LUKA 9
9
Ziytuv Hlyihning A Pathlie Yi
(Mat 10.5-15; 6.7-13)
1Zingsuv ta ziytuv hlyihning kha suv kha lie ku pakhaw yi te cahrana hne khuevuo bangkhuo cunglie nawhnyina hne pasana patluo sa khunapa kha a pi yi. 2Cakhutaata Khazing Pena kaw phu riypa hne a pasapa patluo sa riypata a pathlie yi. 3#Luk 10.4-11 Iema kyihuo khata, “Khy nama tlaw tiyta khaapahmuo a phya khah ung, khuecahryi cuose, sahrie cuose, viechuo cuose, tuokaa cuose, buohryi hlepa zaw cuose a phya khah ung. 4Tuokhaapa ing chung luo namaa ngie zaw, capa lie ca aw ung la, capa taa cata pya tie ung. 5#Lct 13.51 Ingtlung caa dapa khy tie ca ama khy taata nama pya tiyta a raaringna pina ta nama phyipazaa lie buvcing kha a cakhawsue siy tie ung,” a ta yi. 6Ziytuv tie ca a tha yi te khyta bangkhuo kha tlaw yi te thuophaa kha hmangting ta chang yi te a pasapa kha ama patluo sa.
Herod Palung Aa Tawmuo
(Mat 14.1-12; Mar 6.14-29)
7 #
Mat 16.14; Mar 8.28; Luk 9.19 Uvtuv Herod ta hmang a cuopa bangkhuo kha a thyi tiyta, a palung aa tawmuo ciemuo, tahematapakieca cawsaa chekha ta tiynawtuv Johan na thiyna taata a thu pakhaa, ama ta. 8Chekha tie ta Elijah na a luo ta yi te, a hrangpa tie ta hluoning profet pakhakha na a vya hring pakhaa ama ta. 9Herod ta, “Johan ca a luv i pate sa tli yi; cuorasala hing haa hingta a kaw i thyi nguoluopa paa hing ahungtama a cuo aa?” a ta. Cakhutaata Zingsuv kha hmung riypata aa zue.
Cawsaa Thawpangaa Saduona
(Mat 14.13-21; Mar 6.30-44; Jhn 6.1-14)
10Lucuotuv tie ca vya kaa yi te ama tuepa bangkhuo kha Zingsuv ama chang. Cakuokhyi yi te iema selaw ta Bethsaida ama tapa khypuv luo kha ama si. 11Capa kaw ca cawsaazaapuv ta ama thyi tiyta, Zingsuv kha ama ziy; iema kha cuhluo yi te Khazing pena kaw kha chang yi te tluona a hupa tie kha a patluo sa yi.
12Ning a tla'a nang tiyta hlyihning tie kha ama'a luo a vaw yi te, “Cawsaazaapuv hing pathlie yi la, hingpa cahriylie a awpa khyta luo kha va cakuo yi sala arina hne ning riypa zaw vaa huv yi se; tahematapakieca ma awnapa hing ruoduona hmang tana a cuo,” ama ta. 13Cuorasala Zingsuv ta, “Niema ta ning riypa sa ca pi tie ung,” a ta yi. Iema ta, “Vaa pata hing cawsaa zaw bangkhuo cuota sa kha ma va calyi li kieca, viechuo tluo pangaa hne ngaa sahning ta li pata ma hnyi viepa aw vyi,” ama ta. 14Tahematapakieca capa lie a awpa ca capaa thaw pangaa hraw ama ta. Zingsuv ta ziytuv tie kha, “Cawsaa hing phuv kha lie sawngaa kaluo ta patu tie ung,” a ta yi. 15Cahaacata ama tue diy khutaata ama patu. 16Cakhutaata viechuo tluo pangaa hne ngaa sahning kha la te, avuo luo ang te, Khazing a pathuosa khutaata chechi te cawsaazaapuv kha re riypata ziytuv tie kha a pi yi. 17Ama bangkhuo ta ning yi te ama riy a bi diy. Ama pangaapa kha ama pahmya ca a zungpepa beke zung hraa hlyihning a ta.
Piter Ta Zingsuv Kaw A Phu
(Mat 16.13-19; Mar 8.27-29)
18Luo kha ca Zingsuv ama selaw ta thlaa a chuo nguoluo ning, ziytuv tie dyi a thaalie ama aw ning kha, “Cawsaazaapuv ta kama hing ahung ina ta yi ma,” ta pata a hiehriy yi. 19#Mat 14.1-2; Mar 6.14-15; Luk 9.7-8 Iema ta, “Chekha ta tiynawtuv Johan aca ta yi; cuorasala a hrangpa tie ta Elijah ca ta yi te, a hrangpa tie ta hluoning profet pakhakha na a vya hring pakhaa, aca ta yi,” ama ta. 20#Jhn 6.68-69 Zingsuv ta, “Niema haw, ahung ina ta ung ca ma?” a ta yi. Piter ta, “Nama ca Khazing Messiah#9.20 Khrih tana na cuo,” a ta.
Zingsuv Ta A Thiyna Riypa Hne A Thupakhaana Riypa Kaw A Ri
(Mat 16.20-28; Mar 8.30—9.1)
21Zingsuv ta capa kaw ca ahunghmuo chang li riypata iema kha khuopuv ta bie a cung yi. 22“Cawsaapa Sacapaa ca khuopuv ta te-ang'a te, uvthyi tie, tluobyi lepa tie hne phungbie saya tie ta thaw'a yi te ama thie aa. Ning thungna lie kha pathu pakhaa pata a cuo aa,” a ta yi.
23 #
Mat 10.38; Luk 14.27 Cakhutaata iema bangkhuo kha, “Ahunghmuo cuose kama naa ziytuv a cuo khingpa ca iema khingna kha thuse yi sala, ama vieluo kha ningting ta a puv pata na ziy yi se. 24#Mat 10.39; Luk 17.33; Jhn 12.25 Tahematapakieca a hringna aa bangpa a khingpa tie ca ama hringna kha a sung'a yi te, cuorasala kama kawlieta a hringna a sungpa tie ca hringna kha ama hmung aa. 25Iema ta Chuelyi hing a yalya ta cu ra hmuo yi sala ama hringna kha amaa sung kieca khaapama a thlahne aa? 26Kama kha na zaakhyi te i bie a zaakhyipa ca, Cawsaa Sacapaa zaw ta a rungnaana, a Paa rungnaana hne a pathepa avuoming rungnaana hneta aa vaw thueta a zaakhyi ra'a yi. 27Cuorasala biehmisi tana ica chang yi, hingpa lie a daapa chekha hing Khazing pena a tlungpa ama hmung hluo li a thiy li riypa ama aw,” a ta.
Zingsuv Hminghmie Athlena
(Mat 17.1-8; Mar 9.2-8)
28 #
2Pit 1.17-18
Hingpa bie a ri khutaata ning cari hraw a ta pata, Zingsuv ta Piter, Johan, hne Jeim kha ku yi te thlaachuo riypata tluo luo a kiekhyi yi. 29Thlaa a chuo nguoluo ning kha a hmie ca a vya thle te a caw ca a ruona luo ta aa li ta aa li. 30Sungkhabala ta cawsaa pahning, Moses hne Elijah ta ama kha bie a maa rue nguoluo pata ama hmung. 31Rungnaana hneta zaa luo yi te Jerusalem lie a thiyna riypa kaw kha amaa rue. 32Piter hne a viesaa zaw ca thuvhunglung khata amaa hmung; cuorasala amaa kya cha ca Zingsuv rungnaana hne ama hneta a daahnepa cawsaa pahning kha ama hmung. 33Capa cawsaa pahning tie ta ama cakuose nguoluo ning kha Piter ta, “Abyipa, hingpa lie awpa hing kiema cuota a pha hringhruo; nama cuota suokha, Moses cuota suokha, hne Elijah cuota suokha ta pata thluodaa suothung maca sapa'a yi,” a ta. Khaapahmuo aa pachang li pata a ripa ta cuo. 34Bie a ri nguoluo ning kha amyi kya pya te a ningdiy ta iema kha a pakhuo yi; amyi ta a pahlaw nakaw yi ta ziytuv tie ca ama ciy. 35#Isa 42.1; Mat 3.17; 12.18; Mar 1.11; Luk 3.22 Amyi chungtaata ueryi suokha paring te, “Hingpa paa hing kama Sacapaa, i Tlawpa#9.35 Kuvtie caataw chekha tie lie ca i Duepa a ta tana a cuo, a bie kha naathlie tie ung!” a ta. 36Ueryi a chuo pahne ta Zingsuv kha ama selaw ta a awpa ama hmung. Ziytuv tie ca a dieta tah aw yi te ama hmungpa hmang kha capa chung ca ahunghmuo chang li pata ama aw.
Khuevuo A Hnyipa Haatiypa A Patluo Sa
(Mat 17.14-18; Mar 9.14-27)
37A mawluopa, tluocung taata ama za cung tiyta, cawsaa hluvpuv ta ama vaa taw. 38Cawsaazaapuv chungtaata cawsaa pakha ta khi te, “Saya, i sacapaa hing na mangpa thi tie tapa tana paa ica kie; pakha dyi i hnyi tlakuopa tana a cuo. 39Sungkhabala ta thlaapa ta patuv te a khi a u, a pakaa taata a buvcaphawpa a pyana te ta a siy, khuosa ta tuvde te pyase khing vyi. 40Caa ziytuv tie kha papya riypata paa i kie raalaa yi ca papya khu va yi,” a ta. 41Zingsuv ta, “Niema, zangna a hnyi lipa, a pali a pahnaa ta a hringpa phang, kha cuo te ma niema'a lie i aw kalie a hu'a te nama nang ica caw kalie yi a hu aa? Na sacapaa ca hingpa luo hing a vawkhyi tie,” a ta. 42Haatiypa ca aa vaw nguoluopa khata khuevuo ta alyi lie kha vaapatyi te a siy. Cuorasala Zingsuv ta thlaapa pyalyipa kha chuo te, haatiypa kha patluo sa te a paa kha a pi pakhaa. 43Khazing lesyina kha ama hmung tiyta cawsaa bangkhuo ca ama nang ta a uo.
Zingsuv Ta A Thiyna Kaw A Rilu Pakhaa
(Mat 17.22-23; Mar 9.30-32)
Zingsuv ta a tuepa bangkhuo kawlieta zaapuv ca ama kharue haa pata ama aw nguoluo ning kha, ziytuv tie kyihuo khata, 44“Ica chang riypa yi hing naathlie tie ung: Cawsaa Sacapaa hing cawsaa kuv luo pi pata a cuo aa,” a ta yi. 45Cuorasala ziytuv tie ta a ri khingna kha pachang va yi; a ri khingna kha nukhuo pata cuo yi te, capa kaw ca ama kha hiehriy riypata a nguo va yi.
A Hmisipa Lesyina
(Mat 18.1-5; Mar 9.33-37)
46 #
Luk 22.24
Ziytuv tie chunglie bie a ina suokha aw te capa ca iema hrawlie ahungma a le ce ta pata a cuo. 47Cuorasala ama chunglie ama ruepa kha a pachangtuv Zingsuv ta haatiy pakha kha la te a thaalie padaa te, 48#Mat 10.40; Luk 10.16; Jhn 13.20 iema kyihuo khata, “Ahunghmuo cuose kama ming ta hingpa haatiy pakha a cuhluopa ca kama naa cuhluopa ta cuo te, kama naa cuhluopa ca naa pathlietuv a cuhluopa tana a cuo. Tahematapakieca niema hrawlie a caw cepa ca a le cepa tana a cuo,” a ta.
Khuevuo Papyatuv A Hrangpa Tie
(Mar 9.38-40)
49Johan ta, “Abyipa, na ming ta khuevuo a papyapa pakha hmung pate, kiema phuv a cuo li nakawta ma thlu,” a ta. 50Cuorasala Zingsuv ta, “Thlu khah ung, tahematapakieca niema caa du lipa ca niema caa byatuv tana a cuo,” a ta.
Samaria Khy Khy Kha Ta Zingsuv Cuhluo Khing Vyi
51Zingsuv lathawna riypa cuo aa vya ngie hryly tiyta, Jerusalem luo si riypata aa tha. 52A hmieluo kha biephyatuv tie pathlielu yi te, a cuota ting pacie riypata Samaria khy khy kha luo kha amaa ngie. 53Cuorasala Jerusalem luo a caluo riypa ama pachang nakawta capa khy ming ca ta cuhluo va yi. 54#2Sie 1.9-16 Ziytuv Jeim hne Johan ta capa ca ama hmung tiyta, “Abyipa iema a kuo#9.54 Kuvtie caataw chekha tie lie ca Elijah ta a tuepa haa khata tapa biesuo a vya paziy sa riypata vuoruo taata myi za patla sa se pala na khing'a ma?” ama ta. 55Zingsuv ta a pali te a chuo yi. 56Cakhutaata khy hrang luo kha ama caluo.
Zingsuv A Ziy Khingpa Tie
(Mat 8.19-22)
57Luopuv lie ama cakuole nguoluo ning kha cawsaa pakha ta Zingsuv kha, “Na sina mekaa tana ica ziy aa,” a ta. 58Zingsuv ta, “Cahnie zaw ta khue hnyi yi te, avuo lie a zulepa pavaa zaw ta buv ama hnyi, cuorasala Cawsaa Sacapaa ca a luv china hmang hmuota hnyi vyi,” a ta. 59A hrangpa pakha kha Zingsuv ta, “Na ziy tie,” a ta. Cuorasala capa paa ca ta, “Abyipa, cakuo'a angte i paa va paby taa ang,” a ta. 60Cuorasala Zingsuv ta, “A thiypa tie ta amaa thiypa ca paby yi se; cuorasala nama ca vaa la Khazing pena kaw kha va phu tie,” a ta. 61#1Sie 19.20 A hrangpa pakha ta, “Abyipa, ica ziy aa; cuorasala vaa taa ang sala i ing lie zaa ngaapa tie kha bie vaa chang taa yi ang se,” a ta. 62Zingsuv ta, “Ahunghmuo cuose thetung a patuv tli pata hnangluo a palipuopa ca Khazing pena hneta a tla vyi,” a ta.
ទើបបានជ្រើសរើសហើយ៖
LUKA 9: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 9
9
Ziytuv Hlyihning A Pathlie Yi
(Mat 10.5-15; 6.7-13)
1Zingsuv ta ziytuv hlyihning kha suv kha lie ku pakhaw yi te cahrana hne khuevuo bangkhuo cunglie nawhnyina hne pasana patluo sa khunapa kha a pi yi. 2Cakhutaata Khazing Pena kaw phu riypa hne a pasapa patluo sa riypata a pathlie yi. 3#Luk 10.4-11 Iema kyihuo khata, “Khy nama tlaw tiyta khaapahmuo a phya khah ung, khuecahryi cuose, sahrie cuose, viechuo cuose, tuokaa cuose, buohryi hlepa zaw cuose a phya khah ung. 4Tuokhaapa ing chung luo namaa ngie zaw, capa lie ca aw ung la, capa taa cata pya tie ung. 5#Lct 13.51 Ingtlung caa dapa khy tie ca ama khy taata nama pya tiyta a raaringna pina ta nama phyipazaa lie buvcing kha a cakhawsue siy tie ung,” a ta yi. 6Ziytuv tie ca a tha yi te khyta bangkhuo kha tlaw yi te thuophaa kha hmangting ta chang yi te a pasapa kha ama patluo sa.
Herod Palung Aa Tawmuo
(Mat 14.1-12; Mar 6.14-29)
7 #
Mat 16.14; Mar 8.28; Luk 9.19 Uvtuv Herod ta hmang a cuopa bangkhuo kha a thyi tiyta, a palung aa tawmuo ciemuo, tahematapakieca cawsaa chekha ta tiynawtuv Johan na thiyna taata a thu pakhaa, ama ta. 8Chekha tie ta Elijah na a luo ta yi te, a hrangpa tie ta hluoning profet pakhakha na a vya hring pakhaa ama ta. 9Herod ta, “Johan ca a luv i pate sa tli yi; cuorasala hing haa hingta a kaw i thyi nguoluopa paa hing ahungtama a cuo aa?” a ta. Cakhutaata Zingsuv kha hmung riypata aa zue.
Cawsaa Thawpangaa Saduona
(Mat 14.13-21; Mar 6.30-44; Jhn 6.1-14)
10Lucuotuv tie ca vya kaa yi te ama tuepa bangkhuo kha Zingsuv ama chang. Cakuokhyi yi te iema selaw ta Bethsaida ama tapa khypuv luo kha ama si. 11Capa kaw ca cawsaazaapuv ta ama thyi tiyta, Zingsuv kha ama ziy; iema kha cuhluo yi te Khazing pena kaw kha chang yi te tluona a hupa tie kha a patluo sa yi.
12Ning a tla'a nang tiyta hlyihning tie kha ama'a luo a vaw yi te, “Cawsaazaapuv hing pathlie yi la, hingpa cahriylie a awpa khyta luo kha va cakuo yi sala arina hne ning riypa zaw vaa huv yi se; tahematapakieca ma awnapa hing ruoduona hmang tana a cuo,” ama ta. 13Cuorasala Zingsuv ta, “Niema ta ning riypa sa ca pi tie ung,” a ta yi. Iema ta, “Vaa pata hing cawsaa zaw bangkhuo cuota sa kha ma va calyi li kieca, viechuo tluo pangaa hne ngaa sahning ta li pata ma hnyi viepa aw vyi,” ama ta. 14Tahematapakieca capa lie a awpa ca capaa thaw pangaa hraw ama ta. Zingsuv ta ziytuv tie kha, “Cawsaa hing phuv kha lie sawngaa kaluo ta patu tie ung,” a ta yi. 15Cahaacata ama tue diy khutaata ama patu. 16Cakhutaata viechuo tluo pangaa hne ngaa sahning kha la te, avuo luo ang te, Khazing a pathuosa khutaata chechi te cawsaazaapuv kha re riypata ziytuv tie kha a pi yi. 17Ama bangkhuo ta ning yi te ama riy a bi diy. Ama pangaapa kha ama pahmya ca a zungpepa beke zung hraa hlyihning a ta.
Piter Ta Zingsuv Kaw A Phu
(Mat 16.13-19; Mar 8.27-29)
18Luo kha ca Zingsuv ama selaw ta thlaa a chuo nguoluo ning, ziytuv tie dyi a thaalie ama aw ning kha, “Cawsaazaapuv ta kama hing ahung ina ta yi ma,” ta pata a hiehriy yi. 19#Mat 14.1-2; Mar 6.14-15; Luk 9.7-8 Iema ta, “Chekha ta tiynawtuv Johan aca ta yi; cuorasala a hrangpa tie ta Elijah ca ta yi te, a hrangpa tie ta hluoning profet pakhakha na a vya hring pakhaa, aca ta yi,” ama ta. 20#Jhn 6.68-69 Zingsuv ta, “Niema haw, ahung ina ta ung ca ma?” a ta yi. Piter ta, “Nama ca Khazing Messiah#9.20 Khrih tana na cuo,” a ta.
Zingsuv Ta A Thiyna Riypa Hne A Thupakhaana Riypa Kaw A Ri
(Mat 16.20-28; Mar 8.30—9.1)
21Zingsuv ta capa kaw ca ahunghmuo chang li riypata iema kha khuopuv ta bie a cung yi. 22“Cawsaapa Sacapaa ca khuopuv ta te-ang'a te, uvthyi tie, tluobyi lepa tie hne phungbie saya tie ta thaw'a yi te ama thie aa. Ning thungna lie kha pathu pakhaa pata a cuo aa,” a ta yi.
23 #
Mat 10.38; Luk 14.27 Cakhutaata iema bangkhuo kha, “Ahunghmuo cuose kama naa ziytuv a cuo khingpa ca iema khingna kha thuse yi sala, ama vieluo kha ningting ta a puv pata na ziy yi se. 24#Mat 10.39; Luk 17.33; Jhn 12.25 Tahematapakieca a hringna aa bangpa a khingpa tie ca ama hringna kha a sung'a yi te, cuorasala kama kawlieta a hringna a sungpa tie ca hringna kha ama hmung aa. 25Iema ta Chuelyi hing a yalya ta cu ra hmuo yi sala ama hringna kha amaa sung kieca khaapama a thlahne aa? 26Kama kha na zaakhyi te i bie a zaakhyipa ca, Cawsaa Sacapaa zaw ta a rungnaana, a Paa rungnaana hne a pathepa avuoming rungnaana hneta aa vaw thueta a zaakhyi ra'a yi. 27Cuorasala biehmisi tana ica chang yi, hingpa lie a daapa chekha hing Khazing pena a tlungpa ama hmung hluo li a thiy li riypa ama aw,” a ta.
Zingsuv Hminghmie Athlena
(Mat 17.1-8; Mar 9.2-8)
28 #
2Pit 1.17-18
Hingpa bie a ri khutaata ning cari hraw a ta pata, Zingsuv ta Piter, Johan, hne Jeim kha ku yi te thlaachuo riypata tluo luo a kiekhyi yi. 29Thlaa a chuo nguoluo ning kha a hmie ca a vya thle te a caw ca a ruona luo ta aa li ta aa li. 30Sungkhabala ta cawsaa pahning, Moses hne Elijah ta ama kha bie a maa rue nguoluo pata ama hmung. 31Rungnaana hneta zaa luo yi te Jerusalem lie a thiyna riypa kaw kha amaa rue. 32Piter hne a viesaa zaw ca thuvhunglung khata amaa hmung; cuorasala amaa kya cha ca Zingsuv rungnaana hne ama hneta a daahnepa cawsaa pahning kha ama hmung. 33Capa cawsaa pahning tie ta ama cakuose nguoluo ning kha Piter ta, “Abyipa, hingpa lie awpa hing kiema cuota a pha hringhruo; nama cuota suokha, Moses cuota suokha, hne Elijah cuota suokha ta pata thluodaa suothung maca sapa'a yi,” a ta. Khaapahmuo aa pachang li pata a ripa ta cuo. 34Bie a ri nguoluo ning kha amyi kya pya te a ningdiy ta iema kha a pakhuo yi; amyi ta a pahlaw nakaw yi ta ziytuv tie ca ama ciy. 35#Isa 42.1; Mat 3.17; 12.18; Mar 1.11; Luk 3.22 Amyi chungtaata ueryi suokha paring te, “Hingpa paa hing kama Sacapaa, i Tlawpa#9.35 Kuvtie caataw chekha tie lie ca i Duepa a ta tana a cuo, a bie kha naathlie tie ung!” a ta. 36Ueryi a chuo pahne ta Zingsuv kha ama selaw ta a awpa ama hmung. Ziytuv tie ca a dieta tah aw yi te ama hmungpa hmang kha capa chung ca ahunghmuo chang li pata ama aw.
Khuevuo A Hnyipa Haatiypa A Patluo Sa
(Mat 17.14-18; Mar 9.14-27)
37A mawluopa, tluocung taata ama za cung tiyta, cawsaa hluvpuv ta ama vaa taw. 38Cawsaazaapuv chungtaata cawsaa pakha ta khi te, “Saya, i sacapaa hing na mangpa thi tie tapa tana paa ica kie; pakha dyi i hnyi tlakuopa tana a cuo. 39Sungkhabala ta thlaapa ta patuv te a khi a u, a pakaa taata a buvcaphawpa a pyana te ta a siy, khuosa ta tuvde te pyase khing vyi. 40Caa ziytuv tie kha papya riypata paa i kie raalaa yi ca papya khu va yi,” a ta. 41Zingsuv ta, “Niema, zangna a hnyi lipa, a pali a pahnaa ta a hringpa phang, kha cuo te ma niema'a lie i aw kalie a hu'a te nama nang ica caw kalie yi a hu aa? Na sacapaa ca hingpa luo hing a vawkhyi tie,” a ta. 42Haatiypa ca aa vaw nguoluopa khata khuevuo ta alyi lie kha vaapatyi te a siy. Cuorasala Zingsuv ta thlaapa pyalyipa kha chuo te, haatiypa kha patluo sa te a paa kha a pi pakhaa. 43Khazing lesyina kha ama hmung tiyta cawsaa bangkhuo ca ama nang ta a uo.
Zingsuv Ta A Thiyna Kaw A Rilu Pakhaa
(Mat 17.22-23; Mar 9.30-32)
Zingsuv ta a tuepa bangkhuo kawlieta zaapuv ca ama kharue haa pata ama aw nguoluo ning kha, ziytuv tie kyihuo khata, 44“Ica chang riypa yi hing naathlie tie ung: Cawsaa Sacapaa hing cawsaa kuv luo pi pata a cuo aa,” a ta yi. 45Cuorasala ziytuv tie ta a ri khingna kha pachang va yi; a ri khingna kha nukhuo pata cuo yi te, capa kaw ca ama kha hiehriy riypata a nguo va yi.
A Hmisipa Lesyina
(Mat 18.1-5; Mar 9.33-37)
46 #
Luk 22.24
Ziytuv tie chunglie bie a ina suokha aw te capa ca iema hrawlie ahungma a le ce ta pata a cuo. 47Cuorasala ama chunglie ama ruepa kha a pachangtuv Zingsuv ta haatiy pakha kha la te a thaalie padaa te, 48#Mat 10.40; Luk 10.16; Jhn 13.20 iema kyihuo khata, “Ahunghmuo cuose kama ming ta hingpa haatiy pakha a cuhluopa ca kama naa cuhluopa ta cuo te, kama naa cuhluopa ca naa pathlietuv a cuhluopa tana a cuo. Tahematapakieca niema hrawlie a caw cepa ca a le cepa tana a cuo,” a ta.
Khuevuo Papyatuv A Hrangpa Tie
(Mar 9.38-40)
49Johan ta, “Abyipa, na ming ta khuevuo a papyapa pakha hmung pate, kiema phuv a cuo li nakawta ma thlu,” a ta. 50Cuorasala Zingsuv ta, “Thlu khah ung, tahematapakieca niema caa du lipa ca niema caa byatuv tana a cuo,” a ta.
Samaria Khy Khy Kha Ta Zingsuv Cuhluo Khing Vyi
51Zingsuv lathawna riypa cuo aa vya ngie hryly tiyta, Jerusalem luo si riypata aa tha. 52A hmieluo kha biephyatuv tie pathlielu yi te, a cuota ting pacie riypata Samaria khy khy kha luo kha amaa ngie. 53Cuorasala Jerusalem luo a caluo riypa ama pachang nakawta capa khy ming ca ta cuhluo va yi. 54#2Sie 1.9-16 Ziytuv Jeim hne Johan ta capa ca ama hmung tiyta, “Abyipa iema a kuo#9.54 Kuvtie caataw chekha tie lie ca Elijah ta a tuepa haa khata tapa biesuo a vya paziy sa riypata vuoruo taata myi za patla sa se pala na khing'a ma?” ama ta. 55Zingsuv ta a pali te a chuo yi. 56Cakhutaata khy hrang luo kha ama caluo.
Zingsuv A Ziy Khingpa Tie
(Mat 8.19-22)
57Luopuv lie ama cakuole nguoluo ning kha cawsaa pakha ta Zingsuv kha, “Na sina mekaa tana ica ziy aa,” a ta. 58Zingsuv ta, “Cahnie zaw ta khue hnyi yi te, avuo lie a zulepa pavaa zaw ta buv ama hnyi, cuorasala Cawsaa Sacapaa ca a luv china hmang hmuota hnyi vyi,” a ta. 59A hrangpa pakha kha Zingsuv ta, “Na ziy tie,” a ta. Cuorasala capa paa ca ta, “Abyipa, cakuo'a angte i paa va paby taa ang,” a ta. 60Cuorasala Zingsuv ta, “A thiypa tie ta amaa thiypa ca paby yi se; cuorasala nama ca vaa la Khazing pena kaw kha va phu tie,” a ta. 61#1Sie 19.20 A hrangpa pakha ta, “Abyipa, ica ziy aa; cuorasala vaa taa ang sala i ing lie zaa ngaapa tie kha bie vaa chang taa yi ang se,” a ta. 62Zingsuv ta, “Ahunghmuo cuose thetung a patuv tli pata hnangluo a palipuopa ca Khazing pena hneta a tla vyi,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.