Jestira 3
3
O Haman ćerel zavera te mudarel sa e Židoven
1Posle akava so sas, o caro Kserks sikada čast e Hamanošće, e Hamedatinešće čhavešće, savo sas Agagovco. Čhuta les po majbaro položaj maškar sa aver pire poglavarja. 2Sa e carošće službenikurja save sas pe carošći kapija perenas pe koča thaj klanjinas pe e Hamanošće, kaj o caro gajda zapovedisardas pala leste. Ali o Mordehaj či perelas pe koča niti klanjilas pe lešće.
3Askal e carošće službenikurja save sas pe carošći kapija pučline e Mordehaje: “Sostar či poštuis e carošći zapovest?”
4Thaj gajda mothonas lešće svako đes, ali vo či čholas kan lende. Zato von godova phendine e Hamanošće, te dićen dali vredil e Mordehajesko opravdanje, kaj phendas lenđe kaj si Židovo. 5Kana o Haman dikhla kaj o Mordehaj či perel pe koča thaj či klanjil pe lešće, delas vras e holjinatar. 6Ali, kana ašunda save themešće pripadil o Mordehaj, sas lešće cara te mudarel samo e Mordehaje, pa lija te rodel način sar te mudarel sa e Židoven ando sasto Kserksosko carstvo. 7Ando dešudujto brš sar vladilas o caro Kserks, ando prvo čhon Nisan, čhudine anglo Haman o pur, so si kocka, te odredin o đes thaj o čhon kana mudarena e Židoven. E kocka peli po dešutrito đes ando dešudujto čhon Adar.
8Askal o Haman phendas e carošće e Kserksošće: “Si jek them savo si raselime thaj raštrkome maškar e thema ande sa e pokrajine ando ćiro carstvo. Godole themešće običajurja razlikuin pe katar e običaja sa avre themenđe, thaj von či pokorin pe e carošće zakonenđe. Zato naj lačhe palo caro te mućel godole theme po miro. 9Ako si e carošće pe volja, neka del zapovest te godova them avel uništime, a me anava trin šela thaj štarvardeš tone rup ande carošći riznica pale okola save godova izvršina.”
10Gajda o caro fuljarda piri pečatno angrušći thaj dija e Hamanošće, e Židovenđe dušmanošće, 11thaj phendas lešće: “Inćar godova rup pale tute thaj ćer godole themeja so kames.”
12Dešutrito đes prvo čhon, o Haman akharda e carošće pisaren. Ćerdine proglas thaj ramosardine les pe lila thaj čhibja svakone themesko. Bičhaldine o proglas sa e vojne zapovednikonenđe, e pokrajinske upraviteljenđe, e različite poglavarenđe ande Kserksosko carstvo. E proglasurja sas ramome ando alav e carosko e Kserksosko thaj zapečatime e carošće pečateja. 13E lila bičhaldine prekal e glasnikurja ande sa e carošće pokrajine te istrebin, te mudaren thaj te uništin sa e Židoven, katar e terne dži ke purane, čhavren thaj romnjen, ande jek đes, godova si dešutrito đes ando dešudujto čhon Adar, thaj te lel lenđi imovina. 14O prepis katar o proglas trubuja te bičhalel pe ande svako pokrajina. E zapoved trubuja te objavil pe ke sa e thema ando carstvo, sar svako avilosas spremno pale godova đes.
15E glasnikurja ando siđaripe teljardine pe sa e riga ando carstvo, a godova proglas sas žurno objavime vi ande palata ande Suza. Pale godova o caro thaj o Haman bešline te pijen, a ando gav Suza sas bari pometnja.
ទើបបានជ្រើសរើសហើយ៖
Jestira 3: RČB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល