လူၤကၣ် 11
11
ယ့ၣ်ရှူးသဲာ်လှိတဲၤတၤသဘဲ
(မး ၆:၉-၁၃, ၇:၇-၁၁)
1တနံၤတသဲ ယ့ၣ်ရှူးသဘဲထာ်ဒဳအလ့ၤ တချဳးနဳၤ ကၱာ်စအီၣ်ဆီးဒဲအခၠၱးနဳၤ, စပျဲၢ်စဘီၣ်အကျဲ တပွဲၤဒီၣ်စဲာ်, “အဳဘၱာ်စဲာ်, သဲာ်လှိ ပီၢ်ဝၤအကသဘဲ အစာ်ဘိစီၤယိၤဟၣ်သဲာ်ကဲၤအပျဲၢ်အဘီၣ်တစီာ် အခီ နဳၤ” စဒီၣ်ကဲၤလၢ်ဝၤဓဳၤ.
2ယ့ၣ်ရှူးဒီၣ်က့ၤစဲာ်တစီာ်,
“ဘ့သံသဘဲနဳၤ ဒီၣ်ပီၢ်,
အဳအပာ်, နမံၤကဘဲာ်ဒီဧဲၤအစါထံတကၱာ်.
နထံ နက့ၤကဓဳၤဒီပီၢ်ဧဲၤတကၱာ်.
3အံာ်ပီၢ်ဝးခဳတနံၤအတကဳာ်တကၱာ်.
4ဘါပျဲးပီၢ်ဝၤတဲၤခီၣ်ဝဲၤ,
မၤနဲၢ်ဝၤဘါပျဲးလဳပၠၤအမီၤတးနံၤ ဝၤတဲၤမဲၤ က့ၤအခဳးလံၢ်တစီာ်အစဲနဳၤ.
ကၱာ်လ့ၤအံာ်ဟူပီၢ်မဲးဝၤဒဳတဲၤနှးကါအပူၤမဲး,” စဒီဆးကဲၤလၢ် ဝၤတစီာ်ဓဳၤ.
5မဲၤဝှါယ့ၣ်ရှူးဒီၣ်ကဲၤစဲာ်တစီာ်, “ဒဳသံကျဲ နဳၤအသီၣ်အီၣ်တပွဲၤကၱာ်ဘ့ကျါမဲလူၤမူၤနဳၤ, သံလ့ၤ ထၱးစဲာ်ကၱာ်ဒီၣ်စဲာ်, ‘အသီၣ်, အံာ်လီၤ မိၢ်ကိာ်ယဲၤတကဳာ်သဳမဲ. 6မၤနဲၢ်, ယသီၣ်တပွဲၤဓဳၤထၱးကဲၤ ယဲၤ, မၱာ်တဲၤအမီၤအံာ်အၣ်စဲာ်တအီၣ်ကဲၤတမံနီး.’ 7စကအီၣ်ဝှါရှံၣ်ပူၤ စဒီၣ်ၡံက့ၤမၤ, ‘မဲၤဒၱာ်ဒါ မဲးယဲၤမဲး. ခးကျဲၢ်အီၣ်ဘီဘံာ်ကဲၤ, ယဲၤကၱာ် ယဖဳး ယလံၤတစီာ်ဆီးမံဆီဟးထဳ. ယတဝဲၢ်ထဳးအံာ်ဇၤနဲၤ နီး’ စကဒီၣ်မၤ ဒဳးဒဳၣ်, 8ယဒီဆးသံ, စကတဝဲၢ်ထဳးအံာ်နီၣ်သီစဲာ်ဒဳစမၱာ်လၢ်ဝၤ အသီၣ်အခဳးအစဲနီး နှီနူၤ, ဒဳစတဲၤတၤတကြၱၢ်နံၤအခဳးအစဲ, စကအံာ် တပွဲးလၢ်ဝၤ. 9ယဒီဆးသံ, တၤပီၢ်, သံကနံၤဘဲာ်ကီ. ဝၢ်လှဲးပီၢ်, သံကပးထၱးကီ. တကျီး ပီၢ်, တဲၤကဘါထာ်နံၤကီသံ. 10မၤနဲၢ် ဒဳၣ် ပၠၤအတၤတဲၤတပွဲၤနဳၤစနံၤဘဲာ်တပွဲး. ပၠၤအဝၢ်လှဲး တဲၤတပွဲၤနဳၤစပး ထၱးတပွဲး, ကၱာ်ပၠၤအတကျီးတဲၤတပွဲၤနဳၤ တဲၤကဘါထာ်နံၤတပွဲးစဲာ်. 11ပရၤဆါဒဳသံကျဲနဳၤ အဖဳးတၤအၣ်တကဳာ် ဒဳၣ်အအံာ်စဲာ်လဳၤ, အတၤအၣ် ဓၢ်ဖဳးဒဳၣ်အအံာ်စဲာ်ဝူၤကအီၣ်ပီၢ်တပွဲၤပွဲၤဧါ. 12မၱတမၱာ်နီး, အတၤအၣ်တဲၤအဒံၣ်တဒူဒဳၣ် အအံာ်စဲာ် လဳၤတ့ၤကအီၣ်ပီၢ်တပွဲၤပွဲၤဧါ. 13မဲၤကနဳၤ သံနဳၤ, သံကၱကဲာ်နီၣ်သီနှီနူၤ, သံကအံာ်ဇၤ မၤသံဖဳး သံလံၤတဲၤအအဲးဒဳၣ်, သံပာ်အအီၣ်ဒဳမီၢ်ခဳးတပွဲၤနဳၤ စကအံာ် ဒဳၣ်ချဳကီပၠၤအတၤစဲာ်တစီာ်သးစါထံတဘဲာ်နီးဧါ,” စဒီၣ်က့ၤလၢ်ဝၤတစီာ် ဓဳၤ.
ယ့ၣ်ရှူးကၱာ်ဘဧၤလစဘူာ်
(မး ၁၂:၂၂-၃၀, မၢ် ၃:၂၀-၂၇)
14ကၱာ်ဒီယ့ၣ်ရှူးနှးဟဲးထာ်ကဲၤတဲၤၡံး တဲၤနှဲးအပျၱၤကျဳၤတဒဳ နဳၤဒဳၣ်, ပၠၤအပျၱၤကျဳၤတပွဲၤ ယၱၢ်ဘဲာ်ကဲၤအခဳးအစဲ, ပၠၤတစီာ်ထဲးတမိၢ် တမှါလဳၢ် ကဲၤ. 15ပရၤဆါပၠၤတစီာ်ဒီၣ်ကဲၤ, “စနှးဟဲး ထာ်ဖျီး မံ တဲၤၡံးတဲၤနှဲးဒဳ စဆးဖြးဘဧၤလစဘူာ်အစိ သလဲအပူၤနဳၤ” စဒီၣ်ကဲၤ လၢ်ဝၤဓဳၤ.
16တစီာ်စီာ်သးအဲးဝၢ်လှဲးစတဲၤကမဲာ်ဒဳၣ်, တၤကဲၤစဲာ် တဲၤဟိ တဲၤကလဲၤ အအီၣ်ဒဳမီၢ်ခဳးတစီာ် နဳၤ. 17ပရၤဆါဒဳၣ် ယ့ၣ်ရှူးသၱာ် ဟဲစတဲၤကမဳၤ တစီာ်အခဳးအစဲစဒီၣ်လၢ်ဝၤတစီာ်, “ကယါထံက့ၤ အပ့ၢ် ဖးအန့ၤတစီာ်နဳၤ လၤမူၤလၤဖးတပွဲး. ရှံၣ်ဖါ တစီာ်နဳၤမၱာ်ကနဳၤလီၤလီၤ. 18မဳၤဒဲးလၱး ကပ့ၢ် ဖးမၤအန့ၤဒဳၣ်, စထံစက့ၤကဆီထဳးအီၣ်မှ့း ဇၤစာ် တဲၢ်. မၤနဲၢ်သံဒီၣ်ကဲၤယဲၤထဲၢ်ယနှးဟဲးထာ် တဲၤၡံးတဲၤနှဲး ဒဳဘဧၤ လစဘူာ်အမံၤအပူၤနဳၤ. 19ဘ့ာ်မ့ယကနှးဟဲးထာ်တဲၤၡံးတဲၤနှဲးဒဳ ဘဧၤလစဘူာ် အစိသလဲအပူၤနဳၤဒဳၣ်, သံဖဳးသံလံၤတစီာ်နှးဟဲး ထာ် ကိာ်ဒီပီၢ်ပွဲၤ. မဲၤကနဳၤစဲာ်တစီာ်ကမၱာ်ကီ အစံးရး သံ. 20ဘ့ာ်မ့ယကနှးဟဲးထာ်တဲၤၡံးတဲၤနှဲး ကၱာ် ကဘၱာ်စဲာ်အစူးကနဳဒဳၣ်, ကဘၱာ်စဲာ်အထံအက့ၤ ဓဳၤထၱးထဳသံတခီ.
21“ဘ့ပၠၤအခဳးဘါအါဓဳၤတပွဲၤ အီၣ်အံာ်ပ့ ထာ်တဲၤရၱၢ်တဲၤစူ ကၱာ် တိၤအံာ်စရှံၣ်ဖါအခၠၱးနဳၤ, စတဲၤထီ တဲၤလၤတစီာ် အီၣ်အဲးဇဲၤနဲၤ ဘဲာ်တပွဲး. 22ပရၤဆါ ပၠၤအခဳးဘါအါဓဳၤဒဳၣ်လံစဲာ်တပွဲၤဒဳး ဖၠး ကၱာ်နဳၤပဲၤစဲာ်တပျာ်ဒဳၣ်, စဖၱးသံဝံၢ်ဝှါလၢ် ဝၤတဲၤရၱၢ် တဲၤစူထဲၢ်စဲာ်တစီာ် ပဲၢ်ဓဳၤပဲၢ်မူၤကဲၤဒဳၣ်, စကဖၱးအါဝူၢ် တပွဲးစဲာ်တဲၤထီတဲၤလၤတစီာ်နဳၤ ကၱာ် ပ့ၢ်ဖးအံာ် လၤ ကဲတဲၤထဲၢ်စအါဝူၢ်နံၤတစီာ်နဳၤ.
23“ပၠၤအတအီၣ်ကိာ်ယကါနီးတပွဲၤနဳၤ မၱာ်အထာ်ခဳးကါနှဲးနှဲး ယဲၤတပွဲၤ, ကၱာ်ပၠၤအတထူးပျဳာ် ဘဲပျဳာ်ဇဳၤယဲၤတဲၤနီးတပွဲၤမၱာ်ပၠၤ အပၢ် ဖြူးပၢ်ဖြၱတဲၤ လီၤ.”
တဲၤနှဲးအစၱးပိးက့ၤဘးအလ့ၤကါ
(မး ၁၂:၄၃-၄၅)
24“ဘ့တဲၤနှဲးအစၱးပိးဟဲးထာ်ဝှါပၠၤအဟၱး ကျဲနဳၤ, စဟဲးဝၢ် လှဲးစလ့ၤစကျဲးဒဳခီကြးခဳးနဳၤ, ပရၤဆါ စတပးထၱးအလ့ၤအကျဲးတလါ နီးဒဳၣ်စဒီၣ်, ‘ယကက့ၤ ဒဳယရှံၣ်ထဲၢ်ယပၢ်လၤတ့ၢ်တဝၤနဳၤ.’ 25ဘ့စက့ၤဘးစလ့ၤကါ, က့ၤနံၢ်ရှံၣ်ဒဳးပူၤဒဳၣ်, စစာ်ထၱး ကဲၤအအီၣ်ဝှံးဘါ ဝၢ်ဘါကၱာ်အအီၣ်အဲးဇဲၤနဲၤဒဳး. 26ဝှါဒဳၣ်စလ့ၤကၱာ်ယဳၤကဲာ် ကဲၤ တဲၤနှဲးအကၱကဲာ် ဒဳၣ်လံစဲာ်သါသိးတဒဳ, ကၱာ်လ့ၤအီၣ်ပျဳာ်ဆီယံၢ် လၢ်ဝၤ ဒဳနဳၤဒဳၣ်, ပၠၤခဳနဳၤတပွဲၤဇၱၢ်လၤဇိၢ်ထာ် ဒဳၣ်ချဳကၱာ်အအူ ဆူးနဳၤတခီ” စဒီ ဆးကဲၤပၠၤတစီာ်ဓဳၤ.
တဲၤသးလဳၢ်သးလၤနှဲးနှဲး
27ဘ့စဒီၣ်ဖါသးတဲၤအယဳၤအခၠၱးနဳၤ, အမံၤမှူးအအီၣ်ဒဳပၠၤအပဳၤအဟီးအကျဲတပွဲၤ ထဳထာ် အလ့ၢ်ကၱာ်ဒီၣ်ကဲၤစဲာ်, “အဘဲာ်ဟိးဝၱၤ မၱာ် ဖူထဲၢ် အမူၤသဲာ်ဒဳထာ်အံာ်နဲၤတမဲ ကၱာ်နူၤထဲၢ်အဘဳာ်အီ ကဲၤနဲၤနူၤထံ နဳၤ” စဒီၣ်ကဲၤယ့ၣ်ရှူးဓဳၤ.
28ပရၤဆါယ့ၣ်ရှူးဒီၣ်ကဲၤစဲာ်, “အဘဲာ် ဟိးဝၱၤဒဳၣ်ချဳမၱာ်ပၠၤအဆီးခ့န့းကဘၱာ်စဲာ်အလ့ၢ်အဝှဲး ကၱာ်အအီၣ်အံာ်စဲာ်တစီာ်နဳၤတခီ” စဒီဆး က့ၤကဲၤ လၢ်ဝၤဓဳၤ.
တဲၤတၤတဲၤကလဲၤစီးကျၱး
(မး ၁၂:၃၈-၄၂)
29ဘ့ပၠၤအပဳၤအဟီးလၤတ့ၢ်ပျဳာ်လၢ်ဝၤ နဳၤ, ယ့ၣ်ရှူးဒီၣ်က့ၤ ကဲၤကယဳၤ, “ပၠၤခဳနူၤယဳၤတခွံ မၱာ်အကၱကဲာ်အခွံ. စတၤတဲၤအဟိအကလဲၤ, ပရၤဆါ တဲၤကအံာ်လၤနံၤစဲာ်စီၤယိၤနါအဟိကလဲၤလီၤ. 30အစာ်ဘိစီၤယိၤနါမၱာ်နံၤဝ့ဖဳးအနံၤခံ တဲၤကလဲၤ အခီနဳၤ, ပၠၤအဖဳးမၱာ်တဲၤ ကလဲၤပၠၤအယဳၤတရူၢ်အနံၤ ခံခံ. 31ဘ့တဲၤစံးရးအမူၤနံၤနဳၤ, လီၢ်ထဲးအဆးဖြးမဳၤကဝဲၢ်ထဳးပျဳာ်ပျဳာ်ကီပၠၤအယဳၤတစီာ်ကၱာ် စကမဲၤ ကီလၢ်ဝၤတဲၤမှူ, မၤနဲၢ်စအီၣ်ဒဳမီၤထၱးကါကၱာ် လ့ၤဆီးခ့န့းဆးဖြးစီၤ ၡလိၤမိၤအတဲၤဇၤတဲးပျၤ, ကၱာ် စာ်ပီၢ်, အဓဳၤဒဳၣ်လံဆးဖြးစီၤၡလိၤမိၤ အီၣ်ယဳၤ. 32ပၠၤအအီၣ်ဒဳနံၤနဝ့အအူးတစီာ် ကဝဲၢ်ထဳးစံးရး ကီပၠၤ အအီၣ်ခဳနူၤယဳၤတရူၢ်. မၤနဲၢ်စီၤယိၤနါအတဲၤ ဒီထိးအစဲ စဲာ်တစီာ်ပၤယၤ လၤက့ၤအန့ၤ, ကၱာ်စာ်ပီၢ် အဓဳၤဒဳၣ်လံစီၤယိၤနါအီၣ်ယဳၤ” စဒီၣ်ကဲၤလၢ် ဝၤဓဳၤ.
န့ၤဘၱစဲာ်အတဲၤလှၱ
(မး ၅:၁၅, ၆:၂၂-၂၃)
33“ပၠၤတဓဳၤလၤဝှါမှၱးအူဒဳဒဳၣ်ဖျးလၤကျဳၤ ဘံာ်ကၱာ် ပးလှူၣ် တပွဲၤနီး. မၱာ်စာ်ဘိထဲၢ်ပၠၤအလ့ၤနံၢ် ရှံၣ်ပူၤတစီာ်ကစာ်ထၱးဇၤပီၢ်နဳၤ, ပၠၤ ဘဲထာ်စဲာ်ဒဳ သံးခံခဳးတခီ. 34နန့ၤဘၱစဲာ်အတဲၤလှၱမၱာ် နကၢ် ဓူ ဖျဳး, နကၢ်ဓူဖျဳး ကအဲးမၤဒဳၣ်, နန့ၤဘၱစဲာ်ကအီၣ်ပ့ ထာ်တပွဲးတဲၤလှၱ. ပရၤဆါနကၢ်ဓူဖျဳးကတအဲးမၤနီး ဒဳၣ်, နန့ၤဘၱစဲာ်ကအီၣ်ခံးသရူဒဳးလီၤ. 35ဝဳၢ်အံာ်ပီၢ်စာ်ဘိထဲၢ်တဲၤလှၱ အအီၣ်ဒဳနပူၤနဳၤကတမၱာ်ပီၢ်တဲၤ ခံးနီးနဳၤ. 36ဘ့ာ်မ့ နနၱၤဘၱ စဲာ် ကအီၣ်ပ့ထာ်ကၱာ်တဲၤလှၱကၱာ်အတဘဲာ်ကၠး မၤ တဲၤခံးတမံနီးဒဳၣ်, အကလှၱလှူးလှၱဖြူးကီ, မဲၤစာ်ဘိ မှၱး အူဒဳမဲၤလှၱနဲၤနဳၤ” စဒီၣ်ကဲၤလၢ်ဝၤဓဳၤ.
ယ့ၣ်ရှူးဒီၣ်ဘဲာ်ဆးဘဲာ်ဖၤရံၤၡဲဖဳးကၱာ်အဝှ့းစဲာ်တစီာ်
(မး ၂၃:၁-၃၆, မၢ် ၁၂:၃၈-၄၀)
37ယ့ၣ်ရှူးယၱၢ်ဘဲာ်ဝှါဒဳၣ် ပၠၤဖၤရံၤၡဲဖဳးတပွဲၤယဳၤကဲၤစဲာ်ရှံၣ် အကအၣ်ကိာ်စကါ လူၤမူၤဟဲး အတဲၤအၣ်. မဲၤကနဳၤဒဳၣ်, စလ့ၤအီၣ် ကိာ်ကဲၤလၢ် ဝၤ အကါဒဳဒၱဝၢ်ထၱးနဳၤ. 38ဖၤရံၤၡဲဖဳးတပွဲၤနဳၤထဲး တမိၢ်တမှါကဲၤ ဘ့စစာ်ထၱးယ့ၣ်ရှူးတဝှူစဘါ အစူးခီး နီးကၱာ်အၣ်အီအူ ဆူးကဲၤနဳၤ. 39ကနဳၤအစဲ ဘၱာ်စဲာ်ဒီၣ်စဲာ်, “သံဖၤရံၤၡဲဖဳး တစီာ် မဲၤဘါသးဘါ စီးချ့းစီးလီးအချဳအသါပၤ, ပရၤဆါသံသးပူၤမၱာ် အအီၣ် ပ့ထာ်တဲၤအါဝူၢ်အါသဖျဲးကၱာ်တဲၤကၱကဲာ်မဲၤလှီ. 40ပၠၤအကဓူၤတစီာ်, ကဘၱာ်စဲာ်ထဲၢ်အမဲၤထာ်တဲၤအချဳအသါပၤ တပွဲၤနဳၤ တမဲၤထာ်ပီၢ် တဲၤအပူၤနီးနီးဧါ. 41အံာ် က့ၤစာ်က့ၤပီၢ်အဆဲးညဲဖဳးတစီာ်, ကၱာ် တဲၤလဳၢ်စါ စဲးကမၱာ်ကီသံနံၤခံ အပျၱအစါ” စဒီၣ်ကဲၤလၢ်ဝၤ ဓဳၤ.
42“တဲၤပၤကလၤဘဲာ်ကီသံပွ့းတဲၢ်လီၤ, သံဖၤရံၤၡဲဖဳးတစီာ်, မၤနဲၢ်သံအံာ်တပွဲးကဘၱာ်စဲာ် ဇရၤလှဲာ်ကၱာ်ဖူဒူာ်လှဲာ်, ကၱာ်တဝှံးမူၤဖဳးအရါနဳၤ အသွဲးၡံးတသွဲး, ပရၤဆါသံစာ်တလိးတဲၤတၱၢ် တဲၤမှးကၱာ်တဲၤဘဲာ် လီၢ်ကဘၱာ်စဲာ်. တဲၤအယဳၤသံ မီၤမဲၤကၱာ်လဲၢ်တၤကဲတဲၤအလဝ့ၤတစီာ် နဳၤတခီ.
43“တဲၤပၤကလၤဘဲာ်ကီသံပွ့းတဲၢ်လီၤ, သံဖၤရံၤၡဲဖဳးတစီာ်, မၤနဲၢ်သံသးကလဳၢ်ဆးနါဒဳ အလ့ၤထာ်ယၱၤအလှီမီၢ်ဒဳဘူၣ်ဘျီၣ်အပူၤ နဳၤ ကၱာ် သံဘဲာ်လီၢ်ပၠၤအတဲၤဒဳတဲၤယးဒဳဒဳတကျၢ်ခဳးနဳၤ. 44တဲၤပၤ ကလၤဘဲာ်ကီသံပွ့းတဲၢ်လီၤ, မၤနဲၢ်သံမၱာ် ကဲၤအစာ်ဘိလူၢ်ခဳးထဲၢ်ပၠၤတစီာ် ခဲထာ်ယၢ်ထာ်တဘံ တဘးတစီာ်နဳၤ” စဒီၣ်ကဲၤလၢ်ဝၤတစီာ်ဓဳၤ.
45အဝှ့းစဲာ်တစီာ်အကျဲတပွဲၤဒီၣ်ကဲၤ ယ့ၣ်ရှူး, “ဆရၣ်, နဒီၣ် တဲၤအယဳၤတစီာ်နဳၤအဘဲာ်ထံးဘဲာ်ဒိဝၤပာ်ပာ်” စဒီၣ်ကဲၤလၢ်ဝၤဓဳၤ.
46ယ့ၣ်ရှူးဒီၣ်က့ၤစဲာ်, “တဲၤပၤသံနံၤခံပာ် ပာ်, သံအဝှ့းစဲာ်တစီာ်, မၤနဲၢ်, သံတဲာ် ထာ်တဲၤထဳး တဲၤပၤ ပၠၤအပျ့ဘးခဳး, ပရၤဆါသံသဲ န့ၤ သံတတီး ဘဲာ်ကၱာ်သံစူးမူးတမဲနီး. 47တဲၤပၤကလၤဘဲာ်ကီ သံပွ့းတဲၢ်လီၤ, မၤနဲၢ်သံဘီာ်ထာ်ဝံတစီာ်အဘံာ်ခဳး, ထဲၢ်သံပာ်မဲၤ သံကဲၤ တစီာ်နဳၤ. 48မဲၤအစာ်ဘိသံအဳလါ ဖျးလၤကိာ်ကဲၤစဲာ်တစီာ် အတဲၤမဲၤနဳၤ. အနှဲးနှဲးနဳၤ, သံပာ်တစီာ်မဲၤသံကဲၤဝၱ, မၱာ်သံဘီာ်ထာ် ကဲၤစဘံာ်ခဳး. 49တဲၤအယဳၤအခဳးအစဲကဘၱာ်စဲာ်အတဲၤဇၤ တဲၤပျၤဒီၣ် ကဲၤကယဳၤ, ‘ယကသဓဳလ့ၤကီဝံတစီာ် ကၱာ်အပျဲၢ်အဘီၣ်တစီာ်ဒဳစအီၣ် နဳၤ, ကၱာ်စကလိၤမဲၤဆဲးညဲကီတစီာ်, ကၱာ်မဲၤသံကီတစီာ်စီာ်,’ အဒီၣ်ကဲၤ ဓဳၤ. 50ကနဳၤအခဳးအစဲ, ဝံတစီာ် အသွံၣ်ခဳးဓဳၤကဘဲာ်တၤက့ၤကီ သံလှ့လၢ်ခဳး အီၣ်ထာ် အကါထၱးထိဓဳၤလၤခဳနူၤယဳၤနဳၤ. 51ကဳၤ ထာ်ဘ့ စီၤဟ့းဘ့းလးအသွံၣ်ထိ ဓဳၤလၤ စီၤစကၤရယၤထဲၢ်အသံလါကဲၤ တဲၤသဘဲခဳး ကၱာ်တဲၤလှူၣ်ၡံၣ်အပျဲးတပွဲၤအသွံၣ်နဳၤ. အဘဲာ်ဟဳ, ယဒီ ဆးသံပၠၤအယဳၤတခွံကဘဲာ်တၤပျ့းကီ.
52“တဲၤပၤကလၤဘဲာ်ကီသံပွ့းတဲၢ်လီၤ, အဝှ့းစဲာ်တစီာ်. မၤ နဲၢ်, သံဖၱးကျဳၤဝှါ တဲၤဇၤတဲၤပျၤအခးကျဲၢ်အနှဲးဝၱၢ်ကါ, သံသဲန့ၤ သံတလ့ၤနံၢ်နီးကၱာ်သံမဲၤဒၱာ်ဒါကဲၤပၠၤ အသးအဲး လ့ၤနံၢ်တစီာ်အကျဲးအစဲနဳၤ,” စဒီၣ်ကဲၤလၢ်ဝၤတစီာ် ဓဳၤ.
53ဘ့ယ့ၣ်ရှူးဟဲးထာ်ဝှါကဲၤတဲၤအလ့ၤ ဘ့နဳၤ, အသၱာ်တဲၤ သီၣ်တဲၤသီတစီာ်ကၱာ်ဖၤရံၤၡဲဖဳးတစီာ်ဒီၣ်နဳၤဒီၣ်ဇၱၢ်ကဲၤလၢ်ဝၤအဘဲာ်ကၠး တဲၤအမဳအမဳၤ, 54စာ်ဘိထဲၢ်စကခွဲးထာ်လၢ်ဝၤအတဲၤ ကမဲးအကဆးယီၤစဲာ်အနံၤခံနဳၤ.
ទើបបានជ្រើសរើសហើយ៖
လူၤကၣ် 11: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 11
11
ယ့ၣ်ရှူးသဲာ်လှိတဲၤတၤသဘဲ
(မး ၆:၉-၁၃, ၇:၇-၁၁)
1တနံၤတသဲ ယ့ၣ်ရှူးသဘဲထာ်ဒဳအလ့ၤ တချဳးနဳၤ ကၱာ်စအီၣ်ဆီးဒဲအခၠၱးနဳၤ, စပျဲၢ်စဘီၣ်အကျဲ တပွဲၤဒီၣ်စဲာ်, “အဳဘၱာ်စဲာ်, သဲာ်လှိ ပီၢ်ဝၤအကသဘဲ အစာ်ဘိစီၤယိၤဟၣ်သဲာ်ကဲၤအပျဲၢ်အဘီၣ်တစီာ် အခီ နဳၤ” စဒီၣ်ကဲၤလၢ်ဝၤဓဳၤ.
2ယ့ၣ်ရှူးဒီၣ်က့ၤစဲာ်တစီာ်,
“ဘ့သံသဘဲနဳၤ ဒီၣ်ပီၢ်,
အဳအပာ်, နမံၤကဘဲာ်ဒီဧဲၤအစါထံတကၱာ်.
နထံ နက့ၤကဓဳၤဒီပီၢ်ဧဲၤတကၱာ်.
3အံာ်ပီၢ်ဝးခဳတနံၤအတကဳာ်တကၱာ်.
4ဘါပျဲးပီၢ်ဝၤတဲၤခီၣ်ဝဲၤ,
မၤနဲၢ်ဝၤဘါပျဲးလဳပၠၤအမီၤတးနံၤ ဝၤတဲၤမဲၤ က့ၤအခဳးလံၢ်တစီာ်အစဲနဳၤ.
ကၱာ်လ့ၤအံာ်ဟူပီၢ်မဲးဝၤဒဳတဲၤနှးကါအပူၤမဲး,” စဒီဆးကဲၤလၢ် ဝၤတစီာ်ဓဳၤ.
5မဲၤဝှါယ့ၣ်ရှူးဒီၣ်ကဲၤစဲာ်တစီာ်, “ဒဳသံကျဲ နဳၤအသီၣ်အီၣ်တပွဲၤကၱာ်ဘ့ကျါမဲလူၤမူၤနဳၤ, သံလ့ၤ ထၱးစဲာ်ကၱာ်ဒီၣ်စဲာ်, ‘အသီၣ်, အံာ်လီၤ မိၢ်ကိာ်ယဲၤတကဳာ်သဳမဲ. 6မၤနဲၢ်, ယသီၣ်တပွဲၤဓဳၤထၱးကဲၤ ယဲၤ, မၱာ်တဲၤအမီၤအံာ်အၣ်စဲာ်တအီၣ်ကဲၤတမံနီး.’ 7စကအီၣ်ဝှါရှံၣ်ပူၤ စဒီၣ်ၡံက့ၤမၤ, ‘မဲၤဒၱာ်ဒါ မဲးယဲၤမဲး. ခးကျဲၢ်အီၣ်ဘီဘံာ်ကဲၤ, ယဲၤကၱာ် ယဖဳး ယလံၤတစီာ်ဆီးမံဆီဟးထဳ. ယတဝဲၢ်ထဳးအံာ်ဇၤနဲၤ နီး’ စကဒီၣ်မၤ ဒဳးဒဳၣ်, 8ယဒီဆးသံ, စကတဝဲၢ်ထဳးအံာ်နီၣ်သီစဲာ်ဒဳစမၱာ်လၢ်ဝၤ အသီၣ်အခဳးအစဲနီး နှီနူၤ, ဒဳစတဲၤတၤတကြၱၢ်နံၤအခဳးအစဲ, စကအံာ် တပွဲးလၢ်ဝၤ. 9ယဒီဆးသံ, တၤပီၢ်, သံကနံၤဘဲာ်ကီ. ဝၢ်လှဲးပီၢ်, သံကပးထၱးကီ. တကျီး ပီၢ်, တဲၤကဘါထာ်နံၤကီသံ. 10မၤနဲၢ် ဒဳၣ် ပၠၤအတၤတဲၤတပွဲၤနဳၤစနံၤဘဲာ်တပွဲး. ပၠၤအဝၢ်လှဲး တဲၤတပွဲၤနဳၤစပး ထၱးတပွဲး, ကၱာ်ပၠၤအတကျီးတဲၤတပွဲၤနဳၤ တဲၤကဘါထာ်နံၤတပွဲးစဲာ်. 11ပရၤဆါဒဳသံကျဲနဳၤ အဖဳးတၤအၣ်တကဳာ် ဒဳၣ်အအံာ်စဲာ်လဳၤ, အတၤအၣ် ဓၢ်ဖဳးဒဳၣ်အအံာ်စဲာ်ဝူၤကအီၣ်ပီၢ်တပွဲၤပွဲၤဧါ. 12မၱတမၱာ်နီး, အတၤအၣ်တဲၤအဒံၣ်တဒူဒဳၣ် အအံာ်စဲာ် လဳၤတ့ၤကအီၣ်ပီၢ်တပွဲၤပွဲၤဧါ. 13မဲၤကနဳၤ သံနဳၤ, သံကၱကဲာ်နီၣ်သီနှီနူၤ, သံကအံာ်ဇၤ မၤသံဖဳး သံလံၤတဲၤအအဲးဒဳၣ်, သံပာ်အအီၣ်ဒဳမီၢ်ခဳးတပွဲၤနဳၤ စကအံာ် ဒဳၣ်ချဳကီပၠၤအတၤစဲာ်တစီာ်သးစါထံတဘဲာ်နီးဧါ,” စဒီၣ်က့ၤလၢ်ဝၤတစီာ် ဓဳၤ.
ယ့ၣ်ရှူးကၱာ်ဘဧၤလစဘူာ်
(မး ၁၂:၂၂-၃၀, မၢ် ၃:၂၀-၂၇)
14ကၱာ်ဒီယ့ၣ်ရှူးနှးဟဲးထာ်ကဲၤတဲၤၡံး တဲၤနှဲးအပျၱၤကျဳၤတဒဳ နဳၤဒဳၣ်, ပၠၤအပျၱၤကျဳၤတပွဲၤ ယၱၢ်ဘဲာ်ကဲၤအခဳးအစဲ, ပၠၤတစီာ်ထဲးတမိၢ် တမှါလဳၢ် ကဲၤ. 15ပရၤဆါပၠၤတစီာ်ဒီၣ်ကဲၤ, “စနှးဟဲး ထာ်ဖျီး မံ တဲၤၡံးတဲၤနှဲးဒဳ စဆးဖြးဘဧၤလစဘူာ်အစိ သလဲအပူၤနဳၤ” စဒီၣ်ကဲၤ လၢ်ဝၤဓဳၤ.
16တစီာ်စီာ်သးအဲးဝၢ်လှဲးစတဲၤကမဲာ်ဒဳၣ်, တၤကဲၤစဲာ် တဲၤဟိ တဲၤကလဲၤ အအီၣ်ဒဳမီၢ်ခဳးတစီာ် နဳၤ. 17ပရၤဆါဒဳၣ် ယ့ၣ်ရှူးသၱာ် ဟဲစတဲၤကမဳၤ တစီာ်အခဳးအစဲစဒီၣ်လၢ်ဝၤတစီာ်, “ကယါထံက့ၤ အပ့ၢ် ဖးအန့ၤတစီာ်နဳၤ လၤမူၤလၤဖးတပွဲး. ရှံၣ်ဖါ တစီာ်နဳၤမၱာ်ကနဳၤလီၤလီၤ. 18မဳၤဒဲးလၱး ကပ့ၢ် ဖးမၤအန့ၤဒဳၣ်, စထံစက့ၤကဆီထဳးအီၣ်မှ့း ဇၤစာ် တဲၢ်. မၤနဲၢ်သံဒီၣ်ကဲၤယဲၤထဲၢ်ယနှးဟဲးထာ် တဲၤၡံးတဲၤနှဲး ဒဳဘဧၤ လစဘူာ်အမံၤအပူၤနဳၤ. 19ဘ့ာ်မ့ယကနှးဟဲးထာ်တဲၤၡံးတဲၤနှဲးဒဳ ဘဧၤလစဘူာ် အစိသလဲအပူၤနဳၤဒဳၣ်, သံဖဳးသံလံၤတစီာ်နှးဟဲး ထာ် ကိာ်ဒီပီၢ်ပွဲၤ. မဲၤကနဳၤစဲာ်တစီာ်ကမၱာ်ကီ အစံးရး သံ. 20ဘ့ာ်မ့ယကနှးဟဲးထာ်တဲၤၡံးတဲၤနှဲး ကၱာ် ကဘၱာ်စဲာ်အစူးကနဳဒဳၣ်, ကဘၱာ်စဲာ်အထံအက့ၤ ဓဳၤထၱးထဳသံတခီ.
21“ဘ့ပၠၤအခဳးဘါအါဓဳၤတပွဲၤ အီၣ်အံာ်ပ့ ထာ်တဲၤရၱၢ်တဲၤစူ ကၱာ် တိၤအံာ်စရှံၣ်ဖါအခၠၱးနဳၤ, စတဲၤထီ တဲၤလၤတစီာ် အီၣ်အဲးဇဲၤနဲၤ ဘဲာ်တပွဲး. 22ပရၤဆါ ပၠၤအခဳးဘါအါဓဳၤဒဳၣ်လံစဲာ်တပွဲၤဒဳး ဖၠး ကၱာ်နဳၤပဲၤစဲာ်တပျာ်ဒဳၣ်, စဖၱးသံဝံၢ်ဝှါလၢ် ဝၤတဲၤရၱၢ် တဲၤစူထဲၢ်စဲာ်တစီာ် ပဲၢ်ဓဳၤပဲၢ်မူၤကဲၤဒဳၣ်, စကဖၱးအါဝူၢ် တပွဲးစဲာ်တဲၤထီတဲၤလၤတစီာ်နဳၤ ကၱာ် ပ့ၢ်ဖးအံာ် လၤ ကဲတဲၤထဲၢ်စအါဝူၢ်နံၤတစီာ်နဳၤ.
23“ပၠၤအတအီၣ်ကိာ်ယကါနီးတပွဲၤနဳၤ မၱာ်အထာ်ခဳးကါနှဲးနှဲး ယဲၤတပွဲၤ, ကၱာ်ပၠၤအတထူးပျဳာ် ဘဲပျဳာ်ဇဳၤယဲၤတဲၤနီးတပွဲၤမၱာ်ပၠၤ အပၢ် ဖြူးပၢ်ဖြၱတဲၤ လီၤ.”
တဲၤနှဲးအစၱးပိးက့ၤဘးအလ့ၤကါ
(မး ၁၂:၄၃-၄၅)
24“ဘ့တဲၤနှဲးအစၱးပိးဟဲးထာ်ဝှါပၠၤအဟၱး ကျဲနဳၤ, စဟဲးဝၢ် လှဲးစလ့ၤစကျဲးဒဳခီကြးခဳးနဳၤ, ပရၤဆါ စတပးထၱးအလ့ၤအကျဲးတလါ နီးဒဳၣ်စဒီၣ်, ‘ယကက့ၤ ဒဳယရှံၣ်ထဲၢ်ယပၢ်လၤတ့ၢ်တဝၤနဳၤ.’ 25ဘ့စက့ၤဘးစလ့ၤကါ, က့ၤနံၢ်ရှံၣ်ဒဳးပူၤဒဳၣ်, စစာ်ထၱး ကဲၤအအီၣ်ဝှံးဘါ ဝၢ်ဘါကၱာ်အအီၣ်အဲးဇဲၤနဲၤဒဳး. 26ဝှါဒဳၣ်စလ့ၤကၱာ်ယဳၤကဲာ် ကဲၤ တဲၤနှဲးအကၱကဲာ် ဒဳၣ်လံစဲာ်သါသိးတဒဳ, ကၱာ်လ့ၤအီၣ်ပျဳာ်ဆီယံၢ် လၢ်ဝၤ ဒဳနဳၤဒဳၣ်, ပၠၤခဳနဳၤတပွဲၤဇၱၢ်လၤဇိၢ်ထာ် ဒဳၣ်ချဳကၱာ်အအူ ဆူးနဳၤတခီ” စဒီ ဆးကဲၤပၠၤတစီာ်ဓဳၤ.
တဲၤသးလဳၢ်သးလၤနှဲးနှဲး
27ဘ့စဒီၣ်ဖါသးတဲၤအယဳၤအခၠၱးနဳၤ, အမံၤမှူးအအီၣ်ဒဳပၠၤအပဳၤအဟီးအကျဲတပွဲၤ ထဳထာ် အလ့ၢ်ကၱာ်ဒီၣ်ကဲၤစဲာ်, “အဘဲာ်ဟိးဝၱၤ မၱာ် ဖူထဲၢ် အမူၤသဲာ်ဒဳထာ်အံာ်နဲၤတမဲ ကၱာ်နူၤထဲၢ်အဘဳာ်အီ ကဲၤနဲၤနူၤထံ နဳၤ” စဒီၣ်ကဲၤယ့ၣ်ရှူးဓဳၤ.
28ပရၤဆါယ့ၣ်ရှူးဒီၣ်ကဲၤစဲာ်, “အဘဲာ် ဟိးဝၱၤဒဳၣ်ချဳမၱာ်ပၠၤအဆီးခ့န့းကဘၱာ်စဲာ်အလ့ၢ်အဝှဲး ကၱာ်အအီၣ်အံာ်စဲာ်တစီာ်နဳၤတခီ” စဒီဆး က့ၤကဲၤ လၢ်ဝၤဓဳၤ.
တဲၤတၤတဲၤကလဲၤစီးကျၱး
(မး ၁၂:၃၈-၄၂)
29ဘ့ပၠၤအပဳၤအဟီးလၤတ့ၢ်ပျဳာ်လၢ်ဝၤ နဳၤ, ယ့ၣ်ရှူးဒီၣ်က့ၤ ကဲၤကယဳၤ, “ပၠၤခဳနူၤယဳၤတခွံ မၱာ်အကၱကဲာ်အခွံ. စတၤတဲၤအဟိအကလဲၤ, ပရၤဆါ တဲၤကအံာ်လၤနံၤစဲာ်စီၤယိၤနါအဟိကလဲၤလီၤ. 30အစာ်ဘိစီၤယိၤနါမၱာ်နံၤဝ့ဖဳးအနံၤခံ တဲၤကလဲၤ အခီနဳၤ, ပၠၤအဖဳးမၱာ်တဲၤ ကလဲၤပၠၤအယဳၤတရူၢ်အနံၤ ခံခံ. 31ဘ့တဲၤစံးရးအမူၤနံၤနဳၤ, လီၢ်ထဲးအဆးဖြးမဳၤကဝဲၢ်ထဳးပျဳာ်ပျဳာ်ကီပၠၤအယဳၤတစီာ်ကၱာ် စကမဲၤ ကီလၢ်ဝၤတဲၤမှူ, မၤနဲၢ်စအီၣ်ဒဳမီၤထၱးကါကၱာ် လ့ၤဆီးခ့န့းဆးဖြးစီၤ ၡလိၤမိၤအတဲၤဇၤတဲးပျၤ, ကၱာ် စာ်ပီၢ်, အဓဳၤဒဳၣ်လံဆးဖြးစီၤၡလိၤမိၤ အီၣ်ယဳၤ. 32ပၠၤအအီၣ်ဒဳနံၤနဝ့အအူးတစီာ် ကဝဲၢ်ထဳးစံးရး ကီပၠၤ အအီၣ်ခဳနူၤယဳၤတရူၢ်. မၤနဲၢ်စီၤယိၤနါအတဲၤ ဒီထိးအစဲ စဲာ်တစီာ်ပၤယၤ လၤက့ၤအန့ၤ, ကၱာ်စာ်ပီၢ် အဓဳၤဒဳၣ်လံစီၤယိၤနါအီၣ်ယဳၤ” စဒီၣ်ကဲၤလၢ် ဝၤဓဳၤ.
န့ၤဘၱစဲာ်အတဲၤလှၱ
(မး ၅:၁၅, ၆:၂၂-၂၃)
33“ပၠၤတဓဳၤလၤဝှါမှၱးအူဒဳဒဳၣ်ဖျးလၤကျဳၤ ဘံာ်ကၱာ် ပးလှူၣ် တပွဲၤနီး. မၱာ်စာ်ဘိထဲၢ်ပၠၤအလ့ၤနံၢ် ရှံၣ်ပူၤတစီာ်ကစာ်ထၱးဇၤပီၢ်နဳၤ, ပၠၤ ဘဲထာ်စဲာ်ဒဳ သံးခံခဳးတခီ. 34နန့ၤဘၱစဲာ်အတဲၤလှၱမၱာ် နကၢ် ဓူ ဖျဳး, နကၢ်ဓူဖျဳး ကအဲးမၤဒဳၣ်, နန့ၤဘၱစဲာ်ကအီၣ်ပ့ ထာ်တပွဲးတဲၤလှၱ. ပရၤဆါနကၢ်ဓူဖျဳးကတအဲးမၤနီး ဒဳၣ်, နန့ၤဘၱစဲာ်ကအီၣ်ခံးသရူဒဳးလီၤ. 35ဝဳၢ်အံာ်ပီၢ်စာ်ဘိထဲၢ်တဲၤလှၱ အအီၣ်ဒဳနပူၤနဳၤကတမၱာ်ပီၢ်တဲၤ ခံးနီးနဳၤ. 36ဘ့ာ်မ့ နနၱၤဘၱ စဲာ် ကအီၣ်ပ့ထာ်ကၱာ်တဲၤလှၱကၱာ်အတဘဲာ်ကၠး မၤ တဲၤခံးတမံနီးဒဳၣ်, အကလှၱလှူးလှၱဖြူးကီ, မဲၤစာ်ဘိ မှၱး အူဒဳမဲၤလှၱနဲၤနဳၤ” စဒီၣ်ကဲၤလၢ်ဝၤဓဳၤ.
ယ့ၣ်ရှူးဒီၣ်ဘဲာ်ဆးဘဲာ်ဖၤရံၤၡဲဖဳးကၱာ်အဝှ့းစဲာ်တစီာ်
(မး ၂၃:၁-၃၆, မၢ် ၁၂:၃၈-၄၀)
37ယ့ၣ်ရှူးယၱၢ်ဘဲာ်ဝှါဒဳၣ် ပၠၤဖၤရံၤၡဲဖဳးတပွဲၤယဳၤကဲၤစဲာ်ရှံၣ် အကအၣ်ကိာ်စကါ လူၤမူၤဟဲး အတဲၤအၣ်. မဲၤကနဳၤဒဳၣ်, စလ့ၤအီၣ် ကိာ်ကဲၤလၢ် ဝၤ အကါဒဳဒၱဝၢ်ထၱးနဳၤ. 38ဖၤရံၤၡဲဖဳးတပွဲၤနဳၤထဲး တမိၢ်တမှါကဲၤ ဘ့စစာ်ထၱးယ့ၣ်ရှူးတဝှူစဘါ အစူးခီး နီးကၱာ်အၣ်အီအူ ဆူးကဲၤနဳၤ. 39ကနဳၤအစဲ ဘၱာ်စဲာ်ဒီၣ်စဲာ်, “သံဖၤရံၤၡဲဖဳး တစီာ် မဲၤဘါသးဘါ စီးချ့းစီးလီးအချဳအသါပၤ, ပရၤဆါသံသးပူၤမၱာ် အအီၣ် ပ့ထာ်တဲၤအါဝူၢ်အါသဖျဲးကၱာ်တဲၤကၱကဲာ်မဲၤလှီ. 40ပၠၤအကဓူၤတစီာ်, ကဘၱာ်စဲာ်ထဲၢ်အမဲၤထာ်တဲၤအချဳအသါပၤ တပွဲၤနဳၤ တမဲၤထာ်ပီၢ် တဲၤအပူၤနီးနီးဧါ. 41အံာ် က့ၤစာ်က့ၤပီၢ်အဆဲးညဲဖဳးတစီာ်, ကၱာ် တဲၤလဳၢ်စါ စဲးကမၱာ်ကီသံနံၤခံ အပျၱအစါ” စဒီၣ်ကဲၤလၢ်ဝၤ ဓဳၤ.
42“တဲၤပၤကလၤဘဲာ်ကီသံပွ့းတဲၢ်လီၤ, သံဖၤရံၤၡဲဖဳးတစီာ်, မၤနဲၢ်သံအံာ်တပွဲးကဘၱာ်စဲာ် ဇရၤလှဲာ်ကၱာ်ဖူဒူာ်လှဲာ်, ကၱာ်တဝှံးမူၤဖဳးအရါနဳၤ အသွဲးၡံးတသွဲး, ပရၤဆါသံစာ်တလိးတဲၤတၱၢ် တဲၤမှးကၱာ်တဲၤဘဲာ် လီၢ်ကဘၱာ်စဲာ်. တဲၤအယဳၤသံ မီၤမဲၤကၱာ်လဲၢ်တၤကဲတဲၤအလဝ့ၤတစီာ် နဳၤတခီ.
43“တဲၤပၤကလၤဘဲာ်ကီသံပွ့းတဲၢ်လီၤ, သံဖၤရံၤၡဲဖဳးတစီာ်, မၤနဲၢ်သံသးကလဳၢ်ဆးနါဒဳ အလ့ၤထာ်ယၱၤအလှီမီၢ်ဒဳဘူၣ်ဘျီၣ်အပူၤ နဳၤ ကၱာ် သံဘဲာ်လီၢ်ပၠၤအတဲၤဒဳတဲၤယးဒဳဒဳတကျၢ်ခဳးနဳၤ. 44တဲၤပၤ ကလၤဘဲာ်ကီသံပွ့းတဲၢ်လီၤ, မၤနဲၢ်သံမၱာ် ကဲၤအစာ်ဘိလူၢ်ခဳးထဲၢ်ပၠၤတစီာ် ခဲထာ်ယၢ်ထာ်တဘံ တဘးတစီာ်နဳၤ” စဒီၣ်ကဲၤလၢ်ဝၤတစီာ်ဓဳၤ.
45အဝှ့းစဲာ်တစီာ်အကျဲတပွဲၤဒီၣ်ကဲၤ ယ့ၣ်ရှူး, “ဆရၣ်, နဒီၣ် တဲၤအယဳၤတစီာ်နဳၤအဘဲာ်ထံးဘဲာ်ဒိဝၤပာ်ပာ်” စဒီၣ်ကဲၤလၢ်ဝၤဓဳၤ.
46ယ့ၣ်ရှူးဒီၣ်က့ၤစဲာ်, “တဲၤပၤသံနံၤခံပာ် ပာ်, သံအဝှ့းစဲာ်တစီာ်, မၤနဲၢ်, သံတဲာ် ထာ်တဲၤထဳး တဲၤပၤ ပၠၤအပျ့ဘးခဳး, ပရၤဆါသံသဲ န့ၤ သံတတီး ဘဲာ်ကၱာ်သံစူးမူးတမဲနီး. 47တဲၤပၤကလၤဘဲာ်ကီ သံပွ့းတဲၢ်လီၤ, မၤနဲၢ်သံဘီာ်ထာ်ဝံတစီာ်အဘံာ်ခဳး, ထဲၢ်သံပာ်မဲၤ သံကဲၤ တစီာ်နဳၤ. 48မဲၤအစာ်ဘိသံအဳလါ ဖျးလၤကိာ်ကဲၤစဲာ်တစီာ် အတဲၤမဲၤနဳၤ. အနှဲးနှဲးနဳၤ, သံပာ်တစီာ်မဲၤသံကဲၤဝၱ, မၱာ်သံဘီာ်ထာ် ကဲၤစဘံာ်ခဳး. 49တဲၤအယဳၤအခဳးအစဲကဘၱာ်စဲာ်အတဲၤဇၤ တဲၤပျၤဒီၣ် ကဲၤကယဳၤ, ‘ယကသဓဳလ့ၤကီဝံတစီာ် ကၱာ်အပျဲၢ်အဘီၣ်တစီာ်ဒဳစအီၣ် နဳၤ, ကၱာ်စကလိၤမဲၤဆဲးညဲကီတစီာ်, ကၱာ်မဲၤသံကီတစီာ်စီာ်,’ အဒီၣ်ကဲၤ ဓဳၤ. 50ကနဳၤအခဳးအစဲ, ဝံတစီာ် အသွံၣ်ခဳးဓဳၤကဘဲာ်တၤက့ၤကီ သံလှ့လၢ်ခဳး အီၣ်ထာ် အကါထၱးထိဓဳၤလၤခဳနူၤယဳၤနဳၤ. 51ကဳၤ ထာ်ဘ့ စီၤဟ့းဘ့းလးအသွံၣ်ထိ ဓဳၤလၤ စီၤစကၤရယၤထဲၢ်အသံလါကဲၤ တဲၤသဘဲခဳး ကၱာ်တဲၤလှူၣ်ၡံၣ်အပျဲးတပွဲၤအသွံၣ်နဳၤ. အဘဲာ်ဟဳ, ယဒီ ဆးသံပၠၤအယဳၤတခွံကဘဲာ်တၤပျ့းကီ.
52“တဲၤပၤကလၤဘဲာ်ကီသံပွ့းတဲၢ်လီၤ, အဝှ့းစဲာ်တစီာ်. မၤ နဲၢ်, သံဖၱးကျဳၤဝှါ တဲၤဇၤတဲၤပျၤအခးကျဲၢ်အနှဲးဝၱၢ်ကါ, သံသဲန့ၤ သံတလ့ၤနံၢ်နီးကၱာ်သံမဲၤဒၱာ်ဒါကဲၤပၠၤ အသးအဲး လ့ၤနံၢ်တစီာ်အကျဲးအစဲနဳၤ,” စဒီၣ်ကဲၤလၢ်ဝၤတစီာ် ဓဳၤ.
53ဘ့ယ့ၣ်ရှူးဟဲးထာ်ဝှါကဲၤတဲၤအလ့ၤ ဘ့နဳၤ, အသၱာ်တဲၤ သီၣ်တဲၤသီတစီာ်ကၱာ်ဖၤရံၤၡဲဖဳးတစီာ်ဒီၣ်နဳၤဒီၣ်ဇၱၢ်ကဲၤလၢ်ဝၤအဘဲာ်ကၠး တဲၤအမဳအမဳၤ, 54စာ်ဘိထဲၢ်စကခွဲးထာ်လၢ်ဝၤအတဲၤ ကမဲးအကဆးယီၤစဲာ်အနံၤခံနဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.