Luka 20
20
Pe̱n we̱sa̱m Ye̱so rwa̱ini
(Mat 21:23-27; Mar 11:27-33)
1A̱n d'hwen, Ye̱so lak a̱n la̱a̱sa̱m neta̱n a̱n gwen un buuk Na'Sil tu ba̱suz kasi lalko. C'Hwengnan ka̱bd Na'Sil a an la̱a̱sa̱m na s'giiran nokta bo̱ baa ru d'kut a hwenga̱nc Yahude̱ne̱. 2A ipkk o, “Ve̱ce̱ co. I a̱n ye̱ we̱sa̱m c'go̱m ca a̱v retina̱n emma̱n rihica̱ hna? Iwe̱ a̱n ne̱in va̱ we̱sma̱ ne?”
3Ye̱so se̱st bo̱ na̱, “Mi la, ta̱'m ipk no ipk uda̱nka̱. Se̱s na me. 4I Silan ne̱in Yohana we̱sma̱n emam na baptisma alla netna?”
5A buut bo̱ s'lan a̱n a̱n'na̱n a̱n'na̱. A zeka, “A na ze az i A'Sila̱, tu ze, ‘I rema̱n ye̱ a̱n ta kabtin rina̱n u zein da?’ 6A na ze la ta̱ma̱, ‘I baa netna.’ Neta̱n ta bonga̱l na kwe̱. Rema̱n netan kabk az Yohana i k'barav Na'Sila̱.” 7A se̱st bo̱ o, “Ca nap bo̱ da.”
8Ye̱so zeta bo̱ la na̱, “Mi la, a ta̱'m ve̱ce̱ no va̱na̱n m kuma̱in we̱sma̱n a̱m retina̱n emma̱n rihica̱ ha̱n da.”
Lalkun go̱teca̱n belu s'ce
(Mat 21:33-46; Mar 12:1-12)
9A̱n daava̱n lo, Ye̱so takaz emam neta̱n hwennsaca̱ hna, “I a̱ra̱m a̱n gwain belu s'ce. U le̱gse̱ kaa an le̱k unwa u to̱o̱ u baal m'nak u gosa hwe̱di. 10An daav emtine, u comk coka̱v ru baa an le̱k bat ta nesa o yaan i s'ce. An le̱k buut bo̱ cokun s'bii, a voga o c'kom ka̱ka̱la̱. 11U sudt bo̱ ta̱m a̱n com cok hyan. A buuta̱ bo̱ ta̱m o s'bii. A ryeesa ta̱m o m'e̱n. A voga o ta̱m c'kom c'koma. 12U ta gina̱m la da. U sudk ta̱m a̱n com cok u v'ta̱ccu. A emata bo̱ o ta̱m m'so̱no̱, a be̱se̱ a voga o.
13“A̱n daava̱n lo, kanubel zeta bo̱, ‘Iye̱ a̱n ma ema? Ta̱'m com waav ri, um rein ta̱'m to̱n hwe̱di d'kala. Ai tade̱e̱da, aa he̱n o, ta ne̱e̱ o k'gwin.’ 14An an le̱k nu'bel he̱nte̱in la waaune, a buuk s'lan a̱n a̱n'na̱n a̱n'na̱. A zeka, ‘I kan tu buka gaad ha̱n u'bela. Nokana na hwaa o, bat nan gaad u'bela.’ 15A sipt bo̱ waaune a bono o na'isa̱, a hwaa ta̱m o.
“A̱n he̱nu no, iye̱ bo̱ kaa a̱n kanubel tu em an le̱knan lo? 16Tu han u hweela̱l na̱, u nes neta̱n hyan le̱k nu'bela.”
Aa hongtine, a zeka, “Sila bita̱!”
17Au go̱ttin na̱, u zeka, “Iye̱ a̱n lalks Na'Sil sa̱ha̱n rein nu'vato,#20:17 Go̱t ta̱m: Zab 118:22.
“ ‘Taarda̱n maaga̱n ha̱line,
i da̱nda a̱n sootin taarda̱ d'kaak a̱d so̱dk kwe̱.’
18“Koowe̱ a̱n hyain an taarda̱n lo, tu gecma̱lse. Koowe̱ ta̱m a̱n taarda̱n lo kwebvaine, da̱n nam o ho̱d m'hyun.”
Lalkun copma̱n tala
(Mat 22:15-22; Mar 12:13-17)
19C'Hwengnan ka̱bd Na'Sil a an la̱a̱sa̱m na s'giiran napk az i na̱nna a̱n Ye̱so ciin a̱n hwennsaca̱ hna. A to̱nk be̱ a sip o, a hongk la gelk netna. 20A̱n daava̱n lo, a de̱le̱te̱ bo̱ Ye̱so isa̱. A comt bo̱ neta̱n m'ze̱se̱. Netna ne palt bo̱ az i na̱nna a m'ga̱u. A em-em taanl bat be̱ ta sip Ye̱so a̱n rina̱n tu vata, a badasta o baa kan go̱mc nu'copo. 21Netna ne ipkt bo̱ Ye̱so. A zeka, “Kan la̱a̱sa̱m na, na napk az a̱v el ta̱'v vat lalko, a̱v em ta̱m la̱a̱s u m'ga̱u. A̱v zatta ta̱m c'ka̱a̱ka̱nsi da. A̱v el ta̱m ta̱'v la̱a̱sa̱ na le̱vk Na'Sil na̱m'ga̱u. 22Rema̱n taanlo, ve̱ce̱ co. Giiras se̱sk az na cop Kaisar tale alla a na cop la da?”
23Ye̱so napk la va̱na̱n a le̱ve̱in kwe̱. U se̱st bo̱ na̱, 24“Kwesa na m ko̱min kindi. I hora̱md we̱, a dind we̱n i ciini?”
A se̱sk o, “I Kaisar.”
25U zeta bo̱ na̱, “Rema̱n taanlo, nes na Kaisar rina̱n rein i Kaisar. A̱n nes ta̱m A'Sil rina̱n rein i Na'Sila̱.”
26A ta kum la rina̱n a siptin Ye̱so a̱n inya a̱n rina̱n u vatin a̱n hwic neta̱n da. A sipk a'nwa̱a̱ rema̱n ho̱da̱na̱n u se̱stine. A resk ta̱m te̱kk.
Lalkun po̱to̱so̱m an wa̱ini
(Mat 22:23-33; Mar 12:18-27)
27A̱n daava̱n lo, Sadusin an ta se̱sin az Sila ta po̱to̱so̱ an wa̱in da, ahyan baa na̱ nokka baa Ye̱so.#20:27 Go̱t ta̱m: YCCo 23:8. 28A zeka, “Kan la̱a̱sa̱m na, Mosa ge̱ne̱ke̱ na az, ‘A ha̱n noc wa̱a̱ u lagk neta a ta mat da, ha̱nu so̱t netav ru, u kwimiti o goo.’ 29Na ciki de̱ha̱n a̱ra̱m na nu'ha̱nun a̱n i'tan'ila̱. Hwa̱tk baa na̱ kwe̱ gaaka neta, u wa̱a̱ a ta mat da.
30“U v'illa̱ so̱tk netaune, u wa̱a̱ ta̱m a ta mat da. 31U v'ta̱ccu ta̱m ho̱da̱n lo. Na̱nna i'tan'il kwe̱ a gaak netaune, a uk ta̱m kwe̱ a ta mat la da. 32A̱n d'be̱se̱, netaune, uk la ba̱ru. 33Rema̱n taanlo, daava̱n Sila ta po̱to̱sto̱ an wa̱ini, i netav we̱ a̱n neta uha̱n tu soota? Go̱t na̱nna i'tan'il kwe̱, a gaak o?”
34Ye̱so se̱sk na̱, “A̱nta̱ma̱ a̱n copun yanda̱hna, neta̱n el ta gaa, nan giit ta̱m na̱ c'ga̱i. 35An Sila he̱nin la a hwennka a po̱to̱so̱ na̱, a soot ta̱m baa Na'Sil buka, a ta gaa da, a nan giit ta̱m na̱ c'ga̱i da. 36A ta wa̱a̱ ta̱m da d'kala. A el ho̱d comta̱nc Na'Sila̱. I na̱nna akna Na'Sila̱, rema̱n i na̱nna aknanan Sila po̱to̱so̱ine.
37“Mosa kwesaka az an wa̱in ta po̱to̱, daav u emtin lalkun ceuna̱n dapin hwela a̱nmi k'kade. U zeka, ‘Kan Go̱mca̱n Kooye̱, i Sila Ibrahi, Isaaku a Sila Yakubu nu.’#20:37 Go̱t ta̱m: U'Rwa̱ 3:6. 38Rema̱n taanlo, Sila za Sila neta̱n uk da. I Sila neta̱n po̱tke. Baa Na'Sila̱, koowe̱ iu po̱tke.”
39A̱n daava̱n lo, ahyan baa an la̱a̱sa̱m na s'giira zet bo̱, “Kan la̱a̱sa̱m na, a̱v se̱sk honhono.” 40An ta̱da̱ to̱o̱tine, a ta kum ta̱m a̱ra̱mca̱n ipka̱m ru rihi hyan da.
Ka̱risti i waav we̱
(Mat 22:41-46; Mar 12:35-37)
41Ye̱so ipkk la na̱, “I rema̱n ye̱ a retin ta ze az Ka̱risti i Waav Dauda? 42Go̱t la Dauda a̱n hid ru, u zeka a̱nmin ge̱nsa̱n taka̱llak s'Zabura,
“ ‘Sila zeka kan buu ri.
So̱o̱t a̱n kabva̱n koma s'to̱o̱ a ri,
43i cet a̱m de̱lt a̱v pa̱t
we̱sa̱m an ha̱lc rovo.’#20:43 Go̱t ta̱m: Zab 110:1.
44Rema̱n taanlo, Dauda po̱gk Ye̱so ‘Kanubu.’ I'Le̱e̱le̱ ta̱m u retin waav Dauda?”
An la̱a̱s a ta em la da
(Mat 23:1-36; Mar 12:38-40)
45A̱n daava̱n lo Ye̱so zeka an la̱a̱s baa ru neta̱n ta hongt kwe̱. U zeka, 46“An gabese la an la̱a̱sa̱m na s'giira da. A el ta to̱n a to̱o̱ a kusa̱m swaama̱n a'to̱po̱, bat nan ze az i na̱nna a̱n nan hwenga. Ta to̱n ta̱m az nan po̱o̱so̱ na̱ a̱n baaca̱ s'yo̱po. A el ta to̱n baaca̱ d'sooc c so̱dk a̱nmin ka̱bca̱n kargac Yahude̱n a baa d'he̱t ne̱. 47A el ta rum bomsa̱n c'buu. A el ta̱m ta gosasa s'cepk bat nan ze az i na̱nna neta̱n kasi. I na̱nna la a̱n ta kab hyaad so̱dk kwe̱ a̱n hweda̱n gedma̱n lalko.”
ទើបបានជ្រើសរើសហើយ៖
Luka 20: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 20
20
Pe̱n we̱sa̱m Ye̱so rwa̱ini
(Mat 21:23-27; Mar 11:27-33)
1A̱n d'hwen, Ye̱so lak a̱n la̱a̱sa̱m neta̱n a̱n gwen un buuk Na'Sil tu ba̱suz kasi lalko. C'Hwengnan ka̱bd Na'Sil a an la̱a̱sa̱m na s'giiran nokta bo̱ baa ru d'kut a hwenga̱nc Yahude̱ne̱. 2A ipkk o, “Ve̱ce̱ co. I a̱n ye̱ we̱sa̱m c'go̱m ca a̱v retina̱n emma̱n rihica̱ hna? Iwe̱ a̱n ne̱in va̱ we̱sma̱ ne?”
3Ye̱so se̱st bo̱ na̱, “Mi la, ta̱'m ipk no ipk uda̱nka̱. Se̱s na me. 4I Silan ne̱in Yohana we̱sma̱n emam na baptisma alla netna?”
5A buut bo̱ s'lan a̱n a̱n'na̱n a̱n'na̱. A zeka, “A na ze az i A'Sila̱, tu ze, ‘I rema̱n ye̱ a̱n ta kabtin rina̱n u zein da?’ 6A na ze la ta̱ma̱, ‘I baa netna.’ Neta̱n ta bonga̱l na kwe̱. Rema̱n netan kabk az Yohana i k'barav Na'Sila̱.” 7A se̱st bo̱ o, “Ca nap bo̱ da.”
8Ye̱so zeta bo̱ la na̱, “Mi la, a ta̱'m ve̱ce̱ no va̱na̱n m kuma̱in we̱sma̱n a̱m retina̱n emma̱n rihica̱ ha̱n da.”
Lalkun go̱teca̱n belu s'ce
(Mat 21:33-46; Mar 12:1-12)
9A̱n daava̱n lo, Ye̱so takaz emam neta̱n hwennsaca̱ hna, “I a̱ra̱m a̱n gwain belu s'ce. U le̱gse̱ kaa an le̱k unwa u to̱o̱ u baal m'nak u gosa hwe̱di. 10An daav emtine, u comk coka̱v ru baa an le̱k bat ta nesa o yaan i s'ce. An le̱k buut bo̱ cokun s'bii, a voga o c'kom ka̱ka̱la̱. 11U sudt bo̱ ta̱m a̱n com cok hyan. A buuta̱ bo̱ ta̱m o s'bii. A ryeesa ta̱m o m'e̱n. A voga o ta̱m c'kom c'koma. 12U ta gina̱m la da. U sudk ta̱m a̱n com cok u v'ta̱ccu. A emata bo̱ o ta̱m m'so̱no̱, a be̱se̱ a voga o.
13“A̱n daava̱n lo, kanubel zeta bo̱, ‘Iye̱ a̱n ma ema? Ta̱'m com waav ri, um rein ta̱'m to̱n hwe̱di d'kala. Ai tade̱e̱da, aa he̱n o, ta ne̱e̱ o k'gwin.’ 14An an le̱k nu'bel he̱nte̱in la waaune, a buuk s'lan a̱n a̱n'na̱n a̱n'na̱. A zeka, ‘I kan tu buka gaad ha̱n u'bela. Nokana na hwaa o, bat nan gaad u'bela.’ 15A sipt bo̱ waaune a bono o na'isa̱, a hwaa ta̱m o.
“A̱n he̱nu no, iye̱ bo̱ kaa a̱n kanubel tu em an le̱knan lo? 16Tu han u hweela̱l na̱, u nes neta̱n hyan le̱k nu'bela.”
Aa hongtine, a zeka, “Sila bita̱!”
17Au go̱ttin na̱, u zeka, “Iye̱ a̱n lalks Na'Sil sa̱ha̱n rein nu'vato,#20:17 Go̱t ta̱m: Zab 118:22.
“ ‘Taarda̱n maaga̱n ha̱line,
i da̱nda a̱n sootin taarda̱ d'kaak a̱d so̱dk kwe̱.’
18“Koowe̱ a̱n hyain an taarda̱n lo, tu gecma̱lse. Koowe̱ ta̱m a̱n taarda̱n lo kwebvaine, da̱n nam o ho̱d m'hyun.”
Lalkun copma̱n tala
(Mat 22:15-22; Mar 12:13-17)
19C'Hwengnan ka̱bd Na'Sil a an la̱a̱sa̱m na s'giiran napk az i na̱nna a̱n Ye̱so ciin a̱n hwennsaca̱ hna. A to̱nk be̱ a sip o, a hongk la gelk netna. 20A̱n daava̱n lo, a de̱le̱te̱ bo̱ Ye̱so isa̱. A comt bo̱ neta̱n m'ze̱se̱. Netna ne palt bo̱ az i na̱nna a m'ga̱u. A em-em taanl bat be̱ ta sip Ye̱so a̱n rina̱n tu vata, a badasta o baa kan go̱mc nu'copo. 21Netna ne ipkt bo̱ Ye̱so. A zeka, “Kan la̱a̱sa̱m na, na napk az a̱v el ta̱'v vat lalko, a̱v em ta̱m la̱a̱s u m'ga̱u. A̱v zatta ta̱m c'ka̱a̱ka̱nsi da. A̱v el ta̱m ta̱'v la̱a̱sa̱ na le̱vk Na'Sil na̱m'ga̱u. 22Rema̱n taanlo, ve̱ce̱ co. Giiras se̱sk az na cop Kaisar tale alla a na cop la da?”
23Ye̱so napk la va̱na̱n a le̱ve̱in kwe̱. U se̱st bo̱ na̱, 24“Kwesa na m ko̱min kindi. I hora̱md we̱, a dind we̱n i ciini?”
A se̱sk o, “I Kaisar.”
25U zeta bo̱ na̱, “Rema̱n taanlo, nes na Kaisar rina̱n rein i Kaisar. A̱n nes ta̱m A'Sil rina̱n rein i Na'Sila̱.”
26A ta kum la rina̱n a siptin Ye̱so a̱n inya a̱n rina̱n u vatin a̱n hwic neta̱n da. A sipk a'nwa̱a̱ rema̱n ho̱da̱na̱n u se̱stine. A resk ta̱m te̱kk.
Lalkun po̱to̱so̱m an wa̱ini
(Mat 22:23-33; Mar 12:18-27)
27A̱n daava̱n lo, Sadusin an ta se̱sin az Sila ta po̱to̱so̱ an wa̱in da, ahyan baa na̱ nokka baa Ye̱so.#20:27 Go̱t ta̱m: YCCo 23:8. 28A zeka, “Kan la̱a̱sa̱m na, Mosa ge̱ne̱ke̱ na az, ‘A ha̱n noc wa̱a̱ u lagk neta a ta mat da, ha̱nu so̱t netav ru, u kwimiti o goo.’ 29Na ciki de̱ha̱n a̱ra̱m na nu'ha̱nun a̱n i'tan'ila̱. Hwa̱tk baa na̱ kwe̱ gaaka neta, u wa̱a̱ a ta mat da.
30“U v'illa̱ so̱tk netaune, u wa̱a̱ ta̱m a ta mat da. 31U v'ta̱ccu ta̱m ho̱da̱n lo. Na̱nna i'tan'il kwe̱ a gaak netaune, a uk ta̱m kwe̱ a ta mat la da. 32A̱n d'be̱se̱, netaune, uk la ba̱ru. 33Rema̱n taanlo, daava̱n Sila ta po̱to̱sto̱ an wa̱ini, i netav we̱ a̱n neta uha̱n tu soota? Go̱t na̱nna i'tan'il kwe̱, a gaak o?”
34Ye̱so se̱sk na̱, “A̱nta̱ma̱ a̱n copun yanda̱hna, neta̱n el ta gaa, nan giit ta̱m na̱ c'ga̱i. 35An Sila he̱nin la a hwennka a po̱to̱so̱ na̱, a soot ta̱m baa Na'Sil buka, a ta gaa da, a nan giit ta̱m na̱ c'ga̱i da. 36A ta wa̱a̱ ta̱m da d'kala. A el ho̱d comta̱nc Na'Sila̱. I na̱nna akna Na'Sila̱, rema̱n i na̱nna aknanan Sila po̱to̱so̱ine.
37“Mosa kwesaka az an wa̱in ta po̱to̱, daav u emtin lalkun ceuna̱n dapin hwela a̱nmi k'kade. U zeka, ‘Kan Go̱mca̱n Kooye̱, i Sila Ibrahi, Isaaku a Sila Yakubu nu.’#20:37 Go̱t ta̱m: U'Rwa̱ 3:6. 38Rema̱n taanlo, Sila za Sila neta̱n uk da. I Sila neta̱n po̱tke. Baa Na'Sila̱, koowe̱ iu po̱tke.”
39A̱n daava̱n lo, ahyan baa an la̱a̱sa̱m na s'giira zet bo̱, “Kan la̱a̱sa̱m na, a̱v se̱sk honhono.” 40An ta̱da̱ to̱o̱tine, a ta kum ta̱m a̱ra̱mca̱n ipka̱m ru rihi hyan da.
Ka̱risti i waav we̱
(Mat 22:41-46; Mar 12:35-37)
41Ye̱so ipkk la na̱, “I rema̱n ye̱ a retin ta ze az Ka̱risti i Waav Dauda? 42Go̱t la Dauda a̱n hid ru, u zeka a̱nmin ge̱nsa̱n taka̱llak s'Zabura,
“ ‘Sila zeka kan buu ri.
So̱o̱t a̱n kabva̱n koma s'to̱o̱ a ri,
43i cet a̱m de̱lt a̱v pa̱t
we̱sa̱m an ha̱lc rovo.’#20:43 Go̱t ta̱m: Zab 110:1.
44Rema̱n taanlo, Dauda po̱gk Ye̱so ‘Kanubu.’ I'Le̱e̱le̱ ta̱m u retin waav Dauda?”
An la̱a̱s a ta em la da
(Mat 23:1-36; Mar 12:38-40)
45A̱n daava̱n lo Ye̱so zeka an la̱a̱s baa ru neta̱n ta hongt kwe̱. U zeka, 46“An gabese la an la̱a̱sa̱m na s'giira da. A el ta to̱n a to̱o̱ a kusa̱m swaama̱n a'to̱po̱, bat nan ze az i na̱nna a̱n nan hwenga. Ta to̱n ta̱m az nan po̱o̱so̱ na̱ a̱n baaca̱ s'yo̱po. A el ta to̱n baaca̱ d'sooc c so̱dk a̱nmin ka̱bca̱n kargac Yahude̱n a baa d'he̱t ne̱. 47A el ta rum bomsa̱n c'buu. A el ta̱m ta gosasa s'cepk bat nan ze az i na̱nna neta̱n kasi. I na̱nna la a̱n ta kab hyaad so̱dk kwe̱ a̱n hweda̱n gedma̱n lalko.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019