Luka 15
15
Kyo̱o̱muna̱n yangine
(Mat 18:12-14)
1A̱n daava̱n lo, an kabma̱n tal a a c'ko̱ta̱n a kargka rema̱n a hongt Ye̱so. 2Farisin a an la̱a̱sa̱m na s'giiran emt bo̱ s'remreme. A zeka, “Iye̱ a̱n a̱rm uha̱n kabtin a c'ko̱to, tu ryaak ta̱m a na̱nna na?”
3Ye̱so ve̱ce̱te̱ bo̱ na̱ lalk a̱n c'hwennsa. U zeka, 4“Lag na ze az da̱nv no ci kyo̱o̱ma̱n v'za̱ngu (100), da̱nv na̱ yang kaa o. A tu lag kwe̱zc c'naas a̱n oopa ni'door (99) va̱na̱n a reina̱n c'ta̱a̱gu, u hav u hobga un yangin u he̱nte̱ o da? 5Daava̱n tu he̱nte̱ o, tu saka o a̱n c'kap a̱n c'za̱ngkta̱, 6u gyiita̱ o nu'bu. Tu po̱go̱ baran ru a an e̱s ru nu. U ze na̱, ‘Se̱e̱te̱ na m c'za̱ngkta̱ rema̱n a̱m he̱nke̱ kyo̱o̱ma̱v ri un lain u yangka.’
7“Lag a̱m ve̱ce̱te̱ no. I ho̱da̱n lo bo̱ a̱n nan emt c'za̱ngkta̱ a'con rema̱n ka c'ko̱t uda̱nka̱ un bitlin c'hwin u lagk c'ko̱to. Za̱ngkta̱ca̱n nan em rema̱n ka c'ko̱t unlo hatk ca̱n nan em rema̱n an gela̱v Na'Sil kwe̱zc c'naas a̱n oopa ni'doore, an ta emin rina̱n ti de̱l na̱ a̱n bitla̱m c'hwin da.
Kindina̱n yangine
8“Iye̱ netawa ta̱m un ciin ko̱min kind pusin oopa, da̱nv yang o, un zain a̱n dapasam d'ta̱si, u waag ta̱m u'bu kwe̱, u hobg a d'ke̱mne̱nne̱, u he̱nt e da? 9Daava̱n tu he̱nt e, tu po̱go̱ janyen ru a an e̱s run d'baa d'da̱n. U ze na̱, ‘Se̱e̱te̱ na m c'za̱ngkta̱ rema̱n a̱m he̱nk ko̱mina̱n yangin me.’ 10I ho̱da̱n lo bo̱, lag a̱m ve̱ce̱te̱ no, comta̱nc Na'Sil ta em c'za̱ngkta̱ rema̱n ka c'ko̱t uda̱nka̱ un bitlin c'hwin.”
Waauna̱n yangine
11Ye̱so zeka ta̱ma̱, “A̱ra̱m ciki yaa'a̱ra̱m ni'ila̱. 12Kan dim zeta bo̱ ceto, ‘Cet me, ka̱a̱sa̱ m yobu ri baan rina̱n m ta̱m gaad baa rov av wa̱a̱.’ U we̱nkte̱ bo̱ na̱ kumu ru.
13“An na la̱vtin c'hwe c'hona, kan dim kargska yobu ru kwe̱, u sakk k'le̱v u havk copu m'naka. U havk u va̱nka̱lska̱ kumu ru kwe̱ a̱n soocda̱n ka̱ka̱la̱. 14Au taastin hweeda̱n rina̱n u ciin kwe̱, na emk damran mer a̱n copun lo kwe̱. U takaz d'robama. 15U nokt bo̱ u hob a'yomk baa noc hyan kan copun lo. Nocun lo cukt bo̱ o a̱n go̱teca̱n ale̱de̱ne̱. 16Merk la̱a̱t bo̱ o hwe̱di d'kal u to̱nk be̱ az u kum ryaakc ale̱de̱n u ryaate. Noc ta wass la u ne̱e̱k o da.
17“Daav i baktain kaa o, u zeka hid ru, ‘Go̱t netnanan reina̱n emam cet me a'yomk kwe̱, a el la ta ryaak ta ciga̱. A̱m el kaa taha̱n na'wa̱a̱ a̱n k'mero. 18Ta̱'m unu a̱m vaak baa cet me. A̱m ze o, Cet me, a̱m ko̱tk baa Na'Sila̱, a̱m ko̱t ta̱m baa rovo. 19A̱m ta ma̱a̱na̱ ta̱m na po̱g a̱m waav rov da. Vaaksa m da̱nv a na'yomk baa rovo.’ 20U unutu bo̱ la u vaakk baa ceto.
“Au keltain u el m'nak zo, an cetok he̱nte̱in o, u hongk za̱im ru. U somt bo̱ u hav u hamta u kwesaka ta̱m o c'to̱no̱. 21Waa zeta bo̱ o, ‘Cet me, a̱m ko̱tk baa Na'Sila̱, a̱m ko̱t ta̱m baa rovo. A̱m ta ma̱a̱na̱ ta̱m na po̱g a̱m waav rov da.’ 22Cetok zeka la coka̱n ru, ‘Ruta̱ na kusin pa̱tin kwe̱ a̱n d'ke̱m a̱n twe̱pe̱ o. Twe̱pe̱ na ta̱m o v'kwant a c'kaat na. 23Sipa̱ na ta̱m naam nooskun lo, a̱n hwaa. Lag na na ryaak na em ta̱m c'za̱ngkta̱. 24Rema̱n waav ri uha̱n lak u uku, go̱t u po̱tko̱. U lak u yangka, go̱t na he̱nk o.’ A duva̱z a̱n c'za̱ngkta̱.
25“A̱n daava̱n lo, waa so̱dk lak nu'bela. Au latain tu gya̱n-gya̱n, u ceka d'viivi a u'bu nu. U hongto bo̱ c'hin a c'sep na. 26U po̱gto̱ bo̱ cok v'da̱n u ipkk o rina̱n na rein nu'emo. 27Cok zeta bo̱ o, ‘I kan dim va̱ rov a̱n gya̱ini. I da̱nda a̱n cet a̱v de̱ltin na hwee o naam nooskun lo rem u gyiika̱ m'ho̱o̱ka̱n kau.’
28“Magaz hwinst bo̱ hwe̱di d'kal u ha̱lk a̱n uv nu'bu. Rema̱n taanl ceto ruta̱ bo̱ u kont o. 29U se̱st bo̱ u zeka ceto, ‘Go̱t bo̱ kaa we̱e̱sa̱ ha̱n kwe̱ sa̱ m ematain va̱ m'coko. A̱m ta tak a̱m pask lalk rov v'daa v'da̱nka̱ da. Puti a tan na, a̱v ta tak a̱n ne̱e̱ m i waa'gwe̱l a̱m hwaa a̱m em d'he̱t a baran rin da. 30Go̱t kaa, a̱n daava̱n waav rov vaaktaine, un yangsin kumu rov baa netan a̱n d'o̱mo̱, a̱v hweeka o naam nooskun lo.’
31“Ceto zeta bo̱ o, ‘Waav ri, a̱v el male baa ri. Rina̱n m ciin kwe̱ ii rovo. 32I ge̱be̱ske̱ na em d'he̱t na em c'za̱ngkta̱, rema̱n ha̱n vu uha̱n lak zai u wa̱a̱-wa̱a̱, go̱t u po̱tko̱. U lak u yangka, go̱t na he̱nk o.’ ”
ទើបបានជ្រើសរើសហើយ៖
Luka 15: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Luka 15
15
Kyo̱o̱muna̱n yangine
(Mat 18:12-14)
1A̱n daava̱n lo, an kabma̱n tal a a c'ko̱ta̱n a kargka rema̱n a hongt Ye̱so. 2Farisin a an la̱a̱sa̱m na s'giiran emt bo̱ s'remreme. A zeka, “Iye̱ a̱n a̱rm uha̱n kabtin a c'ko̱to, tu ryaak ta̱m a na̱nna na?”
3Ye̱so ve̱ce̱te̱ bo̱ na̱ lalk a̱n c'hwennsa. U zeka, 4“Lag na ze az da̱nv no ci kyo̱o̱ma̱n v'za̱ngu (100), da̱nv na̱ yang kaa o. A tu lag kwe̱zc c'naas a̱n oopa ni'door (99) va̱na̱n a reina̱n c'ta̱a̱gu, u hav u hobga un yangin u he̱nte̱ o da? 5Daava̱n tu he̱nte̱ o, tu saka o a̱n c'kap a̱n c'za̱ngkta̱, 6u gyiita̱ o nu'bu. Tu po̱go̱ baran ru a an e̱s ru nu. U ze na̱, ‘Se̱e̱te̱ na m c'za̱ngkta̱ rema̱n a̱m he̱nke̱ kyo̱o̱ma̱v ri un lain u yangka.’
7“Lag a̱m ve̱ce̱te̱ no. I ho̱da̱n lo bo̱ a̱n nan emt c'za̱ngkta̱ a'con rema̱n ka c'ko̱t uda̱nka̱ un bitlin c'hwin u lagk c'ko̱to. Za̱ngkta̱ca̱n nan em rema̱n ka c'ko̱t unlo hatk ca̱n nan em rema̱n an gela̱v Na'Sil kwe̱zc c'naas a̱n oopa ni'doore, an ta emin rina̱n ti de̱l na̱ a̱n bitla̱m c'hwin da.
Kindina̱n yangine
8“Iye̱ netawa ta̱m un ciin ko̱min kind pusin oopa, da̱nv yang o, un zain a̱n dapasam d'ta̱si, u waag ta̱m u'bu kwe̱, u hobg a d'ke̱mne̱nne̱, u he̱nt e da? 9Daava̱n tu he̱nt e, tu po̱go̱ janyen ru a an e̱s run d'baa d'da̱n. U ze na̱, ‘Se̱e̱te̱ na m c'za̱ngkta̱ rema̱n a̱m he̱nk ko̱mina̱n yangin me.’ 10I ho̱da̱n lo bo̱, lag a̱m ve̱ce̱te̱ no, comta̱nc Na'Sil ta em c'za̱ngkta̱ rema̱n ka c'ko̱t uda̱nka̱ un bitlin c'hwin.”
Waauna̱n yangine
11Ye̱so zeka ta̱ma̱, “A̱ra̱m ciki yaa'a̱ra̱m ni'ila̱. 12Kan dim zeta bo̱ ceto, ‘Cet me, ka̱a̱sa̱ m yobu ri baan rina̱n m ta̱m gaad baa rov av wa̱a̱.’ U we̱nkte̱ bo̱ na̱ kumu ru.
13“An na la̱vtin c'hwe c'hona, kan dim kargska yobu ru kwe̱, u sakk k'le̱v u havk copu m'naka. U havk u va̱nka̱lska̱ kumu ru kwe̱ a̱n soocda̱n ka̱ka̱la̱. 14Au taastin hweeda̱n rina̱n u ciin kwe̱, na emk damran mer a̱n copun lo kwe̱. U takaz d'robama. 15U nokt bo̱ u hob a'yomk baa noc hyan kan copun lo. Nocun lo cukt bo̱ o a̱n go̱teca̱n ale̱de̱ne̱. 16Merk la̱a̱t bo̱ o hwe̱di d'kal u to̱nk be̱ az u kum ryaakc ale̱de̱n u ryaate. Noc ta wass la u ne̱e̱k o da.
17“Daav i baktain kaa o, u zeka hid ru, ‘Go̱t netnanan reina̱n emam cet me a'yomk kwe̱, a el la ta ryaak ta ciga̱. A̱m el kaa taha̱n na'wa̱a̱ a̱n k'mero. 18Ta̱'m unu a̱m vaak baa cet me. A̱m ze o, Cet me, a̱m ko̱tk baa Na'Sila̱, a̱m ko̱t ta̱m baa rovo. 19A̱m ta ma̱a̱na̱ ta̱m na po̱g a̱m waav rov da. Vaaksa m da̱nv a na'yomk baa rovo.’ 20U unutu bo̱ la u vaakk baa ceto.
“Au keltain u el m'nak zo, an cetok he̱nte̱in o, u hongk za̱im ru. U somt bo̱ u hav u hamta u kwesaka ta̱m o c'to̱no̱. 21Waa zeta bo̱ o, ‘Cet me, a̱m ko̱tk baa Na'Sila̱, a̱m ko̱t ta̱m baa rovo. A̱m ta ma̱a̱na̱ ta̱m na po̱g a̱m waav rov da.’ 22Cetok zeka la coka̱n ru, ‘Ruta̱ na kusin pa̱tin kwe̱ a̱n d'ke̱m a̱n twe̱pe̱ o. Twe̱pe̱ na ta̱m o v'kwant a c'kaat na. 23Sipa̱ na ta̱m naam nooskun lo, a̱n hwaa. Lag na na ryaak na em ta̱m c'za̱ngkta̱. 24Rema̱n waav ri uha̱n lak u uku, go̱t u po̱tko̱. U lak u yangka, go̱t na he̱nk o.’ A duva̱z a̱n c'za̱ngkta̱.
25“A̱n daava̱n lo, waa so̱dk lak nu'bela. Au latain tu gya̱n-gya̱n, u ceka d'viivi a u'bu nu. U hongto bo̱ c'hin a c'sep na. 26U po̱gto̱ bo̱ cok v'da̱n u ipkk o rina̱n na rein nu'emo. 27Cok zeta bo̱ o, ‘I kan dim va̱ rov a̱n gya̱ini. I da̱nda a̱n cet a̱v de̱ltin na hwee o naam nooskun lo rem u gyiika̱ m'ho̱o̱ka̱n kau.’
28“Magaz hwinst bo̱ hwe̱di d'kal u ha̱lk a̱n uv nu'bu. Rema̱n taanl ceto ruta̱ bo̱ u kont o. 29U se̱st bo̱ u zeka ceto, ‘Go̱t bo̱ kaa we̱e̱sa̱ ha̱n kwe̱ sa̱ m ematain va̱ m'coko. A̱m ta tak a̱m pask lalk rov v'daa v'da̱nka̱ da. Puti a tan na, a̱v ta tak a̱n ne̱e̱ m i waa'gwe̱l a̱m hwaa a̱m em d'he̱t a baran rin da. 30Go̱t kaa, a̱n daava̱n waav rov vaaktaine, un yangsin kumu rov baa netan a̱n d'o̱mo̱, a̱v hweeka o naam nooskun lo.’
31“Ceto zeta bo̱ o, ‘Waav ri, a̱v el male baa ri. Rina̱n m ciin kwe̱ ii rovo. 32I ge̱be̱ske̱ na em d'he̱t na em c'za̱ngkta̱, rema̱n ha̱n vu uha̱n lak zai u wa̱a̱-wa̱a̱, go̱t u po̱tko̱. U lak u yangka, go̱t na he̱nk o.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019