ယိၤဟၣ် 7
7
ယ့ၣ်ရှူးကၱာ်အသဲပူၤဝ့ၤတစီာ်
1တဲၤအယဳၤတစီာ်ဝှါအလ့ၤကါဒဳၣ်, ယ့ၣ်ရှူးဟဲးတကွၢ်လဲၢ် ကဲၤဒဳကၤလံၤလဲအက့ၤပူၤ, မၤနဲၢ်ဒဳၣ် စတသးအဲးဟဲးဒဳယူဒၤက့ၤပူၤနီး, မၱာ်ဒဳ ယူဒၤဖဳးတစီာ် သးအဲးမဲၤသံစဲာ်အခဳးအစဲနဳၤ. 2လှ့နဳၤယူဒၤ ဖဳးတစီာ်အဘူၣ်ဒဲဘဲာ်ကဲၤ. 3မဲၤကနဳၤဒဳၣ်, စသဲပူၤသဲဝ့ၤတစီာ် ဒီၣ်စဲာ်, “ဟဲးထာ်ဘ့ယဳၤ ကၱာ်လ့ၤပီၢ်ဒဳယူဒၤက့ၤနဳၤစာ်ဘိထဲၢ် နပျဲၢ်နဘီၣ် တစီာ် ကစာ်ထၱးပီၢ်နတဲၤဖၱးတဲၤမဲၤနမဲၤကဲၤတစီာ်နဳၤ. 4မၤနဲၢ်ဒဳၣ်, ပၠၤတပွဲၤပွဲၤကသးအဲးနံၤမၤ အမံၤဓဳၤသဲာ် ဓဳၤဒဳၣ်, စတမဲၤဟူၣ်မဲၤဇီၤတပွဲးတဲၤနီး. နကမဲၤဘ့ာ်မ့ တဲၤအယဳၤတစီာ်နဳၤဒဳၣ်, ဒဲလၱၢ် ပီၢ်နန့ၤဒဳလၢ်ခဳး သဒဲ ဘဲာ်အလှီမီၢ်နဳၤ” စဲာ်တစီာ်ဒီၣ်လၢ်ဝၤဓဳၤ. 5မၤနဲၢ်ကဒီၣ်ဓဳၤ ဒဳၣ်, စသဲပူၤသဲဝ့ၤတစီာ်နှီနူၤမၢ် တဘူၣ်တနဲၢ်စဲာ်နီးအစဲနဳၤ.
6မဲၤကနဳၤဒဳၣ်, ယ့ၣ်ရှူးဒီၣ်စဲာ်တစီာ်, “ယအဲအခၠၱးတဘဲာ်နှၱ နီး, ပရၤဆါသံနံၤခံအခၠၱးဘဲာ် သဲာ်ယိ လီၤ. 7လၢ်ခဳးဖဳးတဝဲၢ်တဆဲဇၤတပွဲးသံနီး, ပရၤဆါစတဝဲၢ်တဆဲယဲၤနီးတခီ. မၤနဲၢ်ဒဳၣ်, ယခးစနံၤခံသဲသၱးထဲၢ်စဲာ်တစီာ်အတဲၤဖၱးတဲၤမဲၤမၱာ် အကၱကဲာ် နဳၤ. 8ထာ်ပီၢ်သံအဲဒဳပွဲပူၤနဳၤ. ယတထာ်ဒဳပွဲအယဳၤတပွဲအပူၤနီး. မၤနဲၢ်ဒဳၣ်ယအဲအခၠၱးတဘဲာ်နှၱနီး” စဒီၣ်လၢ်ဝၤတစီာ်ဓဳၤ. 9စဒီၣ် ဝှါ တဲၤအယဳၤတစီာ်ဒဳၣ်, စအီၣ်ဝ့ၤတပွဲးဒဳကၤလံၤလဲအက့ၤပူၤနဳၤ.
ယ့ၣ်ရှူးလ့ၤဒဳဘူၣ်ဒဲ
10ဘ့စသဲပူၤဝ့ၤတစီာ်ထာ်ဝှါပွဲ ပူၤဒဳၣ်, စလ့ၤကိာ်ကီလၢ်ဝၤ တစီာ်အလ့ၤကါ, ပရၤဆါ တဘဲာ် ဒဳအပွဲးပူၤနီး, အသူးပူၤလီၤ. 11မဲၤကနဳၤဒဳၣ်, ယူဒၤဖဳးတစီာ်ဝၢ်လှဲးကဲၤယ့ၣ်ရှူးဒဳပွဲပူၤနဳၤကၱာ် ဒီၣ် လှဲးလၢ် ဝၤ, “စအီၣ်ဒီၣ်လဲၢ်” စဒဲလှဲးလၢ်ဝၤဓဳၤ.
12ကၱာ်ဒီဒဳပၠၤတစီာ်အကျဲနဳၤ, တဲၤယၱၢ်ဘဲာ် မိးတိးအီၣ်ကဲၤပွ့ တမံၤအဘဲာ်ကၠးစဝၱၤစကဲလီၤ. ပၠၤတစီာ်ဒီၣ်, “စမၱာ်ပၠၤအအဲးတပွဲၤ.” ပရၤဆါ အလဝ့ၤတစီာ်ဒီၣ်, “နီး, စစွံးပၠၤအသးလီၤ.” 13နီၣ်သီနှီ နူၤ, ဒဳတဲၤရှံးဆါနံၤယူဒၤဖဳးတစီာ်အလ့ၤအခဳး အစဲ, ပၠၤတယၱၢ်ဘဲာ်ဖျီထာ် ပဳၤကဲၤတဗွဲနီး.
14ပွဲဘဲာ်ဝှါကျါမိၤကျါမဲခၣ်လဲး, ယ့ၣ်ရှူး ထာ်ကီဒဳတဲၤလှူၣ် ရှံၣ်ပူၤကၱာ်သိၣ်အံာ်သီအံာ်ကဲၤပၠၤ. 15ယူဒၤဖဳးတစီာ်ထဲးတမိၢ်တမှါဆိး, ကၱာ်ဒီၣ်, “ပၠၤအယဳၤတပွဲၤတမဲၤလှိဘဲာ်သဲအိးစဲာ်နီးနၱၢ်, စနံၤ ဘဲာ် ဒီတဲၤအယဳၤတစီာ်ဒီၣ်လဲၢ်” စဒီၣ်လှဲးလၢ်ဝၤဓဳၤ.
16ယ့ၣ်ရှူးဒီၣ်ရှံစဲာ်တစီာ်, “ယတဲၤသိၣ် တဲၤသီတဘဲာ်ယအဲ နီး. မၱာ်အသဓဳယဲၤတပွဲၤအဲ. 17ပၠၤတပွဲၤကသးအဲးမဲၤကိာ်စတဲၤ သးအဲးနံၤဒဳၣ်, စကသၱာ်ဟဲတပွဲးအအီၣ်ဒဳဘၱာ်စဲာ်အီၣ်ဧါ, မၱာ်ယဒီၣ်ဓီ ယလဳၤယလၤဧါနဳၤ. 18ပၠၤအယၱၢ်ဘဲာ်ဓီအလဳၤ အလၤတပွဲၤနဳၤ, ဝၢ် လှဲးအဓီ အသ့းအနံၤခံ. ပရၤဆါ အဝၢ်လှဲးအသဓဳလ့ၤစဲာ် တပွဲၤအတီၤ အသ့းမၱာ်အတၱၢ် အမှးကၱာ်တဲၤတတၱၢ်တမှးနီးတအီၣ်တပွဲးစပူၤနီး. 19စီၤမိၤၡ့ တအံာ်လၤနံၤသံတဲၤမှဲးလၤနီးဧါ. ကၱာ်သံ တပွဲတအီၣ် အံာ် စတဲၤမှဲးလၤနီးတဘဲာ်နီးဧါ. သံဝၢ်လှဲး မၤအကမဲၤသံယဲၤနဲၢ်” စဒဲလၢ်ဝၤ တစီာ်ဓဳၤ.
20ပၠၤအပဳၤအဟီးတစီာ်ဒီၣ်ရှံက့ၤစဲာ်, “နနှဲးနဖူအီၣ်. ပီၢ်ပွဲၤ ဝၢ်လှဲးအကမဲၤသံနဲၤပွဲၤ” စဲာ် တစီာ် ဒီၣ်ကဲၤစဲာ်ဓဳၤ.
21ယ့ၣ်ရှူးဒီၣ်ရှံစဲာ်တစီာ်, “ယမဲၤတဲၤပီၤ တဲၤပၤတမဳၤကၱာ် သံလဳစါစဲးထဲးတမိၢ်တမှါလဳၢ်တပွဲး. 22တဲၤအယဳၤအစဲ, စီၤမိၤၡ့ အံာ်လၤသံ တဲၤဒူး ဝှိရကၱအဖ့းခံ. (အနှဲးနှဲးအမဲၤထာ်အူဆူးတဘဲာ် စီၤ မိၤရှ့နီး, မၱာ်သံဖံသံဖူလှ့းမဳၤတစီာ်တခီ.) ကၱာ်ဒီမူၤနံၤဆီးဒဲနဳၤ သံဒူးဝှိရကၱအမံၤခဳတပွဲၤအဖ့းခံ. 23စာ်ဘိထဲၢ်စီၤမိၤၡ့အတဲၤမှဲး လၤကတဘဲာ် ခဲဘးယၢ်ဘးပီၢ်နီးနဳၤ, သံဒူးဝှိရကၱသဲ အမံၤခဳတပွဲၤ အဖ့းခံဘ့မူၤ နံၤဆီးဒဲနဳၤနၱၢ်. မၱာ်ယဲၤဒဳၣ်, ယမဲၤမှးက့ၤ သအူသအဲးဒီပၠၤဘ့မူၤနံၤ ဆီးဒဲ ဒဳၣ်, သံသဲးထဲးမၤ ယဲၤနဲၢ်. 24စာ်ဝှါတဲၤ အချဳအသါပၤဒဳၣ် စံးရး ဖးမ့ၤပီၢ်မဲးတဲၤမဲး. စံးရးပီၢ်တဲၤတၱၢ်တၱၢ်မှးမှး” စဒီၣ်လၢ်ဝၤတစီာ်ဓဳၤ.
စမၱာ်မ့ၤရှံအၤဧါ
25ပၠၤအအီၣ်ဒဳယရူၤၡလ့ၣ်တစီာ်ဒီၣ်ကဲၤ, “ပၠၤဝၢ်လှဲးအကမဲၤသံ မၱာ်သဲပၠၤအယဳၤတပွဲၤတဘဲာ် နီးဧါ. 26စာ်ပီၢ်, စယၱၢ်ဘဲာ် လှၱထာ်ဖျီထာ် ကၱာ် ပၠၤတစီာ်တဒီၣ်ကဲၤစဲာ်တမံနီး. အခဳးအန့ၤတစီာ်သၱာ် ဟဲထဳကဲၤစဲာ်မၱာ်မ့ၤရှံအၤနဳၤဧါ. မၱာ်ဝၤယဳၤ, ဝၤသၱာ် ဟဲထဲၢ်ပၠၤအယဳၤ တပွဲၤအီၣ်ဒီၣ်လဲၢ်နဳၤ. 27ပရၤဆါ, ဘ့မ့ၤရှံအၤကဓဳၤလ့ၤနဳၤ, ပၠၤတသၱာ်ဟဲမဲၤ စအီၣ်ဒီၣ်လဲၢ်နီး,” စဒီၣ်လှဲးလၢ်ဝၤဓဳၤ.
28ဘ့ယၣ်ရှူးသိၣ်အံာ်သီအံာ်တဲၤဒဳ တဲၤ လှူၣ်ရှံၣ်အပူၤနဳၤ, စဟးဖူးထာ်ကၱာ်ဒီၣ်, “သံသၱာ် ဟဲယဲၤကၱာ်ယအီၣ်ဒီၣ်လဲၢ်နဳၤဟဳ. ယတလ့ၤဓီယလဳၢ် ယလၤနီး. မၱာ်အတၱၢ်အမှးတပွဲၤသဓဳလ့ၤယဲၤလီၤ. သံတသၱာ်ဟဲစဲာ်နီး, 29ပရၤဆါယသၱာ်ဟဲစဲာ်. မၤနဲၢ်ဒဳၣ်, ယဲၤမၱာ်အအီၣ် ဒဳစအီၣ်ကၱာ်စသဓဳ လ့ၤကဲၤ တပွဲၤနဳၤ” စဒီၣ်လၢ်ဝၤတစီာ်ဓဳၤ.
30မဲၤကနဳၤအခဳးအစဲ, ပၠၤတစီာ်သးအဲးဖီး ယ့ၣ်ရှူး, ပရၤဆါ ပၠၤတပွဲတဖၱးတပိာ်ဝဲၢ်ဘူၣ်စလီၤနီး. မၤနဲၢ်ဒဳၣ်, စအဲအခၠၱးနၣ်ရၱၣ်တဘဲာ်နှၱ နီး. 31မဲၤနီၣ်သီဓဳၤနှီနူၤ, ပၠၤအီၣ်အဲပွဲၤဘူၣ်ကဲၤစဲာ်ကၱာ် စဲာ် တစီာ် ဒီၣ်တယွဲၤ, “ဘ့မ့ၤရှံအၤကလၤနဳၤ, စကမဲၤပီၢ် တဲၤစီးကျၱးစီးရှဲဒဳၣ်လံ ကၱာ်အယဳၤတပွဲၤယဳၤဧါ” စဒီၣ် ဓဳၤ.
တဲၤသဓဳပၠၤဖီးယ့ၣ်ရှူး
32ဖၤရံၤရှဲဖဳးတစီာ်သၱာ်ဟဲတပွဲး ပၠၤတစီာ် တီၤတီၢ်မၤယၤ အံာ်စဝၱၤစကဲကၱာ်ဒီပၠၤလှူၣ်တဲၤအဓဳၤ ကၱာ်ဖၤရံၤရှဲဖဳးတစီာ်သဓဳလ့ၤအကျံ အပွဲၤအကဖီး ယ့ၣ်ရှူးနဳၤ. 33မဲၤဝှါယ့ၣ်ရှူးဒီၣ်, “ယအီၣ်ကိာ် သံ ကါတဒဳးတဆး, ဝှါဒဳၣ်, ယလ့ၤဒဳအသဓဳလ့ၤယဲၤ တပွဲၤအီၣ်နဳၤ. 34သံကဝၢ်လှဲးကီယဲၤ, ပရၤ ဆါသံတစာ်ထၱးမဲၤနီး. ကၱာ်ဒီဒဳယအီၣ်အလ့ၤ နဳၤသံတလ့ၤဇၤနီး” စဒီၣ်လၢ်ဝၤဓဳၤ.
35မဲၤကနဳၤ ယူဒၤဖဳးတစီာ်ဒီၣ်လှဲးလၢ်ဝၤ, “ပွ့ဝၤတကဲာ်ထၱး ဇၤစဲာ်နီးနဳၤမၱာ် စကလ့ၤကဲၤဒီၣ်လဲၢ်. စကလ့ၤထၱးကဲၤပၠၤအအီၣ်ဖြူးလၤ ဖြၱထာ်ဒဳ ကြံးခ်အအူးတစီာ်နဳၤကၱာ်ဒီထိးလၤနံၤကြံးခ်ဖဳး တစီာ် ဒဳနဳၤဧါ. 36စတဲၤယၱၢ်ဘဲာ်, သံကဝၢ်လှဲး ကီ ယဲၤ, ပရၤဆါသံတစာ်ထၱးမဲၤ နီး. ကၱာ်ဒီဒဳယအီၣ်အလ့ၤနဳၤသံတလ့ၤဇၤနီး, မၱာ်တၤနဲၢ်” စဒဲလှဲးကဲၤ လၢ်ဝၤတစီာ်ဓဳၤ.
တဲၤအီၣ်သမိအထံပၢ်စါ
37ဒဳပွဲဓဳၤအကဓူၤလါတနံၤနဳၤ, ယ့ၣ်ရှူးဆီ ထဳးအီၣ်ကၱာ်ထဳ ထာ်စလ့ၣ်, စဒီၣ်, “ပၠၤအသးအီတပွဲၤ ပွဲၤနဳၤ, ကလ့ၤထၱးယဲၤကၱာ်အီ ဒီ ဧဲၤ. 38ပၠၤအဘူၣ်ယဲၤတပွဲၤနဳၤ, အစာ်ဘိစဲာ်စါထံဒီၣ်နဳၤ, ဒဳစပူၤ နဳၤ ထံလီၢ်ကဓဳၤလၤကီ, တဓဲနဳၤ” စဒီၣ်ကဲၤဓဳၤ. 39အယဳၤမၱာ်စသးအဲးဒီၣ်ထဲၢ်ပၠၤအဘူၣ်စဲာ်တစီာ်ကဖၱး နံၤကီကဘၱာ်စဲာ်အသးနဳၤ. မၤ နဲၢ်ဒဳၣ်, ကဘၱာ်စဲာ်အသး တဘဲာ်အံာ်လၤနှၱနီးမၱာ်ယ့ၣ်ရှူးတဘဲာ် ပဲၢ်တီၤ ပဲၢ် သ့းနှၱနီး, အခဳးအစဲနဳၤ.
ပၠၤအသးလၤမူၤလၤဖးလၢ်ဝၤ
40ပၠၤတစီာ်စီာ်သၱာ်ဟဲဘဲာ်တဲၤယၱၢ်ဘဲာ် အယဳၤတစီာ်ဒဳၣ်, စဒီၣ်, “အယဳၤတပွဲၤမၱာ်သ့ပွ့ၤဝံဟဳ” စဒီၣ်ဓဳၤ.
41အလဝ့ၤတစီာ်ဒီၣ်ဝ့ၤဒီ, “စဲာ်မၱာ် မ့ၤရှံအၤ.”
ပရၤဆါအလဝ့ၤတစီာ်ဒီၣ်, “မ့ၤရှံအၤကအီၣ်ဇၤ ဒီ ကၤလံၤလဲအက့ၤနဳၤဧါ. 42စဲာ်စါထံဒီၣ်မၱာ်, စဲာ်မၱာ်စီၤဒၤဝံးအခွံအသလဲ, ကနဳၤ အခဳးအစဲ မ့ၤရှံအၤ ကအီၣ်ဘဲာ်ဒဳဘ့ၤသလ့ဃ့ၣ်အူး, ထဲၢ်စီၤဒၤဝံးအီၣ် ကဲၤ တအူးနဳၤတဘဲာ်နီးဧါ” စဒီၣ် လှဲးလၢ်ဝၤဓဳၤ. 43မဲၤကနဳၤဒဳၣ်, ပၠၤအပဳၤအဟီးအကျဲနဳၤ, တဲၤပ့ၢ်ဖးအီၣ် ကဲၤဒဳစခဳးစစဲနဳၤ. 44ကၱာ် ပၠၤတစီာ်စီာ်သးအဲးဖီး ကဲၤယ့ၣ်ရှူး, ပရၤဆါ ပၠၤတဖၱးဝဲၢ်ပိာ်ဝဲၢ်ဘူၣ် ကဲၤ စလီၤ တဗွဲနီး.
ယူဒၤဖဳးအခဳးအန့ၤအတဲၤဘူၣ်တအီၣ်နီး
45ပၠၤလှူၣ်တဲၤအဓဳၤအခဳးအန့ၤတစီာ်ကၱာ် ဖၤရံၤရှဲဖဳးအကျံအပွဲၤတစီာ်က့ၤဘးထၱးစဲာ်တစီာ်ဒဳၣ်, “သံတက့ၤအံာ်မၤစဲာ်နီးနဲၢ်” စဒဲလၢ် ဝၤတစီာ်ဓဳၤ.
46ကျံပွဲၤတစီာ်ဒီၣ်ရှံက့ၤစဲာ်, “ပၠၤတယၱၢ် ဘဲာ်ကဲၤအစာ်ဘိ အယဳၤတပွဲၤယၱၢ်ဘဲာ်တပွဲနှၱနီး” စဒီဆးလၢ်ဝၤဓဳၤ.
47ဖၤရံၤရှဲဖဳးတစီာ် ဒဲကဲၤစဲာ်တစီာ်, “မၱာ် စစွံးဟဲးဖြီးထဳသံပး ပးဧါ. 48အခဳးအန့ၤတပွဲၤ ပွဲၤ, မၱတမၱာ်နီး, ဖၤရံၤရှဲဖဳးတပွဲၤပွဲၤ ဘူၣ်ပီၢ်စဲာ်ဧါ. 49မၱာ်ပၠၤအပဳၤအဟီးအတသၱာ်ဟဲစီၤမိၤၡ့ အတဲၤ မှဲးလၤနီးတစီာ်ဘဲာ်ဝှိးကၱကဲာ်ထဳ” စဒီၣ်ကဲၤဓဳၤ.
50ဒဳဖၤရံၤရှဲဖဳးတစီာ်အကျဲ, စီၤနံၤကဒ့မူး ထဲၢ်အလ့ၤထၱး သါကဲၤယ့ၣ်ရှူးအီၣ်ကဲၤဘ့နဳၤနဳၤ. 51စဒီၣ်ကဲၤပၠၤ, “အစာ်ဘိတဲၤ မှဲးလၤအီၣ်အခီနဳၤ, ဝၤတထိးစာ်ဒဲစာ်အူဆူးနီး, ကၱာ်ဝၤစံးရးဇၤပီၢ်ပၠၤတပွဲၤပွဲၤဧါ” စဒဲကဲၤလၢ်ဝၤတစီာ်ဓဳၤ.
52စဲာ်တစီာ်ဒီၣ်က့ၤစဲာ်, “နဲၤမၱာ်မၱာ် ကၤ လံၤလဲဖဳးဧါ. ဝၢ်လှဲး ပီၢ်ဒဳစဲာ်စါထံအပူၤကၱာ် နကသၱာ် ဟဲကီဒဳကၤလံၤလဲအပူၤနဳၤဝံတပီးထာ် တခးနီးနဳၤ” စဒီၣ်လၢ်ဝၤဓဳၤ. 53မဲၤဝှါကိပွဲၤပွဲၤက့ၤကဲၤအရှံၣ် အဖါ.
ទើបបានជ្រើសរើសហើយ៖
ယိၤဟၣ် 7: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 7
7
ယ့ၣ်ရှူးကၱာ်အသဲပူၤဝ့ၤတစီာ်
1တဲၤအယဳၤတစီာ်ဝှါအလ့ၤကါဒဳၣ်, ယ့ၣ်ရှူးဟဲးတကွၢ်လဲၢ် ကဲၤဒဳကၤလံၤလဲအက့ၤပူၤ, မၤနဲၢ်ဒဳၣ် စတသးအဲးဟဲးဒဳယူဒၤက့ၤပူၤနီး, မၱာ်ဒဳ ယူဒၤဖဳးတစီာ် သးအဲးမဲၤသံစဲာ်အခဳးအစဲနဳၤ. 2လှ့နဳၤယူဒၤ ဖဳးတစီာ်အဘူၣ်ဒဲဘဲာ်ကဲၤ. 3မဲၤကနဳၤဒဳၣ်, စသဲပူၤသဲဝ့ၤတစီာ် ဒီၣ်စဲာ်, “ဟဲးထာ်ဘ့ယဳၤ ကၱာ်လ့ၤပီၢ်ဒဳယူဒၤက့ၤနဳၤစာ်ဘိထဲၢ် နပျဲၢ်နဘီၣ် တစီာ် ကစာ်ထၱးပီၢ်နတဲၤဖၱးတဲၤမဲၤနမဲၤကဲၤတစီာ်နဳၤ. 4မၤနဲၢ်ဒဳၣ်, ပၠၤတပွဲၤပွဲၤကသးအဲးနံၤမၤ အမံၤဓဳၤသဲာ် ဓဳၤဒဳၣ်, စတမဲၤဟူၣ်မဲၤဇီၤတပွဲးတဲၤနီး. နကမဲၤဘ့ာ်မ့ တဲၤအယဳၤတစီာ်နဳၤဒဳၣ်, ဒဲလၱၢ် ပီၢ်နန့ၤဒဳလၢ်ခဳး သဒဲ ဘဲာ်အလှီမီၢ်နဳၤ” စဲာ်တစီာ်ဒီၣ်လၢ်ဝၤဓဳၤ. 5မၤနဲၢ်ကဒီၣ်ဓဳၤ ဒဳၣ်, စသဲပူၤသဲဝ့ၤတစီာ်နှီနူၤမၢ် တဘူၣ်တနဲၢ်စဲာ်နီးအစဲနဳၤ.
6မဲၤကနဳၤဒဳၣ်, ယ့ၣ်ရှူးဒီၣ်စဲာ်တစီာ်, “ယအဲအခၠၱးတဘဲာ်နှၱ နီး, ပရၤဆါသံနံၤခံအခၠၱးဘဲာ် သဲာ်ယိ လီၤ. 7လၢ်ခဳးဖဳးတဝဲၢ်တဆဲဇၤတပွဲးသံနီး, ပရၤဆါစတဝဲၢ်တဆဲယဲၤနီးတခီ. မၤနဲၢ်ဒဳၣ်, ယခးစနံၤခံသဲသၱးထဲၢ်စဲာ်တစီာ်အတဲၤဖၱးတဲၤမဲၤမၱာ် အကၱကဲာ် နဳၤ. 8ထာ်ပီၢ်သံအဲဒဳပွဲပူၤနဳၤ. ယတထာ်ဒဳပွဲအယဳၤတပွဲအပူၤနီး. မၤနဲၢ်ဒဳၣ်ယအဲအခၠၱးတဘဲာ်နှၱနီး” စဒီၣ်လၢ်ဝၤတစီာ်ဓဳၤ. 9စဒီၣ် ဝှါ တဲၤအယဳၤတစီာ်ဒဳၣ်, စအီၣ်ဝ့ၤတပွဲးဒဳကၤလံၤလဲအက့ၤပူၤနဳၤ.
ယ့ၣ်ရှူးလ့ၤဒဳဘူၣ်ဒဲ
10ဘ့စသဲပူၤဝ့ၤတစီာ်ထာ်ဝှါပွဲ ပူၤဒဳၣ်, စလ့ၤကိာ်ကီလၢ်ဝၤ တစီာ်အလ့ၤကါ, ပရၤဆါ တဘဲာ် ဒဳအပွဲးပူၤနီး, အသူးပူၤလီၤ. 11မဲၤကနဳၤဒဳၣ်, ယူဒၤဖဳးတစီာ်ဝၢ်လှဲးကဲၤယ့ၣ်ရှူးဒဳပွဲပူၤနဳၤကၱာ် ဒီၣ် လှဲးလၢ် ဝၤ, “စအီၣ်ဒီၣ်လဲၢ်” စဒဲလှဲးလၢ်ဝၤဓဳၤ.
12ကၱာ်ဒီဒဳပၠၤတစီာ်အကျဲနဳၤ, တဲၤယၱၢ်ဘဲာ် မိးတိးအီၣ်ကဲၤပွ့ တမံၤအဘဲာ်ကၠးစဝၱၤစကဲလီၤ. ပၠၤတစီာ်ဒီၣ်, “စမၱာ်ပၠၤအအဲးတပွဲၤ.” ပရၤဆါ အလဝ့ၤတစီာ်ဒီၣ်, “နီး, စစွံးပၠၤအသးလီၤ.” 13နီၣ်သီနှီ နူၤ, ဒဳတဲၤရှံးဆါနံၤယူဒၤဖဳးတစီာ်အလ့ၤအခဳး အစဲ, ပၠၤတယၱၢ်ဘဲာ်ဖျီထာ် ပဳၤကဲၤတဗွဲနီး.
14ပွဲဘဲာ်ဝှါကျါမိၤကျါမဲခၣ်လဲး, ယ့ၣ်ရှူး ထာ်ကီဒဳတဲၤလှူၣ် ရှံၣ်ပူၤကၱာ်သိၣ်အံာ်သီအံာ်ကဲၤပၠၤ. 15ယူဒၤဖဳးတစီာ်ထဲးတမိၢ်တမှါဆိး, ကၱာ်ဒီၣ်, “ပၠၤအယဳၤတပွဲၤတမဲၤလှိဘဲာ်သဲအိးစဲာ်နီးနၱၢ်, စနံၤ ဘဲာ် ဒီတဲၤအယဳၤတစီာ်ဒီၣ်လဲၢ်” စဒီၣ်လှဲးလၢ်ဝၤဓဳၤ.
16ယ့ၣ်ရှူးဒီၣ်ရှံစဲာ်တစီာ်, “ယတဲၤသိၣ် တဲၤသီတဘဲာ်ယအဲ နီး. မၱာ်အသဓဳယဲၤတပွဲၤအဲ. 17ပၠၤတပွဲၤကသးအဲးမဲၤကိာ်စတဲၤ သးအဲးနံၤဒဳၣ်, စကသၱာ်ဟဲတပွဲးအအီၣ်ဒဳဘၱာ်စဲာ်အီၣ်ဧါ, မၱာ်ယဒီၣ်ဓီ ယလဳၤယလၤဧါနဳၤ. 18ပၠၤအယၱၢ်ဘဲာ်ဓီအလဳၤ အလၤတပွဲၤနဳၤ, ဝၢ် လှဲးအဓီ အသ့းအနံၤခံ. ပရၤဆါ အဝၢ်လှဲးအသဓဳလ့ၤစဲာ် တပွဲၤအတီၤ အသ့းမၱာ်အတၱၢ် အမှးကၱာ်တဲၤတတၱၢ်တမှးနီးတအီၣ်တပွဲးစပူၤနီး. 19စီၤမိၤၡ့ တအံာ်လၤနံၤသံတဲၤမှဲးလၤနီးဧါ. ကၱာ်သံ တပွဲတအီၣ် အံာ် စတဲၤမှဲးလၤနီးတဘဲာ်နီးဧါ. သံဝၢ်လှဲး မၤအကမဲၤသံယဲၤနဲၢ်” စဒဲလၢ်ဝၤ တစီာ်ဓဳၤ.
20ပၠၤအပဳၤအဟီးတစီာ်ဒီၣ်ရှံက့ၤစဲာ်, “နနှဲးနဖူအီၣ်. ပီၢ်ပွဲၤ ဝၢ်လှဲးအကမဲၤသံနဲၤပွဲၤ” စဲာ် တစီာ် ဒီၣ်ကဲၤစဲာ်ဓဳၤ.
21ယ့ၣ်ရှူးဒီၣ်ရှံစဲာ်တစီာ်, “ယမဲၤတဲၤပီၤ တဲၤပၤတမဳၤကၱာ် သံလဳစါစဲးထဲးတမိၢ်တမှါလဳၢ်တပွဲး. 22တဲၤအယဳၤအစဲ, စီၤမိၤၡ့ အံာ်လၤသံ တဲၤဒူး ဝှိရကၱအဖ့းခံ. (အနှဲးနှဲးအမဲၤထာ်အူဆူးတဘဲာ် စီၤ မိၤရှ့နီး, မၱာ်သံဖံသံဖူလှ့းမဳၤတစီာ်တခီ.) ကၱာ်ဒီမူၤနံၤဆီးဒဲနဳၤ သံဒူးဝှိရကၱအမံၤခဳတပွဲၤအဖ့းခံ. 23စာ်ဘိထဲၢ်စီၤမိၤၡ့အတဲၤမှဲး လၤကတဘဲာ် ခဲဘးယၢ်ဘးပီၢ်နီးနဳၤ, သံဒူးဝှိရကၱသဲ အမံၤခဳတပွဲၤ အဖ့းခံဘ့မူၤ နံၤဆီးဒဲနဳၤနၱၢ်. မၱာ်ယဲၤဒဳၣ်, ယမဲၤမှးက့ၤ သအူသအဲးဒီပၠၤဘ့မူၤနံၤ ဆီးဒဲ ဒဳၣ်, သံသဲးထဲးမၤ ယဲၤနဲၢ်. 24စာ်ဝှါတဲၤ အချဳအသါပၤဒဳၣ် စံးရး ဖးမ့ၤပီၢ်မဲးတဲၤမဲး. စံးရးပီၢ်တဲၤတၱၢ်တၱၢ်မှးမှး” စဒီၣ်လၢ်ဝၤတစီာ်ဓဳၤ.
စမၱာ်မ့ၤရှံအၤဧါ
25ပၠၤအအီၣ်ဒဳယရူၤၡလ့ၣ်တစီာ်ဒီၣ်ကဲၤ, “ပၠၤဝၢ်လှဲးအကမဲၤသံ မၱာ်သဲပၠၤအယဳၤတပွဲၤတဘဲာ် နီးဧါ. 26စာ်ပီၢ်, စယၱၢ်ဘဲာ် လှၱထာ်ဖျီထာ် ကၱာ် ပၠၤတစီာ်တဒီၣ်ကဲၤစဲာ်တမံနီး. အခဳးအန့ၤတစီာ်သၱာ် ဟဲထဳကဲၤစဲာ်မၱာ်မ့ၤရှံအၤနဳၤဧါ. မၱာ်ဝၤယဳၤ, ဝၤသၱာ် ဟဲထဲၢ်ပၠၤအယဳၤ တပွဲၤအီၣ်ဒီၣ်လဲၢ်နဳၤ. 27ပရၤဆါ, ဘ့မ့ၤရှံအၤကဓဳၤလ့ၤနဳၤ, ပၠၤတသၱာ်ဟဲမဲၤ စအီၣ်ဒီၣ်လဲၢ်နီး,” စဒီၣ်လှဲးလၢ်ဝၤဓဳၤ.
28ဘ့ယၣ်ရှူးသိၣ်အံာ်သီအံာ်တဲၤဒဳ တဲၤ လှူၣ်ရှံၣ်အပူၤနဳၤ, စဟးဖူးထာ်ကၱာ်ဒီၣ်, “သံသၱာ် ဟဲယဲၤကၱာ်ယအီၣ်ဒီၣ်လဲၢ်နဳၤဟဳ. ယတလ့ၤဓီယလဳၢ် ယလၤနီး. မၱာ်အတၱၢ်အမှးတပွဲၤသဓဳလ့ၤယဲၤလီၤ. သံတသၱာ်ဟဲစဲာ်နီး, 29ပရၤဆါယသၱာ်ဟဲစဲာ်. မၤနဲၢ်ဒဳၣ်, ယဲၤမၱာ်အအီၣ် ဒဳစအီၣ်ကၱာ်စသဓဳ လ့ၤကဲၤ တပွဲၤနဳၤ” စဒီၣ်လၢ်ဝၤတစီာ်ဓဳၤ.
30မဲၤကနဳၤအခဳးအစဲ, ပၠၤတစီာ်သးအဲးဖီး ယ့ၣ်ရှူး, ပရၤဆါ ပၠၤတပွဲတဖၱးတပိာ်ဝဲၢ်ဘူၣ်စလီၤနီး. မၤနဲၢ်ဒဳၣ်, စအဲအခၠၱးနၣ်ရၱၣ်တဘဲာ်နှၱ နီး. 31မဲၤနီၣ်သီဓဳၤနှီနူၤ, ပၠၤအီၣ်အဲပွဲၤဘူၣ်ကဲၤစဲာ်ကၱာ် စဲာ် တစီာ် ဒီၣ်တယွဲၤ, “ဘ့မ့ၤရှံအၤကလၤနဳၤ, စကမဲၤပီၢ် တဲၤစီးကျၱးစီးရှဲဒဳၣ်လံ ကၱာ်အယဳၤတပွဲၤယဳၤဧါ” စဒီၣ် ဓဳၤ.
တဲၤသဓဳပၠၤဖီးယ့ၣ်ရှူး
32ဖၤရံၤရှဲဖဳးတစီာ်သၱာ်ဟဲတပွဲး ပၠၤတစီာ် တီၤတီၢ်မၤယၤ အံာ်စဝၱၤစကဲကၱာ်ဒီပၠၤလှူၣ်တဲၤအဓဳၤ ကၱာ်ဖၤရံၤရှဲဖဳးတစီာ်သဓဳလ့ၤအကျံ အပွဲၤအကဖီး ယ့ၣ်ရှူးနဳၤ. 33မဲၤဝှါယ့ၣ်ရှူးဒီၣ်, “ယအီၣ်ကိာ် သံ ကါတဒဳးတဆး, ဝှါဒဳၣ်, ယလ့ၤဒဳအသဓဳလ့ၤယဲၤ တပွဲၤအီၣ်နဳၤ. 34သံကဝၢ်လှဲးကီယဲၤ, ပရၤ ဆါသံတစာ်ထၱးမဲၤနီး. ကၱာ်ဒီဒဳယအီၣ်အလ့ၤ နဳၤသံတလ့ၤဇၤနီး” စဒီၣ်လၢ်ဝၤဓဳၤ.
35မဲၤကနဳၤ ယူဒၤဖဳးတစီာ်ဒီၣ်လှဲးလၢ်ဝၤ, “ပွ့ဝၤတကဲာ်ထၱး ဇၤစဲာ်နီးနဳၤမၱာ် စကလ့ၤကဲၤဒီၣ်လဲၢ်. စကလ့ၤထၱးကဲၤပၠၤအအီၣ်ဖြူးလၤ ဖြၱထာ်ဒဳ ကြံးခ်အအူးတစီာ်နဳၤကၱာ်ဒီထိးလၤနံၤကြံးခ်ဖဳး တစီာ် ဒဳနဳၤဧါ. 36စတဲၤယၱၢ်ဘဲာ်, သံကဝၢ်လှဲး ကီ ယဲၤ, ပရၤဆါသံတစာ်ထၱးမဲၤ နီး. ကၱာ်ဒီဒဳယအီၣ်အလ့ၤနဳၤသံတလ့ၤဇၤနီး, မၱာ်တၤနဲၢ်” စဒဲလှဲးကဲၤ လၢ်ဝၤတစီာ်ဓဳၤ.
တဲၤအီၣ်သမိအထံပၢ်စါ
37ဒဳပွဲဓဳၤအကဓူၤလါတနံၤနဳၤ, ယ့ၣ်ရှူးဆီ ထဳးအီၣ်ကၱာ်ထဳ ထာ်စလ့ၣ်, စဒီၣ်, “ပၠၤအသးအီတပွဲၤ ပွဲၤနဳၤ, ကလ့ၤထၱးယဲၤကၱာ်အီ ဒီ ဧဲၤ. 38ပၠၤအဘူၣ်ယဲၤတပွဲၤနဳၤ, အစာ်ဘိစဲာ်စါထံဒီၣ်နဳၤ, ဒဳစပူၤ နဳၤ ထံလီၢ်ကဓဳၤလၤကီ, တဓဲနဳၤ” စဒီၣ်ကဲၤဓဳၤ. 39အယဳၤမၱာ်စသးအဲးဒီၣ်ထဲၢ်ပၠၤအဘူၣ်စဲာ်တစီာ်ကဖၱး နံၤကီကဘၱာ်စဲာ်အသးနဳၤ. မၤ နဲၢ်ဒဳၣ်, ကဘၱာ်စဲာ်အသး တဘဲာ်အံာ်လၤနှၱနီးမၱာ်ယ့ၣ်ရှူးတဘဲာ် ပဲၢ်တီၤ ပဲၢ် သ့းနှၱနီး, အခဳးအစဲနဳၤ.
ပၠၤအသးလၤမူၤလၤဖးလၢ်ဝၤ
40ပၠၤတစီာ်စီာ်သၱာ်ဟဲဘဲာ်တဲၤယၱၢ်ဘဲာ် အယဳၤတစီာ်ဒဳၣ်, စဒီၣ်, “အယဳၤတပွဲၤမၱာ်သ့ပွ့ၤဝံဟဳ” စဒီၣ်ဓဳၤ.
41အလဝ့ၤတစီာ်ဒီၣ်ဝ့ၤဒီ, “စဲာ်မၱာ် မ့ၤရှံအၤ.”
ပရၤဆါအလဝ့ၤတစီာ်ဒီၣ်, “မ့ၤရှံအၤကအီၣ်ဇၤ ဒီ ကၤလံၤလဲအက့ၤနဳၤဧါ. 42စဲာ်စါထံဒီၣ်မၱာ်, စဲာ်မၱာ်စီၤဒၤဝံးအခွံအသလဲ, ကနဳၤ အခဳးအစဲ မ့ၤရှံအၤ ကအီၣ်ဘဲာ်ဒဳဘ့ၤသလ့ဃ့ၣ်အူး, ထဲၢ်စီၤဒၤဝံးအီၣ် ကဲၤ တအူးနဳၤတဘဲာ်နီးဧါ” စဒီၣ် လှဲးလၢ်ဝၤဓဳၤ. 43မဲၤကနဳၤဒဳၣ်, ပၠၤအပဳၤအဟီးအကျဲနဳၤ, တဲၤပ့ၢ်ဖးအီၣ် ကဲၤဒဳစခဳးစစဲနဳၤ. 44ကၱာ် ပၠၤတစီာ်စီာ်သးအဲးဖီး ကဲၤယ့ၣ်ရှူး, ပရၤဆါ ပၠၤတဖၱးဝဲၢ်ပိာ်ဝဲၢ်ဘူၣ် ကဲၤ စလီၤ တဗွဲနီး.
ယူဒၤဖဳးအခဳးအန့ၤအတဲၤဘူၣ်တအီၣ်နီး
45ပၠၤလှူၣ်တဲၤအဓဳၤအခဳးအန့ၤတစီာ်ကၱာ် ဖၤရံၤရှဲဖဳးအကျံအပွဲၤတစီာ်က့ၤဘးထၱးစဲာ်တစီာ်ဒဳၣ်, “သံတက့ၤအံာ်မၤစဲာ်နီးနဲၢ်” စဒဲလၢ် ဝၤတစီာ်ဓဳၤ.
46ကျံပွဲၤတစီာ်ဒီၣ်ရှံက့ၤစဲာ်, “ပၠၤတယၱၢ် ဘဲာ်ကဲၤအစာ်ဘိ အယဳၤတပွဲၤယၱၢ်ဘဲာ်တပွဲနှၱနီး” စဒီဆးလၢ်ဝၤဓဳၤ.
47ဖၤရံၤရှဲဖဳးတစီာ် ဒဲကဲၤစဲာ်တစီာ်, “မၱာ် စစွံးဟဲးဖြီးထဳသံပး ပးဧါ. 48အခဳးအန့ၤတပွဲၤ ပွဲၤ, မၱတမၱာ်နီး, ဖၤရံၤရှဲဖဳးတပွဲၤပွဲၤ ဘူၣ်ပီၢ်စဲာ်ဧါ. 49မၱာ်ပၠၤအပဳၤအဟီးအတသၱာ်ဟဲစီၤမိၤၡ့ အတဲၤ မှဲးလၤနီးတစီာ်ဘဲာ်ဝှိးကၱကဲာ်ထဳ” စဒီၣ်ကဲၤဓဳၤ.
50ဒဳဖၤရံၤရှဲဖဳးတစီာ်အကျဲ, စီၤနံၤကဒ့မူး ထဲၢ်အလ့ၤထၱး သါကဲၤယ့ၣ်ရှူးအီၣ်ကဲၤဘ့နဳၤနဳၤ. 51စဒီၣ်ကဲၤပၠၤ, “အစာ်ဘိတဲၤ မှဲးလၤအီၣ်အခီနဳၤ, ဝၤတထိးစာ်ဒဲစာ်အူဆူးနီး, ကၱာ်ဝၤစံးရးဇၤပီၢ်ပၠၤတပွဲၤပွဲၤဧါ” စဒဲကဲၤလၢ်ဝၤတစီာ်ဓဳၤ.
52စဲာ်တစီာ်ဒီၣ်က့ၤစဲာ်, “နဲၤမၱာ်မၱာ် ကၤ လံၤလဲဖဳးဧါ. ဝၢ်လှဲး ပီၢ်ဒဳစဲာ်စါထံအပူၤကၱာ် နကသၱာ် ဟဲကီဒဳကၤလံၤလဲအပူၤနဳၤဝံတပီးထာ် တခးနီးနဳၤ” စဒီၣ်လၢ်ဝၤဓဳၤ. 53မဲၤဝှါကိပွဲၤပွဲၤက့ၤကဲၤအရှံၣ် အဖါ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.