ယိၤဟၣ် 5
5
တဲၤမဲၤမှးက့ၤဒဳထံနှီးအကါထၱးနဳၤ
1မဲၤဝှါ အလ့ၤကါယူဒၤဖဳးအပွဲအီၣ်ကဲၤ တပွဲ ကၱာ်ယ့ၣ်ရှူး ထာ်ကဲၤဒဳယရူၤၡလ့ၣ်အူးနဳၤ. 2ဒဳယရူၤၡလ့ၣ်အူး, အဘိးထၱး သဳ ခးကျဲၢ်နဳၤ ထံနှီးအီၣ် ကဲၤတနှီး. အတဓၢ်အီၣ်ယဲၢ်ဓဲ. ဧ့ၤဘြံၤဖဳးယဳၤအမံၤမၱာ် “ဘ့ၤသ့းစဒါ.” 3ဒဳတဓၢ်ခဳးနဳၤ, ပၠၤအရွှံးအဆဲ, အစူးသံ ခၣ်သံ, အခ့းဒ့းခံးကၢ်ဓူခံးဆီးမံလါ အီၣ်အဲး အီးအီး, အီၣ်ဆိဧိၢ်အံၤထံ ပးပၱးပးပီ. 4(မၤနဲၢ်ဒဳၣ်, ဘၱာ်စဲာ်အတဲၢ်နှဲဖဳးလၤမဲၤကမ့ၤအံာ်ထံ တပျာ်တပျာ်.) ထံပးပၱးပးပီအခဲ, အခဲလၤဓ့ၢ်နံၢ်ထံကျဲအအူဆူး တပွဲၤမှးက့ၤတပွဲး. 5ဘ့နဳၤပၠၤထဲၢ်တဲၤဆဲဖၱထာ်ကဲၤ ဆဳရှံအဒ့ာ်လွံၢ် သိးအဓၢ်ပူၤအီၣ်ကဲၤတပွဲၤ. 6ယ့ၣ်ရှူးစာ်ထၱးစအီၣ်အကီၢ်လၤ အီၣ်ယၱၢ်အီၣ်ကၠးကဲၤ ကနဳၤဒဳၣ်, “နသးအဲးမှးက့ၤတပွဲးဧါ” စဒီၣ် လၢ်ဝၤ ဓဳၤ.
7ပွဲၤဆဲဒီၣ်က့ၤစဲာ်, “ဆရၣ်, ဘ့ထံကမ့ၤ အခၠၱးနဳၤ, ပၠၤအဇၢ် လၤဓ့ၢ်နံၢ်ယဲၤထံကျဲတအီၣ်ကဲၤတဗွဲနီး, မၱာ်ဘ့ယလ့ၤကိအပျာ်နဳၤ အခဲ လၤဓ့ၢ် အူဆူး ယဲၤအီၣ်သဲာ်ယိတပွဲၤတပွဲၤ” စဒီဆးလၢ် ဝၤဓဳၤ.
8ယ့ၣ်ရှူးဒီၣ်စဲာ်, “ဝဲၢ်ထဳး, ဖၱးနရှံးဒဳဝှၱယၢ် ကၱာ်ခဲလ့ၤပီၢ်တခး” စဒီၣ်လၢ်ဝၤဓဳၤ. 9ဘ့နဳၤ, ပၠၤ အနဳၤတပွဲၤမှးက့ၤတနၢ်ကဲၤ ကၱာ်စဖၱးစရှံာ်ဒဳဝှၱ ယၢ်, ဝဲၢ်ထဳးဟဲးကဲၤ.
အနဳၤတနံၤမၱာ်ယူဒၤဖဳးအမူၤနံၤဆီးဒဲ. 10မဲၤကနဳၤယူဒၤဖဳးတစီာ်ဒီၣ်ကဲၤပွဲၤဆဲအမှးက့ၤ တပွဲၤ ကယဳၤ, “အယဳၤမၱာ်မူၤနံၤဆီဒဲ. နတဟဲး ဘံာ်အံာ်ဇၢ် အံာ်ဘဲာ်နရှံာ်ဒဳဝှၱယၢ်နီး” စဒီၣ်လၢ်ဝၤဓဳၤ.
11စဒီၣ်ရှံက့ၤလၢ်ဝၤတစီာ်, “ပၠၤအမဲၤမှး က့ၤယဲၤတပွဲၤဒီၣ် ယဲၤ, ဖၱးနရှံးဒဳဝှၱယၢ်ကၱာ်ခဲလ့ၤပီၢ်, စဒီၣ်ယဲၤဓဳၤ.”
12စဲာ်တစီာ်ဒဲစဲာ်, “အဒီၣ်နဲၤ, ဖၱးနရှံးဒဳ ဝှၱယၢ်ကၱာ်ခဲလ့ၤပီၢ်, တပွဲၤမၱာ်ပီၢ်ပွဲၤ,” စဲာ်တစီာ်ဒဲ လၢ်ဝၤဓဳၤ.
13ပရၤဆါ ပၠၤအဘဲာ်မဲၤမှးက့ၤတပွဲၤ တသၱာ်ဟဲကဲၤစဲာ်နီး. မၤနဲၢ်, ယ့ၣ်ရှူးဆဲးတပီၤပၠၤအပဳၤအဟီးအစဲနဳၤ.
14အလ့ၤကါ ယ့ၣ်ရှူးစာ်ထၱးစဲာ်ဒဳတဲၤ လှူၣ်ရှံၣ်အပူၤဒဳၣ်, စဒီၣ်လၢ်ဝၤ, “စာ်ပီၢ်, နမှး က့ၤ ထဳ. မဲၤပ့ၤပီၢ်မဲးတဲၤခီၣ်ဝဲၤမဲး. တမၱာ် နီးဒဳၣ်, တဲၤအဇၱၢ် ဒဳၣ်လံယဳၤကလၤဘဲာ်နဲၤ” စဒီၣ်လၢ်ဝၤ ဓဳၤ.
15ပၠၤအနဳၤတပွဲၤဟဲးကၱာ်ဒီဆးယူဒၤဖဳး တစီာ်ထဲၢ်အမဲၤမှး က့ၤစဲာ်မၱာ်ယ့ၣ်ရှူးနဳၤ. 16မဲၤ ကနဳၤယူဒၤဖဳးတစီာ် မဲၤပၤမဲၤ ဆဲ ကီယ့ၣ်ရှူးဒဳစမဲၤမှး က့ၤပၠၤမူၤနံၤဆီးဒဲအခဳးအစဲနဳၤ. 17ယ့ၣ် ရှူးဒီၣ်စဲာ်တစီာ်, “ယပာ်မဲၤဝ့ၤတဲၤထိခဳတနံၤယဳၤ, ကၱာ် ယမဲၤတဲၤတဲၤ” စဒီၣ်လၣ်ဝၤဓဳၤ.
18တဲၤအယဳၤအခဳးအစဲ ယူဒၤဖဳးတစီာ် သးအဲးမဲၤသံကီစဲာ် ဒဳစမဲၤကဲမူၤနံၤဆီးဒဲအချဳ, စယဳၤကဲၤ ကဘၱာ်စဲာ်စပာ်မၱာ်စမဲၤယၢ်သိးစန့ၤ ကဘၱာ် စဲာ်အခဳးအစဲနဳၤ.
ဘၱာ်စဲာ်ဖဳးအဖျူအသရ့ာ်
19ယ့ၣ်ရှူးဒီၣ်ရှံက့ၤစဲာ်တစီာ်ကယဳၤ, “ယဒီဆးသံအတၱၢ် အမှး, ပၠၤအဖဳးတမဲၤဇၤတဲၤစလဳၤစလၤ တမံနီး, မၱာ်စမဲၤအစာ်ဘိစစာ် ထၱးစပာ်မဲၤနဳၤလီၤ. ပာ်မဲၤအသရ့နဳၤဖဳးမဲၤကိာ်တပွဲး. 20အပာ်ဘဲာ် လီၢ်အဖဳးကၱာ်စဒဲလၱၢ်လၢ်ဝၤစမဲၤတဲၤတစီာ်နဳၤ. ကၱာ် စကဒဲလၱၢ်ကီ လၢ် ဝၤဘၱာ်စဲာ်အမူၤဒဳၣ်လံအယဳၤ စာ်ဘိထဲၢ် သံကထဲးတမိၢ်တမှါပီၢ်နဳၤ. 21အစာ်ဘိအပာ်ဘးဝဲၢ်ထဳးအသံတစီာ်ကၱာ် အံာ်လၢ်ဝၤ တဲၤ အီၣ်နဳၤ, အဖဳးမၱာ်မၱာ်ကအံာ်ကီပၠၤအရါတဲၤအီၣ်အစာ်ဘိ စသးအီၣ်အဓ့ နဳၤ. 22အပာ်တစံးရးပၠၤ တဗွဲနီး. မၱာ်စအံာ်လၤစဖဳးအဖျူအသရ့ာ် အကစံးရး တဲၤ, 23စာ်ဘိထဲၢ်ပၠၤလဳစါစဲးကပဲၢ်တီၤပဲၢ်သ့း ပီၢ်အဖဳးအစာ်ဘိစပဲၢ်တီၤပဲၢ်သ့းအပာ်နဳၤ. ကယါပၠၤအတပဲၢ်တီၤပဲၢ်သ့းအဖဳးနီးတစီာ် တပဲၢ် တီၤပဲၢ်တပွဲး အပာ်ထဲၢ်အသဓဳလ့ၤစဲာ်တပွဲၤနဳၤနီး.”
24“ယဒီဆးသံအတၱၢ်အမှး, ပၠၤထဲၢ်အဆီးခ့န့းယလ့ၢ်ကၱာ် အဘူၣ်စဲာ်ထဲၢ်အသဓဳလ့ၤယဲၤ တပွဲၤနဳၤ, နံၤဘဲာ်တဲၤအီၣ်အလၤထူလၤပျဳၤ, တခးဘဲာ်တဲၤစံးရးနီး, မၱာ်လှိထာ် ဝှါ တဲၤသံနံၤဘဲာ် တပွဲး တဲၤအီၣ်အလၤထူလၤပျဳၤ. 25ယဒီဆး သံ အတၱၢ်အမှး, အခၠၱးအကျၤဘဲာ်ထိခဳနူၤယဳၤ ထဲၢ်အသံတစီာ် ကသၱာ်ဟဲ ဘဲာ်ဘၱာ်စဲာ်အဖဳး အလ့ၢ်, ကၱာ်အသၱာ် ဟဲတစီာ်ကအီၣ်သမိဘဲာ်. 26အစာ်ဘိအပာ် သဲန့ၤမၱာ်တဲၤအီၣ်သမိအခၣ်ဝံၤနဳၤ, စအံာ်လၤကဲၤ စဖဳးတဲၤအီၣ်သမိအခၣ်ဝံၤကနဳၤလီၤလီၤ. 27ကၱာ်အဖျူအသရ့ာ် အကစံးရးတဲၤ, မၤနဲၢ်ဒဳၣ်, စမၱာ် ပၠၤအဖဳးအခဳးအစဲနဳၤ. 28ထဲးတမိၢ်တမှါပီၢ်မဲး, မၤနဲၢ် အခၠၱးနၣ်ရံၣ်ကဘဲာ်ကီထဲၢ်ပၠၤအအီၣ်လူၢ်ခဳး အပူၤ လဳစါစဲးတစီာ် ကသၱာ်ဟဲဘဲာ် ဘၱာ်စဲာ်ဖဳးအလ့ၢ်. 29ကၱာ်ကဝဲၢ်ထဳး က့ၤဒဳလူၢ်ခဳးနဳၤ, ကၱာ်အမဲၤတဲၤဝၱၤတစီာ် ကထာ်ပဳၤက့ၤကီ ဒဳတဲၤသမိ အပူၤ, မၱာ်ပၠၤအမဲၤကဲၤတဲၤကၱကဲာ်တစီာ်နဳၤကထာ်ပဳၤက့ၤကီ ဒဳတဲၤစံး ရးအပူၤနဳၤ.
အခးသဲသၱးယ့ၣ်ရှူးအနံၤခံတစီာ်
30“ယတမဲၤဇၤတဲၤ ယလဳၤယလၤတမံ နီး. အစာ်ဘိယသၱာ် ဟဲဘဲာ်ကၱာ်ယစံးရးတဲၤကၱာ် ယတဲၤစံးရးမၱာ်အတၱၢ်အမှး, မၤနဲၢ်ဒဳၣ်တဘဲာ်ယဝၢ်လှဲး ယတဲၤသးအဲးနံၤနီး, မၱာ် ပာ်အသဓဳလ့ၤယဲၤတပွဲၤအတဲၤ သးအဲးနံၤတခီ” စဒီၣ်ကဲၤလၢ်ဝၤဓဳၤ.
31“ယကခးဓဳမၤယနံၤခံသဲသၱးဒဳၣ်, တဲၤ ထဲၢ်ယဒီၣ်တစီာ်နဳၤ အတဘဲာ်လဲၤခးတပွဲး အစာ်ဘိ သဲသၱးအတၱၢ်အမှးနီး. 32အခး ယနံၤခံသဲသၱး အီၣ်ဝ့ၤတပွဲၤဗ့ၤ ကၱာ်စတဲၤခးယနံၤခံသဲသၱး မၱာ်အဘဲာ်. 33သံသဓဳလ့ၤကဲၤပၠၤဒဳ စီၤယိၤဟၣ်အီၣ် ကၱာ် စခးကဲၤတဲၤတၱၢ် တဲၤမှးအသဲသၱး. 34မၱာ်ယဲၤနဳၤယတနံၤဘဲာ်တဲၤခးသဲသၱးဒဳပၠၤအီၣ် နီး. ပရၤ ဆါ ယဒီၣ်တဲၤအယဳၤနဳၤမၱာ်စာ်ဘိထဲၢ်သံကလှိ ထာ် ပီၢ်နဳၤ. 35စမၱာ်ကဲၤမှၱးအူဒဳ အကဲၢ်လှၱလှူး လှၱဖြူးတမဲကၱာ် သံသးလဳၢ်သး လၤအံာ်တပွဲးဒဳ စတဲၤ လှၱအပူၤတဒဳးတဆး. 36ယတဲၤခးသဲသၱး မၱာ် အဓဳၤဒဳၣ်လံစီၤယိၤဟၣ်အဲ. မၤနဲၢ်, တဲၤဖၱးတဲၤမဲၤ ယပာ်နှးမဲၤယဲၤ တစီာ်မၱာ် သဲသၱးထဲၢ် ယပာ်သဓဳ လ့ၤကဲၤယဲၤနဳၤ. 37ကၱာ်ဒီယပာ်ထဲၢ် အသဓဳ လ့ၤယဲၤတပွဲၤ မၱာ်ကဲၤတဲၤခးယနံၤခံသဲသၱး. ပရၤဆါ သံတသၱာ် ဟဲကဲၤစလ့ၢ်တခးနီးနီး ကၱာ်သံတစာ် ထၱး စမူၢ်ကါတခးနီးနီး. 38သံတအီၣ်အံာ်ကဲၤ စလ့ၢ်စဝှဲးဒဳသံသးပူၤနီး, မၤနဲၢ်သံတဘူၣ်ကဲၤစဲာ်ထဲၢ် စသဓဳလ့ၤကဲၤတပွဲၤနီးအခဳးအစဲနဳၤ. 39သံဝၢ် လှဲးသအူသအဲးဝှါ စဲာ်စါထံ, သံကမဳၤမၱာ်သံနံၤဘဲာ်တဲၤ အီၣ် အလၤ ထူလၤပျဳၤ. အနှဲးနှဲးမၱာ် စဲာ်စါထံ ခးယနံၤ ခံသဲသၱးတခီ. 40မၱာ်သံနဳၤစာ်ဘိထဲၢ် သံကနံၤ ဘဲာ်ပီၢ်တဲၤအီၣ်သမိအနံၤခံနဳၤသံတသးအဲးလ့ၤထၱး တပွဲးယဲၤနီးတခီ” စဒီၣ်ကဲၤလၢ်ဝၤဓဳၤ.
41“ယတသးအဲးဝၢ်လှဲးတပွဲးပၠၤအတဲၤ ကီးအံာ်ထါအံာ်နီး. 42ပရၤဆါယသၱာ်ဟဲတပွဲး သံမၱာ်ပၠၤစာ်တဲၢ်နဳၤ, ကၱာ်သံတအီၣ် အံာ်ကဘၱာ်စဲာ်အတဲၤဘဲာ်လီၢ်သံသးပူၤနီးနဳၤ. 43ယလ့ၤကဲၤဒဳ ယပာ်အမံၤအပူၤ, မၱာ်သံတလဲၤခးကဲၤယဲၤနီး. မၱာ် ပၠၤ တပွဲၤပွဲၤကလ့ၤမၤ ဒဳစမံၤအပူၤဒဳၣ်, သံကလဲၤခးတပွဲး စဲာ်. 44သံသးအဲးနံၤတပွဲၤ ပၠၤ အတဲၤကီး အံာ်ထါအံာ်, ပရၤဆါသံတဝၢ်လှဲး တဲၤကီးအံာ်ထါ အံာ်ဒဳကဘၱာ်စဲာ်တပွဲၤလီၤအီၣ်နီးအစဲနဳၤ, သံကဘူၣ် ဒီယဲၤစာ်တဲၢ်. 45ကမဳၤမဲၤယကချီးသံဒဳ ကဘၱာ်စဲာ်အီၣ်နဳၤမဲး. ပၠၤအကချီး သံအီၣ်တပွဲၤမၱာ် စီၤမိၤၡ့ထဲၢ်သံဆးရှံအံာ်ကဲၤတပွဲၤနဳၤ. 46သံ ကဘူၣ်ဘ့ာ်မ့ စီၤမိၤ ရှ့ဒဳၣ်, သံကဘူၣ်တပွဲးယဲၤယဲၤ. မၤနဲၢ်, ယဝှ့းကဲၤယဝၱၤယကဲ. 47မၱာ်သံတဘူၣ်စတဲၤဝှ့းလၤနီၤဒဳၣ်, သံကဘူၣ်ဇၤဒီယတဲၤ ယၱၢ် ဘဲာ်စာ် တဲၢ်” စဒီၣ်လၣ်ဝၤတစီာ်ဓဳၤ.
ទើបបានជ្រើសរើសហើយ៖
ယိၤဟၣ် 5: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 5
5
တဲၤမဲၤမှးက့ၤဒဳထံနှီးအကါထၱးနဳၤ
1မဲၤဝှါ အလ့ၤကါယူဒၤဖဳးအပွဲအီၣ်ကဲၤ တပွဲ ကၱာ်ယ့ၣ်ရှူး ထာ်ကဲၤဒဳယရူၤၡလ့ၣ်အူးနဳၤ. 2ဒဳယရူၤၡလ့ၣ်အူး, အဘိးထၱး သဳ ခးကျဲၢ်နဳၤ ထံနှီးအီၣ် ကဲၤတနှီး. အတဓၢ်အီၣ်ယဲၢ်ဓဲ. ဧ့ၤဘြံၤဖဳးယဳၤအမံၤမၱာ် “ဘ့ၤသ့းစဒါ.” 3ဒဳတဓၢ်ခဳးနဳၤ, ပၠၤအရွှံးအဆဲ, အစူးသံ ခၣ်သံ, အခ့းဒ့းခံးကၢ်ဓူခံးဆီးမံလါ အီၣ်အဲး အီးအီး, အီၣ်ဆိဧိၢ်အံၤထံ ပးပၱးပးပီ. 4(မၤနဲၢ်ဒဳၣ်, ဘၱာ်စဲာ်အတဲၢ်နှဲဖဳးလၤမဲၤကမ့ၤအံာ်ထံ တပျာ်တပျာ်.) ထံပးပၱးပးပီအခဲ, အခဲလၤဓ့ၢ်နံၢ်ထံကျဲအအူဆူး တပွဲၤမှးက့ၤတပွဲး. 5ဘ့နဳၤပၠၤထဲၢ်တဲၤဆဲဖၱထာ်ကဲၤ ဆဳရှံအဒ့ာ်လွံၢ် သိးအဓၢ်ပူၤအီၣ်ကဲၤတပွဲၤ. 6ယ့ၣ်ရှူးစာ်ထၱးစအီၣ်အကီၢ်လၤ အီၣ်ယၱၢ်အီၣ်ကၠးကဲၤ ကနဳၤဒဳၣ်, “နသးအဲးမှးက့ၤတပွဲးဧါ” စဒီၣ် လၢ်ဝၤ ဓဳၤ.
7ပွဲၤဆဲဒီၣ်က့ၤစဲာ်, “ဆရၣ်, ဘ့ထံကမ့ၤ အခၠၱးနဳၤ, ပၠၤအဇၢ် လၤဓ့ၢ်နံၢ်ယဲၤထံကျဲတအီၣ်ကဲၤတဗွဲနီး, မၱာ်ဘ့ယလ့ၤကိအပျာ်နဳၤ အခဲ လၤဓ့ၢ် အူဆူး ယဲၤအီၣ်သဲာ်ယိတပွဲၤတပွဲၤ” စဒီဆးလၢ် ဝၤဓဳၤ.
8ယ့ၣ်ရှူးဒီၣ်စဲာ်, “ဝဲၢ်ထဳး, ဖၱးနရှံးဒဳဝှၱယၢ် ကၱာ်ခဲလ့ၤပီၢ်တခး” စဒီၣ်လၢ်ဝၤဓဳၤ. 9ဘ့နဳၤ, ပၠၤ အနဳၤတပွဲၤမှးက့ၤတနၢ်ကဲၤ ကၱာ်စဖၱးစရှံာ်ဒဳဝှၱ ယၢ်, ဝဲၢ်ထဳးဟဲးကဲၤ.
အနဳၤတနံၤမၱာ်ယူဒၤဖဳးအမူၤနံၤဆီးဒဲ. 10မဲၤကနဳၤယူဒၤဖဳးတစီာ်ဒီၣ်ကဲၤပွဲၤဆဲအမှးက့ၤ တပွဲၤ ကယဳၤ, “အယဳၤမၱာ်မူၤနံၤဆီဒဲ. နတဟဲး ဘံာ်အံာ်ဇၢ် အံာ်ဘဲာ်နရှံာ်ဒဳဝှၱယၢ်နီး” စဒီၣ်လၢ်ဝၤဓဳၤ.
11စဒီၣ်ရှံက့ၤလၢ်ဝၤတစီာ်, “ပၠၤအမဲၤမှး က့ၤယဲၤတပွဲၤဒီၣ် ယဲၤ, ဖၱးနရှံးဒဳဝှၱယၢ်ကၱာ်ခဲလ့ၤပီၢ်, စဒီၣ်ယဲၤဓဳၤ.”
12စဲာ်တစီာ်ဒဲစဲာ်, “အဒီၣ်နဲၤ, ဖၱးနရှံးဒဳ ဝှၱယၢ်ကၱာ်ခဲလ့ၤပီၢ်, တပွဲၤမၱာ်ပီၢ်ပွဲၤ,” စဲာ်တစီာ်ဒဲ လၢ်ဝၤဓဳၤ.
13ပရၤဆါ ပၠၤအဘဲာ်မဲၤမှးက့ၤတပွဲၤ တသၱာ်ဟဲကဲၤစဲာ်နီး. မၤနဲၢ်, ယ့ၣ်ရှူးဆဲးတပီၤပၠၤအပဳၤအဟီးအစဲနဳၤ.
14အလ့ၤကါ ယ့ၣ်ရှူးစာ်ထၱးစဲာ်ဒဳတဲၤ လှူၣ်ရှံၣ်အပူၤဒဳၣ်, စဒီၣ်လၢ်ဝၤ, “စာ်ပီၢ်, နမှး က့ၤ ထဳ. မဲၤပ့ၤပီၢ်မဲးတဲၤခီၣ်ဝဲၤမဲး. တမၱာ် နီးဒဳၣ်, တဲၤအဇၱၢ် ဒဳၣ်လံယဳၤကလၤဘဲာ်နဲၤ” စဒီၣ်လၢ်ဝၤ ဓဳၤ.
15ပၠၤအနဳၤတပွဲၤဟဲးကၱာ်ဒီဆးယူဒၤဖဳး တစီာ်ထဲၢ်အမဲၤမှး က့ၤစဲာ်မၱာ်ယ့ၣ်ရှူးနဳၤ. 16မဲၤ ကနဳၤယူဒၤဖဳးတစီာ် မဲၤပၤမဲၤ ဆဲ ကီယ့ၣ်ရှူးဒဳစမဲၤမှး က့ၤပၠၤမူၤနံၤဆီးဒဲအခဳးအစဲနဳၤ. 17ယ့ၣ် ရှူးဒီၣ်စဲာ်တစီာ်, “ယပာ်မဲၤဝ့ၤတဲၤထိခဳတနံၤယဳၤ, ကၱာ် ယမဲၤတဲၤတဲၤ” စဒီၣ်လၣ်ဝၤဓဳၤ.
18တဲၤအယဳၤအခဳးအစဲ ယူဒၤဖဳးတစီာ် သးအဲးမဲၤသံကီစဲာ် ဒဳစမဲၤကဲမူၤနံၤဆီးဒဲအချဳ, စယဳၤကဲၤ ကဘၱာ်စဲာ်စပာ်မၱာ်စမဲၤယၢ်သိးစန့ၤ ကဘၱာ် စဲာ်အခဳးအစဲနဳၤ.
ဘၱာ်စဲာ်ဖဳးအဖျူအသရ့ာ်
19ယ့ၣ်ရှူးဒီၣ်ရှံက့ၤစဲာ်တစီာ်ကယဳၤ, “ယဒီဆးသံအတၱၢ် အမှး, ပၠၤအဖဳးတမဲၤဇၤတဲၤစလဳၤစလၤ တမံနီး, မၱာ်စမဲၤအစာ်ဘိစစာ် ထၱးစပာ်မဲၤနဳၤလီၤ. ပာ်မဲၤအသရ့နဳၤဖဳးမဲၤကိာ်တပွဲး. 20အပာ်ဘဲာ် လီၢ်အဖဳးကၱာ်စဒဲလၱၢ်လၢ်ဝၤစမဲၤတဲၤတစီာ်နဳၤ. ကၱာ် စကဒဲလၱၢ်ကီ လၢ် ဝၤဘၱာ်စဲာ်အမူၤဒဳၣ်လံအယဳၤ စာ်ဘိထဲၢ် သံကထဲးတမိၢ်တမှါပီၢ်နဳၤ. 21အစာ်ဘိအပာ်ဘးဝဲၢ်ထဳးအသံတစီာ်ကၱာ် အံာ်လၢ်ဝၤ တဲၤ အီၣ်နဳၤ, အဖဳးမၱာ်မၱာ်ကအံာ်ကီပၠၤအရါတဲၤအီၣ်အစာ်ဘိ စသးအီၣ်အဓ့ နဳၤ. 22အပာ်တစံးရးပၠၤ တဗွဲနီး. မၱာ်စအံာ်လၤစဖဳးအဖျူအသရ့ာ် အကစံးရး တဲၤ, 23စာ်ဘိထဲၢ်ပၠၤလဳစါစဲးကပဲၢ်တီၤပဲၢ်သ့း ပီၢ်အဖဳးအစာ်ဘိစပဲၢ်တီၤပဲၢ်သ့းအပာ်နဳၤ. ကယါပၠၤအတပဲၢ်တီၤပဲၢ်သ့းအဖဳးနီးတစီာ် တပဲၢ် တီၤပဲၢ်တပွဲး အပာ်ထဲၢ်အသဓဳလ့ၤစဲာ်တပွဲၤနဳၤနီး.”
24“ယဒီဆးသံအတၱၢ်အမှး, ပၠၤထဲၢ်အဆီးခ့န့းယလ့ၢ်ကၱာ် အဘူၣ်စဲာ်ထဲၢ်အသဓဳလ့ၤယဲၤ တပွဲၤနဳၤ, နံၤဘဲာ်တဲၤအီၣ်အလၤထူလၤပျဳၤ, တခးဘဲာ်တဲၤစံးရးနီး, မၱာ်လှိထာ် ဝှါ တဲၤသံနံၤဘဲာ် တပွဲး တဲၤအီၣ်အလၤထူလၤပျဳၤ. 25ယဒီဆး သံ အတၱၢ်အမှး, အခၠၱးအကျၤဘဲာ်ထိခဳနူၤယဳၤ ထဲၢ်အသံတစီာ် ကသၱာ်ဟဲ ဘဲာ်ဘၱာ်စဲာ်အဖဳး အလ့ၢ်, ကၱာ်အသၱာ် ဟဲတစီာ်ကအီၣ်သမိဘဲာ်. 26အစာ်ဘိအပာ် သဲန့ၤမၱာ်တဲၤအီၣ်သမိအခၣ်ဝံၤနဳၤ, စအံာ်လၤကဲၤ စဖဳးတဲၤအီၣ်သမိအခၣ်ဝံၤကနဳၤလီၤလီၤ. 27ကၱာ်အဖျူအသရ့ာ် အကစံးရးတဲၤ, မၤနဲၢ်ဒဳၣ်, စမၱာ် ပၠၤအဖဳးအခဳးအစဲနဳၤ. 28ထဲးတမိၢ်တမှါပီၢ်မဲး, မၤနဲၢ် အခၠၱးနၣ်ရံၣ်ကဘဲာ်ကီထဲၢ်ပၠၤအအီၣ်လူၢ်ခဳး အပူၤ လဳစါစဲးတစီာ် ကသၱာ်ဟဲဘဲာ် ဘၱာ်စဲာ်ဖဳးအလ့ၢ်. 29ကၱာ်ကဝဲၢ်ထဳး က့ၤဒဳလူၢ်ခဳးနဳၤ, ကၱာ်အမဲၤတဲၤဝၱၤတစီာ် ကထာ်ပဳၤက့ၤကီ ဒဳတဲၤသမိ အပူၤ, မၱာ်ပၠၤအမဲၤကဲၤတဲၤကၱကဲာ်တစီာ်နဳၤကထာ်ပဳၤက့ၤကီ ဒဳတဲၤစံး ရးအပူၤနဳၤ.
အခးသဲသၱးယ့ၣ်ရှူးအနံၤခံတစီာ်
30“ယတမဲၤဇၤတဲၤ ယလဳၤယလၤတမံ နီး. အစာ်ဘိယသၱာ် ဟဲဘဲာ်ကၱာ်ယစံးရးတဲၤကၱာ် ယတဲၤစံးရးမၱာ်အတၱၢ်အမှး, မၤနဲၢ်ဒဳၣ်တဘဲာ်ယဝၢ်လှဲး ယတဲၤသးအဲးနံၤနီး, မၱာ် ပာ်အသဓဳလ့ၤယဲၤတပွဲၤအတဲၤ သးအဲးနံၤတခီ” စဒီၣ်ကဲၤလၢ်ဝၤဓဳၤ.
31“ယကခးဓဳမၤယနံၤခံသဲသၱးဒဳၣ်, တဲၤ ထဲၢ်ယဒီၣ်တစီာ်နဳၤ အတဘဲာ်လဲၤခးတပွဲး အစာ်ဘိ သဲသၱးအတၱၢ်အမှးနီး. 32အခး ယနံၤခံသဲသၱး အီၣ်ဝ့ၤတပွဲၤဗ့ၤ ကၱာ်စတဲၤခးယနံၤခံသဲသၱး မၱာ်အဘဲာ်. 33သံသဓဳလ့ၤကဲၤပၠၤဒဳ စီၤယိၤဟၣ်အီၣ် ကၱာ် စခးကဲၤတဲၤတၱၢ် တဲၤမှးအသဲသၱး. 34မၱာ်ယဲၤနဳၤယတနံၤဘဲာ်တဲၤခးသဲသၱးဒဳပၠၤအီၣ် နီး. ပရၤ ဆါ ယဒီၣ်တဲၤအယဳၤနဳၤမၱာ်စာ်ဘိထဲၢ်သံကလှိ ထာ် ပီၢ်နဳၤ. 35စမၱာ်ကဲၤမှၱးအူဒဳ အကဲၢ်လှၱလှူး လှၱဖြူးတမဲကၱာ် သံသးလဳၢ်သး လၤအံာ်တပွဲးဒဳ စတဲၤ လှၱအပူၤတဒဳးတဆး. 36ယတဲၤခးသဲသၱး မၱာ် အဓဳၤဒဳၣ်လံစီၤယိၤဟၣ်အဲ. မၤနဲၢ်, တဲၤဖၱးတဲၤမဲၤ ယပာ်နှးမဲၤယဲၤ တစီာ်မၱာ် သဲသၱးထဲၢ် ယပာ်သဓဳ လ့ၤကဲၤယဲၤနဳၤ. 37ကၱာ်ဒီယပာ်ထဲၢ် အသဓဳ လ့ၤယဲၤတပွဲၤ မၱာ်ကဲၤတဲၤခးယနံၤခံသဲသၱး. ပရၤဆါ သံတသၱာ် ဟဲကဲၤစလ့ၢ်တခးနီးနီး ကၱာ်သံတစာ် ထၱး စမူၢ်ကါတခးနီးနီး. 38သံတအီၣ်အံာ်ကဲၤ စလ့ၢ်စဝှဲးဒဳသံသးပူၤနီး, မၤနဲၢ်သံတဘူၣ်ကဲၤစဲာ်ထဲၢ် စသဓဳလ့ၤကဲၤတပွဲၤနီးအခဳးအစဲနဳၤ. 39သံဝၢ် လှဲးသအူသအဲးဝှါ စဲာ်စါထံ, သံကမဳၤမၱာ်သံနံၤဘဲာ်တဲၤ အီၣ် အလၤ ထူလၤပျဳၤ. အနှဲးနှဲးမၱာ် စဲာ်စါထံ ခးယနံၤ ခံသဲသၱးတခီ. 40မၱာ်သံနဳၤစာ်ဘိထဲၢ် သံကနံၤ ဘဲာ်ပီၢ်တဲၤအီၣ်သမိအနံၤခံနဳၤသံတသးအဲးလ့ၤထၱး တပွဲးယဲၤနီးတခီ” စဒီၣ်ကဲၤလၢ်ဝၤဓဳၤ.
41“ယတသးအဲးဝၢ်လှဲးတပွဲးပၠၤအတဲၤ ကီးအံာ်ထါအံာ်နီး. 42ပရၤဆါယသၱာ်ဟဲတပွဲး သံမၱာ်ပၠၤစာ်တဲၢ်နဳၤ, ကၱာ်သံတအီၣ် အံာ်ကဘၱာ်စဲာ်အတဲၤဘဲာ်လီၢ်သံသးပူၤနီးနဳၤ. 43ယလ့ၤကဲၤဒဳ ယပာ်အမံၤအပူၤ, မၱာ်သံတလဲၤခးကဲၤယဲၤနီး. မၱာ် ပၠၤ တပွဲၤပွဲၤကလ့ၤမၤ ဒဳစမံၤအပူၤဒဳၣ်, သံကလဲၤခးတပွဲး စဲာ်. 44သံသးအဲးနံၤတပွဲၤ ပၠၤ အတဲၤကီး အံာ်ထါအံာ်, ပရၤဆါသံတဝၢ်လှဲး တဲၤကီးအံာ်ထါ အံာ်ဒဳကဘၱာ်စဲာ်တပွဲၤလီၤအီၣ်နီးအစဲနဳၤ, သံကဘူၣ် ဒီယဲၤစာ်တဲၢ်. 45ကမဳၤမဲၤယကချီးသံဒဳ ကဘၱာ်စဲာ်အီၣ်နဳၤမဲး. ပၠၤအကချီး သံအီၣ်တပွဲၤမၱာ် စီၤမိၤၡ့ထဲၢ်သံဆးရှံအံာ်ကဲၤတပွဲၤနဳၤ. 46သံ ကဘူၣ်ဘ့ာ်မ့ စီၤမိၤ ရှ့ဒဳၣ်, သံကဘူၣ်တပွဲးယဲၤယဲၤ. မၤနဲၢ်, ယဝှ့းကဲၤယဝၱၤယကဲ. 47မၱာ်သံတဘူၣ်စတဲၤဝှ့းလၤနီၤဒဳၣ်, သံကဘူၣ်ဇၤဒီယတဲၤ ယၱၢ် ဘဲာ်စာ် တဲၢ်” စဒီၣ်လၣ်ဝၤတစီာ်ဓဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.