ယိၤဟၣ် 6
6
ယ့ၣ်ရှူးဘဳာ်အၣ်ပၠၤအပွဲၤယဲၢ်ထီး
(မး ၁၄:၁၃-၂၁, မၢ် ၆:၃၀-၄၄, လူၤ ၉:၁၀-၁၇)
1အလ့ၤကါယ့ၣ်ရှူးလ့ၤဝဲၢ်ကဲၤဒဳ ကၤလံၤလဲပဲာ်လဲာ်အလဝ့ၤ တခီဝဳၢ် (ထဲၢ်ဒဳပၠၤယဳၤကိာ် ပဲၤလဲာ်တံဘ့ၤရံ) နဳၤ. 2ပၠၤအပဳၤဓဳၤ ဟီးဓဳၤလိၤကိာ်ကဲၤစလ့ၤ, မၤနဲၢ်ဒဳၣ်, ဒဳစဲာ်တစီာ် စာ်ထၱးကဲၤ စမဲၤမှးက့ၤ ပၠၤအရွှံးအဆဲတစီာ်အခဳး အစဲနဳၤ. 3ယ့ၣ်ရှူးထာ်ကဲၤဒဳ ခီးလီခဳး ကၱာ် ဆးနါလၤအီၣ်ပျဳာ်ကဲၤ စပျဲၢ်စဘီၣ်တစီာ်ဒဳနဳၤ. 4ဘ့နဳၤအခၠၱး မၱာ် ယူဒၤဖဳးတစီာ်အနံၤခံ တဲၤလ့ၤတလိး အပွဲဘိးထၱးကဲၤ. 5ယ့ၣ်ရှူးစာ်ခွဲခွဲးကၱာ် စာ်ထၱး ပၠၤအီၣ်အဲးအီၣ်ဆရးလ့ၤဘိးထၱး စဲာ်ဒဳၣ်, စဒီၣ်ကဲၤ စီၤဖံလံးပူး, “စာ်ဘိထဲၢ် ပၠၤအယဳၤတစီာ်လဳစါစဲး ကအၣ်ဘဲာ် အနံၤခံနဳၤကပွၱၤဘဲာ်တကဳာ်ဒီၣ်လဲၢ်” စဒဲ လၢ်ဝၤဓဳၤ. 6စကမဲၤ ဘဲာ်တၤနဲၢ်နဳၤစသၱာ်ဟဲ နီၣ်သီနှီနူၤ, စဘဳာ်သးလၢ်ဝၤအခီနဳၤလီၤ.
7စီၤဖံလံးပူးဒီၣ်ရှံက့ၤစဲာ်, “တကဳာ် ဒန့ၤရံ ကၠံၢ်ကယဲၤအပူၤ မၤအတဆိအံာ်ဆဲးအံာ်နီး, ပွ့းတပွဲၤ တဘၱးနှီနူၤမၤအတနံၤမဲၤနီး” စဒီၣ် ရှံက့ၤလၢ်ဝၤဓဳၤ.
8ဒဳအပျဲၢ်အဘီၣ်တစီာ်အကျဲထဲၢ် စီၤအၣ်ဒရ့း, စီၤၡံမိၣ်ပ့း တရူးအသဲပူၤဝ့ၤဒီၣ်စဲာ်, 9“အပံၤစဖဳးဘ့ယဳၤတပွဲၤအတကဳာ်ယဲၢ် ဒဳကၱာ် ဓၢ်ဖဳးကၠံၢ်ဘီအီၣ်တပွဲး. ပရၤဆါပၠၤအီၣ်အဲးအီးအီး ပွ့ကယဳၤအနံၤ ခံ စမၱာ်ပီၢ်တၤနဲၢ်” စဒီၣ် လၢ်ဝၤဓဳၤ.
10မဲၤကနဳၤယ့ၣ်ရှူးဒီၣ်စဲာ်, “နှးပီၢ်ပၠၤဆးနါ လၤအီၣ်ဒဳလၢ်ခဳး နဳၤ,” စဒီၣ်လၢ်ဝၤဓဳၤ. ဒဳနဳၤမံၤနှဲး အီၣ်အဲးဒဳၣ်, ပၠၤတစီာ်ဆးနါလၤအီၣ် တပွဲးအခဳး. အမံၤခဳမံဓ့ၤအီၣ်ကဲၤဒဳအပွဲၤယဲၢ်ထီးနဳၤ. 11ယ့ၣ်ရှူးဖၱးတကဳာ်, စထါထာ်အံာ်ကဘၱာ်စဲာ်, ကၱာ် ပ့ၤအၣ်ကဲၤပၠၤအဆးနါလၤအီၣ် ဒဳ နဳၤတစီာ်နဳၤ. စာ်ဘိ ကနဳၤအခီ, စပ့ၤအၣ်ကဲၤလၢ်ဝၤဓၢ်ဖဳးပာ်ပာ်, ပွ့အစာ် ဘိ စဲာ်တစီာ်သးအဲးအၣ်အသရ့နဳၤ. 12ပၠၤ လဳစါစဲးတစီာ်အဖူ ကဳာ်ထဳဒဳၣ်, ယ့ၣ်ရှူးဒီၣ် စပျဲၢ် စဘီၣ်တစီာ်, “ထူးက့ၤပီၢ်အကီလၱကီလၢ် အခဳးလၤ ကါဆဲးတစီာ်နဳၤစာ်ဘိထဲၢ်အတကဲတအိးလဳၢ်ပီၢ်နီး နဳၤ” စဒီၣ် လၢ်ဝၤဓဳၤ. 13မဲၤကနဳၤစဲာ်တစီာ်ထူး က့ၤဖၱးက့ၤ, ကၱာ်အပ့ထာ်တပွဲးကဲၤရှံးကၠံၢ်ပာ်လှူၣ်.
14ပၠၤတစီာ်စာ်ထၱးယ့ၣ်ရှူးမဲၤတဲၤပီၤတဲၤ ပၤအယဳၤဒဳၣ်, စဒီၣ်, “အယဳၤမၱာ်နှဲးနှဲးဝံအကလၤဘဲာ်ဒဳလၢ်ခဳးတပွဲၤနဳၤဟဳ” စဒီၣ်ကဲၤတစီာ်ဓဳၤ. 15ဘ့ယ့ၣ်ရှူးစာ်ထၱးပၠၤတစီာ်ကလ့ၤဖၱးစဲာ်ကၱာ် အကလဲၢ် ထာ်စဲာ်ဆးဖြးဒဳတဲၤနဳၤတဲၤပဲၤအပူၤဒဳၣ်, စဟဲးထာ်ကဲကဒီဒဳခီမူၤခီးလီခဳး တပွဲၤလီၤ.
ယ့ၣ်ရှူးဟဲးထံခဳး
(မး ၁၄:၂၂-၃၃, မၢ် ၆:၄၅-၅၂)
16ဘ့လူၤမူၤလၤနဳၤစပျဲၢ်စဘီၣ်တစီာ် က့ၤ လၤကဲၤဒဳပဲာ် လဲာ် ဝ့ၤနဳၤ. 17စဲာ်တစီာ်ထာ်နံၢ် ဝှါချံပူၤဒဳၣ်, စက့ၤဝဲၢ်ကဲၤဒဳကပ့းရနီၣ် အူးတခီဝဳၢ်နဳၤ. တဲၤခံးလၤနီၣ်သီကဲၤနှီနူၤ, ယ့ၣ်ရှူးတက့ၤလၤထၱးစဲာ်တစီာ်နှၱနီး. 18ဘ့နဳၤကလံၤတပဳၢ်ဆိးအခဳးအစဲ, ထံပး ပံးပး ပီကဲၤ. 19အပျဲၢ်အဘီၣ်တစီာ်ဝၤချံအဖျီးဝှါသဳမံးလး, လွံၢ်မံးလး ဆဲးဒဳၣ်, စဲာ်တစီာ်စာ်ထၱး ယ့ၣ်ရှူးဟဲးကဲၤဒဳပဲာ်လဲာ်ထံခဳးနဳၤ, ကၱာ်စလ့ၤဘိး ထၱး ကဲၤလၢ်ဝၤတစီာ်အချံဒဳၣ်, စဲာ်တစီာ်သးဖူးသးကနၢ် ကဲၤ. 20“ရှံးဆါမဲး. မၱာ်ယဲၤလီၤ” ယ့ၣ်ရှူးဒီၣ် စဲာ်တစီာ်ဓဳၤ. 21အနဳၤဒဳၣ်စဲာ် တစီာ်ယဳၤထာ် သးလဳၢ်သးလၤကဲၤစဲာ်ဒဳချံပူၤ, ကၱာ်တပျာ်ခါလီၤ ချံ ဓဳၤဝဲၢ် ဒဳပဲာ်လဲာ်ဝ့ၤထဲၢ်စဲာ်တစီာ်သးအဲးလ့ၤကဲၤတချဳး နဳၤ.
ပၠၤဝၢ်လှဲးယ့ၣ်ရှူး
22အလ့ၤကါတနံၤပၠၤအပဳၤအဟီးအအီၣ် တၤဒဳပဲာ်လဲာ်ဝ့ အလဝ့ၤတခီဝဳၢ်ကမဳၤထာ်နံၤ ထဲၢ် ချံအီၣ်တဘဲာ်လီၢ်, ကၱာ်ယ့ၣ်ရှူးတထာ် နံၢ်ကိာ်ကဲၤ စပျဲၢ်စဘီၣ်တစီာ်အကါချံပူၤနီး, မၱာ်စဲာ်တစီာ်က့ၤ ဝဲၢ်ဓဳၤဒဳအလဝ့ၤတခီဝဳၢ်နဳၤ. 23ချံအအီၣ်ဒဳ တံဘ့ၤရံတစီာ်လ့ၤဓီၤထာ်ဘိးထၱး အလ့ၤအကျဲးထဲၢ် ယ့ၣ်ရှူးထါထာ်အံာ်ကဘၱာ်စဲာ်ကၱာ်စအံာ်ကဲၤပၠၤအၣ် တကဳာ်အလ့ၤနဳၤ. 24ဘ့ပၠၤတစီာ်စာ်ထၱး ယ့ၣ်ရှူးကၱာ်စပျဲၢ်စဘီၣ် တစီာ်တအီၣ်ပ့ၤဘ့နဳၤနီးဒဳၣ်, စဲာ်တစီာ်ထာ်နံၢ်ချံပူၤကၱာ်လ့ၤဝဲၢ်ကဲၤဒဳကပ့း ရနီၣ်အူး တခီကၱာ်ဝၢ်လှဲးကဲၤယ့ၣ်ရှူး.
ယ့ၣ်ရှူးမၱာ်တဲၤသမိအတကဳာ်
25ဘ့ပၠၤတစီာ်ကဲာ်ထၱးယ့ၣ်ရှူးဒဳပဲာ်လဲာ် ဝ့ၤအလဝ့ၤတခီဝဳၢ် ဒဳၣ်, စဒီၣ်လၢ်ဝၤ, “ဆရၣ်, နလ့ၤ ဓဳၤဒီဘ့ယဳၤလှ့းကာ်တဲၢ်” စဒဲလၢ်ဝၤ ဓဳၤ.
26ယ့ၣ်ရှူးဒီၣ်စဲာ်တစီာ်, “ယဒီဆးသံ အတၱၢ်အမှး, သံဝၢ် လှဲးယဲၤတဘဲာ်ဒဳသံသၱာ်ဟဲယမဲၤ တဲၤပီၤတဲၤပၤအထာ်ပဳၤထာ်ဘါအစဲနီး. မၱာ်သံ အၣ် ဘဲာ်တကဳာ်ကၱာ်သံဖူပ့ထာ်ကဲၤအစဲနဳၤ. 27ဝူၤသဲတဲၤ ပၤပီၢ်မဲးတဲၤအၣ်ထဲၢ်အကဲအအိးဇၤတစီာ် အနံၤခံမဲး, မၱာ်တဲၤအၣ်ထဲၢ်အအီၣ်လၤထူလၤပျဳၤအနံၤခံတခီ. အယဳၤမၱာ်တဲၤအၣ်ထဲၢ်ပၠၤအဖဳးကအံာ် သံ တဓဲနဳၤ, မၤနဲၢ်ဒဳၣ်, အပာ်ဘၱာ်စဲာ်သဲန့ၤ ဓီၤတဲၤဇွၱၢ်လၤ ဒဳစလီၤနဳၤ.” စဒီၣ်လၢ်ဝၤတစီာ်ဓဳၤ.
28မဲၤကနဳၤ စဲာ်တစီာ်ဒီၣ်လၢ်ဝၤ, “စာ်ဘိ ထဲၢ်ဝၤကမဲၤတဲၤ မဲၤအဘဲာ်ကဘၱာ်စဲာ်အသးနဳၤ, ဝၤ ကမဲၤဘဲာ်တၤနဲၢ်” စဒဲလၢ်ဝၤဓဳၤ.
29ယ့ၣ်ရှူးဒီၣ်ရှံက့ၤစဲာ်တစီာ်, “အယဳၤမၱာ် ကဘၱာ်စဲာ်အတဲၤ မဲၤဒဳ သံကဘူၣ်ပီၢ်စသဓဳကဲၤ တပွဲၤ နဳၤ” စဒီဆးလၢ်ဝၤဓဳၤ.
30စဲာ်တစီာ်ဒဲကဒီစဲာ်, “စာ်ဘိထဲၢ် ဝၤကစာ်ထၱးကၱာ်ဝၤကဘူၣ်ပီၢ်နဲၤနဳၤ, နကဒဲလၱၢ်ဝၤတဲၤပီၤ တဲၤပၤတၤနဲၢ်. နကမဲၤစာ်တဲၢ်” စဒဲ လၢ်ဝၤ ဓဳၤ. 31“ဝၤပာ်လှ့းမဳၤတစီာ်အၣ်မၤနၤတကဳာ်ဒဳလဳၤသံမံး ဇ့ၤခဳးနဳၤ, အစာ်ဘိစဲာ်စါထံဒီၣ်, ‘စအံာ်လၢ်ဝၤတကဳာ် အအီၣ်ဒဳမီၢ်ခဳးအလၤနဳၤ,’” စဒီၣ်ရှံက့ၤလၢ်ဝၤဓဳၤ.
32ယ့ၣ်ရှူးဒီၣ်စဲာ်တစီာ်, “ယဒီဆးသံအတၱၢ်အမှး, စီၤမိၤၡ့ တအံာ်သံအၣ်မီၢ်ခဳးအတကဳာ်နီး, မၱာ်ယပာ်အံာ်သံအၣ်တကဳာ်အသ့ပွ့ၤအအီၣ်ဒဳမီၢ်ခဳး အလၤနဳၤ. 33မၤနဲၢ်ဒဳၣ်တကဳာ်ထဲၢ်ဘၱာ်စဲာ် အံာ်သံ မၱာ်စဲာ်, ထဲၢ်အအီၣ်ဒဳမီၢ်ခဳးအလၤကၱာ်အံာ် လၢ်ခဳးဖဳးတဲၤသမိအလၤထူ လၤပျဳၤနဳၤ” စဒီၣ်လၢ်ဝၤ ဓဳၤ.
34မဲၤကနဳၤဒဳၣ်, စဲာ်တစီာ်ဒီၣ်, “ဘၱာ်စဲာ်, အံာ်သဲာ်ယိပီၢ်ဝၤတကဳာ်အယဳၤနဳၤ” စဒီၣ်လၢ်ဝၤဓဳၤ.
35ယ့ၣ်ရှူးဒီၣ်စဲာ်တစီာ်, “ယမၱာ်တဲၤသမိ အတကဳာ်. ပၠၤအလ့ၤထၱးယဲၤတစီာ်နဳၤတသးဝံာ် ဘဲာ်နီးကၱာ်အဘူၣ်ယဲၤတပွဲၤနဳၤတသး အီ ဘဲာ်နီး. 36ယဒီဆးထဳသံ, သံစာ်ထၱးယဲၤ, မၱာ်သံတဘူၣ် ယဲၤနီး. 37လဳယပာ်အံာ်လၤယဲၤတစီာ်နဳၤ ကလ့ၤထၱးကီယဲၤ, ကၱာ်ကယါ ပၠၤအလ့ၤထၱးယဲၤ တစီာ်နဳၤ, ယတဒးဖျီးမံယန့ၤကၱာ်စဲာ်နီး. 38မၤ နဲၢ်ဒဳၣ်, ယအီၣ်ဒဳမီၢ်ခဳးနဳၤယလၤတဘဲာ်ယကမဲၤ ယတဲၤသးအဲးနံၤအနံၤ ခံနီး, မၱာ်အသဓဳလ့ၤယဲၤတပွဲၤအတဲၤသးအဲးနံၤလီၤ. 39အယဳၤ မၱာ်ယပာ် အသဓဳလ့ၤယဲၤတပွဲၤအတဲၤသးအဲးနံၤ, ထဲၢ်ယကတဆူးတပး ဘဲာ်ပီၢ်ပၠၤထဲၢ်စအံာ်လၤယဲၤတစီာ်တပွဲ နီး, မၱာ်ယကဘးဝဲၢ်ထဳးက့ၤပီၢ် စဲာ်လဳစါစဲးတစီာ်ဒဳ မူၤနံၤအကဓူၤလါတနံၤနဳၤ. 40မၤနဲၢ်ဒဳၣ်, အယဳၤမၱာ်ယပာ်အသဓဳလ့ၤယဲၤတပွဲၤအတဲၤသးအဲးနံၤ ထဲၢ်ကယါပၠၤအစာ် ထၱးအဖဳးတပွဲၤကၱာ်အဘူၣ်စဲာ် တစီာ်နဳၤ, ကနံၤဘဲာ်တဲၤအီၣ်သမိအလၤ ထူလၤပျဳၤ. ကၱာ်မူၤနံၤအကဓူၤလါတနံၤယကဘးဝဲၢ်ထဳးက့ၤစဲာ်” စဒီၣ် လၢ်ဝၤဓဳၤ.
41ယူဒၤဖဳးတစီာ်မိၢ်မိၢ်အၱးအၱးကဲၤဒဳစဒီၣ်, “ယမၱာ်တကဳာ်အအီၣ်ဒဳမီၢ်ခဳးအလၤ” အခဳးအစဲနဳၤ. 42ကၱာ်စဲာ်တစီာ်ဒီၣ်ဝ့ၤ, “အယဳၤမၱာ်တဘဲာ် စီၤယိၤသးအဖဳးယ့ၣ်ရှူး, ထဲၢ်ကသၱာ်ဟဲစမဳၤစပာ် နဳၤနီးဧါ. မဲၤကနဳၤဒဳၣ်, စဒီၣ်ဇၤမၤ, ‘ယအီၣ်ဒဳမီၢ်ခဳး ယလၤ,’ နဳၤစာ်တဲၢ်,” စဒဲလၢ်ဝၤဓဳၤ.
43ယ့ၣ်ရှူးဒီၣ်စဲာ်, “မိၢ်မိၢ်အၱးအၱးမဲးဒဳသံ ကျဲမဲး. 44မၱ တမၱာ်ဒဳယပာ်သဓဳ လ့ၤယဲၤတပွဲၤ စွံးစဲာ်အကလ့ၤထၱးယဲၤနီးဒဳၣ်, ပၠၤ တလ့ၤထၱးဇၤယဲၤ တဗွဲနီး. အလ့ၤထၱးယဲၤတပွဲၤနဳၤ, ယကဘးဝဲၢ်ထဳး က့ၤ ကီစဲာ်ဒဳမူၤနံၤအကဓူၤလါတနံၤနဳၤ. 45ဝံတစီာ်အတဲၤမှဲးလၤအီၣ်, ‘ကဘၱာ်စဲာ်ကသိၣ်အံာ်သီအံာ် ကီစဲာ်ကိအပွဲၤ.’ ကယါအသၱာ်ဟဲပာ်အလ့ၢ်ကၱာ်ခး သိၣ်အံာ်သီအံာ်အန့ၤတစီာ်နဳၤ, လ့ၤထၱးတပွဲးယဲၤ. 46ကၱာ်တဘဲာ်ယဒီၣ်ဒဳပၠၤစာ်ထၱးဘဲာ်ထဳပာ်တဗွဲနီး, မၱာ်အအီၣ်ဒဳစအီၣ်အလၤ တပွဲၤလီၤ. 47ယဒီဆး သံအတၱၢ်အမှး, ပၠၤအဘူၣ်ယဲၤတပွဲၤနဳၤ နံၤဘဲာ်တဲၤ သမိလၤထူလၤပျဳၤလီၤ. 48ယမၱာ်တဲၤသမိ အတကဳာ်လီၤ. 49သံပာ်လှ့းမဳၤတစီာ်အၣ် မၤနၤဒဳလဳၤသံမံးဇ့ၤခဳးနဳၤ, နီၣ်သီနှီနူၤစသံလဳၢ်ထဳတပွဲး. 50တကဳာ်အယဳၤမၱာ်အအီၣ်ဒဳမီၢ်ခဳး အလၤ, ကၱာ်ပၠၤအရါ အအၣ်စဲာ်တပွဲၤကတသံဘဲာ်ပ့ၤနီး. 51ယမၱာ်တဲၤသမိအတကဳာ် ထဲၢ်အအီၣ်ဒဳမီၢ်ခဳး အလၤနဳၤ. ကၱာ်ကယါပၠၤအအၣ်တကဳာ်အယဳၤနဳၤ, ကအီၣ်သမိလၤထူလၤပျဳၤဘဲာ်ကီ. တကဳာ်ထဲၢ်ယကအံာ်သံမၱာ်ယဟၱးထဲၢ်လၢ်ခဳးဖဳးအတဲၤအီၣ်သမိ အနံၤခံနဳၤ” စဒီၣ် လၢ် ဝၤတစီာ်ဓဳၤ.
52ယူဒၤဖဳးတစီာ်တရၤလှဲးလၢ်ဝၤ, စဒီၣ်, “ပၠၤအယဳၤ တပွဲၤ ကအံာ်ဇၤ ဝၤအၣ်စဟၱးစာ်တဲၢ်” စဒဲလှဲးလၢ်ဝၤဓဳၤ.
53မဲၤကနဳၤ, ယ့ၣ်ရှူးဒီၣ်စဲာ်တစီာ်, “ယဒီ ဆးသံအတၱၢ်အမှး, သံကတအၣ်မၤပၠၤအဖဳးအဟၱး နီး ကၱာ်တအီမၤစသွံၣ်နီးဒဳၣ်, သံသး သမိတအီၣ်ဝဲၢ် တပွဲးသံလီၤနီး. 54ပၠၤထဲၢ်အအၣ်ယဟၱးကၱာ် အအီယသွံၣ်တပွဲၤနဳၤ, နံၤဘဲာ်တပွဲးတဲၤ အီၣ်သမိ လၤထူလၤပျဳၤ, ကၱာ်ယကဘးဝဲၢ်ထဳး က့ၤကီစဲာ်ဒဳ မူၤနံၤအကဓူၤလါတနံၤနဳၤ. 55မၤနဲၢ် ဒဳၣ်, ယဟၱးမၱာ်တဲၤအၣ်အနှဲးနှဲး, ကၱာ်ယသွံၣ်မၱာ်တဲၤအီ အနှဲးနှဲးလီၤ. 56ပၠၤအအၣ်ယဟၱးကၱာ်အအီယသွံၣ်တပွဲၤပွဲၤအီၣ်ဒဳယပူၤ, ကၱာ် ယအီၣ်ဒဳစပူၤနဳၤ. 57အပာ်အအီၣ်သမိတပွဲၤသဓဳလ့ၤကဲၤယဲၤ, ကၱာ်ဒဳစခဳးစစဲယအီၣ်သမိကိာ်ကီ. စာ်ဘိကနဳၤအခီပၠၤ အအၣ်ယဟၱးတပွဲၤနဳၤယခဳးယစဲစကအီၣ်သမိကီ. 58အယဳၤ, မၱာ်တကဳာ်ထဲၢ်အအီၣ်ဒဳမီၢ်ခဳး အလၤ, တဘဲာ်အစာ်ဘိသံပာ်တစီာ်အၣ်ဝှါမၤနၤ တကဳာ်, ကၱာ်အလ့ၤကါသံနဳၤနီး. ပၠၤအအၣ်တကဳာ် အယဳၤတပွဲၤကအီၣ်သမိလၤ ထူလၤပျဳၤကီ” စဒီဆးလၢ်ဝၤတစီာ်ဓဳၤ.
59ယ့ၣ်ရှူးဒီဆးတဲၤအယဳၤတစီာ်ဘ့စဒီထိး လၤနံၤပၠၤဒဳကပ့း ရနီၣ်အူး, ဘူၣ်ဘျီၣ်အပူၤနဳၤ.
တဲၤအီၣ်လၤထူလၤပျဳၤအတဲၤယၱၢ်ဘဲာ်
60စပျဲၢ်စဘီၣ်အီးအဲးအီးအီးသၱာ်ဟဲဘဲာ် တဲၤအယဳၤတစီာ် ကၱာ်ဒီၣ်ကဲၤ, “အယဳၤမၱာ်တဲၤသဲာ်လှိ အပၤတဓဲ. ပီၢ်ပွဲၤကဆီးခ့န့းကဲာ် ထာ်ပွဲၤ” စဒီၣ်ဓဳၤ.
61ဘ့ယ့ၣ်ရှူးသၱာ်ဟဲဓီအအဲထဲၢ်စပျဲၢ်စဘီၣ်တစီာ်မိၢ်မိၢ်အၱး အၱးဒဳၣ်, စဒီၣ်, “အယဳၤမၱာ်သံ နံၤခံအမီၤသးပျဲၢ်ဧါ. 62ဘ့ာ်မ့သံ ကစာ်ထၱးမၤ ပၠၤအဖဳးက့ၤထာ်ဒဳစအီၣ်အလ့ၤအအူဆူးနဳၤဒဳၣ်, သံကမဲၤ စာ်တဲၢ်. 63အအံာ်တဲၤသမိမၱာ်သးစါထံ လီၤ, ပၠၤအတဲၤခဳးတဲၤအါ မၱာ်အနှးနှါလီၤ. တဲၤယၱၢ်ဘဲာ် ယဒီဆးထဳသံတစီာ်မၱာ်အအံာ်ကဘၱာ်စဲာ် အသး ကၱာ် တဲၤအီၣ်သမိ. 64ပရၤဆါ, ဒဳသံကျဲနဳၤ, အတဘူၣ်နီး အီၣ်ကဲၤတစီာ်” စဒီၣ်လၢ်ဝၤဓဳၤ. (မၤနဲၢ်ဒဳၣ်, ယ့ၣ်ရှူးသၱာ်ဟဲလှ့မဳၤ စဲခဳး နဳၤ, အတဘူၣ် နီးမၱာ်ပီၢ်ပွဲၤတစီာ်ပွဲၤကၱာ်အကဟိလါ စဲာ်မၱာ်ပီၢ်ပွဲၤနဳၤ.) 65ကၱာ်ဒီယ့ၣ်ရှူးဒီၣ်, “မဲၤကနဳၤအခဳးအစဲ, ယဒီဆးသံထဲၢ်အပာ် ကတမဲၤဇဳၤမၤသံနီးနဳၤ, ပၠၤတလ့ၤထၱးဇၤယဲၤတဗွဲနီး.”
66ဘ့နဳၤဖျီအလှီမီၢ်, အပျဲၢ်အဘီၣ်အီၣ်အဲ ပွဲၤက့ၤဘးအလ့ၤ ကါ ကၱာ်တဟဲးလ့ၤဟဲးက့ၤကိာ်ပ့ၤ စကါနီး. 67မဲၤကနဳၤယ့ၣ်ရှူး ဒဲကဲၤသဓဳဖဳး ရှံးကၠံၢ်ပွဲၤ, “သံမၱာ်မၱာ်, သံသးအဲးဟဲးကဲၤဧါ” စဒဲ လၢ်ဝၤ ဓဳၤ.
68စီၤၡံမိၣ်ပ့းတရူးဒီၣ်ရှံက့ၤစဲာ်, “ဘၱာ်စဲာ်, ဝၤကလ့ၤထၱးဒီပီၢ် ပွဲၤ. တဲၤသမိလၤထူလၤပျဳၤအတဲၤ ယၱၢ်ဘဲာ်အီၣ်ဒဳနအီၣ်နဳၤ. 69ကၱာ်ဝၤဘူၣ် သၱာ်ဟဲကဲၤထဲၢ်နမၱာ်အစါထံတပွဲၤအအီၣ်ဘၱာ်စဲာ် အီၣ်အလၤ နဳၤ.”
70ယ့ၣ်ရှူးဒီၣ်ရှံက့ၤစဲာ်တစီာ်, “ယတရိၤ ထာ်ကဲၤသံအနဳၤ ရှံးကၠံၢ်ပွဲၤနီးဧါ. ပရၤဆါသံကျဲ တပွဲၤမၱာ်မဳၤဒဲးလၱး” စဒီၣ်က့ၤလၢ်ဝၤဓဳၤ. 71အနဳၤမၱာ်စဒီၣ်စီၤယူဒၤအံၣ်စကၤရံၤအိာ်, စီၤၡံမိၣ် အဖဳးနဳၤ. မၤနဲၢ်ဒဳၣ်, စမၱာ်ရှံးကၠံၢ်ပွဲၤအကျဲတပွဲ ထဲၢ် အကဟိလါလၢ်ဝၤနဳၤ.
ទើបបានជ្រើសរើសហើយ៖
ယိၤဟၣ် 6: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 6
6
ယ့ၣ်ရှူးဘဳာ်အၣ်ပၠၤအပွဲၤယဲၢ်ထီး
(မး ၁၄:၁၃-၂၁, မၢ် ၆:၃၀-၄၄, လူၤ ၉:၁၀-၁၇)
1အလ့ၤကါယ့ၣ်ရှူးလ့ၤဝဲၢ်ကဲၤဒဳ ကၤလံၤလဲပဲာ်လဲာ်အလဝ့ၤ တခီဝဳၢ် (ထဲၢ်ဒဳပၠၤယဳၤကိာ် ပဲၤလဲာ်တံဘ့ၤရံ) နဳၤ. 2ပၠၤအပဳၤဓဳၤ ဟီးဓဳၤလိၤကိာ်ကဲၤစလ့ၤ, မၤနဲၢ်ဒဳၣ်, ဒဳစဲာ်တစီာ် စာ်ထၱးကဲၤ စမဲၤမှးက့ၤ ပၠၤအရွှံးအဆဲတစီာ်အခဳး အစဲနဳၤ. 3ယ့ၣ်ရှူးထာ်ကဲၤဒဳ ခီးလီခဳး ကၱာ် ဆးနါလၤအီၣ်ပျဳာ်ကဲၤ စပျဲၢ်စဘီၣ်တစီာ်ဒဳနဳၤ. 4ဘ့နဳၤအခၠၱး မၱာ် ယူဒၤဖဳးတစီာ်အနံၤခံ တဲၤလ့ၤတလိး အပွဲဘိးထၱးကဲၤ. 5ယ့ၣ်ရှူးစာ်ခွဲခွဲးကၱာ် စာ်ထၱး ပၠၤအီၣ်အဲးအီၣ်ဆရးလ့ၤဘိးထၱး စဲာ်ဒဳၣ်, စဒီၣ်ကဲၤ စီၤဖံလံးပူး, “စာ်ဘိထဲၢ် ပၠၤအယဳၤတစီာ်လဳစါစဲး ကအၣ်ဘဲာ် အနံၤခံနဳၤကပွၱၤဘဲာ်တကဳာ်ဒီၣ်လဲၢ်” စဒဲ လၢ်ဝၤဓဳၤ. 6စကမဲၤ ဘဲာ်တၤနဲၢ်နဳၤစသၱာ်ဟဲ နီၣ်သီနှီနူၤ, စဘဳာ်သးလၢ်ဝၤအခီနဳၤလီၤ.
7စီၤဖံလံးပူးဒီၣ်ရှံက့ၤစဲာ်, “တကဳာ် ဒန့ၤရံ ကၠံၢ်ကယဲၤအပူၤ မၤအတဆိအံာ်ဆဲးအံာ်နီး, ပွ့းတပွဲၤ တဘၱးနှီနူၤမၤအတနံၤမဲၤနီး” စဒီၣ် ရှံက့ၤလၢ်ဝၤဓဳၤ.
8ဒဳအပျဲၢ်အဘီၣ်တစီာ်အကျဲထဲၢ် စီၤအၣ်ဒရ့း, စီၤၡံမိၣ်ပ့း တရူးအသဲပူၤဝ့ၤဒီၣ်စဲာ်, 9“အပံၤစဖဳးဘ့ယဳၤတပွဲၤအတကဳာ်ယဲၢ် ဒဳကၱာ် ဓၢ်ဖဳးကၠံၢ်ဘီအီၣ်တပွဲး. ပရၤဆါပၠၤအီၣ်အဲးအီးအီး ပွ့ကယဳၤအနံၤ ခံ စမၱာ်ပီၢ်တၤနဲၢ်” စဒီၣ် လၢ်ဝၤဓဳၤ.
10မဲၤကနဳၤယ့ၣ်ရှူးဒီၣ်စဲာ်, “နှးပီၢ်ပၠၤဆးနါ လၤအီၣ်ဒဳလၢ်ခဳး နဳၤ,” စဒီၣ်လၢ်ဝၤဓဳၤ. ဒဳနဳၤမံၤနှဲး အီၣ်အဲးဒဳၣ်, ပၠၤတစီာ်ဆးနါလၤအီၣ် တပွဲးအခဳး. အမံၤခဳမံဓ့ၤအီၣ်ကဲၤဒဳအပွဲၤယဲၢ်ထီးနဳၤ. 11ယ့ၣ်ရှူးဖၱးတကဳာ်, စထါထာ်အံာ်ကဘၱာ်စဲာ်, ကၱာ် ပ့ၤအၣ်ကဲၤပၠၤအဆးနါလၤအီၣ် ဒဳ နဳၤတစီာ်နဳၤ. စာ်ဘိ ကနဳၤအခီ, စပ့ၤအၣ်ကဲၤလၢ်ဝၤဓၢ်ဖဳးပာ်ပာ်, ပွ့အစာ် ဘိ စဲာ်တစီာ်သးအဲးအၣ်အသရ့နဳၤ. 12ပၠၤ လဳစါစဲးတစီာ်အဖူ ကဳာ်ထဳဒဳၣ်, ယ့ၣ်ရှူးဒီၣ် စပျဲၢ် စဘီၣ်တစီာ်, “ထူးက့ၤပီၢ်အကီလၱကီလၢ် အခဳးလၤ ကါဆဲးတစီာ်နဳၤစာ်ဘိထဲၢ်အတကဲတအိးလဳၢ်ပီၢ်နီး နဳၤ” စဒီၣ် လၢ်ဝၤဓဳၤ. 13မဲၤကနဳၤစဲာ်တစီာ်ထူး က့ၤဖၱးက့ၤ, ကၱာ်အပ့ထာ်တပွဲးကဲၤရှံးကၠံၢ်ပာ်လှူၣ်.
14ပၠၤတစီာ်စာ်ထၱးယ့ၣ်ရှူးမဲၤတဲၤပီၤတဲၤ ပၤအယဳၤဒဳၣ်, စဒီၣ်, “အယဳၤမၱာ်နှဲးနှဲးဝံအကလၤဘဲာ်ဒဳလၢ်ခဳးတပွဲၤနဳၤဟဳ” စဒီၣ်ကဲၤတစီာ်ဓဳၤ. 15ဘ့ယ့ၣ်ရှူးစာ်ထၱးပၠၤတစီာ်ကလ့ၤဖၱးစဲာ်ကၱာ် အကလဲၢ် ထာ်စဲာ်ဆးဖြးဒဳတဲၤနဳၤတဲၤပဲၤအပူၤဒဳၣ်, စဟဲးထာ်ကဲကဒီဒဳခီမူၤခီးလီခဳး တပွဲၤလီၤ.
ယ့ၣ်ရှူးဟဲးထံခဳး
(မး ၁၄:၂၂-၃၃, မၢ် ၆:၄၅-၅၂)
16ဘ့လူၤမူၤလၤနဳၤစပျဲၢ်စဘီၣ်တစီာ် က့ၤ လၤကဲၤဒဳပဲာ် လဲာ် ဝ့ၤနဳၤ. 17စဲာ်တစီာ်ထာ်နံၢ် ဝှါချံပူၤဒဳၣ်, စက့ၤဝဲၢ်ကဲၤဒဳကပ့းရနီၣ် အူးတခီဝဳၢ်နဳၤ. တဲၤခံးလၤနီၣ်သီကဲၤနှီနူၤ, ယ့ၣ်ရှူးတက့ၤလၤထၱးစဲာ်တစီာ်နှၱနီး. 18ဘ့နဳၤကလံၤတပဳၢ်ဆိးအခဳးအစဲ, ထံပး ပံးပး ပီကဲၤ. 19အပျဲၢ်အဘီၣ်တစီာ်ဝၤချံအဖျီးဝှါသဳမံးလး, လွံၢ်မံးလး ဆဲးဒဳၣ်, စဲာ်တစီာ်စာ်ထၱး ယ့ၣ်ရှူးဟဲးကဲၤဒဳပဲာ်လဲာ်ထံခဳးနဳၤ, ကၱာ်စလ့ၤဘိး ထၱး ကဲၤလၢ်ဝၤတစီာ်အချံဒဳၣ်, စဲာ်တစီာ်သးဖူးသးကနၢ် ကဲၤ. 20“ရှံးဆါမဲး. မၱာ်ယဲၤလီၤ” ယ့ၣ်ရှူးဒီၣ် စဲာ်တစီာ်ဓဳၤ. 21အနဳၤဒဳၣ်စဲာ် တစီာ်ယဳၤထာ် သးလဳၢ်သးလၤကဲၤစဲာ်ဒဳချံပူၤ, ကၱာ်တပျာ်ခါလီၤ ချံ ဓဳၤဝဲၢ် ဒဳပဲာ်လဲာ်ဝ့ၤထဲၢ်စဲာ်တစီာ်သးအဲးလ့ၤကဲၤတချဳး နဳၤ.
ပၠၤဝၢ်လှဲးယ့ၣ်ရှူး
22အလ့ၤကါတနံၤပၠၤအပဳၤအဟီးအအီၣ် တၤဒဳပဲာ်လဲာ်ဝ့ အလဝ့ၤတခီဝဳၢ်ကမဳၤထာ်နံၤ ထဲၢ် ချံအီၣ်တဘဲာ်လီၢ်, ကၱာ်ယ့ၣ်ရှူးတထာ် နံၢ်ကိာ်ကဲၤ စပျဲၢ်စဘီၣ်တစီာ်အကါချံပူၤနီး, မၱာ်စဲာ်တစီာ်က့ၤ ဝဲၢ်ဓဳၤဒဳအလဝ့ၤတခီဝဳၢ်နဳၤ. 23ချံအအီၣ်ဒဳ တံဘ့ၤရံတစီာ်လ့ၤဓီၤထာ်ဘိးထၱး အလ့ၤအကျဲးထဲၢ် ယ့ၣ်ရှူးထါထာ်အံာ်ကဘၱာ်စဲာ်ကၱာ်စအံာ်ကဲၤပၠၤအၣ် တကဳာ်အလ့ၤနဳၤ. 24ဘ့ပၠၤတစီာ်စာ်ထၱး ယ့ၣ်ရှူးကၱာ်စပျဲၢ်စဘီၣ် တစီာ်တအီၣ်ပ့ၤဘ့နဳၤနီးဒဳၣ်, စဲာ်တစီာ်ထာ်နံၢ်ချံပူၤကၱာ်လ့ၤဝဲၢ်ကဲၤဒဳကပ့း ရနီၣ်အူး တခီကၱာ်ဝၢ်လှဲးကဲၤယ့ၣ်ရှူး.
ယ့ၣ်ရှူးမၱာ်တဲၤသမိအတကဳာ်
25ဘ့ပၠၤတစီာ်ကဲာ်ထၱးယ့ၣ်ရှူးဒဳပဲာ်လဲာ် ဝ့ၤအလဝ့ၤတခီဝဳၢ် ဒဳၣ်, စဒီၣ်လၢ်ဝၤ, “ဆရၣ်, နလ့ၤ ဓဳၤဒီဘ့ယဳၤလှ့းကာ်တဲၢ်” စဒဲလၢ်ဝၤ ဓဳၤ.
26ယ့ၣ်ရှူးဒီၣ်စဲာ်တစီာ်, “ယဒီဆးသံ အတၱၢ်အမှး, သံဝၢ် လှဲးယဲၤတဘဲာ်ဒဳသံသၱာ်ဟဲယမဲၤ တဲၤပီၤတဲၤပၤအထာ်ပဳၤထာ်ဘါအစဲနီး. မၱာ်သံ အၣ် ဘဲာ်တကဳာ်ကၱာ်သံဖူပ့ထာ်ကဲၤအစဲနဳၤ. 27ဝူၤသဲတဲၤ ပၤပီၢ်မဲးတဲၤအၣ်ထဲၢ်အကဲအအိးဇၤတစီာ် အနံၤခံမဲး, မၱာ်တဲၤအၣ်ထဲၢ်အအီၣ်လၤထူလၤပျဳၤအနံၤခံတခီ. အယဳၤမၱာ်တဲၤအၣ်ထဲၢ်ပၠၤအဖဳးကအံာ် သံ တဓဲနဳၤ, မၤနဲၢ်ဒဳၣ်, အပာ်ဘၱာ်စဲာ်သဲန့ၤ ဓီၤတဲၤဇွၱၢ်လၤ ဒဳစလီၤနဳၤ.” စဒီၣ်လၢ်ဝၤတစီာ်ဓဳၤ.
28မဲၤကနဳၤ စဲာ်တစီာ်ဒီၣ်လၢ်ဝၤ, “စာ်ဘိ ထဲၢ်ဝၤကမဲၤတဲၤ မဲၤအဘဲာ်ကဘၱာ်စဲာ်အသးနဳၤ, ဝၤ ကမဲၤဘဲာ်တၤနဲၢ်” စဒဲလၢ်ဝၤဓဳၤ.
29ယ့ၣ်ရှူးဒီၣ်ရှံက့ၤစဲာ်တစီာ်, “အယဳၤမၱာ် ကဘၱာ်စဲာ်အတဲၤ မဲၤဒဳ သံကဘူၣ်ပီၢ်စသဓဳကဲၤ တပွဲၤ နဳၤ” စဒီဆးလၢ်ဝၤဓဳၤ.
30စဲာ်တစီာ်ဒဲကဒီစဲာ်, “စာ်ဘိထဲၢ် ဝၤကစာ်ထၱးကၱာ်ဝၤကဘူၣ်ပီၢ်နဲၤနဳၤ, နကဒဲလၱၢ်ဝၤတဲၤပီၤ တဲၤပၤတၤနဲၢ်. နကမဲၤစာ်တဲၢ်” စဒဲ လၢ်ဝၤ ဓဳၤ. 31“ဝၤပာ်လှ့းမဳၤတစီာ်အၣ်မၤနၤတကဳာ်ဒဳလဳၤသံမံး ဇ့ၤခဳးနဳၤ, အစာ်ဘိစဲာ်စါထံဒီၣ်, ‘စအံာ်လၢ်ဝၤတကဳာ် အအီၣ်ဒဳမီၢ်ခဳးအလၤနဳၤ,’” စဒီၣ်ရှံက့ၤလၢ်ဝၤဓဳၤ.
32ယ့ၣ်ရှူးဒီၣ်စဲာ်တစီာ်, “ယဒီဆးသံအတၱၢ်အမှး, စီၤမိၤၡ့ တအံာ်သံအၣ်မီၢ်ခဳးအတကဳာ်နီး, မၱာ်ယပာ်အံာ်သံအၣ်တကဳာ်အသ့ပွ့ၤအအီၣ်ဒဳမီၢ်ခဳး အလၤနဳၤ. 33မၤနဲၢ်ဒဳၣ်တကဳာ်ထဲၢ်ဘၱာ်စဲာ် အံာ်သံ မၱာ်စဲာ်, ထဲၢ်အအီၣ်ဒဳမီၢ်ခဳးအလၤကၱာ်အံာ် လၢ်ခဳးဖဳးတဲၤသမိအလၤထူ လၤပျဳၤနဳၤ” စဒီၣ်လၢ်ဝၤ ဓဳၤ.
34မဲၤကနဳၤဒဳၣ်, စဲာ်တစီာ်ဒီၣ်, “ဘၱာ်စဲာ်, အံာ်သဲာ်ယိပီၢ်ဝၤတကဳာ်အယဳၤနဳၤ” စဒီၣ်လၢ်ဝၤဓဳၤ.
35ယ့ၣ်ရှူးဒီၣ်စဲာ်တစီာ်, “ယမၱာ်တဲၤသမိ အတကဳာ်. ပၠၤအလ့ၤထၱးယဲၤတစီာ်နဳၤတသးဝံာ် ဘဲာ်နီးကၱာ်အဘူၣ်ယဲၤတပွဲၤနဳၤတသး အီ ဘဲာ်နီး. 36ယဒီဆးထဳသံ, သံစာ်ထၱးယဲၤ, မၱာ်သံတဘူၣ် ယဲၤနီး. 37လဳယပာ်အံာ်လၤယဲၤတစီာ်နဳၤ ကလ့ၤထၱးကီယဲၤ, ကၱာ်ကယါ ပၠၤအလ့ၤထၱးယဲၤ တစီာ်နဳၤ, ယတဒးဖျီးမံယန့ၤကၱာ်စဲာ်နီး. 38မၤ နဲၢ်ဒဳၣ်, ယအီၣ်ဒဳမီၢ်ခဳးနဳၤယလၤတဘဲာ်ယကမဲၤ ယတဲၤသးအဲးနံၤအနံၤ ခံနီး, မၱာ်အသဓဳလ့ၤယဲၤတပွဲၤအတဲၤသးအဲးနံၤလီၤ. 39အယဳၤ မၱာ်ယပာ် အသဓဳလ့ၤယဲၤတပွဲၤအတဲၤသးအဲးနံၤ, ထဲၢ်ယကတဆူးတပး ဘဲာ်ပီၢ်ပၠၤထဲၢ်စအံာ်လၤယဲၤတစီာ်တပွဲ နီး, မၱာ်ယကဘးဝဲၢ်ထဳးက့ၤပီၢ် စဲာ်လဳစါစဲးတစီာ်ဒဳ မူၤနံၤအကဓူၤလါတနံၤနဳၤ. 40မၤနဲၢ်ဒဳၣ်, အယဳၤမၱာ်ယပာ်အသဓဳလ့ၤယဲၤတပွဲၤအတဲၤသးအဲးနံၤ ထဲၢ်ကယါပၠၤအစာ် ထၱးအဖဳးတပွဲၤကၱာ်အဘူၣ်စဲာ် တစီာ်နဳၤ, ကနံၤဘဲာ်တဲၤအီၣ်သမိအလၤ ထူလၤပျဳၤ. ကၱာ်မူၤနံၤအကဓူၤလါတနံၤယကဘးဝဲၢ်ထဳးက့ၤစဲာ်” စဒီၣ် လၢ်ဝၤဓဳၤ.
41ယူဒၤဖဳးတစီာ်မိၢ်မိၢ်အၱးအၱးကဲၤဒဳစဒီၣ်, “ယမၱာ်တကဳာ်အအီၣ်ဒဳမီၢ်ခဳးအလၤ” အခဳးအစဲနဳၤ. 42ကၱာ်စဲာ်တစီာ်ဒီၣ်ဝ့ၤ, “အယဳၤမၱာ်တဘဲာ် စီၤယိၤသးအဖဳးယ့ၣ်ရှူး, ထဲၢ်ကသၱာ်ဟဲစမဳၤစပာ် နဳၤနီးဧါ. မဲၤကနဳၤဒဳၣ်, စဒီၣ်ဇၤမၤ, ‘ယအီၣ်ဒဳမီၢ်ခဳး ယလၤ,’ နဳၤစာ်တဲၢ်,” စဒဲလၢ်ဝၤဓဳၤ.
43ယ့ၣ်ရှူးဒီၣ်စဲာ်, “မိၢ်မိၢ်အၱးအၱးမဲးဒဳသံ ကျဲမဲး. 44မၱ တမၱာ်ဒဳယပာ်သဓဳ လ့ၤယဲၤတပွဲၤ စွံးစဲာ်အကလ့ၤထၱးယဲၤနီးဒဳၣ်, ပၠၤ တလ့ၤထၱးဇၤယဲၤ တဗွဲနီး. အလ့ၤထၱးယဲၤတပွဲၤနဳၤ, ယကဘးဝဲၢ်ထဳး က့ၤ ကီစဲာ်ဒဳမူၤနံၤအကဓူၤလါတနံၤနဳၤ. 45ဝံတစီာ်အတဲၤမှဲးလၤအီၣ်, ‘ကဘၱာ်စဲာ်ကသိၣ်အံာ်သီအံာ် ကီစဲာ်ကိအပွဲၤ.’ ကယါအသၱာ်ဟဲပာ်အလ့ၢ်ကၱာ်ခး သိၣ်အံာ်သီအံာ်အန့ၤတစီာ်နဳၤ, လ့ၤထၱးတပွဲးယဲၤ. 46ကၱာ်တဘဲာ်ယဒီၣ်ဒဳပၠၤစာ်ထၱးဘဲာ်ထဳပာ်တဗွဲနီး, မၱာ်အအီၣ်ဒဳစအီၣ်အလၤ တပွဲၤလီၤ. 47ယဒီဆး သံအတၱၢ်အမှး, ပၠၤအဘူၣ်ယဲၤတပွဲၤနဳၤ နံၤဘဲာ်တဲၤ သမိလၤထူလၤပျဳၤလီၤ. 48ယမၱာ်တဲၤသမိ အတကဳာ်လီၤ. 49သံပာ်လှ့းမဳၤတစီာ်အၣ် မၤနၤဒဳလဳၤသံမံးဇ့ၤခဳးနဳၤ, နီၣ်သီနှီနူၤစသံလဳၢ်ထဳတပွဲး. 50တကဳာ်အယဳၤမၱာ်အအီၣ်ဒဳမီၢ်ခဳး အလၤ, ကၱာ်ပၠၤအရါ အအၣ်စဲာ်တပွဲၤကတသံဘဲာ်ပ့ၤနီး. 51ယမၱာ်တဲၤသမိအတကဳာ် ထဲၢ်အအီၣ်ဒဳမီၢ်ခဳး အလၤနဳၤ. ကၱာ်ကယါပၠၤအအၣ်တကဳာ်အယဳၤနဳၤ, ကအီၣ်သမိလၤထူလၤပျဳၤဘဲာ်ကီ. တကဳာ်ထဲၢ်ယကအံာ်သံမၱာ်ယဟၱးထဲၢ်လၢ်ခဳးဖဳးအတဲၤအီၣ်သမိ အနံၤခံနဳၤ” စဒီၣ် လၢ် ဝၤတစီာ်ဓဳၤ.
52ယူဒၤဖဳးတစီာ်တရၤလှဲးလၢ်ဝၤ, စဒီၣ်, “ပၠၤအယဳၤ တပွဲၤ ကအံာ်ဇၤ ဝၤအၣ်စဟၱးစာ်တဲၢ်” စဒဲလှဲးလၢ်ဝၤဓဳၤ.
53မဲၤကနဳၤ, ယ့ၣ်ရှူးဒီၣ်စဲာ်တစီာ်, “ယဒီ ဆးသံအတၱၢ်အမှး, သံကတအၣ်မၤပၠၤအဖဳးအဟၱး နီး ကၱာ်တအီမၤစသွံၣ်နီးဒဳၣ်, သံသး သမိတအီၣ်ဝဲၢ် တပွဲးသံလီၤနီး. 54ပၠၤထဲၢ်အအၣ်ယဟၱးကၱာ် အအီယသွံၣ်တပွဲၤနဳၤ, နံၤဘဲာ်တပွဲးတဲၤ အီၣ်သမိ လၤထူလၤပျဳၤ, ကၱာ်ယကဘးဝဲၢ်ထဳး က့ၤကီစဲာ်ဒဳ မူၤနံၤအကဓူၤလါတနံၤနဳၤ. 55မၤနဲၢ် ဒဳၣ်, ယဟၱးမၱာ်တဲၤအၣ်အနှဲးနှဲး, ကၱာ်ယသွံၣ်မၱာ်တဲၤအီ အနှဲးနှဲးလီၤ. 56ပၠၤအအၣ်ယဟၱးကၱာ်အအီယသွံၣ်တပွဲၤပွဲၤအီၣ်ဒဳယပူၤ, ကၱာ် ယအီၣ်ဒဳစပူၤနဳၤ. 57အပာ်အအီၣ်သမိတပွဲၤသဓဳလ့ၤကဲၤယဲၤ, ကၱာ်ဒဳစခဳးစစဲယအီၣ်သမိကိာ်ကီ. စာ်ဘိကနဳၤအခီပၠၤ အအၣ်ယဟၱးတပွဲၤနဳၤယခဳးယစဲစကအီၣ်သမိကီ. 58အယဳၤ, မၱာ်တကဳာ်ထဲၢ်အအီၣ်ဒဳမီၢ်ခဳး အလၤ, တဘဲာ်အစာ်ဘိသံပာ်တစီာ်အၣ်ဝှါမၤနၤ တကဳာ်, ကၱာ်အလ့ၤကါသံနဳၤနီး. ပၠၤအအၣ်တကဳာ် အယဳၤတပွဲၤကအီၣ်သမိလၤ ထူလၤပျဳၤကီ” စဒီဆးလၢ်ဝၤတစီာ်ဓဳၤ.
59ယ့ၣ်ရှူးဒီဆးတဲၤအယဳၤတစီာ်ဘ့စဒီထိး လၤနံၤပၠၤဒဳကပ့း ရနီၣ်အူး, ဘူၣ်ဘျီၣ်အပူၤနဳၤ.
တဲၤအီၣ်လၤထူလၤပျဳၤအတဲၤယၱၢ်ဘဲာ်
60စပျဲၢ်စဘီၣ်အီးအဲးအီးအီးသၱာ်ဟဲဘဲာ် တဲၤအယဳၤတစီာ် ကၱာ်ဒီၣ်ကဲၤ, “အယဳၤမၱာ်တဲၤသဲာ်လှိ အပၤတဓဲ. ပီၢ်ပွဲၤကဆီးခ့န့းကဲာ် ထာ်ပွဲၤ” စဒီၣ်ဓဳၤ.
61ဘ့ယ့ၣ်ရှူးသၱာ်ဟဲဓီအအဲထဲၢ်စပျဲၢ်စဘီၣ်တစီာ်မိၢ်မိၢ်အၱး အၱးဒဳၣ်, စဒီၣ်, “အယဳၤမၱာ်သံ နံၤခံအမီၤသးပျဲၢ်ဧါ. 62ဘ့ာ်မ့သံ ကစာ်ထၱးမၤ ပၠၤအဖဳးက့ၤထာ်ဒဳစအီၣ်အလ့ၤအအူဆူးနဳၤဒဳၣ်, သံကမဲၤ စာ်တဲၢ်. 63အအံာ်တဲၤသမိမၱာ်သးစါထံ လီၤ, ပၠၤအတဲၤခဳးတဲၤအါ မၱာ်အနှးနှါလီၤ. တဲၤယၱၢ်ဘဲာ် ယဒီဆးထဳသံတစီာ်မၱာ်အအံာ်ကဘၱာ်စဲာ် အသး ကၱာ် တဲၤအီၣ်သမိ. 64ပရၤဆါ, ဒဳသံကျဲနဳၤ, အတဘူၣ်နီး အီၣ်ကဲၤတစီာ်” စဒီၣ်လၢ်ဝၤဓဳၤ. (မၤနဲၢ်ဒဳၣ်, ယ့ၣ်ရှူးသၱာ်ဟဲလှ့မဳၤ စဲခဳး နဳၤ, အတဘူၣ် နီးမၱာ်ပီၢ်ပွဲၤတစီာ်ပွဲၤကၱာ်အကဟိလါ စဲာ်မၱာ်ပီၢ်ပွဲၤနဳၤ.) 65ကၱာ်ဒီယ့ၣ်ရှူးဒီၣ်, “မဲၤကနဳၤအခဳးအစဲ, ယဒီဆးသံထဲၢ်အပာ် ကတမဲၤဇဳၤမၤသံနီးနဳၤ, ပၠၤတလ့ၤထၱးဇၤယဲၤတဗွဲနီး.”
66ဘ့နဳၤဖျီအလှီမီၢ်, အပျဲၢ်အဘီၣ်အီၣ်အဲ ပွဲၤက့ၤဘးအလ့ၤ ကါ ကၱာ်တဟဲးလ့ၤဟဲးက့ၤကိာ်ပ့ၤ စကါနီး. 67မဲၤကနဳၤယ့ၣ်ရှူး ဒဲကဲၤသဓဳဖဳး ရှံးကၠံၢ်ပွဲၤ, “သံမၱာ်မၱာ်, သံသးအဲးဟဲးကဲၤဧါ” စဒဲ လၢ်ဝၤ ဓဳၤ.
68စီၤၡံမိၣ်ပ့းတရူးဒီၣ်ရှံက့ၤစဲာ်, “ဘၱာ်စဲာ်, ဝၤကလ့ၤထၱးဒီပီၢ် ပွဲၤ. တဲၤသမိလၤထူလၤပျဳၤအတဲၤ ယၱၢ်ဘဲာ်အီၣ်ဒဳနအီၣ်နဳၤ. 69ကၱာ်ဝၤဘူၣ် သၱာ်ဟဲကဲၤထဲၢ်နမၱာ်အစါထံတပွဲၤအအီၣ်ဘၱာ်စဲာ် အီၣ်အလၤ နဳၤ.”
70ယ့ၣ်ရှူးဒီၣ်ရှံက့ၤစဲာ်တစီာ်, “ယတရိၤ ထာ်ကဲၤသံအနဳၤ ရှံးကၠံၢ်ပွဲၤနီးဧါ. ပရၤဆါသံကျဲ တပွဲၤမၱာ်မဳၤဒဲးလၱး” စဒီၣ်က့ၤလၢ်ဝၤဓဳၤ. 71အနဳၤမၱာ်စဒီၣ်စီၤယူဒၤအံၣ်စကၤရံၤအိာ်, စီၤၡံမိၣ် အဖဳးနဳၤ. မၤနဲၢ်ဒဳၣ်, စမၱာ်ရှံးကၠံၢ်ပွဲၤအကျဲတပွဲ ထဲၢ် အကဟိလါလၢ်ဝၤနဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.