LUKA 3
3
Tiynawtuv Johan Biephuna
(Mat 3.1-12; Mar 1.1-8; Jhn 1.19-28)
1Rom Siepahruo Tiberius ta ruo a uvnapa kung hraa hlyipangaa a ta ning kha Pontius Pilat ca Judea ruo muokiy byi ta a cuo, Herod ca Galilee ruo uvtuv#3.1 Gk Hingpa lieta uvtuv a tapa hing ca, ‘tetrarch,’ a tapa ‘uvtuv pachaapa,’ tanapa tana a cuo cuo te a nuta Filip ca Iturea hne Trakhonitis pe uvtuv ta a cuo; Lisanias ca Abilen uvtuv ta cuo te 2Annas hne Kaiafas ca tluobyi lepa ta ama cuo. Capa cuo ning ca ruocaapa lie a awpa, Zekhariah sacapaa Johan'a luo kha Khazing bie aa vaw. 3Ama ca Jordan cavaa kiecahriy ruo bangkhuo khata tlaw te, sue angiethena cuota a ngiepachiy pata tiy a naw riypa kha 4#Isa 40.3-5 profet Isaiah caa-uv chunglie a zaa capepa haa khata a ukhyi,
“Cawsaa pakha ca ruocaapa lie kha u te:
‘Abyipa luopuv kha sapa tie ung,
a luopuv ca padang tie ung,
5Huekaw mekaa ca pabi pata cuo'a te,
tluo hne tluothlue mekaa ca pacing pata a cuo aa.
Luo aa kyipa kha padang pata cuo'a te,
a bu hliehluvpa luo zaw kha pame pata a cuo aa.
6Cawsaa bangkhuo ta
Abyipa khuona ca hmung yi se’” a ta.
7 #
Mat 12.34; 23.33 Tiy a naw riypata ama'a luo a vawpa cawsaazaapuv tie kha Johan ta, “Pariy ciypathla zaw! A vya tlung riypa Khazing hihaana chungtaata a ruo riypata ahung ma a raaringna caa pi yi? 8#Jhn 8.33 Sue a ngiepachiyna hne aa phuvpa hringzya kha hnyi tie ung. Niema hne niema kha, ‘Abraham samingsahlaa tana ma cuo a ta khah ung'; ica chang yi, Khazing ca hingpa alung taa hingta Abraham samingsahlaa zaw kha a sa khu yi. 9#Mat 7.19 Ahryi ca thingkung thabaw lie pahlaa pacie pata cuo te thyiphaa a pathyi lipa thingkung bangkhuo ca hu pata myi chung luo thaw pata ama cuo aa,” a ta.
10Cawsaazaapuv ta, “Caacuokieca khaapama ma tue aa?” ama ta. 11Iema kha palie yi te, “Buohryicungle zung hning a hnyipa ta a hnyi lipa kha pibuo se, sa a hnyipa zaw ta cahaacata tue se,” a ta. 12#Luk 7.29 Ngukhyituv tie zaw kha tiy a naw riypata a vaw yi te, “Saya, khaapama ma tue aa?” ama ta. 13Ama ta, “Khyi riypa tapa laata a hluv vie ta khyi khah ung,” a ta yi. 14Rieka tie zaw ta, “Kiema haw khaapama ma tue aa?” ama ta ra. Ama ta, “Ahung'a taata hmuo aa hmuo li pata hne pachiypahuo pata hruohra ta tuokaa hie khah ung. Nama rehrie muo lie kha nama palung tling se,” a ta yi.
15Cawsaa ca aruechuona hne bi yi te, Johan hing Messiah#3.15 Khrih cata a cuo'a ma ta yi te ama pacuo syalya. 16Johan ta iema kha, “Kama ca tiy ta tiynawna ica pi yi, cuorasala kama laata a cahra viepa pakha a vaw nguoluo te kama ca a phyipakaw riy pathluo riypata hmuo a tla va ang. Ama ta niema kha Thlaapa Pathe hne myi ta tiy aca naw'a yi. 17Ama ta a suo-aciyna pathe riypa hne sahang kha be luo raw riypata suo zinapa pahraa kha a kuv lie aa cyi; cuorasala a siypa ca a thiy buo lipa myi chunglie kha a rue aa,” a ta.
18Johan ca cawsaa kha a phangphang ta pasu yi te, thuophaa a chang yi. 19#Mat 14.3-4; Mar 6.17-18 Cuorasala a nuta napuvnung Herodias kawlie hne a hrangpa hmang pha lipa a hluvsa a tuena kawlieta a chuopa uvtuv Herod ta 20a zya chiepa kha chachiy hryly te Johan ca thaw a pathla.
Zingsuv Tiy-anawna
(Mat 3.13-17; Mar 1.9-11)
21Cawsaa bangkhuo kha tiy a maa naw, Zingsuv zaw kha tiy naw te thlaa a chuo nguoluo pata vuoruo ca a pahaw te, 22#Pya 22.2; Slm 2.7; Isa 42.1; Mat 3.17; Mar 1.11; Luk 9.35 Thlaapa Pathe ca thuvruv haa khata za cung te a cunglie kha a zaa cang. Cakhutaata vuoruo taata ueryi paring te, “Nama ca i Duepa i Sacapaa tana na cuo. Na cunglie i palung a tluo,” a ta.
Zingsuv Thukina
(Mat 1.1-17)
23Zingsuv ca re hrie a pathu ning kha kung sawthung hraw a cuo. Ama ca Heli sacapaa Josef sacapaa ta a cuo (a cuo ta pata ama zangpa haata). 24Heli ca Matthat sacapaa ta a cuo, Matthat ca Levi sacapaa ta a cuo, Levi ca Melkhi sacapaa ta a cuo, Melkhi ca Jannai sacapaa ta a cuo, Jannai ca Josef sacapaa ta a cuo, 25Josef ca Mattathias sacapaa ta a cuo, Mattathias ca Amos sacapaa ta a cuo, Amos ca Nahum sacapaa ta a cuo, Nahum ca Esli sacapaa ta a cuo, Esli ca Naggai sacapaa ta a cuo, 26Naggai ca Maath sacapaa ta a cuo, Maath ca Mattathias sacapaa ta a cuo, Mattathias ca Semein sacapaa ta a cuo, Semein ca Josek sacapaa ta a cuo, Josek ca Joda sacapaa ta a cuo, 27Joda ca Joanan sacapaa ta a cuo, Joanan ca Rhesa sacapaa ta a cuo, Rhesa ca Zerubbabel sacapaa ta a cuo, Zerubbabel ca Shealtiel sacapaa ta a cuo; Shealtiel ca Neri sacapaa ta a cuo, 28Neri ca Melkhi sacapaa ta a cuo; Melkhi ca Addi sacapaa ta a cuo. Addi ca Kosam sacapaa ta a cuo, Kosam ca Elmadam sacapaa ta a cuo, Elmadam ca Er sacapaa ta a cuo, 29Er ca Joshua sacapaa ta a cuo, Joshua ca Eliezer sacapaa ta a cuo, Eliezer ca Jorim sacapaa ta a cuo, Jorim ca Matthat sacapaa ta a cuo, Matthat ca Levi sacapaa ta a cuo; 30Levi ca Simeon sacapaa ta a cuo, Simeon ca Judah sacapaa ta a cuo. Judah ca Josef sacapaa ta a cuo, Josef ca Jonam sacapaa ta a cuo, Jonam ca Eliakim sacapaa ta a cuo, 31Eliakim ca Melea sacapaa ta a cuo, Melea ca Menna sacapaa ta a cuo, Menna ca Mattatha sacapaa ta a cuo, Mattatha ca Nathan sacapaa ta a cuo, Nathan ca David sacapaa ta a cuo, 32David ca Jesse sacapaa ta a cuo, Jesse ca Obed sacapaa ta a cuo, Obed ca Boaz sacapaa ta a cuo, Boaz ca Sala sacapaa ta a cuo, Sala ca Nahshon sacapaa ta a cuo, 33Nahshon ca Amminadab sacapaa ta a cuo, Amminadab ca Admin sacapaa ta a cuo, Admin ca Arni sacapaa ta a cuo, Arni ca Hezron sacapaa ta a cuo, Hezron ca Perez sacapaa ta a cuo, Perez ca Judah sacapaa ta a cuo, 34Judah ca Jakob sacapaa ta a cuo, Jakob ca Isak sacapaa ta a cuo, Isak ca Abraham sacapaa ta a cuo, Abraham ca Terah sacapaa ta a cuo, Terah ca Nahor sacapaa ta a cuo, 35Nahor ca Serug sacapaa ta a cuo, Serug ca Reu sacapaa ta a cuo, Reu ca Peleg sacapaa ta a cuo, Peleg ca Eber sacapaa ta a cuo, Eber ca Shelah sacapaa ta a cuo, 36Shelah ca Kainan sacapaa ta a cuo, Kainan ca Arpaksad sacapaa ta a cuo, Arpaksad ca Shem sacapaa ta a cuo, Shem ca Noah sacapaa ta a cuo, Noah ca Lamek sacapaa ta a cuo, 37Lamek ca Methuselah sacapaa ta a cuo, Methuselah ca Enok sacapaa ta a cuo, Enok ca Jared sacapaa ta a cuo, Jared ca Mahalaleel sacapaa ta a cuo, Mahalaleel ca Kainan sacapaa ta a cuo, 38Kainan ca Enosh sacapaa ta a cuo, Enosh ca Seth sacapaa ta a cuo, Seth ca Adam sacapaa ta a cuo, Adam ca Khazing sacapaa ta a cuo.
ទើបបានជ្រើសរើសហើយ៖
LUKA 3: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
