ယိၤဟၣ် 9
9
ယ့ၣ်ရှူးမဲၤလှၱထာ်က့ၤအကၢ်ဓူခံးတပွဲၤ
1ဘ့ယ့ၣ်ရှူးလ့ၤအလှီမီၢ်နဳၤ, စကဲာ်ထၱး ကဲၤပၠၤအကၢ်ဓူခံးလှ့ အအီၣ်လၤနဳၤတပွဲၤ. 2စပျဲၢ်စဘီၣ်တစီာ်ဒဲစဲာ်, စဒီၣ်, “ဆရၣ်, အမဲၤနံၤတဲၤ ခီၣ်ဝဲၤမၱာ်ပၠၤအယဳၤတပွဲၤဧါ, မၱာ်စမဳၤစပာ်ဧါ. ပွ့စအီၣ် လၤ မၤအကၢ်ဓူခံးနဳၤနဲၢ်,” စဒဲလၢ်ဝၤဓဳၤ.
3ယ့ၣ်ရှူးဒီၣ်ရှံစဲာ်တစီာ်, “တဘဲာ်ပၠၤအယဳၤတပွဲၤမဲၤနံၤတဲၤ ခီၣ်ဝဲၤနီးနီး, တဘဲာ်စမဳၤစပာ် မဲၤနံၤတဲၤခီၣ်ဝဲၤနီးနီး. မၱာ်ဒဳကဘၱာ်စဲာ်အတဲၤဖၱး တဲၤမဲၤကလှၱထာ်ပီၢ်ဒဳပၠၤတစီာ်အလှီမီၢ်အနံၤခံလီၤ. 4ယကမဲၤဘဲာ်အသဓဳလ့ၤယဲၤတပွဲၤအတဲၤမဲၤ ဘ့လူၤမူၤထံးလူၤမူၤ ဆဲးခဲဝ့ၤ ယဳၤနဳၤ. တဲၤခံးလၤကဲၤ တပျာ်ပၠၤတမဲၤဇၤပ့ၤတဲၤမဲၤတဗွဲနီး. 5ယအီၣ်ဝ့ၤဒဳလၢ်ခဳးယဳၤအသူသရ့, ယမၱာ်လၢ်ခဳးအတဲၤလှၱလီၤ,” စဒီၣ်လၢ် ဝၤတစီာ်ဓဳၤ.
6စဒီၣ်ဝှါကနဳၤဒဳၣ်, စထွၱးလၤကဲၤစပအဲး ထံဟးဖၱမူးကျဲ, ဘီာ်ကဲၤဟးပအဲးကၱာ်ထိးရိးကဲၤ စကၢ်ဓူ. 7ကၱာ်စဒီၣ်လၢ်ဝၤ, “လ့ၤကၱာ်အူပျၤ ဘါပီၢ်နမူၢ်ကါဒဳရှံလိၤထံနှီး (အထာ်ပဳၤထာ်ဘါမၱာ် အဘဲာ်သဓဳလ့ၤ) အပူၤနဳၤ,” စဒီၣ်လၢ်ဝၤဓဳၤ. စလ့ၤကၱာ်အူပျၤဘါဝှါ စစာ် ထၱးက့ၤကဲၤတဲၤ.
8ပၠၤအအီၣ်ဘိးထၱးဘိးဝၤစဲာ်ကၱာ်အစာ် ထၱးနဲၤနီၤစတၤအၣ် တဲၤတစီာ်နဳၤဒီၣ်လှဲးလၢ်ဝၤ, “ပၠၤအယဳၤတပွဲၤနဳၤမၱာ်အဆးနါတၤ အၣ်တဲၤ တပွဲၤနဳၤ တဘဲာ်နီးဧါ.” စဒီၣ်ဓဳၤ.
9တစီာ်စီာ်ဒီၣ်, “မၱာ်စဲာ်လီၤ.” အလဝ့ၤတစီာ်ဒီၣ်, “တဘဲာ် စဲာ်နီး, မၱာ်စလါလၢ်ဝၤလီၤ.”
မၱာ်စဲာ်သဲန့ၤ, စဒီၣ်လှၱထာ်ကဲၤ, “ယမၱာ်စဲာ်လီၤ,” စဒီၣ်ပၠၤဓဳၤ.
10ပၠၤတစီာ်ဒဲစဲာ်, “နကၢ်ဓူလှၱထာ်က့ၤဒီ စာ်တဲၢ်.”
11စဒီၣ်ရှံက့ၤလၢ်ဝၤ, “ပၠၤယဳၤအမံၤ ယ့ၣ်ရှူးတပွဲၤမဲၤဝှါဟး ပအဲး, စထိးရိးယကၢ်ဓူကၱာ် စဒီၣ်ယဲၤ, လ့ၤဒဳရှံလိၤထံနှီးကၱာ်အူပျၤဘါ ကဲ. ယလ့ၤအူပျၤဘါဒဳၣ်, ယကဲာ်ထၱးက့ၤကဲၤတဲၤ,” စဒီ ဆးပၠၤဓဳၤ.
12စဲာ်တစီာ်ဒဲလၢ်ဝၤ, “စအီၣ်ဒီၣ်လဲၢ်.”
စဒီၣ်ရှံလၢ်ဝၤ, “ယတသၱာ်ဟဲနီး,” စဒီဆးပၠၤဓဳၤ.
ဖၤရံၤရှဲဖဳးအတဲၤထိးတဲၤဒဲ
13ပၠၤတစီာ်လ့ၤအံာ်ကဲၤအကၢ်ဓူခံးတပွဲၤ ဒဳဖၤရံၤရှဲဖဳးတစီာ် အီၣ်နဳၤ. 14ယ့ၣ်ရှူးဘီာ်ဟးပအဲး, ထိးရိးစကၢ်ဓူကၱာ်မဲၤလှၱထာ် က့ၤစကၢ်ဓူမၱာ်ဒီ မူၤနံၤဆီးဒဲအနံၤနဳၤ. 15ဖၤရံၤရှဲဖဳးတစီာ်ဒဲဒီ စဲာ် တပျာ်ပ့ၤ ထဲၢ်စကၢ်ဓူလှၱထာ်က့ၤစာ်တဲၢ်နဳၤ. စဒီၣ်ရှံလၢ်ဝၤတစီာ်, “စထိးရိးယကၢ်ဓူကၱာ်ဟးပအဲး, ယအူပျၤဘါကၱာ်စာ်ထၱးက့ၤကဲၤတဲၤ,” စဒီ ဆးလၢ်ဝၤ တစီာ်ဓဳၤ.
16မဲၤကနဳၤဒဳၣ်, ဖၤရံၤရှဲဖဳးတစီာ်ဒီၣ်, “ပၠၤ အယဳၤတပွဲၤတအီၣ်ဒဳကဘၱာ်စဲာ်အီၣ်နီး. မၤနဲၢ်ဒဳၣ်, စတအီၣ်အံာ်မူၤနံၤစါထံနီး,” စဒီၣ် လၢ်ဝၤ ဓဳၤ.
ပရၤဆါ, ပၠၤအလဝ့ၤတစီာ်ဒီၣ်ဝ့ၤ, “ပၠၤတဲၤ ခီၣ်ဝဲၤဖဳးတပွဲၤကမဲၤ ဇၤဒီတဲၤစီးကျၱးစီးရှဲကယဳၤ တစီာ်စာ်တဲၢ်,” စဒီၣ်ဓဳၤ. ကၱာ်ဒီပၠၤတစီာ်အကျဲ နဳၤ တဲၤပ့ၢ်ဖးအီၣ်ထာ်ကဲၤ.
17မဲၤကနဳၤဒဳၣ်, စဒီၣ်ဒီအကၢ်ဓူခံးတပွဲၤ တပျာ်ပ့ၤ, “နဒီၣ် ပီၢ် အဘးလှၱထာ်နကၢ်ဓူတပွဲ မၱာ် ပၠၤတၤနဲၢ်,” စဒဲလၢ်ဝၤဓဳၤ.
စဒီဆးလၢ်ဝၤ, “စဲာ်မၱာ်ဝံ,” စဒီၣ်လၢ်ဝၤဓဳၤ.
18ယူဒၤဖဳးတစီာ်တဘူၣ်ကဲၤစကၢ်ဓူခံးဝှါ အလှၱကဲၤနီး, ထိစယဳၤဝှါလၢ်ဝၤအမဳၤအပာ်, ထိး စာ် ဒဲစာ်စဲာ်တစီာ်, 19“အယဳၤမၱာ် သံဖဳးခဳထဲၢ် သံဒီၣ်အကၢ်ဓူခံးလှ့အအီၣ်လၤတပွဲၤနဳၤဧါ. စစာ်ထၱး က့ၤဇၤ တဲၤစာ်တဲၢ်,” စဒဲလၢ်ဝၤဓဳၤ.
20စမဳၤစပာ်ဒီၣ်ရှံကဲၤပၠၤ, “ဝၤသၱာ်ဟဲတပွဲးအယဳၤတပွဲၤမၱာ် ဝၤဖဳးခဳ, ကၱာ်စကၢ်ဓူခံးလှ့စအီၣ် လၤနဳၤလီၤ. 21ပရၤဆါ, စကၢ် ဓူလှၱထာ် က့ၤစာ်တဲၢ်နဳၤဝၤတသၱာ်ဟဲနီး, ပီၢ်ပွဲၤမဲၤလှၱထာ် က့ၤစကၢ်ဓူပွဲၤ မၱာ်ဝၤတသၱာ်ဟဲနီးနီး. ဒဲစာ်ပီၢ်စဲာ်. စဓဳၤထဳ. စကဒီဆးဒီဧဲၤသံတခီ,” စဒီၣ်ပၠၤဓဳၤ. 22စမဳၤစပာ်တစီာ်ဒီၣ်ကယဳၤမၱာ်ဒဳစရှံးဆါနံၤ ယူဒၤဖဳး တစီာ်အလ့ၤအခဳးအစဲနဳၤ. မၤနဲၢ်ကဒီၣ် ဓဳၤဒဳၣ်, ယူဒၤ ဖဳးတစီာ်လၤကျၤ လှဲးကဲၤလၢ်ဝၤထဲၢ်ပၠၤတပွဲၤပွဲၤကဒီၣ် မၤယ့ၣ်ရှူးမၱာ် ခရၱာ်နဳၤ, စကလဲၢ် လၢ်ဝၤဘူၣ်ဘျီၣ် အချဳ, စဒီၣ်ဓဳၤ. 23မဲၤကနဳၤအခဳးအစဲ, စမဳၤစပာ်ဒီၣ်ကီ, “စဓဳၤထဳ, ထိးစာ်ဒဲစာ်စဲာ်,” နဳၤ.
24မဲၤကနဳၤ စဲာ်တစီာ်ယဳၤအကၢ်ဓူခံး တပွဲၤတပျာ်ပ့ၤကၱာ်ဒီၣ်, “အဳလါပီၢ်ဒဳကဘၱာ်စဲာ် အလှီမီၢ်နဒီဆးတဲၤမၱာ်အတၱၢ်အမှးလီၤနဳၤ. ဝၤ သၱာ်ဟဲတပွဲးထဲၢ်ပၠၤအယဳၤတပွဲၤမၱာ်တဲၤခီၣ်ဝဲၤဖဳးနဳၤ,” စဒီၣ်လၢ်ဝၤဓဳၤ.
25“စမၱာ်တဲၤခီၣ်ဝဲၤဖဳးဧါ. နီးဧါနဳၤ ယတသၱာ်ဟဲနီး. ယသၱာ် ဟဲမၱာ် ယကၢ်ဓူခံး, ခဳနူၤယဳၤ, ယစာ်ထၱးထဳ,” စဒီၣ်လၢ်ဝၤတစီာ်ဓဳၤ.
26ဖၤရံၤရှဲဖဳးတစီာ်ဒီၣ်စဲာ်, “စမဲၤကဲၤနဲၤ တၤနဲၢ်. စမဲၤလှၱထာ် က့ၤဒီ နကၢ်ဓူစာ်တဲၢ်,” စဒဲ လၢ်ဝၤတစီာ်ဓဳၤ.
27စဒီၣ်ရှံက့ၤလၢ်ဝၤ, “ယဒီဆးဝှါထဳးသံ ကၱာ်သံသၱာ်ဟဲဘဲာ် ထဳ. သံသးအဲးသၱာ်ဟဲမၤတပျာ် ပ့ၤနဲၢ်. သံသးအဲးဖၱထာ်ကဲၤစပျဲၢ်စဘီၣ် တစီာ် တခီ ဧါ,” စဒီၣ်လၢ်ဝၤတစီာ်ဓဳၤ.
28စဲာ်တစီာ်ဟိးဟီဝှါစဲာ်ဒဳၣ်, စဒီၣ်, “နဲၤနဳၤ မၱာ်စပျဲၢ်စဘီၣ်, ဝၤမၱာ်စီၤမိၤၡ့အပျဲၢ်အဘီၣ်တခီ. 29ဝၤသၱာ်ဟဲထဲၢ်ကဘၱာ်စဲာ်ယၱၢ် ဘဲာ်ထၱးစီၤမိၤၡ့နဳၤ, ပရၤဆါပၠၤအယဳၤတပွဲၤနဳၤစအီၣ်ဒီၣ် လဲၢ်ဝၤတသၱာ် ဟဲနီး,” စဒီၣ်လၢ်ဝၤဓဳၤ.
30စဒီၣ်ရှံက့ၤလၢ်ဝၤတစီာ်, “တဲၤအမီၤ ထဲးတမိၢ်တမှါမၱာ် အယဳၤ, စမဲၤလှၱထာ်က့ၤယကၢ်ဓူ, မၱာ်သံတသၱာ်ဟဲကဲၤစအီၣ်အလ့ၤနီး. 31ဝၤ သၱာ်ဟဲတပွဲးကဘၱာ်စဲာ် တဆီးခ့န့း တဲၤခီၣ်ဝဲၤဖဳး အလ့ၢ် နီး, မၱာ်အသဘဲကဘၱာ်စဲာ်ကၱာ်အမဲၤစတဲၤ သးအဲးနံၤတပွဲၤနဳၤ, စဆီးခ့န့း တပွဲၤလၢ်ဝၤအလ့ၢ်. 32လှ့လၢ်ခဳးအီၣ်ထာ်အသဲလဲၢ်ခဳးနဳၤလီၤ, ကတသၱာ်ဟဲမဲၤပၠၤအမဲၤလှၱထာ်က့ၤအကၢ်ဓူခံး လှ့အအီၣ်လၤနဳၤတအီၣ်ကဲၤ တဗွဲနီး. 33ပၠၤအယဳၤတပွဲၤကတအီၣ်မၤဒဳကဘၱာ်စဲာ်အီၣ်နီးနဳၤ, စတမဲၤဇၤဧဲၤတၤတမံနီး,” စဒီၣ်လၢ်ဝၤတစီာ်ဓဳၤ.
34စဲာ်တစီာ်ဒီၣ်ရှံက့ၤစဲာ်, “နအီၣ်လၤဝှါ တဲၤခီၣ်ဝဲၤအပူၤဒဳၣ်, နသိၣ်အံာ်သီအံာ်တပွဲးဝၤဧါ,” စဒီၣ်လၢ်ဝၤဓဳၤ, ကၱာ်ဒီစဲာ်တစီာ်နှးဟဲးထာ် ကဲစဲာ်ဒဳ ဘူၣ်ဘျီၣ်အချဳနဳၤ.
သဳးသးအကၢ်ဓူခံး
35ယ့ၣ်ရှူးသၱာ်ဟဲဘဲာ် ပၠၤနှးဟဲးထာ်စဲာ် ဘူၣ်ဘျီၣ်အချဳဒဳၣ်, ဘ့စကဲာ်ထၱးလၢ်ဝၤနဳၤ, စဒီၣ်, “နဘူၣ်တပွဲးပၠၤအဖဳးဧါ,” စဒဲလၢ်ဝၤဓဳၤ.
36စဒီၣ်ရှံက့ၤလၢ်ဝၤ, “စမၱာ်ပီၢ်ပွဲၤ, အဳ ဘၱာ်စဲာ်, စာ်ဘိထဲၢ် ယကဘူၣ်ဘဲာ်စဲာ်နဳၤ,” စဒဲကဲၤ လၢ်ဝၤဓဳၤ.
37ယ့ၣ်ရှူးဒီၣ်စဲာ်, “နကဲာ်ထၱးထဳစဲာ်, ကၱာ် အယၱၢ်ဘဲာ်ထၱးနဲၤ ခဳနူၤယဳၤမၱာ်စဲာ်လီၤ,” စဒီဆးကဲၤ လၢ်ဝၤဓဳၤ.
38စဒီၣ်ရှံက့ၤယ့ၣ်ရှူး, “ယဘူၣ်တပွဲး, အဳ ဘၱာ်စဲာ်,” စဒီၣ် ဝှါ, စဓဳၢ်နှဳလၤကၱာ်ကီၢ်လၤသဘဲ ထာ် ကဲၤလၢ်ဝၤ.
39ယ့ၣ်ရှူးဒီၣ်ရှံက့ၤစဲာ်, “ယလ့ၤလၤကဲၤဒဳ လၢ်ခဳးယဳၤဒဳ ယကစံးရးတဲၤအနံၤခံ, စာ်ဘိထဲၢ် ပၠၤအတကဲာ်ထၱးနီးတစီာ်ကကဲာ်ထၱး က့ၤပီၢ်ကၱာ်အကဲာ်ထၱး တဲၤတစီာ်အကၢ်ဓူကခံးပီၢ်နဳၤ,” စဒီၣ်လၢ်ဝၤဓဳၤ.
40ဖၤရံၤရှဲဖဳးအကျဲအသၱာ်ဟဲဘဲာ် တဲၤအယဳၤတစီာ်ဒဲ ယ့ၣ်ရှူးကၱာ်ဒီၣ်, “ဝၤမၱာ်မၱာ်ဝၤကၢ်ဓူခံး ကဲၤဧါ,” စဲာ်တစီာ်ဒဲလၢ်ဝၤဓဳၤ.
41ယ့ၣ်ရှူးဒီၣ်က့ၤစဲာ်တစီာ်, “သံကၢ်ဓူကခံးမၤဒဳၣ်, သံတဲၤ ခီၣ်ဝဲၤတအီၣ်မဲၤနီး. ပရၤဆါ သံဒီၣ်ကဲၤဝၤစာ်ထၱးတဲၤဒဳၣ်, သံတဲၤခီၣ်ဝဲၤ အီၣ် ဝ့ၤသံလီၤ,” စဒီၣ်ကဲၤလၢ်ဝၤတစီာ်ဓဳၤ.
ទើបបានជ្រើសរើសហើយ៖
ယိၤဟၣ် 9: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 9
9
ယ့ၣ်ရှူးမဲၤလှၱထာ်က့ၤအကၢ်ဓူခံးတပွဲၤ
1ဘ့ယ့ၣ်ရှူးလ့ၤအလှီမီၢ်နဳၤ, စကဲာ်ထၱး ကဲၤပၠၤအကၢ်ဓူခံးလှ့ အအီၣ်လၤနဳၤတပွဲၤ. 2စပျဲၢ်စဘီၣ်တစီာ်ဒဲစဲာ်, စဒီၣ်, “ဆရၣ်, အမဲၤနံၤတဲၤ ခီၣ်ဝဲၤမၱာ်ပၠၤအယဳၤတပွဲၤဧါ, မၱာ်စမဳၤစပာ်ဧါ. ပွ့စအီၣ် လၤ မၤအကၢ်ဓူခံးနဳၤနဲၢ်,” စဒဲလၢ်ဝၤဓဳၤ.
3ယ့ၣ်ရှူးဒီၣ်ရှံစဲာ်တစီာ်, “တဘဲာ်ပၠၤအယဳၤတပွဲၤမဲၤနံၤတဲၤ ခီၣ်ဝဲၤနီးနီး, တဘဲာ်စမဳၤစပာ် မဲၤနံၤတဲၤခီၣ်ဝဲၤနီးနီး. မၱာ်ဒဳကဘၱာ်စဲာ်အတဲၤဖၱး တဲၤမဲၤကလှၱထာ်ပီၢ်ဒဳပၠၤတစီာ်အလှီမီၢ်အနံၤခံလီၤ. 4ယကမဲၤဘဲာ်အသဓဳလ့ၤယဲၤတပွဲၤအတဲၤမဲၤ ဘ့လူၤမူၤထံးလူၤမူၤ ဆဲးခဲဝ့ၤ ယဳၤနဳၤ. တဲၤခံးလၤကဲၤ တပျာ်ပၠၤတမဲၤဇၤပ့ၤတဲၤမဲၤတဗွဲနီး. 5ယအီၣ်ဝ့ၤဒဳလၢ်ခဳးယဳၤအသူသရ့, ယမၱာ်လၢ်ခဳးအတဲၤလှၱလီၤ,” စဒီၣ်လၢ် ဝၤတစီာ်ဓဳၤ.
6စဒီၣ်ဝှါကနဳၤဒဳၣ်, စထွၱးလၤကဲၤစပအဲး ထံဟးဖၱမူးကျဲ, ဘီာ်ကဲၤဟးပအဲးကၱာ်ထိးရိးကဲၤ စကၢ်ဓူ. 7ကၱာ်စဒီၣ်လၢ်ဝၤ, “လ့ၤကၱာ်အူပျၤ ဘါပီၢ်နမူၢ်ကါဒဳရှံလိၤထံနှီး (အထာ်ပဳၤထာ်ဘါမၱာ် အဘဲာ်သဓဳလ့ၤ) အပူၤနဳၤ,” စဒီၣ်လၢ်ဝၤဓဳၤ. စလ့ၤကၱာ်အူပျၤဘါဝှါ စစာ် ထၱးက့ၤကဲၤတဲၤ.
8ပၠၤအအီၣ်ဘိးထၱးဘိးဝၤစဲာ်ကၱာ်အစာ် ထၱးနဲၤနီၤစတၤအၣ် တဲၤတစီာ်နဳၤဒီၣ်လှဲးလၢ်ဝၤ, “ပၠၤအယဳၤတပွဲၤနဳၤမၱာ်အဆးနါတၤ အၣ်တဲၤ တပွဲၤနဳၤ တဘဲာ်နီးဧါ.” စဒီၣ်ဓဳၤ.
9တစီာ်စီာ်ဒီၣ်, “မၱာ်စဲာ်လီၤ.” အလဝ့ၤတစီာ်ဒီၣ်, “တဘဲာ် စဲာ်နီး, မၱာ်စလါလၢ်ဝၤလီၤ.”
မၱာ်စဲာ်သဲန့ၤ, စဒီၣ်လှၱထာ်ကဲၤ, “ယမၱာ်စဲာ်လီၤ,” စဒီၣ်ပၠၤဓဳၤ.
10ပၠၤတစီာ်ဒဲစဲာ်, “နကၢ်ဓူလှၱထာ်က့ၤဒီ စာ်တဲၢ်.”
11စဒီၣ်ရှံက့ၤလၢ်ဝၤ, “ပၠၤယဳၤအမံၤ ယ့ၣ်ရှူးတပွဲၤမဲၤဝှါဟး ပအဲး, စထိးရိးယကၢ်ဓူကၱာ် စဒီၣ်ယဲၤ, လ့ၤဒဳရှံလိၤထံနှီးကၱာ်အူပျၤဘါ ကဲ. ယလ့ၤအူပျၤဘါဒဳၣ်, ယကဲာ်ထၱးက့ၤကဲၤတဲၤ,” စဒီ ဆးပၠၤဓဳၤ.
12စဲာ်တစီာ်ဒဲလၢ်ဝၤ, “စအီၣ်ဒီၣ်လဲၢ်.”
စဒီၣ်ရှံလၢ်ဝၤ, “ယတသၱာ်ဟဲနီး,” စဒီဆးပၠၤဓဳၤ.
ဖၤရံၤရှဲဖဳးအတဲၤထိးတဲၤဒဲ
13ပၠၤတစီာ်လ့ၤအံာ်ကဲၤအကၢ်ဓူခံးတပွဲၤ ဒဳဖၤရံၤရှဲဖဳးတစီာ် အီၣ်နဳၤ. 14ယ့ၣ်ရှူးဘီာ်ဟးပအဲး, ထိးရိးစကၢ်ဓူကၱာ်မဲၤလှၱထာ် က့ၤစကၢ်ဓူမၱာ်ဒီ မူၤနံၤဆီးဒဲအနံၤနဳၤ. 15ဖၤရံၤရှဲဖဳးတစီာ်ဒဲဒီ စဲာ် တပျာ်ပ့ၤ ထဲၢ်စကၢ်ဓူလှၱထာ်က့ၤစာ်တဲၢ်နဳၤ. စဒီၣ်ရှံလၢ်ဝၤတစီာ်, “စထိးရိးယကၢ်ဓူကၱာ်ဟးပအဲး, ယအူပျၤဘါကၱာ်စာ်ထၱးက့ၤကဲၤတဲၤ,” စဒီ ဆးလၢ်ဝၤ တစီာ်ဓဳၤ.
16မဲၤကနဳၤဒဳၣ်, ဖၤရံၤရှဲဖဳးတစီာ်ဒီၣ်, “ပၠၤ အယဳၤတပွဲၤတအီၣ်ဒဳကဘၱာ်စဲာ်အီၣ်နီး. မၤနဲၢ်ဒဳၣ်, စတအီၣ်အံာ်မူၤနံၤစါထံနီး,” စဒီၣ် လၢ်ဝၤ ဓဳၤ.
ပရၤဆါ, ပၠၤအလဝ့ၤတစီာ်ဒီၣ်ဝ့ၤ, “ပၠၤတဲၤ ခီၣ်ဝဲၤဖဳးတပွဲၤကမဲၤ ဇၤဒီတဲၤစီးကျၱးစီးရှဲကယဳၤ တစီာ်စာ်တဲၢ်,” စဒီၣ်ဓဳၤ. ကၱာ်ဒီပၠၤတစီာ်အကျဲ နဳၤ တဲၤပ့ၢ်ဖးအီၣ်ထာ်ကဲၤ.
17မဲၤကနဳၤဒဳၣ်, စဒီၣ်ဒီအကၢ်ဓူခံးတပွဲၤ တပျာ်ပ့ၤ, “နဒီၣ် ပီၢ် အဘးလှၱထာ်နကၢ်ဓူတပွဲ မၱာ် ပၠၤတၤနဲၢ်,” စဒဲလၢ်ဝၤဓဳၤ.
စဒီဆးလၢ်ဝၤ, “စဲာ်မၱာ်ဝံ,” စဒီၣ်လၢ်ဝၤဓဳၤ.
18ယူဒၤဖဳးတစီာ်တဘူၣ်ကဲၤစကၢ်ဓူခံးဝှါ အလှၱကဲၤနီး, ထိစယဳၤဝှါလၢ်ဝၤအမဳၤအပာ်, ထိး စာ် ဒဲစာ်စဲာ်တစီာ်, 19“အယဳၤမၱာ် သံဖဳးခဳထဲၢ် သံဒီၣ်အကၢ်ဓူခံးလှ့အအီၣ်လၤတပွဲၤနဳၤဧါ. စစာ်ထၱး က့ၤဇၤ တဲၤစာ်တဲၢ်,” စဒဲလၢ်ဝၤဓဳၤ.
20စမဳၤစပာ်ဒီၣ်ရှံကဲၤပၠၤ, “ဝၤသၱာ်ဟဲတပွဲးအယဳၤတပွဲၤမၱာ် ဝၤဖဳးခဳ, ကၱာ်စကၢ်ဓူခံးလှ့စအီၣ် လၤနဳၤလီၤ. 21ပရၤဆါ, စကၢ် ဓူလှၱထာ် က့ၤစာ်တဲၢ်နဳၤဝၤတသၱာ်ဟဲနီး, ပီၢ်ပွဲၤမဲၤလှၱထာ် က့ၤစကၢ်ဓူပွဲၤ မၱာ်ဝၤတသၱာ်ဟဲနီးနီး. ဒဲစာ်ပီၢ်စဲာ်. စဓဳၤထဳ. စကဒီဆးဒီဧဲၤသံတခီ,” စဒီၣ်ပၠၤဓဳၤ. 22စမဳၤစပာ်တစီာ်ဒီၣ်ကယဳၤမၱာ်ဒဳစရှံးဆါနံၤ ယူဒၤဖဳး တစီာ်အလ့ၤအခဳးအစဲနဳၤ. မၤနဲၢ်ကဒီၣ် ဓဳၤဒဳၣ်, ယူဒၤ ဖဳးတစီာ်လၤကျၤ လှဲးကဲၤလၢ်ဝၤထဲၢ်ပၠၤတပွဲၤပွဲၤကဒီၣ် မၤယ့ၣ်ရှူးမၱာ် ခရၱာ်နဳၤ, စကလဲၢ် လၢ်ဝၤဘူၣ်ဘျီၣ် အချဳ, စဒီၣ်ဓဳၤ. 23မဲၤကနဳၤအခဳးအစဲ, စမဳၤစပာ်ဒီၣ်ကီ, “စဓဳၤထဳ, ထိးစာ်ဒဲစာ်စဲာ်,” နဳၤ.
24မဲၤကနဳၤ စဲာ်တစီာ်ယဳၤအကၢ်ဓူခံး တပွဲၤတပျာ်ပ့ၤကၱာ်ဒီၣ်, “အဳလါပီၢ်ဒဳကဘၱာ်စဲာ် အလှီမီၢ်နဒီဆးတဲၤမၱာ်အတၱၢ်အမှးလီၤနဳၤ. ဝၤ သၱာ်ဟဲတပွဲးထဲၢ်ပၠၤအယဳၤတပွဲၤမၱာ်တဲၤခီၣ်ဝဲၤဖဳးနဳၤ,” စဒီၣ်လၢ်ဝၤဓဳၤ.
25“စမၱာ်တဲၤခီၣ်ဝဲၤဖဳးဧါ. နီးဧါနဳၤ ယတသၱာ်ဟဲနီး. ယသၱာ် ဟဲမၱာ် ယကၢ်ဓူခံး, ခဳနူၤယဳၤ, ယစာ်ထၱးထဳ,” စဒီၣ်လၢ်ဝၤတစီာ်ဓဳၤ.
26ဖၤရံၤရှဲဖဳးတစီာ်ဒီၣ်စဲာ်, “စမဲၤကဲၤနဲၤ တၤနဲၢ်. စမဲၤလှၱထာ် က့ၤဒီ နကၢ်ဓူစာ်တဲၢ်,” စဒဲ လၢ်ဝၤတစီာ်ဓဳၤ.
27စဒီၣ်ရှံက့ၤလၢ်ဝၤ, “ယဒီဆးဝှါထဳးသံ ကၱာ်သံသၱာ်ဟဲဘဲာ် ထဳ. သံသးအဲးသၱာ်ဟဲမၤတပျာ် ပ့ၤနဲၢ်. သံသးအဲးဖၱထာ်ကဲၤစပျဲၢ်စဘီၣ် တစီာ် တခီ ဧါ,” စဒီၣ်လၢ်ဝၤတစီာ်ဓဳၤ.
28စဲာ်တစီာ်ဟိးဟီဝှါစဲာ်ဒဳၣ်, စဒီၣ်, “နဲၤနဳၤ မၱာ်စပျဲၢ်စဘီၣ်, ဝၤမၱာ်စီၤမိၤၡ့အပျဲၢ်အဘီၣ်တခီ. 29ဝၤသၱာ်ဟဲထဲၢ်ကဘၱာ်စဲာ်ယၱၢ် ဘဲာ်ထၱးစီၤမိၤၡ့နဳၤ, ပရၤဆါပၠၤအယဳၤတပွဲၤနဳၤစအီၣ်ဒီၣ် လဲၢ်ဝၤတသၱာ် ဟဲနီး,” စဒီၣ်လၢ်ဝၤဓဳၤ.
30စဒီၣ်ရှံက့ၤလၢ်ဝၤတစီာ်, “တဲၤအမီၤ ထဲးတမိၢ်တမှါမၱာ် အယဳၤ, စမဲၤလှၱထာ်က့ၤယကၢ်ဓူ, မၱာ်သံတသၱာ်ဟဲကဲၤစအီၣ်အလ့ၤနီး. 31ဝၤ သၱာ်ဟဲတပွဲးကဘၱာ်စဲာ် တဆီးခ့န့း တဲၤခီၣ်ဝဲၤဖဳး အလ့ၢ် နီး, မၱာ်အသဘဲကဘၱာ်စဲာ်ကၱာ်အမဲၤစတဲၤ သးအဲးနံၤတပွဲၤနဳၤ, စဆီးခ့န့း တပွဲၤလၢ်ဝၤအလ့ၢ်. 32လှ့လၢ်ခဳးအီၣ်ထာ်အသဲလဲၢ်ခဳးနဳၤလီၤ, ကတသၱာ်ဟဲမဲၤပၠၤအမဲၤလှၱထာ်က့ၤအကၢ်ဓူခံး လှ့အအီၣ်လၤနဳၤတအီၣ်ကဲၤ တဗွဲနီး. 33ပၠၤအယဳၤတပွဲၤကတအီၣ်မၤဒဳကဘၱာ်စဲာ်အီၣ်နီးနဳၤ, စတမဲၤဇၤဧဲၤတၤတမံနီး,” စဒီၣ်လၢ်ဝၤတစီာ်ဓဳၤ.
34စဲာ်တစီာ်ဒီၣ်ရှံက့ၤစဲာ်, “နအီၣ်လၤဝှါ တဲၤခီၣ်ဝဲၤအပူၤဒဳၣ်, နသိၣ်အံာ်သီအံာ်တပွဲးဝၤဧါ,” စဒီၣ်လၢ်ဝၤဓဳၤ, ကၱာ်ဒီစဲာ်တစီာ်နှးဟဲးထာ် ကဲစဲာ်ဒဳ ဘူၣ်ဘျီၣ်အချဳနဳၤ.
သဳးသးအကၢ်ဓူခံး
35ယ့ၣ်ရှူးသၱာ်ဟဲဘဲာ် ပၠၤနှးဟဲးထာ်စဲာ် ဘူၣ်ဘျီၣ်အချဳဒဳၣ်, ဘ့စကဲာ်ထၱးလၢ်ဝၤနဳၤ, စဒီၣ်, “နဘူၣ်တပွဲးပၠၤအဖဳးဧါ,” စဒဲလၢ်ဝၤဓဳၤ.
36စဒီၣ်ရှံက့ၤလၢ်ဝၤ, “စမၱာ်ပီၢ်ပွဲၤ, အဳ ဘၱာ်စဲာ်, စာ်ဘိထဲၢ် ယကဘူၣ်ဘဲာ်စဲာ်နဳၤ,” စဒဲကဲၤ လၢ်ဝၤဓဳၤ.
37ယ့ၣ်ရှူးဒီၣ်စဲာ်, “နကဲာ်ထၱးထဳစဲာ်, ကၱာ် အယၱၢ်ဘဲာ်ထၱးနဲၤ ခဳနူၤယဳၤမၱာ်စဲာ်လီၤ,” စဒီဆးကဲၤ လၢ်ဝၤဓဳၤ.
38စဒီၣ်ရှံက့ၤယ့ၣ်ရှူး, “ယဘူၣ်တပွဲး, အဳ ဘၱာ်စဲာ်,” စဒီၣ် ဝှါ, စဓဳၢ်နှဳလၤကၱာ်ကီၢ်လၤသဘဲ ထာ် ကဲၤလၢ်ဝၤ.
39ယ့ၣ်ရှူးဒီၣ်ရှံက့ၤစဲာ်, “ယလ့ၤလၤကဲၤဒဳ လၢ်ခဳးယဳၤဒဳ ယကစံးရးတဲၤအနံၤခံ, စာ်ဘိထဲၢ် ပၠၤအတကဲာ်ထၱးနီးတစီာ်ကကဲာ်ထၱး က့ၤပီၢ်ကၱာ်အကဲာ်ထၱး တဲၤတစီာ်အကၢ်ဓူကခံးပီၢ်နဳၤ,” စဒီၣ်လၢ်ဝၤဓဳၤ.
40ဖၤရံၤရှဲဖဳးအကျဲအသၱာ်ဟဲဘဲာ် တဲၤအယဳၤတစီာ်ဒဲ ယ့ၣ်ရှူးကၱာ်ဒီၣ်, “ဝၤမၱာ်မၱာ်ဝၤကၢ်ဓူခံး ကဲၤဧါ,” စဲာ်တစီာ်ဒဲလၢ်ဝၤဓဳၤ.
41ယ့ၣ်ရှူးဒီၣ်က့ၤစဲာ်တစီာ်, “သံကၢ်ဓူကခံးမၤဒဳၣ်, သံတဲၤ ခီၣ်ဝဲၤတအီၣ်မဲၤနီး. ပရၤဆါ သံဒီၣ်ကဲၤဝၤစာ်ထၱးတဲၤဒဳၣ်, သံတဲၤခီၣ်ဝဲၤ အီၣ် ဝ့ၤသံလီၤ,” စဒီၣ်ကဲၤလၢ်ဝၤတစီာ်ဓဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.