ယိၤဟၣ် 12
12
တဲၤထရိးယ့ၣ်ရှူးကၱာ်ဆံးနှူဝံာ်ဒဳဘ့ၤသနံဒဳနဳၤ
(မး ၂၆:၆-၁၃, မၢ် ၁၄:၃-၉)
1ဘ့တဲၤလ့ၤတလိးအပွဲတဘဲာ်နှၱနီးအနံၤ သါသိးနဳၤ, ယ့ၣ်ရှူး လ့ၤကဲၤဒဳဘ့ၤသနံအဒဳထဲၢ်စမဲၤ ထာ်ပဳၤက့ၤစီၤလါစရူးတဲၤ သံအကျဲတဒဳးဆီနဳၤ. 2ကၱာ်ပၠၤတစီာ်မဲၤနံၤစနံၤခံလူၤမူၤဟဲးအတဲၤအၣ်, နီၢ်မၢ် သၤမဲၤအီမဲၤအၣ်နံၤပၠၤ, မၱာ်စီၤလါစရူးအီၣ်ကိာ် ကဲၤယ့ၣ်ရှူးအကါ ဒဳဒၱဝၢ် ထၱးနဳၤ. 3နီၢ်မၤရၱဖၱး ဝှါဆံးနှူဝံာ်ထဲၢ်ပၠၤမဲၤအံာ်သဳာ်ထဳးနၢ်ဒူး အလံၢ်ဓဳၤ ပွၱၤသဲအပ့ထာ်တကဳဒဳၣ်, စလှီးလၤကဲၤ ယ့ၣ်ရှူးအခၣ် ခီးအလီၤ, ကၱာ်ထိဘါအံာ်ကဲၤစခူၣ်လူ. 4ဘ့နဳၤ စပျဲၢ်စဘီၣ်အကျဲအမံၤမၱာ် စီၤယူဒၤအံၣ်စကၤရံၤအိာ် ထဲၢ်အသးမီဟိလါ ကဲၤစဲာ်တပွဲၤဒီၣ်, 5“ဆံးနှူ ဝံာ်ယဳၤပၠၤတဆဲလါမၤ စဲာ်ဒန့ၤရံသဳကယဲၤအပူၤ ကၱာ် အံာ်မၤအဆဲးညဲဖဳးတစီာ်နီးနဲၢ်,” စဒီၣ်ကဲၤဓဳၤ. 6စဒီၣ်တဲၤယဳၤမၱာ်တဘဲာ်စခီၣ်ဝဲၤမှီးဘဲာ် အဆဲးညဲဖဳး တစီာ်အစဲနီး, မၱာ်စမၱာ်အအၣ်ဟူၣ်တဲၤ, အဖၱး ကျဳၤအံာ် ဝှိအကဳကၱာ်အဖၱးထာ်အနံၤခံတပွဲၤအခဳးအစဲနဳၤ.
7ယ့ၣ်ရှူးဒီၣ်စဲာ်, “စအီၣ်ဒီဧဲၤစဲာ်. စာ်ဘိ ထဲၢ်စကအီၣ်အံာ် ယတဲၤဘူလါအမူၤနံၤအနံၤခံနဳၤ. 8မၤနဲၢ်ကဒီၣ်ဓဳၤဒဳၣ်, အဆဲးညဲ ဖဳးအီၣ်ကိာ်သဲာ် ယိ သံကါ, မၱာ်ယဲၤယဳၤ, ယတအီၣ်ကိာ်သဲာ်ယိသံ ကါ နီး,” စဒီၣ်လၢ်ဝၤဓဳၤ.
တဲၤသးအဲးမဲၤသံစီၤလါစရူး
9ယူဒၤဖဳးတစီာ်သၱာ်ဟဲကဲၤယ့ၣ်ရှူးအီၣ် ဒဳနဳၤဒဳၣ်, ရူၤရူၤ, စလ့ၤကဲၤဓဳၤ. တဘဲာ်ထ့စဲာ်တစီာ်သးအဲးစာ်ထၱးယ့ၣ်ရှူးလီၤနီး, မၱာ်စသး အဲၤစာ်ထၱး စီၤလါစရူး, ထဲၢ်ယ့ၣ်ရှူးမဲၤသမိထာ်က့ၤဒဳ တဲၤသံကျဲ တပွဲၤ အခဳးအစဲနဳၤ. 10ပၠၤလှူၣ်တဲၤအဓဳၤ တစီာ် သးအဲးမဲၤသံကဲၤစီၤ လါစရူးပးပး. 11ဒဳစခဳး စစဲယူဒၤဖဳးအီၣ်အဲပွဲၤဟဲးသံဝံၢ်စဲာ်ကၱာ် ဘူၣ်ကဲၤယ့ၣ်ရှူး အခဳးအစဲနဳၤ.
တဲၤလ့ၤနံၢ်တဲၤဓီၤတဲၤသ့းအကျဲ ဒဳယရူၤၡလ့ၣ်အူး
(မး ၂၁:၁-၁၁, မၢ် ၁၁:၁-၁၁, လူၤ ၁၉:၂၈-၄၀)
12အလ့ၤကါတနံၤ ပၠၤအပဳၤအဟီးအခဲနံၢ် ပွဲပူၤတစီာ် ဘ့စသၱာ်ဟဲဘဲာ်ယ့ၣ်ရှူးကထာ်ယရူၤၡလ့ၣ် အူးပူၤဒဳၣ်, 13စဲာ်တစီာ် ကျ့ၤဝှါထါဘဲာ်အဖါ, လ့ၤရှံကဲၤစဲာ်ကျဲးလီၤတစီာ်. စကဲာ်ဧဳၤဒီလ့ၢ်ထာ်, “ဟိၣ်စဲနၤ, အဘဲာ်ဟိးဝၱၤမၱာ်ပၠၤအလ့ၤဒဳကဘၱာ်စဲာ်အမံၤအပူၤတပွဲၤနဳၤ. အဘဲာ်ဟိးဝၱၤမၱာ်အံၣ်စရ့လးအဆးဖြး,” စဒီၣ်ဓဳၤ.
14ယ့ၣ်ရှူးစာ်ထၱးကဲၤသရၱာ်ဒဳတဒဳကၱာ် စထာ်ဒီၣ်ကဲၤအခဳး. 15တဲၤအယဳၤမၱာ် အစာ်ဘိ စဲာ်စါထံအပူၤအအီၣ်ဝှ့းလၤနဳၤ,
“ရှံးဆါမဲး, အဳစံယိၣ်အဖဳးမူၤ.
နဆးဖြးလ့ၤထၱးနဲၤ,
စဒီၣ်သရၱာ်ဒဳအဖဲဖဳးအခဳး.”
16အအူဆူး အပျဲၢ်အဘီၣ်တစီာ် တသၱာ် ဟဲကဲၤတဲၤအယဳၤ တစီာ်နီး. ပရၤဆါဘ့ယ့ၣ်ရှူး ဘဲာ် ပဲၢ်တီၤပဲၢ်သ့းဝှါခၣ်လဲာ်, စဲာ်တစီာ်ကမဳၤထာ် နံၤက့ၤ ကီတဲၤဝှ့းလၤအီၣ်အဘဲာ်ကၠးယ့ၣ်ရှူးကၱာ်ပၠၤတစီာ်မဲၤ ကဲၤကနဳၤမၱာ်သဲစဲာ်တစီာ်မဲၤနံၤလၢ်ဝၤထဲၢ်အဝၱၤအကဲ အအီၣ်ဝှ့းလၤဒဳစဲာ် ပူၤနဳၤ.
17ပၠၤအပဳၤအဟီးထဲၢ်ဘ့အအီၣ်ကိာ်စကါ, ထဲၢ်ဘ့ စယဳၤ ထာ်စီၤလါစရူးဒဳလူၢ်ခဳးပူၤ ကၱာ် ဘးဝဲၢ်ထဳးလၢ်ဝၤဒဳတဲၤသံကျဲအခၠၱးနဳၤတစီာ် ခးကဲၤ စနံၤခံသဲသၱး. 18ကၱာ်ဒီပၠၤအပဳၤအဟီး လ့ၤရှံ စကျဲး အဝၱၤအကဲမၱာ်ဒဳစမဲၤကဲၤတဲၤပီၤတဲၤ ပၤအယဳၤ တဓဲအခဳးအစဲနဳၤနဳၤ. 19မဲၤကနဳၤဒဳၣ်, ဖၤရၱၤရှဲ ဖဳးတစီာ်ဒီၣ်လှဲးဆးလှဲးလၢ်ဝၤ, “သံစာ်ထၱးထဳ ပီၢ်ဧါ, ထဲၢ်ဝၤတမဲၤကဲာ်ထာ်တမံနီးနဳၤဧါ. စာ်ပီၢ် ပၠၤလဳစါစဲး လိၤကိာ်ကဲၤ စလ့ၤ.”
ကြံးခ်ဖဳးတစီာ်ဝၢ်လှဲးယ့ၣ်ရှူး
20ပၠၤထာ်သဘဲကဲၤဒဳယရူၤၡလ့ၣ်အူးဘ့ ပွဲပူၤအခၠၱးနဳၤ, ကြံးခ်ဖဳးတစီာ်ထာ်ကိာ်ပၠၤအကါ. 21စဲာ်တစီာ်လ့ၤထၱးကဲၤစီၤဖံလံးပူး ထဲၢ်အအီၣ် ဒဳဘ့ၤသစဲဒၤအူး, ကၤလံၤလဲအက့ၤပူၤနဳၤတပွဲၤ ကၱာ်စဒီၣ်, “ဝၤသးအဲးစာ်ထၱးယ့ၣ်ရှူး,” စဒီၣ်လၢ် ဝၤဓဳၤ.
22စီၤဖံလံးပူးလ့ၤဒီဆးစီၤအၣ်ဒရ့း, မဲၤဝှါ, စဲာ်ကၠံၢ်ပွဲၤလ့ၤဒီ ဆးကဲၤယ့ၣ်ရှူး. 23ယ့ၣ်ရှူးဒီၣ် ရှံက့ၤစဲာ်တစီာ်, “ပၠၤအဖဳးကဘဲာ် ပဲၢ်တီၤပဲၢ်သ့း အနံၤ ခံအခၠၱးဘဲာ်ထဳ. 24ယဒီဆးသံအတၱၢ်အမှး, မၱတမၱာ်ဒဳဘူၣ်တဖျဳးလၤတ့ၢ်ဒဳဟးဖ့းလဲၢ်ကၱာ်အိသံ နီးနဳၤ, အကအီၣ် တဖျဳးအလ့ၤလ့ၤလီၤ. ပရၤဆါအသံတပျာ်ဒဳၣ်, အသဲာ်ထာ်လၤကွါတပွဲးပွ့ တမံၤ. 25ပၠၤထဲၢ်အဘဲာ်လီၢ်အတဲၤအီၣ်သမိတပွဲၤနဳၤ, ဆူးပးဘဲာ် ကီအအဲ, ကၱာ်ပၠၤအတကံ ဝံၢ်အံာ်အတဲၤ အီၣ်သမိနီးဒဳလၢ်ခဳးယဳၤနီးတပွဲၤနဳၤ, အီၣ်အံာ်အအဲ ဒဳတဲၤအီၣ်အလၤထူလၤပျဳၤနဳၤ. 26ပၠၤတပွဲၤပွဲၤ ကခးဇိၤယဲၤနဳၤ, စကလိၤကိာ်ဒီဧဲၤယလ့ၤ, ကၱာ်ယအီၣ် အလ့ၤအရါနဳၤ, ယဇိၤဖဳးကအီၣ်ကိာ်ကီယကါ. ပၠၤတပွဲၤပွဲၤကခးဇိၤယဲၤနဳၤ, ယပာ်ကပဲၢ်တီၤပဲၢ်သ့းကီစဲာ်.
ယ့ၣ်ရှူးဒီၣ်ဖျီထာ် စတဲၤသံအဝၱၤအကဲ
27“ခဳနူၤယဳၤ, ယသးပဟ့းပဟီဆိးကဲၤ, ကၱာ်ယကဘဲာ်ဒီၣ် ကဲၤတၤနဲၢ်. မၱာ်ယဘဲာ်ဒီၣ်, အပာ်, အံာ်မဲးတဲၤအခၠၱးနၣ်ရၱၣ်အယဳၤကဓဳၤ ထၱးပီၢ်မဲးယဲၤမဲး, နဳၤဧါ. ပရၤဆါဒဳၣ်, ယလ့ၤလၤမၱာ် ယကလ့ၤခးတဲၤ ဆဲးညဲပီၤတီၤအယဳၤအနံၤခံလီၤ. 28အဳအပာ်, မဲၤဟံမဲၤထဲပီၢ်နမံၤ.”
အနဳၤဒဳၣ်, တဲၤအလ့ၢ်သဲာ်ထာ်ဒဳမီၢ်ခဳးနဳၤအဒီၣ်, “ယမဲၤဟံမဲၤထဲထဳ တပွဲး, ကၱာ်ယကမဲၤဟံမဲၤထဲဝ့ၤ တပွဲး,” အဒီၣ်ဓဳၤ.
29ပၠၤအပဳၤအဟီးအအီၣ်ဘ့နဳၤတစီာ်သၱာ် ဟဲဘဲာ်တဲၤအလ့ၢ် ယဳၤဒဳၣ်, တစီာ်စီာ်ဒီၣ်မၱာ် “လှါဧဳၢ်,” ကၱာ်တစီာ်စီာ်ဒီၣ်, “မီၢ်ခဳးပွဲၤဇဳၤယၱၢ် ဘဲာ်ထၱးစဲာ်,” စဒီၣ်ဓဳၤ.
30ယ့ၣ်ရှူးဒီၣ်, “တဲၤအလ့ၢ်ယဳၤတဘဲာ် ယနံၤခံနီး, မၱာ်သံနံၤ ခံလီၤ. 31ခဳနူၤယဳၤအဆဳ အခဲဘဲာ်ထဳဒဳလၢ်ခဳးကဘဲာ်စံးရးကဲၤ. အအူအံာ် လၢ်ခဳးတပွဲၤနဳၤ ကဘဲာ်ဟဲးထာ်ကဲကီဒဳဆးဖြးအလ့ၤ. 32ပရၤဆါယဲၤနဳၤ, ဘ့ယဘဲာ်ဇၢ်ထာ်ယၱၤဒဳ လၢ်ခဳးယဳၤနဳၤ, ယကစွံးပျဳာ် ကီ ပၠၤလဳစါစဲးဒဳယအီၣ်,” စဒီၣ်ကဲၤဓဳၤ. 33(စဒီၣ်တဲၤကယဳၤမၱာ် စသး အဲး ဒဲလၱၢ်ထာ်စကသံဘဲာ်စာ်တဲၢ်နဳၤ.)
34ပၠၤအပဳၤအဟီးတစီာ်ဒီၣ်ရှံက့ၤစဲာ်, “ခရၱာ်အီၣ်သမိလၤထူလၤပျဳၤလီၤ, တဲၤဝှ့းလၤ အီၣ်ဓဳၤ. မဲၤကနဳၤဒဳၣ်, ပၠၤ အဖဳးကဘဲာ်ဇၢ်ထာ်ယၱၤ, နဒီၣ်ဇၤမၤဓဳၤနဲၢ်. ပၠၤအဖဳးမၱာ်ပီၢ်ပွဲၤ,” စဲာ် တစီာ်ဒဲ ကဲၤလၢ်ဝၤဓဳၤ.
35ယ့ၣ်ရှူးဒီၣ်စဲာ်တစီာ်, “တဲၤလှၱကအီၣ် ကိာ်သံကါတဒဳးတဆးလီၤ. စာ်ဘိထဲၢ်တဲၤတခံး တၱၢ်သံနီးနဳၤ, ဘ့တဲၤလှၱဝ့ၤအခဲယဳၤဒဳၣ်, လ့ၤက့ၤပီၢ်. ပၠၤအဟဲးတဲၤခံးကျဲတပွဲၤနဳၤတသၱာ်ဟဲစလ့ၤဒီၣ်လဲၢ် ဒီၣ်လဲၢ် နီး. 36ကနဳၤအခဳးအစဲဘ့သံ နံၤဘဲာ်ဝ့ၤ တဲၤလှၱအယဳၤနဳၤ, ဘူၣ်ပီၢ် တဲၤလှၱအယဳၤစာ်ဘိထဲၢ် သံကမၱာ်တဲၤလှၱအဖဳးတစီာ်နဳၤ,” စဒီၣ်လၢ်ဝၤဓဳၤ.
ယူဒၤဖဳးတဘူၣ်ယ့ၣ်ရှူးနီး
ယ့ၣ်ရှူးဒီၣ်ဝှါကနဳၤဒဳၣ်, စဟဲးထာ်ကၱာ်လဲၢ်ဟူၣ် ကဲၤစန့ၤဒဳလၢ်ဝၤတစီာ်အလှီမီၢ်နဳၤ. 37ယ့ၣ်ရှူး မဲၤနီၣ်သီတဲၤစီးကျၱးပွ့တမံၤဒဳစဲာ်တစီာ် အလှီမီၢ်နှီနူၤ, စတဘူၣ်လၢ်ဝၤနီး. 38တဲၤအယဳၤတစီာ်မၱာ်အစာ် ဘိဝံယရှါယၤဒီၣ်တီၤလီၤကဲၤ,
“အဳဘၱာ်စဲာ်, ပီၢ်ပွဲၤကဘူၣ်ဝၤတဲၤဒီထိး လၤနဳၤပွဲၤ.
ဘၱာ်စဲာ်ကဒဲလၱၢ်အစိအသလဲ ဒဳပီၢ်ပွဲၤအလှီမီၢ်ပွဲၤ,” နဳၤပ့ထာ် ဇီၤထာ်ကဲၤ.
39ကနဳၤအခဳးအစဲ, စဲာ်တစီာ် တဘူၣ်ဇၤ တပွဲးနီး. မဲၤဝှါဒဳၣ်, ဝံယရှါယၤဒီၣ်ဝ့ၤ,
40“ကဘၱာ်စဲာ်မဲၤပျီးစဲာ်တစီာ်အကၢ်ဓူ,
မၤခံးစဲာ်တစီာ်အသး,
စာ်ဘိထဲၢ် စဲာ်တစီာ် ကတစာ်ထၱးပီၢ်နီး,
စသးကတသၱာ်ဟဲပီၢ်နီး,
စကတခွဲဘးက့ၤပီၢ်ဒဳယအီၣ်နီး,
ကၱာ်မဲၤလှဲမဲၢ်ဇၤပီၢ်လၢ်ဝၤတစီာ် အတဲၤရွှံးတဲၤဆဲနီးအနံၤခံနဳၤ.”
41ဝံယရှါယၤဒီၣ်တဲၤအယဳၤမၱာ်စစာ်ထၱး ဘဲာ်ကဲၤယ့ၣ်ရှူးအတီၤအသ့းအခဳးအစဲ, စဒီဆး လၢ်ဝၤအဝၱၤအကဲလီၤ.
42ယူဒၤဖဳးအခဳးအန့ၤအီၣ်အဲပွဲၤဘူၣ်နီၣ် သီယ့ၣ်ရှူးနှီနူၤ, ဖၤ ရံၤရှဲဖဳးတစီာ်အခဳးအစဲစဘဲာ် ရှဳပၠၤကနှးဟဲးထာ်စဲာ်ဒဳဘူၣ်ဘျီၣ်အချဳဒဳၣ်, တဒီၣ်လှၱ ထာ်ဘူၣ်တပွဲးတဗွဲနီး. 43စဲာ်တစီာ်သးအဲး နံၤပၠၤအတဲၤ ထါအံာ်ဒဳၣ်လံကဘၱာ်စဲာ်အတဲၤထါထာ်အံာ်လီၤ.
ယ့ၣ်ရှူးအတဲၤယၱၢ်ဘဲာ်မၱာ်တဲၤစံးရး
44ယ့ၣ်ရှူးဒီၣ်ထာ်ဆိးတကျဲးအလ့ၢ်, “ပၠၤ ထဲၢ်အဘူၣ်ယဲၤ တပွဲၤပွဲၤနဳၤ, တဘဲာ်ထ့စဘူၣ်ယဲၤ လီၤနီး, မၱာ်စဘူၣ်ကိာ်ကိာ်အသဓဳ လ့ၤယဲၤတပွဲၤနဳၤ. 45ပၠၤထဲၢ်အကဲာ်ထၱးယဲၤတပွဲၤပွဲၤနဳၤ, တဘဲာ် ထ့စကဲာ်ထၱးယဲၤလီၤနီး, မၱာ်စကဲာ်ထၱးကိာ်ကိာ် အသဓဳလ့ၤယဲၤတပွဲၤနဳၤ. 46ယလ့ၤလၤဒဳ လၢ်ခဳးယဳၤအစာ်ဘိတဲၤလှၱအခီ, စာ်ဘိထဲၢ်ကယါ ပၠၤအဘူၣ်ယဲၤတပွဲၤပွဲၤနဳၤကတအီၣ်ဘဲာ်ပီၢ်တဲၤခံး ကျဲနီးအနံၤခံလီၤ. 47ပၠၤထဲၢ်အသၱာ်ဟဲယတဲၤ ဒီထိးလၤကၱာ်အတဖၱးနံၤနီးတပွဲၤနဳၤ, ယတစံးရး စဲာ်နီး. ယလ့ၤလၤမၱာ်ယကမဲၤလှိထာ်က့ၤပၠၤလၢ်ခဳးဖဳး, တမၱာ် ယကစံးရးပၠၤအနံၤခံနီး. 48ပၠၤထဲၢ်အဟဲးသံဝံၢ်ယဲၤကၱာ်အတဘူၣ်ယလ့ၢ်ယဝှဲး နီးတစီာ်နဳၤ, အကစံးရးစဲာ်အီၣ်တပွဲး. ယတဲၤယၱၢ် ဘဲာ် တစီာ်ကမၱာ် ကီတဲၤစံးရးဒဳမူၤနံၤလ့ၢ်ဓူၢ်နဳၤ. 49အယဳၤမၱာ်အတၱၢ် အမှးလီၤ, မၤနဲၢ်ဒဳၣ်, ယတယၱၢ်ဘဲာ်ဓီယတဲၤဖျူ တဲၤသရ့ာ်အပူၤနီး, မၱာ် အစာ်ဘိပာ် အသဓဳလ့ၤယဲၤ တပွဲၤ နှးဒီၣ်ယဲၤအဓ့နဳၤလီၤ. 50ကၱာ်ယသၱာ်ဟဲ ဒဳ စလ့ၢ်စဝှဲးလ့ၤအံာ်တဲၤသမိလၤထူလၤပျဳၤလီၤ. ကနဳၤအခဳးအစဲ, ယဒီၣ်တဲၤအယဳၤမၱာ် အစာ်ဘိပာ် နှးဒီၣ်ယဲၤအဓ့နဳၤလီၤ.”
ទើបបានជ្រើសរើសហើយ៖
ယိၤဟၣ် 12: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 12
12
တဲၤထရိးယ့ၣ်ရှူးကၱာ်ဆံးနှူဝံာ်ဒဳဘ့ၤသနံဒဳနဳၤ
(မး ၂၆:၆-၁၃, မၢ် ၁၄:၃-၉)
1ဘ့တဲၤလ့ၤတလိးအပွဲတဘဲာ်နှၱနီးအနံၤ သါသိးနဳၤ, ယ့ၣ်ရှူး လ့ၤကဲၤဒဳဘ့ၤသနံအဒဳထဲၢ်စမဲၤ ထာ်ပဳၤက့ၤစီၤလါစရူးတဲၤ သံအကျဲတဒဳးဆီနဳၤ. 2ကၱာ်ပၠၤတစီာ်မဲၤနံၤစနံၤခံလူၤမူၤဟဲးအတဲၤအၣ်, နီၢ်မၢ် သၤမဲၤအီမဲၤအၣ်နံၤပၠၤ, မၱာ်စီၤလါစရူးအီၣ်ကိာ် ကဲၤယ့ၣ်ရှူးအကါ ဒဳဒၱဝၢ် ထၱးနဳၤ. 3နီၢ်မၤရၱဖၱး ဝှါဆံးနှူဝံာ်ထဲၢ်ပၠၤမဲၤအံာ်သဳာ်ထဳးနၢ်ဒူး အလံၢ်ဓဳၤ ပွၱၤသဲအပ့ထာ်တကဳဒဳၣ်, စလှီးလၤကဲၤ ယ့ၣ်ရှူးအခၣ် ခီးအလီၤ, ကၱာ်ထိဘါအံာ်ကဲၤစခူၣ်လူ. 4ဘ့နဳၤ စပျဲၢ်စဘီၣ်အကျဲအမံၤမၱာ် စီၤယူဒၤအံၣ်စကၤရံၤအိာ် ထဲၢ်အသးမီဟိလါ ကဲၤစဲာ်တပွဲၤဒီၣ်, 5“ဆံးနှူ ဝံာ်ယဳၤပၠၤတဆဲလါမၤ စဲာ်ဒန့ၤရံသဳကယဲၤအပူၤ ကၱာ် အံာ်မၤအဆဲးညဲဖဳးတစီာ်နီးနဲၢ်,” စဒီၣ်ကဲၤဓဳၤ. 6စဒီၣ်တဲၤယဳၤမၱာ်တဘဲာ်စခီၣ်ဝဲၤမှီးဘဲာ် အဆဲးညဲဖဳး တစီာ်အစဲနီး, မၱာ်စမၱာ်အအၣ်ဟူၣ်တဲၤ, အဖၱး ကျဳၤအံာ် ဝှိအကဳကၱာ်အဖၱးထာ်အနံၤခံတပွဲၤအခဳးအစဲနဳၤ.
7ယ့ၣ်ရှူးဒီၣ်စဲာ်, “စအီၣ်ဒီဧဲၤစဲာ်. စာ်ဘိ ထဲၢ်စကအီၣ်အံာ် ယတဲၤဘူလါအမူၤနံၤအနံၤခံနဳၤ. 8မၤနဲၢ်ကဒီၣ်ဓဳၤဒဳၣ်, အဆဲးညဲ ဖဳးအီၣ်ကိာ်သဲာ် ယိ သံကါ, မၱာ်ယဲၤယဳၤ, ယတအီၣ်ကိာ်သဲာ်ယိသံ ကါ နီး,” စဒီၣ်လၢ်ဝၤဓဳၤ.
တဲၤသးအဲးမဲၤသံစီၤလါစရူး
9ယူဒၤဖဳးတစီာ်သၱာ်ဟဲကဲၤယ့ၣ်ရှူးအီၣ် ဒဳနဳၤဒဳၣ်, ရူၤရူၤ, စလ့ၤကဲၤဓဳၤ. တဘဲာ်ထ့စဲာ်တစီာ်သးအဲးစာ်ထၱးယ့ၣ်ရှူးလီၤနီး, မၱာ်စသး အဲၤစာ်ထၱး စီၤလါစရူး, ထဲၢ်ယ့ၣ်ရှူးမဲၤသမိထာ်က့ၤဒဳ တဲၤသံကျဲ တပွဲၤ အခဳးအစဲနဳၤ. 10ပၠၤလှူၣ်တဲၤအဓဳၤ တစီာ် သးအဲးမဲၤသံကဲၤစီၤ လါစရူးပးပး. 11ဒဳစခဳး စစဲယူဒၤဖဳးအီၣ်အဲပွဲၤဟဲးသံဝံၢ်စဲာ်ကၱာ် ဘူၣ်ကဲၤယ့ၣ်ရှူး အခဳးအစဲနဳၤ.
တဲၤလ့ၤနံၢ်တဲၤဓီၤတဲၤသ့းအကျဲ ဒဳယရူၤၡလ့ၣ်အူး
(မး ၂၁:၁-၁၁, မၢ် ၁၁:၁-၁၁, လူၤ ၁၉:၂၈-၄၀)
12အလ့ၤကါတနံၤ ပၠၤအပဳၤအဟီးအခဲနံၢ် ပွဲပူၤတစီာ် ဘ့စသၱာ်ဟဲဘဲာ်ယ့ၣ်ရှူးကထာ်ယရူၤၡလ့ၣ် အူးပူၤဒဳၣ်, 13စဲာ်တစီာ် ကျ့ၤဝှါထါဘဲာ်အဖါ, လ့ၤရှံကဲၤစဲာ်ကျဲးလီၤတစီာ်. စကဲာ်ဧဳၤဒီလ့ၢ်ထာ်, “ဟိၣ်စဲနၤ, အဘဲာ်ဟိးဝၱၤမၱာ်ပၠၤအလ့ၤဒဳကဘၱာ်စဲာ်အမံၤအပူၤတပွဲၤနဳၤ. အဘဲာ်ဟိးဝၱၤမၱာ်အံၣ်စရ့လးအဆးဖြး,” စဒီၣ်ဓဳၤ.
14ယ့ၣ်ရှူးစာ်ထၱးကဲၤသရၱာ်ဒဳတဒဳကၱာ် စထာ်ဒီၣ်ကဲၤအခဳး. 15တဲၤအယဳၤမၱာ် အစာ်ဘိ စဲာ်စါထံအပူၤအအီၣ်ဝှ့းလၤနဳၤ,
“ရှံးဆါမဲး, အဳစံယိၣ်အဖဳးမူၤ.
နဆးဖြးလ့ၤထၱးနဲၤ,
စဒီၣ်သရၱာ်ဒဳအဖဲဖဳးအခဳး.”
16အအူဆူး အပျဲၢ်အဘီၣ်တစီာ် တသၱာ် ဟဲကဲၤတဲၤအယဳၤ တစီာ်နီး. ပရၤဆါဘ့ယ့ၣ်ရှူး ဘဲာ် ပဲၢ်တီၤပဲၢ်သ့းဝှါခၣ်လဲာ်, စဲာ်တစီာ်ကမဳၤထာ် နံၤက့ၤ ကီတဲၤဝှ့းလၤအီၣ်အဘဲာ်ကၠးယ့ၣ်ရှူးကၱာ်ပၠၤတစီာ်မဲၤ ကဲၤကနဳၤမၱာ်သဲစဲာ်တစီာ်မဲၤနံၤလၢ်ဝၤထဲၢ်အဝၱၤအကဲ အအီၣ်ဝှ့းလၤဒဳစဲာ် ပူၤနဳၤ.
17ပၠၤအပဳၤအဟီးထဲၢ်ဘ့အအီၣ်ကိာ်စကါ, ထဲၢ်ဘ့ စယဳၤ ထာ်စီၤလါစရူးဒဳလူၢ်ခဳးပူၤ ကၱာ် ဘးဝဲၢ်ထဳးလၢ်ဝၤဒဳတဲၤသံကျဲအခၠၱးနဳၤတစီာ် ခးကဲၤ စနံၤခံသဲသၱး. 18ကၱာ်ဒီပၠၤအပဳၤအဟီး လ့ၤရှံ စကျဲး အဝၱၤအကဲမၱာ်ဒဳစမဲၤကဲၤတဲၤပီၤတဲၤ ပၤအယဳၤ တဓဲအခဳးအစဲနဳၤနဳၤ. 19မဲၤကနဳၤဒဳၣ်, ဖၤရၱၤရှဲ ဖဳးတစီာ်ဒီၣ်လှဲးဆးလှဲးလၢ်ဝၤ, “သံစာ်ထၱးထဳ ပီၢ်ဧါ, ထဲၢ်ဝၤတမဲၤကဲာ်ထာ်တမံနီးနဳၤဧါ. စာ်ပီၢ် ပၠၤလဳစါစဲး လိၤကိာ်ကဲၤ စလ့ၤ.”
ကြံးခ်ဖဳးတစီာ်ဝၢ်လှဲးယ့ၣ်ရှူး
20ပၠၤထာ်သဘဲကဲၤဒဳယရူၤၡလ့ၣ်အူးဘ့ ပွဲပူၤအခၠၱးနဳၤ, ကြံးခ်ဖဳးတစီာ်ထာ်ကိာ်ပၠၤအကါ. 21စဲာ်တစီာ်လ့ၤထၱးကဲၤစီၤဖံလံးပူး ထဲၢ်အအီၣ် ဒဳဘ့ၤသစဲဒၤအူး, ကၤလံၤလဲအက့ၤပူၤနဳၤတပွဲၤ ကၱာ်စဒီၣ်, “ဝၤသးအဲးစာ်ထၱးယ့ၣ်ရှူး,” စဒီၣ်လၢ် ဝၤဓဳၤ.
22စီၤဖံလံးပူးလ့ၤဒီဆးစီၤအၣ်ဒရ့း, မဲၤဝှါ, စဲာ်ကၠံၢ်ပွဲၤလ့ၤဒီ ဆးကဲၤယ့ၣ်ရှူး. 23ယ့ၣ်ရှူးဒီၣ် ရှံက့ၤစဲာ်တစီာ်, “ပၠၤအဖဳးကဘဲာ် ပဲၢ်တီၤပဲၢ်သ့း အနံၤ ခံအခၠၱးဘဲာ်ထဳ. 24ယဒီဆးသံအတၱၢ်အမှး, မၱတမၱာ်ဒဳဘူၣ်တဖျဳးလၤတ့ၢ်ဒဳဟးဖ့းလဲၢ်ကၱာ်အိသံ နီးနဳၤ, အကအီၣ် တဖျဳးအလ့ၤလ့ၤလီၤ. ပရၤဆါအသံတပျာ်ဒဳၣ်, အသဲာ်ထာ်လၤကွါတပွဲးပွ့ တမံၤ. 25ပၠၤထဲၢ်အဘဲာ်လီၢ်အတဲၤအီၣ်သမိတပွဲၤနဳၤ, ဆူးပးဘဲာ် ကီအအဲ, ကၱာ်ပၠၤအတကံ ဝံၢ်အံာ်အတဲၤ အီၣ်သမိနီးဒဳလၢ်ခဳးယဳၤနီးတပွဲၤနဳၤ, အီၣ်အံာ်အအဲ ဒဳတဲၤအီၣ်အလၤထူလၤပျဳၤနဳၤ. 26ပၠၤတပွဲၤပွဲၤ ကခးဇိၤယဲၤနဳၤ, စကလိၤကိာ်ဒီဧဲၤယလ့ၤ, ကၱာ်ယအီၣ် အလ့ၤအရါနဳၤ, ယဇိၤဖဳးကအီၣ်ကိာ်ကီယကါ. ပၠၤတပွဲၤပွဲၤကခးဇိၤယဲၤနဳၤ, ယပာ်ကပဲၢ်တီၤပဲၢ်သ့းကီစဲာ်.
ယ့ၣ်ရှူးဒီၣ်ဖျီထာ် စတဲၤသံအဝၱၤအကဲ
27“ခဳနူၤယဳၤ, ယသးပဟ့းပဟီဆိးကဲၤ, ကၱာ်ယကဘဲာ်ဒီၣ် ကဲၤတၤနဲၢ်. မၱာ်ယဘဲာ်ဒီၣ်, အပာ်, အံာ်မဲးတဲၤအခၠၱးနၣ်ရၱၣ်အယဳၤကဓဳၤ ထၱးပီၢ်မဲးယဲၤမဲး, နဳၤဧါ. ပရၤဆါဒဳၣ်, ယလ့ၤလၤမၱာ် ယကလ့ၤခးတဲၤ ဆဲးညဲပီၤတီၤအယဳၤအနံၤခံလီၤ. 28အဳအပာ်, မဲၤဟံမဲၤထဲပီၢ်နမံၤ.”
အနဳၤဒဳၣ်, တဲၤအလ့ၢ်သဲာ်ထာ်ဒဳမီၢ်ခဳးနဳၤအဒီၣ်, “ယမဲၤဟံမဲၤထဲထဳ တပွဲး, ကၱာ်ယကမဲၤဟံမဲၤထဲဝ့ၤ တပွဲး,” အဒီၣ်ဓဳၤ.
29ပၠၤအပဳၤအဟီးအအီၣ်ဘ့နဳၤတစီာ်သၱာ် ဟဲဘဲာ်တဲၤအလ့ၢ် ယဳၤဒဳၣ်, တစီာ်စီာ်ဒီၣ်မၱာ် “လှါဧဳၢ်,” ကၱာ်တစီာ်စီာ်ဒီၣ်, “မီၢ်ခဳးပွဲၤဇဳၤယၱၢ် ဘဲာ်ထၱးစဲာ်,” စဒီၣ်ဓဳၤ.
30ယ့ၣ်ရှူးဒီၣ်, “တဲၤအလ့ၢ်ယဳၤတဘဲာ် ယနံၤခံနီး, မၱာ်သံနံၤ ခံလီၤ. 31ခဳနူၤယဳၤအဆဳ အခဲဘဲာ်ထဳဒဳလၢ်ခဳးကဘဲာ်စံးရးကဲၤ. အအူအံာ် လၢ်ခဳးတပွဲၤနဳၤ ကဘဲာ်ဟဲးထာ်ကဲကီဒဳဆးဖြးအလ့ၤ. 32ပရၤဆါယဲၤနဳၤ, ဘ့ယဘဲာ်ဇၢ်ထာ်ယၱၤဒဳ လၢ်ခဳးယဳၤနဳၤ, ယကစွံးပျဳာ် ကီ ပၠၤလဳစါစဲးဒဳယအီၣ်,” စဒီၣ်ကဲၤဓဳၤ. 33(စဒီၣ်တဲၤကယဳၤမၱာ် စသး အဲး ဒဲလၱၢ်ထာ်စကသံဘဲာ်စာ်တဲၢ်နဳၤ.)
34ပၠၤအပဳၤအဟီးတစီာ်ဒီၣ်ရှံက့ၤစဲာ်, “ခရၱာ်အီၣ်သမိလၤထူလၤပျဳၤလီၤ, တဲၤဝှ့းလၤ အီၣ်ဓဳၤ. မဲၤကနဳၤဒဳၣ်, ပၠၤ အဖဳးကဘဲာ်ဇၢ်ထာ်ယၱၤ, နဒီၣ်ဇၤမၤဓဳၤနဲၢ်. ပၠၤအဖဳးမၱာ်ပီၢ်ပွဲၤ,” စဲာ် တစီာ်ဒဲ ကဲၤလၢ်ဝၤဓဳၤ.
35ယ့ၣ်ရှူးဒီၣ်စဲာ်တစီာ်, “တဲၤလှၱကအီၣ် ကိာ်သံကါတဒဳးတဆးလီၤ. စာ်ဘိထဲၢ်တဲၤတခံး တၱၢ်သံနီးနဳၤ, ဘ့တဲၤလှၱဝ့ၤအခဲယဳၤဒဳၣ်, လ့ၤက့ၤပီၢ်. ပၠၤအဟဲးတဲၤခံးကျဲတပွဲၤနဳၤတသၱာ်ဟဲစလ့ၤဒီၣ်လဲၢ် ဒီၣ်လဲၢ် နီး. 36ကနဳၤအခဳးအစဲဘ့သံ နံၤဘဲာ်ဝ့ၤ တဲၤလှၱအယဳၤနဳၤ, ဘူၣ်ပီၢ် တဲၤလှၱအယဳၤစာ်ဘိထဲၢ် သံကမၱာ်တဲၤလှၱအဖဳးတစီာ်နဳၤ,” စဒီၣ်လၢ်ဝၤဓဳၤ.
ယူဒၤဖဳးတဘူၣ်ယ့ၣ်ရှူးနီး
ယ့ၣ်ရှူးဒီၣ်ဝှါကနဳၤဒဳၣ်, စဟဲးထာ်ကၱာ်လဲၢ်ဟူၣ် ကဲၤစန့ၤဒဳလၢ်ဝၤတစီာ်အလှီမီၢ်နဳၤ. 37ယ့ၣ်ရှူး မဲၤနီၣ်သီတဲၤစီးကျၱးပွ့တမံၤဒဳစဲာ်တစီာ် အလှီမီၢ်နှီနူၤ, စတဘူၣ်လၢ်ဝၤနီး. 38တဲၤအယဳၤတစီာ်မၱာ်အစာ် ဘိဝံယရှါယၤဒီၣ်တီၤလီၤကဲၤ,
“အဳဘၱာ်စဲာ်, ပီၢ်ပွဲၤကဘူၣ်ဝၤတဲၤဒီထိး လၤနဳၤပွဲၤ.
ဘၱာ်စဲာ်ကဒဲလၱၢ်အစိအသလဲ ဒဳပီၢ်ပွဲၤအလှီမီၢ်ပွဲၤ,” နဳၤပ့ထာ် ဇီၤထာ်ကဲၤ.
39ကနဳၤအခဳးအစဲ, စဲာ်တစီာ် တဘူၣ်ဇၤ တပွဲးနီး. မဲၤဝှါဒဳၣ်, ဝံယရှါယၤဒီၣ်ဝ့ၤ,
40“ကဘၱာ်စဲာ်မဲၤပျီးစဲာ်တစီာ်အကၢ်ဓူ,
မၤခံးစဲာ်တစီာ်အသး,
စာ်ဘိထဲၢ် စဲာ်တစီာ် ကတစာ်ထၱးပီၢ်နီး,
စသးကတသၱာ်ဟဲပီၢ်နီး,
စကတခွဲဘးက့ၤပီၢ်ဒဳယအီၣ်နီး,
ကၱာ်မဲၤလှဲမဲၢ်ဇၤပီၢ်လၢ်ဝၤတစီာ် အတဲၤရွှံးတဲၤဆဲနီးအနံၤခံနဳၤ.”
41ဝံယရှါယၤဒီၣ်တဲၤအယဳၤမၱာ်စစာ်ထၱး ဘဲာ်ကဲၤယ့ၣ်ရှူးအတီၤအသ့းအခဳးအစဲ, စဒီဆး လၢ်ဝၤအဝၱၤအကဲလီၤ.
42ယူဒၤဖဳးအခဳးအန့ၤအီၣ်အဲပွဲၤဘူၣ်နီၣ် သီယ့ၣ်ရှူးနှီနူၤ, ဖၤ ရံၤရှဲဖဳးတစီာ်အခဳးအစဲစဘဲာ် ရှဳပၠၤကနှးဟဲးထာ်စဲာ်ဒဳဘူၣ်ဘျီၣ်အချဳဒဳၣ်, တဒီၣ်လှၱ ထာ်ဘူၣ်တပွဲးတဗွဲနီး. 43စဲာ်တစီာ်သးအဲး နံၤပၠၤအတဲၤ ထါအံာ်ဒဳၣ်လံကဘၱာ်စဲာ်အတဲၤထါထာ်အံာ်လီၤ.
ယ့ၣ်ရှူးအတဲၤယၱၢ်ဘဲာ်မၱာ်တဲၤစံးရး
44ယ့ၣ်ရှူးဒီၣ်ထာ်ဆိးတကျဲးအလ့ၢ်, “ပၠၤ ထဲၢ်အဘူၣ်ယဲၤ တပွဲၤပွဲၤနဳၤ, တဘဲာ်ထ့စဘူၣ်ယဲၤ လီၤနီး, မၱာ်စဘူၣ်ကိာ်ကိာ်အသဓဳ လ့ၤယဲၤတပွဲၤနဳၤ. 45ပၠၤထဲၢ်အကဲာ်ထၱးယဲၤတပွဲၤပွဲၤနဳၤ, တဘဲာ် ထ့စကဲာ်ထၱးယဲၤလီၤနီး, မၱာ်စကဲာ်ထၱးကိာ်ကိာ် အသဓဳလ့ၤယဲၤတပွဲၤနဳၤ. 46ယလ့ၤလၤဒဳ လၢ်ခဳးယဳၤအစာ်ဘိတဲၤလှၱအခီ, စာ်ဘိထဲၢ်ကယါ ပၠၤအဘူၣ်ယဲၤတပွဲၤပွဲၤနဳၤကတအီၣ်ဘဲာ်ပီၢ်တဲၤခံး ကျဲနီးအနံၤခံလီၤ. 47ပၠၤထဲၢ်အသၱာ်ဟဲယတဲၤ ဒီထိးလၤကၱာ်အတဖၱးနံၤနီးတပွဲၤနဳၤ, ယတစံးရး စဲာ်နီး. ယလ့ၤလၤမၱာ်ယကမဲၤလှိထာ်က့ၤပၠၤလၢ်ခဳးဖဳး, တမၱာ် ယကစံးရးပၠၤအနံၤခံနီး. 48ပၠၤထဲၢ်အဟဲးသံဝံၢ်ယဲၤကၱာ်အတဘူၣ်ယလ့ၢ်ယဝှဲး နီးတစီာ်နဳၤ, အကစံးရးစဲာ်အီၣ်တပွဲး. ယတဲၤယၱၢ် ဘဲာ် တစီာ်ကမၱာ် ကီတဲၤစံးရးဒဳမူၤနံၤလ့ၢ်ဓူၢ်နဳၤ. 49အယဳၤမၱာ်အတၱၢ် အမှးလီၤ, မၤနဲၢ်ဒဳၣ်, ယတယၱၢ်ဘဲာ်ဓီယတဲၤဖျူ တဲၤသရ့ာ်အပူၤနီး, မၱာ် အစာ်ဘိပာ် အသဓဳလ့ၤယဲၤ တပွဲၤ နှးဒီၣ်ယဲၤအဓ့နဳၤလီၤ. 50ကၱာ်ယသၱာ်ဟဲ ဒဳ စလ့ၢ်စဝှဲးလ့ၤအံာ်တဲၤသမိလၤထူလၤပျဳၤလီၤ. ကနဳၤအခဳးအစဲ, ယဒီၣ်တဲၤအယဳၤမၱာ် အစာ်ဘိပာ် နှးဒီၣ်ယဲၤအဓ့နဳၤလီၤ.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.