ယိၤဟၣ် 11
11
စီၤလါစရူးအတဲၤသံ
1ပၠၤအမံၤမၱာ်စီၤလါစရူးအအီၣ်ဒဳဘ့ၤသနံ တပွဲၤရွှံးကဲၤ. ဘ့ၤ သနံအဒဳမၱာ်နီၢ်မၤရၱကၱာ်စမဲၢ် နီၤမၢ်သၤအီၣ်ကဲၤအဒဳနဳၤ. 2(နီၢ်မၤ ရံအယဳၤ တပွဲၤမၱာ်အသိးဖြိးဘၱာ်စဲာ်အခၣ်ခီးကၱာ်တဲၤနှူဝံာ်ဝှါ အထိဘါအံာ် အခူၣ်လူတပွဲၤနဳၤ. စီၤလါစရူးအရွှံး တပွဲၤမၱာ်စပၱးကီ.) 3မဲၤကနဳၤ ဒဳၣ်, စမဲၢ်တစီာ် သဓဳလ့ၤကဲၤပၠၤအကလ့ၤယဳၤယ့ၣ်ရှူး, စဒီၣ်, “ဘၱာ်စဲာ်, နဘဲာ်လီၢ်တပွဲၤရွှံးကဲၤ,” စဒီၣ်လၢ်ဝၤဓဳၤ.
4ယ့ၣ်ရှူးသၱာ်ဟဲဘဲာ်တဲၤအယဳၤဒဳၣ်, စဒီၣ် လၢ်ဝၤတစီာ်ကယဳၤ, “တဲၤရွှံးတဲၤဆဲအယဳၤတဘဲာ်ထိသံထိအီၣ်နီး, မၱာ်ကဘၱာ်စဲာ်အတီၤ အသ့း အနံၤခံ, စာ်ဘိထဲၢ်ကဘၱာ်စဲာ်အဖဳးကဘဲာ်ပဲၢ်တီၤ ပဲၢ်သ့းပီၢ် စခဳး စစဲနဳၤတခီ,” စဒီၣ်ဓဳၤ.
5ယ့ၣ်ရှူးဘဲာ်လီၢ်ကဲၤနီၢ်မၢ်သၤ, စပၱးကီနီၢ်မၤရၱကၱာ် စီၤလါ စရူး. 6စသၱာ်ဟဲ ဘဲာ်နီၣ်သီ စီၤလါစရူး ရွှံးကဲၤနှီနူၤ, စအီၣ်ဝ့ၤ ဒဳနဳၤ ကၠံၢ်သဲပ့ၤ. 7မဲၤဝှါ အလ့ၤကါ စဒီၣ်ကဲၤ စပျဲၢ်စဘီၣ်တစီာ်, “ကလ့ၤ ဘးဒဳယူဒၤက့ၤတပျာ် ပ့ၤ,” စဒီၣ်လၢ်ဝၤတစီာ်ဓဳၤ.
8အပျဲၢ်အဘီၣ်တစီာ်ဒီၣ်ရှံစဲာ်, “ဆရၣ်, တအီၣ်ယၱၢ်အီၣ်ကၠး နှၱနီး ယူဒၤဖဳးတစီာ်ကမီဝှ့သံ ကဲၤနဲၤလဳၤ, မၱာ်နသးအဲးလ့ၤဝ့ၤတပွဲးဧါ,” စဒဲလၢ် ဝၤဓဳၤ.
9ယ့ၣ်ရှူးဒီၣ်ရှံက့ၤစဲာ်တစီာ်, “မူၤနံၤတနံၤ တနံၤမၱာ်အအီၣ် ရှံးကၠံၢ်နၣ်ရၱၣ်တဘဲာ်နီးဧါ. ဘ့ာ်မ့ ပၠၤတပွဲၤပွဲၤကဟဲးမၤလူၤမူၤဆဲးခဲဒဳၣ်, စတထဲသကူ တပွဲးနီး, မၤနဲၢ်ဒဳၣ်, စစာ်ထၱးလၢ်ခဳးအစဲနဳၤ. 10ပရၤဆါ စကဟဲးမၤလူၤမူၤနဲၤခဲဒဳၣ်, စကထဲသကူ တပွဲး, မၤနဲၢ်ဒဳၣ်, တဲၤလှၱတအီၣ်နီးအခဳးအစဲနဳၤ,” စဒီၣ်ကဲၤလၢ်ဝၤတစီာ်ဓဳၤ. 11စဒီဆးလၢ်ဝၤတစီာ်တဲၤကၱာ်အလ့ၤ ကါစဒီၣ် ဝ့ၤလၢ်ဝၤ, “ဝၤသီၣ်စီၤလါစရူးဆီမံကဲၤ. ပရၤဆါ ယလ့ၤ ကၱာ်ထဳးဝဲၢ်ကီစဲာ်,” စဒီၣ်ဓဳၤ.
12မဲၤကနဳၤဒဳၣ်, စပျဲၢ်စဘီၣ်တစီာ်ဒီၣ်ကဲၤ, “ဘၱာ်စဲာ်, စကဆီးမံဘ့ာ်မ့ဒဳၣ်, စကအီၣ်မှးထာ်က့ၤတပွဲး,” စဲာ်တစီာ်ဒီၣ်လၢ်ဝၤဓဳၤ.
13ဘ့နဳၤယ့ၣ်ရှူးဒီဆးစဲာ်တစီာ်တဲၤသံအဝၱၤအကဲ, ပရၤဆါ စဲာ်တစီာ်ကမဳၤမၱာ် တဲၤဆီးမံ ဆီဟး အဝၱၤအကဲလီၤ. 14မဲၤကနဳဒဳၣ်, ယ့ၣ်ရှူး ဒီၣ်လှၱ ထာ်ဖျီထာ်ကီကယဳၤ, “စီးလါစရူးသံထဳ. 15မၱာ်ယသးကနၢ်အံာ်ထဲၢ်ယတအီၣ်ဒဳနဳၤနီးမၱာ်သံခဳးသံ စဲ, စာ်ဘိထဲၢ်သံ ကဘူၣ်ပီၢ်ယဲၤနဳၤ. ကလ့ၤထၱးစဲာ် တခး,” စဒီၣ်လၢ်ဝၤဓဳၤ.
16စီၤသိၤမါ, ထဲၢ်ပၠၤယဳၤ (အအီၣ်သကဳ) တပွဲၤဒီၣ်ကဲၤစခီ ကလဳၢ်တစီာ်ကယဳၤ, “ဝၤကလ့ၤကဲၤ စာ်ဘိထဲၢ်ဝၤကသံပျဳာ်စဲာ်နဳၤ,” စဒီၣ်ကဲၤဓဳၤ.
ယ့ၣ်ရှူးမၱာ်တဲၤထာ်ပဳၤက့ၤကၱာ်တဲၤအီၣ်သမိ
17ဘ့ယ့ၣ်ရှူးလ့ၤဘးဓဳၤနဳၤ, ပၠၤဘူလါစဲာ် ဘးကဲၤလွံၢ်နံၤ လွံၢ်သဲကဲၤ. 18ဘ့ၤသနံမၱာ်အအီၣ်ဘိထၱးယရူၤၡလ့ၣ်အူး, အအီၣ်ဇၤဇဳၤကၠံၢ်မံးလး လီၤ, 19ကၱာ်ယူဒၤဖဳးအီၣ်အဲးအီးအီးလ့ၤထၱး ကဲၤနီၢ်မၢ်သၤကၱာ်နီၢ်မၤရၱ, စာ်ဘိထဲၢ်အကဒီၣ်ခူဒီၣ် မီၤစဲာ်တစီာ်ဒဳစသဲပူၤဝ့ၤအတဲၤသံအခဳးအစဲနဳၤ.
20ဘ့နီၢ်မၢ်သၤသၱာ်ဟဲဘဲာ်ယ့ၣ်ရှူးလ့ၤဒဳၣ်, စလ့ၤရှံလၢ်ဝၤအကျဲး. နီၢ်မၤရၱမၱာ်စအီၣ်ရှံၣ်ပူၤလီၤ. 21မဲၤကနဳၤဒဳၣ်, နီၢ်မၢ်သၤဒီၣ်ကဲၤယ့ၣ်ရှူး, “ဘၱာ်စဲာ်, နကအီၣ်မၤဘ့ယဳၤ ဒဳၣ်, ယပၱးကီတသံ မဲၤနီး. 22ပရၤဆါခဳနူၤယဳၤမၱာ် ယသၱာ်ဟဲ တပွဲး ထဲၢ်နကတၤကဘၱာ်စဲာ်တၤနဲၢ်မၱာ်စကအံာ်တပွဲးနဲၤ နဳၤ.”
23ယ့ၣ်ရှူးဒီၣ်ရှံက့ၤစဲာ်, “နပၱးကီကအီၣ် သမိတပွဲး,” စဒီၣ် လၢ်ဝၤဓဳၤ.
24နီၢ်မၢ်သၤဒီၣ်စဲာ်, “ယသၱာ်ဟဲတပွဲးစဝဲၢ် ထဳးကီဒဳတဲၤထာ် ပဳၤက့ၤအမူၤနံၤနဳၤထဲၢ်အကူဓူၤလါ တနံၤနဳၤ,” စဒီၣ်လၢ်ဝၤဓဳၤ.
25ယ့ၣ်ရှူးဒီၣ်စဲာ်, “ယမၱာ်တဲၤထာ်ပဳၤက့ၤ ကၱာ်တဲၤအီၣ်သမိ. ပၠၤအဘူၣ်ယဲၤတပွဲၤနဳၤ, စသံနီၣ် သီ, စသမိတပွဲး, 26ကၱာ်ကယါ ပၠၤအအီၣ်သမိ ကၱာ်အဘူၣ်ယဲၤတပွဲၤနဳၤတသံဘဲာ်တပျါနီး. နဘူၣ်တပွဲး တဲၤအယဳၤဧါ,” စဒဲလၢ်ဝၤဓဳၤ.
27စဒီၣ်ရှံက့ၤလၢ်ဝၤ, “ဘဲာ်ဟဳဘၱာ်စဲာ်, ယဘူၣ်တပွဲးထဲၢ်နမၱာ်ခရၱာ်, ကဘၱာ်စဲာ်အဖဳး, အကလၤဘဲာ်ဒဳလၢ်ခဳးယဳၤတပွဲၤနဳၤ.”
ယ့ၣ်ရှူးအကၢ်ဓူထံလၤ
28နီၢ်မၢ်သၤဒီၣ်ဝှါကယဳၤဒဳၣ်, စလ့ၤယဳၤ ဟူၣ်ဇီၤကဲၤစပၱး ကီ နီၢ်မၤရၱ, ကၱာ်ဒီၣ်ကဲၤ, “ဆရၣ် အီၣ်ဘ့ယဳၤကၱာ်စယဳၤနဲၤ,” စဒီဆးလၢ်ဝၤ ဓဳၤ. 29ဘ့နီၢ်မၤရၱသၱာ်ဟဲဘဲာ်တဲၤအယဳၤဒဳၣ်, စဝဲၢ်ထဳးပျာ်ပျါ ကၱာ် လ့ၤထၱးကဲၤလၢ်ဝၤ. 30ယ့ၣ်ရှူးတဓဳၤနံၢ် ဒဳပူၤနှၱနီး, မၱာ်စအီၣ်ဝ့ၤဒဳ အလ့ၤအကျဲး နီၢ်မၢ်သၤထဲး ကျဲၢ်နံၤစဲာ်နဳၤကလီ. 31ဘ့ပၠၤအဒီၣ် ခူဒီၣ်မီၤ နီၢ်မၤရၱတစီာ် စာ်ထၱးစဝဲၢ်ထဳးကၱာ်ဟဲးထာ်ပျာ်ပျါ ကဲၤရှံၣ်ဒဳၣ်ချဳ ဒဳၣ်, စလိၤကိာ်လၢ်ဝၤအလ့ၤကၱာ်ဒီၣ် ကဲၤ, “စကလ့ၤဟးဒဳလူၢ်ခဳးနဳၤလီၤ မီၢ်,” စဒီၣ်လှဲး လၢ်ဝၤဓဳၤ.
32ဘ့နီၢ်မၤရၱဓဳၤလ့ၤထၱးယ့ၣ်ရှူးကၱာ်ကဲာ် ထၱးလၢ်ဝၤနဳၤ, စကီၢ်လၤဘၱးတဒဲးလၢ်ဝၤအခၣ်ထၱး ကၱာ်စဒီၣ်, “ဘၱာ်စဲာ်, နကအီၣ်မၤဘ့ ယဳၤနဳၤ, တဘဲာ် ယပၱးကီကသံနီး,” စဒီၣ်လၢ်ဝၤဓဳၤ.
33ဘ့ယ့ၣ်ရှူးကဲာ်ထၱးနီၢ်မၤရၱဟး, ကၱာ် ယူဒၤဖဳးအလ့ၤကိာ်စကါတစီာ်ဟးဟးဒဳၣ်, စသး ဘဲာ်ဒိဆိးကၱာ်ကအဳကယၢ်ကဲၤ. 34ကၱာ်စဒဲကဲၤ ပၠၤတစီာ်, “သံဘူလါကဲၤစဲာ်ဒီၣ်လဲၢ်,” စဒီၣ်ဓဳၤ.
စဲာ်တစီာ်ဒီၣ်ရှံက့ၤ, “ဘၱာ်စဲာ်, လ့ၤစာ်ပီၢ်,” စဒီၣ် လၢ်ဝၤဓဳၤ.
35ဘ့နဳၤယ့ၣ်ရှူးဟးကဲၤ. 36မဲၤကနဳၤဒဳၣ်, ယူဒၤဖဳးတစီာ်ဒီၣ်ကဲၤ, “စာ်ပီၢ်, စဘဲာ် လီၢ်လၢ်ဝၤပွ့းတဲၢ်နဳၤ,” စဒီၣ်လှဲးလၢ်ဝၤဓဳၤ.
37ပရၤဆါ, စဲာ်တစီာ်ဒီၣ်ကဲၤ, “စဲာ်ထဲၢ်အမဲၤလှၱထာ်က့ၤပၠၤ အကၢ်ဓူတပွဲၤနဳၤ, တမဲၤကဲာ်ထာ် ကဲၤစာ်ဘိထဲၢ် အယဳၤတပွဲၤတသံဘဲာ် နီး နဳၤဧါ,” စဲာ်တစီာ်ဒီၣ်လှဲးကဲၤလၢ်ဝၤဓဳၤ.
စီၤလါစရူးဘဲာ်မဲၤသမိထာ်က့ၤ
38မဲၤကနဳၤဒဳၣ်, ဒဳတဲၤကအဳကယၢ်အပူၤ ယ့ၣ်ရှူးလ့ၤကဲၤဒဳ လူၢ်ခဳး, ဟးပျဳာ်ထဲၢ်ဆီးပူၤပၠၤဆးတအိဘံာ်အံာ်လဳၤတမဲနဳၤ. 39“ဘးကဲပီၢ်လဳၤ,” ယ့ၣ်ရှူးဒီၣ်ဓဳၤ.
နီၢ်မၢ်သၤထဲၢ်အသံတပွဲၤစမဲၢ်နဳၤဒီၣ်ကဲၤစဲာ်, “ဘၱာ်စဲာ်, စလၤအိထဳ ဧဲၤ. မၤနဲၢ်ဒဳၣ်, စသံဘး ထာ်ထဳလွံၢ်သဲထဳ.”
40ယ့ၣ်ရှူးဒီၣ်စဲာ်, “နကဘူၣ်မၤဒဳၣ်, နကစာ်ထၱးဘဲာ်တပွဲး ကဘၱာ်စဲာ်အတီၤအသ့းယဒီၣ် ထဳနဲၤဓဳၤတဘဲာ်နီးဧါ,” စဒီၣ်လၢ်ဝၤဓဳၤ. 41မဲၤ ကနဳၤ, ပၠၤတစီာ်ဘးဖျီးမံကဲကဲၤလဳၤ. ယ့ၣ်ရှူးယ့ၤ ထာ် အကဳာ်ကၱာ်စဒီၣ်, “အဳအပာ်, နဆီးခ့န့းထဳ ယဲၤအခဳး အစဲ, ယထါထာ်အံာ်နလှူၣ်နတါလီၤ. 42မၱာ်ယသၱာ်ဟဲတပွဲးထဲၢ် နဆီးခ့န့းသဲာ်ယိယလ့ၢ်နဳၤ, ပရၤဆါ ပၠၤအဆီထဳးအီၣ်ခွဲဘးယဲၤတစီာ်အစဲ, ယဒီၣ်ကဲၤ တဲၤ အယဳၤစာ်ဘိထဲၢ်စဲာ်တစီာ်ကဘူၣ်ပီၢ်ထဲၢ်နသဓဳ လ့ၤ ကဲၤယဲၤနဳၤ.” 43ဘ့စဒီၣ်ဝှါကနဳၤ, စထဳထာ် စလ့ၢ်, စဒီၣ်, “အဳစီၤလါစရူး, ဟဲထာ် ပီၢ်တခး,” စဒီၣ် ဓဳၤ. 44ဘ့နဳၤလီၤ, အသံတပွဲၤဟဲးထာ်ကဲၤ, စစူး စခၣ်အီၣ် ပကၱကျဳၤအံာ်တကၱယၢ်, ကၱာ်စမူၢ် ကါပးပး. ယ့ၣ်ရှူးဒီၣ် စဲာ် တစီာ်, “ဘါပျဲးကဲစဲာ်ကၱာ် စကဟဲးဒီဧဲၤ,” စဒီၣ်ပၠၤဓဳၤ.
တဲၤကဳတဲၤကၠးအကမဲၤသံယ့ၣ်ရှူး
(မး ၂၆:၁-၅, မၢ် ၁၄:၁-၂, လူၤ ၂၂:၁-၂)
45ယူဒၤဖဳးအီၣ်အဲပွဲၤထဲၢ်အလ့ၤထၱး နီၢ်မၤရၱကၱာ်အစာ်ထၱးဝှါ ယ့ၣ်ရှူးမဲၤတဲၤတစီာ်နဳၤဒဳၣ်, စဘူၣ်ကဲၤလၢ်ဝၤ. 46ပရၤဆါစဲာ်တစီာ် လ့ၤထၱးကဲၤဖၤရၱၤရှဲဖဳးကၱာ်ဒီဆးကဲၤစဲာ်တစီာ်ထဲၢ် ယ့ၣ်ရှူးမဲၤကဲၤတၤ နဲၢ်နဳၤ. 47မဲၤကနဳၤဒဳ, ပၠၤလှူၣ်တဲၤအဓဳၤတစီာ်ကၱာ်ဖၤရၱၤရှဲဖဳးတစီာ် လၤ တ့ၢ်ပျဳာ်လၢ်ဝၤကၱာ်ဒီၣ်ကဲၤ, “ဝၤကမဲၤဘဲာ်ကဲၤ တၤနဲၢ်. ပၠၤအယဳၤ တပွဲၤ မဲၤကဲၤတဲၤစီးကျၱးစီးရှဲပွ့ တမံၤ. 48ဝၤကလဲၢ်သဒဲမၤစဲဒဳၣ်, ပၠၤလဳၢ်စါ စဲးကဘူၣ်စဲာ်ကၱာ်ရိမ့ၤဖဳးအခဳးအန့ၤတစီာ်ကလ့ၤ မဲၤကဲတပွဲး ဝၤတဲၤလှူၣ်ရှံၣ်ကၱာ်ဝၤပၠၤခွံဖဳး,” စဒီၣ် လှဲးလၢ်ဝၤဓဳၤ.
49ပရၤဆါ, ဒဳစဲာ်တစီာ်အကျဲထဲၢ် စီၤကၤယါဖၤ, ထဲၢ်အမၱာ် ပၠၤလှူၣ်တဲၤအဓဳၤအခဳး ဘ့အနဳၤတဒ့ာ်နဳၤဒီၣ်စဲာ်တစီာ်, “သံတသၱာ်ဟဲ တမံနီး. 50သံတကမဳၤစာ်ကဲၤပၠၤတပွဲၤကသံနံၤခံဘဲာ် ပၠၤအလဝ့ၤတစီာ်စာ်ဘိထဲၢ်ထံက့ၤဖဳးလဳစါစဲး တကဲတအိးပီၢ်နီးနဳၤ,” စဒီၣ်လၢ်ဝၤဓဳၤ. 51ပရၤဆါဒဳၣ်, တဲၤယၱၢ်ဘဲာ်အယဳၤတစီာ်တဘဲာ် စီၤကၤယါဖၤဒီၣ် ဓီအအဲနီး. စမၱာ်ကဲၤပၠၤလှူၣ်တဲၤအဓဳၤ အခဳးဘ့အနဳၤတဒ့ာ်နဳၤအခဳးအစဲ, စဒီၣ်တီၤလီၤ ကဲၤ တဲၤယၱၢ် ဘဲာ်အစာ်ဘိဝံတပွဲၤအခီ, ထဲၢ်ယ့ၣ်ရှူး ကခးဘဲာ်တဲၤသံ ဒဳယူဒၤအခွံဖဳးလဳစါစဲးအနံၤခံနဳၤ. 52ကၱာ်တဘဲာ် ထ့စဲာ်တစီာ်အနံၤခံလီၤနီး, မၱာ် စာ်ဘိထဲၢ်ကဘၱာ်စဲာ်အပၠၤထဲၢ် အအီၣ် ဖြူးလၤဖြၱထာ် တစီာ်ကဘဲာ်ထူးပျဳာ်က့ၤတဖဳးလီၤနဳၤ.
53ဘ့နဳၤဖျီအလှီမီၢ်, စဲာ်တစီာ် ကဳထာ်ကၠး လၤကဲၤအကမဲၤ သံယ့ၣ်ရှူး. 54မဲၤကနဳၤဒဳၣ်, ယ့ၣ်ရှူးတဟဲးထာ်ဟဲးလၤဇၱ ပ့ၤယူ ဒၤဖဳးတစီာ် အကျဲနီး, မၱာ်စက့ၤဘးကဲၤဒဳ လဳၤသံမံးဇ့ၤခဳးတခီ ဒဳအူးထဲၢ် ပၠၤယဳၤအမံၤအ့ဖရဲၣ်တအူးနဳၤကၱာ် စအီၣ်ပျဳာ်ကဲၤစပျဲၢ်စဘီၣ်တစီာ်ဘ့နဳၤ.
55ဘ့နဳၤအခၠၱးယူဒၤဖဳးပွဲးလ့ၤတလိး ဘိး ထၱးကဲၤ, ကၱာ်ဒီယူ ဒၤဖဳးအအီၣ်ဒဳဒဳဖါ အလဝ့ၤတစီာ် လ့ၤတီၤလီၤကဲၤဒဳ ယရူၤၡလ့ၣ်အူး, စာ်ဘိထဲၢ် စကမဲၤပျၱမဲၤစါစန့ၤအနံၤခံနဳၤ. 56စဲာ်တစီာ်ဝၢ်လှဲး ကဲၤယ့ၣ်ရှူး. ဘ့စဲာ်တစီာ်ဆီထဳး အီၣ်ဒဳတဲၤလှူၣ်ရှံၣ် အပူၤနဳၤ, စလၤဒီၣ် လှဲးလၢ်ဝၤ, “သံကမဳၤစာ်တဲၢ်. စတထာ်ပွဲပူၤနီးလီၤမီၢ်,” စဒဲလှဲးလၢ်ဝၤ ဓဳၤ. 57ပၠၤလှူၣ်တဲၤအဓဳၤတစီာ် ကၱာ်ဖၤရၱၤရှဲဖဳးတစီာ် အံာ်လၤ တဲၤ မှးလၤထဲၢ် ပၠၤအရါအကသၱာ်ဟဲ စအီၣ်တဲၤအလ့ၤတလၢ်လၢ်ဒဳၣ်, အကဒီဆးဘဲာ်စာ်ဘိထဲၢ်စကဖီး ပီၢ်လၢ်ဝၤနဳၤ.
ទើបបានជ្រើសរើសហើយ៖
ယိၤဟၣ် 11: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 11
11
စီၤလါစရူးအတဲၤသံ
1ပၠၤအမံၤမၱာ်စီၤလါစရူးအအီၣ်ဒဳဘ့ၤသနံ တပွဲၤရွှံးကဲၤ. ဘ့ၤ သနံအဒဳမၱာ်နီၢ်မၤရၱကၱာ်စမဲၢ် နီၤမၢ်သၤအီၣ်ကဲၤအဒဳနဳၤ. 2(နီၢ်မၤ ရံအယဳၤ တပွဲၤမၱာ်အသိးဖြိးဘၱာ်စဲာ်အခၣ်ခီးကၱာ်တဲၤနှူဝံာ်ဝှါ အထိဘါအံာ် အခူၣ်လူတပွဲၤနဳၤ. စီၤလါစရူးအရွှံး တပွဲၤမၱာ်စပၱးကီ.) 3မဲၤကနဳၤ ဒဳၣ်, စမဲၢ်တစီာ် သဓဳလ့ၤကဲၤပၠၤအကလ့ၤယဳၤယ့ၣ်ရှူး, စဒီၣ်, “ဘၱာ်စဲာ်, နဘဲာ်လီၢ်တပွဲၤရွှံးကဲၤ,” စဒီၣ်လၢ်ဝၤဓဳၤ.
4ယ့ၣ်ရှူးသၱာ်ဟဲဘဲာ်တဲၤအယဳၤဒဳၣ်, စဒီၣ် လၢ်ဝၤတစီာ်ကယဳၤ, “တဲၤရွှံးတဲၤဆဲအယဳၤတဘဲာ်ထိသံထိအီၣ်နီး, မၱာ်ကဘၱာ်စဲာ်အတီၤ အသ့း အနံၤခံ, စာ်ဘိထဲၢ်ကဘၱာ်စဲာ်အဖဳးကဘဲာ်ပဲၢ်တီၤ ပဲၢ်သ့းပီၢ် စခဳး စစဲနဳၤတခီ,” စဒီၣ်ဓဳၤ.
5ယ့ၣ်ရှူးဘဲာ်လီၢ်ကဲၤနီၢ်မၢ်သၤ, စပၱးကီနီၢ်မၤရၱကၱာ် စီၤလါ စရူး. 6စသၱာ်ဟဲ ဘဲာ်နီၣ်သီ စီၤလါစရူး ရွှံးကဲၤနှီနူၤ, စအီၣ်ဝ့ၤ ဒဳနဳၤ ကၠံၢ်သဲပ့ၤ. 7မဲၤဝှါ အလ့ၤကါ စဒီၣ်ကဲၤ စပျဲၢ်စဘီၣ်တစီာ်, “ကလ့ၤ ဘးဒဳယူဒၤက့ၤတပျာ် ပ့ၤ,” စဒီၣ်လၢ်ဝၤတစီာ်ဓဳၤ.
8အပျဲၢ်အဘီၣ်တစီာ်ဒီၣ်ရှံစဲာ်, “ဆရၣ်, တအီၣ်ယၱၢ်အီၣ်ကၠး နှၱနီး ယူဒၤဖဳးတစီာ်ကမီဝှ့သံ ကဲၤနဲၤလဳၤ, မၱာ်နသးအဲးလ့ၤဝ့ၤတပွဲးဧါ,” စဒဲလၢ် ဝၤဓဳၤ.
9ယ့ၣ်ရှူးဒီၣ်ရှံက့ၤစဲာ်တစီာ်, “မူၤနံၤတနံၤ တနံၤမၱာ်အအီၣ် ရှံးကၠံၢ်နၣ်ရၱၣ်တဘဲာ်နီးဧါ. ဘ့ာ်မ့ ပၠၤတပွဲၤပွဲၤကဟဲးမၤလူၤမူၤဆဲးခဲဒဳၣ်, စတထဲသကူ တပွဲးနီး, မၤနဲၢ်ဒဳၣ်, စစာ်ထၱးလၢ်ခဳးအစဲနဳၤ. 10ပရၤဆါ စကဟဲးမၤလူၤမူၤနဲၤခဲဒဳၣ်, စကထဲသကူ တပွဲး, မၤနဲၢ်ဒဳၣ်, တဲၤလှၱတအီၣ်နီးအခဳးအစဲနဳၤ,” စဒီၣ်ကဲၤလၢ်ဝၤတစီာ်ဓဳၤ. 11စဒီဆးလၢ်ဝၤတစီာ်တဲၤကၱာ်အလ့ၤ ကါစဒီၣ် ဝ့ၤလၢ်ဝၤ, “ဝၤသီၣ်စီၤလါစရူးဆီမံကဲၤ. ပရၤဆါ ယလ့ၤ ကၱာ်ထဳးဝဲၢ်ကီစဲာ်,” စဒီၣ်ဓဳၤ.
12မဲၤကနဳၤဒဳၣ်, စပျဲၢ်စဘီၣ်တစီာ်ဒီၣ်ကဲၤ, “ဘၱာ်စဲာ်, စကဆီးမံဘ့ာ်မ့ဒဳၣ်, စကအီၣ်မှးထာ်က့ၤတပွဲး,” စဲာ်တစီာ်ဒီၣ်လၢ်ဝၤဓဳၤ.
13ဘ့နဳၤယ့ၣ်ရှူးဒီဆးစဲာ်တစီာ်တဲၤသံအဝၱၤအကဲ, ပရၤဆါ စဲာ်တစီာ်ကမဳၤမၱာ် တဲၤဆီးမံ ဆီဟး အဝၱၤအကဲလီၤ. 14မဲၤကနဳဒဳၣ်, ယ့ၣ်ရှူး ဒီၣ်လှၱ ထာ်ဖျီထာ်ကီကယဳၤ, “စီးလါစရူးသံထဳ. 15မၱာ်ယသးကနၢ်အံာ်ထဲၢ်ယတအီၣ်ဒဳနဳၤနီးမၱာ်သံခဳးသံ စဲ, စာ်ဘိထဲၢ်သံ ကဘူၣ်ပီၢ်ယဲၤနဳၤ. ကလ့ၤထၱးစဲာ် တခး,” စဒီၣ်လၢ်ဝၤဓဳၤ.
16စီၤသိၤမါ, ထဲၢ်ပၠၤယဳၤ (အအီၣ်သကဳ) တပွဲၤဒီၣ်ကဲၤစခီ ကလဳၢ်တစီာ်ကယဳၤ, “ဝၤကလ့ၤကဲၤ စာ်ဘိထဲၢ်ဝၤကသံပျဳာ်စဲာ်နဳၤ,” စဒီၣ်ကဲၤဓဳၤ.
ယ့ၣ်ရှူးမၱာ်တဲၤထာ်ပဳၤက့ၤကၱာ်တဲၤအီၣ်သမိ
17ဘ့ယ့ၣ်ရှူးလ့ၤဘးဓဳၤနဳၤ, ပၠၤဘူလါစဲာ် ဘးကဲၤလွံၢ်နံၤ လွံၢ်သဲကဲၤ. 18ဘ့ၤသနံမၱာ်အအီၣ်ဘိထၱးယရူၤၡလ့ၣ်အူး, အအီၣ်ဇၤဇဳၤကၠံၢ်မံးလး လီၤ, 19ကၱာ်ယူဒၤဖဳးအီၣ်အဲးအီးအီးလ့ၤထၱး ကဲၤနီၢ်မၢ်သၤကၱာ်နီၢ်မၤရၱ, စာ်ဘိထဲၢ်အကဒီၣ်ခူဒီၣ် မီၤစဲာ်တစီာ်ဒဳစသဲပူၤဝ့ၤအတဲၤသံအခဳးအစဲနဳၤ.
20ဘ့နီၢ်မၢ်သၤသၱာ်ဟဲဘဲာ်ယ့ၣ်ရှူးလ့ၤဒဳၣ်, စလ့ၤရှံလၢ်ဝၤအကျဲး. နီၢ်မၤရၱမၱာ်စအီၣ်ရှံၣ်ပူၤလီၤ. 21မဲၤကနဳၤဒဳၣ်, နီၢ်မၢ်သၤဒီၣ်ကဲၤယ့ၣ်ရှူး, “ဘၱာ်စဲာ်, နကအီၣ်မၤဘ့ယဳၤ ဒဳၣ်, ယပၱးကီတသံ မဲၤနီး. 22ပရၤဆါခဳနူၤယဳၤမၱာ် ယသၱာ်ဟဲ တပွဲး ထဲၢ်နကတၤကဘၱာ်စဲာ်တၤနဲၢ်မၱာ်စကအံာ်တပွဲးနဲၤ နဳၤ.”
23ယ့ၣ်ရှူးဒီၣ်ရှံက့ၤစဲာ်, “နပၱးကီကအီၣ် သမိတပွဲး,” စဒီၣ် လၢ်ဝၤဓဳၤ.
24နီၢ်မၢ်သၤဒီၣ်စဲာ်, “ယသၱာ်ဟဲတပွဲးစဝဲၢ် ထဳးကီဒဳတဲၤထာ် ပဳၤက့ၤအမူၤနံၤနဳၤထဲၢ်အကူဓူၤလါ တနံၤနဳၤ,” စဒီၣ်လၢ်ဝၤဓဳၤ.
25ယ့ၣ်ရှူးဒီၣ်စဲာ်, “ယမၱာ်တဲၤထာ်ပဳၤက့ၤ ကၱာ်တဲၤအီၣ်သမိ. ပၠၤအဘူၣ်ယဲၤတပွဲၤနဳၤ, စသံနီၣ် သီ, စသမိတပွဲး, 26ကၱာ်ကယါ ပၠၤအအီၣ်သမိ ကၱာ်အဘူၣ်ယဲၤတပွဲၤနဳၤတသံဘဲာ်တပျါနီး. နဘူၣ်တပွဲး တဲၤအယဳၤဧါ,” စဒဲလၢ်ဝၤဓဳၤ.
27စဒီၣ်ရှံက့ၤလၢ်ဝၤ, “ဘဲာ်ဟဳဘၱာ်စဲာ်, ယဘူၣ်တပွဲးထဲၢ်နမၱာ်ခရၱာ်, ကဘၱာ်စဲာ်အဖဳး, အကလၤဘဲာ်ဒဳလၢ်ခဳးယဳၤတပွဲၤနဳၤ.”
ယ့ၣ်ရှူးအကၢ်ဓူထံလၤ
28နီၢ်မၢ်သၤဒီၣ်ဝှါကယဳၤဒဳၣ်, စလ့ၤယဳၤ ဟူၣ်ဇီၤကဲၤစပၱး ကီ နီၢ်မၤရၱ, ကၱာ်ဒီၣ်ကဲၤ, “ဆရၣ် အီၣ်ဘ့ယဳၤကၱာ်စယဳၤနဲၤ,” စဒီဆးလၢ်ဝၤ ဓဳၤ. 29ဘ့နီၢ်မၤရၱသၱာ်ဟဲဘဲာ်တဲၤအယဳၤဒဳၣ်, စဝဲၢ်ထဳးပျာ်ပျါ ကၱာ် လ့ၤထၱးကဲၤလၢ်ဝၤ. 30ယ့ၣ်ရှူးတဓဳၤနံၢ် ဒဳပူၤနှၱနီး, မၱာ်စအီၣ်ဝ့ၤဒဳ အလ့ၤအကျဲး နီၢ်မၢ်သၤထဲး ကျဲၢ်နံၤစဲာ်နဳၤကလီ. 31ဘ့ပၠၤအဒီၣ် ခူဒီၣ်မီၤ နီၢ်မၤရၱတစီာ် စာ်ထၱးစဝဲၢ်ထဳးကၱာ်ဟဲးထာ်ပျာ်ပျါ ကဲၤရှံၣ်ဒဳၣ်ချဳ ဒဳၣ်, စလိၤကိာ်လၢ်ဝၤအလ့ၤကၱာ်ဒီၣ် ကဲၤ, “စကလ့ၤဟးဒဳလူၢ်ခဳးနဳၤလီၤ မီၢ်,” စဒီၣ်လှဲး လၢ်ဝၤဓဳၤ.
32ဘ့နီၢ်မၤရၱဓဳၤလ့ၤထၱးယ့ၣ်ရှူးကၱာ်ကဲာ် ထၱးလၢ်ဝၤနဳၤ, စကီၢ်လၤဘၱးတဒဲးလၢ်ဝၤအခၣ်ထၱး ကၱာ်စဒီၣ်, “ဘၱာ်စဲာ်, နကအီၣ်မၤဘ့ ယဳၤနဳၤ, တဘဲာ် ယပၱးကီကသံနီး,” စဒီၣ်လၢ်ဝၤဓဳၤ.
33ဘ့ယ့ၣ်ရှူးကဲာ်ထၱးနီၢ်မၤရၱဟး, ကၱာ် ယူဒၤဖဳးအလ့ၤကိာ်စကါတစီာ်ဟးဟးဒဳၣ်, စသး ဘဲာ်ဒိဆိးကၱာ်ကအဳကယၢ်ကဲၤ. 34ကၱာ်စဒဲကဲၤ ပၠၤတစီာ်, “သံဘူလါကဲၤစဲာ်ဒီၣ်လဲၢ်,” စဒီၣ်ဓဳၤ.
စဲာ်တစီာ်ဒီၣ်ရှံက့ၤ, “ဘၱာ်စဲာ်, လ့ၤစာ်ပီၢ်,” စဒီၣ် လၢ်ဝၤဓဳၤ.
35ဘ့နဳၤယ့ၣ်ရှူးဟးကဲၤ. 36မဲၤကနဳၤဒဳၣ်, ယူဒၤဖဳးတစီာ်ဒီၣ်ကဲၤ, “စာ်ပီၢ်, စဘဲာ် လီၢ်လၢ်ဝၤပွ့းတဲၢ်နဳၤ,” စဒီၣ်လှဲးလၢ်ဝၤဓဳၤ.
37ပရၤဆါ, စဲာ်တစီာ်ဒီၣ်ကဲၤ, “စဲာ်ထဲၢ်အမဲၤလှၱထာ်က့ၤပၠၤ အကၢ်ဓူတပွဲၤနဳၤ, တမဲၤကဲာ်ထာ် ကဲၤစာ်ဘိထဲၢ် အယဳၤတပွဲၤတသံဘဲာ် နီး နဳၤဧါ,” စဲာ်တစီာ်ဒီၣ်လှဲးကဲၤလၢ်ဝၤဓဳၤ.
စီၤလါစရူးဘဲာ်မဲၤသမိထာ်က့ၤ
38မဲၤကနဳၤဒဳၣ်, ဒဳတဲၤကအဳကယၢ်အပူၤ ယ့ၣ်ရှူးလ့ၤကဲၤဒဳ လူၢ်ခဳး, ဟးပျဳာ်ထဲၢ်ဆီးပူၤပၠၤဆးတအိဘံာ်အံာ်လဳၤတမဲနဳၤ. 39“ဘးကဲပီၢ်လဳၤ,” ယ့ၣ်ရှူးဒီၣ်ဓဳၤ.
နီၢ်မၢ်သၤထဲၢ်အသံတပွဲၤစမဲၢ်နဳၤဒီၣ်ကဲၤစဲာ်, “ဘၱာ်စဲာ်, စလၤအိထဳ ဧဲၤ. မၤနဲၢ်ဒဳၣ်, စသံဘး ထာ်ထဳလွံၢ်သဲထဳ.”
40ယ့ၣ်ရှူးဒီၣ်စဲာ်, “နကဘူၣ်မၤဒဳၣ်, နကစာ်ထၱးဘဲာ်တပွဲး ကဘၱာ်စဲာ်အတီၤအသ့းယဒီၣ် ထဳနဲၤဓဳၤတဘဲာ်နီးဧါ,” စဒီၣ်လၢ်ဝၤဓဳၤ. 41မဲၤ ကနဳၤ, ပၠၤတစီာ်ဘးဖျီးမံကဲကဲၤလဳၤ. ယ့ၣ်ရှူးယ့ၤ ထာ် အကဳာ်ကၱာ်စဒီၣ်, “အဳအပာ်, နဆီးခ့န့းထဳ ယဲၤအခဳး အစဲ, ယထါထာ်အံာ်နလှူၣ်နတါလီၤ. 42မၱာ်ယသၱာ်ဟဲတပွဲးထဲၢ် နဆီးခ့န့းသဲာ်ယိယလ့ၢ်နဳၤ, ပရၤဆါ ပၠၤအဆီထဳးအီၣ်ခွဲဘးယဲၤတစီာ်အစဲ, ယဒီၣ်ကဲၤ တဲၤ အယဳၤစာ်ဘိထဲၢ်စဲာ်တစီာ်ကဘူၣ်ပီၢ်ထဲၢ်နသဓဳ လ့ၤ ကဲၤယဲၤနဳၤ.” 43ဘ့စဒီၣ်ဝှါကနဳၤ, စထဳထာ် စလ့ၢ်, စဒီၣ်, “အဳစီၤလါစရူး, ဟဲထာ် ပီၢ်တခး,” စဒီၣ် ဓဳၤ. 44ဘ့နဳၤလီၤ, အသံတပွဲၤဟဲးထာ်ကဲၤ, စစူး စခၣ်အီၣ် ပကၱကျဳၤအံာ်တကၱယၢ်, ကၱာ်စမူၢ် ကါပးပး. ယ့ၣ်ရှူးဒီၣ် စဲာ် တစီာ်, “ဘါပျဲးကဲစဲာ်ကၱာ် စကဟဲးဒီဧဲၤ,” စဒီၣ်ပၠၤဓဳၤ.
တဲၤကဳတဲၤကၠးအကမဲၤသံယ့ၣ်ရှူး
(မး ၂၆:၁-၅, မၢ် ၁၄:၁-၂, လူၤ ၂၂:၁-၂)
45ယူဒၤဖဳးအီၣ်အဲပွဲၤထဲၢ်အလ့ၤထၱး နီၢ်မၤရၱကၱာ်အစာ်ထၱးဝှါ ယ့ၣ်ရှူးမဲၤတဲၤတစီာ်နဳၤဒဳၣ်, စဘူၣ်ကဲၤလၢ်ဝၤ. 46ပရၤဆါစဲာ်တစီာ် လ့ၤထၱးကဲၤဖၤရၱၤရှဲဖဳးကၱာ်ဒီဆးကဲၤစဲာ်တစီာ်ထဲၢ် ယ့ၣ်ရှူးမဲၤကဲၤတၤ နဲၢ်နဳၤ. 47မဲၤကနဳၤဒဳ, ပၠၤလှူၣ်တဲၤအဓဳၤတစီာ်ကၱာ်ဖၤရၱၤရှဲဖဳးတစီာ် လၤ တ့ၢ်ပျဳာ်လၢ်ဝၤကၱာ်ဒီၣ်ကဲၤ, “ဝၤကမဲၤဘဲာ်ကဲၤ တၤနဲၢ်. ပၠၤအယဳၤ တပွဲၤ မဲၤကဲၤတဲၤစီးကျၱးစီးရှဲပွ့ တမံၤ. 48ဝၤကလဲၢ်သဒဲမၤစဲဒဳၣ်, ပၠၤလဳၢ်စါ စဲးကဘူၣ်စဲာ်ကၱာ်ရိမ့ၤဖဳးအခဳးအန့ၤတစီာ်ကလ့ၤ မဲၤကဲတပွဲး ဝၤတဲၤလှူၣ်ရှံၣ်ကၱာ်ဝၤပၠၤခွံဖဳး,” စဒီၣ် လှဲးလၢ်ဝၤဓဳၤ.
49ပရၤဆါ, ဒဳစဲာ်တစီာ်အကျဲထဲၢ် စီၤကၤယါဖၤ, ထဲၢ်အမၱာ် ပၠၤလှူၣ်တဲၤအဓဳၤအခဳး ဘ့အနဳၤတဒ့ာ်နဳၤဒီၣ်စဲာ်တစီာ်, “သံတသၱာ်ဟဲ တမံနီး. 50သံတကမဳၤစာ်ကဲၤပၠၤတပွဲၤကသံနံၤခံဘဲာ် ပၠၤအလဝ့ၤတစီာ်စာ်ဘိထဲၢ်ထံက့ၤဖဳးလဳစါစဲး တကဲတအိးပီၢ်နီးနဳၤ,” စဒီၣ်လၢ်ဝၤဓဳၤ. 51ပရၤဆါဒဳၣ်, တဲၤယၱၢ်ဘဲာ်အယဳၤတစီာ်တဘဲာ် စီၤကၤယါဖၤဒီၣ် ဓီအအဲနီး. စမၱာ်ကဲၤပၠၤလှူၣ်တဲၤအဓဳၤ အခဳးဘ့အနဳၤတဒ့ာ်နဳၤအခဳးအစဲ, စဒီၣ်တီၤလီၤ ကဲၤ တဲၤယၱၢ် ဘဲာ်အစာ်ဘိဝံတပွဲၤအခီ, ထဲၢ်ယ့ၣ်ရှူး ကခးဘဲာ်တဲၤသံ ဒဳယူဒၤအခွံဖဳးလဳစါစဲးအနံၤခံနဳၤ. 52ကၱာ်တဘဲာ် ထ့စဲာ်တစီာ်အနံၤခံလီၤနီး, မၱာ် စာ်ဘိထဲၢ်ကဘၱာ်စဲာ်အပၠၤထဲၢ် အအီၣ် ဖြူးလၤဖြၱထာ် တစီာ်ကဘဲာ်ထူးပျဳာ်က့ၤတဖဳးလီၤနဳၤ.
53ဘ့နဳၤဖျီအလှီမီၢ်, စဲာ်တစီာ် ကဳထာ်ကၠး လၤကဲၤအကမဲၤ သံယ့ၣ်ရှူး. 54မဲၤကနဳၤဒဳၣ်, ယ့ၣ်ရှူးတဟဲးထာ်ဟဲးလၤဇၱ ပ့ၤယူ ဒၤဖဳးတစီာ် အကျဲနီး, မၱာ်စက့ၤဘးကဲၤဒဳ လဳၤသံမံးဇ့ၤခဳးတခီ ဒဳအူးထဲၢ် ပၠၤယဳၤအမံၤအ့ဖရဲၣ်တအူးနဳၤကၱာ် စအီၣ်ပျဳာ်ကဲၤစပျဲၢ်စဘီၣ်တစီာ်ဘ့နဳၤ.
55ဘ့နဳၤအခၠၱးယူဒၤဖဳးပွဲးလ့ၤတလိး ဘိး ထၱးကဲၤ, ကၱာ်ဒီယူ ဒၤဖဳးအအီၣ်ဒဳဒဳဖါ အလဝ့ၤတစီာ် လ့ၤတီၤလီၤကဲၤဒဳ ယရူၤၡလ့ၣ်အူး, စာ်ဘိထဲၢ် စကမဲၤပျၱမဲၤစါစန့ၤအနံၤခံနဳၤ. 56စဲာ်တစီာ်ဝၢ်လှဲး ကဲၤယ့ၣ်ရှူး. ဘ့စဲာ်တစီာ်ဆီထဳး အီၣ်ဒဳတဲၤလှူၣ်ရှံၣ် အပူၤနဳၤ, စလၤဒီၣ် လှဲးလၢ်ဝၤ, “သံကမဳၤစာ်တဲၢ်. စတထာ်ပွဲပူၤနီးလီၤမီၢ်,” စဒဲလှဲးလၢ်ဝၤ ဓဳၤ. 57ပၠၤလှူၣ်တဲၤအဓဳၤတစီာ် ကၱာ်ဖၤရၱၤရှဲဖဳးတစီာ် အံာ်လၤ တဲၤ မှးလၤထဲၢ် ပၠၤအရါအကသၱာ်ဟဲ စအီၣ်တဲၤအလ့ၤတလၢ်လၢ်ဒဳၣ်, အကဒီဆးဘဲာ်စာ်ဘိထဲၢ်စကဖီး ပီၢ်လၢ်ဝၤနဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.