ယိၤဟၣ် 10
10
အစာ်အံာ်သဳအကလဲၤ
1ယ့ၣ်ရှူးဒီၣ်, “ယဒီဆးသံအတၱၢ်အမှး, ပၠၤအတလ့ၤနံၢ် ကိာ်သဳအကပီၤအခးကျဲၢ်ဓဳၤနီး, မၱာ်အလ့ၤနံၢ်ကိာ်ကျဲးအလဝ့ၤတပွဲၤနဳၤ, စမၱာ် အအၣ် ဟူၣ်တဲၤကၱာ်တ့ၤဝှ့ဖဳးလီၤ. 2မၱာ်ပၠၤ အလ့ၤနံၢ်ကိာ် ခးကျဲၢ်ဓဳၤတပွဲၤနဳၤ, စမၱာ်သဳတစီာ်အဘၱာ်စဲာ်. 3အစာ်အံာ်ခးကျဲၢ် ဓဳၤတပွဲၤ ဘါထာ် နံၤတပွဲးစဲာ်ခးကျဲၢ်. သဳတစီာ် သၱာ်ဟဲစလ့ၢ်ဒဳၣ်, စပၤစသဳတစီာ်အမံၤကၱာ်လ့ၤအံာ်ဟူတပွဲးလၢ်ဝၤဒဳ အကပီၤအချဳနဳၤ. 4ဘ့စယဳၤထာ်စသဳအချဳနဳၤ, စလ့ၤအူဆူးကၱာ်စသဳလ့ၤကိာ်စလ့ၤ, မၤနဲၢ် အသၱာ်ဟဲ စလ့ၢ်အခဳးအစဲနဳၤ. 5ပရၤဆါ သဳတစီာ်တဟဲးကိာ်တပွဲး ပၠၤလဝ့ၤအကါနီး, မၱာ်အစွဲး သံဝံၢ်တပွဲးစဲာ်, မၤနဲၢ်အတသၱာ် ဟဲစလ့ၢ်တခးနီးအစဲနဳၤ.”
6ယ့ၣ်ရှူးဒီဆးပၠၤတဲၤကလဲၤယဳၤ, ပရၤ ဆါ, စဒီဆးလၢ်ဝၤ တၤနဲၢ်နဳၤ, စတသၱာ်ဟဲကဲၤ တစီာ် နီး.
ယ့ၣ်ရှူးအစာ်အံာ်သဳအအဲး
7မဲၤကနဳၤ, ယ့ၣ်ရှူးဒီဆးကဒီစဲာ်အလှီ မီၢ်, “ယဒီဆးသံအတၱၢ်အမှး, ယမၱာ်သဳကပီၤ အခးကျဲၢ်လီၤ. 8ပၠၤလဳစါစဲးအလ့ၤအူ ဆူးယဲၤ တစီာ်နဳၤ. မၱာ်လဳအအၣ်ဟူၣ်တဲၤကၱာ်တ့ၤဝှ့ဖဳးတစီာ်လီၤ, ပရၤ ဆါသဳတစီာ်တဆီးခ့န့းတပွဲးစလ့ၢ်နီး. 9ယမၱာ်ခးကျဲၢ်ဓဳၤ. ပၠၤတပွဲၤပွဲၤကလ့ၤနံၢ် ကိာ်မၤယပူၤဒဳၣ်, စကအီၣ်မီၤအီၣ်မၤဘဲာ်တပွဲး. စဲာ်တစီာ်ကလ့ၤနံၢ်ကၱာ်ဟဲးထာ်ကၱာ်ဒီကပးနံၤတပွဲး ဆဲၣ်အၣ်အလ့ၤအကျဲး. 10အအၣ်ဟူၣ်တဲၤ တပွဲၤနဳၤလ့ၤနံၢ်ဒဳအကအၣ်ဟူၣ်မဲၤကဲတဲၤ, မဲၤ သံမဲၤ လှဲမဲၢ်ကၱာ်မဲၤကဲမဲၤအိးတဲၤလီၤ. ယလ့ၤကဲၤ စာ်ဘိထဲၢ် စဲာ်တစီာ်ကနံၤဘဲာ်ပီၢ်တဲၤသမိပ့ထာ်ပၤလၤ အနံၤ ခံနဳၤ.
11“ယမၱာ်အစာ်အံာ်သဳအအဲး. အစာ်အံာ် သဳအအဲးတပွဲၤနဳၤ အံာ်လၤဖျီးမံစသးသမိ စသဳတစီာ်အနံၤခံ. 12မၱာ်အဘဲာ်ထူဘဲာ် ငၢ်တပွဲၤနဳၤ, စတမၱာ်အစာ်အံာ်သဳနီး, ကၱာ်သဳတစီာ်တဘဲာ်စအဲနီး, ဘ့စစာ်ထၱးကယၤဘိးလ့ၤနဳၤ, စလဲၢ်လၤတၤဝှါသဳ တစီာ်ဒဳၣ်စစွဲးဖျီးတပွဲး. ကယၤဘိးတစီာ် ကျၢ်ဝှါ သဳကၱာ်စမဲၤဖြူးလၤဖြၱထာ်တပွဲးလၢ်ဝၤ. 13ပွဲၤဘဲာ်ငၢ်တပွဲၤနဳၤ စမၱာ်အဘဲာ်ဖူဘဲာ်ငၢ်လီၤဒဳၣ်, စတဲၤဘဲာ်ရှဳဘဲာ်မၤ သဳ တနံၤခံတအီၣ်တပွဲးနီး. 14-15ယမၱာ်အစာ်အံာ်သဳအအဲး. အစာ်ဘိ အပာ်သၱာ် ဟဲယဲၤကၱာ်ယသၱာ်ဟဲအပာ်နဳၤ, စာ်ဘိကနဳၤအခီ, ယသၱာ်ဟဲ ယသဳကၱာ်ယသဳသၱာ်ဟဲယဲၤ. ယအံာ်လၤ ဖျီးမံယသးသမိယသဳတစီာ်အနံၤခံ. 16ယသဳအတအီၣ်အကပီၤပူၤနီးအီၣ်ဝ့ၤတစီာ်ပ့ၤ. အယဳၤ တစီာ်မၱာ်မၱာ် ယကက့ၤအံာ်ဘဲာ်စဲာ်စဲာ်, ကၱာ်စဲာ် တစီာ်ကသၱာ်ဟဲကီယလ့ၢ် ဒဳၣ်, သဳကအီၣ်ကီတဖဳးလီၤ, ကၱာ်အစာ်အံာ်သဳကအီၣ်ကီတပွဲၤလီၤ.
17“တဲၤအယဳၤအခဳးအစဲယပာ်ဘဲာ်လီၢ် ယဲၤ, မၤနဲၢ်ဒဳၣ်ယအံာ်လၤဖျီးမံယသးသမိ စာ်ဘိ ထဲၢ်ယကဖၱးထာ်က့ၤပီၢ်ယအဲတပျာ်ပ့ၤ နဳၤ. 18ပၠၤတဖၱးကဲသံဝံၢ်ဇၤယဲၤယသးသမိတဗွဲနီး. ယအီၣ် ကၱာ် တဲၤခွဲးတဲၤယာ်ဒဳယကအံာ်လၤကဲ ကၱာ်ယကဖၱး က့ၤယအဲလီၤ. တဲၤအယဳၤမၱာ် ယပာ်မှဲးလၤကဲၤယဲၤဒဳ အကမဲၤဘဲာ်တဓဲနဳၤ.”
19တဲၤယၱၢ်ဘဲာ်အယဳၤအစဲ တဲၤပ့ၢ်ဖးအီၣ် ထာ်ဒဳယူဒၤဖဳးတစီာ်အကျဲတပျာ်ပ့ၤ. 20ဒဳစဲာ် တစီာ်အကျဲအီၣ်အဲပွဲၤဒီၣ်ကဲၤ, “စနှဲး စဖူအီၣ်ကၱာ် စပျူၤထဳ. သံဆီးခ့န့းမၤစလ့ၢ်နဲၢ်,” စဒီၣ်ဓဳၤ.
21အလဝ့ၤတစီာ်ဒီၣ်, “တဲၤယၱၢ်ဘဲာ်အယဳၤတစီာ်မၱာ်တဘဲာ် အနှဲးအဖူအီၣ်တစီာ်အတဲၤ ယၱၢ်ဘဲာ်နီး. တဲၤရှံးတဲၤနှဲးမဲၤလှၱထာ်ဇၤတပွဲး ပၠၤ ကၢ်ဓူခံးဧါ,” စဲာ်တစီာ်ဒီၣ်လှဲးကဲၤလၢ်ဝၤဓဳၤ.
ဒဳတဲၤလှူၣ်ရှံၣ်အပွဲပူၤနဳၤ
22ဘ့နဳၤအခၠၱးမၱာ်တဲၤဟီးခဲ, တဲၤဟိးဝၱၤ ထာ်တဲၤလှူၣ်ရှံၣ်အပွဲဘဲာ်ကဲၤဒဳယရူၤၡလ့ၣ်အူးပူၤ နဳၤ. 23ယ့ၣ်ရှူးဟဲးပိးလိးကဲၤဒဳ တဲၤလှူၣ်ရှံၣ် အပူၤ, စီၤရှလိၤမိၤအတဓၢ်နဳၤ. 24ယူဒၤဖဳးလ့ၤ အီၣ်ခွဲဘးယ့ၣ်ရှူးကၱာ်ဒီၣ်ကဲၤစဲာ်, “နကမဲၤထဲးနံၤဝံ နံၤဝၤ ဝၤဓၢ်တဲၢ်. နကမၱာ်ဘ့ာ်မ့ခရၱာ်ဒဳၣ် ဒီၣ်လှၱ ထာ် ဖျီထာ်ပီၢ်တခး,” စဒီၣ်လၢ်ဝၤဓဳၤ.
25ယ့ၣ်ရှူးဒီၣ်ရှံစဲာ်တစီာ်, “ယဒီဆးဝှါထဳ သံ, မၱာ်သံတဘူၣ် ယဲၤနီး. တဲၤမဲၤထဲၢ်ယမဲၤဒဳယပာ်အမံၤအပူၤတစီာ်နဳၤခးတပွဲးယနံၤခံသဲ သၱး. 26ပရၤဆါသံတမၱာ်ယသဳနီးအခဳးအစဲ, သံတဘူၣ်နီး. 27ယသဳတစီာ်သၱာ်ဟဲယလ့ၢ်, ယသၱာ်ဟဲစဲာ် ကၱာ်စလိၤကိာ်ယလ့ၤ. 28ယအံာ်စဲာ် တစီာ် တဲၤသမိအလၤထူလၤပျဳၤ, ကၱာ်စဲာ်တစီာ်တကဲတအိးဘဲာ်ပံပံးနီး, ပၠၤတအါဝူၢ်ဇၤစဲာ်ဒဳယစူးခီး ပူၤ တဗွဲနီး. 29ယပာ်ထဲၢ်အအံာ်လၤယဲၤစဲာ်တစီာ်နဳၤမၱာ် အဓဳၤဒဳၣ်လံတဲၤလဳစါစဲးလီၤ. မဲၤကနဳၤဒဳၣ်, ပၠၤတအါဝူၢ်ကဲာ်ထာ်စဲာ်တစီာ်ဒဳယပာ်အစူးခီးပူၤ တဗွဲနီးနီး. 30ယဲၤကၱာ်အပာ်မၱာ်တပွဲၤလီၤ,” စဒီၣ်ကဲၤလၢ်ဝၤတစီာ်ဓဳၤ.
31မဲၤကနဳၤဒဳၣ်ယူဒၤဖဳးတစီာ်ထူးလၤလဳၤ ကၱာ်ဒီၣ်အကဝှ့သံ စဲာ်. 32ယ့ၣ်ရှူးဒီၣ်စဲာ်တစီာ်, “ယဒဲလၱၢ်ထဳသံယပာ်အတဲၤဖၱးတဲၤ မဲၤပွ့တမံၤ. သံသး အဲးဝှ့သံယဲၤမၱာ်ဒီၣ်လဲၢ်တမဳၤမဳၤအခဳးအစဲနဲၢ်,” စဒဲ ကဲၤ လၢ်ဝၤတစီာ်ဓဳၤ.
33ယူဒၤဖဳးတစီာ်ဒီၣ်ရှံစဲာ်, “ဝၤဝှ့နဲၤလဳၤ မၱာ်တဘဲာ်တဲၤဖၱးတဲၤ မဲၤအအဲးအစဲနီး, မၱာ်တဲၤထာ်ဒ့ဒီၣ် ကဘၱာ်စဲာ်အစဲ. မၤနဲၢ်ဒဳၣ်, နမၱာ်ပၠၤ, ပရၤဆါ နမဲၤကဲၤ နန့ၤကဘၱာ်စဲာ်အခဳးအစဲနဳၤ,” စဲာ်တစီာ်ဒီၣ်ကဲၤလၢ်ဝၤ ဓဳၤ.
34ယ့ၣ်ရှူးဒီၣ်ရှံက့ၤစဲာ်တစီာ်, “ဒဳသံတဲၤ မှဲးလၤအစဲာ်ပူၤနဳၤ, အဝှ့းလၤကယဳၤတဘဲာ်နီးဧါ. ယဒီၣ်သံ, ‘သံမၱာ်ကဘၱာ်စဲာ်တစီာ်,’ နဳၤ. 35ကဘၱာ်စဲာ်အလ့ၢ်အဝှဲးမၱာ်အဘဲာ်သဲာ်ယိလီၤအခဳးအစဲ, စကယဳၤဘ့ာ်မ့ပၠၤထဲၢ်အနံၤဘဲာ်ကဘၱာ်စဲာ်အလ့ၢ် အဝှဲးတစီာ် ကဘၱာ်စဲာ်ဒဳၣ်, 36အပာ်ရိၤ ထာ်ဝှါသဓဳလ့ၤကဲၤယဲၤဒဳလၢ်ခဳးယဳၤ. မဲၤကနဳၤဒဳၣ် ယဒီၣ်, ယဲၤမၱာ်ကဘၱာ်စဲာ်အဖဳး, အခဳးအစဲသံဒီၣ် ဇၤပီၢ်ယမၱာ် အထာ်ဒ့ ဒီၣ်ကဘၱာ်စဲာ်ဧါ. 37ယကတမဲၤမၤတဲၤမဲၤထဲၢ်ယပာ်သးအဲးနံၤယမဲၤတစီာ်နီး ဒဳၣ်, ဘူၣ်မဲးယဲၤမဲး. 38ပရၤဆါ ကမဲၤနီၣ်သီ စတဲၤမဲၤနှီနူၤ, သံကတဘူၣ်မၤယဲၤနီး ဒဳၣ်, ဘူၣ်ပီၢ် တဲၤထဲၢ်ယမဲၤတစီာ်နဳၤ, စာ်ဘိထဲၢ်သံကသၱာ်ဟဲ ကၱာ်ဘူၣ် ပီၢ် ယပာ်အီၣ်ဒဳယပူၤနဳၤကၱာ် ယအၣ်ဒဳ စပူၤနဳၤ,” စဒီၣ်လၢ်ဝၤတစီာ်ဓဳၤ.
39မဲၤကနဳၤဒဳၣ် ပၠၤတစီာ်သးအဲးဖီးကဒီစဲး, မၱာ်စဆဲးဖျီးထာ် ကဲၤလၢ်ဝၤတစီာ်အစူးခီးပူၤတခီ.
40မဲၤဝှါယ့ၣ်ရှူးက့ၤဘးကဲၤဒဳယၢ်ဒ့ၣ်လီၢ် ဝ့ၢ်တပျာ်ပ့ၤထဲၢ်အအူဆူးစီၤယိၤဟၣ် ဖဳးစူပၠၤထံ အလ့ၤနဳၤကၱာ်အီၣ်ကဲၤဒဳနဳၤ. 41ပၠၤ အီၣ်အဲပွဲၤ လ့ၤထၱးစဲာ်, ကၱာ် စဲာ်တစီာ်ဒီၣ်ကဲၤ, “စီၤယိၤဟၣ် တမဲၤကဲၤ တဲၤပီၤတဲၤပၤနီး. ကယါမၱာ် စီၤယိၤဟၣ် ဒီဆးပၠၤအယဳၤတပွဲၤအဝၱၤအကနဳၤ, အဘဲာ်ဇၱၢ်ဟဳ,” စဲာ်တစီာ်ဒီၣ်ဓဳၤ. 42ကၱာ်ဒီ ပၠၤအအီၣ်ဒဳနဳၤ အီၣ် အဲပွဲၤဘူၣ်ကဲၤစဲာ်.
ទើបបានជ្រើសរើសហើយ៖
ယိၤဟၣ် 10: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 10
10
အစာ်အံာ်သဳအကလဲၤ
1ယ့ၣ်ရှူးဒီၣ်, “ယဒီဆးသံအတၱၢ်အမှး, ပၠၤအတလ့ၤနံၢ် ကိာ်သဳအကပီၤအခးကျဲၢ်ဓဳၤနီး, မၱာ်အလ့ၤနံၢ်ကိာ်ကျဲးအလဝ့ၤတပွဲၤနဳၤ, စမၱာ် အအၣ် ဟူၣ်တဲၤကၱာ်တ့ၤဝှ့ဖဳးလီၤ. 2မၱာ်ပၠၤ အလ့ၤနံၢ်ကိာ် ခးကျဲၢ်ဓဳၤတပွဲၤနဳၤ, စမၱာ်သဳတစီာ်အဘၱာ်စဲာ်. 3အစာ်အံာ်ခးကျဲၢ် ဓဳၤတပွဲၤ ဘါထာ် နံၤတပွဲးစဲာ်ခးကျဲၢ်. သဳတစီာ် သၱာ်ဟဲစလ့ၢ်ဒဳၣ်, စပၤစသဳတစီာ်အမံၤကၱာ်လ့ၤအံာ်ဟူတပွဲးလၢ်ဝၤဒဳ အကပီၤအချဳနဳၤ. 4ဘ့စယဳၤထာ်စသဳအချဳနဳၤ, စလ့ၤအူဆူးကၱာ်စသဳလ့ၤကိာ်စလ့ၤ, မၤနဲၢ် အသၱာ်ဟဲ စလ့ၢ်အခဳးအစဲနဳၤ. 5ပရၤဆါ သဳတစီာ်တဟဲးကိာ်တပွဲး ပၠၤလဝ့ၤအကါနီး, မၱာ်အစွဲး သံဝံၢ်တပွဲးစဲာ်, မၤနဲၢ်အတသၱာ် ဟဲစလ့ၢ်တခးနီးအစဲနဳၤ.”
6ယ့ၣ်ရှူးဒီဆးပၠၤတဲၤကလဲၤယဳၤ, ပရၤ ဆါ, စဒီဆးလၢ်ဝၤ တၤနဲၢ်နဳၤ, စတသၱာ်ဟဲကဲၤ တစီာ် နီး.
ယ့ၣ်ရှူးအစာ်အံာ်သဳအအဲး
7မဲၤကနဳၤ, ယ့ၣ်ရှူးဒီဆးကဒီစဲာ်အလှီ မီၢ်, “ယဒီဆးသံအတၱၢ်အမှး, ယမၱာ်သဳကပီၤ အခးကျဲၢ်လီၤ. 8ပၠၤလဳစါစဲးအလ့ၤအူ ဆူးယဲၤ တစီာ်နဳၤ. မၱာ်လဳအအၣ်ဟူၣ်တဲၤကၱာ်တ့ၤဝှ့ဖဳးတစီာ်လီၤ, ပရၤ ဆါသဳတစီာ်တဆီးခ့န့းတပွဲးစလ့ၢ်နီး. 9ယမၱာ်ခးကျဲၢ်ဓဳၤ. ပၠၤတပွဲၤပွဲၤကလ့ၤနံၢ် ကိာ်မၤယပူၤဒဳၣ်, စကအီၣ်မီၤအီၣ်မၤဘဲာ်တပွဲး. စဲာ်တစီာ်ကလ့ၤနံၢ်ကၱာ်ဟဲးထာ်ကၱာ်ဒီကပးနံၤတပွဲး ဆဲၣ်အၣ်အလ့ၤအကျဲး. 10အအၣ်ဟူၣ်တဲၤ တပွဲၤနဳၤလ့ၤနံၢ်ဒဳအကအၣ်ဟူၣ်မဲၤကဲတဲၤ, မဲၤ သံမဲၤ လှဲမဲၢ်ကၱာ်မဲၤကဲမဲၤအိးတဲၤလီၤ. ယလ့ၤကဲၤ စာ်ဘိထဲၢ် စဲာ်တစီာ်ကနံၤဘဲာ်ပီၢ်တဲၤသမိပ့ထာ်ပၤလၤ အနံၤ ခံနဳၤ.
11“ယမၱာ်အစာ်အံာ်သဳအအဲး. အစာ်အံာ် သဳအအဲးတပွဲၤနဳၤ အံာ်လၤဖျီးမံစသးသမိ စသဳတစီာ်အနံၤခံ. 12မၱာ်အဘဲာ်ထူဘဲာ် ငၢ်တပွဲၤနဳၤ, စတမၱာ်အစာ်အံာ်သဳနီး, ကၱာ်သဳတစီာ်တဘဲာ်စအဲနီး, ဘ့စစာ်ထၱးကယၤဘိးလ့ၤနဳၤ, စလဲၢ်လၤတၤဝှါသဳ တစီာ်ဒဳၣ်စစွဲးဖျီးတပွဲး. ကယၤဘိးတစီာ် ကျၢ်ဝှါ သဳကၱာ်စမဲၤဖြူးလၤဖြၱထာ်တပွဲးလၢ်ဝၤ. 13ပွဲၤဘဲာ်ငၢ်တပွဲၤနဳၤ စမၱာ်အဘဲာ်ဖူဘဲာ်ငၢ်လီၤဒဳၣ်, စတဲၤဘဲာ်ရှဳဘဲာ်မၤ သဳ တနံၤခံတအီၣ်တပွဲးနီး. 14-15ယမၱာ်အစာ်အံာ်သဳအအဲး. အစာ်ဘိ အပာ်သၱာ် ဟဲယဲၤကၱာ်ယသၱာ်ဟဲအပာ်နဳၤ, စာ်ဘိကနဳၤအခီ, ယသၱာ်ဟဲ ယသဳကၱာ်ယသဳသၱာ်ဟဲယဲၤ. ယအံာ်လၤ ဖျီးမံယသးသမိယသဳတစီာ်အနံၤခံ. 16ယသဳအတအီၣ်အကပီၤပူၤနီးအီၣ်ဝ့ၤတစီာ်ပ့ၤ. အယဳၤ တစီာ်မၱာ်မၱာ် ယကက့ၤအံာ်ဘဲာ်စဲာ်စဲာ်, ကၱာ်စဲာ် တစီာ်ကသၱာ်ဟဲကီယလ့ၢ် ဒဳၣ်, သဳကအီၣ်ကီတဖဳးလီၤ, ကၱာ်အစာ်အံာ်သဳကအီၣ်ကီတပွဲၤလီၤ.
17“တဲၤအယဳၤအခဳးအစဲယပာ်ဘဲာ်လီၢ် ယဲၤ, မၤနဲၢ်ဒဳၣ်ယအံာ်လၤဖျီးမံယသးသမိ စာ်ဘိ ထဲၢ်ယကဖၱးထာ်က့ၤပီၢ်ယအဲတပျာ်ပ့ၤ နဳၤ. 18ပၠၤတဖၱးကဲသံဝံၢ်ဇၤယဲၤယသးသမိတဗွဲနီး. ယအီၣ် ကၱာ် တဲၤခွဲးတဲၤယာ်ဒဳယကအံာ်လၤကဲ ကၱာ်ယကဖၱး က့ၤယအဲလီၤ. တဲၤအယဳၤမၱာ် ယပာ်မှဲးလၤကဲၤယဲၤဒဳ အကမဲၤဘဲာ်တဓဲနဳၤ.”
19တဲၤယၱၢ်ဘဲာ်အယဳၤအစဲ တဲၤပ့ၢ်ဖးအီၣ် ထာ်ဒဳယူဒၤဖဳးတစီာ်အကျဲတပျာ်ပ့ၤ. 20ဒဳစဲာ် တစီာ်အကျဲအီၣ်အဲပွဲၤဒီၣ်ကဲၤ, “စနှဲး စဖူအီၣ်ကၱာ် စပျူၤထဳ. သံဆီးခ့န့းမၤစလ့ၢ်နဲၢ်,” စဒီၣ်ဓဳၤ.
21အလဝ့ၤတစီာ်ဒီၣ်, “တဲၤယၱၢ်ဘဲာ်အယဳၤတစီာ်မၱာ်တဘဲာ် အနှဲးအဖူအီၣ်တစီာ်အတဲၤ ယၱၢ်ဘဲာ်နီး. တဲၤရှံးတဲၤနှဲးမဲၤလှၱထာ်ဇၤတပွဲး ပၠၤ ကၢ်ဓူခံးဧါ,” စဲာ်တစီာ်ဒီၣ်လှဲးကဲၤလၢ်ဝၤဓဳၤ.
ဒဳတဲၤလှူၣ်ရှံၣ်အပွဲပူၤနဳၤ
22ဘ့နဳၤအခၠၱးမၱာ်တဲၤဟီးခဲ, တဲၤဟိးဝၱၤ ထာ်တဲၤလှူၣ်ရှံၣ်အပွဲဘဲာ်ကဲၤဒဳယရူၤၡလ့ၣ်အူးပူၤ နဳၤ. 23ယ့ၣ်ရှူးဟဲးပိးလိးကဲၤဒဳ တဲၤလှူၣ်ရှံၣ် အပူၤ, စီၤရှလိၤမိၤအတဓၢ်နဳၤ. 24ယူဒၤဖဳးလ့ၤ အီၣ်ခွဲဘးယ့ၣ်ရှူးကၱာ်ဒီၣ်ကဲၤစဲာ်, “နကမဲၤထဲးနံၤဝံ နံၤဝၤ ဝၤဓၢ်တဲၢ်. နကမၱာ်ဘ့ာ်မ့ခရၱာ်ဒဳၣ် ဒီၣ်လှၱ ထာ် ဖျီထာ်ပီၢ်တခး,” စဒီၣ်လၢ်ဝၤဓဳၤ.
25ယ့ၣ်ရှူးဒီၣ်ရှံစဲာ်တစီာ်, “ယဒီဆးဝှါထဳ သံ, မၱာ်သံတဘူၣ် ယဲၤနီး. တဲၤမဲၤထဲၢ်ယမဲၤဒဳယပာ်အမံၤအပူၤတစီာ်နဳၤခးတပွဲးယနံၤခံသဲ သၱး. 26ပရၤဆါသံတမၱာ်ယသဳနီးအခဳးအစဲ, သံတဘူၣ်နီး. 27ယသဳတစီာ်သၱာ်ဟဲယလ့ၢ်, ယသၱာ်ဟဲစဲာ် ကၱာ်စလိၤကိာ်ယလ့ၤ. 28ယအံာ်စဲာ် တစီာ် တဲၤသမိအလၤထူလၤပျဳၤ, ကၱာ်စဲာ်တစီာ်တကဲတအိးဘဲာ်ပံပံးနီး, ပၠၤတအါဝူၢ်ဇၤစဲာ်ဒဳယစူးခီး ပူၤ တဗွဲနီး. 29ယပာ်ထဲၢ်အအံာ်လၤယဲၤစဲာ်တစီာ်နဳၤမၱာ် အဓဳၤဒဳၣ်လံတဲၤလဳစါစဲးလီၤ. မဲၤကနဳၤဒဳၣ်, ပၠၤတအါဝူၢ်ကဲာ်ထာ်စဲာ်တစီာ်ဒဳယပာ်အစူးခီးပူၤ တဗွဲနီးနီး. 30ယဲၤကၱာ်အပာ်မၱာ်တပွဲၤလီၤ,” စဒီၣ်ကဲၤလၢ်ဝၤတစီာ်ဓဳၤ.
31မဲၤကနဳၤဒဳၣ်ယူဒၤဖဳးတစီာ်ထူးလၤလဳၤ ကၱာ်ဒီၣ်အကဝှ့သံ စဲာ်. 32ယ့ၣ်ရှူးဒီၣ်စဲာ်တစီာ်, “ယဒဲလၱၢ်ထဳသံယပာ်အတဲၤဖၱးတဲၤ မဲၤပွ့တမံၤ. သံသး အဲးဝှ့သံယဲၤမၱာ်ဒီၣ်လဲၢ်တမဳၤမဳၤအခဳးအစဲနဲၢ်,” စဒဲ ကဲၤ လၢ်ဝၤတစီာ်ဓဳၤ.
33ယူဒၤဖဳးတစီာ်ဒီၣ်ရှံစဲာ်, “ဝၤဝှ့နဲၤလဳၤ မၱာ်တဘဲာ်တဲၤဖၱးတဲၤ မဲၤအအဲးအစဲနီး, မၱာ်တဲၤထာ်ဒ့ဒီၣ် ကဘၱာ်စဲာ်အစဲ. မၤနဲၢ်ဒဳၣ်, နမၱာ်ပၠၤ, ပရၤဆါ နမဲၤကဲၤ နန့ၤကဘၱာ်စဲာ်အခဳးအစဲနဳၤ,” စဲာ်တစီာ်ဒီၣ်ကဲၤလၢ်ဝၤ ဓဳၤ.
34ယ့ၣ်ရှူးဒီၣ်ရှံက့ၤစဲာ်တစီာ်, “ဒဳသံတဲၤ မှဲးလၤအစဲာ်ပူၤနဳၤ, အဝှ့းလၤကယဳၤတဘဲာ်နီးဧါ. ယဒီၣ်သံ, ‘သံမၱာ်ကဘၱာ်စဲာ်တစီာ်,’ နဳၤ. 35ကဘၱာ်စဲာ်အလ့ၢ်အဝှဲးမၱာ်အဘဲာ်သဲာ်ယိလီၤအခဳးအစဲ, စကယဳၤဘ့ာ်မ့ပၠၤထဲၢ်အနံၤဘဲာ်ကဘၱာ်စဲာ်အလ့ၢ် အဝှဲးတစီာ် ကဘၱာ်စဲာ်ဒဳၣ်, 36အပာ်ရိၤ ထာ်ဝှါသဓဳလ့ၤကဲၤယဲၤဒဳလၢ်ခဳးယဳၤ. မဲၤကနဳၤဒဳၣ် ယဒီၣ်, ယဲၤမၱာ်ကဘၱာ်စဲာ်အဖဳး, အခဳးအစဲသံဒီၣ် ဇၤပီၢ်ယမၱာ် အထာ်ဒ့ ဒီၣ်ကဘၱာ်စဲာ်ဧါ. 37ယကတမဲၤမၤတဲၤမဲၤထဲၢ်ယပာ်သးအဲးနံၤယမဲၤတစီာ်နီး ဒဳၣ်, ဘူၣ်မဲးယဲၤမဲး. 38ပရၤဆါ ကမဲၤနီၣ်သီ စတဲၤမဲၤနှီနူၤ, သံကတဘူၣ်မၤယဲၤနီး ဒဳၣ်, ဘူၣ်ပီၢ် တဲၤထဲၢ်ယမဲၤတစီာ်နဳၤ, စာ်ဘိထဲၢ်သံကသၱာ်ဟဲ ကၱာ်ဘူၣ် ပီၢ် ယပာ်အီၣ်ဒဳယပူၤနဳၤကၱာ် ယအၣ်ဒဳ စပူၤနဳၤ,” စဒီၣ်လၢ်ဝၤတစီာ်ဓဳၤ.
39မဲၤကနဳၤဒဳၣ် ပၠၤတစီာ်သးအဲးဖီးကဒီစဲး, မၱာ်စဆဲးဖျီးထာ် ကဲၤလၢ်ဝၤတစီာ်အစူးခီးပူၤတခီ.
40မဲၤဝှါယ့ၣ်ရှူးက့ၤဘးကဲၤဒဳယၢ်ဒ့ၣ်လီၢ် ဝ့ၢ်တပျာ်ပ့ၤထဲၢ်အအူဆူးစီၤယိၤဟၣ် ဖဳးစူပၠၤထံ အလ့ၤနဳၤကၱာ်အီၣ်ကဲၤဒဳနဳၤ. 41ပၠၤ အီၣ်အဲပွဲၤ လ့ၤထၱးစဲာ်, ကၱာ် စဲာ်တစီာ်ဒီၣ်ကဲၤ, “စီၤယိၤဟၣ် တမဲၤကဲၤ တဲၤပီၤတဲၤပၤနီး. ကယါမၱာ် စီၤယိၤဟၣ် ဒီဆးပၠၤအယဳၤတပွဲၤအဝၱၤအကနဳၤ, အဘဲာ်ဇၱၢ်ဟဳ,” စဲာ်တစီာ်ဒီၣ်ဓဳၤ. 42ကၱာ်ဒီ ပၠၤအအီၣ်ဒဳနဳၤ အီၣ် အဲပွဲၤဘူၣ်ကဲၤစဲာ်.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.