Luka 18
18
Boms a kan gedma̱n lalk no
1Ye̱so emaka ta̱m an la̱a̱s baa ru c'hwennsa u kwesata na̱ az a boro a̱n s'cepko, aa poo la da. 2U zeka na̱, “Kan gedma̱n lalk lak a̱n le̱in hyan un zain tu gel A'Sil da. U ta wass ta̱m a neta̱nn da. 3Boms lak ta̱m a̱n le̱ine. U hata bo̱ baa kan gedma̱n lalkune, u konk o, ‘So̱to̱so̱ m baa an ha̱lc ri.’ 4Kan gedma̱n lalk ta wass la o da c'hwen-c'hwen. A̱n d'be̱se̱, kan gedma̱n lalk keka̱bka, ‘Go̱t ge̱ a̱m za ta̱m gel A'Sil da, a̱m ta wass ta̱m a neta̱nn da. 5Rema̱n boms uha̱n el a̱n o̱ska̱d ri, ta̱'m so̱to̱so̱ o. Au pees la m na̱m'han gid-gid da.’ ”
6Kanubu zeta bo̱ na̱, “Hong bo̱ na rina̱n kan gedma̱n lalk un zain tu gel A'Sil da zeine. 7Sila a ta so̱to̱so̱ bo̱ kaa aa dagine, an reina̱n ke̱nge̱m na̱ ni'hwen a gyopa̱n ta̱m da? Sila a ta em dekka̱n se̱e̱te̱m na̱ da. 8Lag a̱m ve̱ce̱te̱ no. Ta so̱to̱so̱ na̱ a̱ndaabe. Puti a tan na, daava̱n Waav Noc tu nokta la, tu gita̱ an batin d'ba̱t baa ru a̱nmin copun yanda̱hne?”
K'Farisi a kan kabma̱n tal na
9Ye̱so emaka ta̱m ahyan hwennsaca̱ hna. An reina̱n daka̱m d'gen az i na̱nna a̱n rein an gela̱v Na'Sila̱. A el ta̱m a̱n gina̱m ahyan. 10U zeka, “Net ni'il uvk a̱n buuk Na'Sil a cepkte. Da̱nv na̱ i k'Farisi, uhyan i kan kabma̱n tala. 11K'Farisi esk u emk s'cepk a̱n bo̱mca̱n hid ru. U zeka, ‘A'Sila̱, a̱m bo̱mk a̱v ai retin a̱m za ho̱d neta̱n hyan an rein hivni, an ta em rihic naake a a d'o̱ma̱n da. A̱m za ta̱m ho̱d kan kabma̱n tal uha̱n da. 12A̱m el ta̱'m em i'so̱o̱ti a'il kooye̱ hwec tan'il ca. A̱m el ta̱m ta̱'m ho̱l yobu Na'Sil baan kumu ri kwe̱.’
13“Kan kabma̱n tal la ba̱ru, u eska m'nak zo. U ta maak a̱n una̱sa̱ d'hi u wa̱lk a'con da. U taatk gend ru a̱n naam c'de̱b u zeka, ‘A'Sila̱, hong za̱im ri, mi ka c'ko̱to.’ 14Lag a̱m ve̱ce̱te̱ no. I kan kabma̱n talun lo a̱n gya̱in a d'le̱g no, za k'Farisi da. Koowe̱ a̱n guba̱sa̱in hid ru, nan kalasa o, koowe̱ la a̱n kalasain hid ru, nan guba̱sa̱ o.”
Pe̱ge̱m aka̱n u'pusu
(Mat 19:13-15; Mar 10:13-16)
15A̱n daava̱n lo, na savaka Ye̱so yaa'aka̱n az u dweda na̱ c'kom u pe̱ge̱ na̱ u'pusu. Daava̱n an la̱a̱s baa ru he̱ntin na̱, a haagska na̱. 16Ye̱so po̱gk la akna ne a han baa ru. U zeka ta̱ma̱, “Lag na aka̱n rekan a noka baa ri. An hol la na̱ da. I rema̱n goon na̱nna a̱n go̱mc Na'Sil retine. 17Lag na a̱m ve̱ce̱te̱ no m'ga̱u. Koowe̱ a̱n ta kabin go̱mc Na'Sil ho̱d waa'rekun da, a tu tak a̱n uv a̱n ca̱nca da.”
A̱ra̱m kanukumu
(Mat 19:16-30; Mar 10:17-31)
18Na kumk k'go̱mgo̱m u'na̱n ipkin Ye̱so, “Kan la̱a̱sa̱m na, noc u kasi, iye̱ a̱n ta̱'m em a̱m po̱tt d'kala?”
19Ye̱so ipkk la o, “I rema̱n ye̱ v po̱gtin m noc u kasi? Noc u kasi za da, a za A'Sil a'da̱nka̱ c'taa da. 20A̱v napk az giiras zeka, av em la d'o̱m da, av hwaa la noc da, av em la d'hiv da, av ke̱m la noc a̱n c'ko̱l da, a̱v ne̱e̱ ta̱m cet a̱v a in va̱n k'gwin.”#18:20 Go̱t ta̱m: U'Rwa̱ 20:12-16; Rsgi 5:16-20.
21U se̱st bo̱, “Rihica̱ ha̱n kwe̱ a̱m kin ca̱ lanma̱ d'paa.”
22Daava̱n Ye̱so hongtin rihica̱ hna, u zeka o, “Rihi i'da̱nka̱ a̱v robine. Bab kumu rov kwe̱ a̱v we̱nke̱ kobnetna. Av em taanlo, ta̱'v kum kaa d'kinbu a'cona. A̱v noka kaa v gab me.” 23Daava̱n u hongtin ri hna, de̱bc naak o hwe̱di. Rema̱n u ci u'kum hwe̱di.
24An Ye̱so he̱ntin az c'de̱b naak o hwe̱di, u zeka, “I c'ma̱d bo̱ a ta̱g nu kanukum uvt a̱n go̱mc Na'Sila̱. 25Ti pa̱t rakum uv a̱n wa̱a̱va̱ tamswa, a̱nda kanukum uv a̱n go̱mc Na'Sila̱.”
26An hongin o kwe̱, a ipkka̱, “Iwe̱ bo̱ kaa a̱n tu kum d'gwa̱a̱ma̱?”
27Ye̱so se̱st bo̱ na̱, “Rihica̱n zain ca̱n ema baa neta̱n da, ca̱n ema baa Na'Sila̱.”
28A̱n daava̱n lo, Bitrus zeka o, “Go̱to̱, c lagka c'rihi kwe̱, c gabk vo.”
29Ye̱so se̱st bo̱ na̱, “Lag na a̱m ve̱ce̱te̱ no m'ga̱u. Koowe̱ a̱n lagain u'bu, matka̱n ru, ha̱nu nu, neta, a aka̱n ru rem u gabt A'Sila̱, 30Sila ta ne̱e̱ o rina̱n hatin rihica̱ ha̱n kwe̱ a̱n daava̱ hna. A na caa ta̱m a̱nz buka, tu po̱t d'kala.”
Ye̱so sudk a̱n tana wa̱a̱'a ru
(Mat 20:17-19; Mar 10:32-34)
31A̱n daava̱n lo, Ye̱so o̱mk oopa ni'il anlo. U zeka ta̱m na̱, “Go̱to̱, na el a̱n havma̱n le̱in Urisalima. Rihica̱n baranc Na'Sil ge̱nin ta̱m kwe̱ ca̱n tanin Waav Noco, nan em ca̱. 32Nan badasa o a̱n komc an zain Yahude̱n da. Ta hyaak o, a pita̱lsa̱ o, a piski ta̱m o c'te̱i. 33Ta swepa̱l o a̱n c'lako, a̱n d'be̱se̱ ta hwaa o. A̱n hweda̱ v'ta̱ccu la, Sila ta po̱to̱so̱ o.” 34An la̱a̱s baa ru ta ke̱e̱se̱ la rihi baan lalksa̱ ha̱n da. Na ze̱sk na̱ napsa̱n lalksa̱ hna.
Ye̱so a̱pa̱ska̱ is poma
(Mat 20:29-34; Mar 10:46-52)
35A̱n d'hwen, an Ye̱so cetain d'viivi a le̱in Je̱riko no, a̱ra̱m pom lak a'soot a̱n paat k'le̱v a̱n kona. 36An a̱rmune hongtin gudgda̱n to̱o̱ma̱n bugda̱n netna, u ipkk rina̱n sain tan. 37Na ve̱ce̱te̱ bo̱ o az i Ye̱so kan Nazarat a̱n rein tu to̱o̱-to̱o̱.
38U ze̱lt bo̱ v'god u zeka, “Ye̱so, vo Waav Dauda, hong za̱im ri.”
39Netnanan lain a̱n hwic haagsta bo̱ o az u res te̱kk. U sudk la a̱n ze̱l v'god na̱m'we̱se̱. U zeka, “Vo Waav Dauda, hong za̱im ri.”
40Ye̱so est bo̱ sa̱a̱d. U de̱lt bo̱ na nokta pomune. Daava̱n pom cetain d'viivi, Ye̱so ipkk o, 41“Iye̱ v to̱nin a̱m ema vo?”
U se̱sk o, “Kanubu, i bat ta̱'m kum u'he̱no.” 42Ye̱so zeta bo̱ o, “Taka u'he̱no. Pomm rov taaka. Batma̱n ba̱ta̱d rov baa ri gwa̱a̱k vo.”
43Pom he̱nuz a̱ndaabe. U gabk Ye̱so a̱n bo̱mc Na'Sila̱. Neta̱n kwe̱, daava̱n a he̱ntin ri hna, a bo̱mk A'Sila̱.
ទើបបានជ្រើសរើសហើយ៖
Luka 18: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 18
18
Boms a kan gedma̱n lalk no
1Ye̱so emaka ta̱m an la̱a̱s baa ru c'hwennsa u kwesata na̱ az a boro a̱n s'cepko, aa poo la da. 2U zeka na̱, “Kan gedma̱n lalk lak a̱n le̱in hyan un zain tu gel A'Sil da. U ta wass ta̱m a neta̱nn da. 3Boms lak ta̱m a̱n le̱ine. U hata bo̱ baa kan gedma̱n lalkune, u konk o, ‘So̱to̱so̱ m baa an ha̱lc ri.’ 4Kan gedma̱n lalk ta wass la o da c'hwen-c'hwen. A̱n d'be̱se̱, kan gedma̱n lalk keka̱bka, ‘Go̱t ge̱ a̱m za ta̱m gel A'Sil da, a̱m ta wass ta̱m a neta̱nn da. 5Rema̱n boms uha̱n el a̱n o̱ska̱d ri, ta̱'m so̱to̱so̱ o. Au pees la m na̱m'han gid-gid da.’ ”
6Kanubu zeta bo̱ na̱, “Hong bo̱ na rina̱n kan gedma̱n lalk un zain tu gel A'Sil da zeine. 7Sila a ta so̱to̱so̱ bo̱ kaa aa dagine, an reina̱n ke̱nge̱m na̱ ni'hwen a gyopa̱n ta̱m da? Sila a ta em dekka̱n se̱e̱te̱m na̱ da. 8Lag a̱m ve̱ce̱te̱ no. Ta so̱to̱so̱ na̱ a̱ndaabe. Puti a tan na, daava̱n Waav Noc tu nokta la, tu gita̱ an batin d'ba̱t baa ru a̱nmin copun yanda̱hne?”
K'Farisi a kan kabma̱n tal na
9Ye̱so emaka ta̱m ahyan hwennsaca̱ hna. An reina̱n daka̱m d'gen az i na̱nna a̱n rein an gela̱v Na'Sila̱. A el ta̱m a̱n gina̱m ahyan. 10U zeka, “Net ni'il uvk a̱n buuk Na'Sil a cepkte. Da̱nv na̱ i k'Farisi, uhyan i kan kabma̱n tala. 11K'Farisi esk u emk s'cepk a̱n bo̱mca̱n hid ru. U zeka, ‘A'Sila̱, a̱m bo̱mk a̱v ai retin a̱m za ho̱d neta̱n hyan an rein hivni, an ta em rihic naake a a d'o̱ma̱n da. A̱m za ta̱m ho̱d kan kabma̱n tal uha̱n da. 12A̱m el ta̱'m em i'so̱o̱ti a'il kooye̱ hwec tan'il ca. A̱m el ta̱m ta̱'m ho̱l yobu Na'Sil baan kumu ri kwe̱.’
13“Kan kabma̱n tal la ba̱ru, u eska m'nak zo. U ta maak a̱n una̱sa̱ d'hi u wa̱lk a'con da. U taatk gend ru a̱n naam c'de̱b u zeka, ‘A'Sila̱, hong za̱im ri, mi ka c'ko̱to.’ 14Lag a̱m ve̱ce̱te̱ no. I kan kabma̱n talun lo a̱n gya̱in a d'le̱g no, za k'Farisi da. Koowe̱ a̱n guba̱sa̱in hid ru, nan kalasa o, koowe̱ la a̱n kalasain hid ru, nan guba̱sa̱ o.”
Pe̱ge̱m aka̱n u'pusu
(Mat 19:13-15; Mar 10:13-16)
15A̱n daava̱n lo, na savaka Ye̱so yaa'aka̱n az u dweda na̱ c'kom u pe̱ge̱ na̱ u'pusu. Daava̱n an la̱a̱s baa ru he̱ntin na̱, a haagska na̱. 16Ye̱so po̱gk la akna ne a han baa ru. U zeka ta̱ma̱, “Lag na aka̱n rekan a noka baa ri. An hol la na̱ da. I rema̱n goon na̱nna a̱n go̱mc Na'Sil retine. 17Lag na a̱m ve̱ce̱te̱ no m'ga̱u. Koowe̱ a̱n ta kabin go̱mc Na'Sil ho̱d waa'rekun da, a tu tak a̱n uv a̱n ca̱nca da.”
A̱ra̱m kanukumu
(Mat 19:16-30; Mar 10:17-31)
18Na kumk k'go̱mgo̱m u'na̱n ipkin Ye̱so, “Kan la̱a̱sa̱m na, noc u kasi, iye̱ a̱n ta̱'m em a̱m po̱tt d'kala?”
19Ye̱so ipkk la o, “I rema̱n ye̱ v po̱gtin m noc u kasi? Noc u kasi za da, a za A'Sil a'da̱nka̱ c'taa da. 20A̱v napk az giiras zeka, av em la d'o̱m da, av hwaa la noc da, av em la d'hiv da, av ke̱m la noc a̱n c'ko̱l da, a̱v ne̱e̱ ta̱m cet a̱v a in va̱n k'gwin.”#18:20 Go̱t ta̱m: U'Rwa̱ 20:12-16; Rsgi 5:16-20.
21U se̱st bo̱, “Rihica̱ ha̱n kwe̱ a̱m kin ca̱ lanma̱ d'paa.”
22Daava̱n Ye̱so hongtin rihica̱ hna, u zeka o, “Rihi i'da̱nka̱ a̱v robine. Bab kumu rov kwe̱ a̱v we̱nke̱ kobnetna. Av em taanlo, ta̱'v kum kaa d'kinbu a'cona. A̱v noka kaa v gab me.” 23Daava̱n u hongtin ri hna, de̱bc naak o hwe̱di. Rema̱n u ci u'kum hwe̱di.
24An Ye̱so he̱ntin az c'de̱b naak o hwe̱di, u zeka, “I c'ma̱d bo̱ a ta̱g nu kanukum uvt a̱n go̱mc Na'Sila̱. 25Ti pa̱t rakum uv a̱n wa̱a̱va̱ tamswa, a̱nda kanukum uv a̱n go̱mc Na'Sila̱.”
26An hongin o kwe̱, a ipkka̱, “Iwe̱ bo̱ kaa a̱n tu kum d'gwa̱a̱ma̱?”
27Ye̱so se̱st bo̱ na̱, “Rihica̱n zain ca̱n ema baa neta̱n da, ca̱n ema baa Na'Sila̱.”
28A̱n daava̱n lo, Bitrus zeka o, “Go̱to̱, c lagka c'rihi kwe̱, c gabk vo.”
29Ye̱so se̱st bo̱ na̱, “Lag na a̱m ve̱ce̱te̱ no m'ga̱u. Koowe̱ a̱n lagain u'bu, matka̱n ru, ha̱nu nu, neta, a aka̱n ru rem u gabt A'Sila̱, 30Sila ta ne̱e̱ o rina̱n hatin rihica̱ ha̱n kwe̱ a̱n daava̱ hna. A na caa ta̱m a̱nz buka, tu po̱t d'kala.”
Ye̱so sudk a̱n tana wa̱a̱'a ru
(Mat 20:17-19; Mar 10:32-34)
31A̱n daava̱n lo, Ye̱so o̱mk oopa ni'il anlo. U zeka ta̱m na̱, “Go̱to̱, na el a̱n havma̱n le̱in Urisalima. Rihica̱n baranc Na'Sil ge̱nin ta̱m kwe̱ ca̱n tanin Waav Noco, nan em ca̱. 32Nan badasa o a̱n komc an zain Yahude̱n da. Ta hyaak o, a pita̱lsa̱ o, a piski ta̱m o c'te̱i. 33Ta swepa̱l o a̱n c'lako, a̱n d'be̱se̱ ta hwaa o. A̱n hweda̱ v'ta̱ccu la, Sila ta po̱to̱so̱ o.” 34An la̱a̱s baa ru ta ke̱e̱se̱ la rihi baan lalksa̱ ha̱n da. Na ze̱sk na̱ napsa̱n lalksa̱ hna.
Ye̱so a̱pa̱ska̱ is poma
(Mat 20:29-34; Mar 10:46-52)
35A̱n d'hwen, an Ye̱so cetain d'viivi a le̱in Je̱riko no, a̱ra̱m pom lak a'soot a̱n paat k'le̱v a̱n kona. 36An a̱rmune hongtin gudgda̱n to̱o̱ma̱n bugda̱n netna, u ipkk rina̱n sain tan. 37Na ve̱ce̱te̱ bo̱ o az i Ye̱so kan Nazarat a̱n rein tu to̱o̱-to̱o̱.
38U ze̱lt bo̱ v'god u zeka, “Ye̱so, vo Waav Dauda, hong za̱im ri.”
39Netnanan lain a̱n hwic haagsta bo̱ o az u res te̱kk. U sudk la a̱n ze̱l v'god na̱m'we̱se̱. U zeka, “Vo Waav Dauda, hong za̱im ri.”
40Ye̱so est bo̱ sa̱a̱d. U de̱lt bo̱ na nokta pomune. Daava̱n pom cetain d'viivi, Ye̱so ipkk o, 41“Iye̱ v to̱nin a̱m ema vo?”
U se̱sk o, “Kanubu, i bat ta̱'m kum u'he̱no.” 42Ye̱so zeta bo̱ o, “Taka u'he̱no. Pomm rov taaka. Batma̱n ba̱ta̱d rov baa ri gwa̱a̱k vo.”
43Pom he̱nuz a̱ndaabe. U gabk Ye̱so a̱n bo̱mc Na'Sila̱. Neta̱n kwe̱, daava̱n a he̱ntin ri hna, a bo̱mk A'Sila̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019