Luka 17
17
Ven kan de̱lin na a̱n d'ko̱to
(Mat 18:6-7; Mar 9:42)
1A̱n daava̱n lo, Ye̱so zeka an la̱a̱s baa ru, “Ke̱ng rihica̱n ca̱n de̱l noc a̱n d'ko̱t ca̱n noka. I naak la kan tu nokta ca̱. 2Ti piti be̱ o na ge̱ge̱ o d'naa a̱n to̱ro̱, na bono o a̱nmi m'saa, a̱nda u de̱l noc u ko̱to̱. 3La̱a̱ na a'ha̱gcu.#17:3 Go̱t ta̱m: Mat 18:15.
“A noc ko̱t baa rovo, de̱me̱ o. Au bita̱l c'hwin u konk d'kwisi, kwisi o. 4Au ko̱t baa rov s'lam a tan'il d'hwe d'da̱n, u bita̱l ta̱m c'hwin s'lam a tan'il u panka baa rov u ze, a̱m ko̱tko̱, kwisi o.”
Bata̱m d'ba̱t baa Ye̱so
5A̱n daava̱n lo, comta̱nc Ye̱so zeka o, “Kanubu, swidi co bata̱m d'ba̱t baa rovo.”
6Kanubu se̱st bo̱ na̱, “Awaz a̱n batk d'ba̱t baa ri i cek ho̱da̱n yaanva̱n bobaka̱n mo̱stad, ta̱n la̱a̱ a̱n ze ce uhna, ‘Vuga̱nna̱ v hav a̱v kaa a̱nmi m'saa.’ Tu gab rina̱n a̱n zeine.
Yomka coko
7“Iwe̱ baa no, un ciin cok kanugo̱v alla kan go̱teca̱n naamna, un tu ze cokune a̱n gya̱nm ru, ‘Noka v soot a̱v ryaaka’? 8Za wa ze-ze o, ‘Ema m c'ryaak a̱v soot ta̱m a̱v val a̱m taas u'ryau. Am taase, a̱v hav la ba̱ra̱v a̱v ryaaka.’ 9A tu bo̱m la cokun lo rema̱n u emk rina̱n u zein da. 10I ho̱da̱n lo bo̱ nwaa ta̱ma̱, daava̱n ta̱n emt rina̱n na de̱lin no a̱n ema, ze na, ‘I cwan coka̱n an ta ma̱a̱na̱in rihi da. Ca̱ em-em yomkanan ge̱be̱se̱in c ema.’ ”
Ye̱so taask netan c'daka
11A̱n d'hwen Ye̱so a an la̱a̱s baa run lak ta hav-hav a̱n le̱in Urisalima. A gabk le̱vka̱n ho̱deka̱n copca̱n Samariya a Galili ni. 12Au uvta̱in a̱nmin le̱i rekin ihyan, neta̱n oopa a c'dak gwaantka o. A eska m'nak zo, 13a ze̱lk s'god a zeka, “Kanubu, Ye̱so, hong za̱im co!”
14Ye̱so go̱tk na̱ swa̱a̱n, u zeka na̱, “Nok na a̱n kwesa hid no baa go̱mna d'ka̱b a Na'Sila̱.”#17:14 Go̱t ta̱m: Ggdk 14:1-32.
Aa latin ta nok-noka, dakc taak na̱. 15Daava̱n da̱nv na̱ he̱ntin dakc taak o, u vaakaz a̱n c'za̱ngkta̱ a̱n bo̱mc Na'Sil na̱m'we̱se̱. 16U kugtk a̱n hwic Ye̱so u zek bo̱mc ru. I noc va̱n Samariya la.
17Ye̱so ipkt bo̱ o, “Za neta̱n oopa a̱n na taasin c'dak da? Pe̱ha̱n kaa i'doore? 18A̱n na kum an vaakain a bo̱mt A'Sil a za kan mammam uha̱n da?” 19U zeta bo̱ o, “Unu v to̱o̱ a̱n c'rovo. Batma̱n ba̱ta̱d rov baa ri taask a̱v gaago.”
Canma̱n go̱mc Na'Sila̱
(Mat 24:23-28)
20An Farisin ipktin Ye̱so daava̱n go̱mc Na'Sil ca̱n ceta, u se̱sk na̱, “Go̱mc Na'Sil za rihica̱n nan kek na he̱n a̱n is da. 21Alla ta̱m na ze, ‘Go̱t ca̱ tahna alla go̱tuz ca̱ a̱nz da.’ Rema̱n go̱mc Na'Sil el a̱n de̱bc no.”
22Ye̱so zeka ta̱m an la̱a̱s baa ru, “Hwec lan, ca̱n ta̱n to̱nt be̱ az a̱n he̱n d'hwe d'da̱n baan hweca̱n Waav Noc tu vaakta u em c'go̱mo̱. A ta̱n he̱n la ca̱ da. 23A neta̱n ze no, ‘Go̱t na tahna alla a̱nzu.’ An rwa̱a̱ la baa na̱ alla a̱n gab na̱ da. 24Ho̱da̱na̱n yabka̱v retin va̱n yabk lanm na'con a̱v za̱na̱sa̱ kabva̱ da̱nka̱ caama̱n kabva̱ hyan, i ho̱da̱n lo bo̱ a̱n vaakam Waav Noc ma̱n sootte. 25Ke̱ng la u baa ryaa d'kob s'goo-s'goo, netnan ta̱ma̱ ha̱l ta̱m o.
26“Ho̱da̱na̱n i emtin a̱n hwec Nuhu, i ho̱da̱n lo bo̱ ta̱m a̱n ti emt a̱n hweca̱n Waav Noc tu vaakta.#17:26 Go̱t ta̱m: D'Tak 6:5-8. 27Neta̱n lak ta ryaak ta so̱o̱, ta gaa, ta ne̱e̱ ta̱m c'ga̱i, i cett hweda̱n Nuhu uvtin a̱nmi bumbka̱ m'ho̱o̱. Weru duva̱z u ryaa na̱ kwe̱.#17:27 Go̱t ta̱m: D'Tak 7:6-24.
28“I ho̱da̱n lo bo̱ ta̱m i emtin a̱n hwec Lo̱t. A lak ta ryaa ta so̱o̱, ta waa ta baba, ta gwaa, a em ta̱m c'me̱le̱me̱le̱. 29Hweda̱n Lo̱t rutin la u lagk le̱in So̱do̱m, Sila batka hwelana a hwelan a pusa an kos ho̱da̱n gyand za̱mki (so̱lfo̱), a hok na̱ kwe̱.
30“I ho̱da̱n lo bo̱ a̱n ti em honhon a̱n hweda̱n Waav Noc tu vaakta. 31A̱n hweda̱n lo, un rein a̱n dwenkcei nu'bu, rihic ru el la a̱nmi nu'bu, au ciza̱ la rema̱n u o̱mt ca̱ da. Un rein nu'bela, i ho̱da̱n lo ta̱ma̱, au vaak la nu'bu da.#17:31 Go̱t ta̱m: Mat 24:17-18; Mar 13:15-16. 32Bakasa na rina̱n kumin netav Lo̱t!#17:32 Go̱t ta̱m: D'Tak 19:26.
33“Koowe̱ a̱n reina̱n hob u hyaa naps ri a̱n gelva̱n nan hwaa o, tu wa̱a̱. Koowe̱ la a̱n nan hwaa rem ri, tu po̱to̱. 34Lag a̱m ve̱ce̱te̱ ta̱m no. A̱n gyopun lo, net ni'il ta wa a'la̱t a̱n k'ya̱na̱, nan o̱m uda̱n na lag uda̱nka̱. 35Neta ni'il ta wa d'kut a̱n d'naa, nan o̱m uda̱n na lag uda̱nka̱. [36A̱ra̱m ni'il ta wa nu'bela, nan o̱m uda̱n na lag uda̱nka̱.]#17:36 Ge̱nke̱-ge̱nke̱ c'hyan ca̱n de̱ha̱n zatta za̱tva̱n 36 da.”
37An la̱a̱s baa Ye̱so ipkt bo̱ o, “Ipe̱ a̱n nan em rihica̱ hna, Kanubu?” U se̱st bo̱ na̱, “Koope̱ a̱n wa̱a̱d rein kwe̱, i a̱n a̱n'a a̱n sakran ta karga.”
ទើបបានជ្រើសរើសហើយ៖
Luka 17: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 17
17
Ven kan de̱lin na a̱n d'ko̱to
(Mat 18:6-7; Mar 9:42)
1A̱n daava̱n lo, Ye̱so zeka an la̱a̱s baa ru, “Ke̱ng rihica̱n ca̱n de̱l noc a̱n d'ko̱t ca̱n noka. I naak la kan tu nokta ca̱. 2Ti piti be̱ o na ge̱ge̱ o d'naa a̱n to̱ro̱, na bono o a̱nmi m'saa, a̱nda u de̱l noc u ko̱to̱. 3La̱a̱ na a'ha̱gcu.#17:3 Go̱t ta̱m: Mat 18:15.
“A noc ko̱t baa rovo, de̱me̱ o. Au bita̱l c'hwin u konk d'kwisi, kwisi o. 4Au ko̱t baa rov s'lam a tan'il d'hwe d'da̱n, u bita̱l ta̱m c'hwin s'lam a tan'il u panka baa rov u ze, a̱m ko̱tko̱, kwisi o.”
Bata̱m d'ba̱t baa Ye̱so
5A̱n daava̱n lo, comta̱nc Ye̱so zeka o, “Kanubu, swidi co bata̱m d'ba̱t baa rovo.”
6Kanubu se̱st bo̱ na̱, “Awaz a̱n batk d'ba̱t baa ri i cek ho̱da̱n yaanva̱n bobaka̱n mo̱stad, ta̱n la̱a̱ a̱n ze ce uhna, ‘Vuga̱nna̱ v hav a̱v kaa a̱nmi m'saa.’ Tu gab rina̱n a̱n zeine.
Yomka coko
7“Iwe̱ baa no, un ciin cok kanugo̱v alla kan go̱teca̱n naamna, un tu ze cokune a̱n gya̱nm ru, ‘Noka v soot a̱v ryaaka’? 8Za wa ze-ze o, ‘Ema m c'ryaak a̱v soot ta̱m a̱v val a̱m taas u'ryau. Am taase, a̱v hav la ba̱ra̱v a̱v ryaaka.’ 9A tu bo̱m la cokun lo rema̱n u emk rina̱n u zein da. 10I ho̱da̱n lo bo̱ nwaa ta̱ma̱, daava̱n ta̱n emt rina̱n na de̱lin no a̱n ema, ze na, ‘I cwan coka̱n an ta ma̱a̱na̱in rihi da. Ca̱ em-em yomkanan ge̱be̱se̱in c ema.’ ”
Ye̱so taask netan c'daka
11A̱n d'hwen Ye̱so a an la̱a̱s baa run lak ta hav-hav a̱n le̱in Urisalima. A gabk le̱vka̱n ho̱deka̱n copca̱n Samariya a Galili ni. 12Au uvta̱in a̱nmin le̱i rekin ihyan, neta̱n oopa a c'dak gwaantka o. A eska m'nak zo, 13a ze̱lk s'god a zeka, “Kanubu, Ye̱so, hong za̱im co!”
14Ye̱so go̱tk na̱ swa̱a̱n, u zeka na̱, “Nok na a̱n kwesa hid no baa go̱mna d'ka̱b a Na'Sila̱.”#17:14 Go̱t ta̱m: Ggdk 14:1-32.
Aa latin ta nok-noka, dakc taak na̱. 15Daava̱n da̱nv na̱ he̱ntin dakc taak o, u vaakaz a̱n c'za̱ngkta̱ a̱n bo̱mc Na'Sil na̱m'we̱se̱. 16U kugtk a̱n hwic Ye̱so u zek bo̱mc ru. I noc va̱n Samariya la.
17Ye̱so ipkt bo̱ o, “Za neta̱n oopa a̱n na taasin c'dak da? Pe̱ha̱n kaa i'doore? 18A̱n na kum an vaakain a bo̱mt A'Sil a za kan mammam uha̱n da?” 19U zeta bo̱ o, “Unu v to̱o̱ a̱n c'rovo. Batma̱n ba̱ta̱d rov baa ri taask a̱v gaago.”
Canma̱n go̱mc Na'Sila̱
(Mat 24:23-28)
20An Farisin ipktin Ye̱so daava̱n go̱mc Na'Sil ca̱n ceta, u se̱sk na̱, “Go̱mc Na'Sil za rihica̱n nan kek na he̱n a̱n is da. 21Alla ta̱m na ze, ‘Go̱t ca̱ tahna alla go̱tuz ca̱ a̱nz da.’ Rema̱n go̱mc Na'Sil el a̱n de̱bc no.”
22Ye̱so zeka ta̱m an la̱a̱s baa ru, “Hwec lan, ca̱n ta̱n to̱nt be̱ az a̱n he̱n d'hwe d'da̱n baan hweca̱n Waav Noc tu vaakta u em c'go̱mo̱. A ta̱n he̱n la ca̱ da. 23A neta̱n ze no, ‘Go̱t na tahna alla a̱nzu.’ An rwa̱a̱ la baa na̱ alla a̱n gab na̱ da. 24Ho̱da̱na̱n yabka̱v retin va̱n yabk lanm na'con a̱v za̱na̱sa̱ kabva̱ da̱nka̱ caama̱n kabva̱ hyan, i ho̱da̱n lo bo̱ a̱n vaakam Waav Noc ma̱n sootte. 25Ke̱ng la u baa ryaa d'kob s'goo-s'goo, netnan ta̱ma̱ ha̱l ta̱m o.
26“Ho̱da̱na̱n i emtin a̱n hwec Nuhu, i ho̱da̱n lo bo̱ ta̱m a̱n ti emt a̱n hweca̱n Waav Noc tu vaakta.#17:26 Go̱t ta̱m: D'Tak 6:5-8. 27Neta̱n lak ta ryaak ta so̱o̱, ta gaa, ta ne̱e̱ ta̱m c'ga̱i, i cett hweda̱n Nuhu uvtin a̱nmi bumbka̱ m'ho̱o̱. Weru duva̱z u ryaa na̱ kwe̱.#17:27 Go̱t ta̱m: D'Tak 7:6-24.
28“I ho̱da̱n lo bo̱ ta̱m i emtin a̱n hwec Lo̱t. A lak ta ryaa ta so̱o̱, ta waa ta baba, ta gwaa, a em ta̱m c'me̱le̱me̱le̱. 29Hweda̱n Lo̱t rutin la u lagk le̱in So̱do̱m, Sila batka hwelana a hwelan a pusa an kos ho̱da̱n gyand za̱mki (so̱lfo̱), a hok na̱ kwe̱.
30“I ho̱da̱n lo bo̱ a̱n ti em honhon a̱n hweda̱n Waav Noc tu vaakta. 31A̱n hweda̱n lo, un rein a̱n dwenkcei nu'bu, rihic ru el la a̱nmi nu'bu, au ciza̱ la rema̱n u o̱mt ca̱ da. Un rein nu'bela, i ho̱da̱n lo ta̱ma̱, au vaak la nu'bu da.#17:31 Go̱t ta̱m: Mat 24:17-18; Mar 13:15-16. 32Bakasa na rina̱n kumin netav Lo̱t!#17:32 Go̱t ta̱m: D'Tak 19:26.
33“Koowe̱ a̱n reina̱n hob u hyaa naps ri a̱n gelva̱n nan hwaa o, tu wa̱a̱. Koowe̱ la a̱n nan hwaa rem ri, tu po̱to̱. 34Lag a̱m ve̱ce̱te̱ ta̱m no. A̱n gyopun lo, net ni'il ta wa a'la̱t a̱n k'ya̱na̱, nan o̱m uda̱n na lag uda̱nka̱. 35Neta ni'il ta wa d'kut a̱n d'naa, nan o̱m uda̱n na lag uda̱nka̱. [36A̱ra̱m ni'il ta wa nu'bela, nan o̱m uda̱n na lag uda̱nka̱.]#17:36 Ge̱nke̱-ge̱nke̱ c'hyan ca̱n de̱ha̱n zatta za̱tva̱n 36 da.”
37An la̱a̱s baa Ye̱so ipkt bo̱ o, “Ipe̱ a̱n nan em rihica̱ hna, Kanubu?” U se̱st bo̱ na̱, “Koope̱ a̱n wa̱a̱d rein kwe̱, i a̱n a̱n'a a̱n sakran ta karga.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019