1. Mojsije 23
23
E Sarako meripe
1I Sara sasa džuvdi šelubištefta (127) berš. 2Voj muli ano Kirjat-Arba, gova si o Hevron, ani phuv i Hanaansko. O Avraam đelo te žalil e Sara thaj te rovol la.
3Tegani uštilo o Avraam tari pi muli romni thaj phenda e Hetiturenđe: 4“Me sem abandžija thaj manuš savo avilo te bešol maškare tumende. Bićinen manđe nesavo than bašo limori me familijaće, te šaj te prahov me romnja odori.”
5E Hetitura phende e Avraamese: 6“Šun amen, gospodarona. Tu san amenđe sar poglavari e Devleso. Praho će romnja ane amaro emlačho limori. Khoni amendar ni ka phandol piro limori te praho će romnja.”
7Tegani o Avraam uštilo, pelo ke koča angle manuša tari goja phuv, angle Hetitura, 8thaj phenda: “Ako manđen te den man akate te prahov me romnja, tegani šunen man thaj molin baše mande e Efrone, e Coharese čhave, 9te bićinol manđe i pećina ani Mahpela, savi preperol lese thaj si ko krajo ane leso polje. Nek bićinol la manđe pali pherdi cena, te avol manđe than bašo prahope me familijaće maškar tumende.”
10O Efron bešola maškare avera Hetitura thaj vaćarda e Avraamese angle sa e Hetitura, save avile angli kapija lese forosi: 11“Na, gospodarona. Šun tu man! Me dav tut gova polje thaj i pećina savi si pe leste. Dav tut gova angle manuša save si akana kate. Praho će mule romnja odori.”
12O Avraam palem pelo ke koča angle manuša tari goja phuv, 13thaj phenda e Efronese angle sa e manuša: “Moliv tut, šun man. Ka poćinav tuće pherdi cena baše gova polje. Le mandar kava so dav tut, te šaj odori te prahov me mule romnja.”
14O Efron vaćarda e Avraamese: 15“Šun man, gospodarona. Goja phuv si vredno štaršel (400) srebrnjakura, a gova naj but ni manđe ni tuće. Praho gothe će mule romnja.”
16O Avraam šunda e Efrone thaj dija le gaći kobor vov phenda angle avera Hetitura: štaršel (400) srebrnjakura, pali standardno mera e trgovcurenđi.
17Gija e Efroneso polje ani Mahpela pašo Mamre – o polje thaj i pećina savi si pe leste thaj sa e kašta ke lesi međa – 18postanisade e Avraamese angle sa e Hetitura save avile angli forosi kapija. 19Pale gova prahosada o Avraam pe romnja e Sara ani pećina ko polje ani Mahpela paši Mamrija, gova si o Hevron, ani phuv i Hanaansko.
20Gija, gova polje thaj i pećina pe leste save sesa e Hetiturenđi, postanisade e Avraamese sar than bašo prahope lese familijaće.
ទើបបានជ្រើសរើសហើយ៖
1. Mojsije 23: GSP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល