သဓဳဖဳး 21
21
စီၤပီလူးလ့ၤဒဳယရူၤၡလ့ၣ်အူးနဳၤ
1ဘ့ဝၤဒးဘးဝှါဝၤချဳဒဳပၠၤတစီာ် အီၣ်နဳၤ, ဝၤလ့ၤကဲၤအလှီမီၢ်ထိဓဳၤ ကီးခီထံခဳး နဳၤ. အလ့ၤကါတနံၤဝၤဓဳၤကဲၤဒဳရဒူးခီထံခဳး, အလ့ၤကါဝၤလ့ၤကဲၤဒဳ ပါတရါအူးနဳၤ. 2ဘ့ယဳၤဝၤပာ်ထၱးကဲၤသဲပီၤအကလ့ၤဒဳဖံၤနံက့ၤ အက့ၤတခဳးဒဳၣ် ဝၤထာ်နံၢ်ကဲၤအပူၤ. 3ဝၤစာ်ထၱးကဲၤခီထံခဳးဒဳၣ်, ဝၤခဲလၤဓ့ၢ်ဝှါဒဳနဳၤ, ဒီၣ်လ့ၤဒီအလှီမီၢ်ဒဳ စူၤရံက့ၤ, ဘ့ဇိၢ်အူးနဳၤ, မၤနဲၢ်ဒဳၣ်, ပၠၤဘဲလါကဲကဲၤတၱၢ်တဲၤဒဳနဳၤအစဲနဳၤ. 4ဝၤဝၢ်ကါလှဲးဝှါအပျဲၢ်အဘီၣ်တစီာ် ဒဳၣ်, ဝၤအီၣ်ကဲၤဒဳနဳၤတဆီးဒဲအဓၢ်ပူၤ. ဒဳသးစါ ထံအတဲၤထဳးဝဲၢ်ထဳးဆီအပူၤ, ပၠၤတစီာ်ဒီဆး စီၤပီလူးအကတလ့ၤပီၢ်ဒဳယရူၤၡလ့ၣ်အူးအပူၤ နီးနဳၤ. 5ပရၤဆါဝၤနံၤခံအခၠၱးအကျၤ ဘဲာ် တပျာ် ဝၤလ့ၤတပွဲးလီၤ. ပျဳာ်ပျဳာ်ကၱာ်အမံၤမှူး ကၱာ်အပံၤစဖဳးတစီာ်လ့ၤသဲကဲၤဝၤ ထိဝၤဟဲး ထာ်အူးအချဳနဳၤ. ဘ့ဝၤဓဳၤလ့ၤပဲာ်လဲာ်ဝ့ၤနဳၤ, ဝၤဓဳၢ်နှဳလါကၱာ်သဘဲထာ်ကဲၤ. 6မဲၤဝှါဝၤနှူဆဲးဝှါ လၢ် ဝၤဒဳၣ်ဝၤထာ်နံၢ်သဲပီၤပူၤ ကၱာ်ပၠၤတစီာ်က့ၤကဲၤ အရှံၣ်အဖါ.
7ဝၤလ့ၤကိာ်ထံအကျဲး, ဘ့ဇိၢ်အူး ကၱာ်ဓဳၤလ့ၤကဲၤဒဳ ပတလ့းမဲအူးနဳၤ, ထဲၢ်ဝၤနှူဆဲး ဝှါအဘူၣ်တဲၤတစီာ်ကၱာ် အီၣ်ကိာ်ကဲၤစဲာ်တစီာ် အကါတသဲအဓၢ်ပူၤ. 8အလ့ၤကါတနံၤ ဝၤလ့ၤဓဳၤကဲၤဒဳကဲၤစါရံၤအူးနဳၤ. ဘ့နဳၤဝၤလ့ၤ အီၣ်ကိာ်ကဲၤစီၤဖံလံးပူး, အဝှ့းစဲာ်စါထံထဲၢ်အဘဲာ်ရိၤထာ် အကမဲၤဇဳၤတဲၤဒဳယရူၤၡလ့ၣ် အူး အပူၤ, သါသိးတပွဲၤအကျဲတပွဲၤအရှံၣ်ပူၤနဳၤ. 9စဖဳးမူၤအဖိးသဲာ် အီၣ်ကဲၤလွံၢ်ပွဲၤ ထဲၢ်အပီၢ်အံာ်ကဘၱာ်စဲာ်အလ့ၢ်အဝှဲးနဳၤ. 10ဝၤအီၣ်ဘ့နဳၤအီၣ်ဝှါ မူၤနံၤမူၤသဲပွ့တမံၤဒဳၣ်, ဝံ အမံၤမၱာ်စီၤအကၤဘူးအအီၣ်ဒဳယူဒၤက့ၤတပွဲၤ လ့ၤထၱးကဲၤဝၤ. 11စလ့ၤထၱးဝၤကၱာ် ဖၱးဝှါစီၤပီလူးအနှၱယၢ်ပံၤကၱာ် စဳကျဳၤဝှါစစူးစခၣ်, စဒီၣ်, “သးစါထံဒီၣ်ကဲၤကယဳၤ, ဒဳယရူၤၡလ့ၣ် အူးပူၤနဳၤ, နှၱယၢ်ပံၤဘၱာ်စဲစယဳၤနဳၤ ယူဒၤဖဳးတစီာ် ကစဳကကၠံၢ်ဝှါစဲာ်ဒဳၣ်, စကအံာ်လၤဖျီမံကီ လၢ်ဝၤဒဳပွဲၤသူကူာ်ဖဳးတစီာ်အစူးခီးပူၤနဳၤ,” စဒီၣ် ကဲၤဓဳၤ.
12ဘ့ဝၤသၱာ်ဟဲဘဲာ် တဲၤအယဳၤ ဒဳၣ်, ဝၤကၱာ်ပၠၤကိအပွဲၤတၤမီၤကဲၤစီၤပီလူး အကတလ့ၤပီၢ်ဒဳ ယရူၤၡလ့ၣ်အူးနီးနဳၤ. 13မၱာ်စီၤပီလူးနဳၤ, စဒီၣ်ရှံက့ၤကဲၤဝၤ, “သံသးမီမဲၤကဲၤတၤနဲၢ်. သံမဲၤဖံးလၤယီၤလၤ ကဲၤ ယတဲၤပဲၢ်လၤသးဒဳ သံမူၤကၢ်ဓူထံအကျဲ နဳၤဧါ. မၱာ်ယဲၤနဳၤ, ယအီၣ်တီၤလီၤကဲၤအကဘဲာ် စဳကျဳၤ တကးနီး အကသံဘဲာ်ဒဳယရူၤၡလ့ၣ် အူးပူၤ ဒဳဘၱာ်စဲာ်ယ့ၣ်ရှူးအမံၤအပူးနဳၤတခီ,” စဒီၣ်ကဲၤဓဳၤ.
14စတဆီးခ့န့းကၢ်ကါဝၤလ့ၢ်နီးဒဳၣ်, ဝၤလဲၢ်သဒဲစဲာ်ကၱာ်ဒီၣ်ကဲၤ, “ထ့အဘဲာ်ဘၱာ်စဲာ် အသးလီၤ,” ကနဳၤပ့ၤလီၤ.
15အလ့ၤကါ ဝၤဘီာ်ဝၤဇဳၤဝှါ ဝၤ တဲၤဖဳးတဲၤလံၤ, ဝၤထာ်ကဲၤဒဳ ယရူၤၡလ့ၣ်အူး နဳၤ. 16အပျဲၢ်အဘီၣ်အအီၣ်ဒဳ ကဲၤစါရံၤတစီာ်လ့ၤကိာ်ကဲၤဝၤကါကၱာ် စဲာ်တစီာ် လ့ၤအံာ်ဟူကဲၤဝၤဒဳ ကူပြူးခီထံခဳးဖဳးတပွဲၤအရှံၣ်အကဆီဓူၢ်ဆီးဒဲအနံၤခံ. စမံၤမၱာ်စီၤမနါစိၣ်, ထဲၢ်အပျဲၢ်အဘီၣ်အအူဆူးအကျဲတပွဲၤနဳၤ.
စီၤပီလူးလ့ၤထၱးစီၤယၤကိာ်
17ဘ့ဝၤဓဳၤယရူၤၡလ့ၣ်အူးနဳၤ, အဘူၣ်တဲၤတစီာ်ရှံအံာ်မီၤမီၤဝၱၤဝၱၤကဲၤဝၤ. 18အလ့ၤကါတနံၤ စီၤပီလူးလ့ၤကိာ်ကဲၤဝၤကါ အကလ့ၤထၱးစီၤယၤကိာ်ကၱာ် အဓဳၤအပွ့ၤတစီာ်နဳၤ. 19စနှူဆဲးဝှါပၠၤဒဳၣ်, စဒီဆးကဲၤလၢ်ဝၤ တစီာ်ထဲၢ်ဒဳစတဲၤဖၱးတဲၤမဲၤအပူၤနဳၤ ကဘၱာ်စဲာ် မဲၤနံၤကဲၤပွဲးသူကူာ်ဖဳးတစီာ်အနံၤခံပွ့းတဲၢ်နဳၤ. 20ဘ့ပၠၤတစီာ်သၱာ်ဟဲဘဲာ်တဲၤအယဳၤဒဳၣ်, စပဲၢ်တီၤပဲၢ်သ့းကဲၤကဘၱာ်စဲာ်. စဲာ်တစီာ်ဒီၣ်, “သဲပူၤဝ့ၤစီၤပီလူး, နသၱာ်ဟဲတပွဲးယူဒၤဖဳးထဲၢ် အပိာ်ကျဳၤမှ့းစီၤမိၤၡ့အတဲၤမှဲးလၤတစီာ်အကျဲ အထီးအသီဖၱထာ်ထဳ အဘူၣ်တဲၤတစီာ်. 21ကၱာ်စဲာ်တစီာ်သၱာ်ဟဲဘဲာ်ထဳ နသိၣ်အံာ်သီ အံာ်ယူဒၤဖဳးအအီၣ်ပွဲၤသူကူာ်ဖဳးတစီာ်အကျဲ အကပၢ်လၤဓ့ၢ်စီၤမိၤၡ့အတဲၤမှဲးလၤနဳၤ, နနှး ကဲၤစဲာ်အကတဝှိရကၱအဖဳးခဳတစီာ်အဖ့းခံနီး ကၱာ်အကတလိၤကိာ်မဳၤပာ်အနူၤအဒီနီးနဳၤ. 22ကမဲၤဘဲာ်စာ်တဲၢ်. တဲၤလၤဓ့ၢ်ပျဳာ်ကအီၣ် မှးမှးကီဒဳပၠၤတစီာ်သၱာ်ဟဲဘဲာ်နဓဳၤလ့ၤကဲၤယဳၤနဳၤ. 23မဲၤကနဳၤဒဳၣ်, မဲၤကိာ်ပီၢ်အစာ်ဘိ ဝၤ အံာ်ကဳအံာ်ကၠးနဲၤနဳၤ. ဒဳဝၤကျဲနဳၤ, အဟိးရါအန့ၤအီၣ်လွံၢ်ပွဲၤ, 24ယဳၤပီၢ်စဲာ်တစီာ်ကၱာ် မဲၤဘိမဲၤဘါက့ၤသံန့ၤ, ကၱာ်အံာ်လၤပီၢ်သံဒၱာ် ကျီးသံကဳာ်အလှဲ. ပၠၤကိအပွဲၤကသၱာ်ဟဲကီ ထဲၢ်စသၱာ်ဟဲဘဲာ် သံဝၱၤသံကဲအတဘဲာ်နီး, မၱာ် သံအီၣ်အံာ်ဝ့ၤတဲၤမှဲးလၤနဳၤ. 25ကမၱာ် မၤပွဲၤသူကူာ်ဖဳး အနံၤဘဲာ်တဲၤဘူၣ်တစီာ်နဳၤ, ဝၤဝှ့းနံၤဝှါစဲာ်တစီာ်စဲာ်ကၱာ် ဒီဆးထဳစဲာ် ဝၤတဲၤ ပ့ၢ်ဖး, စကတအၣ်ဘဲာ်တဲၤဟၱးပၠၤမဲၤအံာ်မီၢ်ခၱ တစီာ်နီး, တဲၤအသွံၣ်နီး, တဲၤဖဳးတဲၤဝ့ၤသံသဳအဳးတစီာ်အဟၱးနီး ကၱာ် စတလၤသူးလၤကမဲာ်ဘဲာ်နီးနူၤ,” စဒီဆးလၢ် ဝၤတစီာ်ဓဳၤ.
26အလ့ၤကါတနံၤစီၤပီလူးယဳၤဝှါ စခီအကဘဲာ်မဲၤပျၱမဲၤစါက့ၤတစီာ်နဳၤဒဳၣ်, စထာ် ကဲၤဇရၢ်ဓဳၤပူၤစာ်ဘိထဲၢ်စက့ၤမဲၤသၱာ်ဟဲပီၢ်ပၠၤ စတဲၤမဲၤပျၱမဲၤစါက့ၤအမူၤနံၤ ကပ့ထာ်ကၱာ် စကအံာ်လၤတဲၤလှူၣ်စနံၤခံကၱာ်စခီကိအပွဲၤအနံၤခံနဳၤ.
စီၤပီလူးအတဲၤဘဲာ်ဖီၣ်
27အသးမီဘးကဲၤသါသိးတနံၤနဳၤ, ယူဒၤဖဳးအအီၣ်ဒဳအၤစံက့ၤတစီာ် ထဲးကျဲၢ်နံၤ ကဲၤစီၤပီလူးဒဳဇရၢ်ဓဳၤပူၤကၱာ် စသကါထာ်ကဲၤ ပၠၤတစီာ်အကါကၱာ် ဖီၣ်ကဲၤလၢ်ဝၤ. 28စကဲာ်ဧဳၤထာ်, စဒီၣ်, “လ့ၤမဲၤဇဳၤပီၢ်, အံၣ်စရ့ လးဖဳးတစီာ်. ပၠၤအယဳၤတပွဲၤမၱာ် အဟဲဒီထိးလၤ နံၤပၠၤကိအပွဲၤကၱာ်ကိလၢ်လၢ် အထာ်ဒ့ဒီၣ်အံၣ် စရ့လးဖဳး စီၤမိၤၡ့အတဲၤမှဲးလၤကၱာ် ဝၤဇရၢ်ဓဳၤ အယဳၤနဳၤ. ခဳနူၤယဳၤ, စလ့ၤယဳၤအံာ်ပွဲၤသူကူာ်ဖဳး တစီာ်ဒဳဇရၢ်ဓဳၤပူၤနဳၤ, ကၱာ်မဲၤစၱးပိးကဲၤတဲၤလ့ၤ စါထံအယဳၤနဳၤ,” စဒီၣ်ဓဳၤ. 29(အသ့ပွ့ၤ မၱာ်စဲာ်တစီာ် စာ်ထၱးအူဆူးကဲၤအ့းဖ့းစူးဖဳး စီၤတြီၤဖံမူး ကၱစစဲာ်ဒဳအူးပူၤနဳၤ ကၱာ်စကမဳၤကဲၤ စီၤပီလူးယဳၤလ့ၤနံၢ်စဲာ်ဒဳ ဇရၢ်ဓဳၤပူၤနဳၤ.)
30တဲၤအယဳၤထဳးဝဲၢ်ထဳးဆီကဲၤ ပၠၤ သဒဲအူး, ပၠၤအအီၣ်ဒဳဒီၣ်လဲၢ်ဒီၣ်လဲၢ်နဳၤစွဲးလ့ၤ ကဲၤ, စဲာ်တစီာ်စပၢ်ဝှါ စီၤပီလူးကၱာ်စွံးထာ်ကဲ ကဲၤစဲာ်ဒဳဇရၢ်ဓဳၤအချဳနဳၤကၱာ် ကျဲၢ်ဘံာ်ကဲၤခး ကျဲၢ်စလ့ၤကါ. 31ပၠၤအဓဳၤပဲၤတပဳၤ သး မီမဲၤသံကဲၤစီၤပီလူးအခၠၱးနဳၤ, ရိမ့ၤအကျံဗဳၤဓဳၤ အစာ်အံာ်ယရူၤၡလ့ၣ်တပွဲၤသၱာ်ဟဲကဲၤတဲၤပဳၤ ကလၢ်ဒဳၣ်, 32တပျာ်ခါလီၤ, စယဳၤလၤ ဓ့ၢ်ပျဳာ်ဝှါ ကျံဗဳၤတစီာ်ကၱာ် ကျံဖဳးတစီာ်ဒဳၣ်, စသဓဳလ့ၤကဲၤလၢ်ဝၤဒဳ ပၠၤအပဳၤကျဲနဳၤ. ပၠၤတစီာ်စာ်ထၱးမၢ်ဓဳၤကၱာ်ကျံဖဳးတစီာ်ဒဳၣ်, စဆီတဘး ဓ့ၤပဳၤကဲၤစီၤပီလူး. 33မၢ်ဓဳၤဖီၣ်ဝှါ စီၤပီလူးဒဳၣ်, စနှးပၠၤစဳကျဳၤအံာ်လၢ်ဝၤထးလး ပံၤကၠံၢ်ဘီ, စထိးစာ်ဒဲစာ်ကဲၤလၢ်ဝၤ စမၱာ်ပီၢ်ပွဲၤ ကၱာ် စမဲၤကဲၤတၤနဲၢ်နဳၤ. 34ပၠၤအပဳၤအဟီး အကျဲ, တပွဲၤဒီၣ်တမဳၤ, တပွဲၤဒီၣ်တမဳၤ, ပွ့မၢ်ဓဳၤတသၱာ်ဟဲဇၤပ့ၤအကိာ်အကါနီးနဳၤ. ဒဳၣ် စနှးပၠၤလ့ၤအံာ်စီၤပီလူးဒဳကျံဖဳးအီၣ်, တဲၤဒဳးဝဲၢ် အလ့ၤနဳၤ. 35ဘ့စီၤပီလူးခဲထာ်ခးဘီနဳၤ လီၤ, ပၠၤအပဳၤအဟီးတစီာ် ဆဲးဆီးဧီၢ်ထာ်ကဲၤ ပွ့ကျံဖဳးတစီာ် ဟဲးယးအံာ်ဘဲာ်စဲာ်နဳၤ. 36မၱာ်ပၠၤလိၤကဲာ်ဧဳၤကိာ်စလ့ၤစလ့ၤ, “မဲၤသံကဲ စဲာ်,” တခီ.
စီၤပီလူးဒီၣ်လှိအန့ၤ
37ဘ့စလ့ၤအံာ်စီၤပီလူးဒဳတဲၤဒဳး ဝဲၢ် အလ့ၤနဳၤ, စတၤကဲၤမၢ်ဓဳၤ အကယၱၢ်ဘဲာ်ထၱး လၢ်ဝၤ. မၢ်ဓဳၤဒဲကဲၤစဲာ်.
“နယၱၢ်ဘဲာ်ဇၤတပွဲးကြံးခ်အလ့ၢ်ဧါ,” စဒဲလၢ်ဝၤဓဳၤ. 38“မဲၤကနဳၤဒဳၣ်, နတမၱာ် တပွဲး အဲးကူပတူးဖဳးလ့ၤအံာ်ဟူပၠၤ အပွဲၤလွံၢ်ထီးဒဳ လဳၤသံမံးဇ့ၤခဳး အကထာ်ဒ့ဒီၣ်တဲၤ တပွဲၤနီးဟဳဧါ.”
39စီၤပီလူးဒီၣ်ရှံက့ၤစဲာ်, “ယဲၤမၢ်, ယမၱာ်ယူဒၤဖဳးအအီၣ်ဒဳ က့ၤလံၤကံက့ၤ, တၢ်စူး အူး, ထဲၢ်အမံၤဓဳၤခဲဓဳၤတအူး နဳၤတပွဲၤလီၤ. အံာ်ပီၢ်ယဲၤခွဲးအကယၱၢ်ဘဲာ်ထၱးပၠၤတကၱာ်,” စဒီၣ်လၢ်ဝၤဓဳၤ.
40မၢ်ဓဳၤအဳလါတပွဲးစဲာ်ဒဳၣ်, စီၤပီလူး ထာ်ဆီထဳးအီၣ်ဝှါ ဒဳခးဘီလီၤနဳၤ, စဝ့ၤ ဝၤစစူးခီး စာ်ဘိထဲၢ် ပၠၤကအီၣ်ဇီၤလီၤနဳၤ. ဘ့ ပၠၤအီၣ်ပွဲးစၱးကဲၤတပျာ်, စယၱၢ်ဘဲာ်ထၱးကီပၠၤတစီာ်ကၱာ်ဧ့ၤဘြံၤဖဳးအလ့ၢ်.
ទើបបានជ្រើសរើសហើយ៖
သဓဳဖဳး 21: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
သဓဳဖဳး 21
21
စီၤပီလူးလ့ၤဒဳယရူၤၡလ့ၣ်အူးနဳၤ
1ဘ့ဝၤဒးဘးဝှါဝၤချဳဒဳပၠၤတစီာ် အီၣ်နဳၤ, ဝၤလ့ၤကဲၤအလှီမီၢ်ထိဓဳၤ ကီးခီထံခဳး နဳၤ. အလ့ၤကါတနံၤဝၤဓဳၤကဲၤဒဳရဒူးခီထံခဳး, အလ့ၤကါဝၤလ့ၤကဲၤဒဳ ပါတရါအူးနဳၤ. 2ဘ့ယဳၤဝၤပာ်ထၱးကဲၤသဲပီၤအကလ့ၤဒဳဖံၤနံက့ၤ အက့ၤတခဳးဒဳၣ် ဝၤထာ်နံၢ်ကဲၤအပူၤ. 3ဝၤစာ်ထၱးကဲၤခီထံခဳးဒဳၣ်, ဝၤခဲလၤဓ့ၢ်ဝှါဒဳနဳၤ, ဒီၣ်လ့ၤဒီအလှီမီၢ်ဒဳ စူၤရံက့ၤ, ဘ့ဇိၢ်အူးနဳၤ, မၤနဲၢ်ဒဳၣ်, ပၠၤဘဲလါကဲကဲၤတၱၢ်တဲၤဒဳနဳၤအစဲနဳၤ. 4ဝၤဝၢ်ကါလှဲးဝှါအပျဲၢ်အဘီၣ်တစီာ် ဒဳၣ်, ဝၤအီၣ်ကဲၤဒဳနဳၤတဆီးဒဲအဓၢ်ပူၤ. ဒဳသးစါ ထံအတဲၤထဳးဝဲၢ်ထဳးဆီအပူၤ, ပၠၤတစီာ်ဒီဆး စီၤပီလူးအကတလ့ၤပီၢ်ဒဳယရူၤၡလ့ၣ်အူးအပူၤ နီးနဳၤ. 5ပရၤဆါဝၤနံၤခံအခၠၱးအကျၤ ဘဲာ် တပျာ် ဝၤလ့ၤတပွဲးလီၤ. ပျဳာ်ပျဳာ်ကၱာ်အမံၤမှူး ကၱာ်အပံၤစဖဳးတစီာ်လ့ၤသဲကဲၤဝၤ ထိဝၤဟဲး ထာ်အူးအချဳနဳၤ. ဘ့ဝၤဓဳၤလ့ၤပဲာ်လဲာ်ဝ့ၤနဳၤ, ဝၤဓဳၢ်နှဳလါကၱာ်သဘဲထာ်ကဲၤ. 6မဲၤဝှါဝၤနှူဆဲးဝှါ လၢ် ဝၤဒဳၣ်ဝၤထာ်နံၢ်သဲပီၤပူၤ ကၱာ်ပၠၤတစီာ်က့ၤကဲၤ အရှံၣ်အဖါ.
7ဝၤလ့ၤကိာ်ထံအကျဲး, ဘ့ဇိၢ်အူး ကၱာ်ဓဳၤလ့ၤကဲၤဒဳ ပတလ့းမဲအူးနဳၤ, ထဲၢ်ဝၤနှူဆဲး ဝှါအဘူၣ်တဲၤတစီာ်ကၱာ် အီၣ်ကိာ်ကဲၤစဲာ်တစီာ် အကါတသဲအဓၢ်ပူၤ. 8အလ့ၤကါတနံၤ ဝၤလ့ၤဓဳၤကဲၤဒဳကဲၤစါရံၤအူးနဳၤ. ဘ့နဳၤဝၤလ့ၤ အီၣ်ကိာ်ကဲၤစီၤဖံလံးပူး, အဝှ့းစဲာ်စါထံထဲၢ်အဘဲာ်ရိၤထာ် အကမဲၤဇဳၤတဲၤဒဳယရူၤၡလ့ၣ် အူး အပူၤ, သါသိးတပွဲၤအကျဲတပွဲၤအရှံၣ်ပူၤနဳၤ. 9စဖဳးမူၤအဖိးသဲာ် အီၣ်ကဲၤလွံၢ်ပွဲၤ ထဲၢ်အပီၢ်အံာ်ကဘၱာ်စဲာ်အလ့ၢ်အဝှဲးနဳၤ. 10ဝၤအီၣ်ဘ့နဳၤအီၣ်ဝှါ မူၤနံၤမူၤသဲပွ့တမံၤဒဳၣ်, ဝံ အမံၤမၱာ်စီၤအကၤဘူးအအီၣ်ဒဳယူဒၤက့ၤတပွဲၤ လ့ၤထၱးကဲၤဝၤ. 11စလ့ၤထၱးဝၤကၱာ် ဖၱးဝှါစီၤပီလူးအနှၱယၢ်ပံၤကၱာ် စဳကျဳၤဝှါစစူးစခၣ်, စဒီၣ်, “သးစါထံဒီၣ်ကဲၤကယဳၤ, ဒဳယရူၤၡလ့ၣ် အူးပူၤနဳၤ, နှၱယၢ်ပံၤဘၱာ်စဲစယဳၤနဳၤ ယူဒၤဖဳးတစီာ် ကစဳကကၠံၢ်ဝှါစဲာ်ဒဳၣ်, စကအံာ်လၤဖျီမံကီ လၢ်ဝၤဒဳပွဲၤသူကူာ်ဖဳးတစီာ်အစူးခီးပူၤနဳၤ,” စဒီၣ် ကဲၤဓဳၤ.
12ဘ့ဝၤသၱာ်ဟဲဘဲာ် တဲၤအယဳၤ ဒဳၣ်, ဝၤကၱာ်ပၠၤကိအပွဲၤတၤမီၤကဲၤစီၤပီလူး အကတလ့ၤပီၢ်ဒဳ ယရူၤၡလ့ၣ်အူးနီးနဳၤ. 13မၱာ်စီၤပီလူးနဳၤ, စဒီၣ်ရှံက့ၤကဲၤဝၤ, “သံသးမီမဲၤကဲၤတၤနဲၢ်. သံမဲၤဖံးလၤယီၤလၤ ကဲၤ ယတဲၤပဲၢ်လၤသးဒဳ သံမူၤကၢ်ဓူထံအကျဲ နဳၤဧါ. မၱာ်ယဲၤနဳၤ, ယအီၣ်တီၤလီၤကဲၤအကဘဲာ် စဳကျဳၤ တကးနီး အကသံဘဲာ်ဒဳယရူၤၡလ့ၣ် အူးပူၤ ဒဳဘၱာ်စဲာ်ယ့ၣ်ရှူးအမံၤအပူးနဳၤတခီ,” စဒီၣ်ကဲၤဓဳၤ.
14စတဆီးခ့န့းကၢ်ကါဝၤလ့ၢ်နီးဒဳၣ်, ဝၤလဲၢ်သဒဲစဲာ်ကၱာ်ဒီၣ်ကဲၤ, “ထ့အဘဲာ်ဘၱာ်စဲာ် အသးလီၤ,” ကနဳၤပ့ၤလီၤ.
15အလ့ၤကါ ဝၤဘီာ်ဝၤဇဳၤဝှါ ဝၤ တဲၤဖဳးတဲၤလံၤ, ဝၤထာ်ကဲၤဒဳ ယရူၤၡလ့ၣ်အူး နဳၤ. 16အပျဲၢ်အဘီၣ်အအီၣ်ဒဳ ကဲၤစါရံၤတစီာ်လ့ၤကိာ်ကဲၤဝၤကါကၱာ် စဲာ်တစီာ် လ့ၤအံာ်ဟူကဲၤဝၤဒဳ ကူပြူးခီထံခဳးဖဳးတပွဲၤအရှံၣ်အကဆီဓူၢ်ဆီးဒဲအနံၤခံ. စမံၤမၱာ်စီၤမနါစိၣ်, ထဲၢ်အပျဲၢ်အဘီၣ်အအူဆူးအကျဲတပွဲၤနဳၤ.
စီၤပီလူးလ့ၤထၱးစီၤယၤကိာ်
17ဘ့ဝၤဓဳၤယရူၤၡလ့ၣ်အူးနဳၤ, အဘူၣ်တဲၤတစီာ်ရှံအံာ်မီၤမီၤဝၱၤဝၱၤကဲၤဝၤ. 18အလ့ၤကါတနံၤ စီၤပီလူးလ့ၤကိာ်ကဲၤဝၤကါ အကလ့ၤထၱးစီၤယၤကိာ်ကၱာ် အဓဳၤအပွ့ၤတစီာ်နဳၤ. 19စနှူဆဲးဝှါပၠၤဒဳၣ်, စဒီဆးကဲၤလၢ်ဝၤ တစီာ်ထဲၢ်ဒဳစတဲၤဖၱးတဲၤမဲၤအပူၤနဳၤ ကဘၱာ်စဲာ် မဲၤနံၤကဲၤပွဲးသူကူာ်ဖဳးတစီာ်အနံၤခံပွ့းတဲၢ်နဳၤ. 20ဘ့ပၠၤတစီာ်သၱာ်ဟဲဘဲာ်တဲၤအယဳၤဒဳၣ်, စပဲၢ်တီၤပဲၢ်သ့းကဲၤကဘၱာ်စဲာ်. စဲာ်တစီာ်ဒီၣ်, “သဲပူၤဝ့ၤစီၤပီလူး, နသၱာ်ဟဲတပွဲးယူဒၤဖဳးထဲၢ် အပိာ်ကျဳၤမှ့းစီၤမိၤၡ့အတဲၤမှဲးလၤတစီာ်အကျဲ အထီးအသီဖၱထာ်ထဳ အဘူၣ်တဲၤတစီာ်. 21ကၱာ်စဲာ်တစီာ်သၱာ်ဟဲဘဲာ်ထဳ နသိၣ်အံာ်သီ အံာ်ယူဒၤဖဳးအအီၣ်ပွဲၤသူကူာ်ဖဳးတစီာ်အကျဲ အကပၢ်လၤဓ့ၢ်စီၤမိၤၡ့အတဲၤမှဲးလၤနဳၤ, နနှး ကဲၤစဲာ်အကတဝှိရကၱအဖဳးခဳတစီာ်အဖ့းခံနီး ကၱာ်အကတလိၤကိာ်မဳၤပာ်အနူၤအဒီနီးနဳၤ. 22ကမဲၤဘဲာ်စာ်တဲၢ်. တဲၤလၤဓ့ၢ်ပျဳာ်ကအီၣ် မှးမှးကီဒဳပၠၤတစီာ်သၱာ်ဟဲဘဲာ်နဓဳၤလ့ၤကဲၤယဳၤနဳၤ. 23မဲၤကနဳၤဒဳၣ်, မဲၤကိာ်ပီၢ်အစာ်ဘိ ဝၤ အံာ်ကဳအံာ်ကၠးနဲၤနဳၤ. ဒဳဝၤကျဲနဳၤ, အဟိးရါအန့ၤအီၣ်လွံၢ်ပွဲၤ, 24ယဳၤပီၢ်စဲာ်တစီာ်ကၱာ် မဲၤဘိမဲၤဘါက့ၤသံန့ၤ, ကၱာ်အံာ်လၤပီၢ်သံဒၱာ် ကျီးသံကဳာ်အလှဲ. ပၠၤကိအပွဲၤကသၱာ်ဟဲကီ ထဲၢ်စသၱာ်ဟဲဘဲာ် သံဝၱၤသံကဲအတဘဲာ်နီး, မၱာ် သံအီၣ်အံာ်ဝ့ၤတဲၤမှဲးလၤနဳၤ. 25ကမၱာ် မၤပွဲၤသူကူာ်ဖဳး အနံၤဘဲာ်တဲၤဘူၣ်တစီာ်နဳၤ, ဝၤဝှ့းနံၤဝှါစဲာ်တစီာ်စဲာ်ကၱာ် ဒီဆးထဳစဲာ် ဝၤတဲၤ ပ့ၢ်ဖး, စကတအၣ်ဘဲာ်တဲၤဟၱးပၠၤမဲၤအံာ်မီၢ်ခၱ တစီာ်နီး, တဲၤအသွံၣ်နီး, တဲၤဖဳးတဲၤဝ့ၤသံသဳအဳးတစီာ်အဟၱးနီး ကၱာ် စတလၤသူးလၤကမဲာ်ဘဲာ်နီးနူၤ,” စဒီဆးလၢ် ဝၤတစီာ်ဓဳၤ.
26အလ့ၤကါတနံၤစီၤပီလူးယဳၤဝှါ စခီအကဘဲာ်မဲၤပျၱမဲၤစါက့ၤတစီာ်နဳၤဒဳၣ်, စထာ် ကဲၤဇရၢ်ဓဳၤပူၤစာ်ဘိထဲၢ်စက့ၤမဲၤသၱာ်ဟဲပီၢ်ပၠၤ စတဲၤမဲၤပျၱမဲၤစါက့ၤအမူၤနံၤ ကပ့ထာ်ကၱာ် စကအံာ်လၤတဲၤလှူၣ်စနံၤခံကၱာ်စခီကိအပွဲၤအနံၤခံနဳၤ.
စီၤပီလူးအတဲၤဘဲာ်ဖီၣ်
27အသးမီဘးကဲၤသါသိးတနံၤနဳၤ, ယူဒၤဖဳးအအီၣ်ဒဳအၤစံက့ၤတစီာ် ထဲးကျဲၢ်နံၤ ကဲၤစီၤပီလူးဒဳဇရၢ်ဓဳၤပူၤကၱာ် စသကါထာ်ကဲၤ ပၠၤတစီာ်အကါကၱာ် ဖီၣ်ကဲၤလၢ်ဝၤ. 28စကဲာ်ဧဳၤထာ်, စဒီၣ်, “လ့ၤမဲၤဇဳၤပီၢ်, အံၣ်စရ့ လးဖဳးတစီာ်. ပၠၤအယဳၤတပွဲၤမၱာ် အဟဲဒီထိးလၤ နံၤပၠၤကိအပွဲၤကၱာ်ကိလၢ်လၢ် အထာ်ဒ့ဒီၣ်အံၣ် စရ့လးဖဳး စီၤမိၤၡ့အတဲၤမှဲးလၤကၱာ် ဝၤဇရၢ်ဓဳၤ အယဳၤနဳၤ. ခဳနူၤယဳၤ, စလ့ၤယဳၤအံာ်ပွဲၤသူကူာ်ဖဳး တစီာ်ဒဳဇရၢ်ဓဳၤပူၤနဳၤ, ကၱာ်မဲၤစၱးပိးကဲၤတဲၤလ့ၤ စါထံအယဳၤနဳၤ,” စဒီၣ်ဓဳၤ. 29(အသ့ပွ့ၤ မၱာ်စဲာ်တစီာ် စာ်ထၱးအူဆူးကဲၤအ့းဖ့းစူးဖဳး စီၤတြီၤဖံမူး ကၱစစဲာ်ဒဳအူးပူၤနဳၤ ကၱာ်စကမဳၤကဲၤ စီၤပီလူးယဳၤလ့ၤနံၢ်စဲာ်ဒဳ ဇရၢ်ဓဳၤပူၤနဳၤ.)
30တဲၤအယဳၤထဳးဝဲၢ်ထဳးဆီကဲၤ ပၠၤ သဒဲအူး, ပၠၤအအီၣ်ဒဳဒီၣ်လဲၢ်ဒီၣ်လဲၢ်နဳၤစွဲးလ့ၤ ကဲၤ, စဲာ်တစီာ်စပၢ်ဝှါ စီၤပီလူးကၱာ်စွံးထာ်ကဲ ကဲၤစဲာ်ဒဳဇရၢ်ဓဳၤအချဳနဳၤကၱာ် ကျဲၢ်ဘံာ်ကဲၤခး ကျဲၢ်စလ့ၤကါ. 31ပၠၤအဓဳၤပဲၤတပဳၤ သး မီမဲၤသံကဲၤစီၤပီလူးအခၠၱးနဳၤ, ရိမ့ၤအကျံဗဳၤဓဳၤ အစာ်အံာ်ယရူၤၡလ့ၣ်တပွဲၤသၱာ်ဟဲကဲၤတဲၤပဳၤ ကလၢ်ဒဳၣ်, 32တပျာ်ခါလီၤ, စယဳၤလၤ ဓ့ၢ်ပျဳာ်ဝှါ ကျံဗဳၤတစီာ်ကၱာ် ကျံဖဳးတစီာ်ဒဳၣ်, စသဓဳလ့ၤကဲၤလၢ်ဝၤဒဳ ပၠၤအပဳၤကျဲနဳၤ. ပၠၤတစီာ်စာ်ထၱးမၢ်ဓဳၤကၱာ်ကျံဖဳးတစီာ်ဒဳၣ်, စဆီတဘး ဓ့ၤပဳၤကဲၤစီၤပီလူး. 33မၢ်ဓဳၤဖီၣ်ဝှါ စီၤပီလူးဒဳၣ်, စနှးပၠၤစဳကျဳၤအံာ်လၢ်ဝၤထးလး ပံၤကၠံၢ်ဘီ, စထိးစာ်ဒဲစာ်ကဲၤလၢ်ဝၤ စမၱာ်ပီၢ်ပွဲၤ ကၱာ် စမဲၤကဲၤတၤနဲၢ်နဳၤ. 34ပၠၤအပဳၤအဟီး အကျဲ, တပွဲၤဒီၣ်တမဳၤ, တပွဲၤဒီၣ်တမဳၤ, ပွ့မၢ်ဓဳၤတသၱာ်ဟဲဇၤပ့ၤအကိာ်အကါနီးနဳၤ. ဒဳၣ် စနှးပၠၤလ့ၤအံာ်စီၤပီလူးဒဳကျံဖဳးအီၣ်, တဲၤဒဳးဝဲၢ် အလ့ၤနဳၤ. 35ဘ့စီၤပီလူးခဲထာ်ခးဘီနဳၤ လီၤ, ပၠၤအပဳၤအဟီးတစီာ် ဆဲးဆီးဧီၢ်ထာ်ကဲၤ ပွ့ကျံဖဳးတစီာ် ဟဲးယးအံာ်ဘဲာ်စဲာ်နဳၤ. 36မၱာ်ပၠၤလိၤကဲာ်ဧဳၤကိာ်စလ့ၤစလ့ၤ, “မဲၤသံကဲ စဲာ်,” တခီ.
စီၤပီလူးဒီၣ်လှိအန့ၤ
37ဘ့စလ့ၤအံာ်စီၤပီလူးဒဳတဲၤဒဳး ဝဲၢ် အလ့ၤနဳၤ, စတၤကဲၤမၢ်ဓဳၤ အကယၱၢ်ဘဲာ်ထၱး လၢ်ဝၤ. မၢ်ဓဳၤဒဲကဲၤစဲာ်.
“နယၱၢ်ဘဲာ်ဇၤတပွဲးကြံးခ်အလ့ၢ်ဧါ,” စဒဲလၢ်ဝၤဓဳၤ. 38“မဲၤကနဳၤဒဳၣ်, နတမၱာ် တပွဲး အဲးကူပတူးဖဳးလ့ၤအံာ်ဟူပၠၤ အပွဲၤလွံၢ်ထီးဒဳ လဳၤသံမံးဇ့ၤခဳး အကထာ်ဒ့ဒီၣ်တဲၤ တပွဲၤနီးဟဳဧါ.”
39စီၤပီလူးဒီၣ်ရှံက့ၤစဲာ်, “ယဲၤမၢ်, ယမၱာ်ယူဒၤဖဳးအအီၣ်ဒဳ က့ၤလံၤကံက့ၤ, တၢ်စူး အူး, ထဲၢ်အမံၤဓဳၤခဲဓဳၤတအူး နဳၤတပွဲၤလီၤ. အံာ်ပီၢ်ယဲၤခွဲးအကယၱၢ်ဘဲာ်ထၱးပၠၤတကၱာ်,” စဒီၣ်လၢ်ဝၤဓဳၤ.
40မၢ်ဓဳၤအဳလါတပွဲးစဲာ်ဒဳၣ်, စီၤပီလူး ထာ်ဆီထဳးအီၣ်ဝှါ ဒဳခးဘီလီၤနဳၤ, စဝ့ၤ ဝၤစစူးခီး စာ်ဘိထဲၢ် ပၠၤကအီၣ်ဇီၤလီၤနဳၤ. ဘ့ ပၠၤအီၣ်ပွဲးစၱးကဲၤတပျာ်, စယၱၢ်ဘဲာ်ထၱးကီပၠၤတစီာ်ကၱာ်ဧ့ၤဘြံၤဖဳးအလ့ၢ်.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.