လူၤကၣ် 9
9
အပျဲၢ်အဘီၣ်တစီာ်အတဲၤဘဲာ်သဓဳ
(မး ၁၀:၅-၁၅, မၢ် ၆:၇-၁၃)
1ယ့ၣ်ရှူးယဳၤလၤတ့ၢ်ပျဳာ် အပျဲၢ်အဘီၣ် ၡံးကၠံၢ်ပွဲၤ, ကၱာ်စအံာ်လၤကဲၤလၢ်ဝၤတစီာ်အဖျူအသရ့ာ်ဒဳတဲၤၡံးတဲၤနှဲးတစီာ်အခဳးကၱာ် အကပြးလှဲ မဲၢ် တဲၤဆဲအမဳအမဳၤအနံၤခံနဳၤ. 2ကၱာ်စသဓဳ လၢ် ဝၤတစီာ်အကလ့ၤဒီၣ်အူဒီဆးကဘၱာ်စဲာ်အထံ အက့ၤအဝၱၤအကဲ, ကၱာ် အကမဲၤမှးက့ၤအရွှံး အဆဲတစီာ်နဳၤ. 3စဒီၣ်ကဲၤလၢ်ဝၤ တစီာ် ကယဳၤ, “ကျဲးခဳးကျဲးလီၤအနံၤခံဟဲးအံာ်ပီၢ်မဲး တဲၤတမံမဲး. ဟဲးအံာ်ပီၢ်မဲး သဘါနှဲးထီးမဲး, ဟူသကံမဲး, တကဳာ်တချံးမဲး, ပံဒဳပံဆးမဲး, ၡံာ်ဒဳအချဳ အချဲးမဲးမဲး. 4သံကထာ်နံၢ်ပီၢ်ပွဲၤ အရှံၣ်ဝှးဝှါ, အီၣ်ဘ့နဳၤကၱာ် ဟဲးထာ်ဖျီးမံပီၢ်မဲး. 5ဘ့ာ်မ့ ပၠၤကတလဲၤခးသံနီးဒဳၣ်, ဟဲးထာ်ဖျီ မံပီၢ်ဒဳအူးအချဳနဳၤအစာ်ဘိ တဲၤခးသဲသၱးအထာ်ဒ့ဒီၣ်စဲာ်တစီာ်နဳၤ.”
6အပျဲၢ်အဘီၣ်တစီာ်ဟဲးထာ်ကၱာ်လ့ၤကဲၤတဒဳးဆီဝှါ တဒဳး ဆီ, ဒီၣ်အူဒီဆး တဲၤသးလဳၢ်သးလၤအံာ်အဝၱၤ အကဲကၱာ်မဲၤမှးက့ၤပၠၤတကွၢ်လဲၢ်နဳၤလီၤ.
စီၤဟ့ၤရိာ်အတဲၤထဲးနံၤဝံနံၤဝၤ
(မး ၁၄:၁-၁၂, မၢ် ၆:၁၄-၂၉)
7ကၤလံၤလါအမၢ်ဓဳၤ, စီၤဟ့ၤရိာ် သၱာ်ဟဲဘဲာ် လဳစါစဲးထဲၢ် ယ့ၣ်ရှူးမဲၤကဲၤတစီာ်နဳၤဒဳၣ်, စထဲးနံၤဝံနံၤဝၤ, မၤနဲၢ်ဒဳၣ်ပၠၤတစီာ်ဒီၣ်, “စီၤ ယိၤဟၣ်ထာ်ပဳၤက့ၤကဲၤတဲၤသံအကျဲ,” စဒီၣ်ဓဳၤ. 8ကၱာ်တစီာ်စီာ် ဒီၣ်မၱာ်, “စီၤအ့ၤလံယၤဒဲလၱၢ်ထာ်ကဲၤအန့ၤ.” အီၣ်ဝ့ၤဒီတစီာ်စီာ်ဒီၣ်မၱာ်, “ဝံတစီာ်စီာ်အကျဲတပွဲၤပွဲၤထာ်ပဳၤက့ၤကဲၤ.” 9ပရၤဆါစီၤဟ့ၤရိာ် ဒီၣ်, “စီၤယိၤဟၣ် နဳၤယပ့ၢ်ထဲဓူၢ်ထဳစကီၢ်, ပရၤဆါယသၱာ်ဟဲဘဲာ်တဲၤ တစီာ်မၱာ်ပီၢ်ပွဲၤအဝၱၤအကဲပွဲၤ” စဒီၣ်ဓဳၤ, ဝှါစသးအဲးစာ်ထၱး ဆိးကဲၤလၢ် ဝၤ.
ယ့ၣ်ရှူးဘဳာ်အၣ်ပၠၤအပွဲၤယဲၢ်ထီး
(မး ၁၄:၁၃-၂၁, မၢ် ၆:၃၀-၄၄, ယိၤ ၆:၁-၁၄)
10အပျဲၢ်အဘီၣ်တစီာ်ဓဳၤက့ၤဒဳၣ် စဲာ်တစီာ်ဒီဆးကဲၤယ့ၣ်ရှူး ကယါစမဲၤဝှါထဳတစီာ်နဳၤ. ယ့ၣ်ရှူးယဳၤတပီၤဝှါ စဲာ်တစီာ်ဒဳၣ်စက့ၤဘးကဲၤ ဒဳ ဘ့ၤသစဲဒၤအူးနဳၤ. 11ပရၤဆါပၠၤအပဳၤ အဟီးတစီာ်သၱာ်ဟဲ ကိာ်ဒဳၣ်, စလိၤကိာ်ကဲၤလၢ်ဝၤ အလ့ၤ. ယ့ၣ်ရှူးယဳၤစဲာ်ကၱာ် ဒီဆး ကဲၤစဲာ် တစီာ် ကဘၱာ်စဲာ် အထံ အက့ၤအဝၱၤအကဲ ကၱာ်မဲၤမှး က့ၤကဲၤပၠၤအအီၣ်ထံအီၣ်တၤတစီာ်နဳၤ.
12လူၤမူၤသးမီလၤတ့ၢ်နံၢ်ကဲၤ, အပျဲၢ် အဘီၣ်ၡံးကၠံၢ် ပွဲၤ လ့ၤထၱးစဲာ်ကၱာ်စဒီၣ်, “နှးက့ၤ ပီၢ်ပၠၤအပဳၤအဟီးစာ်ဘိထဲၢ် စကလ့ၤနံၢ် ပီၢ်ဒဳပူၤဖါပူၤ, အကဆီဓူၢ်ဆီးဒဲကၱာ်အၣ်အီပီၢ်နဳၤ. မၤနဲၢ်, ဝၤအီၣ် အလ့ၤ အကျဲးခဳနူၤယဳၤမၱာ် မှၱးလဲၢ်ခဳးသဳာ်လဲၢ်ကျဲအခဳး အစဲလီၤ” စဒီၣ်ကဲၤလၢ် ဝၤဓဳၤ.
13ပရၤဆါယ့ၣ်ရှူးဒီၣ်က့ၤစဲာ်တစီာ်, “သံသဲန့ၤ အံာ်ပီၢ်စဲာ်တစီာ်တဲၤအၣ်တဲၤအီ” စဒီၣ် ကဲၤလၢ်ဝၤဓဳၤ. မၱာ်စဲာ်တစီာ်ဒီၣ်ကဲၤစဲာ်, “အအီၣ်နံၤ ဝၤမၱာ်တကဳာ်ယဲၢ်ဒဳ ကၱာ်ဓၢ်ဖဳးကၠံၢ်ဘီလီၤ. ဝၤကတလ့ၤပွၱၤမၤပၠၤ အပဳၤအဟီးအနံၤခံ တဲၤအၣ်နီးဒဳၣ်, ဝၤတမဲၤဇၤတပွဲးတမံနီး” စဒီၣ်ၡံ က့ၤလၢ်ဝၤဓဳၤ.
14မၤနဲၢ်, ဘ့နဳၤပၠၤအီၣ်ကဲၤအပွဲၤယဲၢ် ထီး.
မဲၤဝှါ စဒီၣ်ကဲၤစပျဲၢ်စဘီၣ်တစီာ်, “နှးပီၢ်ပၠၤဆးနါ လါအီၣ်လၢ်ခဳးအပွဲၤယဲၢ်ရှံတဖဳး, ယဲၢ်ၡံတဖဳး” စဒီၣ်လၢ်ဝၤဓဳၤ.
15စဲာ်တစီာ်မဲၤကိာ်ကနဳၤဒဳၣ် ပၠၤလဳစါစဲးဆးနါ လါအီၣ်ကဲၤ လၢ်ခဳး. 16ယ့ၣ်ရှူးဖၱးတကဳာ်ယဲၢ်ဒဳကၱာ် ဓၢ်ဖဳးကၠံၢ်ဘီ, စစာ် ထာ် ဒဳမီၢ်ခဳး, စဟိးဝၱၤကၱာ် စဘးဖးတကဳာ်, စအံာ်ကဲၤစအပျဲၢ်အဘီၣ်တစီာ်အကပ့ၤအၣ်ပၠၤအပဳၤအဟီးနဳၤ. 17ပၠၤလဳစါစဲးအၣ်ဆိအၣ်ကဲၤ, ကၱာ်စဘဲပျဳာ်က့ၤအခဳးလၤကါဆဲးဒဳၣ် အပ့ ထာ်တပွဲးၡံးကၠံၢ်ပးလှူၣ်.
စီၤပ့းတရူးဒီၣ်လှၱထာ်ယ့ၣ်ရှူးအဝၱၤအကဲ
(မး ၁၆:၁၃-၁၉, မၢ် ၈:၂၇-၂၉)
18တနံၤတသဲဘ့ယ့ၣ်ရှူးအီၣ်တပွဲၤ လီၤစသဘဲထာ်အခၠၱးနဳၤ, စပျဲၢ်စဘီၣ်တစီာ်လ့ၤထၱး စဲာ်ဒဳၣ် စဒဲလၢ်ဝၤတစီာ်, “ပၠၤအပဳၤအဟီးတစီာ် ဒီၣ်ကဲၤယဲၤမၱာ်ပီၢ်ပွဲၤ” စဒဲလၢ်ဝၤဓဳၤ.
19စဲာ်တစီာ်ဒီၣ်ၡံက့ၤစဲာ်, “ပၠၤတစီာ် စီာ်ဒီၣ်မၱာ်အဖဳးစူထံစီၤ ယိၤဟၣ်, ကၱာ်အလဝ့ၤတစီာ် ဒီၣ်, စီၤအ့ၤလံယၤ, ကၱာ်အလဝ့ၤတစီာ်ဗ့, ထဲၢ်ဝံလှ့းမဳၤတစီာ်အကျဲ တပွဲၤပွဲၤထာ်ပဳၤက့ၤ” စဒီၣ်လၢ်ဝၤဓဳၤ.
20မၱာ်စဒီၣ်က့ၤလၢ်ဝၤတစီာ်, “သံနဳၤ သံဒီၣ်ဒီယဲၤမၱာ်ပီၢ်ပွဲၤ” စဒဲက့ၤလၢ်ဝၤတစီာ်ဓဳၤ.
စီၤပ့းတရူးဒီၣ်, “ကဘၱာ်စဲာ်အမ့ၤရှံအၤ” စဒီၣ်ၡံက့ၤလၢ်ဝၤဓဳၤ.
ယ့ၣ်ရှူးဒီဆးတီၤလီၤအတဲၤဆဲးညဲပီၤတီၤကၱာ် အတဲၤသံ
(မး ၁၆:၂၀-၂၈, မၢ် ၈:၃၀—၉:၁)
21မဲၤဝှါစမှဲးလၤကြၱၢ်ပနၱးလၢ်ဝၤ တစီာ် အကတဒီ ဆးပၠၤအလဝ့ၤတဗွဲနီး. 22ကၱာ်စဒီၣ်, “ပၠၤအဖဳးကခးဘဲာ်ပွ့တမံၤ, ကဘဲာ် ပၢ်ဖျီးမံကဲဒဳအန့ၤဓဳၤသးပွ့ၤ, ကၱာ်ပၠၤလှူၣ်တဲၤအဓဳၤကၱာ်အသၱာ်အိးသၱာ်စဲာ် တစီာ်အီၣ် ကၱာ်ကဘဲာ်မဲၤသံကီ, ကၱာ်သဳနံၤတနံၤနဳၤ စကထာ်ပဳၤက့ၤကီ” စဒီဆးလၢ်ဝၤတစီာ်ဓဳၤ.
23ကၱာ်ဒီစဒီဆးလၢ်ဝၤတစီာ်, “ပၠၤတပွဲၤပွဲၤ ကသးအဲးလိၤ ကိာ်မၤယလ့ၤဒဳၣ်, စကယၤဘံာ်ဒီဧဲၤစန့ၤ, ဖၱးထာ်စသဳာ်ပျီၤထူၣ်စူညါကိအနံၤကၱာ် လိၤကိာ်ဒီဧဲၤယလ့ၤ. 24မၤနဲၢ်ဒဳၣ်ပၠၤအသးအဲးမဲၤလှိထာ် အသး တပွဲၤကဆူးဘဲာ်ကီအအဲ. ပရၤဆါပၠၤအဆူးအပးအသးယနံၤခံတပွဲၤနဳၤ ကမဲၤလှိထာ်ကီအအဲ. 25မၤနဲၢ်ကဒီၣ်ဓဳၤဒဳၣ်, ပၠၤတပွဲၤကနံၤ ဘဲာ်ဝှါလၢ်ခဳးသဒဲဘဲာ်ပရၤဆါ စကဆူးကပး မၤစန့ၤဘၱစဲာ် မၱတမၱာ် နီး ဘဲာ်နဳၤဘဲာ်ပဲၤနဳၤဒဳၣ်အချဳ ထာ်မၤမ့ၤမၱာ်တၤနဲၢ်. 26ကယါ ပၠၤအသါဝၢ်အံာ် ယဲၤကၱာ်ယတဲၤယၱၢ်ဘဲာ်တပွဲၤပွဲၤနဳၤ, ပၠၤအဖဳးကသါဝၢ်အံာ် ကီစဲာ်ဘ့စလ့ၤနံၢ်စတီၤစသ့း အပူၤ, ကၱာ်စပာ်အတီၤအသ့းအပူၤ ကၱာ် မီၢ်ခဳးပွဲၤဇဳၤအစါထံအတီၤအသ့းအပူၤအခဲနဳၤ. 27ပရၤဆါ ယဒီ ဆး သံအတၱၢ်အမှး, ဘ့ပၠၤအဆီထဳးအီၣ်ဘ့ယဳၤတစီာ်အကျဲနဳၤ ကတတၱၢ်စာ်ဘဲာ်ကီတဲၤသံနီးထိစစာ်ထၱးဘဲာ် မီၢ်ခဳးအထံအက့ၤနဳၤ” စဒီၣ် ကဲၤ လၢ်ဝၤတစီာ်ဓဳၤ.
ယ့ၣ်ရှူးဘါချဲးထာ်အဟိအယဳၤ
(မး ၁၇:၁-၈, မၢ် ၉:၂-၈)
28ယ့ၣ်ရှူးဒီၣ်ဝှါတဲၤယၱၢ်ဘဲာ်အယဳၤ အလ့ၤကါ အနံၤလွံၢ်သိး နဳၤစထာ်ယဳၤအံာ်ကဲၤ စီၤပ့းတရူး, စီၤယၤကိာ်ကၱာ်စီၤယိၤဟၣ်ဒဳခီးလီခဳး စာ်ဘိထဲၢ် စကသဘဲထာ်နဳၤ. 29ဘ့စသဘဲထာ်ဖါသးနဳၤ စမူၢ်ကါ ဘါချဲးထာ်, ကၱာ်စတဲၤကိတဲၤသီးဘိ တၡံးကဲၢ်ကပြီၤကဲၤ. 30ကၱာ်စာ်ပီၢ်, ပၠၤကၠံၢ်ပွဲၤတီၤတီၢ်ထၱးစဲာ်. ပၠၤအယဳၤကၠံၢ်ပွဲၤ မၱာ်စီၤမိၤၡ့ကၱာ် စီၤအ့ၤလံယၤ, 31ထဲၢ်အပီးထာ်ဒဳတဲၤဓီၤတဲၤသ့းအပူၤ, ဒီဆး ကဲၤစတဲၤသံအဝၱၤအကဲထဲၢ်အကပ့ထာ်ဇီၤထာ်ကီဒဳယရူၤၡလ့ၣ်အူးပူၤ နဳၤ. 32ဘ့နဳၤ စီၤပ့းတရူးကၱာ်စခီကၠံၢ်ပွဲၤဆီးမံခ့ကဲၤ. ဘ့စဖိးသနဲးအခၠၱးနဳၤ စစာ်ထၱးကဲၤယ့ၣ်ရှူးအတီၤအသ့ကၱာ်ပၠၤအဆီ ထဳးအီၣ်ပျဳာ်စဲာ် ကၠံၢ်ပွဲၤနဳၤ. 33ဘ့စဲာ်တစီာ်ဟဲးပၢ်ကဲၤယ့ၣ်ရှူးအခၠၱးနဳၤ, စီၤပ့းတရူး ဒီၣ်ကဲၤယ့ၣ်ရှူး, “ဆရၣ်, ကအီၣ်ဘ့ယဳၤမၱာ် အအဲးဇၱၢ်ဟဳ. ကပြးထာ် ရှံၣ်ဖဳးသဳဝၤနၢ်. နနံၤခံတဝၤ, စီၤမိၤၡ့အနံၤခံတဝၤကၱာ်စီၤအ့ၤလံယၤအနံၤခံတဝၤ” စဒီၣ်ဒဳးဒဳၣ်, စဒီၣ်တၤနဲၢ်နဳၤစတသၱာ်ဟဲကဲၤစအဲနီး.
34ဘ့စဒီၣ်ဖါသးဝ့ၤကယဳၤအခၠၱးနဳၤ, တဲၢ်တဘဳာ်တချဳး ပီး ထာ်ကၱာ် လၤကၢ်ဘံာ်ကဲၤစဲာ်တစီာ်ကၱာ်စဲာ်တစီာ်ၡံးဆါကဲၤ. 35ဒဳ တဲၢ်တဘဳာ်အကျဲ တဲၤလ့ၢ်သဲာ် ထာ်ကဲၤတဓဲ အဒီၣ်, “အယဳၤမၱာ်ယဖဳး ယရိၤထာ်ကဲၤတပွဲၤနဳၤ, ဆီးခ့န့းပီၢ်စလ့ၢ်” အဒီၣ်ဓဳၤ.
36တဲၤလ့ၢ်သဲာ်ထာ်ဝှါနဳၤ, အအီၣ်မၱာ် ယ့ၣ်ရှူးတပွဲၤပ့ၤလီၤ. ဘ့နဳၤလီၤ စဲာ်တစီာ်ပိၤလၤဘံာ် အလီၤမီၤ ကၱာ်တဲၤထဲၢ်စစာ်ထၱးကဲၤတစီာ်နဳၤ စတဒီဆးပၠၤတဗွဲနီး.
အမံၤခဳဖဳးတဲၤနှဲးမဲၤယဳၤ
(မး ၁၇:၁၄-၁၈, မၢ် ၉:၁၄-၂၇)
37အလ့ၤကါတနံၤ စအီၣ်ခီးလီခဳး စက့ၤလၤ ဒဳၣ် ပၠၤအပဳၤ အဟီးလ့ၤၡံကဲၤစကျဲး. 38ပၠၤအပဳၤအကျဲ အမံၤခဳတပွဲၤကဲာ်ဧဳၤ ထာ်, “ဆရၣ်, ယတၤမီၤနဲၤ အကစာ်ဝဲၢ်ယဖဳးတပွဲၤအလီၤတကၱာ်, စဲာ် မၱာ်ယဖဳးအအီၣ်တပွဲၤလီၤ, 39ကၱာ်စာ်ပီၢ်, တဲၤနှဲးဖၱးဘဲာ်စဲာ် ကၱာ် စဟးဖူးထာ်, အထၱးလၤခူးစဲာ်ဒဳၣ် စသးပီးသးအၱး ပွ့စဧီၢ်ဗူသဘဳာ်ထာ်နဳၤ. အမဲၤကဲမဲၤပြိၤဝှါစဲာ် အတဟဲး ထာ်ရှဳကးကၱးနီး. 40ယတၤမီၤနပျဲၢ်နဘီၣ် တစီာ်ကနှးဟဲးထာ်ဖျီမံစဲာ်, ပရၤဆါစဲာ်တစီာ်တမဲၤကဲာ်ထာ် တပွဲးနီး” စဒီဆးလၢ်ဝၤဓဳၤ.
41ယ့ၣ်ရှူးဒီၣ်က့ၤစဲာ်တစီာ်, “အဳပၠၤအတဲၤဘူၣ် တအီၣ်နီး ကၱာ်အဆဲးဖြီးကျဲးတခွံ, ယကအီၣ်ကိာ်ဘဲာ် သံကါကၱာ်ခီးသးဒီအံာ်ဘဲာ် သံတၢ်ဓဲၢ်. လ့ၤအံာ်ပီၢ်နဖဳးဒဳယအီၣ်ယဳၤ” စဒီၣ်လၢ်ဝၤဓဳၤ.
42ဘ့စလ့ၤဘိးထၱးယ့ၣ်ရှူးအခၠၱးနဳၤ, တဲၤရှံးတဲၤ နှဲး ထၱးလၤ တ့ၢ်ဝှါစဲာ်ဒဳၣ် မဲၤသံမူၢ်ကျဲး ကဲၤစဲာ်. ယ့ၣ်ရှူးဟီဝှါတဲၤနှဲးအကၱကဲာ်ဒဳၣ် စမဲၤမှးက့ၤ အပံၤစဖဳး, မဲၤဝှါစအံာ်က့ၤကဲၤလၢ်ဝၤစပာ်. 43ပၠၤလဳ စါစဲးထဲးတမိၢ် တမှါနံၤကဲၤကဘၱာ်စဲာ် အဖျူအသရ့ာ်အခဳးအစဲ.
ယ့ၣ်ရှူးဒီၣ်တီၤလီၤ စတဲၤသံအဝၱၤအကဲကၠံၢ်ပျာ်တပျာ်
(မး ၁၇:၂၂-၂၃, မၢ် ၉:၃၀-၃၂)
ဘ့ပၠၤတစီာ်ထဲးတမိၢ်တမှါနံၤသဗ့ယ့ၣ်ရှူး အတဲၤဖၱးတဲၤမဲၤအလ့ၤ နဳၤ, စဒီၣ်ကဲၤစအပျဲၢ်အဘီၣ်တစီာ်, 44“ကမဳၤအံာ်ပီၢ်တဲၤယၱၢ် ဘဲာ်အယဳၤဒဳသံ သးအပူၤနဳၤ. ပၠၤအဖဳးကဘဲာ်ဟိလါကီဒဳ ပၠၤတစီာ်အစူး ခီးပူၤနဳၤ” စဒီဆးကဲၤလၢ်ဝၤတစီာ်ဓဳၤ. 45ပရၤဆါစဲာ်တစီာ်တသၱာ် ဟဲကဲၤအထာ်ပဳၤထာ် ဘါနီး. မၤနဲၢ်အဘဲာ်လဲၢ်ဟူၣ်ကဲၤ ဒဳစဲာ်တစီာ်အလှီမီၢ်နဳၤ စာ်ဘိထဲၢ်စကတသၱာ်ဟဲပီၢ် နီးနဳၤ, ကၱာ်စဲာ်တစီာ်တထိးတဒဲ ဘူၣ်ကဲၤစဲာ်နီး.
အဓဳၤကဓူၤမၱာ်ပီၢ်ပွဲၤ
(မး ၁၈:၁-၅, မၢ် ၉:၃၃-၃၇)
46အပျဲၢ်အဘီၣ်တစီာ်တရၤလှဲးကဲၤ လၢ်ဝၤဒဳစဲာ်တစီာ် အကျဲနဳၤ အဓဳၤကဓူၤမၱာ်ပီၢ်ပွဲၤနဳၤ. 47ယ့ၣ်ရှူး သၱာ်ဟဲစဲာ်တစီာ်အသး အတဲၤ ကမဳၤဒဳၣ်စယဳၤဝှါအပံၤစဖဳးတပွဲၤဒဳစဧဳၢ်လီၤ, 48ကၱာ်ဒီၣ် ကဲၤလၢ်ဝၤတစီာ်, “ကယါပၠၤအလဲၤခးအပံၤ စဖဳးတပွဲၤဒဳယမံၤအပူၤနဳၤ, မဲၤစာ်ဘိစလဲၤခးယဲၤလီၤ. ကၱာ်ကယါပၠၤအလဲၤခးယဲၤတပွဲၤနဳၤ, မဲၤစာ်ဘိ စလဲၤခး စဲာ်ထဲၢ်အသဓဳလ့ၤယဲၤတပွဲၤနဳၤ. မၤနဲၢ်ဒဳၣ်, သံကျဲနဳၤအၡံးဖဳးကဓူၤတပွဲၤမၱာ်အဓဳၤကဓူၤလီၤ” စဒီၣ်ကဲၤလၢ်ဝၤဓဳၤ.
ပၠၤအတထာ်ဒ့ဒီၣ်သံနီးမၱာ်သံနံၤခံ
(မၢ် ၉:၃၈-၄၀)
49စီၤယိၤဟၣ်ဒီၣ်ၡံက့ၤယ့ၣ်ရှူး, “ဆရၣ်, ဝၤ စာ်ထၱးပၠၤတပွဲၤနှးဟဲးထာ်ကဲတဲၤၡံးတဲၤနှဲး ဒဳနမံၤအပူၤနဳၤ, စတဟဲးကိာ်ဝၤကါနီးအခဳး အစဲ, ဝၤမဲၤဒၱာ်ဒါကဲၤစဲာ်” စဒီဆးကဲၤလၢ်ဝၤဓဳၤ.
50ယ့ၣ်ရှူးဒီၣ်က့ၤစဲာ်, “မဲၤဒၱာ်ဒါမဲးစဲာ်မဲး, မၤနဲၢ် ပၠၤအတထာ် ဒ့ဒီၣ်သံနီးတစီာ် မၱာ်သံနံၤခံတခီ” စဒီၣ်က့ၤကဲၤလၢ်ဝၤဓဳၤ.
ၡၤမရံဖဳးတလဲၤခးယ့ၣ်ရှူးနီး
51ဘ့စအဲအခၠၱးဘဲာ်ထဲၢ်စကဘဲာ်ဖၱးထာ် က့ၤနဳၤ, ယ့ၣ်ရှူးဒး ဘးအမူၢ်ကါဒဳယရူၤၡလ့ၣ်အူး ကၱာ်လ့ၤကဲၤဒဳနဳၤ. 52အအူဆူးစနှးကဲၤစပွဲၤဇဳၤ တစီာ်ကလ့ၤစလှီမီၢ်. မဲၤကနဳၤဒဳၣ် စဲာ်တစီာ်လ့ၤနံၢ် ၡၤမရၱဖဳးအအူးတအူးစာ်ဘိ ထဲၢ်စကပြးတီၤလီၤပီၢ် ယ့ၣ်ရှူးအနံၤခံအလ့ၤအကျဲးနဳၤ. 53ပရၤဆါ ၡၤမရံဖဳးတစီာ်တသးလဲၤခးစဲာ်နီး, မၤနဲၢ်ဒဳၣ် စသးမီ လ့ၤဒဳယရူၤၡလ့ၣ်အူးအခဳးအစဲနဳၤ. 54ဘ့စအပျဲၢ်အဘီၣ် စီၤယၤကိာ်ကၱာ်စီၤယိၤဟၣ်စာ်ထၱး တဲၤအယဳၤဒဳၣ် စဒီၣ်, “ဘၱာ်စဲာ်, နသး အီၣ်တပွဲးထဲၢ်မှၱး အီၣ်ဒဳမီၢ်ခဳးလဲၢ်နဳၤ ကလၤကဲၢ်ဟီးအၣ်စဲာ်တစီာ်နဳၤဧါ” စဒီၣ်ကဲၤလၢ်ဝၤဓဳၤ.
55ယ့ၣ်ရှူးဒးဘးဝှါအမူၢ်ကါဒဳလၢ်ဝၤ တစီာ်အီၣ်, စဟီကဲၤ လၢ်ဝၤ. စဒီၣ်ကဲၤ, “သံသဳး သံသးမၱာ်ကဲၤစာ်တဲၢ်နဳၤသံတသၱာ်ဟဲကဲၤနီး. ပၠၤအဖဳးလ့ၤမၱာ်တဘဲာ် အကလ့ၤမဲၤကဲပၠၤအသးနီး. မၱာ်အကမဲၤလှိထာ် က့ၤစဲာ်တခီ” စဒီၣ်ၡံက့ၤ လၢ်ဝၤ တစီာ်ဓဳၤ. 56မဲၤဝှါ စလ့ၤကဲၤ ဒဳအလဝ့ၤတဒဳး ဆီနဳၤ.
တဲၤခးဆဲးညဲအကလိၤကိာ်ယ့ၣ်ရှူးအကါ
(မး ၈:၁၉-၂၂)
57ဘ့စဲာ်တစီာ်ဟဲးကိာ်ကျဲးအခၠၱးနဳၤ ပၠၤတပွဲၤ ဒီၣ်ကဲၤ ယ့ၣ်ရှူး, “နကလ့ၤဒီၣ်လဲၢ်ဒီၣ်လဲၢ်နဳၤ ယကလ့ၤကိာ်နလ့ၤလီၤ” စဒီၣ်လၢ် ဝၤဓဳၤ.
58ယ့ၣ်ရှူးဒီၣ်ၡံက့ၤကဲၤစဲာ်, “ထွံၣ်မံၤတစီာ်အီၣ်ကၱာ်အပူၤအကၱၢ် ကၱာ်ထဳၣ်ဖဳးတစီာ်အီၣ်အံာ်အပံၤ, ပရၤ ဆါပၠၤအဖဳးနဳၤစကပီၢ်လၤ အံာ်စကဳာ်နှီနူၤအလ့ၤတအီၣ် နီး” စဒီၣ်လၢ်ဝၤဓဳၤ.
59ကၱာ်စဒီၣ်ဒီအလဝ့ၤတပွဲၤ, “လ့ၤကိာ်ပီၢ်ယလ့ၤ” စဒီၣ်လၢ် ဝၤဓဳၤ.
ပရၤဆါ စဒီၣ်က့ၤလၢ်ဝၤ, “ဘၱာ်စဲာ်, ယကက့ၤဘူလါဒါထာ်မိၢ်ကိာ် ယပာ်” စဒီၣ်ၡံက့ၤလၢ်ဝၤဓဳၤ.
60ယ့ၣ်ရှူးဒီၣ်က့ၤစဲာ်, “အသံတစီာ်ကဘူလါဒီဧဲၤအသံ, ပရၤဆါနဲၤနဳၤလ့ၤဒီၣ်အူဒီဆးပီၢ်ပၠၤကဘၱာ်စဲာ် အထံအက့ၤအဝၱၤအကဲ” စဒီၣ်လၢ်ဝၤဓဳၤ.
61မၱာ်အလဝ့ၤတပွဲၤဒီၣ်, “ယကလိၤကိာ်တပွဲးနလ့ၤ, အဳ ဘၱာ်စဲာ်, ပရၤဆါအံာ်ပီၢ် ယဲၤအကက့ၤနှူဆဲးအူဆူးမိၢ်ကိာ်ပၠၤအအီၣ်ဒဳရှံၣ်ပူၤ တစီာ်နဳၤ” စဒီၣ် ကဲၤယ့ၣ်ရှူးဓဳၤ.
62ယ့ၣ်ရှူးဒီၣ်က့ၤစဲာ်, “ကယါပၠၤအပိာ် ကျဳၤဝှါ ထဲၢ်ဘီဒဳၣ် စာ်ဘးက့ၤအလ့ၤကါတပွဲၤနဳၤ တတးနံၤကဘၱာ်စဲာ်အထံအက့ၤနီး” စဒီ ဆးက့ၤကဲၤ လၢ်ဝၤဓဳၤ.
ទើបបានជ្រើសរើសហើយ៖
လူၤကၣ် 9: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 9
9
အပျဲၢ်အဘီၣ်တစီာ်အတဲၤဘဲာ်သဓဳ
(မး ၁၀:၅-၁၅, မၢ် ၆:၇-၁၃)
1ယ့ၣ်ရှူးယဳၤလၤတ့ၢ်ပျဳာ် အပျဲၢ်အဘီၣ် ၡံးကၠံၢ်ပွဲၤ, ကၱာ်စအံာ်လၤကဲၤလၢ်ဝၤတစီာ်အဖျူအသရ့ာ်ဒဳတဲၤၡံးတဲၤနှဲးတစီာ်အခဳးကၱာ် အကပြးလှဲ မဲၢ် တဲၤဆဲအမဳအမဳၤအနံၤခံနဳၤ. 2ကၱာ်စသဓဳ လၢ် ဝၤတစီာ်အကလ့ၤဒီၣ်အူဒီဆးကဘၱာ်စဲာ်အထံ အက့ၤအဝၱၤအကဲ, ကၱာ် အကမဲၤမှးက့ၤအရွှံး အဆဲတစီာ်နဳၤ. 3စဒီၣ်ကဲၤလၢ်ဝၤ တစီာ် ကယဳၤ, “ကျဲးခဳးကျဲးလီၤအနံၤခံဟဲးအံာ်ပီၢ်မဲး တဲၤတမံမဲး. ဟဲးအံာ်ပီၢ်မဲး သဘါနှဲးထီးမဲး, ဟူသကံမဲး, တကဳာ်တချံးမဲး, ပံဒဳပံဆးမဲး, ၡံာ်ဒဳအချဳ အချဲးမဲးမဲး. 4သံကထာ်နံၢ်ပီၢ်ပွဲၤ အရှံၣ်ဝှးဝှါ, အီၣ်ဘ့နဳၤကၱာ် ဟဲးထာ်ဖျီးမံပီၢ်မဲး. 5ဘ့ာ်မ့ ပၠၤကတလဲၤခးသံနီးဒဳၣ်, ဟဲးထာ်ဖျီ မံပီၢ်ဒဳအူးအချဳနဳၤအစာ်ဘိ တဲၤခးသဲသၱးအထာ်ဒ့ဒီၣ်စဲာ်တစီာ်နဳၤ.”
6အပျဲၢ်အဘီၣ်တစီာ်ဟဲးထာ်ကၱာ်လ့ၤကဲၤတဒဳးဆီဝှါ တဒဳး ဆီ, ဒီၣ်အူဒီဆး တဲၤသးလဳၢ်သးလၤအံာ်အဝၱၤ အကဲကၱာ်မဲၤမှးက့ၤပၠၤတကွၢ်လဲၢ်နဳၤလီၤ.
စီၤဟ့ၤရိာ်အတဲၤထဲးနံၤဝံနံၤဝၤ
(မး ၁၄:၁-၁၂, မၢ် ၆:၁၄-၂၉)
7ကၤလံၤလါအမၢ်ဓဳၤ, စီၤဟ့ၤရိာ် သၱာ်ဟဲဘဲာ် လဳစါစဲးထဲၢ် ယ့ၣ်ရှူးမဲၤကဲၤတစီာ်နဳၤဒဳၣ်, စထဲးနံၤဝံနံၤဝၤ, မၤနဲၢ်ဒဳၣ်ပၠၤတစီာ်ဒီၣ်, “စီၤ ယိၤဟၣ်ထာ်ပဳၤက့ၤကဲၤတဲၤသံအကျဲ,” စဒီၣ်ဓဳၤ. 8ကၱာ်တစီာ်စီာ် ဒီၣ်မၱာ်, “စီၤအ့ၤလံယၤဒဲလၱၢ်ထာ်ကဲၤအန့ၤ.” အီၣ်ဝ့ၤဒီတစီာ်စီာ်ဒီၣ်မၱာ်, “ဝံတစီာ်စီာ်အကျဲတပွဲၤပွဲၤထာ်ပဳၤက့ၤကဲၤ.” 9ပရၤဆါစီၤဟ့ၤရိာ် ဒီၣ်, “စီၤယိၤဟၣ် နဳၤယပ့ၢ်ထဲဓူၢ်ထဳစကီၢ်, ပရၤဆါယသၱာ်ဟဲဘဲာ်တဲၤ တစီာ်မၱာ်ပီၢ်ပွဲၤအဝၱၤအကဲပွဲၤ” စဒီၣ်ဓဳၤ, ဝှါစသးအဲးစာ်ထၱး ဆိးကဲၤလၢ် ဝၤ.
ယ့ၣ်ရှူးဘဳာ်အၣ်ပၠၤအပွဲၤယဲၢ်ထီး
(မး ၁၄:၁၃-၂၁, မၢ် ၆:၃၀-၄၄, ယိၤ ၆:၁-၁၄)
10အပျဲၢ်အဘီၣ်တစီာ်ဓဳၤက့ၤဒဳၣ် စဲာ်တစီာ်ဒီဆးကဲၤယ့ၣ်ရှူး ကယါစမဲၤဝှါထဳတစီာ်နဳၤ. ယ့ၣ်ရှူးယဳၤတပီၤဝှါ စဲာ်တစီာ်ဒဳၣ်စက့ၤဘးကဲၤ ဒဳ ဘ့ၤသစဲဒၤအူးနဳၤ. 11ပရၤဆါပၠၤအပဳၤ အဟီးတစီာ်သၱာ်ဟဲ ကိာ်ဒဳၣ်, စလိၤကိာ်ကဲၤလၢ်ဝၤ အလ့ၤ. ယ့ၣ်ရှူးယဳၤစဲာ်ကၱာ် ဒီဆး ကဲၤစဲာ် တစီာ် ကဘၱာ်စဲာ် အထံ အက့ၤအဝၱၤအကဲ ကၱာ်မဲၤမှး က့ၤကဲၤပၠၤအအီၣ်ထံအီၣ်တၤတစီာ်နဳၤ.
12လူၤမူၤသးမီလၤတ့ၢ်နံၢ်ကဲၤ, အပျဲၢ် အဘီၣ်ၡံးကၠံၢ် ပွဲၤ လ့ၤထၱးစဲာ်ကၱာ်စဒီၣ်, “နှးက့ၤ ပီၢ်ပၠၤအပဳၤအဟီးစာ်ဘိထဲၢ် စကလ့ၤနံၢ် ပီၢ်ဒဳပူၤဖါပူၤ, အကဆီဓူၢ်ဆီးဒဲကၱာ်အၣ်အီပီၢ်နဳၤ. မၤနဲၢ်, ဝၤအီၣ် အလ့ၤ အကျဲးခဳနူၤယဳၤမၱာ် မှၱးလဲၢ်ခဳးသဳာ်လဲၢ်ကျဲအခဳး အစဲလီၤ” စဒီၣ်ကဲၤလၢ် ဝၤဓဳၤ.
13ပရၤဆါယ့ၣ်ရှူးဒီၣ်က့ၤစဲာ်တစီာ်, “သံသဲန့ၤ အံာ်ပီၢ်စဲာ်တစီာ်တဲၤအၣ်တဲၤအီ” စဒီၣ် ကဲၤလၢ်ဝၤဓဳၤ. မၱာ်စဲာ်တစီာ်ဒီၣ်ကဲၤစဲာ်, “အအီၣ်နံၤ ဝၤမၱာ်တကဳာ်ယဲၢ်ဒဳ ကၱာ်ဓၢ်ဖဳးကၠံၢ်ဘီလီၤ. ဝၤကတလ့ၤပွၱၤမၤပၠၤ အပဳၤအဟီးအနံၤခံ တဲၤအၣ်နီးဒဳၣ်, ဝၤတမဲၤဇၤတပွဲးတမံနီး” စဒီၣ်ၡံ က့ၤလၢ်ဝၤဓဳၤ.
14မၤနဲၢ်, ဘ့နဳၤပၠၤအီၣ်ကဲၤအပွဲၤယဲၢ် ထီး.
မဲၤဝှါ စဒီၣ်ကဲၤစပျဲၢ်စဘီၣ်တစီာ်, “နှးပီၢ်ပၠၤဆးနါ လါအီၣ်လၢ်ခဳးအပွဲၤယဲၢ်ရှံတဖဳး, ယဲၢ်ၡံတဖဳး” စဒီၣ်လၢ်ဝၤဓဳၤ.
15စဲာ်တစီာ်မဲၤကိာ်ကနဳၤဒဳၣ် ပၠၤလဳစါစဲးဆးနါ လါအီၣ်ကဲၤ လၢ်ခဳး. 16ယ့ၣ်ရှူးဖၱးတကဳာ်ယဲၢ်ဒဳကၱာ် ဓၢ်ဖဳးကၠံၢ်ဘီ, စစာ် ထာ် ဒဳမီၢ်ခဳး, စဟိးဝၱၤကၱာ် စဘးဖးတကဳာ်, စအံာ်ကဲၤစအပျဲၢ်အဘီၣ်တစီာ်အကပ့ၤအၣ်ပၠၤအပဳၤအဟီးနဳၤ. 17ပၠၤလဳစါစဲးအၣ်ဆိအၣ်ကဲၤ, ကၱာ်စဘဲပျဳာ်က့ၤအခဳးလၤကါဆဲးဒဳၣ် အပ့ ထာ်တပွဲးၡံးကၠံၢ်ပးလှူၣ်.
စီၤပ့းတရူးဒီၣ်လှၱထာ်ယ့ၣ်ရှူးအဝၱၤအကဲ
(မး ၁၆:၁၃-၁၉, မၢ် ၈:၂၇-၂၉)
18တနံၤတသဲဘ့ယ့ၣ်ရှူးအီၣ်တပွဲၤ လီၤစသဘဲထာ်အခၠၱးနဳၤ, စပျဲၢ်စဘီၣ်တစီာ်လ့ၤထၱး စဲာ်ဒဳၣ် စဒဲလၢ်ဝၤတစီာ်, “ပၠၤအပဳၤအဟီးတစီာ် ဒီၣ်ကဲၤယဲၤမၱာ်ပီၢ်ပွဲၤ” စဒဲလၢ်ဝၤဓဳၤ.
19စဲာ်တစီာ်ဒီၣ်ၡံက့ၤစဲာ်, “ပၠၤတစီာ် စီာ်ဒီၣ်မၱာ်အဖဳးစူထံစီၤ ယိၤဟၣ်, ကၱာ်အလဝ့ၤတစီာ် ဒီၣ်, စီၤအ့ၤလံယၤ, ကၱာ်အလဝ့ၤတစီာ်ဗ့, ထဲၢ်ဝံလှ့းမဳၤတစီာ်အကျဲ တပွဲၤပွဲၤထာ်ပဳၤက့ၤ” စဒီၣ်လၢ်ဝၤဓဳၤ.
20မၱာ်စဒီၣ်က့ၤလၢ်ဝၤတစီာ်, “သံနဳၤ သံဒီၣ်ဒီယဲၤမၱာ်ပီၢ်ပွဲၤ” စဒဲက့ၤလၢ်ဝၤတစီာ်ဓဳၤ.
စီၤပ့းတရူးဒီၣ်, “ကဘၱာ်စဲာ်အမ့ၤရှံအၤ” စဒီၣ်ၡံက့ၤလၢ်ဝၤဓဳၤ.
ယ့ၣ်ရှူးဒီဆးတီၤလီၤအတဲၤဆဲးညဲပီၤတီၤကၱာ် အတဲၤသံ
(မး ၁၆:၂၀-၂၈, မၢ် ၈:၃၀—၉:၁)
21မဲၤဝှါစမှဲးလၤကြၱၢ်ပနၱးလၢ်ဝၤ တစီာ် အကတဒီ ဆးပၠၤအလဝ့ၤတဗွဲနီး. 22ကၱာ်စဒီၣ်, “ပၠၤအဖဳးကခးဘဲာ်ပွ့တမံၤ, ကဘဲာ် ပၢ်ဖျီးမံကဲဒဳအန့ၤဓဳၤသးပွ့ၤ, ကၱာ်ပၠၤလှူၣ်တဲၤအဓဳၤကၱာ်အသၱာ်အိးသၱာ်စဲာ် တစီာ်အီၣ် ကၱာ်ကဘဲာ်မဲၤသံကီ, ကၱာ်သဳနံၤတနံၤနဳၤ စကထာ်ပဳၤက့ၤကီ” စဒီဆးလၢ်ဝၤတစီာ်ဓဳၤ.
23ကၱာ်ဒီစဒီဆးလၢ်ဝၤတစီာ်, “ပၠၤတပွဲၤပွဲၤ ကသးအဲးလိၤ ကိာ်မၤယလ့ၤဒဳၣ်, စကယၤဘံာ်ဒီဧဲၤစန့ၤ, ဖၱးထာ်စသဳာ်ပျီၤထူၣ်စူညါကိအနံၤကၱာ် လိၤကိာ်ဒီဧဲၤယလ့ၤ. 24မၤနဲၢ်ဒဳၣ်ပၠၤအသးအဲးမဲၤလှိထာ် အသး တပွဲၤကဆူးဘဲာ်ကီအအဲ. ပရၤဆါပၠၤအဆူးအပးအသးယနံၤခံတပွဲၤနဳၤ ကမဲၤလှိထာ်ကီအအဲ. 25မၤနဲၢ်ကဒီၣ်ဓဳၤဒဳၣ်, ပၠၤတပွဲၤကနံၤ ဘဲာ်ဝှါလၢ်ခဳးသဒဲဘဲာ်ပရၤဆါ စကဆူးကပး မၤစန့ၤဘၱစဲာ် မၱတမၱာ် နီး ဘဲာ်နဳၤဘဲာ်ပဲၤနဳၤဒဳၣ်အချဳ ထာ်မၤမ့ၤမၱာ်တၤနဲၢ်. 26ကယါ ပၠၤအသါဝၢ်အံာ် ယဲၤကၱာ်ယတဲၤယၱၢ်ဘဲာ်တပွဲၤပွဲၤနဳၤ, ပၠၤအဖဳးကသါဝၢ်အံာ် ကီစဲာ်ဘ့စလ့ၤနံၢ်စတီၤစသ့း အပူၤ, ကၱာ်စပာ်အတီၤအသ့းအပူၤ ကၱာ် မီၢ်ခဳးပွဲၤဇဳၤအစါထံအတီၤအသ့းအပူၤအခဲနဳၤ. 27ပရၤဆါ ယဒီ ဆး သံအတၱၢ်အမှး, ဘ့ပၠၤအဆီထဳးအီၣ်ဘ့ယဳၤတစီာ်အကျဲနဳၤ ကတတၱၢ်စာ်ဘဲာ်ကီတဲၤသံနီးထိစစာ်ထၱးဘဲာ် မီၢ်ခဳးအထံအက့ၤနဳၤ” စဒီၣ် ကဲၤ လၢ်ဝၤတစီာ်ဓဳၤ.
ယ့ၣ်ရှူးဘါချဲးထာ်အဟိအယဳၤ
(မး ၁၇:၁-၈, မၢ် ၉:၂-၈)
28ယ့ၣ်ရှူးဒီၣ်ဝှါတဲၤယၱၢ်ဘဲာ်အယဳၤ အလ့ၤကါ အနံၤလွံၢ်သိး နဳၤစထာ်ယဳၤအံာ်ကဲၤ စီၤပ့းတရူး, စီၤယၤကိာ်ကၱာ်စီၤယိၤဟၣ်ဒဳခီးလီခဳး စာ်ဘိထဲၢ် စကသဘဲထာ်နဳၤ. 29ဘ့စသဘဲထာ်ဖါသးနဳၤ စမူၢ်ကါ ဘါချဲးထာ်, ကၱာ်စတဲၤကိတဲၤသီးဘိ တၡံးကဲၢ်ကပြီၤကဲၤ. 30ကၱာ်စာ်ပီၢ်, ပၠၤကၠံၢ်ပွဲၤတီၤတီၢ်ထၱးစဲာ်. ပၠၤအယဳၤကၠံၢ်ပွဲၤ မၱာ်စီၤမိၤၡ့ကၱာ် စီၤအ့ၤလံယၤ, 31ထဲၢ်အပီးထာ်ဒဳတဲၤဓီၤတဲၤသ့းအပူၤ, ဒီဆး ကဲၤစတဲၤသံအဝၱၤအကဲထဲၢ်အကပ့ထာ်ဇီၤထာ်ကီဒဳယရူၤၡလ့ၣ်အူးပူၤ နဳၤ. 32ဘ့နဳၤ စီၤပ့းတရူးကၱာ်စခီကၠံၢ်ပွဲၤဆီးမံခ့ကဲၤ. ဘ့စဖိးသနဲးအခၠၱးနဳၤ စစာ်ထၱးကဲၤယ့ၣ်ရှူးအတီၤအသ့ကၱာ်ပၠၤအဆီ ထဳးအီၣ်ပျဳာ်စဲာ် ကၠံၢ်ပွဲၤနဳၤ. 33ဘ့စဲာ်တစီာ်ဟဲးပၢ်ကဲၤယ့ၣ်ရှူးအခၠၱးနဳၤ, စီၤပ့းတရူး ဒီၣ်ကဲၤယ့ၣ်ရှူး, “ဆရၣ်, ကအီၣ်ဘ့ယဳၤမၱာ် အအဲးဇၱၢ်ဟဳ. ကပြးထာ် ရှံၣ်ဖဳးသဳဝၤနၢ်. နနံၤခံတဝၤ, စီၤမိၤၡ့အနံၤခံတဝၤကၱာ်စီၤအ့ၤလံယၤအနံၤခံတဝၤ” စဒီၣ်ဒဳးဒဳၣ်, စဒီၣ်တၤနဲၢ်နဳၤစတသၱာ်ဟဲကဲၤစအဲနီး.
34ဘ့စဒီၣ်ဖါသးဝ့ၤကယဳၤအခၠၱးနဳၤ, တဲၢ်တဘဳာ်တချဳး ပီး ထာ်ကၱာ် လၤကၢ်ဘံာ်ကဲၤစဲာ်တစီာ်ကၱာ်စဲာ်တစီာ်ၡံးဆါကဲၤ. 35ဒဳ တဲၢ်တဘဳာ်အကျဲ တဲၤလ့ၢ်သဲာ် ထာ်ကဲၤတဓဲ အဒီၣ်, “အယဳၤမၱာ်ယဖဳး ယရိၤထာ်ကဲၤတပွဲၤနဳၤ, ဆီးခ့န့းပီၢ်စလ့ၢ်” အဒီၣ်ဓဳၤ.
36တဲၤလ့ၢ်သဲာ်ထာ်ဝှါနဳၤ, အအီၣ်မၱာ် ယ့ၣ်ရှူးတပွဲၤပ့ၤလီၤ. ဘ့နဳၤလီၤ စဲာ်တစီာ်ပိၤလၤဘံာ် အလီၤမီၤ ကၱာ်တဲၤထဲၢ်စစာ်ထၱးကဲၤတစီာ်နဳၤ စတဒီဆးပၠၤတဗွဲနီး.
အမံၤခဳဖဳးတဲၤနှဲးမဲၤယဳၤ
(မး ၁၇:၁၄-၁၈, မၢ် ၉:၁၄-၂၇)
37အလ့ၤကါတနံၤ စအီၣ်ခီးလီခဳး စက့ၤလၤ ဒဳၣ် ပၠၤအပဳၤ အဟီးလ့ၤၡံကဲၤစကျဲး. 38ပၠၤအပဳၤအကျဲ အမံၤခဳတပွဲၤကဲာ်ဧဳၤ ထာ်, “ဆရၣ်, ယတၤမီၤနဲၤ အကစာ်ဝဲၢ်ယဖဳးတပွဲၤအလီၤတကၱာ်, စဲာ် မၱာ်ယဖဳးအအီၣ်တပွဲၤလီၤ, 39ကၱာ်စာ်ပီၢ်, တဲၤနှဲးဖၱးဘဲာ်စဲာ် ကၱာ် စဟးဖူးထာ်, အထၱးလၤခူးစဲာ်ဒဳၣ် စသးပီးသးအၱး ပွ့စဧီၢ်ဗူသဘဳာ်ထာ်နဳၤ. အမဲၤကဲမဲၤပြိၤဝှါစဲာ် အတဟဲး ထာ်ရှဳကးကၱးနီး. 40ယတၤမီၤနပျဲၢ်နဘီၣ် တစီာ်ကနှးဟဲးထာ်ဖျီမံစဲာ်, ပရၤဆါစဲာ်တစီာ်တမဲၤကဲာ်ထာ် တပွဲးနီး” စဒီဆးလၢ်ဝၤဓဳၤ.
41ယ့ၣ်ရှူးဒီၣ်က့ၤစဲာ်တစီာ်, “အဳပၠၤအတဲၤဘူၣ် တအီၣ်နီး ကၱာ်အဆဲးဖြီးကျဲးတခွံ, ယကအီၣ်ကိာ်ဘဲာ် သံကါကၱာ်ခီးသးဒီအံာ်ဘဲာ် သံတၢ်ဓဲၢ်. လ့ၤအံာ်ပီၢ်နဖဳးဒဳယအီၣ်ယဳၤ” စဒီၣ်လၢ်ဝၤဓဳၤ.
42ဘ့စလ့ၤဘိးထၱးယ့ၣ်ရှူးအခၠၱးနဳၤ, တဲၤရှံးတဲၤ နှဲး ထၱးလၤ တ့ၢ်ဝှါစဲာ်ဒဳၣ် မဲၤသံမူၢ်ကျဲး ကဲၤစဲာ်. ယ့ၣ်ရှူးဟီဝှါတဲၤနှဲးအကၱကဲာ်ဒဳၣ် စမဲၤမှးက့ၤ အပံၤစဖဳး, မဲၤဝှါစအံာ်က့ၤကဲၤလၢ်ဝၤစပာ်. 43ပၠၤလဳ စါစဲးထဲးတမိၢ် တမှါနံၤကဲၤကဘၱာ်စဲာ် အဖျူအသရ့ာ်အခဳးအစဲ.
ယ့ၣ်ရှူးဒီၣ်တီၤလီၤ စတဲၤသံအဝၱၤအကဲကၠံၢ်ပျာ်တပျာ်
(မး ၁၇:၂၂-၂၃, မၢ် ၉:၃၀-၃၂)
ဘ့ပၠၤတစီာ်ထဲးတမိၢ်တမှါနံၤသဗ့ယ့ၣ်ရှူး အတဲၤဖၱးတဲၤမဲၤအလ့ၤ နဳၤ, စဒီၣ်ကဲၤစအပျဲၢ်အဘီၣ်တစီာ်, 44“ကမဳၤအံာ်ပီၢ်တဲၤယၱၢ် ဘဲာ်အယဳၤဒဳသံ သးအပူၤနဳၤ. ပၠၤအဖဳးကဘဲာ်ဟိလါကီဒဳ ပၠၤတစီာ်အစူး ခီးပူၤနဳၤ” စဒီဆးကဲၤလၢ်ဝၤတစီာ်ဓဳၤ. 45ပရၤဆါစဲာ်တစီာ်တသၱာ် ဟဲကဲၤအထာ်ပဳၤထာ် ဘါနီး. မၤနဲၢ်အဘဲာ်လဲၢ်ဟူၣ်ကဲၤ ဒဳစဲာ်တစီာ်အလှီမီၢ်နဳၤ စာ်ဘိထဲၢ်စကတသၱာ်ဟဲပီၢ် နီးနဳၤ, ကၱာ်စဲာ်တစီာ်တထိးတဒဲ ဘူၣ်ကဲၤစဲာ်နီး.
အဓဳၤကဓူၤမၱာ်ပီၢ်ပွဲၤ
(မး ၁၈:၁-၅, မၢ် ၉:၃၃-၃၇)
46အပျဲၢ်အဘီၣ်တစီာ်တရၤလှဲးကဲၤ လၢ်ဝၤဒဳစဲာ်တစီာ် အကျဲနဳၤ အဓဳၤကဓူၤမၱာ်ပီၢ်ပွဲၤနဳၤ. 47ယ့ၣ်ရှူး သၱာ်ဟဲစဲာ်တစီာ်အသး အတဲၤ ကမဳၤဒဳၣ်စယဳၤဝှါအပံၤစဖဳးတပွဲၤဒဳစဧဳၢ်လီၤ, 48ကၱာ်ဒီၣ် ကဲၤလၢ်ဝၤတစီာ်, “ကယါပၠၤအလဲၤခးအပံၤ စဖဳးတပွဲၤဒဳယမံၤအပူၤနဳၤ, မဲၤစာ်ဘိစလဲၤခးယဲၤလီၤ. ကၱာ်ကယါပၠၤအလဲၤခးယဲၤတပွဲၤနဳၤ, မဲၤစာ်ဘိ စလဲၤခး စဲာ်ထဲၢ်အသဓဳလ့ၤယဲၤတပွဲၤနဳၤ. မၤနဲၢ်ဒဳၣ်, သံကျဲနဳၤအၡံးဖဳးကဓူၤတပွဲၤမၱာ်အဓဳၤကဓူၤလီၤ” စဒီၣ်ကဲၤလၢ်ဝၤဓဳၤ.
ပၠၤအတထာ်ဒ့ဒီၣ်သံနီးမၱာ်သံနံၤခံ
(မၢ် ၉:၃၈-၄၀)
49စီၤယိၤဟၣ်ဒီၣ်ၡံက့ၤယ့ၣ်ရှူး, “ဆရၣ်, ဝၤ စာ်ထၱးပၠၤတပွဲၤနှးဟဲးထာ်ကဲတဲၤၡံးတဲၤနှဲး ဒဳနမံၤအပူၤနဳၤ, စတဟဲးကိာ်ဝၤကါနီးအခဳး အစဲ, ဝၤမဲၤဒၱာ်ဒါကဲၤစဲာ်” စဒီဆးကဲၤလၢ်ဝၤဓဳၤ.
50ယ့ၣ်ရှူးဒီၣ်က့ၤစဲာ်, “မဲၤဒၱာ်ဒါမဲးစဲာ်မဲး, မၤနဲၢ် ပၠၤအတထာ် ဒ့ဒီၣ်သံနီးတစီာ် မၱာ်သံနံၤခံတခီ” စဒီၣ်က့ၤကဲၤလၢ်ဝၤဓဳၤ.
ၡၤမရံဖဳးတလဲၤခးယ့ၣ်ရှူးနီး
51ဘ့စအဲအခၠၱးဘဲာ်ထဲၢ်စကဘဲာ်ဖၱးထာ် က့ၤနဳၤ, ယ့ၣ်ရှူးဒး ဘးအမူၢ်ကါဒဳယရူၤၡလ့ၣ်အူး ကၱာ်လ့ၤကဲၤဒဳနဳၤ. 52အအူဆူးစနှးကဲၤစပွဲၤဇဳၤ တစီာ်ကလ့ၤစလှီမီၢ်. မဲၤကနဳၤဒဳၣ် စဲာ်တစီာ်လ့ၤနံၢ် ၡၤမရၱဖဳးအအူးတအူးစာ်ဘိ ထဲၢ်စကပြးတီၤလီၤပီၢ် ယ့ၣ်ရှူးအနံၤခံအလ့ၤအကျဲးနဳၤ. 53ပရၤဆါ ၡၤမရံဖဳးတစီာ်တသးလဲၤခးစဲာ်နီး, မၤနဲၢ်ဒဳၣ် စသးမီ လ့ၤဒဳယရူၤၡလ့ၣ်အူးအခဳးအစဲနဳၤ. 54ဘ့စအပျဲၢ်အဘီၣ် စီၤယၤကိာ်ကၱာ်စီၤယိၤဟၣ်စာ်ထၱး တဲၤအယဳၤဒဳၣ် စဒီၣ်, “ဘၱာ်စဲာ်, နသး အီၣ်တပွဲးထဲၢ်မှၱး အီၣ်ဒဳမီၢ်ခဳးလဲၢ်နဳၤ ကလၤကဲၢ်ဟီးအၣ်စဲာ်တစီာ်နဳၤဧါ” စဒီၣ်ကဲၤလၢ်ဝၤဓဳၤ.
55ယ့ၣ်ရှူးဒးဘးဝှါအမူၢ်ကါဒဳလၢ်ဝၤ တစီာ်အီၣ်, စဟီကဲၤ လၢ်ဝၤ. စဒီၣ်ကဲၤ, “သံသဳး သံသးမၱာ်ကဲၤစာ်တဲၢ်နဳၤသံတသၱာ်ဟဲကဲၤနီး. ပၠၤအဖဳးလ့ၤမၱာ်တဘဲာ် အကလ့ၤမဲၤကဲပၠၤအသးနီး. မၱာ်အကမဲၤလှိထာ် က့ၤစဲာ်တခီ” စဒီၣ်ၡံက့ၤ လၢ်ဝၤ တစီာ်ဓဳၤ. 56မဲၤဝှါ စလ့ၤကဲၤ ဒဳအလဝ့ၤတဒဳး ဆီနဳၤ.
တဲၤခးဆဲးညဲအကလိၤကိာ်ယ့ၣ်ရှူးအကါ
(မး ၈:၁၉-၂၂)
57ဘ့စဲာ်တစီာ်ဟဲးကိာ်ကျဲးအခၠၱးနဳၤ ပၠၤတပွဲၤ ဒီၣ်ကဲၤ ယ့ၣ်ရှူး, “နကလ့ၤဒီၣ်လဲၢ်ဒီၣ်လဲၢ်နဳၤ ယကလ့ၤကိာ်နလ့ၤလီၤ” စဒီၣ်လၢ် ဝၤဓဳၤ.
58ယ့ၣ်ရှူးဒီၣ်ၡံက့ၤကဲၤစဲာ်, “ထွံၣ်မံၤတစီာ်အီၣ်ကၱာ်အပူၤအကၱၢ် ကၱာ်ထဳၣ်ဖဳးတစီာ်အီၣ်အံာ်အပံၤ, ပရၤ ဆါပၠၤအဖဳးနဳၤစကပီၢ်လၤ အံာ်စကဳာ်နှီနူၤအလ့ၤတအီၣ် နီး” စဒီၣ်လၢ်ဝၤဓဳၤ.
59ကၱာ်စဒီၣ်ဒီအလဝ့ၤတပွဲၤ, “လ့ၤကိာ်ပီၢ်ယလ့ၤ” စဒီၣ်လၢ် ဝၤဓဳၤ.
ပရၤဆါ စဒီၣ်က့ၤလၢ်ဝၤ, “ဘၱာ်စဲာ်, ယကက့ၤဘူလါဒါထာ်မိၢ်ကိာ် ယပာ်” စဒီၣ်ၡံက့ၤလၢ်ဝၤဓဳၤ.
60ယ့ၣ်ရှူးဒီၣ်က့ၤစဲာ်, “အသံတစီာ်ကဘူလါဒီဧဲၤအသံ, ပရၤဆါနဲၤနဳၤလ့ၤဒီၣ်အူဒီဆးပီၢ်ပၠၤကဘၱာ်စဲာ် အထံအက့ၤအဝၱၤအကဲ” စဒီၣ်လၢ်ဝၤဓဳၤ.
61မၱာ်အလဝ့ၤတပွဲၤဒီၣ်, “ယကလိၤကိာ်တပွဲးနလ့ၤ, အဳ ဘၱာ်စဲာ်, ပရၤဆါအံာ်ပီၢ် ယဲၤအကက့ၤနှူဆဲးအူဆူးမိၢ်ကိာ်ပၠၤအအီၣ်ဒဳရှံၣ်ပူၤ တစီာ်နဳၤ” စဒီၣ် ကဲၤယ့ၣ်ရှူးဓဳၤ.
62ယ့ၣ်ရှူးဒီၣ်က့ၤစဲာ်, “ကယါပၠၤအပိာ် ကျဳၤဝှါ ထဲၢ်ဘီဒဳၣ် စာ်ဘးက့ၤအလ့ၤကါတပွဲၤနဳၤ တတးနံၤကဘၱာ်စဲာ်အထံအက့ၤနီး” စဒီ ဆးက့ၤကဲၤ လၢ်ဝၤဓဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.