Yomka C'Comtne 27
27
Bulus a̱n le̱vka̱n Roma
1An daav cetin va̱n na gigtin lalk az nan to̱o̱t co na̱m'saa na cet copun Italiya emtine, na badaska Bulus a neta̱n hyan an na gagin a̱n komc so̱dka̱v koola̱n an ta rega̱d gwamna, un nan po̱g Juliyo̱s. 2C uvk a̱n bumbka̱ m'ho̱o̱ a̱n le̱in Adramitiyum, ka̱n-ka̱n baal ta̱m ka̱ es a̱n le̱e̱ma̱n rein a̱n bilca̱ m'saa ca̱n rein a̱n paata̱n copun Asiya. Aristakus, noc va̱n le̱in Makidoniya in rein a̱n copun Tasalonika, lak baa co.
3Na̱m'zanta, ca̱ cek le̱in Sido̱n. Juliyo̱s se̱e̱tke̱ Bulus. U lagk o u hav baa baran ru u kuma̱ rihica̱n tu to̱no̱. 4Ac lagtin le̱in Sido̱n, ca̱ se̱tk ta̱m na̱m'baal na̱m'saa. Ca̱ kwaagt bo̱ kabsa̱n saama̱n rein a̱n paata̱n copun Saipros, ga̱luna̱n e̱nc retin an vaakta̱m na dima̱. 5Ac baaltin na̱m'saa, c to̱o̱k c lagk bilca̱n le̱e̱ma̱n Silisiya a Pamfiliya na. C cek le̱in Mira, in rein a̱n copun Liisiya. 6I a̱n a̱n'a a̱n so̱dka̱v koola̱n kummin bumbka̱ m'ho̱o̱ k an copun Alegzandriya, ka̱n havma̱n Italiya. U de̱lt bo̱ co a̱n ka̱n.
7C hok c'hwen hwe̱di na'ha̱gc na̱m'saa, rema̱n e̱nc de̱lk co na'ha̱gc sasa. A̱n ryaaka̱ d'kob a̱c cetin paata̱n bilka̱n le̱in Snidus. An e̱nc holtin la co gabma̱n ga̱luna̱n c to̱ntine, ca̱ kwaagt bo̱ c gab kabva̱n le̱in Salmone, a̱n paata̱n copun Kre̱t, bat ti habkse co c'e̱n. 8C ryaak hwic na'ha̱gc a̱n paata̱n bilca̱n Kre̱t a̱n ryaaka̱ d'koba. A̱n d'be̱se̱, ca̱ cek baada̱n nan po̱g Bilk Kasi, d'viivi a le̱in Lasiya na.
9Ai retin c naaska v'daa hwe̱di na'ha̱gcu, i ceka daava̱ m'baal na̱m'saa, i rii v'gela. Rema̱n daava̱n he̱tda̱n Hweda̱ C'To̱ve baask a̱d to̱o̱k a̱n daava̱n lo. Bulus saat bo̱ na̱ d'rina̱. 10U zeka na̱, “Hyaarene, i kwesaka m az baalma̱ ha̱n ma̱n soot cinna a naam d'hwen ne. Za baa bumbka̱ m'ho̱o̱ a c'to̱o̱sa̱n c'taa da, i a baa cinna na.”
11Puti a tan na, so̱dka̱v koola̱n kabk rina̱n kan bumbka̱ m'ho̱o̱ a kan cukma̱n ka̱nkan ve̱ce̱in o. U ha̱lk rina̱n Bulus vatine. 12Ai retin ta̱m Bilk Kasi a ka̱n sweeta daava̱n yo̱o̱yo̱n da rem k'tudu, neta̱n hwe̱di baa na̱ zek az c unu a̱n a̱n'a. Az c em ta̱m rina̱n ti rut co kwe̱ c caa le̱in Fenis, c hwaa daava̱n yo̱o̱yo̱n a̱n a̱n'a. Fenis, le̱in copun Kre̱t, ci bilca̱n gaga̱m c'bumbu a̱n kabva̱ m'kubga̱n a kabva̱ m'saa na.
Gudga̱m c'e̱n na̱m'saa
13An e̱nca̱n zattin m'we̱s da hulta̱in lanma̱n kabva̱n komas'to̱ va̱n rwa̱nma̱ d'hwen, a he̱nk i hwennka a em rina̱n a se̱e̱pse̱ine. A ho̱lt bo̱ ko̱mka̱n esasain bumbka̱ m'ho̱o̱ c baalk na̱m'saa paata̱n bilka̱n Kre̱t. 14I ta gos da a̱n damra c'e̱n ho̱d ni'gip gudga̱ine. A̱m he̱gk koman kanta un rwa̱nma̱ d'hwen. A̱m ruka̱ ga̱la̱n Kre̱t a̱m ceka bumbka̱ m'ho̱o̱. 15An e̱nc cetain bumbka̱ m'ho̱o̱, ka la̱a̱ a̱n nok ga̱luna̱n e̱nm ruta̱in da. Ca̱ rutt bo̱ c'de̱b c lagk bumbuk gabk m'e̱n.
16Ac latina̱n kwaaga̱m c'e̱n a̱n paata̱n copuna̱n ho̱o̱m rigin un nan po̱g Kauda, c o̱sk m'lo̱n c eltta bumba̱d rekda̱n da̱ c'alg a̱n bumbuk swaakne. 17Aa hwekstina̱n elta bumbud esda̱n a̱n bumbka̱ m'ho̱o̱ k swaakne, a e̱lkke̱ bumbuk swaaka̱n damra c'hwen rema̱n a holt ka̱ u he̱e̱ko. Rema̱n gela̱v ryaak na̱ az bumbuk ka̱n la̱a̱ a̱n tam mamca̱n Sirtis ka̱ he̱e̱ke̱. A citta̱ bo̱ kusca̱n ca̱n gut m'e̱n bumbka̱ m'ho̱o̱ noktte. A lagk e̱nm to̱o̱t bumbk ne.
18E̱nc ryaak hwic a̱n he̱lka̱lse̱m bumbuk ne. Ma̱ de̱lk ai zantaine, a takkaz bonga̱lla̱m c'to̱o̱s na̱m'saa, i habt bumbka̱ m'ho̱o̱ m'nii. 19A̱n hweda̱ v'ta̱ccu ta̱ma̱, a bonga̱lko ko̱mc hyan ca̱n cuka̱m bumbka̱ m'ho̱o̱ a̱nmi m'ho̱o̱. 20An na la̱vtin c'hwen hwe̱di a̱n na he̱n i'hwen alla keba̱n da, go̱t la ta̱m e̱nc el ca̱n suda̱-suda̱ hwe̱di, ca̱ rutk c'de̱b az a ca̱n po̱t da.
21Aa la̱vtin c'hwen hwe̱di a ta kum de̱bca̱n ryaam c'ryaak da. Bulus est bo̱ a̱n te̱ka na̱, u zeka, “Hyaarene, an kab be̱ lalk ri, lak be̱ a̱n na unva̱ lanma̱n Kre̱t da. Lawabe̱ robamada̱ ha̱n a naama̱n rihica̱ ha̱n ta kum be̱ no da. 22Puti a tan na, an hong la v'gel da. Noc au wa̱a̱ baa no da. I bumbka̱ m'ho̱o̱ c'taa a̱n ta̱n roba. 23Rema̱n comta̱v Sila nan m rein na̱m'gaba, a an m reina̱n emam m'cok no, haka baa ri a̱n gyopo.
24“U zeka me, ‘Bulus, av hong la v'gel da. I ke̱ng na sav lalks rov baa Kaisar. Rem rovo, Sila ta hong m'za̱i a gwa̱a̱ an rein na̱m'baal na̱m'saa kwe̱ a vo no.’ 25Rema̱n taanlo, hyaarene, soot na a u'pusu nu. Rema̱n a̱m batk d'ba̱t baa Na'Sil az rihic ca̱n soot ho̱da̱na̱n na ve̱ce̱te̱in me. 26Puti a tan na, bumbka̱ m'ho̱o̱ ka̱n tam u'cop k he̱e̱k a̱n copuna̱n ho̱o̱m rigine.”
27A̱n gyopun hweda̱n oopa a̱n c'naase, e̱nc el ge̱ a̱n va̱nka̱lsa̱m co koope̱ a̱n saama̱n Adriya. I a̱n te̱kan gyopun lo, a̱n an cuka̱m bumbka̱ m'ho̱o̱ de̱ltin s'lan az c bo̱pk a̱n caa k'bila̱. 28Aa maaktin pimu m'ho̱o̱, a kumk s'naa v'za̱ngu a̱n d'kwe̱ze̱. An ho̱ra̱v hotin ta̱m ca̱nmi, a sudk a̱n maaka. A kumk s'naa kwe̱zc naas a̱n oopa. 29Rema̱n taanlo gela̱v ryaat bo̱ an cuka̱m bumbka̱ m'ho̱o̱ az ka̱n tamese a̱n c'taare. A batto bo̱ damran ko̱mca̱n esasam bumbka̱ m'ho̱o̱ c'naase. A cepkt bo̱ az Sila kwesa na̱ m'zana.
30An cuka̱m bumbka̱ m'ho̱o̱ to̱nk be̱ az a alg a lag bumbka̱ m'ho̱o̱ k ne. A citta̱ bo̱ bumbud rekda̱n lanma̱ k'swaaka̱n, na̱m'pal az ta hav a citta̱ ko̱mc hyan ca̱n esasam bumbka̱ m'ho̱o̱. 31Bulus zeta bo̱ so̱dka̱v koola̱n a beba̱n ru nu, “A za o̱p naha̱n esk a̱nmin bumbka̱ m'ho̱o̱ da, a ta̱n po̱t bo̱ da.” 32Koola̱n gedanta bo̱ hwensa̱n na gagtin d'bumbu, a lagk da̱ d kobko na̱m'ho̱o̱.
33Nu'pun, Bulus konk na̱ az a ryaaka. U zeka na̱, “Te̱nte̱ c'hwen oopa a̱n c'naas a̱n rein ni'so̱o̱ti a d'o̱so̱mo̱ no̱, a̱n ta ryaa ta̱m rihi da. 34A̱m el a̱n kona̱m no a̱n ryaak bat ta̱n po̱to̱. Da̱nv no za un tu rob hiva̱n hid ru da.” 35Au emtin s'lalk taanlo, u o̱mko̱ c'be̱re̱e̱di. U emaka A'Sil c'bo̱m a̱n hwic na̱ kwe̱. Au bostine, u takkaz k'ryaa. 36Lalkun lo setaska na̱ c'de̱be̱. Na̱nna ta̱m kwe̱ a ryaakka. 37Cwannanan lain a̱nmin bumbka̱ m'ho̱o̱, i neta̱n s'za̱ngu s'il a̱n kwe̱zc c'ta̱a̱c a̱n oopa ni'cihin (276). 38An koowe̱ ryaaktin u cikka̱, a bongko to̱o̱sca̱n alkama a̱nmi m'saa rema̱n a habt bumbka̱ m'ho̱o̱ m'nii.
39Ai zantaine, a ta nap va̱na̱n a rein da. A he̱nk la koor a bilka̱ c'mama na. A se̱e̱pste̱ bo̱ az ai ema, a cuk bumbka̱ m'ho̱o̱ a̱n a̱n'a, k esa.
Bumbk tameske k he̱e̱kke̱
40A gedt bo̱ hwensa̱n na gagtin ko̱mca̱n esasam bumbka̱ m'ho̱o̱, a lagk ca̱ c ya̱a̱k na̱m'ho̱o̱. A butk ta̱m hwensa̱n gagin ceca̱n na rein nan cuk m'ho̱o̱ bumbuk nokte. A butk ta̱m kuska̱n rein ka̱n guta̱m m'e̱n ka̱n rein a̱n hwici, bat bumbuk ka̱n to̱o̱ ka̱ caa k'bila̱. 41Bumbk havt bo̱ k tamese a̱n k'mam a̱nmin ho̱o̱ma̱ k'bila̱. Hid ka̱ so̱veste bo̱ a̱n mamc ne, ka la̱a̱ a̱n nok ta̱m da. Hwensa̱ m'ho̱o̱ he̱e̱kka̱lk, a̱m wazga̱lk ta̱m dimda̱n ka̱n.
42Koola̱n lalt bo̱ a buu s'lan az a hwaa an na gagine, rema̱n aa em la s'ho̱g a som da. 43So̱dka̱v koola̱n la, ai retin u to̱nk u gwa̱a̱ Bulus, u ta kab rina̱n a zein da. U zek an la̱in s'ho̱g az a em s'ho̱g a caa k'bila̱. 44An kusini, a bo̱p c'kungu alla kabsa̱n bumbka̱ m'ho̱o̱ ka̱n gecmine. A̱n d'be̱se̱, koowe̱ rwa̱a̱gk u cek k'bil m'ho̱o̱kno̱.
ទើបបានជ្រើសរើសហើយ៖
Yomka C'Comtne 27: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Yomka C'Comtne 27
27
Bulus a̱n le̱vka̱n Roma
1An daav cetin va̱n na gigtin lalk az nan to̱o̱t co na̱m'saa na cet copun Italiya emtine, na badaska Bulus a neta̱n hyan an na gagin a̱n komc so̱dka̱v koola̱n an ta rega̱d gwamna, un nan po̱g Juliyo̱s. 2C uvk a̱n bumbka̱ m'ho̱o̱ a̱n le̱in Adramitiyum, ka̱n-ka̱n baal ta̱m ka̱ es a̱n le̱e̱ma̱n rein a̱n bilca̱ m'saa ca̱n rein a̱n paata̱n copun Asiya. Aristakus, noc va̱n le̱in Makidoniya in rein a̱n copun Tasalonika, lak baa co.
3Na̱m'zanta, ca̱ cek le̱in Sido̱n. Juliyo̱s se̱e̱tke̱ Bulus. U lagk o u hav baa baran ru u kuma̱ rihica̱n tu to̱no̱. 4Ac lagtin le̱in Sido̱n, ca̱ se̱tk ta̱m na̱m'baal na̱m'saa. Ca̱ kwaagt bo̱ kabsa̱n saama̱n rein a̱n paata̱n copun Saipros, ga̱luna̱n e̱nc retin an vaakta̱m na dima̱. 5Ac baaltin na̱m'saa, c to̱o̱k c lagk bilca̱n le̱e̱ma̱n Silisiya a Pamfiliya na. C cek le̱in Mira, in rein a̱n copun Liisiya. 6I a̱n a̱n'a a̱n so̱dka̱v koola̱n kummin bumbka̱ m'ho̱o̱ k an copun Alegzandriya, ka̱n havma̱n Italiya. U de̱lt bo̱ co a̱n ka̱n.
7C hok c'hwen hwe̱di na'ha̱gc na̱m'saa, rema̱n e̱nc de̱lk co na'ha̱gc sasa. A̱n ryaaka̱ d'kob a̱c cetin paata̱n bilka̱n le̱in Snidus. An e̱nc holtin la co gabma̱n ga̱luna̱n c to̱ntine, ca̱ kwaagt bo̱ c gab kabva̱n le̱in Salmone, a̱n paata̱n copun Kre̱t, bat ti habkse co c'e̱n. 8C ryaak hwic na'ha̱gc a̱n paata̱n bilca̱n Kre̱t a̱n ryaaka̱ d'koba. A̱n d'be̱se̱, ca̱ cek baada̱n nan po̱g Bilk Kasi, d'viivi a le̱in Lasiya na.
9Ai retin c naaska v'daa hwe̱di na'ha̱gcu, i ceka daava̱ m'baal na̱m'saa, i rii v'gela. Rema̱n daava̱n he̱tda̱n Hweda̱ C'To̱ve baask a̱d to̱o̱k a̱n daava̱n lo. Bulus saat bo̱ na̱ d'rina̱. 10U zeka na̱, “Hyaarene, i kwesaka m az baalma̱ ha̱n ma̱n soot cinna a naam d'hwen ne. Za baa bumbka̱ m'ho̱o̱ a c'to̱o̱sa̱n c'taa da, i a baa cinna na.”
11Puti a tan na, so̱dka̱v koola̱n kabk rina̱n kan bumbka̱ m'ho̱o̱ a kan cukma̱n ka̱nkan ve̱ce̱in o. U ha̱lk rina̱n Bulus vatine. 12Ai retin ta̱m Bilk Kasi a ka̱n sweeta daava̱n yo̱o̱yo̱n da rem k'tudu, neta̱n hwe̱di baa na̱ zek az c unu a̱n a̱n'a. Az c em ta̱m rina̱n ti rut co kwe̱ c caa le̱in Fenis, c hwaa daava̱n yo̱o̱yo̱n a̱n a̱n'a. Fenis, le̱in copun Kre̱t, ci bilca̱n gaga̱m c'bumbu a̱n kabva̱ m'kubga̱n a kabva̱ m'saa na.
Gudga̱m c'e̱n na̱m'saa
13An e̱nca̱n zattin m'we̱s da hulta̱in lanma̱n kabva̱n komas'to̱ va̱n rwa̱nma̱ d'hwen, a he̱nk i hwennka a em rina̱n a se̱e̱pse̱ine. A ho̱lt bo̱ ko̱mka̱n esasain bumbka̱ m'ho̱o̱ c baalk na̱m'saa paata̱n bilka̱n Kre̱t. 14I ta gos da a̱n damra c'e̱n ho̱d ni'gip gudga̱ine. A̱m he̱gk koman kanta un rwa̱nma̱ d'hwen. A̱m ruka̱ ga̱la̱n Kre̱t a̱m ceka bumbka̱ m'ho̱o̱. 15An e̱nc cetain bumbka̱ m'ho̱o̱, ka la̱a̱ a̱n nok ga̱luna̱n e̱nm ruta̱in da. Ca̱ rutt bo̱ c'de̱b c lagk bumbuk gabk m'e̱n.
16Ac latina̱n kwaaga̱m c'e̱n a̱n paata̱n copuna̱n ho̱o̱m rigin un nan po̱g Kauda, c o̱sk m'lo̱n c eltta bumba̱d rekda̱n da̱ c'alg a̱n bumbuk swaakne. 17Aa hwekstina̱n elta bumbud esda̱n a̱n bumbka̱ m'ho̱o̱ k swaakne, a e̱lkke̱ bumbuk swaaka̱n damra c'hwen rema̱n a holt ka̱ u he̱e̱ko. Rema̱n gela̱v ryaak na̱ az bumbuk ka̱n la̱a̱ a̱n tam mamca̱n Sirtis ka̱ he̱e̱ke̱. A citta̱ bo̱ kusca̱n ca̱n gut m'e̱n bumbka̱ m'ho̱o̱ noktte. A lagk e̱nm to̱o̱t bumbk ne.
18E̱nc ryaak hwic a̱n he̱lka̱lse̱m bumbuk ne. Ma̱ de̱lk ai zantaine, a takkaz bonga̱lla̱m c'to̱o̱s na̱m'saa, i habt bumbka̱ m'ho̱o̱ m'nii. 19A̱n hweda̱ v'ta̱ccu ta̱ma̱, a bonga̱lko ko̱mc hyan ca̱n cuka̱m bumbka̱ m'ho̱o̱ a̱nmi m'ho̱o̱. 20An na la̱vtin c'hwen hwe̱di a̱n na he̱n i'hwen alla keba̱n da, go̱t la ta̱m e̱nc el ca̱n suda̱-suda̱ hwe̱di, ca̱ rutk c'de̱b az a ca̱n po̱t da.
21Aa la̱vtin c'hwen hwe̱di a ta kum de̱bca̱n ryaam c'ryaak da. Bulus est bo̱ a̱n te̱ka na̱, u zeka, “Hyaarene, an kab be̱ lalk ri, lak be̱ a̱n na unva̱ lanma̱n Kre̱t da. Lawabe̱ robamada̱ ha̱n a naama̱n rihica̱ ha̱n ta kum be̱ no da. 22Puti a tan na, an hong la v'gel da. Noc au wa̱a̱ baa no da. I bumbka̱ m'ho̱o̱ c'taa a̱n ta̱n roba. 23Rema̱n comta̱v Sila nan m rein na̱m'gaba, a an m reina̱n emam m'cok no, haka baa ri a̱n gyopo.
24“U zeka me, ‘Bulus, av hong la v'gel da. I ke̱ng na sav lalks rov baa Kaisar. Rem rovo, Sila ta hong m'za̱i a gwa̱a̱ an rein na̱m'baal na̱m'saa kwe̱ a vo no.’ 25Rema̱n taanlo, hyaarene, soot na a u'pusu nu. Rema̱n a̱m batk d'ba̱t baa Na'Sil az rihic ca̱n soot ho̱da̱na̱n na ve̱ce̱te̱in me. 26Puti a tan na, bumbka̱ m'ho̱o̱ ka̱n tam u'cop k he̱e̱k a̱n copuna̱n ho̱o̱m rigine.”
27A̱n gyopun hweda̱n oopa a̱n c'naase, e̱nc el ge̱ a̱n va̱nka̱lsa̱m co koope̱ a̱n saama̱n Adriya. I a̱n te̱kan gyopun lo, a̱n an cuka̱m bumbka̱ m'ho̱o̱ de̱ltin s'lan az c bo̱pk a̱n caa k'bila̱. 28Aa maaktin pimu m'ho̱o̱, a kumk s'naa v'za̱ngu a̱n d'kwe̱ze̱. An ho̱ra̱v hotin ta̱m ca̱nmi, a sudk a̱n maaka. A kumk s'naa kwe̱zc naas a̱n oopa. 29Rema̱n taanlo gela̱v ryaat bo̱ an cuka̱m bumbka̱ m'ho̱o̱ az ka̱n tamese a̱n c'taare. A batto bo̱ damran ko̱mca̱n esasam bumbka̱ m'ho̱o̱ c'naase. A cepkt bo̱ az Sila kwesa na̱ m'zana.
30An cuka̱m bumbka̱ m'ho̱o̱ to̱nk be̱ az a alg a lag bumbka̱ m'ho̱o̱ k ne. A citta̱ bo̱ bumbud rekda̱n lanma̱ k'swaaka̱n, na̱m'pal az ta hav a citta̱ ko̱mc hyan ca̱n esasam bumbka̱ m'ho̱o̱. 31Bulus zeta bo̱ so̱dka̱v koola̱n a beba̱n ru nu, “A za o̱p naha̱n esk a̱nmin bumbka̱ m'ho̱o̱ da, a ta̱n po̱t bo̱ da.” 32Koola̱n gedanta bo̱ hwensa̱n na gagtin d'bumbu, a lagk da̱ d kobko na̱m'ho̱o̱.
33Nu'pun, Bulus konk na̱ az a ryaaka. U zeka na̱, “Te̱nte̱ c'hwen oopa a̱n c'naas a̱n rein ni'so̱o̱ti a d'o̱so̱mo̱ no̱, a̱n ta ryaa ta̱m rihi da. 34A̱m el a̱n kona̱m no a̱n ryaak bat ta̱n po̱to̱. Da̱nv no za un tu rob hiva̱n hid ru da.” 35Au emtin s'lalk taanlo, u o̱mko̱ c'be̱re̱e̱di. U emaka A'Sil c'bo̱m a̱n hwic na̱ kwe̱. Au bostine, u takkaz k'ryaa. 36Lalkun lo setaska na̱ c'de̱be̱. Na̱nna ta̱m kwe̱ a ryaakka. 37Cwannanan lain a̱nmin bumbka̱ m'ho̱o̱, i neta̱n s'za̱ngu s'il a̱n kwe̱zc c'ta̱a̱c a̱n oopa ni'cihin (276). 38An koowe̱ ryaaktin u cikka̱, a bongko to̱o̱sca̱n alkama a̱nmi m'saa rema̱n a habt bumbka̱ m'ho̱o̱ m'nii.
39Ai zantaine, a ta nap va̱na̱n a rein da. A he̱nk la koor a bilka̱ c'mama na. A se̱e̱pste̱ bo̱ az ai ema, a cuk bumbka̱ m'ho̱o̱ a̱n a̱n'a, k esa.
Bumbk tameske k he̱e̱kke̱
40A gedt bo̱ hwensa̱n na gagtin ko̱mca̱n esasam bumbka̱ m'ho̱o̱, a lagk ca̱ c ya̱a̱k na̱m'ho̱o̱. A butk ta̱m hwensa̱n gagin ceca̱n na rein nan cuk m'ho̱o̱ bumbuk nokte. A butk ta̱m kuska̱n rein ka̱n guta̱m m'e̱n ka̱n rein a̱n hwici, bat bumbuk ka̱n to̱o̱ ka̱ caa k'bila̱. 41Bumbk havt bo̱ k tamese a̱n k'mam a̱nmin ho̱o̱ma̱ k'bila̱. Hid ka̱ so̱veste bo̱ a̱n mamc ne, ka la̱a̱ a̱n nok ta̱m da. Hwensa̱ m'ho̱o̱ he̱e̱kka̱lk, a̱m wazga̱lk ta̱m dimda̱n ka̱n.
42Koola̱n lalt bo̱ a buu s'lan az a hwaa an na gagine, rema̱n aa em la s'ho̱g a som da. 43So̱dka̱v koola̱n la, ai retin u to̱nk u gwa̱a̱ Bulus, u ta kab rina̱n a zein da. U zek an la̱in s'ho̱g az a em s'ho̱g a caa k'bila̱. 44An kusini, a bo̱p c'kungu alla kabsa̱n bumbka̱ m'ho̱o̱ ka̱n gecmine. A̱n d'be̱se̱, koowe̱ rwa̱a̱gk u cek k'bil m'ho̱o̱kno̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019