သဓဳဖဳး 6
6
အမဲၤဇဳၤတဲၤသါသိးတပွဲၤ
1လှ့နဳၤအပျဲၢ်အဘီၣ်တစီာ်အီၣ်အဲးထာ်ကဲၤဒဳၣ်, ဒဳကြံခ်ဖဳး ကၱာ်ယူဒၤဖဳးတစီာ်အဇဳၤ တဲၤမိၢ်မိၢ်အၱာ်အၱာ်အီၣ်ထာ်ကဲၤဒဳ တဲၤ ပ့ၤလၤ တဲၤထီတဲၤလၤတနံၤတနံၤအနံၤခံနဳၤ, စပၠၤအမှူးကမဲၤတစီာ် ဘဲာ်စာ်ဖျီး တလိးကဲၤနဳၤ. 2မဲၤကနဳၤ, အပျဲၢ်အဘီၣ်တစီာ် ယဳၤလၤဓ့ၢ်ပျဳာ်ဝှါ အပျဲၢ်အဘီၣ်အပဳၤအဟီးတစီာ်ဒဳၣ်, စဒီၣ်လၢ်ဝၤကယဳၤ, “အတဘဲာ်နံၤ ပီၤနံၤနီးထဲၢ်ဝၤလဲၢ်လၤကဲဝှါ ကဘၱာ်စဲာ်အလ့ၢ်အဝှဲးဒဳၣ်, ဝၤကမဲၤတဲၤ မဲၤဒဳ ဒၱဝၢ်ထၱးနဳၤနီး. 3မဲၤကနဳၤဒဳၣ်, အဳသဲပူၤသဲဝ့ၤတစီာ်, ရိၤထာ် ပီၢ် ဒဳသံကျဲ ပၠၤအမံၤ အခဲအဲး, အအီၣ်ပ့ထာ်ကၱာ် သးစါထံကၱာ်တဲၤသၱာ် ဒိး သၱာ်ဟဲ သါသိးတပွဲၤ, စာ်ဘိထဲၢ်ဝၤကလဲၢ်ထာ်ပီၢ်စဲာ်အစာ်အံာ်ခွဲးအံာ် တဲၤဖၱးတဲၤမဲၤအယဳၤနဳၤ. 4မၱာ်ဝၤယဳၤ, ဝၤကမဲၤအံာ်ဒီဧဲၤ တဲၤသဘူၣ်သဘဲကၱာ် ကဘၱာ်စဲာ်အလ့ၢ်အဝှဲး” စဒီၣ်လၢ်ဝၤ တစီာ်ဓဳၤ.
5တဲၤကိတဲၤကၠးအယဳၤအဘဲာ်သဳးဘဲာ်သးကဲၤပၠၤလဳစါစဲး ကၱာ်ပၠၤရိၤထာ်ကဲၤစီၤစတ့ဖၤ, ပၠၤအအီၣ်ပ့ထာ်တဲၤဘူၣ်ကၱာ် သးစါထံနဳၤ, ကၱာ်စီၤဖံလံးပူး, စီၤပြဃီၢ်, စီၤနံၤကါနီၢ်, စီၤတံမိၣ်, စီၤပၢ်မ့းနး, ပၠၤအၣ်တံၤအီာ်ဖဳးစီၤနံၤကလါထဲၢ်အတမၱာ်ယူဒၤဖဳးနီး, မၱာ်အဘူၣ်တဲၤအအီၣ် အံာ်ယူဒၤဖဳးအတဲၤသဘဲအပူၤတပွဲၤနဳၤ. 6စဲာ်တစီာ်ယဳၤလ့ၤလၢ် ဝၤဒဳသဓဳဖဳးတစီာ်အလှီမီၢ်နဳၤ, ကၱာ်စထဲးလၤ ကဲးစစူးခီးတစီာ် ဒဳလၢ်ဝၤ အကဳာ်ခဳးနဳၤ.
7ကနဳၤအခဳးအစဲ, ကဘၱာ်စဲာ်အလ့ၢ်အဝှဲး ဒဲးလီၢ်ဒဲးခီ ကၱာ်ဒီ အပျဲၢ်အဘီၣ်အီၣ်အဲး ထာ်ပျါကဲၤဒဳယရူၤၡလ့ၣ်အူးပူၤနဳၤ. ပၠၤလှူၣ် တဲၤ အဓဳၤတစီာ်အကျဲ အဖၱးနံၤတဲၤဘူၣ် အီၣ်အဲးအီးအီးကဲၤ.
စီၤစတ့ဖၤဘဲာ်ဖီၣ်
8စီၤစတ့ဖၤအီၣ်ပ့ထာ်ကဲၤကဘၱာ်စဲာ် အတဲၤလှူၣ်တဲၤတါ ကၱာ်တဲၤစိသလဲ, မဲၤကဲၤတဲၤပီၤတဲၤပၤကၱာ် တဲၤစီးကျၱးစီးရှဲ ဒဳပၠၤအကျဲ နဳၤ. 9နီၣ်သီနှီနူၤ, ပၠၤတစီာ်စီာ် ဝဲၢ်ထဳးထာ်ခဳးကါ ကဲၤစဲာ်. ဒဳဘူၣ် ဘျီၣ်အပူၤအဒီၣ်လၤအန့ၤပွဲၤလှိ, ထဲၢ်ယူဒၤဖဳး အအီၣ်ဒဳအူးကူၤရ့ၤန့, အူးအလ့းစၣ်ဒြ့း, က့ၤကံလံၤကံ ကၱာ်က့ၤအၣ်စံနဳၤအီၣ်ကဲၤတစီာ်, စတရၤကဲၤစီၤစတ့ဖၤ. 10ဒဳသးစါထံအယၱၢ်ဘဲာ်ကဲၤဒဳစီၤစတ့ဖၤအလီၤမီၤပူၤအခဳးအစဲ, စဲာ်တစီာ် တဒီၣ်ပဲၤကဲၤစီၤစတ့ဖၤနီး. 11စထူစငၢ်ကဲၤပၠၤတစီာ် ထဲၢ်အကဒီၣ်, “ဝၤသၱာ်ဟဲစဒီၣ်ထာ်ဒ့ဒီၣ်စီၤမိၤၡ့ ကၱာ်ကဘၱာ်စဲာ် နဳၤ,” နဳၤ. 12မဲၤဝှါစသကါထာ်ပၠၤကၱာ်အဓဳၤအပွ့ၤတစီာ်ကၱာ် အဝှ့းစဲာ်တစီာ်, မဲၤဝှါစလှီ ဝဲၢ်လၢ်ဝၤအလီၤ, စပိာ်စရှးဝှါစီၤ စတ့ဖၤ, စလ့ၤအံာ်လၢ်ဝၤဒဳယူခဳးနဳၤ. 13မဲၤဝှါ စယဳၤလ့ၤအခးသဲ သၱး တတၱၢ်တမှးနီးတစီာ် ကၱာ်စဒီၣ်, “ပၠၤအယဳၤတပွဲၤတဆီတဘးအယၱၢ်ဘဲာ်ထာ်ဒ့ဒီၣ်တဲၤလ့ၤစါထံကၱာ်တဲၤ မှဲးလၤနီး. 14မၤနဲၢ်, ဝၤ သၱာ် ဟဲဘဲာ်ကဲၤစဒီၣ်ယ့ၣ်ရှူးပၠၤနစၤရ့းဖဳး ကမဲၤကဲကီအလ့ၤ အကျဲးယဳၤ ကၱာ်အနူၤအဒီ စီၤမိၤၡ့အံာ်လၤနံၤ ဝၤတစီာ်နဳၤ,” စဒီၣ်ဓဳၤ. 15ဘ့ နဳၤ ပၠၤအဆးနါယူခဳးတစီာ် စာ်တကြၱၤနၱၤ စဲာ်ဒဳၣ်, စစာ်ထၱးကဲၤလၢ်ဝၤ အမူၢ်ကါမဲၤအစာ်ဘိမီၢ်ခဳးပွဲၤဇဳၤတပွဲၤအဲနဳၤ.
ទើបបានជ្រើសរើសហើយ៖
သဓဳဖဳး 6: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
