An Roma U'Gabte
U'Gabte
I Bulus k'comta̱v Ye̱so a̱n ge̱nin taka̱llak An Roma a̱n we̱e̱un 57 a̱n wa̱a̱'a Ye̱so. U lak a̱n be̱se̱ma̱n baala̱m ru ma̱n ba̱sda̱n kasi lalk ma̱ v'ta̱ccu. U walgk ta̱m u se̱ve̱ an le̱in Urisalima ho̱sma̱n kind ma̱n kargac a s'gab an copun Giris nesain o. Bulus ge̱ne̱ke̱ kargad a s'gab an le̱in Roma az i unwa we̱. Da̱ ci Yahude̱n a an Girik ne. Kims na̱ a ho̱da̱na̱n a retin ta kekba, gabtk ho̱da̱na̱n Bulus iga̱mstin na̱ a̱n ge̱nsa̱n taka̱llak ne. Kabs hyan, i netnan Giris a̱s ciini. Kabs hyan ta̱ma̱, i Yahude̱n a s'gab a̱s ciini. Baan taka̱llaca̱n Bulus ge̱nin kwe̱, u pa̱tk a̱n kwesa m'la̱a̱ a̱n taka̱llak An Roma. U coca̱bska, u se̱e̱pske̱ ka̱ i kasi. U rutka̱ a̱ncass, az gabs Ka̱risti a̱n rein lalkuna̱n Sila ze̱sin a̱n coms Na'Sil sa̱n na ge̱nin a̱n lagk gigk utu. Az i Ye̱so a̱n ba̱tksa̱in lalkune. Unwa un rein kan Sila kain c'go̱mo̱, a ka d'gwa̱a̱ma̱ na̱. Un na gosin a̱n la̱gsi.
Yahude̱n an emin s'gab ryaak hwic a̱n bo̱pma̱n kims na̱, a keka̱bs na̱na̱n sa̱n a ciin de̱hne. Az i ke̱ng a ryaa hwic a̱n gabma̱n giiras Yahude̱ne̱. Bulus ve̱ce̱ke̱ la na̱ na̱m'we̱s tu hika̱msa̱, az za taanl da. Az i ke̱ng a s'gab lag we̱sma̱n Hora̱mda̱n zattin ri d'reb da, da̱ gabt na̱. Az i nocurimuca̱n we̱sma̱n Hora̱mda̱n zattin ri d'reb da rein nu'gabte, a̱n ca̱n la̱a̱ a̱n em rihica̱n giiras to̱nine. I ca̱nca ta̱m a̱n ca̱n ryaa d'gaag a rihic naak ne. Za az i neta̱n kaa ta̱m d'hi a̱n gaba̱m s'giira rem a pusa̱sta̱ A'Sil c'de̱b da. U zek az Sila o̱do̱sko̱ Yahude̱n a s'gab cokma̱n gabma̱n giirasa̱n rein a̱nmin lagk gigk utu.
ទើបបានជ្រើសរើសហើយ៖
An Roma U'Gabte: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
An Roma U'Gabte
U'Gabte
I Bulus k'comta̱v Ye̱so a̱n ge̱nin taka̱llak An Roma a̱n we̱e̱un 57 a̱n wa̱a̱'a Ye̱so. U lak a̱n be̱se̱ma̱n baala̱m ru ma̱n ba̱sda̱n kasi lalk ma̱ v'ta̱ccu. U walgk ta̱m u se̱ve̱ an le̱in Urisalima ho̱sma̱n kind ma̱n kargac a s'gab an copun Giris nesain o. Bulus ge̱ne̱ke̱ kargad a s'gab an le̱in Roma az i unwa we̱. Da̱ ci Yahude̱n a an Girik ne. Kims na̱ a ho̱da̱na̱n a retin ta kekba, gabtk ho̱da̱na̱n Bulus iga̱mstin na̱ a̱n ge̱nsa̱n taka̱llak ne. Kabs hyan, i netnan Giris a̱s ciini. Kabs hyan ta̱ma̱, i Yahude̱n a s'gab a̱s ciini. Baan taka̱llaca̱n Bulus ge̱nin kwe̱, u pa̱tk a̱n kwesa m'la̱a̱ a̱n taka̱llak An Roma. U coca̱bska, u se̱e̱pske̱ ka̱ i kasi. U rutka̱ a̱ncass, az gabs Ka̱risti a̱n rein lalkuna̱n Sila ze̱sin a̱n coms Na'Sil sa̱n na ge̱nin a̱n lagk gigk utu. Az i Ye̱so a̱n ba̱tksa̱in lalkune. Unwa un rein kan Sila kain c'go̱mo̱, a ka d'gwa̱a̱ma̱ na̱. Un na gosin a̱n la̱gsi.
Yahude̱n an emin s'gab ryaak hwic a̱n bo̱pma̱n kims na̱, a keka̱bs na̱na̱n sa̱n a ciin de̱hne. Az i ke̱ng a ryaa hwic a̱n gabma̱n giiras Yahude̱ne̱. Bulus ve̱ce̱ke̱ la na̱ na̱m'we̱s tu hika̱msa̱, az za taanl da. Az i ke̱ng a s'gab lag we̱sma̱n Hora̱mda̱n zattin ri d'reb da, da̱ gabt na̱. Az i nocurimuca̱n we̱sma̱n Hora̱mda̱n zattin ri d'reb da rein nu'gabte, a̱n ca̱n la̱a̱ a̱n em rihica̱n giiras to̱nine. I ca̱nca ta̱m a̱n ca̱n ryaa d'gaag a rihic naak ne. Za az i neta̱n kaa ta̱m d'hi a̱n gaba̱m s'giira rem a pusa̱sta̱ A'Sil c'de̱b da. U zek az Sila o̱do̱sko̱ Yahude̱n a s'gab cokma̱n gabma̱n giirasa̱n rein a̱nmin lagk gigk utu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019