သဓဳဖဳး 22
22
1“ယသဲပူၤဝ့ၤတစီာ်, အဳအပာ်တစီာ်, ဆီးခ့န့းပီၢ် ယဒီၣ်တဲၤဒဳတဲၤဝဳၤလၤအံာ် အန့ၤဒဳသံလှီမီၢ်နဳၤတကၱာ်.” 2ဘ့ပၠၤတစီာ် သၱာ်ဟဲယယၱၢ်ဘဲာ်ဧ့ၤဘြံၤဖဳးအလ့ၢ်ဒဳၣ်, ဒၱပၠၤအီၣ်ဇီၤလီၤကဲၤကဲၤ.
3စီၤပီလူးဒီၣ်, “ယမၱာ်ယူဒၤဖဳးတပွဲၤ ကၱာ် ယအီၣ်လၤကဲၤဒဳကံၤလံၤကံက့ၤ, တၢ်စူး အူးပူၤနဳၤ. ယဓဳၤထာ်ကဲၤဒဳတၢ်စူးအူးပူၤ, ယမဲၤ လှိကဲၤစဲာ်ဒဳစီၤကမၤလ့လးအစူးခီၤပူၤ ကၱာ်စသိၣ်အံာ်သီအံာ်ကဲၤယဲၤ ဖံဖူအတဲၤထိးလၤမှဲး လၤအကါတစီာ်နဳၤ. ယမဲၤပ့ထာ်ဇီၤထာ်ကဲၤ ကဘၱစဲာ်အတဲၤမဲၤအစာ်ဘိသံမဲၤကဲၤခဳနူၤယဳၤ နဳၤ. 4ယလိၤမဲၤဆဲးညဲပၠၤအလိၤကိာ်ကျဲး အယဳၤတစီာ်ပွ့ယမဲၤသံစဲာ်တစီာ်, ယစဳယကၠံၢ် ဝှါအမံၤမှူးအမံၤခဳတစီာ် ယလ့ၤထၱးနံၢ်စဲာ်ဒဳတဲၤ ကၱတၱၢ်အပူၤနဳၤ. 5ယဒီၣ်တဲၤမၱာ်အတၱၢ် အမှးနဳၤပၠၤလှူၣ်တဲၤအဓဳၤအဓဳၤကဓူကၱာ်အဓဳၤ အပွ့ၤလဳစါစဲးတစီာ် ခးနံၤဇၤတပွဲးယဲၤသဲသၱး. မၤနဲၢ်ဒဳၣ်, စဲာ်တစီာ်သဲလ့ၤစဲာ်ဒဳ သဲပူၤဝ့ၤအအီၣ် ဒဳ ဒၤမ့ၤစ့းအူးပူၤတစီာ်နဳၤ. ဒဳယတဲၤလ့ၤကျဲး အဆဳအခဲနဳၤ, ယတဲၤကဳတဲၤကၠးမၱာ် အကက့ၤ အံာ်တဲၤကၱတၱၢ်ဖဳးတစီာ်အကဘဲာ်စံးရးဒဳ ယရူၤ ရှလ့ၣ်အူးပူၤနဳၤ.
စီၤပီလူးဒီဆးအတဲၤဘါချဲးသး
(သဓဳဖဳး ၉:၁-၁၉, ၂၆:၁၂-၁၈)
6“ဘ့ယလ့ၤကိာ်ကျဲးကၱာ်ဓဳၤဘိးထၱး ဒၤမ့ၤစ့းအူး, လူၤမူၤထံးထာ်အခၠၱးနဳၤ, တဲၤလှၱ ဆ့းကတြီၤအအီၣ်ဒဳမီၢ်ခဳးလၢ်တဓဲ လှၱခွဲဘးကဲၤ ယဲၤ. 7ယလၤခူးလၢ်ခဳးကၱာ် သၱာ်ဟဲဘဲာ် ကဲၤတဲၤလ့ၢ်တဓဲ, အဒီၣ်ယဲၤ, ‘စီၤစီလူး, စီၤစီးလူး, နလိၤမဲၤဆဲးညဲမၤယဲၤနဲၢ်,’ အဒီၣ်ယဲၤ ဓဳၤ. 8ယဒီၣ်ရှံက့ၤစဲာ်, ‘နမၱာ်ပီၢ်ပွဲၤ, အဳ ဘၱာ်စဲာ်,’ ယဒဲကဲၤစဲာ်ဓဳၤကၱာ် စဒီၣ်က့ၤယဲၤ, ‘ယမၱာ်ပၠၤနစၤရ့းဖဳးယ့ၣ်ရှူး, ထဲၢ်နလိၤမဲၤဆဲးညဲ တပွဲၤနဳၤ,’ စဒီၣ်ကဲၤယဲၤဓဳၤ. 9ပၠၤအအီၣ် ကိာ်ယကါတစီာ် စာ်ထၱးတပွဲးတဲၤလှၱ, မၱာ်စတသၱာ်ဟဲကဲၤတဲၤလ့ၢ် အယၱၢ်ဘဲာ်ထၱးယဲၤနဳၤနီး. 10ယဒီၣ်ကဲၤ, ‘ယကမဲၤဘဲာ်တၤနဲၢ်. အဳ ဘၱာ်စဲာ်.’ ဘၱာ်စဲာ်ဒီၣ်ကဲၤယဲၤ, ‘ဝဲၢ်ထဳးကၱာ်လ့ၤဒဳ ဒၤမ့ၤစ့းအူးပူၤနဳၤ. နကမဲၤဘဲာ်တၤနဲၢ်နဳၤ တဲၤကဒီဆးကီနဲၤ,’ စဒီၣ်ယဲၤဓဳၤ. 11တဲၤလှၱ ကဲၢ်ကပြီၤကဲၤ ပွ့ယကၢ်ဓူခံးကဲၤနဳၤဒဳၣ်, ယခီတစီာ်ပိာ်ကျဳၤယစူးခီးခၣ်လဲာ် ယဓဳၤကီဒဳဒၤမ့ၤစ့း အူးပူၤနဳၤ.
12“ပၠၤယဳၤအမံၤစီၤအနၤနံ, အလိၤ ကိာ်စီၤမိၤၡ့အဲၤသိၣ်တဲၤသီထဲၢ် ယူဒၤဖဳအအီၣ် ဒဳနဳၤလဳစါစဲးဒဳဘဲာ်ယးဘဲာ်တပွဲၤနဳၤ လ့ၤထၱးကဲၤ ယဲၤ. 13စဆီထဳးအီၣ်ဝှါယဧဳၢ်လီၤဒဳၣ်, ဒီၣ်ကဲၤ, ‘အပၱးကီ စီၤစီလူး, စာ်ထၱးက့ၤပီၢ်တဲၤ တခး’ စဒီၣ်ယဲၤဓဳၤ. ယကၢ်ဓူလှၱထာ်တနၢ်ကၱာ် ယစာ်ထအးကဲၤစဲာ်. 14မဲၤဝှါစဒီၣ်, ‘ဝၤဖံ ဝၤဖူအဘၱာ်စဲာ်ရိၤထာ်ကဲၤနဲၤအကသၱာ်ဟဲ စတဲၤ သးအဲးနံၤ, အကစာ်ထၱးဘဲာ်ပၠၤအတၱၢ်အမှး တပွဲၤ, အကသၱာ်ဟဲစဲာ်သဲန့ၤယၱၢ်ဘဲာ်ထၱးနဲၤ အလ့ၢ်နဳၤ. 15နကမၱာ်ဘဲာ်စနံၤခံသဲသၱးဒဳ ပၠၤအခွံအသလဲလဳစါစဲးအလှီမီၢ်တဲၤထဲၢ်နစာ် ထၱးကၱာ်နသၱာ်ဟဲဘဲာ်တစီာ်နဳၤ. 16မဲၤကနဳၤဒဳၣ်, နတိၤအံာ်ကဲၤတၤနဲၢ်. အခၠၱးဘဲာ်ထဳဒဳ နကဖဳးစူနန့ၤထံကၱာ် အူဆးဘါကဲနတဲၤခီၣ်ဝဲၤ ခီၣ်ခး ဒဳတဲၤယဳၤထာ်စမံၤအပူၤနဳၤ.’
စီၤပီလူးဘဲာ်ယဳၤလ့ၤ အကဒီထိးလၤနံၤ ပွဲၤသူကူာ်ဖဳးတစီာ်
17“တပျာ်ပ့ၤ ဘ့ယဓဳၤလ့ၤဝှါယရူၤ ရှလ့ၣ်အူးပူၤ, ဘ့ယသဘဲထာ်ဒဳဇရၢ်ဓဳၤပူၤနဳၤ, 18ယစာ်ထၱးဘဲာ်ကဲၤစဲာ်ဒဳၣ်, စဒီၣ်ကဲၤ ယဲၤ, ‘မဲၤပျါ, ဟဲးထာ်ပျါယရူၤၡလ့ၣ်အူး, မၤနဲၢ် ဒဳၣ်, စဲာ်တစီာ် ကတဖၱးနံၤတပွဲးနတဲၤခးယနံၤခံ သဲသၱးနီး.’ 19ယဒီၣ်ရှံက့ၤစဲာ်, ‘အဳဘၱာ် စဲာ်, စဲာ်တစီာ်သၱာ်ဟဲဘဲာ်ထဲၢ် ယထာ်ဘူၣ်ဘျီၣ် တဝၤလၤဓ့ၢ်တဝၤ, ထၱးနံၢ်ပၠၤအဘူၣ်နဲၤတစီာ် ဒဳတဲၤကၱတၱၢ်အပူၤကၱာ်ဓ့ၤပဳၤကဲၤလၢ်ဝၤနဳၤ. 20ကၱာ်ဒီဘ့အခးနနံၤခံသဲသၱး စီၤစတ့းဖၣ် လှီးလၤကဲၤအသွံၣ်အထံအခၠၱးနဳၤ, ယဆီထဳး အီၣ်ပျဳာ်ကဲၤအမဲၤသံစဲာ်တစီာ်ကၱာ်ယဝဳၤအံာ်ကဲၤ စဲာ်တစီာ် အရှံာ်ဒဳချဳအခဳးအစဲနဳၤ,’ ယဒီၣ်ရှံက့ၤ ကဲၤစဲာ်ဓဳၤ. 21အလ့ၤကါစဒီၣ်ယဲၤ, ‘လ့ၤ ပီၢ်, ယသဓဳနဲၤဒဳ ပွဲၤသူကူာ်ဖဳးထဲၢ် အအီၣ်ယၱၤ အီၣ်ဇဳၤတစီာ်နဳၤတခီ,’ စဒီၣ်ယဲၤဓဳၤ.”
22ပၠၤတစီစဆီးခ့န့းတပွဲး စတဲၤယၱၢ် ဘဲာ်ထိစဒီၣ်ထာ်နံၤတဲၤအယဳၤနဳၤဒဳၣ်, စဲာ်တစီာ် ကဲာ်ဧဳၤထာ်ကဲၤ, “မဲၤကဲၤပၠၤအယဳၤတပွဲၤယဳၤ. စတမီၤအီၣ်ပၠၤနီး,” စဒီၣ်ဓဳၤ. 23ပၠၤတစီာ်ကဲၤဧဳၤထဳဖူး, ဝှ့းဝှါစရှံာ်ဒဳကၱာ်ပၢ်ဖၱပၢ်ဖဲးကဲၤ. 24မဲၤကနဳၤဒဳၣ်, ရိမ့ၤဖဳးအကျံဗဳၤဓဳၤ ဒီၣ်ပၠၤလ့ၤအံာ်စဲာ်ဒဳ တဲၤဒဳးဝဲၢ်အလ့ၤနဳၤကၱာ်နှး ပၠၤလှၱးပျဲဝှါစဲာ်, ထိးစာ်ဒဲစာ်လၢ်ဝၤထဲၢ် ပၠၤတစီာ် တြးအံာ်မၤစဲာ်ပွ့ကနဳၤအစဲနဳၤ. 25ပရၤ ဆါဘ့ပၠၤတစီာ်စဳဝဲၢ်ကျဳၤဝှါစဲာ်, သးမီလှၱးပျဲကဲၤ စဲာ်နဳၤ, စီၤပီလူးဒဲကဲၤမၢ်ဓဳၤ, ထဲၢ်အဆီထဳးအီၣ် စကါထၱးတပွဲၤနဳၤ, “သံဓ့ၤသံပဳၤရိမ့ၤဖဳးတပွဲၤနဳၤ တချူကၱာ်သံစံးရးဖးမ့ၤစဲာ်နှၱနီးနဳၤ အဘဲာ်ကျဲး ပီၢ်ဧါ” စဒဲကဲၤလၢ်ဝၤဓဳၤ.
26ကျံဗဳၤဓဳၤတပွဲၤသၱာ်ဟဲဘဲာ်တဲၤအယဳၤဒဳၣ်, စလ့ၤဒီဆးကဲၤမၢ်ဓဳၤ, “နမဲၤတၤနဲၢ်နဳၤ နသၱာ်ဟဲပီၢ်ဧါ. ပၠၤအယဳၤတပွဲၤမၱာ်ရိမ့ၤဖဳးနၱၢ်,” စဒီၣ်လၢ်ဝၤဓဳၤ.
27မဲၤကနဳၤဒဳၣ်, ကျံဗဳၤဓဳၤ လ့ၤထၱး စီၤပီလူးကၱာ် စဒီၣ်လၢ်ဝၤ, “နမၱာ်ရိမ့ၤဖဳးတပွဲၤ ဧါ, စဒဲကဲၤလၢ်ဝၤဓဳၤ.
“ယမၱာ်ဟဳ,” စီၤပီလူးဒီဆးကဲၤစဲာ်ဓဳၤ.
28ကျံဗဳၤဓဳၤဒီၣ်ကဲၤစဲာ်, “ယလဳၢ် လၤအီၣ်အဲးဝှိအကနံၤဘဲာ်ရိမ့ၤဖဳးအထူအယၤ,” စဒီဆးလၢ်ဝၤဓဳၤ.
“ယအီၣ်လၤနံၤကဲၤရိမ့ၤဖဳးတပွဲၤတခီ,” စီၤပီလူးဒီၣ်ကဲၤစဲာ်ဓဳၤ.
29တပျာ်ခါလီၤ, ပၠၤအထိးအဒဲ စီၤပီလူး တစီာ်ဆဲးကလိၢ်ကလ့ၤကဲၤ. ကၱာ်ဒီစစဳ စကၠံၢ်နံၤကဲၤရိမ့ၤဖဳးတပွဲၤအစဲ, ကျံဗဳၤဓဳၤသးကနၢ်ကဲၤ.
စီၤပီလူးဒဳယူဒၤဖဳးအတဲၤစံးရးအလ့ၤ
30အလ့ၤကါတနံၤကျံဗဳၤဓဳၤသးအဲး သၱာ်ဟဲယူဒၤဖဳးတစီာ် ဆးဝဲၢ်စီၤပီလူးအလီၤတဲၤ ကမဲးမၱာ်တၤအစဲနဲၢ်နဳၤဒဳၣ်, စယဳၤလၤတ့ၢ်ပျဳာ်လဳ ပၠၤလှူၣ်တဲၤအဓဳၤတစီာ်ကၱာ်ယူဒၤဖဳးအစံးရးတဲၤလဳ စါစဲး, မဲၤဝှါ, စနှးဆီထဳးအီၣ် စီၤပီလူးဒဳ စဲာ်တစီာ်အလှီမီၢ်နဳၤ.
ទើបបានជ្រើសរើសហើយ៖
သဓဳဖဳး 22: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
သဓဳဖဳး 22
22
1“ယသဲပူၤဝ့ၤတစီာ်, အဳအပာ်တစီာ်, ဆီးခ့န့းပီၢ် ယဒီၣ်တဲၤဒဳတဲၤဝဳၤလၤအံာ် အန့ၤဒဳသံလှီမီၢ်နဳၤတကၱာ်.” 2ဘ့ပၠၤတစီာ် သၱာ်ဟဲယယၱၢ်ဘဲာ်ဧ့ၤဘြံၤဖဳးအလ့ၢ်ဒဳၣ်, ဒၱပၠၤအီၣ်ဇီၤလီၤကဲၤကဲၤ.
3စီၤပီလူးဒီၣ်, “ယမၱာ်ယူဒၤဖဳးတပွဲၤ ကၱာ် ယအီၣ်လၤကဲၤဒဳကံၤလံၤကံက့ၤ, တၢ်စူး အူးပူၤနဳၤ. ယဓဳၤထာ်ကဲၤဒဳတၢ်စူးအူးပူၤ, ယမဲၤ လှိကဲၤစဲာ်ဒဳစီၤကမၤလ့လးအစူးခီၤပူၤ ကၱာ်စသိၣ်အံာ်သီအံာ်ကဲၤယဲၤ ဖံဖူအတဲၤထိးလၤမှဲး လၤအကါတစီာ်နဳၤ. ယမဲၤပ့ထာ်ဇီၤထာ်ကဲၤ ကဘၱစဲာ်အတဲၤမဲၤအစာ်ဘိသံမဲၤကဲၤခဳနူၤယဳၤ နဳၤ. 4ယလိၤမဲၤဆဲးညဲပၠၤအလိၤကိာ်ကျဲး အယဳၤတစီာ်ပွ့ယမဲၤသံစဲာ်တစီာ်, ယစဳယကၠံၢ် ဝှါအမံၤမှူးအမံၤခဳတစီာ် ယလ့ၤထၱးနံၢ်စဲာ်ဒဳတဲၤ ကၱတၱၢ်အပူၤနဳၤ. 5ယဒီၣ်တဲၤမၱာ်အတၱၢ် အမှးနဳၤပၠၤလှူၣ်တဲၤအဓဳၤအဓဳၤကဓူကၱာ်အဓဳၤ အပွ့ၤလဳစါစဲးတစီာ် ခးနံၤဇၤတပွဲးယဲၤသဲသၱး. မၤနဲၢ်ဒဳၣ်, စဲာ်တစီာ်သဲလ့ၤစဲာ်ဒဳ သဲပူၤဝ့ၤအအီၣ် ဒဳ ဒၤမ့ၤစ့းအူးပူၤတစီာ်နဳၤ. ဒဳယတဲၤလ့ၤကျဲး အဆဳအခဲနဳၤ, ယတဲၤကဳတဲၤကၠးမၱာ် အကက့ၤ အံာ်တဲၤကၱတၱၢ်ဖဳးတစီာ်အကဘဲာ်စံးရးဒဳ ယရူၤ ရှလ့ၣ်အူးပူၤနဳၤ.
စီၤပီလူးဒီဆးအတဲၤဘါချဲးသး
(သဓဳဖဳး ၉:၁-၁၉, ၂၆:၁၂-၁၈)
6“ဘ့ယလ့ၤကိာ်ကျဲးကၱာ်ဓဳၤဘိးထၱး ဒၤမ့ၤစ့းအူး, လူၤမူၤထံးထာ်အခၠၱးနဳၤ, တဲၤလှၱ ဆ့းကတြီၤအအီၣ်ဒဳမီၢ်ခဳးလၢ်တဓဲ လှၱခွဲဘးကဲၤ ယဲၤ. 7ယလၤခူးလၢ်ခဳးကၱာ် သၱာ်ဟဲဘဲာ် ကဲၤတဲၤလ့ၢ်တဓဲ, အဒီၣ်ယဲၤ, ‘စီၤစီလူး, စီၤစီးလူး, နလိၤမဲၤဆဲးညဲမၤယဲၤနဲၢ်,’ အဒီၣ်ယဲၤ ဓဳၤ. 8ယဒီၣ်ရှံက့ၤစဲာ်, ‘နမၱာ်ပီၢ်ပွဲၤ, အဳ ဘၱာ်စဲာ်,’ ယဒဲကဲၤစဲာ်ဓဳၤကၱာ် စဒီၣ်က့ၤယဲၤ, ‘ယမၱာ်ပၠၤနစၤရ့းဖဳးယ့ၣ်ရှူး, ထဲၢ်နလိၤမဲၤဆဲးညဲ တပွဲၤနဳၤ,’ စဒီၣ်ကဲၤယဲၤဓဳၤ. 9ပၠၤအအီၣ် ကိာ်ယကါတစီာ် စာ်ထၱးတပွဲးတဲၤလှၱ, မၱာ်စတသၱာ်ဟဲကဲၤတဲၤလ့ၢ် အယၱၢ်ဘဲာ်ထၱးယဲၤနဳၤနီး. 10ယဒီၣ်ကဲၤ, ‘ယကမဲၤဘဲာ်တၤနဲၢ်. အဳ ဘၱာ်စဲာ်.’ ဘၱာ်စဲာ်ဒီၣ်ကဲၤယဲၤ, ‘ဝဲၢ်ထဳးကၱာ်လ့ၤဒဳ ဒၤမ့ၤစ့းအူးပူၤနဳၤ. နကမဲၤဘဲာ်တၤနဲၢ်နဳၤ တဲၤကဒီဆးကီနဲၤ,’ စဒီၣ်ယဲၤဓဳၤ. 11တဲၤလှၱ ကဲၢ်ကပြီၤကဲၤ ပွ့ယကၢ်ဓူခံးကဲၤနဳၤဒဳၣ်, ယခီတစီာ်ပိာ်ကျဳၤယစူးခီးခၣ်လဲာ် ယဓဳၤကီဒဳဒၤမ့ၤစ့း အူးပူၤနဳၤ.
12“ပၠၤယဳၤအမံၤစီၤအနၤနံ, အလိၤ ကိာ်စီၤမိၤၡ့အဲၤသိၣ်တဲၤသီထဲၢ် ယူဒၤဖဳအအီၣ် ဒဳနဳၤလဳစါစဲးဒဳဘဲာ်ယးဘဲာ်တပွဲၤနဳၤ လ့ၤထၱးကဲၤ ယဲၤ. 13စဆီထဳးအီၣ်ဝှါယဧဳၢ်လီၤဒဳၣ်, ဒီၣ်ကဲၤ, ‘အပၱးကီ စီၤစီလူး, စာ်ထၱးက့ၤပီၢ်တဲၤ တခး’ စဒီၣ်ယဲၤဓဳၤ. ယကၢ်ဓူလှၱထာ်တနၢ်ကၱာ် ယစာ်ထအးကဲၤစဲာ်. 14မဲၤဝှါစဒီၣ်, ‘ဝၤဖံ ဝၤဖူအဘၱာ်စဲာ်ရိၤထာ်ကဲၤနဲၤအကသၱာ်ဟဲ စတဲၤ သးအဲးနံၤ, အကစာ်ထၱးဘဲာ်ပၠၤအတၱၢ်အမှး တပွဲၤ, အကသၱာ်ဟဲစဲာ်သဲန့ၤယၱၢ်ဘဲာ်ထၱးနဲၤ အလ့ၢ်နဳၤ. 15နကမၱာ်ဘဲာ်စနံၤခံသဲသၱးဒဳ ပၠၤအခွံအသလဲလဳစါစဲးအလှီမီၢ်တဲၤထဲၢ်နစာ် ထၱးကၱာ်နသၱာ်ဟဲဘဲာ်တစီာ်နဳၤ. 16မဲၤကနဳၤဒဳၣ်, နတိၤအံာ်ကဲၤတၤနဲၢ်. အခၠၱးဘဲာ်ထဳဒဳ နကဖဳးစူနန့ၤထံကၱာ် အူဆးဘါကဲနတဲၤခီၣ်ဝဲၤ ခီၣ်ခး ဒဳတဲၤယဳၤထာ်စမံၤအပူၤနဳၤ.’
စီၤပီလူးဘဲာ်ယဳၤလ့ၤ အကဒီထိးလၤနံၤ ပွဲၤသူကူာ်ဖဳးတစီာ်
17“တပျာ်ပ့ၤ ဘ့ယဓဳၤလ့ၤဝှါယရူၤ ရှလ့ၣ်အူးပူၤ, ဘ့ယသဘဲထာ်ဒဳဇရၢ်ဓဳၤပူၤနဳၤ, 18ယစာ်ထၱးဘဲာ်ကဲၤစဲာ်ဒဳၣ်, စဒီၣ်ကဲၤ ယဲၤ, ‘မဲၤပျါ, ဟဲးထာ်ပျါယရူၤၡလ့ၣ်အူး, မၤနဲၢ် ဒဳၣ်, စဲာ်တစီာ် ကတဖၱးနံၤတပွဲးနတဲၤခးယနံၤခံ သဲသၱးနီး.’ 19ယဒီၣ်ရှံက့ၤစဲာ်, ‘အဳဘၱာ် စဲာ်, စဲာ်တစီာ်သၱာ်ဟဲဘဲာ်ထဲၢ် ယထာ်ဘူၣ်ဘျီၣ် တဝၤလၤဓ့ၢ်တဝၤ, ထၱးနံၢ်ပၠၤအဘူၣ်နဲၤတစီာ် ဒဳတဲၤကၱတၱၢ်အပူၤကၱာ်ဓ့ၤပဳၤကဲၤလၢ်ဝၤနဳၤ. 20ကၱာ်ဒီဘ့အခးနနံၤခံသဲသၱး စီၤစတ့းဖၣ် လှီးလၤကဲၤအသွံၣ်အထံအခၠၱးနဳၤ, ယဆီထဳး အီၣ်ပျဳာ်ကဲၤအမဲၤသံစဲာ်တစီာ်ကၱာ်ယဝဳၤအံာ်ကဲၤ စဲာ်တစီာ် အရှံာ်ဒဳချဳအခဳးအစဲနဳၤ,’ ယဒီၣ်ရှံက့ၤ ကဲၤစဲာ်ဓဳၤ. 21အလ့ၤကါစဒီၣ်ယဲၤ, ‘လ့ၤ ပီၢ်, ယသဓဳနဲၤဒဳ ပွဲၤသူကူာ်ဖဳးထဲၢ် အအီၣ်ယၱၤ အီၣ်ဇဳၤတစီာ်နဳၤတခီ,’ စဒီၣ်ယဲၤဓဳၤ.”
22ပၠၤတစီစဆီးခ့န့းတပွဲး စတဲၤယၱၢ် ဘဲာ်ထိစဒီၣ်ထာ်နံၤတဲၤအယဳၤနဳၤဒဳၣ်, စဲာ်တစီာ် ကဲာ်ဧဳၤထာ်ကဲၤ, “မဲၤကဲၤပၠၤအယဳၤတပွဲၤယဳၤ. စတမီၤအီၣ်ပၠၤနီး,” စဒီၣ်ဓဳၤ. 23ပၠၤတစီာ်ကဲၤဧဳၤထဳဖူး, ဝှ့းဝှါစရှံာ်ဒဳကၱာ်ပၢ်ဖၱပၢ်ဖဲးကဲၤ. 24မဲၤကနဳၤဒဳၣ်, ရိမ့ၤဖဳးအကျံဗဳၤဓဳၤ ဒီၣ်ပၠၤလ့ၤအံာ်စဲာ်ဒဳ တဲၤဒဳးဝဲၢ်အလ့ၤနဳၤကၱာ်နှး ပၠၤလှၱးပျဲဝှါစဲာ်, ထိးစာ်ဒဲစာ်လၢ်ဝၤထဲၢ် ပၠၤတစီာ် တြးအံာ်မၤစဲာ်ပွ့ကနဳၤအစဲနဳၤ. 25ပရၤ ဆါဘ့ပၠၤတစီာ်စဳဝဲၢ်ကျဳၤဝှါစဲာ်, သးမီလှၱးပျဲကဲၤ စဲာ်နဳၤ, စီၤပီလူးဒဲကဲၤမၢ်ဓဳၤ, ထဲၢ်အဆီထဳးအီၣ် စကါထၱးတပွဲၤနဳၤ, “သံဓ့ၤသံပဳၤရိမ့ၤဖဳးတပွဲၤနဳၤ တချူကၱာ်သံစံးရးဖးမ့ၤစဲာ်နှၱနီးနဳၤ အဘဲာ်ကျဲး ပီၢ်ဧါ” စဒဲကဲၤလၢ်ဝၤဓဳၤ.
26ကျံဗဳၤဓဳၤတပွဲၤသၱာ်ဟဲဘဲာ်တဲၤအယဳၤဒဳၣ်, စလ့ၤဒီဆးကဲၤမၢ်ဓဳၤ, “နမဲၤတၤနဲၢ်နဳၤ နသၱာ်ဟဲပီၢ်ဧါ. ပၠၤအယဳၤတပွဲၤမၱာ်ရိမ့ၤဖဳးနၱၢ်,” စဒီၣ်လၢ်ဝၤဓဳၤ.
27မဲၤကနဳၤဒဳၣ်, ကျံဗဳၤဓဳၤ လ့ၤထၱး စီၤပီလူးကၱာ် စဒီၣ်လၢ်ဝၤ, “နမၱာ်ရိမ့ၤဖဳးတပွဲၤ ဧါ, စဒဲကဲၤလၢ်ဝၤဓဳၤ.
“ယမၱာ်ဟဳ,” စီၤပီလူးဒီဆးကဲၤစဲာ်ဓဳၤ.
28ကျံဗဳၤဓဳၤဒီၣ်ကဲၤစဲာ်, “ယလဳၢ် လၤအီၣ်အဲးဝှိအကနံၤဘဲာ်ရိမ့ၤဖဳးအထူအယၤ,” စဒီဆးလၢ်ဝၤဓဳၤ.
“ယအီၣ်လၤနံၤကဲၤရိမ့ၤဖဳးတပွဲၤတခီ,” စီၤပီလူးဒီၣ်ကဲၤစဲာ်ဓဳၤ.
29တပျာ်ခါလီၤ, ပၠၤအထိးအဒဲ စီၤပီလူး တစီာ်ဆဲးကလိၢ်ကလ့ၤကဲၤ. ကၱာ်ဒီစစဳ စကၠံၢ်နံၤကဲၤရိမ့ၤဖဳးတပွဲၤအစဲ, ကျံဗဳၤဓဳၤသးကနၢ်ကဲၤ.
စီၤပီလူးဒဳယူဒၤဖဳးအတဲၤစံးရးအလ့ၤ
30အလ့ၤကါတနံၤကျံဗဳၤဓဳၤသးအဲး သၱာ်ဟဲယူဒၤဖဳးတစီာ် ဆးဝဲၢ်စီၤပီလူးအလီၤတဲၤ ကမဲးမၱာ်တၤအစဲနဲၢ်နဳၤဒဳၣ်, စယဳၤလၤတ့ၢ်ပျဳာ်လဳ ပၠၤလှူၣ်တဲၤအဓဳၤတစီာ်ကၱာ်ယူဒၤဖဳးအစံးရးတဲၤလဳ စါစဲး, မဲၤဝှါ, စနှးဆီထဳးအီၣ် စီၤပီလူးဒဳ စဲာ်တစီာ်အလှီမီၢ်နဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.