Yomka C'Comtne 21
21
Bulus havk a̱n le̱in Urisalima
1Ac wankstein a na̱nna na, ca̱ baalk na̱m'saa. Ca hat d'baa da, ca̱ ceka le̱in Kos. Na̱m'zanta, c cek le̱in Rodusa. Lanma̱n a̱n'a, c cauz kaa le̱in Patara. 2Ac kumtin bumbka̱ m'ho̱o̱ ka̱n-ka̱n pas ka̱ caa Fiyo̱nisiya, ca̱ uvk a̱n ka̱n c se̱tk na̱m'baala. 3Ac cetain koma̱n copun Saipros, c tazk o c'kanta. C baalk na̱m'saa c cek copun Siriya. C ceka le̱in Taya va̱na̱n bumbka̱ m'ho̱o̱ ka̱n citta̱ c'to̱o̱so.
4C hobt bo̱ a s'gab an rein a̱n a̱n'a. C la̱vk c'tan'il baa na̱. Hora̱md Na'Sil gabtk a s'gab a zeka Bulus az au hav la le̱in Urisalima da. 5An hweda̱nda̱n ca̱n lagt na̱ cetine, c ruk c sakk k'le̱ve̱. Na̱nna kwe̱, a̱ra̱mna̱, netana a aka̱n na̱na̱n swiiki co a rutk co i'le̱e̱. C cek bilka̱ m'saa. C hek a̱n c'rwin c cepkka. 6An koowe̱ zetin hyan na gwaana ta̱m a̱n c'na̱msa̱, c uvk a̱n bumbka̱ m'ho̱o̱ c baalte. A vaakuz la ba̱na̱ a gya̱a̱.
7Ac lagtain le̱in Taya, c ceka le̱in Butolimayis, c po̱o̱sto̱ a s'gaba. C la̱vk d'da̱n baa na̱. 8Na̱m'zanta, c unuku c cek le̱in Kaisariya. C cilk a̱n buu Filip kan ba̱sda̱n lalks Na'Sila̱, da̱nv tan'il anlo an se̱e̱te̱m c'comtne. 9U ciki yaa'yantan i'naas an rein ta vat rina̱n ti em a̱n hwici. 10Ac soottin a̱n a̱n'a c'hwen hwe̱di, k'barav Na'Sil un nan po̱g Agabus, haka lanma̱n copun Judiya.
11Au cetain baa co, u o̱mk rabva̱n Bulus rein tu gag a̱n ba̱ya ru. U gagk komc ru a naas ru nu. U zeka, “Hora̱mda̱n zattin ri d'reb da zeka, ‘I ho̱d uha̱n a̱n Yahude̱ nan le̱in Urisalima ta gagt kan ciin rabva̱ hna. Ta badasa ta̱m o a̱n komc an zain Yahude̱n da.’ ”
12Ac hongtin rihica̱ hna, cwan a an lain a̱n a̱n'a na, c konk Bulus az au hav la le̱in Urisalima da. 13Bulus zeta bo̱, “I rema̱n ye̱ a̱n retina̱n s'o̱n a̱n naasa̱m ri c'de̱be̱? A̱m el u walgke, za gagedan nan gag a̱m c'taa da. A to̱n na hwaa m a̱n le̱in Urisalima rema̱n dind Kanubu Ye̱so.”
14Ac ta hwekstin o da, c lagk kons ru. C zeka ta̱ma̱, “Lag i soot ho̱da̱na̱n Kan Go̱mca̱n Kooye̱ to̱ntine.”
15An hweca̱n lo to̱o̱tine, c walgk c el a̱n havma̱n le̱in Urisalima. 16A s'gab ahyan an le̱in Kaisariya swiva̱ka̱ co a cetka co a̱v Manaso no, kan copun Saipros, va̱na̱n ca cila̱. I Manaso nan rein a s'gab a m'e̱te̱ a̱n copun Saipros.
Bulus havk baa Yakub
17Ac cetain le̱in Urisalima, a s'gab marska co a̱n c'za̱ngkta̱. 18Na̱m'zanta, Bulus gabk co c havk baa Yakub. C'Hwengna s'gab lak ta̱m kwe̱ a̱n a̱n'a. 19An Bulus po̱o̱sto̱in na̱, u ve̱ce̱ke̱ na̱ rihica̱n Sila emin baa an zain Yahude̱n da rema̱n yomkan ba̱sda̱n u emine.
20Aa hongtin taanlo, a bo̱mk A'Sil hwe̱di. A zet bo̱ Bulus, “A̱v he̱nk ho̱da̱na̱n Yahude̱n s'za̱ngu-s'za̱ngu battin d'ba̱t baa Ye̱so? A̱n'a ta̱m kwe̱ a el a̱n za̱ksa̱n gaba̱m s'giira a d'ke̱mne̱nne̱. 21Na ve̱ce̱ke̱ la na̱ az a̱v el a̱n la̱a̱sa̱m Yahude̱ nanan rein a'soot baa an zain Yahude̱n da, az a bat s'giira. Az i ta ge̱be̱se̱ ta̱m a ema aka̱n na̱ s'ged alla a gab d'Yahude̱ da. 22Iye̱ bo̱ kaa a̱n nan em a̱nta̱ma̱? Rema̱n neta̱n hongk az a̱v giika̱. 23Go̱t rina̱n c to̱nin az a̱v ema: A̱ra̱m ni'naas el baa cinna an ciin d'kobo az a cop baa Na'Sila̱.
24“Gabese na̱ a̱v em c'walg ho̱da̱na̱n giiras zetine. A̱v cwepa ta̱m na kindi d'kobo bat nan ol na̱. Koowe̱ tu nap kaa az rina̱n na ve̱ce̱in na̱ in tanin vo, za m'ga̱u da. Ta nap ta̱m az a̱v el a̱n gabma̱n giiras Mosa honhono. 25Rina̱n tanin la an zain Yahude̱n da an batin d'ba̱t baa Ye̱so, c baask c ge̱ne̱ke̱ na̱ rina̱n c esasaine. Ca̱ zek na̱ az a e̱l rihica̱n na savin baan cepko. A lag ryaaka̱ m'hiba̱. Aa ta̱a̱ la rina̱n wa̱in a'wa̱a̱-wa̱a̱ da. A lag ta̱m d'o̱mo̱.”
26Na̱m'zanta, Bulus o̱mk netnan lo i'naas a emk c'walg d'kut a na̱nna na, ho̱da̱na̱n giira kaatine. Au uvtin a̱n buuk Na'Sila̱, u vatk hweda̱n ta rut koboda̱n a ciin baa Na'Sila̱, a daava̱n nan emata A'Sil sak a̱n rema̱n kooye̱ da̱nv na̱ wa.
Na sipk Bulus
27An hweca̱n lo c'tan'il bo̱ptina̱n taa, Yahude̱ nan copun Asiya he̱nk Bulus a̱nmin buuk Na'Sila̱. A de̱lt bo̱ neta̱n una̱sa̱ d'gudgu. A sipuz o. 28A ze̱lk ta̱m s'god a zeka, “Nwaa netnan Isra'ila, se̱e̱te̱ na co. Go̱t ha̱n na a̱rmuna̱n la̱a̱sa̱in neta̱n koope̱ az a ha̱l Yahude̱ne̱, a ha̱l ta̱m s'giira a baada̱ ha̱n ne. Go̱t ta̱m u ryaak hwic u uvtka̱ an Giris a̱nmin buuk Na'Sila̱. U ko̱psko̱ baada̱ ha̱n da̱n zattin ri d'reb da.” 29I rem a baak a he̱ne̱ Bulus na Trofimus kan le̱in E̱fisu a̱nmi ni'le̱e̱. A o̱muz bo̱ kaa az Bulus uvtk o a̱nmin buuk Na'Sila̱.
30Neta̱n o̱msk d'gudg i'le̱e̱ i'biri. A somt bo̱ v'daa v'da̱n a havk a sipk Bulus, a fe̱mte̱ o lanma̱n buuk Na'Sila̱. A̱ndaabe, na gweda̱lka bira̱vna'isa̱n sa̱n buuk Na'Sil kwe̱. 31Aa latina̱n hoba̱n hweed Bulus, lalks cek baa so̱dka̱v koolnan copun Roma az le̱in Urisalima bo̱lk a̱n d'gudgu. 32A̱ndaabe so̱dka̱v koola̱n o̱mk koola̱n, a somk a cek baa na̱. An neta̱n he̱ntin so̱dka̱v koola̱n a neta̱n ru nu, a lagk biis Bulus.
33So̱dka̱v koola̱n hata bo̱ u sip Bulus. U de̱lk ta̱m na gag o a̱n s'ruc s'ila̱. U ipkt bo̱ neta̱n az iwe̱ hna, ta̱m az iye̱ u emine. 34Lalk ta rwa̱n na̱ ka̱mda̱n da. Au ta naptin rina̱n kabain d'gudg da, u zek az na sav Bulus baan sooca̱d koolno. 35Aa cetin d'gongono, koolo̱n o̱mk Bulus rema̱n neta̱n za̱ngka̱. 36Neta̱n ta gabo na̱m'ze, “Hwaa na o! Hwaa na o!”
Bulus rutk hid ru
37An na havtin az nan uvt Bulus a̱n baada̱n sooca̱d koolno, u zeka so̱dka̱v koolno, “Ti ema a̱m ve̱ce̱ v rihi?” So̱dka̱v koola̱n se̱sk la o, “Ipe̱ a̱v lain a̱v la̱a̱t C'Girik? 38Za vo kan Masar unlo, un gudgsa̱in i'dam a̱n hweca̱n dim da? U ho̱tt ta̱m an hweec neta̱n s'kwe̱re̱ s'naase a som a hyo a̱n k'kad da?”
39Bulus zeta bo̱ o, “A̱'a̱, i mi k'Yahude̱. Noc va̱n le̱in Tarsus, i'le̱e̱ i damra a̱nmin copun Silisiya. A̱m konk vo, lag a̱m ema netna ha̱n s'lalko.”
40Au ne̱e̱tin Bulus d'ke̱e̱, Bulus esk a̱n d'gongon u te̱kkske̱ neta̱n a̱n c'koma. Aa restin te̱kk, u emaka na̱ s'lalk a̱n remd Yahude̱ne̱. U zeka:
ទើបបានជ្រើសរើសហើយ៖
Yomka C'Comtne 21: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Yomka C'Comtne 21
21
Bulus havk a̱n le̱in Urisalima
1Ac wankstein a na̱nna na, ca̱ baalk na̱m'saa. Ca hat d'baa da, ca̱ ceka le̱in Kos. Na̱m'zanta, c cek le̱in Rodusa. Lanma̱n a̱n'a, c cauz kaa le̱in Patara. 2Ac kumtin bumbka̱ m'ho̱o̱ ka̱n-ka̱n pas ka̱ caa Fiyo̱nisiya, ca̱ uvk a̱n ka̱n c se̱tk na̱m'baala. 3Ac cetain koma̱n copun Saipros, c tazk o c'kanta. C baalk na̱m'saa c cek copun Siriya. C ceka le̱in Taya va̱na̱n bumbka̱ m'ho̱o̱ ka̱n citta̱ c'to̱o̱so.
4C hobt bo̱ a s'gab an rein a̱n a̱n'a. C la̱vk c'tan'il baa na̱. Hora̱md Na'Sil gabtk a s'gab a zeka Bulus az au hav la le̱in Urisalima da. 5An hweda̱nda̱n ca̱n lagt na̱ cetine, c ruk c sakk k'le̱ve̱. Na̱nna kwe̱, a̱ra̱mna̱, netana a aka̱n na̱na̱n swiiki co a rutk co i'le̱e̱. C cek bilka̱ m'saa. C hek a̱n c'rwin c cepkka. 6An koowe̱ zetin hyan na gwaana ta̱m a̱n c'na̱msa̱, c uvk a̱n bumbka̱ m'ho̱o̱ c baalte. A vaakuz la ba̱na̱ a gya̱a̱.
7Ac lagtain le̱in Taya, c ceka le̱in Butolimayis, c po̱o̱sto̱ a s'gaba. C la̱vk d'da̱n baa na̱. 8Na̱m'zanta, c unuku c cek le̱in Kaisariya. C cilk a̱n buu Filip kan ba̱sda̱n lalks Na'Sila̱, da̱nv tan'il anlo an se̱e̱te̱m c'comtne. 9U ciki yaa'yantan i'naas an rein ta vat rina̱n ti em a̱n hwici. 10Ac soottin a̱n a̱n'a c'hwen hwe̱di, k'barav Na'Sil un nan po̱g Agabus, haka lanma̱n copun Judiya.
11Au cetain baa co, u o̱mk rabva̱n Bulus rein tu gag a̱n ba̱ya ru. U gagk komc ru a naas ru nu. U zeka, “Hora̱mda̱n zattin ri d'reb da zeka, ‘I ho̱d uha̱n a̱n Yahude̱ nan le̱in Urisalima ta gagt kan ciin rabva̱ hna. Ta badasa ta̱m o a̱n komc an zain Yahude̱n da.’ ”
12Ac hongtin rihica̱ hna, cwan a an lain a̱n a̱n'a na, c konk Bulus az au hav la le̱in Urisalima da. 13Bulus zeta bo̱, “I rema̱n ye̱ a̱n retina̱n s'o̱n a̱n naasa̱m ri c'de̱be̱? A̱m el u walgke, za gagedan nan gag a̱m c'taa da. A to̱n na hwaa m a̱n le̱in Urisalima rema̱n dind Kanubu Ye̱so.”
14Ac ta hwekstin o da, c lagk kons ru. C zeka ta̱ma̱, “Lag i soot ho̱da̱na̱n Kan Go̱mca̱n Kooye̱ to̱ntine.”
15An hweca̱n lo to̱o̱tine, c walgk c el a̱n havma̱n le̱in Urisalima. 16A s'gab ahyan an le̱in Kaisariya swiva̱ka̱ co a cetka co a̱v Manaso no, kan copun Saipros, va̱na̱n ca cila̱. I Manaso nan rein a s'gab a m'e̱te̱ a̱n copun Saipros.
Bulus havk baa Yakub
17Ac cetain le̱in Urisalima, a s'gab marska co a̱n c'za̱ngkta̱. 18Na̱m'zanta, Bulus gabk co c havk baa Yakub. C'Hwengna s'gab lak ta̱m kwe̱ a̱n a̱n'a. 19An Bulus po̱o̱sto̱in na̱, u ve̱ce̱ke̱ na̱ rihica̱n Sila emin baa an zain Yahude̱n da rema̱n yomkan ba̱sda̱n u emine.
20Aa hongtin taanlo, a bo̱mk A'Sil hwe̱di. A zet bo̱ Bulus, “A̱v he̱nk ho̱da̱na̱n Yahude̱n s'za̱ngu-s'za̱ngu battin d'ba̱t baa Ye̱so? A̱n'a ta̱m kwe̱ a el a̱n za̱ksa̱n gaba̱m s'giira a d'ke̱mne̱nne̱. 21Na ve̱ce̱ke̱ la na̱ az a̱v el a̱n la̱a̱sa̱m Yahude̱ nanan rein a'soot baa an zain Yahude̱n da, az a bat s'giira. Az i ta ge̱be̱se̱ ta̱m a ema aka̱n na̱ s'ged alla a gab d'Yahude̱ da. 22Iye̱ bo̱ kaa a̱n nan em a̱nta̱ma̱? Rema̱n neta̱n hongk az a̱v giika̱. 23Go̱t rina̱n c to̱nin az a̱v ema: A̱ra̱m ni'naas el baa cinna an ciin d'kobo az a cop baa Na'Sila̱.
24“Gabese na̱ a̱v em c'walg ho̱da̱na̱n giiras zetine. A̱v cwepa ta̱m na kindi d'kobo bat nan ol na̱. Koowe̱ tu nap kaa az rina̱n na ve̱ce̱in na̱ in tanin vo, za m'ga̱u da. Ta nap ta̱m az a̱v el a̱n gabma̱n giiras Mosa honhono. 25Rina̱n tanin la an zain Yahude̱n da an batin d'ba̱t baa Ye̱so, c baask c ge̱ne̱ke̱ na̱ rina̱n c esasaine. Ca̱ zek na̱ az a e̱l rihica̱n na savin baan cepko. A lag ryaaka̱ m'hiba̱. Aa ta̱a̱ la rina̱n wa̱in a'wa̱a̱-wa̱a̱ da. A lag ta̱m d'o̱mo̱.”
26Na̱m'zanta, Bulus o̱mk netnan lo i'naas a emk c'walg d'kut a na̱nna na, ho̱da̱na̱n giira kaatine. Au uvtin a̱n buuk Na'Sila̱, u vatk hweda̱n ta rut koboda̱n a ciin baa Na'Sila̱, a daava̱n nan emata A'Sil sak a̱n rema̱n kooye̱ da̱nv na̱ wa.
Na sipk Bulus
27An hweca̱n lo c'tan'il bo̱ptina̱n taa, Yahude̱ nan copun Asiya he̱nk Bulus a̱nmin buuk Na'Sila̱. A de̱lt bo̱ neta̱n una̱sa̱ d'gudgu. A sipuz o. 28A ze̱lk ta̱m s'god a zeka, “Nwaa netnan Isra'ila, se̱e̱te̱ na co. Go̱t ha̱n na a̱rmuna̱n la̱a̱sa̱in neta̱n koope̱ az a ha̱l Yahude̱ne̱, a ha̱l ta̱m s'giira a baada̱ ha̱n ne. Go̱t ta̱m u ryaak hwic u uvtka̱ an Giris a̱nmin buuk Na'Sila̱. U ko̱psko̱ baada̱ ha̱n da̱n zattin ri d'reb da.” 29I rem a baak a he̱ne̱ Bulus na Trofimus kan le̱in E̱fisu a̱nmi ni'le̱e̱. A o̱muz bo̱ kaa az Bulus uvtk o a̱nmin buuk Na'Sila̱.
30Neta̱n o̱msk d'gudg i'le̱e̱ i'biri. A somt bo̱ v'daa v'da̱n a havk a sipk Bulus, a fe̱mte̱ o lanma̱n buuk Na'Sila̱. A̱ndaabe, na gweda̱lka bira̱vna'isa̱n sa̱n buuk Na'Sil kwe̱. 31Aa latina̱n hoba̱n hweed Bulus, lalks cek baa so̱dka̱v koolnan copun Roma az le̱in Urisalima bo̱lk a̱n d'gudgu. 32A̱ndaabe so̱dka̱v koola̱n o̱mk koola̱n, a somk a cek baa na̱. An neta̱n he̱ntin so̱dka̱v koola̱n a neta̱n ru nu, a lagk biis Bulus.
33So̱dka̱v koola̱n hata bo̱ u sip Bulus. U de̱lk ta̱m na gag o a̱n s'ruc s'ila̱. U ipkt bo̱ neta̱n az iwe̱ hna, ta̱m az iye̱ u emine. 34Lalk ta rwa̱n na̱ ka̱mda̱n da. Au ta naptin rina̱n kabain d'gudg da, u zek az na sav Bulus baan sooca̱d koolno. 35Aa cetin d'gongono, koolo̱n o̱mk Bulus rema̱n neta̱n za̱ngka̱. 36Neta̱n ta gabo na̱m'ze, “Hwaa na o! Hwaa na o!”
Bulus rutk hid ru
37An na havtin az nan uvt Bulus a̱n baada̱n sooca̱d koolno, u zeka so̱dka̱v koolno, “Ti ema a̱m ve̱ce̱ v rihi?” So̱dka̱v koola̱n se̱sk la o, “Ipe̱ a̱v lain a̱v la̱a̱t C'Girik? 38Za vo kan Masar unlo, un gudgsa̱in i'dam a̱n hweca̱n dim da? U ho̱tt ta̱m an hweec neta̱n s'kwe̱re̱ s'naase a som a hyo a̱n k'kad da?”
39Bulus zeta bo̱ o, “A̱'a̱, i mi k'Yahude̱. Noc va̱n le̱in Tarsus, i'le̱e̱ i damra a̱nmin copun Silisiya. A̱m konk vo, lag a̱m ema netna ha̱n s'lalko.”
40Au ne̱e̱tin Bulus d'ke̱e̱, Bulus esk a̱n d'gongon u te̱kkske̱ neta̱n a̱n c'koma. Aa restin te̱kk, u emaka na̱ s'lalk a̱n remd Yahude̱ne̱. U zeka:
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019