1 An Korinti U'Gabte
U'Gabte
I Bulus k'comta̱v Ye̱so a̱n ge̱nin taka̱llaka̱ ha̱n daav u latin a̱n le̱in E̱fisu a̱n copun Asiya, an Ye̱so emtin s'we̱e̱ 55 na'wa̱a̱. Au havtin Korinti hav u v'illa̱ a̱n yomkan ba̱sda̱n kasi lalk Na'Sila̱, u esaska kargad a s'gab a̱n a̱n'a. Korinti i i'le̱e̱ i damra hwe̱di a̱n copun Giris. An Bulus lagtin Korinti, lalkun rina̱n rein la̱a̱s kasi, a un emma̱ d'o̱m no̱, a ho̱da̱na̱n a s'gab ta emt nocurimuc kasi, gagk a s'gab d'hi. A ge̱ne̱te̱ bo̱ Bulus k'vaa a s'ipk a̱n hwe̱di.
Rihic gagk an Giris d'hi rema̱n Yahude̱n a s'gab to̱nk a de̱lka̱l a s'gab an Giris a gab s'kim a gaado na̱-na̱. A̱n d'Yahude̱, i a̱n dim a̱n netan ta soot a neta̱n karga. I ke̱ng ta̱m u biti hid ru. Gaado an Giris ta ke̱e̱ la na̱ taanl da. Gaado an Giris ta hol ta̱m netan na̱ c'zamse da. I cek daava̱n na kumtin netan zamsne v'za̱ngu a̱nmin buuk Na'Sil a̱n copun Aprodait. An Giris zek ta̱m az a noc em d'o̱mo̱, i nu'we̱d c'taa, i ta soot d'ko̱t a̱n d'hora̱m da. Ai retin i na̱nna damran neta̱n an na rein nan hwenga nu'copo, an batesein ta̱ma̱, i ta ema na de̱lka̱l na̱ a gab da. Bulus emata bo̱ na̱ kaagun lalksa̱ d'o̱mo̱, hwa̱a̱m m'lo̱go̱, a he̱e̱ku a s'gab na. U ne̱e̱k a c'ga̱i a an kwizid c'ga̱i a̱n s'lalko, a ta̱m a c're̱s ne̱. U emk ta̱m lalkun rina̱n na se̱ke̱in cepko, ha̱nu u a̱ra̱mna̱ a netan na̱-na̱, swe̱e̱ma̱n hid a s'gab a ho̱da̱na̱n ta ryaat ryaakca̱n bakasam Ka̱risti ni. U la̱a̱ska̱ ho̱da̱n nan emt a'yomk honhon a̱n ho̱sma̱n we̱sma̱n emka̱lla̱m c'rihi ma̱n Hora̱mda̱n zattin ri d'reb da ne̱in na, a to̱nc hyanna cinna na. U tanka ta̱m saka̱m nu'con baan po̱to̱so̱m an wa̱ini, a lalkun emam kalka̱n a s'gab m'ho̱so̱. Beboda̱n 13, beboda̱n lalksa̱ c'to̱no̱, i da̱nv baaca̱n na pa̱tin nu'nap kwe̱ a̱nmin ge̱nsa̱n lalks Na'Sila̱.
ទើបបានជ្រើសរើសហើយ៖
1 An Korinti U'Gabte: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019