Yomka C'Comtne 20
20
Bulus havk Makidoniya
1An gudga̱d la̱ttine, Bulus kargska a s'gaba. U swidiki na̱ we̱sa̱m c'de̱be̱. Au zetin na̱ na he̱nne ta̱m a̱n c'na̱msa̱, u sakk le̱vka̱n havma̱n copun Makidoniya. 2U paak c'baa a̱n swidim a s'gab m'we̱s a̱n s'lalk hwe̱di. A̱n d'be̱se̱, u havk a̱n copun Giris, 3va̱na̱n u sootin s'pe̱e̱ts s'ta̱a̱cu. Bulus lak az tu sak a̱n bumbka̱ m'ho̱o̱ u past m'saa u havt Siriya. Au naptin az Yahude̱n el a̱n kwe̱e̱m ru, u kuzk u gabk le̱vka̱n Makidoniya.
4An swiin o, i Sobatarus waav Faihus kan le̱in Biriya. A̱n Aristakus na Sakundus an le̱in Tasalonika. A̱n Gayus lanma̱n le̱in Darbi. A̱n Timoti a̱n Taikikus a̱n Trofimus, an copun Asiya. 5A noksko a cek le̱in Trowas a valt co. 6An hweca̱n he̱tda̱n be̱re̱e̱dica̱n zattin yist da to̱o̱tine, ca̱ baalk na̱m'saa c'hwe c'tan lanma̱n le̱in Filipi. C cek le̱in Trowas, c la̱vk c'hwe c'tan'il a̱n a̱n'a.
Bulus havk Trowas
7A̱n hweda̱ m'e̱t da̱ c'tan'ila̱, c kargka cwan a a s'gaba̱n c ryaakt d'kutu. Ai retin Bulus tu baal na̱m'zanta, u emaka na̱ s'lalk caama̱n te̱kan gyopo. 8Na dapaska ta̱m c'ta̱si hwe̱di a̱n kurka̱n kwe̱te̱e̱si, va̱na̱n c kargine. 9Waa'bebun nan po̱g Afitikus lak a'soot a̱n hakda̱ k'kuru. An Bulus gostin a̱n s'lalko, la̱va̱m hivk o. U kobaz nu'cop lanma̱n saku v'ta̱ccu un kwe̱te̱e̱si. Na o̱m-o̱m o d'wa̱a̱.
10Bulus cizka̱ u la̱tk a̱n unwa, u hamtka o. U zeta bo̱ na̱, “A de̱bc naa la no da, u ta wa̱a̱ da.” 11Au vaaktin u elk a̱n kurka̱n kwe̱te̱e̱si, u bosa̱mk c'be̱re̱e̱di a ryaaka. U ryaak ta̱m hwic a̱n emam na̱ s'lalk gyop u'biri. U to̱uz kaa u lag na̱. 12A gyiitk waa'kempa u po̱tk a̱n c'za̱ngkta̱ hwe̱di d'kala.
Bulus cek le̱in Mile̱tus
13Ca̱ baak Bulus a̱n to̱o̱ na̱m'saa c cet Assos, va̱na̱n ca̱n o̱m o. Rema̱n Bulus baask u se̱e̱pske̱ u caa a̱n'a a̱n s'naa. 14Au gitta̱in co a̱n le̱in Assos, ca̱ o̱mk o a̱n bumbka̱ m'ho̱o̱ c cek le̱in Mite̱lin. 15Na̱m'zanta, c sak a̱n bumbka̱ m'ho̱o̱ c baalk na̱m'saa c cek koma̱n le̱in Kiyos. Ai zantaine, ca̱ pask ca̱ cek le̱in Samos. A̱n zantam hyan, ca̱ ceka le̱in Mile̱tus. 16Bulus zek a̱n de̱bc ru az tu kwaa le̱in E̱fisu rem u ta to̱n u naas v'daa a̱nmin copun Asiya da. U to̱nk az awaz ti ema, u em hyatt u caa le̱in Urisalima a̱n hweda̱n Pe̱ntiko̱st.
Bulus emaka an E̱fisu s'lalko
17An Bulus retin a̱nmin le̱in Mile̱tus, u comk a̱n le̱in E̱fisu na po̱go̱ c'hwengna s'gab a han a wera. 18Aa cetaine, u zeka na̱, “A̱n napk ho̱da̱na̱n m emtin nocurimuc ri baa no kwe̱ am cetain copun Asiya lanma̱n hweda̱ m'e̱te̱. 19A̱m kalaska hid ri a̱m emaka Kan Go̱mca̱n Kooye̱ m'cok ta̱m o̱nuzo. A̱m gagk ta̱m c'de̱b a̱n c'ke̱ta̱mse̱ a kwe̱e̱ma̱n Yahude̱n emain m hwe̱di.
20“A̱m ta ze̱s no rina̱n ti se̱e̱te̱ no da. A̱m kwesaka no c'rihi kwe̱. A̱m la̱a̱ska̱ ta̱m no a buuc no-no koowe̱ tu he̱nte. 21A̱m ve̱ce̱ke̱ ta̱m Yahude̱n a an Giris az a bita̱l c'hwin baad Na'Sila̱. A bat ta̱m d'ba̱t baa Kan buu cinna Ye̱so Ka̱risti. 22A̱nta̱ma̱ la, ta̱'m hav a̱n le̱in Urisalima ho̱da̱na̱n Hora̱mda̱n zattin ri d'reb da kwesatain me. A̱m ta nap la rina̱n ti kum a̱m da. 23Rina̱n m napin c'taa, i Hora̱mda̱n zattin ri d'reb da kwesaka me az kooye̱ le̱e̱ya a̱m havtine, ryaaka̱ d'kob a d'gagben a̱n buu s'ko̱m el a̱n vala̱m ri. 24Po̱tu ri ta soot la rihi baa ri da. Awaz ge̱ ta̱'m taas s'gab i kasi a yomkanan Kanubu Ye̱so de̱ltin me. Yomkan ba̱sda̱n kasi lalkun damran za̱im Na'Sila̱.
25“Go̱to̱, a̱m napk az nwaa kwe̱ am pain a̱m bisiki no go̱mc Na'Sila̱, a ta̱n he̱n a̱m ta̱m da. 26Rema̱n taanlo, a̱m zek no te̱nte̱, az ma kab hwelav noc da. 27Rema̱n a̱m ve̱ce̱ke̱ no rina̱n Sila to̱nin az a̱n nap kwe̱. 28Rema̱n taanlo, go̱t na hid no i kasi. A̱n go̱t ta̱m bugda̱n netnanan Hora̱mda̱n zattin ri d'reb da nesin no c'go̱te. Em na go̱teca̱n kargad an gabs Na'Sila̱, au to̱vin a̱n hiba̱m ru.
29“Rema̱n a̱m napk az am to̱o̱, neta̱n hyan ta uva̱ baa no ho̱d o̱mna d'kade. A ta lag bugda̱n a s'gab da. 30Lanma̱n baa no ta̱ma̱, ahyan ta gudga̱ a palk netna, bat ta kum an ta gab na̱. 31Rema̱n taanlo, es na s'naa s'ila̱. A̱n bakasa ta̱m az a̱m emk s'we̱e̱ s'ta̱a̱c a̱m ta kuz vena̱m no a̱n gyop a i'hwen ne, a̱n s'o̱n ta̱m da.
32“A̱nta̱ma̱, a̱m lagk no a̱n komc Na'Sil a baa pusun lalks Na'Sil na̱. I sa̱nsa a̱n sa̱n guba̱sa̱ no, sa̱ ne̱e̱ ta̱m no u'yob baan kumu Na'Sil a an Sila vaaksain an zattin ri d'reb da. 33A̱m ta zo̱lo̱ is baan kind alla kusi noc da. 34Nwaa kwe̱ a̱n napk az a̱m hobk rihica̱n nocurimuc ri a an lain baa rin, a̱n koma ri. 35Rina̱n m emin kwe̱, i a̱m kwesata no az i ho̱da̱n lo bo̱ i ge̱be̱ste̱in a̱n em a'yomk a̱n se̱e̱tte̱ kalkne. Bakasa na ta̱m ho̱da̱na̱n Kanubu Ye̱so zetine, ‘Ne̱u pa̱tk u'kab a̱n kumma̱n u'pusu.’ ”
36An Bulus taastin s'lalko, a hek a̱n c'rwin u cepkka. 37Na̱nna kwe̱ a hek a̱n s'o̱n. A hamtka ta̱m Bulus a kwesaka o c'to̱n hwe̱di. 38De̱bc naak na̱ hwe̱di d'kal au zetin az a ta sud ta̱m a̱n he̱n o da. A swiiti bo̱ o, a cetk o baan bumbka̱ m'ho̱o̱.
ទើបបានជ្រើសរើសហើយ៖
Yomka C'Comtne 20: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Yomka C'Comtne 20
20
Bulus havk Makidoniya
1An gudga̱d la̱ttine, Bulus kargska a s'gaba. U swidiki na̱ we̱sa̱m c'de̱be̱. Au zetin na̱ na he̱nne ta̱m a̱n c'na̱msa̱, u sakk le̱vka̱n havma̱n copun Makidoniya. 2U paak c'baa a̱n swidim a s'gab m'we̱s a̱n s'lalk hwe̱di. A̱n d'be̱se̱, u havk a̱n copun Giris, 3va̱na̱n u sootin s'pe̱e̱ts s'ta̱a̱cu. Bulus lak az tu sak a̱n bumbka̱ m'ho̱o̱ u past m'saa u havt Siriya. Au naptin az Yahude̱n el a̱n kwe̱e̱m ru, u kuzk u gabk le̱vka̱n Makidoniya.
4An swiin o, i Sobatarus waav Faihus kan le̱in Biriya. A̱n Aristakus na Sakundus an le̱in Tasalonika. A̱n Gayus lanma̱n le̱in Darbi. A̱n Timoti a̱n Taikikus a̱n Trofimus, an copun Asiya. 5A noksko a cek le̱in Trowas a valt co. 6An hweca̱n he̱tda̱n be̱re̱e̱dica̱n zattin yist da to̱o̱tine, ca̱ baalk na̱m'saa c'hwe c'tan lanma̱n le̱in Filipi. C cek le̱in Trowas, c la̱vk c'hwe c'tan'il a̱n a̱n'a.
Bulus havk Trowas
7A̱n hweda̱ m'e̱t da̱ c'tan'ila̱, c kargka cwan a a s'gaba̱n c ryaakt d'kutu. Ai retin Bulus tu baal na̱m'zanta, u emaka na̱ s'lalk caama̱n te̱kan gyopo. 8Na dapaska ta̱m c'ta̱si hwe̱di a̱n kurka̱n kwe̱te̱e̱si, va̱na̱n c kargine. 9Waa'bebun nan po̱g Afitikus lak a'soot a̱n hakda̱ k'kuru. An Bulus gostin a̱n s'lalko, la̱va̱m hivk o. U kobaz nu'cop lanma̱n saku v'ta̱ccu un kwe̱te̱e̱si. Na o̱m-o̱m o d'wa̱a̱.
10Bulus cizka̱ u la̱tk a̱n unwa, u hamtka o. U zeta bo̱ na̱, “A de̱bc naa la no da, u ta wa̱a̱ da.” 11Au vaaktin u elk a̱n kurka̱n kwe̱te̱e̱si, u bosa̱mk c'be̱re̱e̱di a ryaaka. U ryaak ta̱m hwic a̱n emam na̱ s'lalk gyop u'biri. U to̱uz kaa u lag na̱. 12A gyiitk waa'kempa u po̱tk a̱n c'za̱ngkta̱ hwe̱di d'kala.
Bulus cek le̱in Mile̱tus
13Ca̱ baak Bulus a̱n to̱o̱ na̱m'saa c cet Assos, va̱na̱n ca̱n o̱m o. Rema̱n Bulus baask u se̱e̱pske̱ u caa a̱n'a a̱n s'naa. 14Au gitta̱in co a̱n le̱in Assos, ca̱ o̱mk o a̱n bumbka̱ m'ho̱o̱ c cek le̱in Mite̱lin. 15Na̱m'zanta, c sak a̱n bumbka̱ m'ho̱o̱ c baalk na̱m'saa c cek koma̱n le̱in Kiyos. Ai zantaine, ca̱ pask ca̱ cek le̱in Samos. A̱n zantam hyan, ca̱ ceka le̱in Mile̱tus. 16Bulus zek a̱n de̱bc ru az tu kwaa le̱in E̱fisu rem u ta to̱n u naas v'daa a̱nmin copun Asiya da. U to̱nk az awaz ti ema, u em hyatt u caa le̱in Urisalima a̱n hweda̱n Pe̱ntiko̱st.
Bulus emaka an E̱fisu s'lalko
17An Bulus retin a̱nmin le̱in Mile̱tus, u comk a̱n le̱in E̱fisu na po̱go̱ c'hwengna s'gab a han a wera. 18Aa cetaine, u zeka na̱, “A̱n napk ho̱da̱na̱n m emtin nocurimuc ri baa no kwe̱ am cetain copun Asiya lanma̱n hweda̱ m'e̱te̱. 19A̱m kalaska hid ri a̱m emaka Kan Go̱mca̱n Kooye̱ m'cok ta̱m o̱nuzo. A̱m gagk ta̱m c'de̱b a̱n c'ke̱ta̱mse̱ a kwe̱e̱ma̱n Yahude̱n emain m hwe̱di.
20“A̱m ta ze̱s no rina̱n ti se̱e̱te̱ no da. A̱m kwesaka no c'rihi kwe̱. A̱m la̱a̱ska̱ ta̱m no a buuc no-no koowe̱ tu he̱nte. 21A̱m ve̱ce̱ke̱ ta̱m Yahude̱n a an Giris az a bita̱l c'hwin baad Na'Sila̱. A bat ta̱m d'ba̱t baa Kan buu cinna Ye̱so Ka̱risti. 22A̱nta̱ma̱ la, ta̱'m hav a̱n le̱in Urisalima ho̱da̱na̱n Hora̱mda̱n zattin ri d'reb da kwesatain me. A̱m ta nap la rina̱n ti kum a̱m da. 23Rina̱n m napin c'taa, i Hora̱mda̱n zattin ri d'reb da kwesaka me az kooye̱ le̱e̱ya a̱m havtine, ryaaka̱ d'kob a d'gagben a̱n buu s'ko̱m el a̱n vala̱m ri. 24Po̱tu ri ta soot la rihi baa ri da. Awaz ge̱ ta̱'m taas s'gab i kasi a yomkanan Kanubu Ye̱so de̱ltin me. Yomkan ba̱sda̱n kasi lalkun damran za̱im Na'Sila̱.
25“Go̱to̱, a̱m napk az nwaa kwe̱ am pain a̱m bisiki no go̱mc Na'Sila̱, a ta̱n he̱n a̱m ta̱m da. 26Rema̱n taanlo, a̱m zek no te̱nte̱, az ma kab hwelav noc da. 27Rema̱n a̱m ve̱ce̱ke̱ no rina̱n Sila to̱nin az a̱n nap kwe̱. 28Rema̱n taanlo, go̱t na hid no i kasi. A̱n go̱t ta̱m bugda̱n netnanan Hora̱mda̱n zattin ri d'reb da nesin no c'go̱te. Em na go̱teca̱n kargad an gabs Na'Sila̱, au to̱vin a̱n hiba̱m ru.
29“Rema̱n a̱m napk az am to̱o̱, neta̱n hyan ta uva̱ baa no ho̱d o̱mna d'kade. A ta lag bugda̱n a s'gab da. 30Lanma̱n baa no ta̱ma̱, ahyan ta gudga̱ a palk netna, bat ta kum an ta gab na̱. 31Rema̱n taanlo, es na s'naa s'ila̱. A̱n bakasa ta̱m az a̱m emk s'we̱e̱ s'ta̱a̱c a̱m ta kuz vena̱m no a̱n gyop a i'hwen ne, a̱n s'o̱n ta̱m da.
32“A̱nta̱ma̱, a̱m lagk no a̱n komc Na'Sil a baa pusun lalks Na'Sil na̱. I sa̱nsa a̱n sa̱n guba̱sa̱ no, sa̱ ne̱e̱ ta̱m no u'yob baan kumu Na'Sil a an Sila vaaksain an zattin ri d'reb da. 33A̱m ta zo̱lo̱ is baan kind alla kusi noc da. 34Nwaa kwe̱ a̱n napk az a̱m hobk rihica̱n nocurimuc ri a an lain baa rin, a̱n koma ri. 35Rina̱n m emin kwe̱, i a̱m kwesata no az i ho̱da̱n lo bo̱ i ge̱be̱ste̱in a̱n em a'yomk a̱n se̱e̱tte̱ kalkne. Bakasa na ta̱m ho̱da̱na̱n Kanubu Ye̱so zetine, ‘Ne̱u pa̱tk u'kab a̱n kumma̱n u'pusu.’ ”
36An Bulus taastin s'lalko, a hek a̱n c'rwin u cepkka. 37Na̱nna kwe̱ a hek a̱n s'o̱n. A hamtka ta̱m Bulus a kwesaka o c'to̱n hwe̱di. 38De̱bc naak na̱ hwe̱di d'kal au zetin az a ta sud ta̱m a̱n he̱n o da. A swiiti bo̱ o, a cetk o baan bumbka̱ m'ho̱o̱.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019