vi.
30Az i Le̱vi a̱n rein waav Simo̱n,
Simo̱n waav Juda,
Juda waav Isuhu,
Isuhu waav Joona,
Joona waav Aliyakima.
31Az i Aliyakima a̱n rein waav Malaya,
Malaya waav Mainana,
Mainana waav Matata,
Matata waav Natana,
Natana waav Dauda.
32Az i Dauda a̱n rein waav Je̱si,
Je̱si waav Obida,
Obida waav Bu'aza,
Bu'aza waav Salmo̱n,
Salmo̱n waav Nahashuna.
33Az i Nahashuna a̱n rein waav Aminadaba,
Aminadaba waav Arama,
Arama waav Hasruna,
Hasruna waav Ferez,
Ferez waav Juda.
34Az in Juda a̱n rein waav Yakubu,
Yakubu waav Isaaku,
Isaaku waav Ibrahi,
Ibrahi waav Taraba,
Taraba waav Nahura.
35Az i Nahura a̱n rein waav Saruja,
Saruja waav Re̱u,
Re̱u waav Falaju,
Falaju waav Abiru,
Abiru waav Se̱lah.
36Az i Se̱lah a̱n rein waav Ke̱inan,
Ke̱inan waav Arfakashad,
Arfakashad waav Se̱m,
Se̱m waav Nuhu,
Nuhu waav Lamek.
37Az i Lamek a̱n rein waav Me̱tuse̱la,
Me̱tuse̱la waav E̱no̱k,
E̱no̱k waav Jared,
Jared waav Mahalailu,
Mahalailu waav Ke̱nan.
38Az i Ke̱nan a̱n rein waav Enos,
Enos waav Se̱t,
Se̱t waav Ada̱mu,
Ada̱mu Waav Na'Sila̱.
ទើបបានជ្រើសរើសហើយ៖
Luka 3: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 3
3
Ba̱sa̱d Yohana
(Mar 1:1-8; Mat 3:1-12; Yoh 1:19-28)
1A̱nmin we̱e̱un oopa na̱v'tan un go̱mc Tiberiyus Kaisar a̱n copun Roma, Bilatu Babunte lak a̱n go̱mca̱n copun Judiya. He̱ro̱d el la ba̱ru a̱n go̱mca̱n Galili. Ha̱nu Filip el la ta̱m a̱n go̱mca̱n Ituriya a Tarakoniti ni. Lisaniyas el la ba̱ru a̱n go̱mca̱n Abiliya. 2Anas na Kayafa ta̱m an lain go̱mna d'ka̱b a Na'Sil a so̱dk a̱n daava̱n lo. I a̱n daava̱n lo a̱n Sila iga̱mstin Yohana waav Zakariya a̱nmi k'kade. 3U paak copca̱n rigin ge̱nka̱n Jodan kwe̱ a̱n d'ba̱s az neta̱n lag c'ko̱to a noka na ema na̱ baptisma, bat Sila ta kwisi na̱ c'ko̱to.
4I ho̱da̱na̱n i retin a'ge̱n a̱nmin taka̱llak Isaaya k'barav Na'Sila̱. U zeka,
“Noc el a̱n d'ba̱s a̱nmi k'kade,
‘Mamgsa na Kan
Go̱mca̱n Kooye̱ k'le̱ve̱.
Una̱sa̱ na o s'le̱v rococo.
5Hiis na kooye̱ wa̱a̱ka.
Se̱tk na ta̱m kooye̱ se̱mka,
k'damran a k'reka̱n ne.
Le̱vka̱n ko̱din ta̱ma̱,
na una̱sa̱ ka̱ rococo.
Le̱vsa̱n rein ta̱m s naake,
na mamgsa sa̱.
6Neta̱nrima kwe̱
ta he̱n gwa̱a̱ma̱d Na'Sila̱.’ ”
7Yohana zeta bo̱ bugda̱n netnanan nokain u emata na̱ baptisma, “Nwaananan rein ho̱d yaa'bo̱mno̱! Iwe̱ a̱n ve̱ce̱in no a̱n som hwinsa̱d Na'Sil da̱n laine? 8Em na bo̱ kaa rihica̱n ca̱n kwesa az a̱n bita̱lk c'hwin. An hav la na̱m'ze a̱n de̱bc no az, ‘Na ci Ibrahi ceta cinna da.’ Nap na az Sila ta la̱a̱ a̱n vaaksa taarca̱ ha̱n ca̱ bala̱m aka̱n Ibrahi. 9A̱nta̱ma̱, gyuri el i walgk a'dod a̱n beboda̱n ce. Kooye̱ cewa a̱n ta matin yaan kasi da, nan gedanna o na dwaa a̱n hwela.”
10Neta̱n ipkt bo̱ o, “Iye̱ bo̱ kaa a̱n ca ema?”
11U se̱sk na̱, “Nocuna̱n ciin m'kus m'ila̱, u ne̱e̱ un zattin da i'da̱n. Koowe̱ ta̱m a̱n ciin c'ryaako, u em ta̱m taanlo.”
12A̱n daava̱n lo, an kabma̱n tal nokka ta̱m u emata na̱ baptisma. A ipkk o, “Kan la̱a̱sa̱m na, iye̱ a̱n ca̱n ema?”
13U se̱sk na̱, “An kab la rina̱n hatin rina̱n na zein az a̱n kab da.”
14Koola̱n ta̱ma̱, a ipkk o, “Cwan la baco, iye̱ a̱n ca ema?”
U se̱sk na̱, “An rum la noc rihi da. An ke̱m la ta̱m noc a̱n c'ko̱l da. Es na a̱n geda̱n rina̱n na rein nan cop no.”
15Neta̱n lak a̱n de̱la̱m c'de̱b az Ka̱risti bo̱pk a̱n han. A buut bo̱ s'lan a̱nmin de̱bc na̱ kwe̱ az tade̱e̱da, i Yohana a̱n rein Ka̱risti une. 16Yohana zeta bo̱ na̱ kwe̱, “Mi, a̱m el a̱n emam no baptisma na̱m'ho̱o̱. Noc hyan la un pa̱tin ma̱ na̱m'we̱s lan na̱m'noka. A̱m ta ma̱a̱na̱ a̱m but rabsa̱n kaatc ru da. I unwa a̱n tu ema no baptisma a̱n Hora̱mda̱n zattin ri d'reb da a hwela na. 17U bo̱pk v'zaagc a̱n koma ru. Tu za̱a̱g c'cwembe u kargsa hii u de̱l a̱n d'be̱e̱. Tu dwaa kaa c'cwembe a̱n hwelananan zain ta rimsi da cakk.”
18Yohana ve̱ce̱ke̱ ta̱m neta̱n c'rihi hwe̱di u de̱lt na̱ a hob kwisida̱ c'ko̱to, au ematain na̱ ba̱sda̱n kasi lalk Ka̱risti. 19Yohana de̱me̱ke̱ ta̱m He̱ro̱d Antipas, go̱m va̱n Galili rem u rumk Hiridiya netav ha̱nu Filip. A ta̱m rema̱n rihic c'naaka̱n c hyan kwe̱ cu emka̱lline. 20He̱ro̱d sudk a̱n em ta̱m rina̱n pa̱tin kwe̱ na̱m'naa, u gwedaka Yohana a̱n buu s'ko̱mo̱.
Baptisma a ke̱ta̱mse̱m Ye̱so no
(Mat 3:13-17; Mar 1:9-11)
21Yohana emaka Ye̱so baptisma daava̱n u latina̱n emam neta̱n an nokain a konk kwisid c'ko̱t baptisma. An Ye̱so cepktine, cona a̱ba̱ska̱. 22Hora̱mda̱n zattin ri d'reb da cizka̱ a̱n hid ru ho̱d gorba. A hong-hong v'god lanm na'con na̱m'ze, “I vo waav ri um reina̱n c'to̱n hwe̱di d'kala. A̱m el ta̱m a̱n he̱nma̱n ke̱md rov hwe̱di.”
Bapca̱d Ye̱so
(Mat 1:1-17)
23Ye̱so lak ho̱d s'we̱e̱ d'kwe̱z a̱n oopa nu'mac u taktain ba̱sda̱n kasi lalko. Neta̱n o̱mk az i unwa waav
Isuhu, Isuhu waav He̱e̱li. 24Az i He̱e̱li a̱n rein waav Matahat,
Matahat waav Le̱vi.
Az i Le̱vi a̱n rein waav Malki,
Malki waav Yanna,
Yanna waav Isuhu.
25Az in Isuhu a̱n rein waav Maatiyutiya,
Maatiyutiya waav E̱mo̱s,
E̱mo̱s waav Nahoma,
Nahoma waav Hasli,
Hasli la waav Najjaya.
26Az in Najjaya a̱n rein waav Ma'ata,
Ma'ata waav Maatiyutiya,
Maatiyutiya waav Simi,
Simi waav Yusekan,
Yusekan waav Joda.
27Az i Joda a̱n rein waav Yohana,
Yohana waav Risa,
Risa waav Zarubabila,
Zarubabila waav Sha'altiye̱l,
Sha'altiye̱l waav Niri.
28Az i Niri a̱n rein waav Malki,
Malki waav Addi,
Addi waav Kusama,
Kusama waav Almodama,
Almodama waav Iri.
29Az i Iri a̱n rein waav Jo̱suwa,
Jo̱suwa waav Ali'azara,
Ali'azara waav Yorima,
Yorima waav Matahat,
Matahat waav Le̱vi.
30Az i Le̱vi a̱n rein waav Simo̱n,
Simo̱n waav Juda,
Juda waav Isuhu,
Isuhu waav Joona,
Joona waav Aliyakima.
31Az i Aliyakima a̱n rein waav Malaya,
Malaya waav Mainana,
Mainana waav Matata,
Matata waav Natana,
Natana waav Dauda.
32Az i Dauda a̱n rein waav Je̱si,
Je̱si waav Obida,
Obida waav Bu'aza,
Bu'aza waav Salmo̱n,
Salmo̱n waav Nahashuna.
33Az i Nahashuna a̱n rein waav Aminadaba,
Aminadaba waav Arama,
Arama waav Hasruna,
Hasruna waav Ferez,
Ferez waav Juda.
34Az in Juda a̱n rein waav Yakubu,
Yakubu waav Isaaku,
Isaaku waav Ibrahi,
Ibrahi waav Taraba,
Taraba waav Nahura.
35Az i Nahura a̱n rein waav Saruja,
Saruja waav Re̱u,
Re̱u waav Falaju,
Falaju waav Abiru,
Abiru waav Se̱lah.
36Az i Se̱lah a̱n rein waav Ke̱inan,
Ke̱inan waav Arfakashad,
Arfakashad waav Se̱m,
Se̱m waav Nuhu,
Nuhu waav Lamek.
37Az i Lamek a̱n rein waav Me̱tuse̱la,
Me̱tuse̱la waav E̱no̱k,
E̱no̱k waav Jared,
Jared waav Mahalailu,
Mahalailu waav Ke̱nan.
38Az i Ke̱nan a̱n rein waav Enos,
Enos waav Se̱t,
Se̱t waav Ada̱mu,
Ada̱mu Waav Na'Sila̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019