Jestira 4
4
O Mordehaj rodel pomoć katar e Jestira
1Kana o Mordehaj saznajisardas pale sa so dogodisajlo, pharada pire drze, lija pe peste o kostret thaj čhordas praho pe peste. Askal đelo ando gav thaj rovelas ando baro muj thaj ando očaj. 2Avilo dži ke carošći kapija, ali ando kostret či tromalas te naćhel pe kroz e kapija. 3Ande svako pokrajina ande savi areslo e carosko proglas thaj lešći zapovest, dija bari žalost maškar e Židovurja. Postinas, rovenas thaj kukinas, a but lendar pašljonas ando kostret thaj ando praho. 4Kana e Jestiraće sluškinje thaj e evnuhurja avile late thaj godova phendine laće, e carica but uznemirisajli. Voj bičhaldas e Mordehaješće drze te lel pe peste umesto o kostret, ali vo odbisarda.
5Askal e Jestira akharda e Hatahe, jećhe katar e carošće evnuhurja, savo sas odredime te služil e Jestiraće, thaj zapovedisardas te saznajil katar o Mordehaj so dogodisajlo thaj sostar godova ćerel. 6O Hatah đelo ko Mordehaj po gavesko trgo angle carošći kapija 7thaj o Mordehaj phendas lešće sa so dogodisajlo lešće thaj tačno kozom love o Haman phendas kaj poćinela ande carošći riznica te uništin pe e Židovurja. 8Dija les vi jek prepis ramome zakonesko pale lengo uništenje, savo si objavime ande Suza, te sikavel les thaj objasnil e Jestiraće. Thaj phendas lešće te zapovedil laće te džal ko caro te moli les pale milost thaj te zauzmil pe pale piro them.
9Askal o Hatah bolda pe thaj mothodas e Jestiraće sa so phendas o Mordehaj. 10A e Jestira pale godova zapovedisarda lešće te phenel e Mordehaješće: 11“Sa e carošće službenikurja thaj e manuša andar e carošće pokrajine džanen kaj bilo savo manuš ili manušnji save avilesas anglo caro ande dvorsko avlija, a naj akharde leste važil samo jek zakon pale godova: te avel mudardo, osim ako o caro či inzarel o sunakuno žezlo thaj poštedil lesko trajo. A me već trijanda đes naj semas akhardi te džav ko caro.”
12Kana e Mordehaješće phendine so phendas e Jestira, 13vo agajda poručisarda laće: “Na gndi zato kaj san ande carošći palata kaj jedino tu katar sa e Židovurja spasija tut. 14Kaj ako akana inćares ćo muj phandado, o pomoć thaj o izbavljenje e Židovenđe avela katar aver rig, ali tu thaj ćiri familija propadnina. Thaj ko džanel, šaj te tu postanisardan carica baš pale situacija sago kaj si akaja.”
15Askal e Jestira poručisardas Mordehaješće: 16“Dža thaj ćide sa e Židoven save si ande Suza thaj postin pale mande. Na han thaj na pen trin đes, ni đeseja ni raćava. Gajda postiva vi me thaj mungre sluškinje. Askal džava ko caro, vi ako si godova protivno e zakonešće, pa ako avav mudardi, neka avav mudardi.”
17Thaj o Mordehaj đelo thaj ćerda sa so e Jestira zapovedisardas lešće.
ទើបបានជ្រើសរើសហើយ៖
Jestira 4: RČB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល