Luka 16
16
Ka c'go̱te ka s'vere
1Ye̱so zeka an la̱a̱s baa ru, “Kanukum lak de̱ha̱n un nesin noc hyan go̱teca̱n kumu ru. An hwec la̱vtine, na hata bo̱ na ve̱ce̱ o az kac'go̱te el a̱n naasma̱n kumu ru. 2U po̱gto̱ bo̱ kac'go̱te u'ne. U zeka o, ‘Iye̱ m rein nu'hong az a̱v el nu'emo? Noka v ve̱ce̱ m ho̱da̱na̱n v retina̱n emma̱n yomka rovo. Rema̱n a ta̱'v soot ta̱m kan go̱teca̱n kumu ri da.’
3“A̱n daava̱n lo, kac'go̱te zeka hid ru, ‘A kan buu ri vog bo̱ m baa na'yomko, i'le̱e̱le̱ a̱n ma emte? Go̱t a̱m za a̱n hweksa̱m nu'go̱v da. A̱m el la ta̱m a̱n hongma̱n e̱nma̱n kona. 4A̱nha̱a̱n, a̱m napk rina̱n ta̱'m ema, bat daava̱n tu vogt a̱m baan yomka c'go̱te, neta̱n ta marssa m a̱n buuc na̱.’
5“U po̱gto̱ bo̱ koowe̱ un kan buu ru tu gab d'mo̱go̱. U ipkk u m'e̱te̱, ‘I i'nai a̱n kan buu ri tu gab vo?’
6“U se̱st bo̱ o, ‘Sinca̱ nevma̱n o̱lif v'za̱ngu.’
“U zeta bo̱ o, ‘O̱mo̱ vaaka̱n rina̱n nan gab vo. Soot a̱v ge̱n ka̱t-ka̱t az na el a̱n gaba̱m rov kwe̱zc c'il a̱n oopa.’
7“U ipkt bo̱ ta̱m uhyan, ‘I i'nai a̱n nan gab vo?’ U se̱st bo̱ ta̱m o, ‘Gyo̱bca̱n benya v'za̱ngu.’ U zeta bo̱ ta̱m o, ‘O̱mo̱ vaaka̱n rina̱n nan gab vo, a̱v ge̱n kwe̱zc c'naase.’
8“Kan buu kac'go̱te u naakun lo bo̱mk o s'vere. Rema̱n netnan copun yanda̱ha̱n ci versa̱n gabta̱m c'rihi a hyannana̱n, pa̱tka̱n netna d'za̱n. 9Ye̱so zeka ta̱m na̱, ‘Hweba na hid no c'bara a̱n kumun copun yanda̱hna. Rema̱n daava̱n kumun lo tu taate, nan marssa no a̱n baaca̱n soocda̱ d'kal-d'kala.’
10“Koowe̱ a̱n nan be̱te̱ d'ba̱t a̱n rihi ca̱nmi, nan la̱a̱ ta̱m a̱n be̱te̱ o d'ba̱t a̱n c'rihi hwe̱di. Koowe̱ ta̱m a̱n emin c'hitksa̱ a̱n rihi ca̱nmi, tu em ta̱m c'hitksa̱ a̱n c'rihi hwe̱di. 11Awaz a̱n ta em d'kau a̱n bo̱pma̱n kumun copun yanda̱ha̱n da, iwe̱ a̱n tu badasa no kumu m'ga̱u? 12Awaz ta̱m a̱v ta la̱a̱ bo̱pma̱n rina̱n Sila ne̱in v a̱n copun yanda̱ha̱n da, a ta ne̱e̱ v rihi a̱nz a'con da.
13“Cok za un tu la̱a̱ a̱n ema a nu'bu i'il m'cok da. Tu ha̱l uda̱nka̱, u to̱n uhyan alla u ne̱e̱ uda̱n k'gwin, u gin uda̱n. I ho̱da̱n lo bo̱ ta̱ma̱, a ti ema a̱n ema A'Sil m'coko a̱n ema ta̱m kind da.”
Ye̱so holk na kuza̱m c'ga̱i
(Mat 5:31-32; Mar 10:11-12)
14Ai retin Farisin i an to̱nca̱n kind hwe̱di, aa hongtin rihica̱ ha̱n kwe̱ ca̱n Ye̱so vatine, a hyaakk o. 15Ye̱so zeta bo̱ na̱, “I nwaanane, an rein ta le̱g hid na̱ baa netna, Sila napk la de̱bc no kwe̱. Rina̱n neta̱n pa̱tina̱n ne̱e̱m k'gwin kwe̱, i inya a̱n ha̱lsa̱in A'Sila̱.
16“Na ba̱sk giiras Mosa a ge̱ns baranc Na'Sil a̱n i ceta daav Yohana kan emam na baptisma. Lanma̱n daava̱n lo la, na el a̱n ba̱sda̱n kasi lalkun go̱mc Na'Sila̱. Koowe̱ el ta̱m a̱n c'ma̱d u uvt a̱n ca̱n.#16:16 Go̱t ta̱m: Mat 11:12-13. 17I pa̱tk a̱n k'le̱v az a'con a copun yanda̱ha̱n kwe̱ a yangse, a̱nda na bat giira rekun kwe̱.#16:17 Go̱t ta̱m: Mat 5:18.
18“I ho̱da̱n lo bo̱ ta̱ma̱, koowe̱ a̱n kuzin netav ru, u gaan uhyan, u el a̱n d'o̱mo̱. Koowe̱ ta̱m a̱n gain netauna̱n na kuzine, u el a̱n d'o̱m a unwa na.
Kanukum na Lazaru
19“A̱ra̱m lak de̱ha̱n a u'kuma̱n hwe̱di. Kooye̱ daava i kusma̱n kind hwe̱di a̱n tu to̱po̱. U ryaa ta̱m ryaakca̱n he̱nu d'ke̱m kooye̱ daava. 20Na lak ta̱m nan la̱ta̱sa̱ kobnoc kan kona un nan po̱g Lazaru a̱n bira̱vna'isnan buu kanukumune. Lazaru la, we̱du ru u'biri i c'tooka. 21U lak tu to̱n be̱ u kum yatranan ryaakca̱n kobain baa kanukumu. O̱ma̱n lak ta̱m ta han ta le̱nng o c'tooka.
22“A̱n d'hwen kan konun lo uku. Comta̱nc Na'Sil hata bo̱ a o̱m o a sav o va̱na̱n Ibrahi reine. Kanukum unwa ta̱ma̱, u uk na sagk o na de̱lk a̱n wa̱a̱ka̱n hwela. 23Au retin a̱nmin wa̱a̱ka̱n hwela a̱n ryaaka̱ d'koba, u bonko is u he̱nko Ibrahi m'nak zo a Lazarun baa ru. 24U ze̱lt bo̱ v'god u kanka. U zeka, ‘Cet me Ibrahi, hong za̱im ri. Com Lazaru u zo̱bo̱ s'ho̱o̱ na̱v'gyu, u dwe̱ka̱vse̱ m a̱n d'rem bat ta̱'m kum u'tutupu. Rema̱n hwela naha̱n el a̱n ryeesa m ri d'kob hwe̱di d'kala.’
25“Ibrahi zeta bo̱ o, ‘Waav ri, bakasa az daava̱n nocurimuc rovo, a̱v kabk c'rihi c'kasi. Lazaru la ba̱ru, u ryaak d'koba. A̱nta̱ma̱ la, na la̱ta̱ska̱ o c'de̱be̱. Vo la a̱v el a̱n ryaaka̱ d'koba. 26Za o̱pda̱n lo c'taa da, damran wa̱a̱k el ta̱m na'te̱k ka̱n holin na u'pas lanma̱n baa co na ceto baa no a lanma̱n baa no na ceto baa co no.’
27“A̱n daava̱n lo, u zeka, ‘A̱m el a̱n kons rovo cet me, Ibrahi, com Lazaru a̱n buu cet me. 28A̱m ci ha̱n min i'tan. Lag u kaag na̱ rema̱n aa han la taha̱n baan ryaaka̱ d'kob da.’
29“Ibrahi se̱st bo̱ o, ‘Ha̱n va̱n ci ge̱ns Mosa a baranc na Na'Sil na̱. Lag a ge̱ne̱ sa̱ u'con.’ 30Kanukum zeta bo̱ o, ‘A̱'a̱, cet me Ibrahi. A na po̱to̱so̱ nocuna̱n wa̱in u vaak baa na̱, ta bita̱l c'hwin a lag ko̱tc na̱.’ 31Ibrahi se̱sk ta̱m o, ‘Aa ta ge̱ne̱ ge̱ns Mosa a sa̱ baranc Na'Sil a̱n u'con da, a to̱n nocuna̱n wa̱in na po̱to̱so̱ vaak baa na̱, a ta ge̱ne̱ o u'con da.’ ”
ទើបបានជ្រើសរើសហើយ៖
Luka 16: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 16
16
Ka c'go̱te ka s'vere
1Ye̱so zeka an la̱a̱s baa ru, “Kanukum lak de̱ha̱n un nesin noc hyan go̱teca̱n kumu ru. An hwec la̱vtine, na hata bo̱ na ve̱ce̱ o az kac'go̱te el a̱n naasma̱n kumu ru. 2U po̱gto̱ bo̱ kac'go̱te u'ne. U zeka o, ‘Iye̱ m rein nu'hong az a̱v el nu'emo? Noka v ve̱ce̱ m ho̱da̱na̱n v retina̱n emma̱n yomka rovo. Rema̱n a ta̱'v soot ta̱m kan go̱teca̱n kumu ri da.’
3“A̱n daava̱n lo, kac'go̱te zeka hid ru, ‘A kan buu ri vog bo̱ m baa na'yomko, i'le̱e̱le̱ a̱n ma emte? Go̱t a̱m za a̱n hweksa̱m nu'go̱v da. A̱m el la ta̱m a̱n hongma̱n e̱nma̱n kona. 4A̱nha̱a̱n, a̱m napk rina̱n ta̱'m ema, bat daava̱n tu vogt a̱m baan yomka c'go̱te, neta̱n ta marssa m a̱n buuc na̱.’
5“U po̱gto̱ bo̱ koowe̱ un kan buu ru tu gab d'mo̱go̱. U ipkk u m'e̱te̱, ‘I i'nai a̱n kan buu ri tu gab vo?’
6“U se̱st bo̱ o, ‘Sinca̱ nevma̱n o̱lif v'za̱ngu.’
“U zeta bo̱ o, ‘O̱mo̱ vaaka̱n rina̱n nan gab vo. Soot a̱v ge̱n ka̱t-ka̱t az na el a̱n gaba̱m rov kwe̱zc c'il a̱n oopa.’
7“U ipkt bo̱ ta̱m uhyan, ‘I i'nai a̱n nan gab vo?’ U se̱st bo̱ ta̱m o, ‘Gyo̱bca̱n benya v'za̱ngu.’ U zeta bo̱ ta̱m o, ‘O̱mo̱ vaaka̱n rina̱n nan gab vo, a̱v ge̱n kwe̱zc c'naase.’
8“Kan buu kac'go̱te u naakun lo bo̱mk o s'vere. Rema̱n netnan copun yanda̱ha̱n ci versa̱n gabta̱m c'rihi a hyannana̱n, pa̱tka̱n netna d'za̱n. 9Ye̱so zeka ta̱m na̱, ‘Hweba na hid no c'bara a̱n kumun copun yanda̱hna. Rema̱n daava̱n kumun lo tu taate, nan marssa no a̱n baaca̱n soocda̱ d'kal-d'kala.’
10“Koowe̱ a̱n nan be̱te̱ d'ba̱t a̱n rihi ca̱nmi, nan la̱a̱ ta̱m a̱n be̱te̱ o d'ba̱t a̱n c'rihi hwe̱di. Koowe̱ ta̱m a̱n emin c'hitksa̱ a̱n rihi ca̱nmi, tu em ta̱m c'hitksa̱ a̱n c'rihi hwe̱di. 11Awaz a̱n ta em d'kau a̱n bo̱pma̱n kumun copun yanda̱ha̱n da, iwe̱ a̱n tu badasa no kumu m'ga̱u? 12Awaz ta̱m a̱v ta la̱a̱ bo̱pma̱n rina̱n Sila ne̱in v a̱n copun yanda̱ha̱n da, a ta ne̱e̱ v rihi a̱nz a'con da.
13“Cok za un tu la̱a̱ a̱n ema a nu'bu i'il m'cok da. Tu ha̱l uda̱nka̱, u to̱n uhyan alla u ne̱e̱ uda̱n k'gwin, u gin uda̱n. I ho̱da̱n lo bo̱ ta̱ma̱, a ti ema a̱n ema A'Sil m'coko a̱n ema ta̱m kind da.”
Ye̱so holk na kuza̱m c'ga̱i
(Mat 5:31-32; Mar 10:11-12)
14Ai retin Farisin i an to̱nca̱n kind hwe̱di, aa hongtin rihica̱ ha̱n kwe̱ ca̱n Ye̱so vatine, a hyaakk o. 15Ye̱so zeta bo̱ na̱, “I nwaanane, an rein ta le̱g hid na̱ baa netna, Sila napk la de̱bc no kwe̱. Rina̱n neta̱n pa̱tina̱n ne̱e̱m k'gwin kwe̱, i inya a̱n ha̱lsa̱in A'Sila̱.
16“Na ba̱sk giiras Mosa a ge̱ns baranc Na'Sil a̱n i ceta daav Yohana kan emam na baptisma. Lanma̱n daava̱n lo la, na el a̱n ba̱sda̱n kasi lalkun go̱mc Na'Sila̱. Koowe̱ el ta̱m a̱n c'ma̱d u uvt a̱n ca̱n.#16:16 Go̱t ta̱m: Mat 11:12-13. 17I pa̱tk a̱n k'le̱v az a'con a copun yanda̱ha̱n kwe̱ a yangse, a̱nda na bat giira rekun kwe̱.#16:17 Go̱t ta̱m: Mat 5:18.
18“I ho̱da̱n lo bo̱ ta̱ma̱, koowe̱ a̱n kuzin netav ru, u gaan uhyan, u el a̱n d'o̱mo̱. Koowe̱ ta̱m a̱n gain netauna̱n na kuzine, u el a̱n d'o̱m a unwa na.
Kanukum na Lazaru
19“A̱ra̱m lak de̱ha̱n a u'kuma̱n hwe̱di. Kooye̱ daava i kusma̱n kind hwe̱di a̱n tu to̱po̱. U ryaa ta̱m ryaakca̱n he̱nu d'ke̱m kooye̱ daava. 20Na lak ta̱m nan la̱ta̱sa̱ kobnoc kan kona un nan po̱g Lazaru a̱n bira̱vna'isnan buu kanukumune. Lazaru la, we̱du ru u'biri i c'tooka. 21U lak tu to̱n be̱ u kum yatranan ryaakca̱n kobain baa kanukumu. O̱ma̱n lak ta̱m ta han ta le̱nng o c'tooka.
22“A̱n d'hwen kan konun lo uku. Comta̱nc Na'Sil hata bo̱ a o̱m o a sav o va̱na̱n Ibrahi reine. Kanukum unwa ta̱ma̱, u uk na sagk o na de̱lk a̱n wa̱a̱ka̱n hwela. 23Au retin a̱nmin wa̱a̱ka̱n hwela a̱n ryaaka̱ d'koba, u bonko is u he̱nko Ibrahi m'nak zo a Lazarun baa ru. 24U ze̱lt bo̱ v'god u kanka. U zeka, ‘Cet me Ibrahi, hong za̱im ri. Com Lazaru u zo̱bo̱ s'ho̱o̱ na̱v'gyu, u dwe̱ka̱vse̱ m a̱n d'rem bat ta̱'m kum u'tutupu. Rema̱n hwela naha̱n el a̱n ryeesa m ri d'kob hwe̱di d'kala.’
25“Ibrahi zeta bo̱ o, ‘Waav ri, bakasa az daava̱n nocurimuc rovo, a̱v kabk c'rihi c'kasi. Lazaru la ba̱ru, u ryaak d'koba. A̱nta̱ma̱ la, na la̱ta̱ska̱ o c'de̱be̱. Vo la a̱v el a̱n ryaaka̱ d'koba. 26Za o̱pda̱n lo c'taa da, damran wa̱a̱k el ta̱m na'te̱k ka̱n holin na u'pas lanma̱n baa co na ceto baa no a lanma̱n baa no na ceto baa co no.’
27“A̱n daava̱n lo, u zeka, ‘A̱m el a̱n kons rovo cet me, Ibrahi, com Lazaru a̱n buu cet me. 28A̱m ci ha̱n min i'tan. Lag u kaag na̱ rema̱n aa han la taha̱n baan ryaaka̱ d'kob da.’
29“Ibrahi se̱st bo̱ o, ‘Ha̱n va̱n ci ge̱ns Mosa a baranc na Na'Sil na̱. Lag a ge̱ne̱ sa̱ u'con.’ 30Kanukum zeta bo̱ o, ‘A̱'a̱, cet me Ibrahi. A na po̱to̱so̱ nocuna̱n wa̱in u vaak baa na̱, ta bita̱l c'hwin a lag ko̱tc na̱.’ 31Ibrahi se̱sk ta̱m o, ‘Aa ta ge̱ne̱ ge̱ns Mosa a sa̱ baranc Na'Sil a̱n u'con da, a to̱n nocuna̱n wa̱in na po̱to̱so̱ vaak baa na̱, a ta ge̱ne̱ o u'con da.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019