Jestira 5
5
E Jestira akharel e Kserkso thaj Hamane pe gozba
1Trito đes e Jestira lija pe peste pire carske haljine thaj ačhili ande carošći avlija po dvoro, angle carošći dvorana. A o caro bešelas pe piro carsko prestolje ande dvorana, boldino prema o ulaz. 2Kana dikhla e carica Jestira sar ačhel ande avlija, voj arakhlas milost ande lešće jakha. O caro inzardas prema late o sunakuno žezlo savo sas lešće ando vas, voj avili paše thaj dotaknisarda o vrho e žezlosko.
3Askal o caro phučla lat: “So si carice Jestiro? Sošći želja si tut? Te si vi opaš mungro carstvo, dela pe tuće.”
4E Jestira phendas: “Ako si e carošće pe volja, neka o caro avel e Hamanosa ađes pe gozba savi pripremisardem pala leste.”
5O caro phendas: “Phenen e Hamanošće te siđarel thaj te ćerel godova so e Jestira rodel.”
Gajda vi o caro thaj vi o Haman avile pe gozba savi e Jestira pripremisardas.
6Dok pijenas mol, o caro phučla e Jestira: “Dakle, so si ćiri molba? Avela tuće uslišime. Thaj so si ćiri želja? Te si vi opaš mungro carstvo, dela pe tuće.”
7E Jestira phendas e carošće: “Akaja si mungri molba thaj mungri želja: 8Ako arakhlem milost ande carošće jakha thaj ako si e carošće pe volja te uslišil mungri molba thaj pherel mungri želja, neka o caro thaj o Haman vi thejara aven pe gozba savi pripremiva pala lende. Askal phenava e carošće so rodav lestar.”
E Hamanošći zavera protiv o Mordehaj
9Godova đes o Haman inkljisto bahtalo thaj lačhe voljava. Ali kana pe carošći kapija dikhla e Mordehajes savo či uštilo angle leste thaj či daralas lestar, delas vras e holjatar. 10O Haman ipak inćarda pe te na ćerel khanči thaj đelotar ćhere. Bičhaldas pale pire drugarja thaj pale piri romnji Zereš. 11Askal angle lende hvalilas pe pire bare barvalipeja, pire bute čhavenca thaj sa sova o caro sikadas lešće čast thaj sar uzvisisarda les pe sa aver poglavarja thaj pe carošće službenikurja.
12O Haman još phendas: “Thaj gadava još naj sa. E carica Jestira jedino man akharda te avav e carova pe gozba savi voj pripremisardas. A vi thejara sem e carova akhardo late. 13Ali khanči katar godova naj manđe zadovoljstvo sa dok dikhav okole Židovo e Mordehajes sar bešel ke carošći kapija.”
14Lešći romnji e Zereš thaj sa lešće drugarja phendine lešće: “De naredba te vazdel pe o vešalo, vučo biš thaj pandž meterja, thaj ande detharin rode katar o caro te pe vešala unglaven e Mordehajes. Posle godova dža e carova pe gozba thaj av bahtalo.”
E Hamanošće sviđosajlo so phendine lešće, pa dija naredba te vazdel pe o vešalo.
ទើបបានជ្រើសរើសហើយ៖
Jestira 5: RČB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល