ယိၤဟၣ် 8
8
အမံၤမှူးအလၤကမဲာ်တပွဲၤ
1ယ့ၣ်ရှူးထာ်ကဲၤဒဳသဳာ်စၤယံးခီးလီခဳး. 2အလ့ၤကါ တနံၤဂီၤသးဘံစက့ၤဘးကဲၤဒဳတဲၤလှူၣ်ရှံၣ်အပူၤ, ကၱာ်ပၠၤတစီာ်လ့ၤအီၣ် ခွဲဘးကဲၤစဲာ်. စဆးနါလၤအီၣ်သိၣ်အံာ်သီအံာ်လၢ်ဝၤတစီာ်. 3ဘ့ နဳၤအဝှ့းစဲာ်ကၱာ်ဖၤရံၤရှဲဖဳးတစီာ် လ့ၤအံာ်ကဲၤအမံၤမှူးတပွဲၤထဲၢ်စဖီးနံၤ လၢ်ဝၤဘ့စလၤကမဲာ်အခၠၱးနဳၤ. စဘဲလါလၢ်ဝၤဒဳပၠၤလဳ စါစဲးအလှီမီၢ် ကၱာ် ဒီၣ်ကဲၤယ့ၣ်ရှူး, 4“ဆရၣ်, အမံၤမှူးအယဳၤတပွဲၤဘဲာ်ဖီးကါကလီ ခဳနဳၤလီၤဘ့စလၤကမဲာ်အခၠၱးနဳၤ. 5ဒဳတဲၤမှဲးလၤအပူၤစီၤမိၤၡ့နှး ပၠၤဝှ့သံလဳၤအယဳၤတစီာ်နဳၤ. မဲၤကနဳၤဒဳၣ်, နကဒီၣ်ဒီစာ်တဲၢ်” စဒဲလၢ်ဝၤ ဓဳၤ. 6စဒီၣ်လၢ်ဝၤကယဳၤမၱာ်စာ်ဘိထဲၢ်စကဘဳးယ့ၣ်ရှူးအသး ကၱာ်ယၢ်ဆီးစဲာ်နဳၤလီၤ. ပရၤဆါယ့ၣ်ရှူးဇဳၤကဳၢ်လၤကၱာ် ဝှ့းအံာ်ကဲၤအစူး ကနဳဒဳဟးဖၱမူးကျဲနဳၤ. 7စဲာ်တစီာ်ဒဲကဓူၤယ့ၣ်ရှူးဒဳၣ်, စဘးတပျး ဝှါစန့ၤ, စဒီၣ်, “ဒဳသံကျဲနဳၤအတဲၤခီၣ်ဝဲၤတအီၣ်နီးတပွဲၤပွဲၤ ဝှ့အူဆူးပီၢ် စဲာ်ကၱာ်လဳၤ” စဒီၣ်လၢ်ဝၤဓဳၤ. 8မဲၤ ဝှါစဇဳၤကဳၢ်လၤကၱာ်ဝှ့းဒီ ဟး ဖၱမူးကျဲတပျာ်ပ့ၤ. 9ပၠၤတစီာ်သၱာ်ဟဲဘဲာ်တဲၤယၱၢ်ဘဲာ်အယဳၤဒဳၣ်, သၱာ်ဟဲ လၤက့ၤအန့ၤဒဳၣ်, ကဳၤထာ်ဒဳအသးပွ့ၤတပွဲၤ, တပွဲၤဝှါ တပွဲၤဟဲး ဖျီးမံလဳၢ်ကဲၤ. အအီၣ်တၤ မၱာ်ယ့ၣ်ရှူးကၱာ် အမံၤမှူး အဆီထဳးအီၣ်အသကျါ မဲဗူတပွဲၤပ့ၤလီၤ. 10ယ့ၣ်ရှူးဘးတပျးဝှါအန့ၤ, စတစာ်ထၱး ပ့ၤ ပၠၤတဗွဲနီး, မၱာ်အမံၤမှူးတပွဲၤလီၤဒဳၣ်, စဒဲလၢ်ဝၤ, “အမံၤမှူး, စဲာ်တစီာ်အီၣ်ဒီၣ်လဲၢ်. ပၠၤတစံးရးသံကဲၤနဲၤ တဗွဲနီးဧါ” စဒီၣ် လၢ်ဝၤဓဳၤ.
11အမံၤမှူးဒီၣ်ရှံစဲာ်, “တဗွဲနီး, အဳဘၱာ်စဲာ်” စဒီၣ်လၢ်ဝၤဓဳၤ.
မဲၤကနဳၤဒဳၣ်, ယ့ၣ်ရှူးဒီၣ်, “ယဲၤမၱာ်မၱာ်ယတစံးရးသံနဲၤနီးနီး. က့ၤ ပီၢ်ခး. ဝှါခဳနူၤယဳၤဖျီအလှီမီၢ်, မဲၤပ့ၤမဲးတဲၤခီၣ်ဝဲၤမဲး” စဒီၣ်လၢ်ဝၤဓဳၤ.
ယ့ၣ်ရှူးလၢ်ခဳးအတဲၤလှၱ
12ယ့ၣ်ရှူးဒီဆးပၠၤတစီာ်, “ယမၱာ်လၢ်ခဳး အတဲၤလှၱ. ပၠၤအလ့ၤကိာ်ယလ့ၤတပွဲၤနဳၤ, တဟဲး ဘဲာ်တဲၤခံးကျဲနီး, စကနံၤဘဲာ်တဲၤသမိ အတဲၤလှၱ တခီ,” စဒီဆးကဲၤလၢ်ဝၤဓဳၤ.
13မဲၤကနဳၤ, ဖၤရံၤရှဲဖဳးတစီာ်ဒီၣ်စဲာ်, “နခးဓီနန့ၤသဲသၱး. နတဲၤခးသဲသၱးမၱာ်တဘဲာ်နီး,” စဒီၣ် လၢ်ဝၤဓဳၤ.
14ယ့ၣ်ရှူးဒီၣ်ရှံက့ၤစဲာ်တစီာ်, “ယကခးဓီ နီၣ်သီယန့ၤသဲ သၱးလီၤနှီနူၤ, ယတဲၤခးသဲသၱးမၱာ် အဘဲာ်. မၤနဲၢ်ဒဳၣ်, ယသၱာ်ဟဲယအီၣ် ဒီၣ်လဲၢ် ကၱာ်ယကလ့ၤဒီၣ်လဲၢ်နဳၤ. မၱာ်သံနဳၤ, သံတသၱာ် ဟဲကဲၤယအီၣ် ဒီၣ်လဲၢ်ကၱာ်ယကလ့ၤဒီၣ်လဲၢ်နဳၤနီး. 15သံစံးရးဖးမ့တဲၤအစာ်ဘိ ပၠၤလၢ်ခဳးဖဳးအခီလီၤ. ယတစံးရးပၠၤတဗွဲနီး. 16ဘ့ာ်မ့ ယကစံး ရးတဲၤနဳၤ, ယတဲၤစံးရးမၱာ်အဘဲာ်လီၢ်. မၤနဲၢ်ဒဳၣ်, ယတအီၣ်တပွဲၤလီၤနီး. ယမၱာ်အခးသဲသၱး, အသဓဳ လ့ၤယဲၤထဲၢ်အပာ်နဳၤအီၣ်ကိာ်ယကါ. 17ကၱာ်ဒီ သံတဲၤမှဲးလၤအပူၤနဳၤ, အဝှ့းလၤထဲၢ်ပၠၤ ကၠံၢ်ပွဲၤအတဲၤခး သဲသၱးနဳၤအဘဲာ်လီၢ်. 18ယဲၤ မၱာ်အခး သဲသၱး, ကၱာ်ယပာ်အသဓဳလ့ၤယဲၤတပွဲၤ မၱာ်အခးသဲ သၱးယနံၤခံ,” စဒီဆးကဲၤလၢ်ဝၤတစီာ်ဓဳၤ.
19မဲၤကနဳၤစဲာ်တစီာ်ဒီၣ်စဲာ်, “နပာ်အီၣ် ဒီၣ်လဲၢ်,” စဒဲစာ်လၢ်ဝၤဓဳၤ.
ယ့ၣ်ရှူးဒီၣ်ရှံက့ၤစဲာ်တစီာ်, “သံတသၱာ်ဟဲ ယဲၤ နီးနီး, ယပာ်နီးနီး. သံကသၱာ်ဟဲမၤယဲၤနဳၤ, သံကသၱာ် ဟဲတပွဲးယပာ်ပးပး,” စဒီၣ်လၢ်ဝၤတစီာ်ဓဳၤ.
20ယ့ၣ်ရှူးဒီၣ်ကဲၤ တဲၤယၱၢ်ဘဲာ်အယဳၤတစီာ်ဒဳဝှိကလီၤပူၤ, ဘ့စသိၣ်အံာ်သီအံာ်တဲၤဒဳ တဲၤ လှူၣ်ရှံၣ်ပူၤနဳၤ. စအဲအခၠၱးတဘဲာ်နှၱနီးအခဳးအစဲ, ပၠၤ တဖီးတပွဲးစဲာ်နှၱနီး.
ဒဳယဟဲးအလ့ၤနဳၤသံတလ့ၤဇၤနီး
21ယ့ၣ်ရှူးဒီၣ်စဲာ်တစီာ်အလှီမီၢ်, “ယကဟဲး, သံကဝၢ်စါ လှဲးကီယဲၤ, မၱာ်သံကသံကီသံ တဲၤခီၣ်ဝဲၤအပူၤ. ဒဳယဟဲးအလ့ၤနဳၤသံတလ့ၤဇၤနီး,” စဒီၣ်လၢ်ဝၤတစီာ်ဓဳၤ.
22ယူဒၤဖဳးတစီာ် ဒီၣ်လှဲးကီလၢ်ဝၤ, “ဒဳ ယဟဲးအလ့ၤနဳၤသံ တလ့ၤဇၤနီး, စဒီၣ်ဓဳၤမၱာ်စကမီ မဲၤသံလၤကဲၤစန့ၤဧါ,” စဒီၣ်လှဲးလၢ်ဝၤ ဓဳၤ.
23ယ့ၣ်ရှူးဒီၣ်စဲာ်တစီာ်, “သံမၱာ်အအီၣ်ဒဳ အကါလဲၢ်, ယဲၤမၱာ် အအီၣ်ဒဳအခဳးထာ်. သံမၱာ်အဘဲာ် ကၠးလၢ်ခဳးတဘဲာ်ယဳၤ. ယဲၤမၱာ်အတဘဲာ်ကၠး လၢ်ခဳးတဘဲာ်ယဳၤနီး. 24မဲၤကနဳၤဒဳၣ်, ယဒီၣ် ကီသံထဲၢ် သံကသံကီဒဳသံတဲၤခီၣ်ဝဲၤအပူၤနဳၤ, မၤနဲၢ်ဒဳၣ်, သံကတဘူၣ်မၤယဲၤမၱာ် စဲာ်နီးနဳၤ, သံကသံတပွဲးဒဳ သံတဲၤ ခီၣ်ဝဲၤအပူၤနဳၤ,” စဒီၣ်လၢ်ဝၤတစီာ် ဓဳၤ.
25“နမၱာ်ဒီပီၢ်ပွဲၤ,” စဲာ်တစီာ်ဒဲလၢ်ဝၤဓဳၤ.
ယ့ၣ်ရှူးဒီၣ်ရှံစဲာ်တစီာ်, “ယမၱာ်အစာ်ဘိယဒီဆး သံလှ့အအူဆူးနဳၤ. 26တဲၤယၱၢ်ဘဲာ်ကၱာ်တဲၤ စံးရးအဘဲာ်ကၠးသံနဳၤ, ယမီၤဒီၣ်အီၣ်ပွ့ တမံၤ. မၱာ် အသဓဳလ့ၤယဲၤတပွဲၤမၱာ်အတၱၢ်အမှးကၱာ်တဲၤဒဳယသၱာ်ဟဲ ဘဲာ်စအီၣ်တစီာ်နဳၤ, ယဒီဆးကဲၤ လၢ်ခဳးဖဳး တစီာ်နဳၤ,” စဒီၣ်ကဲၤလၢ်ဝၤ တစီာ်ဓဳၤ.
27စဲာ်တစီာ်တသၱာ်ဟဲကဲၤ ထဲၢ်စဒီဆး လၢ်ဝၤစပာ်အဝၱၤအကဲနဳၤနီး. 28ကနဳၤအခဳး အစဲ, ယ့ၣ်ရှူးဒီၣ်စဲာ်တစီာ်, “ဘ့သံကတဒါထာ် ဝှါ ပၠၤအဖဳးနဳၤ, သံကသၱာ်ဟဲကီစဲာ်မၱာ်ယဲၤ, ကၱာ် ယတမဲၤဓီ တၤတမံနီး, မၱာ်ဒီထိးလၤတဲၤထဲၢ်ယပာ်သိၣ်အံာ် သီအံာ်ယဲၤတစီာ် နဳၤ လီၤ. 29ကၱာ်ဒီ အသဓဳ လ့ၤယဲၤတပွဲၤမၱာ်စအီၣ်ကိာ်ယကါ. စတလဲၢ်လၤဓ့ၢ် တၤကဲၤယဲၤနီး, မၤနဲၢ်ဒဳၣ်, ယမဲၤတဲၤ ထ့အဘဲာ်စသး တစီာ် နဳၤလီၤ,” စဒီဆးလၢ်ဝၤတစီာ်ဓဳၤ.
30ဘ့ပၠၤသၱာ်ဟဲဘဲာ်ဝှါယ့ၣ်ရှူးဒီၣ်တဲၤအယဳၤတစီာ်နဳၤဒဳၣ်, အဘူၣ်စဲာ်အီၣ်အဲးအီးအီးကဲၤ.
ပွဲၤအီၣ်လှိအီၣ်လၤကၱာ်ဇိၤပွဲၤ
31မဲၤကနဳၤဒဳၣ်, ယ့ၣ်ရှူးဒီၣ်ကဲၤယူဒၤဖဳး အဘူၣ်စဲာ်တစီာ်ကယဳၤ, “သံကဘူၣ်မၤယတဲၤ ယၱၢ် ဘဲာ်ဒဳၣ်, သံကမၱာ်သ့ပွ့ၤတပွဲးယပျဲၢ် ယဘီၣ်. 32ကၱာ်သံကသၱာ်ဟဲတပွဲးတဲၤတၱၢ်တဲၤမှးကၱာ် တဲၤတၱၢ် တဲၤမှးကမဲၤလှိထာ်ကီသံ,” စဒီၣ်လၢ်ဝၤတစီာ်ဓဳၤ.
33စဲာ်တစီာ်ဒီၣ်ကဲၤစဲာ်, “ဝၤမၱာ်စီၤအၤဘြၤ ဟၣ်အဖဳးအလံၤ ကၱာ် ဝၤတမၱာ်ကဲၤပၠၤလဝ့ၤဆီး ဆူ အဇိၤအပွဲၤတခးနီး. မဲၤကနဳၤဒဳၣ်, သံ ကအီၣ် လှိအီၣ် လၤကီ, နကဒီၣ်ဇၤဝၤဓဳၤစာ်တဲၢ်,” စဒီၣ်လၢ်ဝၤဓဳၤ.
34ယ့ၣ်ရှူးဒီၣ်ရှံက့ၤစဲာ်တစီာ်, “ယဒီဆး သံအတၱၢ်အမှး, ပၠၤ အမဲၤတဲၤခီၣ်ဝဲၤတပွဲၤနဳၤ, စမၱာ် တဲၤခီၣ်ဝဲၤအဇိၤအပွဲၤလီၤ. 35ဇိၤ ပွဲၤတအီၣ် ဘဲာ်သဲာ်ယိရှံၣ်ပူၤနီး, ဖဳးလံၤအီၣ်ဘဲာ်သဲာ်ယိ ရှံၣ် ပူၤတခီ. 36တဲၤဖဳးကမဲၤလှိထာ်က့ၤသံဒဳၣ်, သံကလှိကလၤတပွဲး. 37ယသၱာ်ဟဲတပွဲးထဲၢ် သံမၱာ်စီၤအၤဘြၤဟၣ်အဖဳးအလံၤတစီာ်နဳၤ, ပရၤ ဆါသံသးအဲးမဲၤသံယဲၤဒဳယတဲၤယၱၢ်ဘဲာ်တဘဲာ် သးသံ နီးအခဳးအစဲနဳၤ. 38ယယၱၢ်ဘဲာ်အစာ်ဘိယစာ် ထၱးကိာ်အပာ်နဳၤ. မၱာ်သံနဳၤ, သံမဲၤ တပွဲးအစာ်ဘိ သံပာ်မဲၤနဳၤလီၤ,” စဒီၣ်လၢ်ဝၤတစီာ်ဓဳၤ.
39စဲာ်တစီာ်ဒီၣ်ရှံက့ၤ, “စီၤအၤဘြၤဟၣ် မၱာ်ဝၤပာ်,” စဒီၣ် ဓဳၤ.
ယ့ၣ်ရှူးဒီၣ်စဲာ်တစီာ်, “သံကမၱာ်စီၤအၤဘြၤ ဟၣ် အဖဳးအလံၤဒဳၣ်, မဲၤပီၢ်အစာ်ဘိစီၤအၤဘြၤ ဟၣ်မဲၤ နဳၤ,” စဒီၣ်လၢ်ဝၤတစီာ်ဓဳၤ. 40“ပရၤဆါ သံသးအဲးမဲၤသံယဲၤထဲၢ်အယၱၢ်ဘဲာ်ထၱးသံဒဳတဲၤတၱၢ် တဲၤမှး အပူၤထဲၢ်ယသၱာ်ဟဲကဲၤဒဳဘၱာ်စဲာ်အီၣ် တစီာ် နဳၤ. စီၤအၤဘြၤဟၣ်တမဲၤ ကနဳၤနီး. 41သံ မဲၤသံပာ်အတဲၤမဲၤ,” စဒီၣ်လၢ်ဝၤတစီာ်ဓဳၤ.
စဲာ်တစီာ်ဒီၣ်ရှံက့ၤယ့ၣ်ရှူး, “ဝၤတမၱာ်အလၤ သူးလၤကမဲာ်အဖဳးအလံၤနီး. ဝၤပာ်အီၣ်တပွဲၤလီၤ, ထဲၢ်ကဘၱာ်စဲာ်နဳၤ,” စဒီၣ်လၢ်ဝၤဓဳၤ.
42မဲၤကနဳၤယ့ၣ်ရှူးဒီၣ်စဲာ်တစီာ်, “ကဘၱာ် စဲာ်ကမၱာ်နှဲးနှဲးသံ ပာ်ဒဳၣ်, သံကဘဲာ်လီၢ်တပွဲးယဲၤ, မၤနဲၢ်ဒဳၣ်, ယအီၣ်ဒဳအပာ်အီၣ် ကၱာ်ယလၤကဲၤ. ယတလၤဓီယလဳၤယလၤနီး. မၱာ်စသဓဳကဲၤယဲၤ. 43သံ တသၱာ်ဟဲဇၤမၤယတဲၤယၱၢ်ဘဲာ်နီးနဲၢ်. မၤ နဲၢ်ဒဳၣ်, သံတဆီးခ့န့းဇၤယတဲၤယၱၢ်ဘဲာ်နီးအစဲလီၤ. 44မဳၤဒဲးလၱးမၱာ်ကဲၤသံပာ်ထဲၢ်သံအီၣ်ကဲၤ ဒဳစအီၣ်တပွဲၤနဳၤ, ကၱာ်ဒီသံမဲၤတပွဲးစတဲၤသးအဲးနံၤ. လှ့မဳၤစဲခဳးနဳၤ စမၱာ် အမဲၤသံပၠၤကၱာ်စတအီၣ် အံာ်တဲၤ တၱၢ်တဲၤမှးနီး. မၤနဲၢ်ဒဳၣ်, ဒဳစအီၣ်နဳၤ တဲၤတၱၢ်တဲၤမှး တအီၣ်နီး. ဘ့စဒီၣ်ပျဲးတဲၤနဳၤ, စဒီၣ် အစာ်ဘိစဒီၣ် နဲၤ နီၤ, မၤနဲၢ်ဒဳၣ်စမၱာ်အပျဲးအလှူတဲၤကၱာ် စမၱာ်တဲၤ ပျဲးအပာ်လီၤ. 45မၱာ် ယယၱၢ်ဘဲာ်တၱၢ် ယၱၢ် ဘဲာ်မှးအခဳးအစဲသံတဘူၣ်ကီယဲၤနီး. 46ဒဳသံကျဲနဳၤ, ပီၢ်ပွဲၤဒဲလၱၢ်ကဲာ်ထာ်တဲၤခီၣ်ဝဲၤ ဒဳယလီၤ နဳၤပွဲၤ. ယယၱၢ်ဘဲာ် တဲၤတၱၢ်တဲၤမှး, သံတဘူၣ်မၤ ယဲၤနီးနဲၢ်. 47ပၠၤအအီၣ် ဒဳကဘၱာ် စဲာ်အီၣ်တပွဲၤ ဆီးခ့န့းကဘၱာ်စဲာ်အလ့ၢ်. သံတဆီးခ့န့းကဘၱာ်စဲာ်အလ့ၢ် နီးမၱာ်သံတအီၣ်ဒဳစအီၣ်နီးအခဳးအစဲလီၤ,” စဒီၣ် လၢ်ဝၤတစီာ်ဓဳၤ.
ယ့ၣ်ရှူးကၱာ်စီၤအၤဘြၤဟၣ်
48မဲၤကနဳၤယူဒၤဖဳးတစီာ်ဒီၣ်ရှံက့ၤစဲာ်, “နမၱာ်ရှၤမရၱဖဳး, တဲၤ ရှံးတဲၤနှဲးအီၣ်နဟၱးကျဲဝၤဒီၣ်ဓဳၤ, အတဘဲာ်နီးဧါ,” စဒီၣ်လၢ်ဝၤဓဳၤ.
49ယ့ၣ်ရှူးဒီၣ်ရှံက့ၤစဲာ်, “တဲၤရှံးတဲၤနှဲးတအီၣ်ယဟၱးကျဲနီး, မၱာ်ယလဲၢ်ဒဳလဲၢ်ယးယပာ်, ပရၤဆါ သံတလဲၢ်ဒဳလဲၢ်ယးယဲၤနီး. 50နီၣ်သီနှီနူၤ, ယတဝၢ်လှဲးယတီၤယသ့းနီး. အဝၢ်လှဲးကၱာ်အစံးရးတဲၤ အီၣ်တပွဲၤ. 51ယဒီဆးသံအတၱၢ်အမှး, ပၠၤအဆီးခ့န့းယလ့ၢ်တပွဲၤတကဲာ်ထၱးဘဲာ်တဲၤသံတပျါနီး,” စဒီၣ်လၢ်ဝၤဓဳၤ.
52ယူဒၤဖဳးတစီာ်ဒီၣ်, “ခဳနူၤယဳၤ, ဝၤသၱာ် ဟဲထဳထဲၢ်နနှဲးအီၣ် နဳၤ. စီၤအၤဘြၤဟၣ်ကၱာ်ဝံတစီာ် သံထဳ. မၱာ်နဒီၣ်ဝ့ၤအအီၣ်အံာ်ယတဲၤ ယၱၢ်ဘဲာ်တပွဲၤ နဳၤ, တစာ်ထၱးဘဲာ်တဲၤသံတပျါနီး. 53နဓဳၤဒဳၣ် လံ ပီၢ်ဝၤပာ်စီၤအၤဘြၤဟၣ်အသံထဳတပွဲၤနဳၤဧါ. ကၱာ်ဝံတစီာ်မၱာ်မၱာ်သံထဳထဳ. နဒီၣ်လၤဒီနန့ၤပီၢ်ပွဲၤ,” စဲာ်တစီာ်ဒီၣ်လၢ်ဝၤဓဳၤ.
54ယ့ၣ်ရှူးဒီၣ်ကဲၤစဲာ်တစီာ်, “ယကပဲၢ် တီၤပဲၢ်သ့းမၤယန့ၤ ဒဳၣ်, ယတဲၤပဲၢ်တီၤပဲၢ်သ့းမၱာ် အနှးနှါလီၤ. အပဲၢ်တီၤပဲၢ်သ့းယဲၤမၱာ်ယပာ်ထဲၢ်သံဒီၣ် သံဘၱာ်စဲာ်တပွဲၤနဳၤ. 55သံတသၱာ်ဟဲစဲာ်နီး မၱာ်ယသၱာ်ဟဲစဲာ်. ယကဒီၣ်မၤအတသၱာ်ဟဲစဲာ်နီးဒဳၣ်, ယကလၤတပွဲး သံပွဲၤပျဲးတပွဲၤလီၤ. ပရၤ ဆါယသၱာ်ဟဲစဲာ် ကၱာ်ယအီၣ် အံာ်စတဲၤယၱၢ်ဘဲာ်. 56စီၤအၤဘြၤ ဟၣ်သးကနၢ်အံာ်ကဲၤဒဳ စသးအဲးစာ်ထၱးဘဲာ်ယမူၤနံၤမူၤသဲနဳၤ. စစာ်ထၱး ဘဲာ်ကဲၤကၱာ်စသးလဳၢ်သးလၤအံာ်ကဲၤ,” စဒီၣ် လၢ်ဝၤတစီာ်ဓဳၤ.
57ယူဒၤဖဳးတစီာ်ဒီၣ်ရှံက့ၤစဲာ်, “နတအီၣ် သၣ်ကီသဲအဒ့ာ် ယဲၢ်ရှံနှၱနီးနၱၢ်. နကစာ်ထၱးဇၤ စီၤအၤဘြၤဟၣ်စာ်တဲၢ်,” စဒီၣ်လၢ်ဝၤဓဳၤ.
58ယ့ၣ်ရှူးဒီၣ်စဲာ်တစီာ်, “ယဒီဆးသံအတၱၢ်အမှး, စီၤအၤ ဘြၤဟၣ်တအီၣ်နှၱနီးနဳၤ ယအီၣ် ထဳ,” စဒီၣ်ဓဳၤ.
59မဲၤကနဳၤစဲာ်တစီာ်ထူးလၤလဳၤ, စာ်ဘိ ထဲၢ်စကဝှ့လၢ်ဝၤ နဳၤ, မၱာ်ယ့ၣ်ရှူးလဲၢ်ဟူၣ်အန့ၤ ကၱာ် ဟဲးဒဳစဲာ်တစီာ်အသကျါမဲဗူကၱာ်ဟဲး ထာ်ကဲၤတဲၤလှူၣ် ရှံၣ်အချဳ.
ទើបបានជ្រើសរើសហើយ៖
ယိၤဟၣ် 8: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 8
8
အမံၤမှူးအလၤကမဲာ်တပွဲၤ
1ယ့ၣ်ရှူးထာ်ကဲၤဒဳသဳာ်စၤယံးခီးလီခဳး. 2အလ့ၤကါ တနံၤဂီၤသးဘံစက့ၤဘးကဲၤဒဳတဲၤလှူၣ်ရှံၣ်အပူၤ, ကၱာ်ပၠၤတစီာ်လ့ၤအီၣ် ခွဲဘးကဲၤစဲာ်. စဆးနါလၤအီၣ်သိၣ်အံာ်သီအံာ်လၢ်ဝၤတစီာ်. 3ဘ့ နဳၤအဝှ့းစဲာ်ကၱာ်ဖၤရံၤရှဲဖဳးတစီာ် လ့ၤအံာ်ကဲၤအမံၤမှူးတပွဲၤထဲၢ်စဖီးနံၤ လၢ်ဝၤဘ့စလၤကမဲာ်အခၠၱးနဳၤ. စဘဲလါလၢ်ဝၤဒဳပၠၤလဳ စါစဲးအလှီမီၢ် ကၱာ် ဒီၣ်ကဲၤယ့ၣ်ရှူး, 4“ဆရၣ်, အမံၤမှူးအယဳၤတပွဲၤဘဲာ်ဖီးကါကလီ ခဳနဳၤလီၤဘ့စလၤကမဲာ်အခၠၱးနဳၤ. 5ဒဳတဲၤမှဲးလၤအပူၤစီၤမိၤၡ့နှး ပၠၤဝှ့သံလဳၤအယဳၤတစီာ်နဳၤ. မဲၤကနဳၤဒဳၣ်, နကဒီၣ်ဒီစာ်တဲၢ်” စဒဲလၢ်ဝၤ ဓဳၤ. 6စဒီၣ်လၢ်ဝၤကယဳၤမၱာ်စာ်ဘိထဲၢ်စကဘဳးယ့ၣ်ရှူးအသး ကၱာ်ယၢ်ဆီးစဲာ်နဳၤလီၤ. ပရၤဆါယ့ၣ်ရှူးဇဳၤကဳၢ်လၤကၱာ် ဝှ့းအံာ်ကဲၤအစူး ကနဳဒဳဟးဖၱမူးကျဲနဳၤ. 7စဲာ်တစီာ်ဒဲကဓူၤယ့ၣ်ရှူးဒဳၣ်, စဘးတပျး ဝှါစန့ၤ, စဒီၣ်, “ဒဳသံကျဲနဳၤအတဲၤခီၣ်ဝဲၤတအီၣ်နီးတပွဲၤပွဲၤ ဝှ့အူဆူးပီၢ် စဲာ်ကၱာ်လဳၤ” စဒီၣ်လၢ်ဝၤဓဳၤ. 8မဲၤ ဝှါစဇဳၤကဳၢ်လၤကၱာ်ဝှ့းဒီ ဟး ဖၱမူးကျဲတပျာ်ပ့ၤ. 9ပၠၤတစီာ်သၱာ်ဟဲဘဲာ်တဲၤယၱၢ်ဘဲာ်အယဳၤဒဳၣ်, သၱာ်ဟဲ လၤက့ၤအန့ၤဒဳၣ်, ကဳၤထာ်ဒဳအသးပွ့ၤတပွဲၤ, တပွဲၤဝှါ တပွဲၤဟဲး ဖျီးမံလဳၢ်ကဲၤ. အအီၣ်တၤ မၱာ်ယ့ၣ်ရှူးကၱာ် အမံၤမှူး အဆီထဳးအီၣ်အသကျါ မဲဗူတပွဲၤပ့ၤလီၤ. 10ယ့ၣ်ရှူးဘးတပျးဝှါအန့ၤ, စတစာ်ထၱး ပ့ၤ ပၠၤတဗွဲနီး, မၱာ်အမံၤမှူးတပွဲၤလီၤဒဳၣ်, စဒဲလၢ်ဝၤ, “အမံၤမှူး, စဲာ်တစီာ်အီၣ်ဒီၣ်လဲၢ်. ပၠၤတစံးရးသံကဲၤနဲၤ တဗွဲနီးဧါ” စဒီၣ် လၢ်ဝၤဓဳၤ.
11အမံၤမှူးဒီၣ်ရှံစဲာ်, “တဗွဲနီး, အဳဘၱာ်စဲာ်” စဒီၣ်လၢ်ဝၤဓဳၤ.
မဲၤကနဳၤဒဳၣ်, ယ့ၣ်ရှူးဒီၣ်, “ယဲၤမၱာ်မၱာ်ယတစံးရးသံနဲၤနီးနီး. က့ၤ ပီၢ်ခး. ဝှါခဳနူၤယဳၤဖျီအလှီမီၢ်, မဲၤပ့ၤမဲးတဲၤခီၣ်ဝဲၤမဲး” စဒီၣ်လၢ်ဝၤဓဳၤ.
ယ့ၣ်ရှူးလၢ်ခဳးအတဲၤလှၱ
12ယ့ၣ်ရှူးဒီဆးပၠၤတစီာ်, “ယမၱာ်လၢ်ခဳး အတဲၤလှၱ. ပၠၤအလ့ၤကိာ်ယလ့ၤတပွဲၤနဳၤ, တဟဲး ဘဲာ်တဲၤခံးကျဲနီး, စကနံၤဘဲာ်တဲၤသမိ အတဲၤလှၱ တခီ,” စဒီဆးကဲၤလၢ်ဝၤဓဳၤ.
13မဲၤကနဳၤ, ဖၤရံၤရှဲဖဳးတစီာ်ဒီၣ်စဲာ်, “နခးဓီနန့ၤသဲသၱး. နတဲၤခးသဲသၱးမၱာ်တဘဲာ်နီး,” စဒီၣ် လၢ်ဝၤဓဳၤ.
14ယ့ၣ်ရှူးဒီၣ်ရှံက့ၤစဲာ်တစီာ်, “ယကခးဓီ နီၣ်သီယန့ၤသဲ သၱးလီၤနှီနူၤ, ယတဲၤခးသဲသၱးမၱာ် အဘဲာ်. မၤနဲၢ်ဒဳၣ်, ယသၱာ်ဟဲယအီၣ် ဒီၣ်လဲၢ် ကၱာ်ယကလ့ၤဒီၣ်လဲၢ်နဳၤ. မၱာ်သံနဳၤ, သံတသၱာ် ဟဲကဲၤယအီၣ် ဒီၣ်လဲၢ်ကၱာ်ယကလ့ၤဒီၣ်လဲၢ်နဳၤနီး. 15သံစံးရးဖးမ့တဲၤအစာ်ဘိ ပၠၤလၢ်ခဳးဖဳးအခီလီၤ. ယတစံးရးပၠၤတဗွဲနီး. 16ဘ့ာ်မ့ ယကစံး ရးတဲၤနဳၤ, ယတဲၤစံးရးမၱာ်အဘဲာ်လီၢ်. မၤနဲၢ်ဒဳၣ်, ယတအီၣ်တပွဲၤလီၤနီး. ယမၱာ်အခးသဲသၱး, အသဓဳ လ့ၤယဲၤထဲၢ်အပာ်နဳၤအီၣ်ကိာ်ယကါ. 17ကၱာ်ဒီ သံတဲၤမှဲးလၤအပူၤနဳၤ, အဝှ့းလၤထဲၢ်ပၠၤ ကၠံၢ်ပွဲၤအတဲၤခး သဲသၱးနဳၤအဘဲာ်လီၢ်. 18ယဲၤ မၱာ်အခး သဲသၱး, ကၱာ်ယပာ်အသဓဳလ့ၤယဲၤတပွဲၤ မၱာ်အခးသဲ သၱးယနံၤခံ,” စဒီဆးကဲၤလၢ်ဝၤတစီာ်ဓဳၤ.
19မဲၤကနဳၤစဲာ်တစီာ်ဒီၣ်စဲာ်, “နပာ်အီၣ် ဒီၣ်လဲၢ်,” စဒဲစာ်လၢ်ဝၤဓဳၤ.
ယ့ၣ်ရှူးဒီၣ်ရှံက့ၤစဲာ်တစီာ်, “သံတသၱာ်ဟဲ ယဲၤ နီးနီး, ယပာ်နီးနီး. သံကသၱာ်ဟဲမၤယဲၤနဳၤ, သံကသၱာ် ဟဲတပွဲးယပာ်ပးပး,” စဒီၣ်လၢ်ဝၤတစီာ်ဓဳၤ.
20ယ့ၣ်ရှူးဒီၣ်ကဲၤ တဲၤယၱၢ်ဘဲာ်အယဳၤတစီာ်ဒဳဝှိကလီၤပူၤ, ဘ့စသိၣ်အံာ်သီအံာ်တဲၤဒဳ တဲၤ လှူၣ်ရှံၣ်ပူၤနဳၤ. စအဲအခၠၱးတဘဲာ်နှၱနီးအခဳးအစဲ, ပၠၤ တဖီးတပွဲးစဲာ်နှၱနီး.
ဒဳယဟဲးအလ့ၤနဳၤသံတလ့ၤဇၤနီး
21ယ့ၣ်ရှူးဒီၣ်စဲာ်တစီာ်အလှီမီၢ်, “ယကဟဲး, သံကဝၢ်စါ လှဲးကီယဲၤ, မၱာ်သံကသံကီသံ တဲၤခီၣ်ဝဲၤအပူၤ. ဒဳယဟဲးအလ့ၤနဳၤသံတလ့ၤဇၤနီး,” စဒီၣ်လၢ်ဝၤတစီာ်ဓဳၤ.
22ယူဒၤဖဳးတစီာ် ဒီၣ်လှဲးကီလၢ်ဝၤ, “ဒဳ ယဟဲးအလ့ၤနဳၤသံ တလ့ၤဇၤနီး, စဒီၣ်ဓဳၤမၱာ်စကမီ မဲၤသံလၤကဲၤစန့ၤဧါ,” စဒီၣ်လှဲးလၢ်ဝၤ ဓဳၤ.
23ယ့ၣ်ရှူးဒီၣ်စဲာ်တစီာ်, “သံမၱာ်အအီၣ်ဒဳ အကါလဲၢ်, ယဲၤမၱာ် အအီၣ်ဒဳအခဳးထာ်. သံမၱာ်အဘဲာ် ကၠးလၢ်ခဳးတဘဲာ်ယဳၤ. ယဲၤမၱာ်အတဘဲာ်ကၠး လၢ်ခဳးတဘဲာ်ယဳၤနီး. 24မဲၤကနဳၤဒဳၣ်, ယဒီၣ် ကီသံထဲၢ် သံကသံကီဒဳသံတဲၤခီၣ်ဝဲၤအပူၤနဳၤ, မၤနဲၢ်ဒဳၣ်, သံကတဘူၣ်မၤယဲၤမၱာ် စဲာ်နီးနဳၤ, သံကသံတပွဲးဒဳ သံတဲၤ ခီၣ်ဝဲၤအပူၤနဳၤ,” စဒီၣ်လၢ်ဝၤတစီာ် ဓဳၤ.
25“နမၱာ်ဒီပီၢ်ပွဲၤ,” စဲာ်တစီာ်ဒဲလၢ်ဝၤဓဳၤ.
ယ့ၣ်ရှူးဒီၣ်ရှံစဲာ်တစီာ်, “ယမၱာ်အစာ်ဘိယဒီဆး သံလှ့အအူဆူးနဳၤ. 26တဲၤယၱၢ်ဘဲာ်ကၱာ်တဲၤ စံးရးအဘဲာ်ကၠးသံနဳၤ, ယမီၤဒီၣ်အီၣ်ပွ့ တမံၤ. မၱာ် အသဓဳလ့ၤယဲၤတပွဲၤမၱာ်အတၱၢ်အမှးကၱာ်တဲၤဒဳယသၱာ်ဟဲ ဘဲာ်စအီၣ်တစီာ်နဳၤ, ယဒီဆးကဲၤ လၢ်ခဳးဖဳး တစီာ်နဳၤ,” စဒီၣ်ကဲၤလၢ်ဝၤ တစီာ်ဓဳၤ.
27စဲာ်တစီာ်တသၱာ်ဟဲကဲၤ ထဲၢ်စဒီဆး လၢ်ဝၤစပာ်အဝၱၤအကဲနဳၤနီး. 28ကနဳၤအခဳး အစဲ, ယ့ၣ်ရှူးဒီၣ်စဲာ်တစီာ်, “ဘ့သံကတဒါထာ် ဝှါ ပၠၤအဖဳးနဳၤ, သံကသၱာ်ဟဲကီစဲာ်မၱာ်ယဲၤ, ကၱာ် ယတမဲၤဓီ တၤတမံနီး, မၱာ်ဒီထိးလၤတဲၤထဲၢ်ယပာ်သိၣ်အံာ် သီအံာ်ယဲၤတစီာ် နဳၤ လီၤ. 29ကၱာ်ဒီ အသဓဳ လ့ၤယဲၤတပွဲၤမၱာ်စအီၣ်ကိာ်ယကါ. စတလဲၢ်လၤဓ့ၢ် တၤကဲၤယဲၤနီး, မၤနဲၢ်ဒဳၣ်, ယမဲၤတဲၤ ထ့အဘဲာ်စသး တစီာ် နဳၤလီၤ,” စဒီဆးလၢ်ဝၤတစီာ်ဓဳၤ.
30ဘ့ပၠၤသၱာ်ဟဲဘဲာ်ဝှါယ့ၣ်ရှူးဒီၣ်တဲၤအယဳၤတစီာ်နဳၤဒဳၣ်, အဘူၣ်စဲာ်အီၣ်အဲးအီးအီးကဲၤ.
ပွဲၤအီၣ်လှိအီၣ်လၤကၱာ်ဇိၤပွဲၤ
31မဲၤကနဳၤဒဳၣ်, ယ့ၣ်ရှူးဒီၣ်ကဲၤယူဒၤဖဳး အဘူၣ်စဲာ်တစီာ်ကယဳၤ, “သံကဘူၣ်မၤယတဲၤ ယၱၢ် ဘဲာ်ဒဳၣ်, သံကမၱာ်သ့ပွ့ၤတပွဲးယပျဲၢ် ယဘီၣ်. 32ကၱာ်သံကသၱာ်ဟဲတပွဲးတဲၤတၱၢ်တဲၤမှးကၱာ် တဲၤတၱၢ် တဲၤမှးကမဲၤလှိထာ်ကီသံ,” စဒီၣ်လၢ်ဝၤတစီာ်ဓဳၤ.
33စဲာ်တစီာ်ဒီၣ်ကဲၤစဲာ်, “ဝၤမၱာ်စီၤအၤဘြၤ ဟၣ်အဖဳးအလံၤ ကၱာ် ဝၤတမၱာ်ကဲၤပၠၤလဝ့ၤဆီး ဆူ အဇိၤအပွဲၤတခးနီး. မဲၤကနဳၤဒဳၣ်, သံ ကအီၣ် လှိအီၣ် လၤကီ, နကဒီၣ်ဇၤဝၤဓဳၤစာ်တဲၢ်,” စဒီၣ်လၢ်ဝၤဓဳၤ.
34ယ့ၣ်ရှူးဒီၣ်ရှံက့ၤစဲာ်တစီာ်, “ယဒီဆး သံအတၱၢ်အမှး, ပၠၤ အမဲၤတဲၤခီၣ်ဝဲၤတပွဲၤနဳၤ, စမၱာ် တဲၤခီၣ်ဝဲၤအဇိၤအပွဲၤလီၤ. 35ဇိၤ ပွဲၤတအီၣ် ဘဲာ်သဲာ်ယိရှံၣ်ပူၤနီး, ဖဳးလံၤအီၣ်ဘဲာ်သဲာ်ယိ ရှံၣ် ပူၤတခီ. 36တဲၤဖဳးကမဲၤလှိထာ်က့ၤသံဒဳၣ်, သံကလှိကလၤတပွဲး. 37ယသၱာ်ဟဲတပွဲးထဲၢ် သံမၱာ်စီၤအၤဘြၤဟၣ်အဖဳးအလံၤတစီာ်နဳၤ, ပရၤ ဆါသံသးအဲးမဲၤသံယဲၤဒဳယတဲၤယၱၢ်ဘဲာ်တဘဲာ် သးသံ နီးအခဳးအစဲနဳၤ. 38ယယၱၢ်ဘဲာ်အစာ်ဘိယစာ် ထၱးကိာ်အပာ်နဳၤ. မၱာ်သံနဳၤ, သံမဲၤ တပွဲးအစာ်ဘိ သံပာ်မဲၤနဳၤလီၤ,” စဒီၣ်လၢ်ဝၤတစီာ်ဓဳၤ.
39စဲာ်တစီာ်ဒီၣ်ရှံက့ၤ, “စီၤအၤဘြၤဟၣ် မၱာ်ဝၤပာ်,” စဒီၣ် ဓဳၤ.
ယ့ၣ်ရှူးဒီၣ်စဲာ်တစီာ်, “သံကမၱာ်စီၤအၤဘြၤ ဟၣ် အဖဳးအလံၤဒဳၣ်, မဲၤပီၢ်အစာ်ဘိစီၤအၤဘြၤ ဟၣ်မဲၤ နဳၤ,” စဒီၣ်လၢ်ဝၤတစီာ်ဓဳၤ. 40“ပရၤဆါ သံသးအဲးမဲၤသံယဲၤထဲၢ်အယၱၢ်ဘဲာ်ထၱးသံဒဳတဲၤတၱၢ် တဲၤမှး အပူၤထဲၢ်ယသၱာ်ဟဲကဲၤဒဳဘၱာ်စဲာ်အီၣ် တစီာ် နဳၤ. စီၤအၤဘြၤဟၣ်တမဲၤ ကနဳၤနီး. 41သံ မဲၤသံပာ်အတဲၤမဲၤ,” စဒီၣ်လၢ်ဝၤတစီာ်ဓဳၤ.
စဲာ်တစီာ်ဒီၣ်ရှံက့ၤယ့ၣ်ရှူး, “ဝၤတမၱာ်အလၤ သူးလၤကမဲာ်အဖဳးအလံၤနီး. ဝၤပာ်အီၣ်တပွဲၤလီၤ, ထဲၢ်ကဘၱာ်စဲာ်နဳၤ,” စဒီၣ်လၢ်ဝၤဓဳၤ.
42မဲၤကနဳၤယ့ၣ်ရှူးဒီၣ်စဲာ်တစီာ်, “ကဘၱာ် စဲာ်ကမၱာ်နှဲးနှဲးသံ ပာ်ဒဳၣ်, သံကဘဲာ်လီၢ်တပွဲးယဲၤ, မၤနဲၢ်ဒဳၣ်, ယအီၣ်ဒဳအပာ်အီၣ် ကၱာ်ယလၤကဲၤ. ယတလၤဓီယလဳၤယလၤနီး. မၱာ်စသဓဳကဲၤယဲၤ. 43သံ တသၱာ်ဟဲဇၤမၤယတဲၤယၱၢ်ဘဲာ်နီးနဲၢ်. မၤ နဲၢ်ဒဳၣ်, သံတဆီးခ့န့းဇၤယတဲၤယၱၢ်ဘဲာ်နီးအစဲလီၤ. 44မဳၤဒဲးလၱးမၱာ်ကဲၤသံပာ်ထဲၢ်သံအီၣ်ကဲၤ ဒဳစအီၣ်တပွဲၤနဳၤ, ကၱာ်ဒီသံမဲၤတပွဲးစတဲၤသးအဲးနံၤ. လှ့မဳၤစဲခဳးနဳၤ စမၱာ် အမဲၤသံပၠၤကၱာ်စတအီၣ် အံာ်တဲၤ တၱၢ်တဲၤမှးနီး. မၤနဲၢ်ဒဳၣ်, ဒဳစအီၣ်နဳၤ တဲၤတၱၢ်တဲၤမှး တအီၣ်နီး. ဘ့စဒီၣ်ပျဲးတဲၤနဳၤ, စဒီၣ် အစာ်ဘိစဒီၣ် နဲၤ နီၤ, မၤနဲၢ်ဒဳၣ်စမၱာ်အပျဲးအလှူတဲၤကၱာ် စမၱာ်တဲၤ ပျဲးအပာ်လီၤ. 45မၱာ် ယယၱၢ်ဘဲာ်တၱၢ် ယၱၢ် ဘဲာ်မှးအခဳးအစဲသံတဘူၣ်ကီယဲၤနီး. 46ဒဳသံကျဲနဳၤ, ပီၢ်ပွဲၤဒဲလၱၢ်ကဲာ်ထာ်တဲၤခီၣ်ဝဲၤ ဒဳယလီၤ နဳၤပွဲၤ. ယယၱၢ်ဘဲာ် တဲၤတၱၢ်တဲၤမှး, သံတဘူၣ်မၤ ယဲၤနီးနဲၢ်. 47ပၠၤအအီၣ် ဒဳကဘၱာ် စဲာ်အီၣ်တပွဲၤ ဆီးခ့န့းကဘၱာ်စဲာ်အလ့ၢ်. သံတဆီးခ့န့းကဘၱာ်စဲာ်အလ့ၢ် နီးမၱာ်သံတအီၣ်ဒဳစအီၣ်နီးအခဳးအစဲလီၤ,” စဒီၣ် လၢ်ဝၤတစီာ်ဓဳၤ.
ယ့ၣ်ရှူးကၱာ်စီၤအၤဘြၤဟၣ်
48မဲၤကနဳၤယူဒၤဖဳးတစီာ်ဒီၣ်ရှံက့ၤစဲာ်, “နမၱာ်ရှၤမရၱဖဳး, တဲၤ ရှံးတဲၤနှဲးအီၣ်နဟၱးကျဲဝၤဒီၣ်ဓဳၤ, အတဘဲာ်နီးဧါ,” စဒီၣ်လၢ်ဝၤဓဳၤ.
49ယ့ၣ်ရှူးဒီၣ်ရှံက့ၤစဲာ်, “တဲၤရှံးတဲၤနှဲးတအီၣ်ယဟၱးကျဲနီး, မၱာ်ယလဲၢ်ဒဳလဲၢ်ယးယပာ်, ပရၤဆါ သံတလဲၢ်ဒဳလဲၢ်ယးယဲၤနီး. 50နီၣ်သီနှီနူၤ, ယတဝၢ်လှဲးယတီၤယသ့းနီး. အဝၢ်လှဲးကၱာ်အစံးရးတဲၤ အီၣ်တပွဲၤ. 51ယဒီဆးသံအတၱၢ်အမှး, ပၠၤအဆီးခ့န့းယလ့ၢ်တပွဲၤတကဲာ်ထၱးဘဲာ်တဲၤသံတပျါနီး,” စဒီၣ်လၢ်ဝၤဓဳၤ.
52ယူဒၤဖဳးတစီာ်ဒီၣ်, “ခဳနူၤယဳၤ, ဝၤသၱာ် ဟဲထဳထဲၢ်နနှဲးအီၣ် နဳၤ. စီၤအၤဘြၤဟၣ်ကၱာ်ဝံတစီာ် သံထဳ. မၱာ်နဒီၣ်ဝ့ၤအအီၣ်အံာ်ယတဲၤ ယၱၢ်ဘဲာ်တပွဲၤ နဳၤ, တစာ်ထၱးဘဲာ်တဲၤသံတပျါနီး. 53နဓဳၤဒဳၣ် လံ ပီၢ်ဝၤပာ်စီၤအၤဘြၤဟၣ်အသံထဳတပွဲၤနဳၤဧါ. ကၱာ်ဝံတစီာ်မၱာ်မၱာ်သံထဳထဳ. နဒီၣ်လၤဒီနန့ၤပီၢ်ပွဲၤ,” စဲာ်တစီာ်ဒီၣ်လၢ်ဝၤဓဳၤ.
54ယ့ၣ်ရှူးဒီၣ်ကဲၤစဲာ်တစီာ်, “ယကပဲၢ် တီၤပဲၢ်သ့းမၤယန့ၤ ဒဳၣ်, ယတဲၤပဲၢ်တီၤပဲၢ်သ့းမၱာ် အနှးနှါလီၤ. အပဲၢ်တီၤပဲၢ်သ့းယဲၤမၱာ်ယပာ်ထဲၢ်သံဒီၣ် သံဘၱာ်စဲာ်တပွဲၤနဳၤ. 55သံတသၱာ်ဟဲစဲာ်နီး မၱာ်ယသၱာ်ဟဲစဲာ်. ယကဒီၣ်မၤအတသၱာ်ဟဲစဲာ်နီးဒဳၣ်, ယကလၤတပွဲး သံပွဲၤပျဲးတပွဲၤလီၤ. ပရၤ ဆါယသၱာ်ဟဲစဲာ် ကၱာ်ယအီၣ် အံာ်စတဲၤယၱၢ်ဘဲာ်. 56စီၤအၤဘြၤ ဟၣ်သးကနၢ်အံာ်ကဲၤဒဳ စသးအဲးစာ်ထၱးဘဲာ်ယမူၤနံၤမူၤသဲနဳၤ. စစာ်ထၱး ဘဲာ်ကဲၤကၱာ်စသးလဳၢ်သးလၤအံာ်ကဲၤ,” စဒီၣ် လၢ်ဝၤတစီာ်ဓဳၤ.
57ယူဒၤဖဳးတစီာ်ဒီၣ်ရှံက့ၤစဲာ်, “နတအီၣ် သၣ်ကီသဲအဒ့ာ် ယဲၢ်ရှံနှၱနီးနၱၢ်. နကစာ်ထၱးဇၤ စီၤအၤဘြၤဟၣ်စာ်တဲၢ်,” စဒီၣ်လၢ်ဝၤဓဳၤ.
58ယ့ၣ်ရှူးဒီၣ်စဲာ်တစီာ်, “ယဒီဆးသံအတၱၢ်အမှး, စီၤအၤ ဘြၤဟၣ်တအီၣ်နှၱနီးနဳၤ ယအီၣ် ထဳ,” စဒီၣ်ဓဳၤ.
59မဲၤကနဳၤစဲာ်တစီာ်ထူးလၤလဳၤ, စာ်ဘိ ထဲၢ်စကဝှ့လၢ်ဝၤ နဳၤ, မၱာ်ယ့ၣ်ရှူးလဲၢ်ဟူၣ်အန့ၤ ကၱာ် ဟဲးဒဳစဲာ်တစီာ်အသကျါမဲဗူကၱာ်ဟဲး ထာ်ကဲၤတဲၤလှူၣ် ရှံၣ်အချဳ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.