သဓဳဖဳး တဲၤဆူကူၢ်
တဲၤဆူကူၢ်
သဓဳဖဳးအတဲၤဖၱးတဲၤမဲၤတဘဲာ်ယဳၤမၱာ်တဲၤဝှ့းအပီၢ်ကိာ် စီၤလူၤကၣ် အတဲၤသးလဳၢ်သးလၤအံာ် အဝၱၤအကဲအစဲာ်လီၤ. အတဲၤဝၱၤတဲၤကဲ အကဳာ်ခွံးမၱာ် အကဒီဆးပၠၤအလိၤကိာ်ယ့ၣ်ရှူး အလ့ၤအလၤပူၢ်ထဲၢ်အဘဲာ် သဲလ့ၤအံာ်ကၱာ် သးစါထံတစီာ်, ပီၢ်အံာ်ကဲၤစတဲၤသးလဳၢ်သးလၤအံာ်အဝၱၤအကဲ “သံကခးဘဲာ်ကီယနံၤခံ သဲသၱးဒဳယရူၤၡလ့ၣ်အူးကၱာ်ယူဒၤက့ၤ သဒဲက့ၤကၱာ်ရှၤမရၱက့ၤ, ထိဓဳၤလၢ်ခဳးကူဓူၤနဳၤ” (၁:၈). အမၱာ်ကဲၤတဲၤဝၱၤ တဲၤကဲအဘဲာ်ကၠး ခရၱာ်ဖဳးတစီာ်အတဲၤကမ့ၤအ့းလိၤထဲၢ် အစးထာ်ဒဳယူ ဒၤဖဳးတစီာ် အကျဲကၱာ်အကဲာ်ထာ်ကဲၤ တဲၤဘူၣ်တမဳၤဒဳ လၢ်ခဳးသဒဲဘဲာ် နဳၤ. အဝှ့းစဲာ် တပွဲၤသးအဲးနံၤကိာ်ပၠၤအဖးစဲာ်အယဳၤတစီာ်ကအီၣ်မီၤသဳး မီၤသးပီၢ် ဒဳစဲာ်တစီာ်သၱာ်ဟဲဘဲာ်ခရၱာ်ဖဳးတစီာ်မၱာ်အတဘဲာ်ကၠး တပွဲး ထံက့ၤ အတဲၤအူအံာ်အတဲၤဖၱးတဲၤမဲၤနီး, မၱာ်ခရၱာ်ဖဳး အတဲၤဘူၣ်မဲၤ ပ့ ထာ်ကဲၤ ယူဒၤဖဳးအတဲၤသဘူၣ် သဘဲတခီ.
အပျဲၢ်အဘီၣ်အတဲၤဖၱးတၤမဲၤ ဘဲာ်ပ့ၢ်ဖး (၃) ကျၤ, အစဘိဝၤစာ် ထၱးတဲၤပီၢ်အံာ်အဘဲာ်ကၠးယ့ၣ်ရှူး အတဲၤသးလဳၢ်သးလၤအံာ်အဝၱၤအကဲ ထဲးလီၢ် ထဲးခီကဲၤကၱာ် တဲၤအီၣ်ပျဳာ်အီၣ်ထာ်ကဲၤဒဳ တဲၤအလ့ၤတလၢ်ဝှါ တလၢ်နဳၤ, (၁) ခရၱာ်ဖဳးတစီာ်အတဲၤကမ့ၤအ့းလိၤစးထာ်ဒဳယရူၤၡလ့ၣ် အူးအပူၤဘ့ယ့ၣ်ရှူးက့ၤထာ်ဝှါမီၢ်ခဳးအလ့ၤကါ နဳၤ. (၂) အဟဲးခီထာ်ဓဳၤ ကဲၤဒဳပၤလၤစတဲၣ်က့ၤ ပူၤ တဲၤလ့ၤအလဝ့ၤတစီာ်နဳၤ. (၃) အဒဲးလီၢ် ဒဲး ခီ ဓဳၤဘးဒဳပဲၤလဲာ်ခီသးသံအပူၤ, ဓဳၤဒဳရိမ့ၤနဳၤ.
အပျဲၢ်အဘီၣ်အတဲၤဖၱးတၤမဲၤအပူၤ တဲၤအဒဲလၱၢ် ထာ်အယွံၢ်ဓဳၤ မဳၤဓဳၤမၱာ် သးစါထံအတဲၤကမ့ၤအ့းလိၤ, အလ့ၤအံာ်တဲၤစိသလဲ ဒဳပၠၤအဘူၣ်တဲၤအအီၣ်ယရူၤၡလ့ၣ်အူးအပူၤတစီာ်ဘ့ဘူၣ်ယဲၢ်ရှံ အမူၤနံၤ နဳၤ. သးစါထံအံာ်ခဳးအံာ်အါကဲၤ တဲၤအီၣ်ပျဳာ် ကၱာ်အခဳး အန့ၤတစီာ် ဒဳတဲၤမဲၤ အန့ၤလဳ စါစဲးတစီာ်နဳၤဘဲာ်ဝှ့းလၤဒဳစဲာ်အပူၤနဳၤ. ခရၱာ်ဖဳးအလၤပူၢ်တစီာ် အဝၱၤအကဲဘဲာ်ဝှ့းလၱၢ်ထာ်အကျဳၤပူၤ, ဒဳတဲၤဒီထိးလၤအပူၤ, တဲၤစိတဲၤ သလဲဒဲလၱၢ် ထာ်ကဲၤဒဳအဘူၣ်တဲၤတစီာ် အတဲၤအီၣ်သမိအပူၤ, ကၱာ်တဲၤ အီၣ်ပျဳာ်တစီာ်အတဲၤမဲၤသီၣ် လှဲးလၢ်ဝၤ အပူၤနဳၤ.
တဲၤဝၱၤတဲၤကဲအကျဳၤပူၤ
တဲၤပြးနှဲးတီၤလီၤဒဳအကခးသဲသၱးအနံၤခံ (၁:၁-၂၆)
၁. ယ့ၣ်ရှူးအတဲၤမှဲးလၤအကဓူၤလၤကါကၱာ်အတဲၤ အၣ် မါခးအံာ် (၁:၁-၁၄)
၂. ပၠၤအထာ်က့ၤစီၤယူဒၤအပျိၤ (၁:၁၅-၂၆)
တဲၤခးသဲသၱးဒဳယရူၤၡလ့ၣ် (၂:၁—၈:၃)
တဲၤခးသဲသၱးဒဳယူဒၤက့ၤကၱာ် ရှၤမရၱက့ၤ (၈:၄—၁၂:၂၅)
စီၤပီလူးမဲၤကဘၱာ်စဲာ်အတဲၤဖၱးတဲၤမဲၤ (၁၃:၁—၂၈:၃၁)
၁. စတဲၤလ့ၤအအူဆူးတပျာ် (၁၃:၁—၁၄:၂၈)
၂. တဲၤလၤဓ့ၢ်ပျဳာ်ဓဳၤဒဳ ယရူၤၡလ့ၣ်အူးအပူၤ (၁၃:၁—၁၄:၂၈)
၃. စတဲၤလ့ၤကၠံၢ်ပျာ်တပျာ် (၁၅:၃၆—၁၈:၂၂)
၄. စတဲၤလ့ၤသဳပျာ်တပျာ် (၁၈:၂—၂၁:၁၆)
၅. စီၤပီလူးလၤတ့ၢ်နံၢ်တဲၤကၱတၱၢ်ပူၤ ဒဳယရူၤၡလ့ၣ် ကဲၤစါရံၤ, ကၱာ်ရိမ့ၤ (၂၁:၁၇—၂၈:၃၁)
ទើបបានជ្រើសរើសហើយ៖
သဓဳဖဳး တဲၤဆူကူၢ်: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.