LUKA 8
8
Zingsuv A Ziypa Canung Chekha
1Cakhutaata a ru hluota Zingsuv ca khypuv hne khyta hne khata tlawle te Khazing pena kaw thuophaa kha a ri. Ziytuv hlyihning tie khata ama ziy, 2#Mat 27.55-56; Mar 15.40-41; Luk 23.49 ama pasana hne thlaapa chiepa ta a tuena taa yi ta a patluo sapa canung tie ta a cuopa: a chungtaata thlaapa chiepa pasariy a papyapa Mary (Magdalin ta pata zaw ama ku nung), 3Herod cuota kingkaatuv ta a cuopa Khuza napuvnung Joanna, Susanna, hne iema kha ama hnyi ama chie ta a byapa canung hrangpa a hluvpuv zaw khata ama ziy ra.
Saciy Vaatuv Pakhingpuona
(Mat 13.1-9; Mar 4.1-9)
4Khy kha hnang khy kha taata cawsaazaapuv ca Zingsuv'a luo kha a vaw yi te amaa vya pung tiyta hingpa pakhingpuona hing a chang yi: 5“Saciy vaatuv pakha ca saciy vaa riypata a si. Saciy kha a vaa tiyta, chekha ca luopuv lie kha a tla nakawta cawsaa ta tlaw yi te pavaa ta amaa haa. 6Chekha ca lungdaapa lieta tla te a kya daa paluo raalaa pata a lyi a pahna li nakawta a caa. 7Saciy chekha ca ahling hrawlie a tla nakawta kya le hne te ahling ta a kalaa. 8Saciy chekha ca lyiphaa lie tla te kya le te le zakha ta a vyi,” a ta. Hingpa bie a ripa hingta, “Thyina naa a hnyipa ta thyi mang sue” ta pata a khisue yi.
Pakhingpuona Ta A Ri Khingpa
(Mat 13.10-17; Mar 4.10-12)
9Cakhutaata a ziytuv tie ta, hingpa pakhingpuona ta a ri khingpa hing khaapatama a cuo, ta pata ama hiehriy. 10#Isa 6.9 Zingsuv ta, “Niema ca Khazing pena bieparuv pachang khuna kha pi pata nama cuo; cuorasala a hrangpa tie ca pakhingpuona hmuo pata i chang yi, caacuonakawta
‘Mang raalaa'a yi te hmungpasie the'a va yi,
naathlie raalaa'a yi te a siyluo pachang the'a va yi,’ a ta.
Saciy Vaatuv Pakhingpuona Siyluo
(Mat 13.18-23; Mar 4.13-20)
11“Hingpa pakhingpuona siyluo ca hing haa hing tana a cuo: Saciy ca Khazing bie ta a cuo. 12Luopuv lie a tlapa tie ca Khazing bie a thyipa tie ta ama cuo; cakhutaata khachie kha a vaw te ama zang li riypa hne khuopa ta ama cuo li riypata ama palung chungtaata Khazing bie kha a lapa yi. 13Lungdaa lie a tlapa tie ca, Khazing bie kha ama thyi tiyta palung tluosa pata ama cuhluo. Cuorasala a thariy a thla li nakawta cuo kha chung dyi zang yi te dyapasyana cuo a vya chiy tiyta amaa lie. 14Ahling hrawlie a tlapa tie ca, Khazing bie kha thyi yi te, cuorasala palungriethyina, hnyirungna hne anuona zaw ta ama hringna kha a kalaa nakawta thyi phapa pathyi the va yi. 15Cuorasala alyi phanapa lie a tlapa tie ca, Khazing bie kha ama thyi tiyta, a patuv paluo yi te, adangna hne pathiypalung phapa hneta a hringkhyi yi te thyi a pathyipa tie ta ama cuo.
Beke Pakhuvsuepa Myi-ing
(Mar 4.21-25)
16 #
Mat 5.15; Luk 11.33 “Ahunghmuota myi-ing ama vuo tiyta beke pakhuvsue buo va yi, iehmang rawlie zaw chi buo va yi, cuorasala ing chung luo a ngiepa tie ta khena ama hmung riypata myi-ing vuona tung cunglie khana ama patu taw. 17#Mat 10.26; Luk 12.2 Tahematapakieca suokha hmuo nupa a cuo li riypata suokha hmuo buvkhung pata cuo'a vyi, a paruv ta tuepa bangkhuo ca pachang pata cuo'a te, khena luo papya pata a cuo aa. 18#Mat 25.29; Luk 19.26 Caacuonakawta bie nama naathliezya kha a raaring tie ung; tahematapakieca a hnyipa tie kha a hluv vie ta pipa cuo'a yi te, a hnyi lipa tie ta i hnyi ta pata amaa ruepa kha hmuo lapa pata ama cuo aa,” a ta.
Zingsuv A Nung Hne A Nuta Zaw
(Mat 12.46-50; Mar 3.31-35)
19Cakhutaata Zingsuv a nung hne a nuta zaw kha ama'a luo amaa vaw, cuorasala cawsaa ama hluv tuv nakawta a taw khu va yi. 20Ama kha, “Na nung hne na nuta zaw ta caa taw khing yi te ale liena amaa daa nguoluo,” ama ta. 21Cuorasala Zingsuv ta iema kyihuo khata, “I nung hne i nuta zaw ca Khazing bie kha thyi yi te a tuepa tie kha tana ama cuo,” a ta.
Zingsuv Ta Thliychie A Padie Sa
(Mat 8.23-27; Mar 4.35-41)
22Ning kha ca Zingsuv ta ziytuv tie hne khata sawkawpalaw chung luo kha a ngie yi te, iema kyihuo khata, “Tiyliy huesuo luo hue vaa'a ung puv,” a ta yi. Caacuonakawta a thu yi te, 23sawkawpalaw ta ama sile nguoluo ning kha Zingsuv ca aa hmung. Thliychie a vya hruo te ama sawkawpalaw lie tiy a bi nakawta ciy aa chiysana chunglieta ama aw. 24Ziytuv tie ta Zingsuv kha va pathu yi te, “Abyipa, Abyipa, vuotaa ma thiy diy'a nang pa hing!” ta pata ama khi. Zingsuv ca kya thu te thliychie hne tiylaw kha a chuo yi; nesiyliy khata ama die. 25Ama ta iema kyihuo khata “Nama zangna ca khaapaliema a aw?” a ta yi. Iema ca ciysa yi te ama nang ta a uo, pakha hne pakha kha, “Thliychie hne tiylaw hmuo naw pi te, a ri amaa ngiepa paa hing ahungtama a cuo?” amaa ta.
Khuevuo Ta Aa Hryipa A Patluo Sa
(Mat 8.28-34; Mar 5.1-20)
26Cakhutaata Zingsuv hne ziytuv tie ca Galilee riyliy huesuo Gerasenes#8.26 Kuvtie caataw chekha tie lie ca Gadarenes ta yi te a hrangpa tie lieta ca Gergesenes ama ta pe luo kha ama chiy. 27Zingsuv ca ngiekuo luo a va pya pahne ta capa khy lie a awpa khuevuo ta aa hryipa paa ta aa vya taw. Capa paa ca cuo pasiypuv caw a tue li pata aw te ing lie aw li pata thluokung lie khy a sapa ta a cuo. 28Zingsuv kha a hmung tiyta, a phyi thabaw lie kha a vya bu te a ue a aw zawdya ta khi te, “Zingsuv, Cungnungce Khazing Sacapaa, tuokhaatama ina tue khing ciy? Icaa nue, ruvnaana na pi thi khah,” a ta. 29Tahematapakieca Zingsuv ta thlaapa pyalyipa kha capa paa chung taa cata pya riypata naw a pi nakaw tana a cuo. (Cuo hluvpuv ca thlaapa pyalyipa ca ta patuv te, a kuv a phyi kha thaabuoliriy ta ciy yi te ama huo raalaa pata, thaariy kha chipachung diy te ruopahriy luo kha khuevuo cata a paruo taw.) 30Zingsuv ta, “Na ming ahungma?” ta pata a hiehriy. Ama ta, “Hluvpuv” a ta; tahematapakieca khuevuo hluvpuv kha a chunglie amaa ngie nakaw tana a cuo. 31Khuevuo tie ta Zingsuv kha, dena a hnyi lipa khue a thuvsapa chung luo kha malie pathla thi khah ama ta.
32Capa hmang, tluope lie kha va a hluvsa ama patle nguoluo. Caacuonakawta khuevuo tie ta Zingsuv ca va chung luo a pangie sa riypa yi ta paa ama kie. Caacuonakawta naw a pi yi. 33Cakhutaata khuevuo tie ca cawsaapa chung taa khata pya yi te va chung luo ca amaa ngie. Va bangkhuo ca lungkuo taa cata a zupathla yi te riyliy chung luo ama tlasa diy.
34Va a khietuv tie ta cahaacata hmang a cuopa kha ama hmung tiyta a ruo yi te khypuv hne khyta luo kha capa thuohlaa ca ama pathyi sa. 35Hmang a cuopa kha mang riypata cawsaa ca pya yi te, Zingsuv'a luo ama va pha ca, khuevuo ta ama pyase tlipa paa kha a phata tah caw a tue te palung singta tah Zingsuv phyi thabaw lie a zaa tupa kha ama hmung ca ama ciy hringhruo. 36Khuevuo ta aa hryipa paa tuokhaatama a tluo tapa kha zaa hmungpa tie ta cawsaa zaw kha ama chang. 37Cakhutaata Gerasenes kiecahriy lie a awpa cawsaa bangkhuo ca ama ciysa nakawta Zingsuv kha a pyase riypa yi ta paa ama kie. Caacuonakawta Zingsuv ca sawkawpalaw luo kha kie te a kaa. 38Khuevuo ta a pyasepa paa ta Zingsuv kha ama'a lie aw ra riypata paa a kie; cuorasala Zingsuv ta, 39“Na ing luo kha kaa la Khazing ta kha tluv tama hmang pha aca tuepa tapa kha va pathyi sa tie,” ta te a pathlie. Caacuonakawta cakuo te Zingsuv ta a cuota kha tluv tama hmang pha a tue tapa kha khypuv chung bangkhuo khata a pathyi sale.
Pahring Sa Pakhaapa Haatiynung Hne Patluo Sapa Cawsaanung
(Mat 9.18-26; Mar 5.21-43)
40Zingsuv ca a vya kaa tiyta cawsaazaapuv ta alawna hneta ama daw, tahematapakieca ama bangkhuo ta ama kha ama za huo. 41Ca khu pahne ta Jairu ama tapa apungna-ing uvthyipa paa kha a vya chiy. Zingsuv phyi thabaw lie kha a vya bu te a ing luo a vaw riypata paa a kie, 42tahematapakieca kung hraa hlyihning a tapa, sacanung a hnyi tlakuopa khana a thiy'a nang nguoluo.
Zingsuv ca cakuo te cawsaazaapuv khata a pahlaw ta ama pahlawle. 43Capa lie ca kung hraa hlyihning chung thiylang pasana ta a pasapa cawsaanung pakha a aw; a hnyipa bangkhuo siyybyi tie'a lie a hmuo diy raalaa pata ahungtahmuo patluo khu va yi. 44Zingsuv hnangluo taa khata a vaw te a pangpe kha a hrie ca sungkhabala ta a thiy langpa ca a ping. 45Zingsuv ta, “Ahungma naa hrie?” a ta. Ahungtahmuo ca hrie vapuv, ama ta diy tiyta, Piter ta,#8.45 Kuvtie caataw chekha tie lie ca Piter hne ama'a lie a awpa tie ta a ta “Abyipa, cawsaa ta ca cadung yi te aa nuo ta acaa nuosue patlawpa yi hing,” a ta. 46Cuorasala Zingsuv ta, “Pakhakha na naa hrie; tahematapakieca i chungtaata cahrana a pyapa na i pachang,” a ta. 47Cawsaanung ta a nu khu'a va tli ang pata kha a pachang tiyta aa cathangsa hringhruo; Zingsuv phyi thabaw lie kha a vya bu te cawsaa bangkhuo hmielie ca, khaapanakawma Zingsuv kha a hrie tapa hne tuokhaatama sungkhabala ta a tluo tapa kaw kha a ri. 48Zingsuv ta, “I sacanung, na zangnapa na caa patluo sa; hnaanguosa pata cakuo tie,” a ta.
49Cahaacata Zingsuv bie a ri nguoluo ning ca, apungna-ing a uvtuvpa ing taata cawsaa pakha vya chiy te, “Na sacanung ca a thiy tli, sayapa kha hnaa pahnaw khah tie,” a ta. 50Zingsuv ta capa bie a thyi tiyta, Jairu kha, “Na thlaa zang khah se! Zang thluo la na sacanung ca a tluo aa,” a ta. 51Ing kha a va pha tiyta, Piter, Johan, Jeim hne haatiynung a nung hne a paa ta li pata ahunghmuo ingchung luo pangie sa va yi. 52Ama bangkhuo ta haatiynung kha ama caa; cuorasala Zingsuv ta, “Caa khah ung; haatiynung hing thiy vyi, cuorasala aa hmung nguoluo,” a ta. 53Haatiynung a thiy tapa kha ama pachang nakawta Zingsuv kha ama pahnyisue. 54Cuorasala Zingsuv ta haatiynung ca a kuv ta patuv te, “Thu tie, haatiynung,” ta pata a u. 55A thlaapa kha vya kaa te sungkha ta a kya thu. Zingsuv ta ning riypa suokhakha pi riypata a chang yi. 56A nung hne a paa ca a ca ang ta ama ca ang; cuorasala Zingsuv ta a cuopa hmang kha ahunghmuo chang li riypata a thlu yi.
ទើបបានជ្រើសរើសហើយ៖
LUKA 8: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 8
8
Zingsuv A Ziypa Canung Chekha
1Cakhutaata a ru hluota Zingsuv ca khypuv hne khyta hne khata tlawle te Khazing pena kaw thuophaa kha a ri. Ziytuv hlyihning tie khata ama ziy, 2#Mat 27.55-56; Mar 15.40-41; Luk 23.49 ama pasana hne thlaapa chiepa ta a tuena taa yi ta a patluo sapa canung tie ta a cuopa: a chungtaata thlaapa chiepa pasariy a papyapa Mary (Magdalin ta pata zaw ama ku nung), 3Herod cuota kingkaatuv ta a cuopa Khuza napuvnung Joanna, Susanna, hne iema kha ama hnyi ama chie ta a byapa canung hrangpa a hluvpuv zaw khata ama ziy ra.
Saciy Vaatuv Pakhingpuona
(Mat 13.1-9; Mar 4.1-9)
4Khy kha hnang khy kha taata cawsaazaapuv ca Zingsuv'a luo kha a vaw yi te amaa vya pung tiyta hingpa pakhingpuona hing a chang yi: 5“Saciy vaatuv pakha ca saciy vaa riypata a si. Saciy kha a vaa tiyta, chekha ca luopuv lie kha a tla nakawta cawsaa ta tlaw yi te pavaa ta amaa haa. 6Chekha ca lungdaapa lieta tla te a kya daa paluo raalaa pata a lyi a pahna li nakawta a caa. 7Saciy chekha ca ahling hrawlie a tla nakawta kya le hne te ahling ta a kalaa. 8Saciy chekha ca lyiphaa lie tla te kya le te le zakha ta a vyi,” a ta. Hingpa bie a ripa hingta, “Thyina naa a hnyipa ta thyi mang sue” ta pata a khisue yi.
Pakhingpuona Ta A Ri Khingpa
(Mat 13.10-17; Mar 4.10-12)
9Cakhutaata a ziytuv tie ta, hingpa pakhingpuona ta a ri khingpa hing khaapatama a cuo, ta pata ama hiehriy. 10#Isa 6.9 Zingsuv ta, “Niema ca Khazing pena bieparuv pachang khuna kha pi pata nama cuo; cuorasala a hrangpa tie ca pakhingpuona hmuo pata i chang yi, caacuonakawta
‘Mang raalaa'a yi te hmungpasie the'a va yi,
naathlie raalaa'a yi te a siyluo pachang the'a va yi,’ a ta.
Saciy Vaatuv Pakhingpuona Siyluo
(Mat 13.18-23; Mar 4.13-20)
11“Hingpa pakhingpuona siyluo ca hing haa hing tana a cuo: Saciy ca Khazing bie ta a cuo. 12Luopuv lie a tlapa tie ca Khazing bie a thyipa tie ta ama cuo; cakhutaata khachie kha a vaw te ama zang li riypa hne khuopa ta ama cuo li riypata ama palung chungtaata Khazing bie kha a lapa yi. 13Lungdaa lie a tlapa tie ca, Khazing bie kha ama thyi tiyta palung tluosa pata ama cuhluo. Cuorasala a thariy a thla li nakawta cuo kha chung dyi zang yi te dyapasyana cuo a vya chiy tiyta amaa lie. 14Ahling hrawlie a tlapa tie ca, Khazing bie kha thyi yi te, cuorasala palungriethyina, hnyirungna hne anuona zaw ta ama hringna kha a kalaa nakawta thyi phapa pathyi the va yi. 15Cuorasala alyi phanapa lie a tlapa tie ca, Khazing bie kha ama thyi tiyta, a patuv paluo yi te, adangna hne pathiypalung phapa hneta a hringkhyi yi te thyi a pathyipa tie ta ama cuo.
Beke Pakhuvsuepa Myi-ing
(Mar 4.21-25)
16 #
Mat 5.15; Luk 11.33 “Ahunghmuota myi-ing ama vuo tiyta beke pakhuvsue buo va yi, iehmang rawlie zaw chi buo va yi, cuorasala ing chung luo a ngiepa tie ta khena ama hmung riypata myi-ing vuona tung cunglie khana ama patu taw. 17#Mat 10.26; Luk 12.2 Tahematapakieca suokha hmuo nupa a cuo li riypata suokha hmuo buvkhung pata cuo'a vyi, a paruv ta tuepa bangkhuo ca pachang pata cuo'a te, khena luo papya pata a cuo aa. 18#Mat 25.29; Luk 19.26 Caacuonakawta bie nama naathliezya kha a raaring tie ung; tahematapakieca a hnyipa tie kha a hluv vie ta pipa cuo'a yi te, a hnyi lipa tie ta i hnyi ta pata amaa ruepa kha hmuo lapa pata ama cuo aa,” a ta.
Zingsuv A Nung Hne A Nuta Zaw
(Mat 12.46-50; Mar 3.31-35)
19Cakhutaata Zingsuv a nung hne a nuta zaw kha ama'a luo amaa vaw, cuorasala cawsaa ama hluv tuv nakawta a taw khu va yi. 20Ama kha, “Na nung hne na nuta zaw ta caa taw khing yi te ale liena amaa daa nguoluo,” ama ta. 21Cuorasala Zingsuv ta iema kyihuo khata, “I nung hne i nuta zaw ca Khazing bie kha thyi yi te a tuepa tie kha tana ama cuo,” a ta.
Zingsuv Ta Thliychie A Padie Sa
(Mat 8.23-27; Mar 4.35-41)
22Ning kha ca Zingsuv ta ziytuv tie hne khata sawkawpalaw chung luo kha a ngie yi te, iema kyihuo khata, “Tiyliy huesuo luo hue vaa'a ung puv,” a ta yi. Caacuonakawta a thu yi te, 23sawkawpalaw ta ama sile nguoluo ning kha Zingsuv ca aa hmung. Thliychie a vya hruo te ama sawkawpalaw lie tiy a bi nakawta ciy aa chiysana chunglieta ama aw. 24Ziytuv tie ta Zingsuv kha va pathu yi te, “Abyipa, Abyipa, vuotaa ma thiy diy'a nang pa hing!” ta pata ama khi. Zingsuv ca kya thu te thliychie hne tiylaw kha a chuo yi; nesiyliy khata ama die. 25Ama ta iema kyihuo khata “Nama zangna ca khaapaliema a aw?” a ta yi. Iema ca ciysa yi te ama nang ta a uo, pakha hne pakha kha, “Thliychie hne tiylaw hmuo naw pi te, a ri amaa ngiepa paa hing ahungtama a cuo?” amaa ta.
Khuevuo Ta Aa Hryipa A Patluo Sa
(Mat 8.28-34; Mar 5.1-20)
26Cakhutaata Zingsuv hne ziytuv tie ca Galilee riyliy huesuo Gerasenes#8.26 Kuvtie caataw chekha tie lie ca Gadarenes ta yi te a hrangpa tie lieta ca Gergesenes ama ta pe luo kha ama chiy. 27Zingsuv ca ngiekuo luo a va pya pahne ta capa khy lie a awpa khuevuo ta aa hryipa paa ta aa vya taw. Capa paa ca cuo pasiypuv caw a tue li pata aw te ing lie aw li pata thluokung lie khy a sapa ta a cuo. 28Zingsuv kha a hmung tiyta, a phyi thabaw lie kha a vya bu te a ue a aw zawdya ta khi te, “Zingsuv, Cungnungce Khazing Sacapaa, tuokhaatama ina tue khing ciy? Icaa nue, ruvnaana na pi thi khah,” a ta. 29Tahematapakieca Zingsuv ta thlaapa pyalyipa kha capa paa chung taa cata pya riypata naw a pi nakaw tana a cuo. (Cuo hluvpuv ca thlaapa pyalyipa ca ta patuv te, a kuv a phyi kha thaabuoliriy ta ciy yi te ama huo raalaa pata, thaariy kha chipachung diy te ruopahriy luo kha khuevuo cata a paruo taw.) 30Zingsuv ta, “Na ming ahungma?” ta pata a hiehriy. Ama ta, “Hluvpuv” a ta; tahematapakieca khuevuo hluvpuv kha a chunglie amaa ngie nakaw tana a cuo. 31Khuevuo tie ta Zingsuv kha, dena a hnyi lipa khue a thuvsapa chung luo kha malie pathla thi khah ama ta.
32Capa hmang, tluope lie kha va a hluvsa ama patle nguoluo. Caacuonakawta khuevuo tie ta Zingsuv ca va chung luo a pangie sa riypa yi ta paa ama kie. Caacuonakawta naw a pi yi. 33Cakhutaata khuevuo tie ca cawsaapa chung taa khata pya yi te va chung luo ca amaa ngie. Va bangkhuo ca lungkuo taa cata a zupathla yi te riyliy chung luo ama tlasa diy.
34Va a khietuv tie ta cahaacata hmang a cuopa kha ama hmung tiyta a ruo yi te khypuv hne khyta luo kha capa thuohlaa ca ama pathyi sa. 35Hmang a cuopa kha mang riypata cawsaa ca pya yi te, Zingsuv'a luo ama va pha ca, khuevuo ta ama pyase tlipa paa kha a phata tah caw a tue te palung singta tah Zingsuv phyi thabaw lie a zaa tupa kha ama hmung ca ama ciy hringhruo. 36Khuevuo ta aa hryipa paa tuokhaatama a tluo tapa kha zaa hmungpa tie ta cawsaa zaw kha ama chang. 37Cakhutaata Gerasenes kiecahriy lie a awpa cawsaa bangkhuo ca ama ciysa nakawta Zingsuv kha a pyase riypa yi ta paa ama kie. Caacuonakawta Zingsuv ca sawkawpalaw luo kha kie te a kaa. 38Khuevuo ta a pyasepa paa ta Zingsuv kha ama'a lie aw ra riypata paa a kie; cuorasala Zingsuv ta, 39“Na ing luo kha kaa la Khazing ta kha tluv tama hmang pha aca tuepa tapa kha va pathyi sa tie,” ta te a pathlie. Caacuonakawta cakuo te Zingsuv ta a cuota kha tluv tama hmang pha a tue tapa kha khypuv chung bangkhuo khata a pathyi sale.
Pahring Sa Pakhaapa Haatiynung Hne Patluo Sapa Cawsaanung
(Mat 9.18-26; Mar 5.21-43)
40Zingsuv ca a vya kaa tiyta cawsaazaapuv ta alawna hneta ama daw, tahematapakieca ama bangkhuo ta ama kha ama za huo. 41Ca khu pahne ta Jairu ama tapa apungna-ing uvthyipa paa kha a vya chiy. Zingsuv phyi thabaw lie kha a vya bu te a ing luo a vaw riypata paa a kie, 42tahematapakieca kung hraa hlyihning a tapa, sacanung a hnyi tlakuopa khana a thiy'a nang nguoluo.
Zingsuv ca cakuo te cawsaazaapuv khata a pahlaw ta ama pahlawle. 43Capa lie ca kung hraa hlyihning chung thiylang pasana ta a pasapa cawsaanung pakha a aw; a hnyipa bangkhuo siyybyi tie'a lie a hmuo diy raalaa pata ahungtahmuo patluo khu va yi. 44Zingsuv hnangluo taa khata a vaw te a pangpe kha a hrie ca sungkhabala ta a thiy langpa ca a ping. 45Zingsuv ta, “Ahungma naa hrie?” a ta. Ahungtahmuo ca hrie vapuv, ama ta diy tiyta, Piter ta,#8.45 Kuvtie caataw chekha tie lie ca Piter hne ama'a lie a awpa tie ta a ta “Abyipa, cawsaa ta ca cadung yi te aa nuo ta acaa nuosue patlawpa yi hing,” a ta. 46Cuorasala Zingsuv ta, “Pakhakha na naa hrie; tahematapakieca i chungtaata cahrana a pyapa na i pachang,” a ta. 47Cawsaanung ta a nu khu'a va tli ang pata kha a pachang tiyta aa cathangsa hringhruo; Zingsuv phyi thabaw lie kha a vya bu te cawsaa bangkhuo hmielie ca, khaapanakawma Zingsuv kha a hrie tapa hne tuokhaatama sungkhabala ta a tluo tapa kaw kha a ri. 48Zingsuv ta, “I sacanung, na zangnapa na caa patluo sa; hnaanguosa pata cakuo tie,” a ta.
49Cahaacata Zingsuv bie a ri nguoluo ning ca, apungna-ing a uvtuvpa ing taata cawsaa pakha vya chiy te, “Na sacanung ca a thiy tli, sayapa kha hnaa pahnaw khah tie,” a ta. 50Zingsuv ta capa bie a thyi tiyta, Jairu kha, “Na thlaa zang khah se! Zang thluo la na sacanung ca a tluo aa,” a ta. 51Ing kha a va pha tiyta, Piter, Johan, Jeim hne haatiynung a nung hne a paa ta li pata ahunghmuo ingchung luo pangie sa va yi. 52Ama bangkhuo ta haatiynung kha ama caa; cuorasala Zingsuv ta, “Caa khah ung; haatiynung hing thiy vyi, cuorasala aa hmung nguoluo,” a ta. 53Haatiynung a thiy tapa kha ama pachang nakawta Zingsuv kha ama pahnyisue. 54Cuorasala Zingsuv ta haatiynung ca a kuv ta patuv te, “Thu tie, haatiynung,” ta pata a u. 55A thlaapa kha vya kaa te sungkha ta a kya thu. Zingsuv ta ning riypa suokhakha pi riypata a chang yi. 56A nung hne a paa ca a ca ang ta ama ca ang; cuorasala Zingsuv ta a cuopa hmang kha ahunghmuo chang li riypata a thlu yi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.