Yomka C'Comtne 28
28
Bulus a̱n cek le̱in Malta
1Daava̱n c cetin k'bil m'ho̱o̱kno̱, i daava̱n lo c naptin bo̱ az dinda̱n copun lo un ho̱o̱m rigine, i Malta. 2Netnan copune, a cila̱ska̱ co kwe̱ i kasi. A dapaska co hwela c hobtte, rema̱n me̱nk el a̱n c'hyaa, tuduk lak ta̱ma̱. 3Bulus kargsta bo̱ c'ce u de̱lt a̱n hwela. Au de̱ltoin c'ce a̱n hwela, da̱nga̱m vogka kwecna. U haka u alk a̱n koma Bulus. 4An an copun lo he̱ntin kweca̱n alkk Bulus na koma, a zeka hyannana̱n, “Ke̱ng, a̱rm uha̱n i kan hweec netna. Go̱t ge̱ u kobk a'wa̱a̱ na̱m'saa, hiba̱m netnanan u hweelin, a ma̱n lag u po̱t da.”
5Bulus viskt bo̱ kweca̱n u kobo a̱nmin hwela. Rihi ta kum la u o da. 6A lak nu'go̱t az tu hwa̱a̱ alla u hyaa a̱ndaabe, u wa̱a̱. Ai gostin a ta he̱n rihi emk Bulus da, a vaak a zeka, “A̱ra̱m uha̱n i noc ho̱da̱n cepko.”
7Go̱m va̱n copuna̱n ho̱o̱m rigine, nan po̱g o Publiyus. U cik c'ke̱nge̱ a̱n e̱sun lo. U cila̱ska̱ co a̱n buu ru c'hwe c'ta̱a̱cu. U go̱tk co ta̱m i kasi. 8Cet Publiyus lak a'la̱t na̱m'da̱nga̱ a samk no. Bulus uvt bo̱ u dweda o a'koma, u cepkka. Gaag tauz la o. 9An neta̱n he̱ntin tan, ahyan an lain a s'malsa̱n kwe̱ a̱n copune, a haka na taask na̱ s'malse. 10Rema̱n taanlo, a ne̱e̱k co k'gwin hwe̱di. Ac zetin ta̱m u'to̱u, a ne̱e̱k co rina̱n c to̱nin kwe̱ in ti gub co a'ha̱gcu.
Bulus a̱n cek copun Roma
11An s'pe̱e̱t s'ta̱a̱c to̱o̱tine, ca̱ se̱tk na̱m'baal na̱m'saa a̱n bumbka̱ m'ho̱o̱ ka̱n hwain daava̱n yo̱o̱yo̱n a̱n copun Malta. I bumbuk netnan Alegzandriya, ka̱n na cetin dinca̱n cepk na̱, Kasto a Polluk ne. 12Ac cetin le̱in Sirakus, c la̱vk c'ta̱a̱c a̱n a̱n'a. 13Lanma̱n a̱n'a, c cek le̱in Rigyo̱m. Na̱m'zanta, e̱nm hulka̱ lanma̱n kabva̱ m'sipkna̱. A̱n zantam hyan ta̱ma̱, ca̱ cek Putiyo̱li.
14I a̱nl a̱c gita̱in a s'gaba. A kont bo̱ co az c la̱v c'hwe c'tan'il baa na̱. Ac una̱vta̱in a̱n a̱n'a, c canz le̱in Roma. 15A s'gab an le̱in Roma hongk az ca̱ lan. Neta̱n nokta bo̱ lanma̱n baa s'yo̱p a̱n le̱vka̱n havma̱n Appiya a baada̱n nan po̱g Baac Nu'cil C'Ta̱a̱cu, rema̱n a he̱nt co. An Bulus he̱ntin na̱, u bo̱mk A'Sila̱. I setaska ta̱m o c'de̱be̱.
Bulus a̱n cek le̱in Roma
16Ac cetin le̱in Roma, na ne̱e̱k Bulus d'ke̱e̱ u soot nu'bu unwa v'da̱n. Na de̱lk la k'kool u rega̱d o.
17An na la̱vtin c'ta̱a̱cu, Bulus po̱gko̱ so̱dka̱n Yahude̱n a mera. Aa merataine, u zeka na̱, “Anba̱rini, a̱m ta ko̱t baa neta̱n cinna da. A̱m ta em la ta̱m rina̱n ceta cinnan holin da. Puti a tan na, an le̱in Urisalima sipk a̱m a gagk me. A badaska ta̱m m a̱n komc netnan le̱in Roma. 18Aa ipka̱ltin me, a to̱nk be̱ a bat me, rema̱n a ta kum rina̱n cain na hwaa m da.
19“An hwenga̱nc Yahude̱n ta se̱stin az na bat a̱m da, i de̱lk a̱m cetk lalks ri baa Kaisar. Ma sav-sav la lalks neta̱n ri rema̱n na gagt na̱ da. 20I rema̱n taanl a̱m po̱gto̱in no a̱m ve̱ce̱te̱ no. Az i rema̱n kan netnan Isra'ila saktin u'con az tu han, a̱n na de̱le̱te̱in a̱m rucsa̱ hna.”
21A se̱st bo̱ o, “Ca kum k'vaa lanma̱n Judiya ka̱n tanin vo alla nocuna̱n hain lanma̱n a̱n'a, un noktain lalko alla u tana v a̱n dind naak da. 22Neta̱n el la a̱n s'lalka-lalka hwe̱di da̱n gabsa̱ ha̱n koope̱. Rema̱n taanlo, ca̱ to̱nk az c hong rina̱n ta̱'v ze da̱n sa̱nsa.”
23A bant bo̱ hwed hyan da̱n ta vaakta a hongt Bulus. An hweda̱n na banin cetaine, a vaakka a neta̱n hyan hwe̱di va̱na̱n Bulus cilini. U emaka na̱ s'lalk hyanma̱ m'zan caam na'rima̱. U ve̱ce̱ke̱, u ba̱tkska̱ ta̱m na̱ da̱n go̱mc Na'Sila̱. U ve̱ce̱ke̱ na̱ da̱n giiras Mosa a ge̱ns baranc Na'Sil na̱, a̱n hoba̱n u getta hid na̱ baan gabs Ye̱so. 24Ahyan kabk rina̱n u vatine. Ahyan ta kab la da. 25A takka s'lan a̱n a̱n'na̱n a̱n'na̱. A takkaz ta̱m u'busu an Bulus ve̱ce̱te̱in na̱ gomca̱ ha̱n ca̱ d'be̱se̱. U zeka, “I ga̱uman Hora̱mda̱n zattin ri d'reb da ve̱ce̱in ceta non a̱n nwa̱a̱'a Isaaya k'barav Na'Sila̱. 26U zeka, ‘Nok a̱v ze netna hna,’
“ ‘Rem nu'hongo,
ta̱n honga, a ta̱n ke̱e̱se̱ la da.
Rem nu'he̱no, ta̱n he̱ne̱,
a ta̱n pamasa la da.
27Rema̱n de̱bc netna ha̱n celka.
A ta hong a̱n conc na̱ da.
A ruptk is na̱.
A za tan be̱ da, ta he̱n a̱n is na̱,
a hong a̱n conc na̱,
a ke̱e̱se̱ ta̱m a̱n de̱bc na̱,
a pankta baa ri,
a̱m gwa̱a̱ na̱.’
28“Rema̱n taanlo, nap na az Sila cwemtka an zain Yahude̱n da lalksa̱ d'gwa̱a̱ma̱. Ta̱ma̱ ta kab la sa̱.” [29Au vattin taanlo, Yahude̱n ruk a havk a uvk a̱n s'lan a̱n'na̱n a̱n'na̱.]#28:29 Ge̱nke̱-ge̱nke̱ ca̱ m'e̱t zatta za̱tva̱n 29 da.
30Bulus emk s'we̱e̱ s'il a̱n buu na̱n u copin u sootte. U marska ta̱m koowe̱ a̱n hain baa ru. 31U bisiki neta̱n go̱mc Na'Sil a̱n c'a̱rma̱. U la̱a̱ska̱ ta̱m na̱ rihica̱n tanin Kanubu Ye̱so Ka̱risti. Noc za ta̱m un holin o da.
ទើបបានជ្រើសរើសហើយ៖
Yomka C'Comtne 28: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Yomka C'Comtne 28
28
Bulus a̱n cek le̱in Malta
1Daava̱n c cetin k'bil m'ho̱o̱kno̱, i daava̱n lo c naptin bo̱ az dinda̱n copun lo un ho̱o̱m rigine, i Malta. 2Netnan copune, a cila̱ska̱ co kwe̱ i kasi. A dapaska co hwela c hobtte, rema̱n me̱nk el a̱n c'hyaa, tuduk lak ta̱ma̱. 3Bulus kargsta bo̱ c'ce u de̱lt a̱n hwela. Au de̱ltoin c'ce a̱n hwela, da̱nga̱m vogka kwecna. U haka u alk a̱n koma Bulus. 4An an copun lo he̱ntin kweca̱n alkk Bulus na koma, a zeka hyannana̱n, “Ke̱ng, a̱rm uha̱n i kan hweec netna. Go̱t ge̱ u kobk a'wa̱a̱ na̱m'saa, hiba̱m netnanan u hweelin, a ma̱n lag u po̱t da.”
5Bulus viskt bo̱ kweca̱n u kobo a̱nmin hwela. Rihi ta kum la u o da. 6A lak nu'go̱t az tu hwa̱a̱ alla u hyaa a̱ndaabe, u wa̱a̱. Ai gostin a ta he̱n rihi emk Bulus da, a vaak a zeka, “A̱ra̱m uha̱n i noc ho̱da̱n cepko.”
7Go̱m va̱n copuna̱n ho̱o̱m rigine, nan po̱g o Publiyus. U cik c'ke̱nge̱ a̱n e̱sun lo. U cila̱ska̱ co a̱n buu ru c'hwe c'ta̱a̱cu. U go̱tk co ta̱m i kasi. 8Cet Publiyus lak a'la̱t na̱m'da̱nga̱ a samk no. Bulus uvt bo̱ u dweda o a'koma, u cepkka. Gaag tauz la o. 9An neta̱n he̱ntin tan, ahyan an lain a s'malsa̱n kwe̱ a̱n copune, a haka na taask na̱ s'malse. 10Rema̱n taanlo, a ne̱e̱k co k'gwin hwe̱di. Ac zetin ta̱m u'to̱u, a ne̱e̱k co rina̱n c to̱nin kwe̱ in ti gub co a'ha̱gcu.
Bulus a̱n cek copun Roma
11An s'pe̱e̱t s'ta̱a̱c to̱o̱tine, ca̱ se̱tk na̱m'baal na̱m'saa a̱n bumbka̱ m'ho̱o̱ ka̱n hwain daava̱n yo̱o̱yo̱n a̱n copun Malta. I bumbuk netnan Alegzandriya, ka̱n na cetin dinca̱n cepk na̱, Kasto a Polluk ne. 12Ac cetin le̱in Sirakus, c la̱vk c'ta̱a̱c a̱n a̱n'a. 13Lanma̱n a̱n'a, c cek le̱in Rigyo̱m. Na̱m'zanta, e̱nm hulka̱ lanma̱n kabva̱ m'sipkna̱. A̱n zantam hyan ta̱ma̱, ca̱ cek Putiyo̱li.
14I a̱nl a̱c gita̱in a s'gaba. A kont bo̱ co az c la̱v c'hwe c'tan'il baa na̱. Ac una̱vta̱in a̱n a̱n'a, c canz le̱in Roma. 15A s'gab an le̱in Roma hongk az ca̱ lan. Neta̱n nokta bo̱ lanma̱n baa s'yo̱p a̱n le̱vka̱n havma̱n Appiya a baada̱n nan po̱g Baac Nu'cil C'Ta̱a̱cu, rema̱n a he̱nt co. An Bulus he̱ntin na̱, u bo̱mk A'Sila̱. I setaska ta̱m o c'de̱be̱.
Bulus a̱n cek le̱in Roma
16Ac cetin le̱in Roma, na ne̱e̱k Bulus d'ke̱e̱ u soot nu'bu unwa v'da̱n. Na de̱lk la k'kool u rega̱d o.
17An na la̱vtin c'ta̱a̱cu, Bulus po̱gko̱ so̱dka̱n Yahude̱n a mera. Aa merataine, u zeka na̱, “Anba̱rini, a̱m ta ko̱t baa neta̱n cinna da. A̱m ta em la ta̱m rina̱n ceta cinnan holin da. Puti a tan na, an le̱in Urisalima sipk a̱m a gagk me. A badaska ta̱m m a̱n komc netnan le̱in Roma. 18Aa ipka̱ltin me, a to̱nk be̱ a bat me, rema̱n a ta kum rina̱n cain na hwaa m da.
19“An hwenga̱nc Yahude̱n ta se̱stin az na bat a̱m da, i de̱lk a̱m cetk lalks ri baa Kaisar. Ma sav-sav la lalks neta̱n ri rema̱n na gagt na̱ da. 20I rema̱n taanl a̱m po̱gto̱in no a̱m ve̱ce̱te̱ no. Az i rema̱n kan netnan Isra'ila saktin u'con az tu han, a̱n na de̱le̱te̱in a̱m rucsa̱ hna.”
21A se̱st bo̱ o, “Ca kum k'vaa lanma̱n Judiya ka̱n tanin vo alla nocuna̱n hain lanma̱n a̱n'a, un noktain lalko alla u tana v a̱n dind naak da. 22Neta̱n el la a̱n s'lalka-lalka hwe̱di da̱n gabsa̱ ha̱n koope̱. Rema̱n taanlo, ca̱ to̱nk az c hong rina̱n ta̱'v ze da̱n sa̱nsa.”
23A bant bo̱ hwed hyan da̱n ta vaakta a hongt Bulus. An hweda̱n na banin cetaine, a vaakka a neta̱n hyan hwe̱di va̱na̱n Bulus cilini. U emaka na̱ s'lalk hyanma̱ m'zan caam na'rima̱. U ve̱ce̱ke̱, u ba̱tkska̱ ta̱m na̱ da̱n go̱mc Na'Sila̱. U ve̱ce̱ke̱ na̱ da̱n giiras Mosa a ge̱ns baranc Na'Sil na̱, a̱n hoba̱n u getta hid na̱ baan gabs Ye̱so. 24Ahyan kabk rina̱n u vatine. Ahyan ta kab la da. 25A takka s'lan a̱n a̱n'na̱n a̱n'na̱. A takkaz ta̱m u'busu an Bulus ve̱ce̱te̱in na̱ gomca̱ ha̱n ca̱ d'be̱se̱. U zeka, “I ga̱uman Hora̱mda̱n zattin ri d'reb da ve̱ce̱in ceta non a̱n nwa̱a̱'a Isaaya k'barav Na'Sila̱. 26U zeka, ‘Nok a̱v ze netna hna,’
“ ‘Rem nu'hongo,
ta̱n honga, a ta̱n ke̱e̱se̱ la da.
Rem nu'he̱no, ta̱n he̱ne̱,
a ta̱n pamasa la da.
27Rema̱n de̱bc netna ha̱n celka.
A ta hong a̱n conc na̱ da.
A ruptk is na̱.
A za tan be̱ da, ta he̱n a̱n is na̱,
a hong a̱n conc na̱,
a ke̱e̱se̱ ta̱m a̱n de̱bc na̱,
a pankta baa ri,
a̱m gwa̱a̱ na̱.’
28“Rema̱n taanlo, nap na az Sila cwemtka an zain Yahude̱n da lalksa̱ d'gwa̱a̱ma̱. Ta̱ma̱ ta kab la sa̱.” [29Au vattin taanlo, Yahude̱n ruk a havk a uvk a̱n s'lan a̱n'na̱n a̱n'na̱.]#28:29 Ge̱nke̱-ge̱nke̱ ca̱ m'e̱t zatta za̱tva̱n 29 da.
30Bulus emk s'we̱e̱ s'il a̱n buu na̱n u copin u sootte. U marska ta̱m koowe̱ a̱n hain baa ru. 31U bisiki neta̱n go̱mc Na'Sil a̱n c'a̱rma̱. U la̱a̱ska̱ ta̱m na̱ rihica̱n tanin Kanubu Ye̱so Ka̱risti. Noc za ta̱m un holin o da.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019