လူၤကၣ် 10
10
အပျဲၢ်အဘီၣ်သါသိးတၡံကၠံၢ်ပွဲၤ
1မဲၤဝှါ ဘၱာ်စဲာ်ရိၤလှဲးကဲၤပၠၤလဝ့ၤ သါသိးတၡံကၠံၢ်ပွဲၤ ကၱာ် သဓဳလ့ၤကဲၤစဲာ်ကၠံၢ်ပွဲတဖဳး, ကၠံၢ်ပွဲၤတဖဳး, ဒဳအူးကၱာ်ဒဳထဲၢ်စသးမီ လ့ၤ ကဲၤတစီာ်နဳၤ. 2ကၱာ်ဒီစဒီၣ်ကဲၤလၢ်ဝၤတစီာ်, “ဘူၣ်အမီၤ ကဲာ် အီၣ်အဲးအီၣ်စရးဒဳး, ပရၤဆါတဲၤမဲၤဖဳးအီၣ် တကၱာ်ဖဳးကဲၤ. မဲၤကနဳၤဒဳၣ် သဘဲ တၤထာ်ပီၢ် ဟူၣ်ကျဲဘၱာ်စဲာ် အကသဓဳလ့ၤတဲၤမဲၤဖဳး တစီာ်ဒဳ စဟူၣ်ကျဲပူၤနဳၤ” စဒီၣ်ကဲၤလၢ်ဝၤတစီာ်ဓဳၤ. 3“လ့ၤပီၢ်. ယသဓဳ လ့ၤသံ အစာ်ဘိသဳဖဳးတစီာ်ဒဳ ထွံၣ်မံၤအကျဲနဳၤ. 4ဟဲးအံာ်ပီၢ် မဲး ဝှိဘီာ် ထဲဘီာ်ကၱာ်လှူသကံမဲး, ဟဲးကီးအံာ်မဲးခၣ်တကီၤမဲး, ကၱာ်နှူဆဲးမဲး ပၠၤဒဳကျဲးခဳးကျဲးလီၤတပွဲမဲး. 5သံကထာ်ပၠၤအရှံၣ်ဒဳၣ်, ဒီၣ်အူဆူး ပီၢ် ‘တဲၤမီၤတဲၤမၤ ကဘဲာ်ဒီဧဲၤရှံၣ်အယဳၤတဝၤယဳၤ.’ 6ဘ့ာ်မ့အဘဲာ်လီၢ်တဲၤမီၤတဲၤမၤကအီၣ်မၤဘ့နဳၤဒဳၣ်, သံတဲၤမီၤတဲၤမၤကလၤဘဲာ် ကီစဲာ်. တမၱာ်နီးဒဳၣ်, အကက့ၤထၱးဒီဧဲၤသံ. 7သံကအီၣ်နံၤ ရှံၣ် တဝၤအပူၤဒဳၣ်, အီၣ်ပီၢ်ဒဳနဳၤလီၤ. အၣ်အီပီၢ်ကယါအအီၣ်နံၤစဲာ်အသရ့နဳၤ. မၤနဲၢ်ဒဳၣ်, တဲၤမဲၤဖဳး တပွဲၤမီၤတးနံၤစဆိးစလှဲ. 8ထာ်တရှံၣ် လၤတ့ၢ်တရှံၣ်, မဲၤပီၢ်မဲးဓဳၤမဲး. သံကလ့ၤ နံၢ်အူး တအူးအူးအပူၤ ဒဳၣ်, ဘ့ာ်မ့ပၠၤကယဳၤကကဲာ်သံနဳၤ, အၣ်ပီၢ်ကယါ ပၠၤတြၤလၤဘဲလါသံ လှီမီၢ်တစီာ်နဳၤ. 9ကၱာ်မဲၤမှးက့ၤပီၢ်ပၠၤအရွှံးအဆဲတစီာ်, ဒီၣ်စဲာ်, ‘ကဘၱာ်စဲာ်အထံအက့ၤဓဳၤဘိးထၱးထဳသံ’ ဒီၣ်ပီၢ်စဲာ်ဓဳၤ. 10ပရၤ ဆါ, ဘ့သံဓဳၤနံၢ်အူး တအူးအူးအပူၤ, ပၠၤကတယဳၤတကဲာ်သံနီးဒဳၣ်, ဟဲး ထာ်ဝှါကျဲးသအီ အပူၤဒဳၣ်, ဒီၣ်ပီၢ်, 11‘ဟၣ်ဖၱမှူး အယါဝဲၢ်ကျဳၤ ဝၤခၣ်ခီးတစီာ်ယဳၤ, ဝၤပျၤဘါနံၤက့ၤသံ. ပရၤဆါ သၱာ်ဟဲပီၢ်ကဘၱာ်စဲာ် အထံအက့ၤဓဳၤထၱးထဳသံ.’ ဒီၣ်ပီၢ်ပၠၤဓဳၤ. 12ယဒီ ဆးသံအတၱၢ်အမှး, ဘ့မူၤနံၤတနံၤနဳၤ, စဒိၣ်အတဲၤဆဲးညဲ ကဖံကၡဳ ဒဳၣ်ချဳကီတခီ,” စဒီၣ်ကဲၤလၢ်ဝၤတစီာ်ဓဳၤ.
အူးထဲၢ်အတဘူၣ်နီးတစီာ်
(မး ၁၁:၂၀-၂၄)
13“တဲၤပၤကလၤဘဲာ်ကီသံပွ့းတဲၢ်လီၤ, ဃရၤစံၣ်အူး. နဲၤမၱာ် မၱာ်, တဲၤပၤကလၤဘဲာ်ကီနဲၤ, ဘ့ၤသစဲဒၤအူး. ဘ့ာ်မ့အစာ်ဘိတဲၤပီၤ တဲၤပၤ အဘဲာ်မဲၤနံၤသံတစီာ် ကဘဲာ်မဲၤနံၤမၤစိၢ်အူး ကၱာ် စံဒိၣ်အူးတစီာ်နဳၤဒဳၣ်, ပၠၤအအီၣ်ဘ့နဳၤတစီာ် ကသီးဝှါစံးဖ့း, ကဆးနါလါအီၣ်ကဲၤဒဳ ဖဲးကျဲ, ပၤယၤ လၤက့ၤအန့ၤအီၣ်ယၱၢ်ထဳ. 14ဘ့တဲၤစံးရး အမူၤ နံၤနဳၤ, စိၢ်အူးကၱာ်စံဒိၣ်အူးအနံၤခံ တဲၤခီၣ် ဝဲၤမှီးဘဲာ်ကအီၣ်ဒဳၣ်ချဳကီ. 15ကၱာ်ဒီနဲၤ, ကပ့း ရနီၣ်အူး, နသးအဲးနံၤတဲၤပဲၢ်ထာ်ယၱၤနဲၤထိဓဳၤ မီၢ်ခဳး လဲၢ်နဳၤဧါ. နကဘဲာ်ထၱးလၤတ့ၢ်နံၢ်ကီဒဳလရာ်အပူၤ နဳၤ.”
16ယ့ၣ်ရှူးဒီၣ်က့ၤအပျဲၢ်အဘီၣ်တစီာ်, “ကယါပၠၤအဆီးခ့န့း သံလ့ၢ်တစီာ်နဳၤ, စဆီးခ့န့း ယလ့ၢ်, ကၱာ်ကယါပၠၤအပၢ်ဖျီးမံသံတစီာ်နဳၤ, စပၢ်ဖျီး မံယဲၤ, ကၱာ်ပၠၤအပၢ်ဖျီးမံယဲၤတစီာ်နဳၤ, ပၢ်ဖျီမံစဲာ်ထဲၢ် အသဓဳ လ့ၤ ယဲၤတပွဲၤနဳၤလီၤ.”
အပျဲၢ်အဘီၣ်တစီာ်ဓဳၤက့ၤ
17အပျဲၢ်အဘီာ်သါသိးတၡံကၠံၢ်ပွဲၤ ဓဳၤက့ၤတဲၤသးလဳၢ်သး လၤအံာ်အပူၤကၱာ်စဲာ်တစီာ်ဒီၣ်, “ဘၱာ်စဲာ်, ဒဳနမံၤအပူၤနဳၤ, တဲၤၡံးတဲၤနှဲး တစီာ်နှီနူၤ အီၣ်ဘဲာ်ဝၤကါလဲၢ်” စဒီၣ်ကဲၤတစီာ်ဓဳၤ.
18ယ့ၣ်ရှူးဒီၣ်ၡံက့ၤစဲာ်တစီာ်, “ယစာ်ထၱး တပွဲး မဳၤဒဲးလၱး အီၣ်ဒဳမီၢ်ခဳးလၤတ့ၢ် တပွဲးအစာ်ဘိ လှါကဳၤလၱၤနဳၤ. 19စာ်ပီၢ်, ယအံာ်ထဳသံအဖျူ အသရ့ာ် အကယၢ်လၤဝူၤသဲထဲးကၱာ်လဳၤဓ့ၤအခဳး, ကၱာ် တၤတမံကတမဲၤဘဲာ်ဒိကဲာ်ထာ်သံနီး. 20ပရၤဆါသးကနၢ် အံာ် မဲးဒဳတဲၤရှံးတဲၤနှဲးဆီးခ့န့းသံ အခဳးအစဲမဲး, သးကနၢ်အံာ်ပီၢ်ဒဳသံတစီာ်အမံၤဘဲာ် ဝှ့းလၤထဳဒဳမီၢ်ခဳးနဳၤတခီ” စဒီၣ်ကဲၤလၢ်ဝၤတစီာ်ဓဳၤ.
ယ့ၣ်ရှူးသးကနၢ်အံာ်
(မး ၁၁:၂၅-၂၇, ၁၃:၁၆-၁၇)
21ဘ့နဳၤအခၠၱးအနၣ်ရၱၣ်နဳၤ, ယ့ၣ်ရှူးသး ကနၢ်အံာ်ကဲၤဒဳသး စါထံအပူၤကၱာ်စဒီၣ်, “ယထါထာ် အံာ်နဲၤ, အဳအပာ်, မီၢ်ခဳးကၱာ်လၢ်ခဳးအဘၱာ်စဲာ်, နလဲၢ် ဟူၣ်ကဲၤတဲၤအယဳၤတစီာ်ဒဳ ပၠၤအတဲၤသၱာ်ဟဲ အီၣ် ကၱာ် ပၠၤအဇၤအပျၤတစီာ်အလှီမီၢ်နဳၤ. နဒဲလၱၢ်ကဲၤ အပံၤစဖဳးတစီာ် ယဳၤ. အဘဲာ်ဟဳအပာ်. အယဳၤမၱာ် တဲၤထဲၢ်နသးအဲးနံၤအကဖၱထာ်လီၤ.
22“ယပာ်အံာ်လၤယဲၤတဲၤလဳစါစဲးဒဳယစူးခီးပူၤထဳ. တဲၤဖဳး မၱာ်ပီၢ်ပွဲၤနဳၤ, ပၠၤတသၱာ်ဟဲကဲၤ တပွဲၤနီး, မၱာ်အပာ်လီၤ, ကၱာ်အပာ်မၱာ်ပီၢ် ပွဲၤနဳၤ ပၠၤတသၱာ်ဟဲကဲၤတဗွဲနီး, မၱာ်တဲၤဖဳးလီၤ, ကၱာ်ကယါပၠၤထဲၢ် တဲၤ ဖဳးသးအဲးဒဲလၱၢ်တပွဲၤလီၤ,” စဒီၣ်ကဲၤလၢ်ဝၤဓဳၤ.
23စဒးဘးဝှါစမူၢ်ကါဒဳ အပျဲၢ်အဘီၣ် တစီာ်အီၣ်ဒဳၣ်စဒီၣ်, “ဒဳသံစာ်ထၱးဘဲာ် တဲၤအယဳၤ တစီာ်ယဳၤအခဳးအစဲ, သံဘဲာ်ဟိးဝၱၤ. 24မၤနဲၢ်, ယဒီဆးသံ, ဝံကၱာ် ဆးဖြးအီၣ်အဲပွဲၤသးစာ်ထၱးကဲၤ တဲၤထဲၢ် သံစာ်ထၱးဘဲာ်တစီာ်နဳၤ, ပရၤဆါ စတစာ်ထၱးဘဲာ်နီး, စဲာ်တစီာ်သးဆီးခ့န့း တပွဲး တဲၤထဲၢ်သံသၱာ်ဟဲဘဲာ်တစီာ်နဳၤ, ပရၤဆါ တဆီးခ့န့းဘဲာ်နီး” စဒီ ဆးလၢ်ဝၤတစီာ်ဓဳၤ.
ၡၤမရံဖဳးအအဲးတပွဲၤ
25ကၱာ်ဘ့နဳၤ, စာ်ပီၢ်, အဝှ့းစဲာ် တပွဲၤဝဲၢ်ထဳး ကၱာ်ဒဳတဲၤခ့းသး အပူၤ, ဒီၣ်ကဲၤ, “ဆရၣ်, စာ်ဘိထဲၢ်ယကနံၤဘဲာ်တဲၤသမိလၤထူလၤပျဳၤ နဳၤ ယကမဲၤဘဲာ်တၤနဲၢ်” စဒဲစာ်လၢ်ဝၤဓဳၤ.
26ယ့ၣ်ရှူးဒီၣ်က့ၤစဲာ်, “ဒဳတဲၤမှဲးလၤအစဲာ် အပူၤအဝှ့းလၤ ကဲၤစာ်တဲၢ်, နဖးဘဲာ်ကဲၤစာ်တဲၢ်” စဒဲကဲၤလၢ်ဝၤဓဳၤ.
27စဒီၣ်ၡံက့ၤလၢ်ဝၤ, “‘နကဘဲာ်လီၢ်ဘဲာ် နဘၱာ်စဲာ်တဲၤအဓဳၤ လဳသဳးလဳၢ်သး, လဳနသးသဒဲမဲ, လဳၢ်ခဳးလဳၢ်အါကၱာ်လဳနတဲၤသၱာ်ဒိးသၱာ်ဟဲ’ ကၱာ် ‘ဘဲာ်လီၢ်ဘဲာ်ပၠၤနစခဳးဇၤဝၤပစာ်ဘိနဘဲာ်လီၢ်လၤ က့ၤနန့ၤနဳၤ,’” စဒီၣ်ကဲၤလၢ်ဝၤဓဳၤ.
28ကၱာ်ဒီယ့ၣ်ရှူးဒီၣ်ကဲၤစဲာ်, “နဒီၣ်ၡံကဲၤ တဲၤအဘဲာ်ဟဳ, မဲၤ ပီၢ်ကယဳၤကၱာ် နကနံၤဘဲာ်ကီ တဲၤအီၣ်သမိ” စဒီၣ်ကဲၤလၢ်ဝၤဓဳၤ.
29ပရၤဆါစသးအဲးဒဲလၱၢ်ထာ်စတဲၤအီၣ် တၱၢ်အီၣ်မှးဒဳၣ်, စဒီၣ်ကဲၤယ့ၣ်ရှူး, “ပၠၤယဇဳၤခဳးဇၤဝၤ မၱာ်ဒီ ပီၢ်ပွဲၤ” စဒဲကဲၤလၢ်ဝၤဓဳၤ.
30ယ့ၣ်ရှူးဒီၣ်ၡံက့ၤစဲာ်, “ပၠၤတပွဲၤအီၣ်ဒဳ ယရူၤၡလ့ၣ်အူး ကၱာ်လ့ၤကဲၤဒဳယရံၤဃိအူးနဳၤ, ကၱာ် စထဲးကျဲၢ်နံၤကဲၤတ့ၤဝှ့ဖဳးတပဳၤ, စဲာ် တစီာ်သူဖျူး လၤတ့ၢ်ဝှါစၡံာ်ဒဳနှၱယၢ်, တ့ၤပဳၤဝှါစဲာ်, ဟဲးသူဧူၢ် ကဲၤ စဲာ်, စလဲၢ်ကဲၤလၢ်ဝၤအသံပ့ၤလီၤ. 31ဘ့နဳၤပၠၤလှူၣ်တဲၤအဓဳၤ တပွဲၤ လ့ၤကိာ်ကဲၤကျဲးအနဳၤ တဘီနဳၤ, စကဲာ်ထၱးနီၣ်သီလၢ်ဝၤ နှီနူၤ, စဟဲးတလိးကဲၤလၢ်ဝၤ. 32ကနဳၤအခီ, ပၠၤလ့ၤဝံဖဳး တပွဲၤဓဳၤဘိးထၱးအလ့ၤဒဳနဳၤ, စစာ်ထၱးလၢ်ဝၤဒဳၣ် စဟဲး တလိးတပွဲးလၢ်ဝၤဝၤ. 33ပရၤဆါဘ့ပၠၤၡၤရံဖဳး တပွဲၤဟဲးကိာ်ကျဲး, စစးထၱးလၢ်ဝၤဒဳၣ်, စခီၣ်ဝဲၤဇၱၢ် လၢ်ဝၤတခီ. 34စလ့ၤထၱးလၢ်ဝၤကၱာ်ဘီာ်ဘံာ် ဘီာ်ကၢ်စပူၤလ့ၤပူၤ ကျ့း, စလှီးလၤၡံးကၱာ် သဳာ်ပၡံး ထံအခဳး. စဘဲထာ်လၢ်ဝၤစသရၱာ်အခဳး, လ့ၤအံာ်စဲာ်ဒဳ ပၠၤရှံၣ်ဇရၢ်အပူၤကၱာ် စာ်အံာ်ခွဲးအံာ်ကဲၤစဲာ်. 35အလ့ၤကါတနံၤ စဖၱးဝှါဝှိဟၱးကၠံၢ်ဘ့ာ်ဒဳၣ် စအံာ်ဝှါ ရှံၣ်ဇၤရၢ်အဘၱာ်စဲာ် ကၱာ်စဒီၣ်, ‘စာ်အံာ်ခွဲးအံာ်ပီၢ်စဲး, ကၱာ်ကယါနလဳၢ်လၤကဲၤစနံၤခံတစီာ်အစဲနဳၤ, ဘ့ ယကက့ၤဘးအခၠၱးနဳၤ ယအံာ်က့ၤလဳဒီဧဲၤနဲၤ’ စဒီၣ် လၢ်ဝၤ ဓဳၤ.”
36ယ့ၣ်ရှူးမဲၤကူဓူၤက့ၤအတဲၤယၱၢ်ဘဲာ်, စဒီၣ်, “ဒဳပၠၤသဳပွဲၤ ယဳၤအကျဲ, ပၠၤထဲၢ်တ့ၤဝှ့ဖဳးတ့ၤပဳၤ တပွဲၤ အပွဲၤဇဳၤခဳးဇၤဝၤ ကမၱာ်ဘဲာ်နဲၤ ဒီၣ်လဲၢ်တပွဲၤ ပွဲၤ.”
37ပၠၤအဝှ့းစဲာ် ဒီၣ်ၡံက့ၤစဲာ်, “မၱာ်ပၠၤထဲၢ်အအဲးစခဳးတပွဲၤနဳၤ” စဒီၣ်ၡံက့ၤလၢ်ဝၤဓဳၤ.
ယ့ၣ်ရှူးဒီၣ်ကဲၤစဲာ်, “လ့ၤဒဳၣ်, မဲၤပီၢ်အစာ်ဘိကနဳၤ.”
ယ့ၣ်ရှူးလ့ၤထၱးနီၢ်မၢ်သၤကၱာ်နီၢ်မၤရၱ
38ဘ့ယ့ၣ်ရှူးကၱာ်စပျဲၢ်စဘီၣ်တစီာ် လ့ၤစကျဲးဒဳ အလှီမီၢ်နဳၤ, စလ့ၤဓဳၤဒဳ ဒဳတဒဳးဆီ, ထဲၢ်အမံၤမှူးအမံၤ မၱာ်နီၢ်မၢ်သၤတပွဲၤနဳၤ, အီၣ်ၡံစကျဲး, ယဳၤစဲာ်ဒဳစရှံၣ်ပူၤနဳၤ. 39စသဲပူၤဝ့ၤအမံၤမှူးအီၣ်တပွဲၤ, ထဲၢ် အမံၤမၱာ် နီၢ်မၤရၱ, ဆးနါလါအီၣ်ဒဳဘၱာ်စဲာ်အခၣ်ထၱးကၱာ် ဆီးခ့န့း စတဲၤ သိၣ်လၤသီလၤ. 40နီၢ်မၢ်သၤနဳၤ စသးတမီၤနီး ဒဳစမဲၤဘဲာ်တဲၤ လဳစါစဲးအခဳးအစဲနဳၤ, ဒဳၣ် စလ့ၤထၱးလၢ်ဝၤ, စဒီၣ်, “ဘၱာ်စဲာ်, ယပၱးကီနှး ယမဲၤ ဓီတဲၤမဲၤလဳစါစဲးနဳၤ, နတလဲၢ်ကဲၤတၤတမံနီးဧါ. ဒီၣ်ပီၢ်စဲာ်ကလ့ၤ မဲၤဇဳၤယဲၤတကၱာ်” စဒီၣ်ကဲၤလၢ်ဝၤဓဳၤ.
41ဘၱာ်စဲာ်ယ့ၣ်ရှူးဒီၣ်ၡံစဲာ်, “နီၢ်မၢ်သၤ, နီၢ်မၢ်သၤ, နဘဲာ်ၡဳ ကၱာ်ကဳၤအံာ်ကဲၢ်အံာ်ဒဳ တဲၤအီၣ် အဲမံၤအခဳးအစဲလီၤ. 42ပရၤဆါ နနံၤခံ အလဳၤပၤဝ့ၤတမံၤဗ့. နီၢ်မၤရၱနဳၤ စရိၤ ကဲၤတဲၤအဘဲာ်, ကၱာ်ပၠၤတဖၱးသံဝံၢ်ကဲဇၤစဲာ်တဗွဲနီး.”
ទើបបានជ្រើសរើសហើយ៖
လူၤကၣ် 10: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 10
10
အပျဲၢ်အဘီၣ်သါသိးတၡံကၠံၢ်ပွဲၤ
1မဲၤဝှါ ဘၱာ်စဲာ်ရိၤလှဲးကဲၤပၠၤလဝ့ၤ သါသိးတၡံကၠံၢ်ပွဲၤ ကၱာ် သဓဳလ့ၤကဲၤစဲာ်ကၠံၢ်ပွဲတဖဳး, ကၠံၢ်ပွဲၤတဖဳး, ဒဳအူးကၱာ်ဒဳထဲၢ်စသးမီ လ့ၤ ကဲၤတစီာ်နဳၤ. 2ကၱာ်ဒီစဒီၣ်ကဲၤလၢ်ဝၤတစီာ်, “ဘူၣ်အမီၤ ကဲာ် အီၣ်အဲးအီၣ်စရးဒဳး, ပရၤဆါတဲၤမဲၤဖဳးအီၣ် တကၱာ်ဖဳးကဲၤ. မဲၤကနဳၤဒဳၣ် သဘဲ တၤထာ်ပီၢ် ဟူၣ်ကျဲဘၱာ်စဲာ် အကသဓဳလ့ၤတဲၤမဲၤဖဳး တစီာ်ဒဳ စဟူၣ်ကျဲပူၤနဳၤ” စဒီၣ်ကဲၤလၢ်ဝၤတစီာ်ဓဳၤ. 3“လ့ၤပီၢ်. ယသဓဳ လ့ၤသံ အစာ်ဘိသဳဖဳးတစီာ်ဒဳ ထွံၣ်မံၤအကျဲနဳၤ. 4ဟဲးအံာ်ပီၢ် မဲး ဝှိဘီာ် ထဲဘီာ်ကၱာ်လှူသကံမဲး, ဟဲးကီးအံာ်မဲးခၣ်တကီၤမဲး, ကၱာ်နှူဆဲးမဲး ပၠၤဒဳကျဲးခဳးကျဲးလီၤတပွဲမဲး. 5သံကထာ်ပၠၤအရှံၣ်ဒဳၣ်, ဒီၣ်အူဆူး ပီၢ် ‘တဲၤမီၤတဲၤမၤ ကဘဲာ်ဒီဧဲၤရှံၣ်အယဳၤတဝၤယဳၤ.’ 6ဘ့ာ်မ့အဘဲာ်လီၢ်တဲၤမီၤတဲၤမၤကအီၣ်မၤဘ့နဳၤဒဳၣ်, သံတဲၤမီၤတဲၤမၤကလၤဘဲာ် ကီစဲာ်. တမၱာ်နီးဒဳၣ်, အကက့ၤထၱးဒီဧဲၤသံ. 7သံကအီၣ်နံၤ ရှံၣ် တဝၤအပူၤဒဳၣ်, အီၣ်ပီၢ်ဒဳနဳၤလီၤ. အၣ်အီပီၢ်ကယါအအီၣ်နံၤစဲာ်အသရ့နဳၤ. မၤနဲၢ်ဒဳၣ်, တဲၤမဲၤဖဳး တပွဲၤမီၤတးနံၤစဆိးစလှဲ. 8ထာ်တရှံၣ် လၤတ့ၢ်တရှံၣ်, မဲၤပီၢ်မဲးဓဳၤမဲး. သံကလ့ၤ နံၢ်အူး တအူးအူးအပူၤ ဒဳၣ်, ဘ့ာ်မ့ပၠၤကယဳၤကကဲာ်သံနဳၤ, အၣ်ပီၢ်ကယါ ပၠၤတြၤလၤဘဲလါသံ လှီမီၢ်တစီာ်နဳၤ. 9ကၱာ်မဲၤမှးက့ၤပီၢ်ပၠၤအရွှံးအဆဲတစီာ်, ဒီၣ်စဲာ်, ‘ကဘၱာ်စဲာ်အထံအက့ၤဓဳၤဘိးထၱးထဳသံ’ ဒီၣ်ပီၢ်စဲာ်ဓဳၤ. 10ပရၤ ဆါ, ဘ့သံဓဳၤနံၢ်အူး တအူးအူးအပူၤ, ပၠၤကတယဳၤတကဲာ်သံနီးဒဳၣ်, ဟဲး ထာ်ဝှါကျဲးသအီ အပူၤဒဳၣ်, ဒီၣ်ပီၢ်, 11‘ဟၣ်ဖၱမှူး အယါဝဲၢ်ကျဳၤ ဝၤခၣ်ခီးတစီာ်ယဳၤ, ဝၤပျၤဘါနံၤက့ၤသံ. ပရၤဆါ သၱာ်ဟဲပီၢ်ကဘၱာ်စဲာ် အထံအက့ၤဓဳၤထၱးထဳသံ.’ ဒီၣ်ပီၢ်ပၠၤဓဳၤ. 12ယဒီ ဆးသံအတၱၢ်အမှး, ဘ့မူၤနံၤတနံၤနဳၤ, စဒိၣ်အတဲၤဆဲးညဲ ကဖံကၡဳ ဒဳၣ်ချဳကီတခီ,” စဒီၣ်ကဲၤလၢ်ဝၤတစီာ်ဓဳၤ.
အူးထဲၢ်အတဘူၣ်နီးတစီာ်
(မး ၁၁:၂၀-၂၄)
13“တဲၤပၤကလၤဘဲာ်ကီသံပွ့းတဲၢ်လီၤ, ဃရၤစံၣ်အူး. နဲၤမၱာ် မၱာ်, တဲၤပၤကလၤဘဲာ်ကီနဲၤ, ဘ့ၤသစဲဒၤအူး. ဘ့ာ်မ့အစာ်ဘိတဲၤပီၤ တဲၤပၤ အဘဲာ်မဲၤနံၤသံတစီာ် ကဘဲာ်မဲၤနံၤမၤစိၢ်အူး ကၱာ် စံဒိၣ်အူးတစီာ်နဳၤဒဳၣ်, ပၠၤအအီၣ်ဘ့နဳၤတစီာ် ကသီးဝှါစံးဖ့း, ကဆးနါလါအီၣ်ကဲၤဒဳ ဖဲးကျဲ, ပၤယၤ လၤက့ၤအန့ၤအီၣ်ယၱၢ်ထဳ. 14ဘ့တဲၤစံးရး အမူၤ နံၤနဳၤ, စိၢ်အူးကၱာ်စံဒိၣ်အူးအနံၤခံ တဲၤခီၣ် ဝဲၤမှီးဘဲာ်ကအီၣ်ဒဳၣ်ချဳကီ. 15ကၱာ်ဒီနဲၤ, ကပ့း ရနီၣ်အူး, နသးအဲးနံၤတဲၤပဲၢ်ထာ်ယၱၤနဲၤထိဓဳၤ မီၢ်ခဳး လဲၢ်နဳၤဧါ. နကဘဲာ်ထၱးလၤတ့ၢ်နံၢ်ကီဒဳလရာ်အပူၤ နဳၤ.”
16ယ့ၣ်ရှူးဒီၣ်က့ၤအပျဲၢ်အဘီၣ်တစီာ်, “ကယါပၠၤအဆီးခ့န့း သံလ့ၢ်တစီာ်နဳၤ, စဆီးခ့န့း ယလ့ၢ်, ကၱာ်ကယါပၠၤအပၢ်ဖျီးမံသံတစီာ်နဳၤ, စပၢ်ဖျီး မံယဲၤ, ကၱာ်ပၠၤအပၢ်ဖျီးမံယဲၤတစီာ်နဳၤ, ပၢ်ဖျီမံစဲာ်ထဲၢ် အသဓဳ လ့ၤ ယဲၤတပွဲၤနဳၤလီၤ.”
အပျဲၢ်အဘီၣ်တစီာ်ဓဳၤက့ၤ
17အပျဲၢ်အဘီာ်သါသိးတၡံကၠံၢ်ပွဲၤ ဓဳၤက့ၤတဲၤသးလဳၢ်သး လၤအံာ်အပူၤကၱာ်စဲာ်တစီာ်ဒီၣ်, “ဘၱာ်စဲာ်, ဒဳနမံၤအပူၤနဳၤ, တဲၤၡံးတဲၤနှဲး တစီာ်နှီနူၤ အီၣ်ဘဲာ်ဝၤကါလဲၢ်” စဒီၣ်ကဲၤတစီာ်ဓဳၤ.
18ယ့ၣ်ရှူးဒီၣ်ၡံက့ၤစဲာ်တစီာ်, “ယစာ်ထၱး တပွဲး မဳၤဒဲးလၱး အီၣ်ဒဳမီၢ်ခဳးလၤတ့ၢ် တပွဲးအစာ်ဘိ လှါကဳၤလၱၤနဳၤ. 19စာ်ပီၢ်, ယအံာ်ထဳသံအဖျူ အသရ့ာ် အကယၢ်လၤဝူၤသဲထဲးကၱာ်လဳၤဓ့ၤအခဳး, ကၱာ် တၤတမံကတမဲၤဘဲာ်ဒိကဲာ်ထာ်သံနီး. 20ပရၤဆါသးကနၢ် အံာ် မဲးဒဳတဲၤရှံးတဲၤနှဲးဆီးခ့န့းသံ အခဳးအစဲမဲး, သးကနၢ်အံာ်ပီၢ်ဒဳသံတစီာ်အမံၤဘဲာ် ဝှ့းလၤထဳဒဳမီၢ်ခဳးနဳၤတခီ” စဒီၣ်ကဲၤလၢ်ဝၤတစီာ်ဓဳၤ.
ယ့ၣ်ရှူးသးကနၢ်အံာ်
(မး ၁၁:၂၅-၂၇, ၁၃:၁၆-၁၇)
21ဘ့နဳၤအခၠၱးအနၣ်ရၱၣ်နဳၤ, ယ့ၣ်ရှူးသး ကနၢ်အံာ်ကဲၤဒဳသး စါထံအပူၤကၱာ်စဒီၣ်, “ယထါထာ် အံာ်နဲၤ, အဳအပာ်, မီၢ်ခဳးကၱာ်လၢ်ခဳးအဘၱာ်စဲာ်, နလဲၢ် ဟူၣ်ကဲၤတဲၤအယဳၤတစီာ်ဒဳ ပၠၤအတဲၤသၱာ်ဟဲ အီၣ် ကၱာ် ပၠၤအဇၤအပျၤတစီာ်အလှီမီၢ်နဳၤ. နဒဲလၱၢ်ကဲၤ အပံၤစဖဳးတစီာ် ယဳၤ. အဘဲာ်ဟဳအပာ်. အယဳၤမၱာ် တဲၤထဲၢ်နသးအဲးနံၤအကဖၱထာ်လီၤ.
22“ယပာ်အံာ်လၤယဲၤတဲၤလဳစါစဲးဒဳယစူးခီးပူၤထဳ. တဲၤဖဳး မၱာ်ပီၢ်ပွဲၤနဳၤ, ပၠၤတသၱာ်ဟဲကဲၤ တပွဲၤနီး, မၱာ်အပာ်လီၤ, ကၱာ်အပာ်မၱာ်ပီၢ် ပွဲၤနဳၤ ပၠၤတသၱာ်ဟဲကဲၤတဗွဲနီး, မၱာ်တဲၤဖဳးလီၤ, ကၱာ်ကယါပၠၤထဲၢ် တဲၤ ဖဳးသးအဲးဒဲလၱၢ်တပွဲၤလီၤ,” စဒီၣ်ကဲၤလၢ်ဝၤဓဳၤ.
23စဒးဘးဝှါစမူၢ်ကါဒဳ အပျဲၢ်အဘီၣ် တစီာ်အီၣ်ဒဳၣ်စဒီၣ်, “ဒဳသံစာ်ထၱးဘဲာ် တဲၤအယဳၤ တစီာ်ယဳၤအခဳးအစဲ, သံဘဲာ်ဟိးဝၱၤ. 24မၤနဲၢ်, ယဒီဆးသံ, ဝံကၱာ် ဆးဖြးအီၣ်အဲပွဲၤသးစာ်ထၱးကဲၤ တဲၤထဲၢ် သံစာ်ထၱးဘဲာ်တစီာ်နဳၤ, ပရၤဆါ စတစာ်ထၱးဘဲာ်နီး, စဲာ်တစီာ်သးဆီးခ့န့း တပွဲး တဲၤထဲၢ်သံသၱာ်ဟဲဘဲာ်တစီာ်နဳၤ, ပရၤဆါ တဆီးခ့န့းဘဲာ်နီး” စဒီ ဆးလၢ်ဝၤတစီာ်ဓဳၤ.
ၡၤမရံဖဳးအအဲးတပွဲၤ
25ကၱာ်ဘ့နဳၤ, စာ်ပီၢ်, အဝှ့းစဲာ် တပွဲၤဝဲၢ်ထဳး ကၱာ်ဒဳတဲၤခ့းသး အပူၤ, ဒီၣ်ကဲၤ, “ဆရၣ်, စာ်ဘိထဲၢ်ယကနံၤဘဲာ်တဲၤသမိလၤထူလၤပျဳၤ နဳၤ ယကမဲၤဘဲာ်တၤနဲၢ်” စဒဲစာ်လၢ်ဝၤဓဳၤ.
26ယ့ၣ်ရှူးဒီၣ်က့ၤစဲာ်, “ဒဳတဲၤမှဲးလၤအစဲာ် အပူၤအဝှ့းလၤ ကဲၤစာ်တဲၢ်, နဖးဘဲာ်ကဲၤစာ်တဲၢ်” စဒဲကဲၤလၢ်ဝၤဓဳၤ.
27စဒီၣ်ၡံက့ၤလၢ်ဝၤ, “‘နကဘဲာ်လီၢ်ဘဲာ် နဘၱာ်စဲာ်တဲၤအဓဳၤ လဳသဳးလဳၢ်သး, လဳနသးသဒဲမဲ, လဳၢ်ခဳးလဳၢ်အါကၱာ်လဳနတဲၤသၱာ်ဒိးသၱာ်ဟဲ’ ကၱာ် ‘ဘဲာ်လီၢ်ဘဲာ်ပၠၤနစခဳးဇၤဝၤပစာ်ဘိနဘဲာ်လီၢ်လၤ က့ၤနန့ၤနဳၤ,’” စဒီၣ်ကဲၤလၢ်ဝၤဓဳၤ.
28ကၱာ်ဒီယ့ၣ်ရှူးဒီၣ်ကဲၤစဲာ်, “နဒီၣ်ၡံကဲၤ တဲၤအဘဲာ်ဟဳ, မဲၤ ပီၢ်ကယဳၤကၱာ် နကနံၤဘဲာ်ကီ တဲၤအီၣ်သမိ” စဒီၣ်ကဲၤလၢ်ဝၤဓဳၤ.
29ပရၤဆါစသးအဲးဒဲလၱၢ်ထာ်စတဲၤအီၣ် တၱၢ်အီၣ်မှးဒဳၣ်, စဒီၣ်ကဲၤယ့ၣ်ရှူး, “ပၠၤယဇဳၤခဳးဇၤဝၤ မၱာ်ဒီ ပီၢ်ပွဲၤ” စဒဲကဲၤလၢ်ဝၤဓဳၤ.
30ယ့ၣ်ရှူးဒီၣ်ၡံက့ၤစဲာ်, “ပၠၤတပွဲၤအီၣ်ဒဳ ယရူၤၡလ့ၣ်အူး ကၱာ်လ့ၤကဲၤဒဳယရံၤဃိအူးနဳၤ, ကၱာ် စထဲးကျဲၢ်နံၤကဲၤတ့ၤဝှ့ဖဳးတပဳၤ, စဲာ် တစီာ်သူဖျူး လၤတ့ၢ်ဝှါစၡံာ်ဒဳနှၱယၢ်, တ့ၤပဳၤဝှါစဲာ်, ဟဲးသူဧူၢ် ကဲၤ စဲာ်, စလဲၢ်ကဲၤလၢ်ဝၤအသံပ့ၤလီၤ. 31ဘ့နဳၤပၠၤလှူၣ်တဲၤအဓဳၤ တပွဲၤ လ့ၤကိာ်ကဲၤကျဲးအနဳၤ တဘီနဳၤ, စကဲာ်ထၱးနီၣ်သီလၢ်ဝၤ နှီနူၤ, စဟဲးတလိးကဲၤလၢ်ဝၤ. 32ကနဳၤအခီ, ပၠၤလ့ၤဝံဖဳး တပွဲၤဓဳၤဘိးထၱးအလ့ၤဒဳနဳၤ, စစာ်ထၱးလၢ်ဝၤဒဳၣ် စဟဲး တလိးတပွဲးလၢ်ဝၤဝၤ. 33ပရၤဆါဘ့ပၠၤၡၤရံဖဳး တပွဲၤဟဲးကိာ်ကျဲး, စစးထၱးလၢ်ဝၤဒဳၣ်, စခီၣ်ဝဲၤဇၱၢ် လၢ်ဝၤတခီ. 34စလ့ၤထၱးလၢ်ဝၤကၱာ်ဘီာ်ဘံာ် ဘီာ်ကၢ်စပူၤလ့ၤပူၤ ကျ့း, စလှီးလၤၡံးကၱာ် သဳာ်ပၡံး ထံအခဳး. စဘဲထာ်လၢ်ဝၤစသရၱာ်အခဳး, လ့ၤအံာ်စဲာ်ဒဳ ပၠၤရှံၣ်ဇရၢ်အပူၤကၱာ် စာ်အံာ်ခွဲးအံာ်ကဲၤစဲာ်. 35အလ့ၤကါတနံၤ စဖၱးဝှါဝှိဟၱးကၠံၢ်ဘ့ာ်ဒဳၣ် စအံာ်ဝှါ ရှံၣ်ဇၤရၢ်အဘၱာ်စဲာ် ကၱာ်စဒီၣ်, ‘စာ်အံာ်ခွဲးအံာ်ပီၢ်စဲး, ကၱာ်ကယါနလဳၢ်လၤကဲၤစနံၤခံတစီာ်အစဲနဳၤ, ဘ့ ယကက့ၤဘးအခၠၱးနဳၤ ယအံာ်က့ၤလဳဒီဧဲၤနဲၤ’ စဒီၣ် လၢ်ဝၤ ဓဳၤ.”
36ယ့ၣ်ရှူးမဲၤကူဓူၤက့ၤအတဲၤယၱၢ်ဘဲာ်, စဒီၣ်, “ဒဳပၠၤသဳပွဲၤ ယဳၤအကျဲ, ပၠၤထဲၢ်တ့ၤဝှ့ဖဳးတ့ၤပဳၤ တပွဲၤ အပွဲၤဇဳၤခဳးဇၤဝၤ ကမၱာ်ဘဲာ်နဲၤ ဒီၣ်လဲၢ်တပွဲၤ ပွဲၤ.”
37ပၠၤအဝှ့းစဲာ် ဒီၣ်ၡံက့ၤစဲာ်, “မၱာ်ပၠၤထဲၢ်အအဲးစခဳးတပွဲၤနဳၤ” စဒီၣ်ၡံက့ၤလၢ်ဝၤဓဳၤ.
ယ့ၣ်ရှူးဒီၣ်ကဲၤစဲာ်, “လ့ၤဒဳၣ်, မဲၤပီၢ်အစာ်ဘိကနဳၤ.”
ယ့ၣ်ရှူးလ့ၤထၱးနီၢ်မၢ်သၤကၱာ်နီၢ်မၤရၱ
38ဘ့ယ့ၣ်ရှူးကၱာ်စပျဲၢ်စဘီၣ်တစီာ် လ့ၤစကျဲးဒဳ အလှီမီၢ်နဳၤ, စလ့ၤဓဳၤဒဳ ဒဳတဒဳးဆီ, ထဲၢ်အမံၤမှူးအမံၤ မၱာ်နီၢ်မၢ်သၤတပွဲၤနဳၤ, အီၣ်ၡံစကျဲး, ယဳၤစဲာ်ဒဳစရှံၣ်ပူၤနဳၤ. 39စသဲပူၤဝ့ၤအမံၤမှူးအီၣ်တပွဲၤ, ထဲၢ် အမံၤမၱာ် နီၢ်မၤရၱ, ဆးနါလါအီၣ်ဒဳဘၱာ်စဲာ်အခၣ်ထၱးကၱာ် ဆီးခ့န့း စတဲၤ သိၣ်လၤသီလၤ. 40နီၢ်မၢ်သၤနဳၤ စသးတမီၤနီး ဒဳစမဲၤဘဲာ်တဲၤ လဳစါစဲးအခဳးအစဲနဳၤ, ဒဳၣ် စလ့ၤထၱးလၢ်ဝၤ, စဒီၣ်, “ဘၱာ်စဲာ်, ယပၱးကီနှး ယမဲၤ ဓီတဲၤမဲၤလဳစါစဲးနဳၤ, နတလဲၢ်ကဲၤတၤတမံနီးဧါ. ဒီၣ်ပီၢ်စဲာ်ကလ့ၤ မဲၤဇဳၤယဲၤတကၱာ်” စဒီၣ်ကဲၤလၢ်ဝၤဓဳၤ.
41ဘၱာ်စဲာ်ယ့ၣ်ရှူးဒီၣ်ၡံစဲာ်, “နီၢ်မၢ်သၤ, နီၢ်မၢ်သၤ, နဘဲာ်ၡဳ ကၱာ်ကဳၤအံာ်ကဲၢ်အံာ်ဒဳ တဲၤအီၣ် အဲမံၤအခဳးအစဲလီၤ. 42ပရၤဆါ နနံၤခံ အလဳၤပၤဝ့ၤတမံၤဗ့. နီၢ်မၤရၱနဳၤ စရိၤ ကဲၤတဲၤအဘဲာ်, ကၱာ်ပၠၤတဖၱးသံဝံၢ်ကဲဇၤစဲာ်တဗွဲနီး.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.