Luka 22
22
M'Kwe̱e̱ na sipt Ye̱so
(Mat 26:1-5; Mar 14:1-2; Yoh 11:45-53)
1An he̱tda̱n be̱re̱e̱dica̱n zattin yist da, da̱n nan po̱g ta̱m he̱tda̱n Paska hodgtaine,#22:1 Go̱t ta̱m: U'Rwa̱ 12:1-27. 2c'hwengnan ka̱bd Na'Sil a an la̱a̱sa̱m na s'giiran hobt bo̱ ho̱da̱na̱n ta hot Ye̱so m'ze̱se̱, rema̱n a el a̱n gela̱v netna.
Yahuda se̱sk u bab Ye̱so
(Mat 26:14-16; Mar 14:10-11)
3A̱n daava̱n lo, A̱krimu uvt bo̱ a̱n de̱bc Yahuda, waav Iskariyo̱ti, un rein da̱nv oopa ni'il nanlo. 4U havk la u se̱e̱pske̱ a c'hwengnan ka̱bd Na'Sil a so̱dka̱n koolnan rega̱dsa̱n buuk Na'Sil a̱n ho̱da̱na̱n tu be̱be̱te̱ na̱ Ye̱so. 5A hongk d'ke̱m hwe̱di d'kal ta̱m a se̱sk az ta cop o. 6Unwa ta̱m u kabka. U uvk ta̱m a̱n hoba̱n ke̱e̱da̱n tu be̱be̱te̱ na̱ Ye̱so m'ze̱se̱.
Ye̱so tu ryaa ryaakca̱n Paska
(Mat 26:17-25; Mar 14:12-21; Yoh 13:1-2)
7I ceta bo̱ kaa hweda̱n he̱tda̱n be̱re̱e̱dica̱n zattin yist da. A̱n daava̱n lo, i ke̱ng na hwaa waa'kyo̱o̱mva̱n he̱tda̱n Paska. 8Ye̱so comt bo̱ Bitrus a Yohana na. U zeka na̱, “Nok na a̱n mamgsa na d'baa rema̱n na ryaat ryaakca̱n he̱tda̱n Paska.”
9A ipkt bo̱ o, “Ipe̱ v to̱nin c hav c mamga?”
10Ye̱so se̱st bo̱ an la̱a̱s baa ru, “Go̱to̱, a̱n daava̱n ta̱n uvt ni'le̱e̱, ta̱n gwaanta a̱ra̱m a cidka̱ m'ho̱o̱n a'to̱o̱se. Gab na o a̱n uv a̱nmin buuna̱n tu uvti. 11Ze na kan buune, ‘Kan la̱a̱s zeka, az a̱v kwesa co va̱na̱n tu ryaat ryaakca̱n he̱tda̱n Paska a an la̱a̱s baa ru nu.’ 12Tu kwesa no damran k'kur a̱n kwe̱te̱e̱si ka̱n na mangsaine. Se̱e̱pse̱ na c'rihi a̱n a̱n'a.”
13A havk la a gatk c'rihi ho̱da̱na̱n u ve̱ce̱te̱in na̱. A walgk ta̱m ryaakca̱n he̱tda̱n Paska a̱n a̱n'a.
Ye̱so ryaak ryaakca̱n Paska
(Mat 26:26-30; Mar 14:22-26; 1Kor 11:23-25)
14An ho̱ra̱v cetine, Ye̱so sootk a comta̱nc run oopa ni'ila̱. 15U zeta bo̱ na̱, “A̱m to̱nk hwe̱di d'kal az a̱m ryaa ryaakca̱n he̱tda̱n Paska da̱ha̱n a nwaa na ai a̱m ryaat d'koba. 16A̱m el a̱n ve̱ce̱m no, a ta̱'m ryaa ta̱m ca̱ da, a za daava̱n nan ryaat ta̱m ca̱ a̱nmin go̱mc Na'Sil da.”
17U o̱mt bo̱ koklin ho̱o̱ma̱n yaanin ceun anab. U bo̱mk A'Sil u zeka, “Kab na a̱n wanka. 18Lag na a̱m ve̱ce̱te̱ no m'ga̱u. A ta̱'m so̱o̱ ho̱o̱ma̱n yaanin ceun anab ta̱m da a za a go̱mc Na'Sil ceka da.”
19U o̱mk ta̱m d'be̱re̱e̱di, u bo̱mk A'Sila̱. U bosa̱mk ta̱m da̱ u nesk na̱. U zeka, “I we̱du ri ha̱n un nan nes rem no. Em na ta̱n em taaha̱n rema̱n bakasac ri.” 20I ho̱da̱n lo bo̱ u emtin aa taastin k'ryaa. U zeka, “Koklin ho̱o̱ma̱n yaanin ceun anab ma̱ha̱n kwesaka Lalk Gigk Poune, un Sila gigiin netna. Lalk uha̱n tu es daava̱n na asktin hiba̱m ri, a̱m uk ta̱m rema̱n to̱vec no.#22:20 Go̱t ta̱m: Je̱r 31:31-34. 21Go̱t la kan tu bab me, ca̱ el a̱n k'ryaa i'hon i'da̱nka̱ a unwa na.#22:21 Go̱t ta̱m: Zab 41:9. 22I ke̱ng Waav Noc wa̱a̱ ho̱da̱na̱n Sila vattine. I naak la nocuna̱n tu bab o.”
23An la̱a̱s baa Ye̱so takaz u ipkinni a̱n a̱n'na̱n a̱n'na̱, az iwe̱ baa na̱ un tu em riihna.
Iwe̱ a̱n rein u so̱dk kwe̱
24An la̱a̱s baa Ye̱so gudgt bo̱ a̱n s'lan az iwe̱ a̱n hwennain u soot u so̱dk kwe̱ baa na̱. 25Ye̱so zeta bo̱ na̱, “Go̱mgo̱mnan copun yanda̱ha̱n el ta kwesa neta̱n na̱ we̱sa̱m c'go̱mo̱. Ta̱ma̱ ta po̱g hid na̱, ‘An se̱e̱te̱d netna.’ 26Nwaa la an em la taanl da. Koowe̱ a̱n rein u so̱dk kwe̱ baa no, lag u soot ho̱d kan dima̱. Kan hatina̱n k'gwin ta̱m kwe̱, u soot ho̱d kan emam no m'coko. 27Iwe̱ a̱n rein u so̱dke? Kan rein a'soot na̱m'val na o̱mvo̱ o c'ryaake alla kan tu o̱mo̱ c'ryaako? Za ho un rein a'soot na̱m'val da? Go̱t la a̱m el baa no ho̱d kan reina̱n o̱mvo̱m no c'ryaako.
28“I nwaa a̱n esin baa ri daava̱n m latina̱n ryaam d'koba. 29Rema̱n taanlo, a̱m kaak no c'go̱m ho̱da̱na̱n Cet me kaatin m c'go̱mo̱. 30I bat ta̱n ryaa a̱n so̱o̱ baa ri a̱nmin go̱mc ri. Ta̱n soot ta̱m a̱n dotaca̱ c'go̱m a̱n em go̱mc goos netnan Isra'ila oopa a̱n s'ila̱.”
Bitrus tu hyaa naps Ye̱so
(Mat 26:31-35; Mar 14:27-31; Yoh 13:36-38)
31A̱n daava̱n lo, Ye̱so zeka, “Simo̱n! Go̱to̱, A̱krimu to̱nk az na lag o u maak vo, u rakt a̱v ho̱da̱na̱n nan raktt benya. 32A̱m cepkka la vo, Simo̱n, az a batma̱n ba̱ta̱d rov baa ri ka̱la̱nna̱ la da. Daava̱n ta̱'v pankta la baa ri, se̱e̱te̱ hyaarva̱n ho̱da̱na̱n ta sudt bata̱m d'ba̱t baa ri.”
33Bitrus zeka la o, “Kanubu, a̱m walgk a̱m gab vo. Ai to̱n na sav v a̱n buu s'ko̱mo̱, ai to̱n i caa na'wa̱a̱.”
34Ye̱so se̱st bo̱ o, “A̱m el a̱n ve̱ce̱m rovo Bitrus, az ka̱c kant a̱n gyopun te̱nte̱, ta̱'v hyaa naps ri s'lam a'ta̱a̱cu.”
Walg na ryaaka̱ d'koba
35Ye̱so ryaak hwic u ipkk an la̱a̱s baa ru, “Daava̱ m comtin no a̱n ta o̱m baida̱n kind da, a̱n ta o̱m k'bai da, a̱n ta o̱m ta̱m c'kaat da, a̱n robka rihi?”
A se̱st bo̱ o, “Ca roba rihi da.”
36U zeta bo̱ na̱, “A̱nta̱ma̱ la, un ciin baida̱n kindi, u o̱m da̱. Un ciin ta̱m k'bai, u o̱m ka̱. Kan zattin k'van da, lag u bab kusi ru, u waa k'vana. 37I el a'ge̱ne̱, ‘Na oga̱mske o baa a c'ko̱to.’ A̱m el a̱n ve̱ce̱m no, i ke̱ng na esasa lalk uha̱n a̱n hid ri. Daava̱n rihica̱ ha̱n ca̱n emt, i ceka.”#22:37 Go̱t ta̱m: Isa 53:12.
38An la̱a̱s baa ru zeta bo̱ o, “Kanubu, go̱to̱, go̱t c'van c'ila̱.”
U zeta bo̱ na̱, “Ca̱ ma̱a̱nka̱.”
S'Cepk a̱n Se̱mka̱n Cesa̱n O̱lif
(Mat 26:36-46; Mar 14:32-42)
39A̱n daava̱n lo, Ye̱so ruk u to̱o̱k u havk a̱n Se̱mka̱n Cesa̱n O̱lif ho̱da̱na̱n u vetastaine. An la̱a̱s baa ru gabt bo̱ la o. 40Daava̱n u cetin baad ne, u zeka na̱, “Cepk na rema̱n a na ke̱ta̱mse̱ la no da.”
41U lagt bo̱ na̱ u ryaa hwic ho̱da̱n naka̱m s'bona. U kugtk u cepkka, 42“Cet me, awaz ti ema be̱, lag kobda̱ ha̱n kwaa me. Puti a tan la, rina̱n v to̱nine, i inya a̱n ta̱'v ema.”
[43A̱n daava̱n lo, k'comta̱v Na'Sil nokka baa ru lanm na'con u el a̱n setasam ru c'de̱be̱. 44Ai retin u el a̱n naam c'de̱b hwe̱di d'kala, u sudk a̱n kaa d'hi a̱n s'cepk na̱m'we̱se̱. I de̱lk samka̱d ru lan nu'do̱kro̱ nu'cop ho̱da̱n m'hiba̱.]#22:44 Ge̱nke̱-ge̱nke̱ c hyan zatta za̱tsa̱n 43-44 da.
45An Ye̱so una̱vta̱in baa s'cepko, u vaakk ta̱m baa an la̱a̱s baa ru. U gitka̱ na̱ na̱m'la̱v rema̱n de̱bc naak na̱, a pook ta̱ma̱. 46U zeta bo̱ na̱, “I rema̱n ye̱ a̱n retin na̱m'la̱va̱? Unu na a̱n cepk bat Sila ta se̱e̱te̱ no ho̱da̱na̱n ta̱n pa̱tt we̱sma̱n ke̱ta̱mse̱ca̱n ca̱n hol no bata̱m d'ba̱t baa ri.”
Na sipk Ye̱so
(Mat 26:47-56; Mar 14:43-50; Yoh 18:3-11)
47An Ye̱so latina̱n s'lalko, go̱to̱ bugda̱n netna. Yahuda, da̱nv an la̱a̱s baa Ye̱so oopa ni'il nanlo gaaka na̱ hwici. U ceta bo̱ baa Ye̱so u hamtka o. 48Ye̱so ipkt bo̱ o, “Yahuda, a va badasa na Waav Noc a̱n c'hamta?”
49An an la̱a̱s baa ru nanan lain d'kut a unwan he̱ntin taanlo, a ipkk o, “Kanubu, ic ke̱m a̱n vanc co?” 50Da̱nv na̱ se̱pe̱nte̱ bo̱ coun koma s'to̱o̱ u coka̱v go̱m va̱ d'ka̱b u Na'Sil u so̱dk kyakk.
51Ye̱so zeta bo̱ na̱, “Lag na.” U do̱vt bo̱ cou kan na se̱pe̱nne̱ine, u vaakt o honhono.
52Ye̱so zet bo̱ c'hwengnan ka̱bd Na'Sil a so̱dka̱v an rega̱dsa̱n buuk Na'Sil na̱, a hwenga̱nc Yahude̱n an nokain a sipt o. U zeka, “A̱n ruka̱ a c'van na a c'kyura̱n a̱n sipt me. A̱m laa hivi? 53A̱m lak kooye̱ hweda baa no a̱n gwen un buuk Na'Sila̱, a̱n ta sip la m da. A̱nta̱ma̱ la, i daav no, daava̱n go̱mc ni'cumunkunnu.”#22:53 Go̱t ta̱m: Luk 19:47; 21:37.
Bitrus hyaak naps Ye̱so
(Mat 26:69-75; Mar 14:66-72; Yoh 18:17-18,25-27)
54A̱n daava̱n lo, a sipk Ye̱so a to̱o̱k a unwan a savk o a̱n buu d'hweng va̱n ka̱bd Na'Sila̱. Bitrus gabto bo̱ s'yuu-s'yuu. 55Daava̱n na dapastain hwelan a̱n te̱kan gwen un buuk ne, a sootk ta̱m d'baa d'da̱n. Bitrus nokta bo̱ la ba̱ru u soot baa na̱. 56Waa'wanta cok he̱nt bo̱ Bitrus au soottin a̱n hobtma̱n hwela. U kekska ta̱m o i kasi, u zeta bo̱, “A̱ra̱m uha̱n lak baa Ye̱so.”
57Bitrus hyaat bo̱. U zeka o, “Waa'wanta, a̱m ta nap o da.”
58Ai okstoin ta̱m ca̱nmi, noc hyan he̱nk ta̱m Bitrus. U zeka o, “Vo ta̱m i da̱nv na̱.”
Bitrus zeta bo̱ o, “A̱rma̱, a̱m za baa na̱ da.”
59An daav to̱o̱tin ho̱d v'ho̱r v'da̱nka̱, noc hyan esk na̱m'we̱s u zeka, “M'Ga̱u, o̱p uha̱n lak ta̱m baa Ye̱so. Rema̱n u el a̱n s'lalk ho̱d kan Galili.”
60Bitrus zeta bo̱ o, “A̱rma̱, a̱m ta nap rina̱n v rein nu'vat da.”
A̱ndaabe, an Bitrus latina̱n s'lalko, ka̱c kant bo̱. 61Kanubu Ye̱so pankta bo̱ a̱n daava̱n lo u go̱t Bitrus. Bitrus bakasta bo̱ gomda̱n Kanubu ve̱ce̱in o, “Az ka̱c kant a̱n gyopun te̱nte̱, ta̱'v hyaa naps ri s'lam a'ta̱a̱cu.” 62Bitrus rut bo̱ na'isa̱. U hika̱dk a̱n s'o̱n.
Na buuk Ye̱so na hyaakk o
(Mat 26:67-68; Mar 14:65)
63A̱n daava̱n lo, a̱ra̱mnanan lain a̱n rega̱ds Ye̱so, a hyaakk o, a vesa̱lk ta̱m o. 64Aa ge̱ge̱te̱in o d'kus a bitiki o isa̱, a gonanka o. A zeka ta̱ma̱, “Awaz i vo k'barav Na'Sila̱, ve̱ce̱ co kan gonannain vo.” 65A ve̱ca̱lke̱ ta̱m o c'rihi c'naak hwe̱di a̱n rebc ru.
Ye̱so baa kargad go̱mgo̱mno̱
(Mat 26:59-66; Mar 14:55-64; Yoh 18:19-24)
66Na̱m'zanta, hwenga̱nc Yahude̱ne̱, c'hwengnan ka̱bd Na'Sil a an la̱a̱sa̱m na s'giiran meraka a savk Ye̱so baa an ta ged lalko. A ipkk Ye̱so, 67“Ve̱ce̱ co, i vo a̱n rein Ka̱risti?”
Ye̱so se̱sk la na̱, “A to̱n a̱m ve̱ce̱ no, a ta̱n kab da. 68Am ipk ta̱m no, a ta̱n la̱a̱ a̱n se̱s a̱m da. 69Taha̱n a̱n hwici, Waav Noc tu soot a̱n koma s'to̱o̱ a Na'Sila̱.”
70A̱n daava̱n lo, a̱n'a kwe̱ a ipkk ta̱m o, “I vo bo̱ kaa Waav Na'Sili?”
U se̱st bo̱ na̱, “A̱n vatk honhono.”
71A zeta bo̱, “Na hwengka d'hi. U vatk az i unwa Waav Na'Sila̱. Za ta̱m az i neta̱n hyan ve̱ce̱ cinna da.”
ទើបបានជ្រើសរើសហើយ៖
Luka 22: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 22
22
M'Kwe̱e̱ na sipt Ye̱so
(Mat 26:1-5; Mar 14:1-2; Yoh 11:45-53)
1An he̱tda̱n be̱re̱e̱dica̱n zattin yist da, da̱n nan po̱g ta̱m he̱tda̱n Paska hodgtaine,#22:1 Go̱t ta̱m: U'Rwa̱ 12:1-27. 2c'hwengnan ka̱bd Na'Sil a an la̱a̱sa̱m na s'giiran hobt bo̱ ho̱da̱na̱n ta hot Ye̱so m'ze̱se̱, rema̱n a el a̱n gela̱v netna.
Yahuda se̱sk u bab Ye̱so
(Mat 26:14-16; Mar 14:10-11)
3A̱n daava̱n lo, A̱krimu uvt bo̱ a̱n de̱bc Yahuda, waav Iskariyo̱ti, un rein da̱nv oopa ni'il nanlo. 4U havk la u se̱e̱pske̱ a c'hwengnan ka̱bd Na'Sil a so̱dka̱n koolnan rega̱dsa̱n buuk Na'Sil a̱n ho̱da̱na̱n tu be̱be̱te̱ na̱ Ye̱so. 5A hongk d'ke̱m hwe̱di d'kal ta̱m a se̱sk az ta cop o. 6Unwa ta̱m u kabka. U uvk ta̱m a̱n hoba̱n ke̱e̱da̱n tu be̱be̱te̱ na̱ Ye̱so m'ze̱se̱.
Ye̱so tu ryaa ryaakca̱n Paska
(Mat 26:17-25; Mar 14:12-21; Yoh 13:1-2)
7I ceta bo̱ kaa hweda̱n he̱tda̱n be̱re̱e̱dica̱n zattin yist da. A̱n daava̱n lo, i ke̱ng na hwaa waa'kyo̱o̱mva̱n he̱tda̱n Paska. 8Ye̱so comt bo̱ Bitrus a Yohana na. U zeka na̱, “Nok na a̱n mamgsa na d'baa rema̱n na ryaat ryaakca̱n he̱tda̱n Paska.”
9A ipkt bo̱ o, “Ipe̱ v to̱nin c hav c mamga?”
10Ye̱so se̱st bo̱ an la̱a̱s baa ru, “Go̱to̱, a̱n daava̱n ta̱n uvt ni'le̱e̱, ta̱n gwaanta a̱ra̱m a cidka̱ m'ho̱o̱n a'to̱o̱se. Gab na o a̱n uv a̱nmin buuna̱n tu uvti. 11Ze na kan buune, ‘Kan la̱a̱s zeka, az a̱v kwesa co va̱na̱n tu ryaat ryaakca̱n he̱tda̱n Paska a an la̱a̱s baa ru nu.’ 12Tu kwesa no damran k'kur a̱n kwe̱te̱e̱si ka̱n na mangsaine. Se̱e̱pse̱ na c'rihi a̱n a̱n'a.”
13A havk la a gatk c'rihi ho̱da̱na̱n u ve̱ce̱te̱in na̱. A walgk ta̱m ryaakca̱n he̱tda̱n Paska a̱n a̱n'a.
Ye̱so ryaak ryaakca̱n Paska
(Mat 26:26-30; Mar 14:22-26; 1Kor 11:23-25)
14An ho̱ra̱v cetine, Ye̱so sootk a comta̱nc run oopa ni'ila̱. 15U zeta bo̱ na̱, “A̱m to̱nk hwe̱di d'kal az a̱m ryaa ryaakca̱n he̱tda̱n Paska da̱ha̱n a nwaa na ai a̱m ryaat d'koba. 16A̱m el a̱n ve̱ce̱m no, a ta̱'m ryaa ta̱m ca̱ da, a za daava̱n nan ryaat ta̱m ca̱ a̱nmin go̱mc Na'Sil da.”
17U o̱mt bo̱ koklin ho̱o̱ma̱n yaanin ceun anab. U bo̱mk A'Sil u zeka, “Kab na a̱n wanka. 18Lag na a̱m ve̱ce̱te̱ no m'ga̱u. A ta̱'m so̱o̱ ho̱o̱ma̱n yaanin ceun anab ta̱m da a za a go̱mc Na'Sil ceka da.”
19U o̱mk ta̱m d'be̱re̱e̱di, u bo̱mk A'Sila̱. U bosa̱mk ta̱m da̱ u nesk na̱. U zeka, “I we̱du ri ha̱n un nan nes rem no. Em na ta̱n em taaha̱n rema̱n bakasac ri.” 20I ho̱da̱n lo bo̱ u emtin aa taastin k'ryaa. U zeka, “Koklin ho̱o̱ma̱n yaanin ceun anab ma̱ha̱n kwesaka Lalk Gigk Poune, un Sila gigiin netna. Lalk uha̱n tu es daava̱n na asktin hiba̱m ri, a̱m uk ta̱m rema̱n to̱vec no.#22:20 Go̱t ta̱m: Je̱r 31:31-34. 21Go̱t la kan tu bab me, ca̱ el a̱n k'ryaa i'hon i'da̱nka̱ a unwa na.#22:21 Go̱t ta̱m: Zab 41:9. 22I ke̱ng Waav Noc wa̱a̱ ho̱da̱na̱n Sila vattine. I naak la nocuna̱n tu bab o.”
23An la̱a̱s baa Ye̱so takaz u ipkinni a̱n a̱n'na̱n a̱n'na̱, az iwe̱ baa na̱ un tu em riihna.
Iwe̱ a̱n rein u so̱dk kwe̱
24An la̱a̱s baa Ye̱so gudgt bo̱ a̱n s'lan az iwe̱ a̱n hwennain u soot u so̱dk kwe̱ baa na̱. 25Ye̱so zeta bo̱ na̱, “Go̱mgo̱mnan copun yanda̱ha̱n el ta kwesa neta̱n na̱ we̱sa̱m c'go̱mo̱. Ta̱ma̱ ta po̱g hid na̱, ‘An se̱e̱te̱d netna.’ 26Nwaa la an em la taanl da. Koowe̱ a̱n rein u so̱dk kwe̱ baa no, lag u soot ho̱d kan dima̱. Kan hatina̱n k'gwin ta̱m kwe̱, u soot ho̱d kan emam no m'coko. 27Iwe̱ a̱n rein u so̱dke? Kan rein a'soot na̱m'val na o̱mvo̱ o c'ryaake alla kan tu o̱mo̱ c'ryaako? Za ho un rein a'soot na̱m'val da? Go̱t la a̱m el baa no ho̱d kan reina̱n o̱mvo̱m no c'ryaako.
28“I nwaa a̱n esin baa ri daava̱n m latina̱n ryaam d'koba. 29Rema̱n taanlo, a̱m kaak no c'go̱m ho̱da̱na̱n Cet me kaatin m c'go̱mo̱. 30I bat ta̱n ryaa a̱n so̱o̱ baa ri a̱nmin go̱mc ri. Ta̱n soot ta̱m a̱n dotaca̱ c'go̱m a̱n em go̱mc goos netnan Isra'ila oopa a̱n s'ila̱.”
Bitrus tu hyaa naps Ye̱so
(Mat 26:31-35; Mar 14:27-31; Yoh 13:36-38)
31A̱n daava̱n lo, Ye̱so zeka, “Simo̱n! Go̱to̱, A̱krimu to̱nk az na lag o u maak vo, u rakt a̱v ho̱da̱na̱n nan raktt benya. 32A̱m cepkka la vo, Simo̱n, az a batma̱n ba̱ta̱d rov baa ri ka̱la̱nna̱ la da. Daava̱n ta̱'v pankta la baa ri, se̱e̱te̱ hyaarva̱n ho̱da̱na̱n ta sudt bata̱m d'ba̱t baa ri.”
33Bitrus zeka la o, “Kanubu, a̱m walgk a̱m gab vo. Ai to̱n na sav v a̱n buu s'ko̱mo̱, ai to̱n i caa na'wa̱a̱.”
34Ye̱so se̱st bo̱ o, “A̱m el a̱n ve̱ce̱m rovo Bitrus, az ka̱c kant a̱n gyopun te̱nte̱, ta̱'v hyaa naps ri s'lam a'ta̱a̱cu.”
Walg na ryaaka̱ d'koba
35Ye̱so ryaak hwic u ipkk an la̱a̱s baa ru, “Daava̱ m comtin no a̱n ta o̱m baida̱n kind da, a̱n ta o̱m k'bai da, a̱n ta o̱m ta̱m c'kaat da, a̱n robka rihi?”
A se̱st bo̱ o, “Ca roba rihi da.”
36U zeta bo̱ na̱, “A̱nta̱ma̱ la, un ciin baida̱n kindi, u o̱m da̱. Un ciin ta̱m k'bai, u o̱m ka̱. Kan zattin k'van da, lag u bab kusi ru, u waa k'vana. 37I el a'ge̱ne̱, ‘Na oga̱mske o baa a c'ko̱to.’ A̱m el a̱n ve̱ce̱m no, i ke̱ng na esasa lalk uha̱n a̱n hid ri. Daava̱n rihica̱ ha̱n ca̱n emt, i ceka.”#22:37 Go̱t ta̱m: Isa 53:12.
38An la̱a̱s baa ru zeta bo̱ o, “Kanubu, go̱to̱, go̱t c'van c'ila̱.”
U zeta bo̱ na̱, “Ca̱ ma̱a̱nka̱.”
S'Cepk a̱n Se̱mka̱n Cesa̱n O̱lif
(Mat 26:36-46; Mar 14:32-42)
39A̱n daava̱n lo, Ye̱so ruk u to̱o̱k u havk a̱n Se̱mka̱n Cesa̱n O̱lif ho̱da̱na̱n u vetastaine. An la̱a̱s baa ru gabt bo̱ la o. 40Daava̱n u cetin baad ne, u zeka na̱, “Cepk na rema̱n a na ke̱ta̱mse̱ la no da.”
41U lagt bo̱ na̱ u ryaa hwic ho̱da̱n naka̱m s'bona. U kugtk u cepkka, 42“Cet me, awaz ti ema be̱, lag kobda̱ ha̱n kwaa me. Puti a tan la, rina̱n v to̱nine, i inya a̱n ta̱'v ema.”
[43A̱n daava̱n lo, k'comta̱v Na'Sil nokka baa ru lanm na'con u el a̱n setasam ru c'de̱be̱. 44Ai retin u el a̱n naam c'de̱b hwe̱di d'kala, u sudk a̱n kaa d'hi a̱n s'cepk na̱m'we̱se̱. I de̱lk samka̱d ru lan nu'do̱kro̱ nu'cop ho̱da̱n m'hiba̱.]#22:44 Ge̱nke̱-ge̱nke̱ c hyan zatta za̱tsa̱n 43-44 da.
45An Ye̱so una̱vta̱in baa s'cepko, u vaakk ta̱m baa an la̱a̱s baa ru. U gitka̱ na̱ na̱m'la̱v rema̱n de̱bc naak na̱, a pook ta̱ma̱. 46U zeta bo̱ na̱, “I rema̱n ye̱ a̱n retin na̱m'la̱va̱? Unu na a̱n cepk bat Sila ta se̱e̱te̱ no ho̱da̱na̱n ta̱n pa̱tt we̱sma̱n ke̱ta̱mse̱ca̱n ca̱n hol no bata̱m d'ba̱t baa ri.”
Na sipk Ye̱so
(Mat 26:47-56; Mar 14:43-50; Yoh 18:3-11)
47An Ye̱so latina̱n s'lalko, go̱to̱ bugda̱n netna. Yahuda, da̱nv an la̱a̱s baa Ye̱so oopa ni'il nanlo gaaka na̱ hwici. U ceta bo̱ baa Ye̱so u hamtka o. 48Ye̱so ipkt bo̱ o, “Yahuda, a va badasa na Waav Noc a̱n c'hamta?”
49An an la̱a̱s baa ru nanan lain d'kut a unwan he̱ntin taanlo, a ipkk o, “Kanubu, ic ke̱m a̱n vanc co?” 50Da̱nv na̱ se̱pe̱nte̱ bo̱ coun koma s'to̱o̱ u coka̱v go̱m va̱ d'ka̱b u Na'Sil u so̱dk kyakk.
51Ye̱so zeta bo̱ na̱, “Lag na.” U do̱vt bo̱ cou kan na se̱pe̱nne̱ine, u vaakt o honhono.
52Ye̱so zet bo̱ c'hwengnan ka̱bd Na'Sil a so̱dka̱v an rega̱dsa̱n buuk Na'Sil na̱, a hwenga̱nc Yahude̱n an nokain a sipt o. U zeka, “A̱n ruka̱ a c'van na a c'kyura̱n a̱n sipt me. A̱m laa hivi? 53A̱m lak kooye̱ hweda baa no a̱n gwen un buuk Na'Sila̱, a̱n ta sip la m da. A̱nta̱ma̱ la, i daav no, daava̱n go̱mc ni'cumunkunnu.”#22:53 Go̱t ta̱m: Luk 19:47; 21:37.
Bitrus hyaak naps Ye̱so
(Mat 26:69-75; Mar 14:66-72; Yoh 18:17-18,25-27)
54A̱n daava̱n lo, a sipk Ye̱so a to̱o̱k a unwan a savk o a̱n buu d'hweng va̱n ka̱bd Na'Sila̱. Bitrus gabto bo̱ s'yuu-s'yuu. 55Daava̱n na dapastain hwelan a̱n te̱kan gwen un buuk ne, a sootk ta̱m d'baa d'da̱n. Bitrus nokta bo̱ la ba̱ru u soot baa na̱. 56Waa'wanta cok he̱nt bo̱ Bitrus au soottin a̱n hobtma̱n hwela. U kekska ta̱m o i kasi, u zeta bo̱, “A̱ra̱m uha̱n lak baa Ye̱so.”
57Bitrus hyaat bo̱. U zeka o, “Waa'wanta, a̱m ta nap o da.”
58Ai okstoin ta̱m ca̱nmi, noc hyan he̱nk ta̱m Bitrus. U zeka o, “Vo ta̱m i da̱nv na̱.”
Bitrus zeta bo̱ o, “A̱rma̱, a̱m za baa na̱ da.”
59An daav to̱o̱tin ho̱d v'ho̱r v'da̱nka̱, noc hyan esk na̱m'we̱s u zeka, “M'Ga̱u, o̱p uha̱n lak ta̱m baa Ye̱so. Rema̱n u el a̱n s'lalk ho̱d kan Galili.”
60Bitrus zeta bo̱ o, “A̱rma̱, a̱m ta nap rina̱n v rein nu'vat da.”
A̱ndaabe, an Bitrus latina̱n s'lalko, ka̱c kant bo̱. 61Kanubu Ye̱so pankta bo̱ a̱n daava̱n lo u go̱t Bitrus. Bitrus bakasta bo̱ gomda̱n Kanubu ve̱ce̱in o, “Az ka̱c kant a̱n gyopun te̱nte̱, ta̱'v hyaa naps ri s'lam a'ta̱a̱cu.” 62Bitrus rut bo̱ na'isa̱. U hika̱dk a̱n s'o̱n.
Na buuk Ye̱so na hyaakk o
(Mat 26:67-68; Mar 14:65)
63A̱n daava̱n lo, a̱ra̱mnanan lain a̱n rega̱ds Ye̱so, a hyaakk o, a vesa̱lk ta̱m o. 64Aa ge̱ge̱te̱in o d'kus a bitiki o isa̱, a gonanka o. A zeka ta̱ma̱, “Awaz i vo k'barav Na'Sila̱, ve̱ce̱ co kan gonannain vo.” 65A ve̱ca̱lke̱ ta̱m o c'rihi c'naak hwe̱di a̱n rebc ru.
Ye̱so baa kargad go̱mgo̱mno̱
(Mat 26:59-66; Mar 14:55-64; Yoh 18:19-24)
66Na̱m'zanta, hwenga̱nc Yahude̱ne̱, c'hwengnan ka̱bd Na'Sil a an la̱a̱sa̱m na s'giiran meraka a savk Ye̱so baa an ta ged lalko. A ipkk Ye̱so, 67“Ve̱ce̱ co, i vo a̱n rein Ka̱risti?”
Ye̱so se̱sk la na̱, “A to̱n a̱m ve̱ce̱ no, a ta̱n kab da. 68Am ipk ta̱m no, a ta̱n la̱a̱ a̱n se̱s a̱m da. 69Taha̱n a̱n hwici, Waav Noc tu soot a̱n koma s'to̱o̱ a Na'Sila̱.”
70A̱n daava̱n lo, a̱n'a kwe̱ a ipkk ta̱m o, “I vo bo̱ kaa Waav Na'Sili?”
U se̱st bo̱ na̱, “A̱n vatk honhono.”
71A zeta bo̱, “Na hwengka d'hi. U vatk az i unwa Waav Na'Sila̱. Za ta̱m az i neta̱n hyan ve̱ce̱ cinna da.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019