LUKA 10
10
Sawsariy Tie Pathliena Kaw
1Cakhutaata Abyipa ta a hrangpa sawsariy#10.1 Kuvtie caataw chekha tie lie ca sawsariy pahning a ta kha a tlaw yi te a khytlawna riypa khy ting hne hmangting luo kha pahning pahning ta a pathlielu yi. 2#Mat 9.37-38 Iema kyihuo khata, “Sa hrie riypa a hluvsa a aw raalaa pata a hrietuv ca a cawta dyina a aw yi, caacuonakawta sa hrie riypa a hnyituv Abyipa ta sa a hrietuv zaw a za pathlie riypa yi ta thlaachuo tie ung. 3#Mat 10.16 Si tie ung. Cahnie hraw luo pathliepa tuvtaata zaw haa tana niema kha ica pathlie yi. 4#Mat 10.7-14; Mar 6.8-11; Luk 9.3-5 Tuokaa baw cuose, sahrie cuose, phyipakaw cuose a phya khah ung; ahunghmuo luopuv lie bie a chang khah ung. 5Ing ing kha lalaa luo namaa ngie tiyta, ‘Hing ing chunglie diena aw mang sue,’ ta taa tie ung. 6Diena a khingpa ama aw kieca, diena ca nama cunglie aw mang sue; cuorasala diena a khingpa ama aw li kieca diena ca niema'a luo vya kaa se. 7#1Kor 9.14; 1Tim 5.18 Capa ing lie ca aw ung la, khaapa aca pi zaw yi ta ning ung la dang tie ung; tahematapakieca re a hrietuv ca a hrie muo kha a hmung riypa tana a cuo. Ing kha hnang ing kha ta a palaw'a va ung ciy. 8Khy kha lalaa luo namaa ngie tiyta ing acaa patlung sa kie yi ca, nama hmielie ama kya pachiepa bangkhuo kha ning ung la, 9capa khy lie a awpa a pasapa kha patluo sa ung la, ‘Khazing pena ca namaa thaa luo a vya chiy tli,’ ta pata chang tie ung. 10#Lct 13.51 Cuorasala khy khy kha lalaa luo namaa ngie tiyta ingtlung aca da kie yi ca, luopuv luo kha pya ung la, 11‘Nama pha lina paluo sana ta ma phyi lie malie a kaapa nama khy lie buvcing hmuota maca cakhawsue siy yi. Cakhutaata hingpa hing pachang tie ung: Khazing pena ca aa ngie tli,’ ta tie ung. 12#Sah 19.24-28; Mat 11.24; Mat 10.15 Ica chang yi, capa ning thue ca capa khy laa cata Sodom cuo tana nangduena a aw vie aa! a ta.
A Zang Lipa Khy Tie Bawchiena
(Mat 11.20-24)
13 #
Isa 23.1-18; Ezk 26.1—28.26; Joe 3.4-8; Amo 1.9-10; Zek 9.2-4 “Khorazin, bawchie ciemuopa tana na cuo! Bethsaida, bawchie ciemuopa tana na cuo! Niema'a lie tuepa kharuehaa hmang hing Tair hne Sidon lie tue pata za cuo sala, buri a buv pata, buvcuo a phuv'a yi te amaa ngiepachiynapa a za pasiysa'a mangtli! 14Cuorasala bieripana ning thue ca niema laa hingta Tair hne Sidon cuo tana nangduena a aw vie aa. 15#Isa 14.13-15 Cakhutaata, nama Kapernaum,
vuoruo te cyicalangpa tama na cuo aa?
Cuo'a vyi, Hell luo thawpa tana na cuo aa, a ta.
16 #
Mat 10.40; Mar 9.37; Luk 9.48; Jhn 13.20 “Ahunghmuo cuose niema bie caa naathliepa ca kama bie naa naathliepa ta cuo te, niema caa thawpa yi ca kama naa thawpa tana ama cuo, kama naa thawpa bangkhuo ca naa pathlietuv a thawpa tana ama cuo,” a ta.
Sawsariy Tie Ama Vya Kaa
17Sawsariy#10.17 Kuvtie caataw chekha tie lie ca sawsariy pahning a ta tie ca palungtluo ciemuo pata vya kaa yi te, “Abyipa nama ming ta ca khuevuo tie hmuo ma ri malie amaa ngie,” ama ta. 18Zingsuv ta, “Vuoruo taata thinghlaa haata Setaa a za tlapa na i hmung. 19Mang tie ung, pariy hne tluociekuo zaw tlawpuo khuna hne nama carie tie cahrana cunglie nawhnyina zaw kha ica pi tli yi, khaapatahmuo ruvnaana ca pi'a va yi. 20Khuevuo tie ta nama ri acaa ngie nakaw yi ta nama palung tluo khah se; cuorasala vuoruo lieta nama ming capepa a cuopa kha nama palung tluo hriy se,” a ta yi.
Zingsuv Aa Law
(Mat 11.25-27; 13.16-17)
21Khapa cuo ning kha Zingsuv ca Thlaapa Pathe ta palungtluona hne pabi sa te, “I paa, alyi hne avuo Byipa, a singpa hne a thepa tie'a taata na nupa kha haatiy tie'a lie na paluo sa nakawta icaa law; a cuo, i Paa, capa ca na vihnyina cangta na khingpa tana a cuo. 22#Jhn 3.35; Jhn 10.15 I Paa ta hmangting bangkhuo ina pi diy tli. Paa ta li pata sacapaa kha ahungtahmuo pachang va yi, Paa hing ahungtama a cuo tapa zaw kha Sacapaa hne Sacapaa ta a tlaw yi te iema'a lie a phupa tie ta li pata ca ahungtahmuo pachang va yi,” a ta.
23Cakhutaata, Zingsuv ca ziytuv tie'a luo kha a pali te iema dyi thyi pata, “Nama hmungpa hmang a hmungpa ming zaw ca thluechiypa tana ama cuo! 24Ica chang yi, profet hluvpuv hne siepahruo hluvpuv zaw ta niema nama hmungpa hing ama za hmung khing hringhruo, cuorasala za hmung va yi, ama za thyi khing hringhruo, cuorasala za thyi va yi,” a ta.
Samaria Cawsaaphapa Pakhingpuona
25 #
Mat 22.35-40; Mar 12.28-34 Cakhutaata phungbie saya pakha ta Zingsuv dyapasya riypata a daa te, “Saya, chuozaa hringna cu riypata khaapama i tue aa,” a ta. 26Zingsuv ta, “Phungbie chunglie tuokhaatama aa cape? Capa lie ca tuokhaatama na ri?” a ta. 27#Pbp 6.5; Tbr 19.18 Cawsaapa ta, “Abyipa na Khazing ca na pathiypalung yalya, na hringna yalya, na cahrana yalya, hne na ruena yalya ta due'a cate, nama naa duepa haata na ingpaa kha va due tie, a ta,” a ta. 28#Tbr 18.5 Cakhutaata Zingsuv ta, “Na ripa ca aa hmuo; capa ca va tue la na hring aa,” a ta.
29Cuorasala ama hne ama kha duo a pacu khing nakawta, Zingsuv kyihuo khata, “Ahungma i ingpaa ta a cuo?” a ta. 30Zingsuv ta, “Cawsaa pakha ca Jerusalem taata Jeriko luo kha a sibung. Damie tie ta patuv yi te, a caw kha hlepa diy yi te ama tuv khutaata a thiy'a nang pata thuse yi te amaa ruo. 31Capa ning ca ta tluobyi pakha ca capa luopuv luo ca sibung te cawsaapa kha a hmung ca kuokhaluo ta a cahriy. 32Cahaa ngiethie cata Levi ming pakha zaw capa hmang luo ca vya chiy te a hmung ca kuokhaluo ta a ca hriy ra. 33#2Chr 28.15 Cuorasala Samaria ming pakha ca khy a tlaw pata capa luo ca vya chiy te cawsaapa kha a hmung ca a ngiechi hringhruo. 34Capa paa'a luo ca vaa te a hmaa kha chiytiy hne mingsuvtiy a thuv khutaata a catawpa; cakhutaata cawsaapa ca a sahring cung luo kha khang te khyche arina ing luo kha vaakhyi te capa lie ca a mangchiy. 35A mawluopa ta denarii#10.35 Denarii suokha ca kuliy re a hriepa pakha ning kha thavie tana a za cuo phiehning kha thue te khyche arina ing a huotuv kha pi te, ‘Hingpa paa hing a phata tah za mangchiy la, ama cuota na pachuo viepa bangkhuo ca hingpa luo i vya kaa pakhaa thueta ica thung diy aa, a ta,’ a ta. 36Hingpa cawsaa pathung hrawlie hing ahung hing ma damie tie ta ama patuvpa paa ingpaa ta a cuo ta pata na rue?” ta pata a hiehriy. 37Phungbie sayapa ta, “Ama a ngiechituvpa kha,” ta pata a palie. Zingsuv ta, “Cakuo la capa haa cata va tue tie,” a ta.
Zingsuv Ta Martha Hne Mary A Parie Yi
38 #
Jhn 11.1
Zingsuv hne a ziytuv tie khy ama tlawle ning kha khy khy kha luo chiy yi te Martha ama tapa nung ta a ing lie aa patlung sa yi. 39Ama ta Mary ama tapa nutanung pakha hnyi te, Abyipa phyi thabaw lie kha a tu te a bie kha a naathlie. 40Cuorasala Martha ca a re a hluvsa nakawta a palung rie a thyisa; caacuonakawta Zingsuv'a luo kha a vaw te, “Abyipa, i nutanung ta re bangkhuo kama dyi i naa ringpa hing na ngie aa raw thluo ma? Re vaa bya la ta tie,” a ta. 41Cuorasala Zingsuv ta, “Martha, Martha, nama ca hmang hluvpuv kawlieta na palungrie a thyi; 42aa hu hmisipa suokha dyina a aw. Mary ta a pha viepa hmang ca a tlaw tli te ahungtahmuo chuv'a va yi,” a ta.
ទើបបានជ្រើសរើសហើយ៖
LUKA 10: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 10
10
Sawsariy Tie Pathliena Kaw
1Cakhutaata Abyipa ta a hrangpa sawsariy#10.1 Kuvtie caataw chekha tie lie ca sawsariy pahning a ta kha a tlaw yi te a khytlawna riypa khy ting hne hmangting luo kha pahning pahning ta a pathlielu yi. 2#Mat 9.37-38 Iema kyihuo khata, “Sa hrie riypa a hluvsa a aw raalaa pata a hrietuv ca a cawta dyina a aw yi, caacuonakawta sa hrie riypa a hnyituv Abyipa ta sa a hrietuv zaw a za pathlie riypa yi ta thlaachuo tie ung. 3#Mat 10.16 Si tie ung. Cahnie hraw luo pathliepa tuvtaata zaw haa tana niema kha ica pathlie yi. 4#Mat 10.7-14; Mar 6.8-11; Luk 9.3-5 Tuokaa baw cuose, sahrie cuose, phyipakaw cuose a phya khah ung; ahunghmuo luopuv lie bie a chang khah ung. 5Ing ing kha lalaa luo namaa ngie tiyta, ‘Hing ing chunglie diena aw mang sue,’ ta taa tie ung. 6Diena a khingpa ama aw kieca, diena ca nama cunglie aw mang sue; cuorasala diena a khingpa ama aw li kieca diena ca niema'a luo vya kaa se. 7#1Kor 9.14; 1Tim 5.18 Capa ing lie ca aw ung la, khaapa aca pi zaw yi ta ning ung la dang tie ung; tahematapakieca re a hrietuv ca a hrie muo kha a hmung riypa tana a cuo. Ing kha hnang ing kha ta a palaw'a va ung ciy. 8Khy kha lalaa luo namaa ngie tiyta ing acaa patlung sa kie yi ca, nama hmielie ama kya pachiepa bangkhuo kha ning ung la, 9capa khy lie a awpa a pasapa kha patluo sa ung la, ‘Khazing pena ca namaa thaa luo a vya chiy tli,’ ta pata chang tie ung. 10#Lct 13.51 Cuorasala khy khy kha lalaa luo namaa ngie tiyta ingtlung aca da kie yi ca, luopuv luo kha pya ung la, 11‘Nama pha lina paluo sana ta ma phyi lie malie a kaapa nama khy lie buvcing hmuota maca cakhawsue siy yi. Cakhutaata hingpa hing pachang tie ung: Khazing pena ca aa ngie tli,’ ta tie ung. 12#Sah 19.24-28; Mat 11.24; Mat 10.15 Ica chang yi, capa ning thue ca capa khy laa cata Sodom cuo tana nangduena a aw vie aa! a ta.
A Zang Lipa Khy Tie Bawchiena
(Mat 11.20-24)
13 #
Isa 23.1-18; Ezk 26.1—28.26; Joe 3.4-8; Amo 1.9-10; Zek 9.2-4 “Khorazin, bawchie ciemuopa tana na cuo! Bethsaida, bawchie ciemuopa tana na cuo! Niema'a lie tuepa kharuehaa hmang hing Tair hne Sidon lie tue pata za cuo sala, buri a buv pata, buvcuo a phuv'a yi te amaa ngiepachiynapa a za pasiysa'a mangtli! 14Cuorasala bieripana ning thue ca niema laa hingta Tair hne Sidon cuo tana nangduena a aw vie aa. 15#Isa 14.13-15 Cakhutaata, nama Kapernaum,
vuoruo te cyicalangpa tama na cuo aa?
Cuo'a vyi, Hell luo thawpa tana na cuo aa, a ta.
16 #
Mat 10.40; Mar 9.37; Luk 9.48; Jhn 13.20 “Ahunghmuo cuose niema bie caa naathliepa ca kama bie naa naathliepa ta cuo te, niema caa thawpa yi ca kama naa thawpa tana ama cuo, kama naa thawpa bangkhuo ca naa pathlietuv a thawpa tana ama cuo,” a ta.
Sawsariy Tie Ama Vya Kaa
17Sawsariy#10.17 Kuvtie caataw chekha tie lie ca sawsariy pahning a ta tie ca palungtluo ciemuo pata vya kaa yi te, “Abyipa nama ming ta ca khuevuo tie hmuo ma ri malie amaa ngie,” ama ta. 18Zingsuv ta, “Vuoruo taata thinghlaa haata Setaa a za tlapa na i hmung. 19Mang tie ung, pariy hne tluociekuo zaw tlawpuo khuna hne nama carie tie cahrana cunglie nawhnyina zaw kha ica pi tli yi, khaapatahmuo ruvnaana ca pi'a va yi. 20Khuevuo tie ta nama ri acaa ngie nakaw yi ta nama palung tluo khah se; cuorasala vuoruo lieta nama ming capepa a cuopa kha nama palung tluo hriy se,” a ta yi.
Zingsuv Aa Law
(Mat 11.25-27; 13.16-17)
21Khapa cuo ning kha Zingsuv ca Thlaapa Pathe ta palungtluona hne pabi sa te, “I paa, alyi hne avuo Byipa, a singpa hne a thepa tie'a taata na nupa kha haatiy tie'a lie na paluo sa nakawta icaa law; a cuo, i Paa, capa ca na vihnyina cangta na khingpa tana a cuo. 22#Jhn 3.35; Jhn 10.15 I Paa ta hmangting bangkhuo ina pi diy tli. Paa ta li pata sacapaa kha ahungtahmuo pachang va yi, Paa hing ahungtama a cuo tapa zaw kha Sacapaa hne Sacapaa ta a tlaw yi te iema'a lie a phupa tie ta li pata ca ahungtahmuo pachang va yi,” a ta.
23Cakhutaata, Zingsuv ca ziytuv tie'a luo kha a pali te iema dyi thyi pata, “Nama hmungpa hmang a hmungpa ming zaw ca thluechiypa tana ama cuo! 24Ica chang yi, profet hluvpuv hne siepahruo hluvpuv zaw ta niema nama hmungpa hing ama za hmung khing hringhruo, cuorasala za hmung va yi, ama za thyi khing hringhruo, cuorasala za thyi va yi,” a ta.
Samaria Cawsaaphapa Pakhingpuona
25 #
Mat 22.35-40; Mar 12.28-34 Cakhutaata phungbie saya pakha ta Zingsuv dyapasya riypata a daa te, “Saya, chuozaa hringna cu riypata khaapama i tue aa,” a ta. 26Zingsuv ta, “Phungbie chunglie tuokhaatama aa cape? Capa lie ca tuokhaatama na ri?” a ta. 27#Pbp 6.5; Tbr 19.18 Cawsaapa ta, “Abyipa na Khazing ca na pathiypalung yalya, na hringna yalya, na cahrana yalya, hne na ruena yalya ta due'a cate, nama naa duepa haata na ingpaa kha va due tie, a ta,” a ta. 28#Tbr 18.5 Cakhutaata Zingsuv ta, “Na ripa ca aa hmuo; capa ca va tue la na hring aa,” a ta.
29Cuorasala ama hne ama kha duo a pacu khing nakawta, Zingsuv kyihuo khata, “Ahungma i ingpaa ta a cuo?” a ta. 30Zingsuv ta, “Cawsaa pakha ca Jerusalem taata Jeriko luo kha a sibung. Damie tie ta patuv yi te, a caw kha hlepa diy yi te ama tuv khutaata a thiy'a nang pata thuse yi te amaa ruo. 31Capa ning ca ta tluobyi pakha ca capa luopuv luo ca sibung te cawsaapa kha a hmung ca kuokhaluo ta a cahriy. 32Cahaa ngiethie cata Levi ming pakha zaw capa hmang luo ca vya chiy te a hmung ca kuokhaluo ta a ca hriy ra. 33#2Chr 28.15 Cuorasala Samaria ming pakha ca khy a tlaw pata capa luo ca vya chiy te cawsaapa kha a hmung ca a ngiechi hringhruo. 34Capa paa'a luo ca vaa te a hmaa kha chiytiy hne mingsuvtiy a thuv khutaata a catawpa; cakhutaata cawsaapa ca a sahring cung luo kha khang te khyche arina ing luo kha vaakhyi te capa lie ca a mangchiy. 35A mawluopa ta denarii#10.35 Denarii suokha ca kuliy re a hriepa pakha ning kha thavie tana a za cuo phiehning kha thue te khyche arina ing a huotuv kha pi te, ‘Hingpa paa hing a phata tah za mangchiy la, ama cuota na pachuo viepa bangkhuo ca hingpa luo i vya kaa pakhaa thueta ica thung diy aa, a ta,’ a ta. 36Hingpa cawsaa pathung hrawlie hing ahung hing ma damie tie ta ama patuvpa paa ingpaa ta a cuo ta pata na rue?” ta pata a hiehriy. 37Phungbie sayapa ta, “Ama a ngiechituvpa kha,” ta pata a palie. Zingsuv ta, “Cakuo la capa haa cata va tue tie,” a ta.
Zingsuv Ta Martha Hne Mary A Parie Yi
38 #
Jhn 11.1
Zingsuv hne a ziytuv tie khy ama tlawle ning kha khy khy kha luo chiy yi te Martha ama tapa nung ta a ing lie aa patlung sa yi. 39Ama ta Mary ama tapa nutanung pakha hnyi te, Abyipa phyi thabaw lie kha a tu te a bie kha a naathlie. 40Cuorasala Martha ca a re a hluvsa nakawta a palung rie a thyisa; caacuonakawta Zingsuv'a luo kha a vaw te, “Abyipa, i nutanung ta re bangkhuo kama dyi i naa ringpa hing na ngie aa raw thluo ma? Re vaa bya la ta tie,” a ta. 41Cuorasala Zingsuv ta, “Martha, Martha, nama ca hmang hluvpuv kawlieta na palungrie a thyi; 42aa hu hmisipa suokha dyina a aw. Mary ta a pha viepa hmang ca a tlaw tli te ahungtahmuo chuv'a va yi,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.