LUKA 22
22
Zingsuv Thie Riypata Ama Raw
(Mat 26.1-5; Mar 14.1-2; Jhn 11.45-53)
1 #
Pya 12.1-27
Lawsena Pyi ama tapa Thiynung phuv lipa Viechuo pyi kha aa ngie tli. 2Tluobyi lepa tie hne phungbie saya tie ca cawsaa kha ama ciy nakawta Zingsuv kha a paruvta tah thie riypata luopuv ama huv nguoluo.
3Cakhutaata Setaa ca ziytuv hlyihning hrawlie pakha ta a cuopa Iskariot ama tapa Judah chung luo kha aa ngie. 4Tluobyi lepa tie hne biena-ing a huotuv abyi tie'a luo kha vaa te Zingsuv kha iema'a luo a lyi khuna riypata bie a vaa rue yi. 5Ama palung tluosa te tuokaa pi riypata ama palung a tling. 6Ama zaw a palung tling te cawsaazaapuv pachang li pata iema kuv chung luo Zingsuv a pi the riypa yi cuophaa dyi kha a bya.
Lawsena Pyi Cuota Atingdawna
(Mat 26.17-25; Mar 14.12-21; Jhn 13.21-30)
7Thiynung phuv lipa Viechuo Pyi, Lawsena tuvtaata tah hriykhung a rina cuo kha a vya pha. 8Caacuonakawta Zingsuv ta Piter hne Johan kha pathlie yi te, “Vaa ung la ima ning riypata Lawsena Pyi sa kha va pachie tie ung,” a ta yi. 9Iema ta, “Khaapa lie va pachie yi se tapa ma malie na khing?” ama ta. 10Ama ta, “Naathlie tie ung, khypuv chung luo nama vaa ngie tiyta tiybi ta tiy a vya cabalepa paa kha namaa taw aa. Aa ngienapa ing te khata va paziy ung la, 11capa ing a hnyituvpa kha, ‘Saya na, khaapa khuo hing ma naa ziytuv tie hneta Lawsena Pyi sa i ningna riypa khuo ta a cuo? a ta,’ va ta tie ung, a ta yi. 12A cung khuo lie thude hne cabya tluotlingsa pata ama chipa a khuo kusapa kha ca pahmung'a yi te capa lie ca va pachie tie ung,” a ta yi. 13Vaa yi te Zingsuv ta a changpa dadang haa khata hmangting bangkhuo kha va hmung yi te capa lie ca Lawsena Pyi sa ca ama pachie.
Abyipa Zuosa
(Mat 26.26-30; Mar 14.22-26; 1Kor 11.23-25)
14A cuo a vya tling tiyta, Zingsuv ca ziytuv tie hne khata cabya lie aa tu. 15Ama ta, “Hingpa Lawsena Pyi zuosa hing ruvnaana i ang hluota niema hne ning pakhaw riypa hing i khing hringhruo. 16Tahematapakieca ica chang yi, Khazing pena chunglie hingpa hing patling sapa a cuo hluo li ning'a va tli ang,” a ta. 17Cakhutaata Zingsuv ca panuo kha la te alawna bie a hluo khutaata, “Hingpa hing a la ung la a re tie ung; 18ica chang yi, ata taa hingta Khazing pena a vya tlung hluo li hingpa mingsuvtiy hing dang'a va tli ang,” a ta. 19Cakhutaata viechuo kha la te, alawna bie a hluo khutaata, chechi te iema kha pi yi te, “Hingpa hing niema cuota i pipa i pangpa tana a cuo, kama a thyi pakhaana riypata za tue mya ung,” a ta yi. 20#Jer 31.31-34 Cahaacata zuosa ama ning khutaata panuo kha la te, “Hingpa panuo, nama cuota i lyipa hing i thiyse chunglie biekuona thaapa tana a cuo.#22.20 Kuvtie caataw chekha tie lie ca tluo 19b-20 te hing a palang ta acuolikie chekha aw vyi. 21#Slm 41.9 Cuorasala mang tie ung! Kama naa lyituvpa ca hingpa cabya lie hing kama hneta maa tuhne hing. 22Cawsaa Sacapaa ca rawrue ciepa haa tana a si aa, cuorasala ama a lyituvpa cuota ca bawchie ciemuopa tana a cuo,” a ta. 23Cakhutaata iema pakha hne pakha kha, hing haapa hmang hing ahung hing ma a tue aa, ta pata amaa hiehriy.
Ahungma A Le Ce
24 #
Mat 18.1; Mar 9.34; Luk 9.46 Ziytuv tie hrawlie kha ahungma a le cepa ta rue riypata a cuo, ta pata bie a ina a puv. 25#Mat 20.25-27; Mar 10.42-44 Zingsuv ta, “Jentail ming siepahruo tie ta ca ama cawsaa zaw kha ama khing ta ama lesue; capa naw a hnyituv zaw ca phana a tuetuv tie, ama za ta taw. 26#Mat 23.11; Mar 9.35 Cuorasala niema'a lie ca cahaacata cuo'a vyi; niema hrawlie a le cepa ca a syi cepa haata aw'a te, luochiytuv a cuopa ca changtaapa haata a cuo riypa tana a cuo. 27#Jhn 13.12-15 Ahungma a le vie? Sa ning riypata a tupa kha ma, sa a pituv kha ma? Cabya lie a tupa kha le vie va ma? Cuorasala kama ca niema hrawlie hing sa a pituv haa kha tana i aw,” a ta yi.
28“Ruvnaana i ang chung bangkhuo naa awpuotuv ca niema tana nama cuo; 29i Paa ta a pena ina pipa haata kama zaw ta niema kha ica pi'a yi. 30#Mat 19.28 I pena chunglie i cabya lie kha nama ning nama dang aa, byithude cunglie kha a tu'a ung cate Israel ming phang hraa hlyihning kha bie nama ripa aa,” a ta yi.
Piter Ta A Thawna Riypa Kaw A Rilu
(Mat 26.31-35; Mar 14.27-31; Jhn 13.36-38)
31Zingsuv ta, “Simon, Simon, naathlie tie! Setaa ta niema bangkhuo kha suo cathlyi haata cathlyi riypata naw a hie tli. 32Cuorasala, na zangna aa lie li riypata thlaa ica chuopa. Kama'a luo naa vya pali pakhaa tiyta na uvnu zaw kha thaazuo pi mya yi,” a ta. 33Piter ta, “Abyipa nama hne thaw tlahne riypa hne thiy pakhaw riypata a ting pacie pata na i aw!” a ta. 34Zingsuv ta, “Piter, ica chang, ata zuo lie hing, pachang va ang ta pata yi thung ina thaw hluo li ciy, aa khang'a vyi,” a ta.
Tuokaa Baw, Sahrie Hne Zueziy
35 #
Mat 10.9-10; Mar 6.8-9; Luk 9.3; 10.4 Zingsuv ta ziytuv tie kha, “Tuokaa baw, sahrie, hne phyipakaw a cake li pata ica pathlie ning yi kha suokha chuo a tluo tling lipa a aw ma?” a ta yi. Iema ta, “Aw vyi, suokha hmuo aw vyi,” ama ta. 36Zingsuv ta iema kyihuo khata, “Cuorasala ata hing ca, tuokaa baw a hnyipa ca a phya se, cahaacata sahrie zaw a phya se. Zueziy a hnyi lipa ca a buohryicungle kha zaa sala a calyi se. 37#Isa 53.12 Tahematapakieca ica chang yi, Caapathe ta, ‘Ama ca a suepa tie hrawlie ripuo pata a cuo mangtli,’ ta pata kama kaw a capepa kha a tling aa; kama kaw ama capepa bangkhuo kha a vya tlingle lawmaw aa,” a ta. 38Iema ta, “Mang tie, Abyipa, hinglie hing zueziy suohning a aw,” ama ta. “Capa zaa cata aa de aa!” ta pata a palie yi.
Olif Tluo Lie Zingsuv Thlaa A Chuo
(Mat 26.36-46; Mar 14.32-42)
39Zingsuv ca a tue tawpa haa khata pya te Olif Tluo luo kha kie te a ziytuv tie ta ama paziy. 40A hmang luo a pha tiyta iema kha, “Pasupaliyna chung luo nama tla li riypata thlaachuo tie ung,” a ta yi. 41Cakhutaata alung vaa khang aa hlana luo kha vaa te, a pakhuv pane te thlaa a chuo. 42“I Paa, na palung a tling pata a cuo kieca hingpa panuo hing na lapa thi tie; cuorasala kama khingna haata cuo li pata nama khingna haata cuo mang sue,” a ta. [43Vuoruo taata avuoming pakha zaa luo te thaa a pi. 44Palung rie thyisa pata khuo vie ta thlaachuo te a mathle ca thiydiy haata alyi luo a tla.]#22.44 Kuvtie caataw chekha tie lie ca tluo 43-44 hing aw vyi 45A thlaachuona taata thu te ziytuv tie'a luo kha a kaa tiyta amaa zaa hmung diypa kha a hmung yi, ama ngie a chisa nakawta a cuo. 46Ama ta, “Khaapanakawma namaa hmung? Thu ung la pasupaliyna chung luo nama tla li riypata thlaachuo tie ung,” a ta yi.
Zingsuv Ama Lyina Hne Ama Patuvna
(Mat 26.47-56; Mar 14.43-50; Jhn 18.3-11)
47Zingsuv bie a ri nguoluo kalie pata a ziytuv tie pahraa hlyihning chung taata pakha ta a cuopa Judas ta aa vya chiypa cawsaazaapuv kha ama vya chiy tlabya. Zingsuv kha pahnuo riypata a vaa ngie; 48cuorasala Zingsuv ta, “Judas, Cawsaa Sacapaa hing pahnuona tama na lyi,” a ta. 49A thaalie a awpa tie ta hmang a vya cuo riypa kha ama hmung tiyta, “Abyipa, zueziy hingta a ce'a kanaa yi pamaw?” ama ta. 50Iema hraw taa pakha ta tluobyi lepa siipaapa kha a vya ce te a cacuoluo naakue a sa pathla. 51Cuorasala Zingsuv ta, “Ade se!” a ta. A naakue kha hrie te a patluo sa. 52Cakhutaata Zingsuv ta ama patuv riypata a vawpa tluobyi lepa tie, biena-ing paliy byi tie hne uvthyi tie kha, “Kama hing damie ta na ri ung cate ma zueziy hne tungbung hneta namaa vaw? 53#Luk 19.47; 21.37 Ningting ta niema hne Biena-ing chunglie i aw ning kha na patuv vade ung ciy. Cuorasala ata hing ca khyzingna huvhaa a cahra ning cuo te, niema cuo tana a cuo!” a ta yi.
Piter Ta Zingsuv A Thaw
(Mat 26.57-58,69-75; Mar 14.53-54,66-72; Jhn 18.12-18,25-27)
54Zingsuv ca patuv yi te tluobyi lepa ing luo kha ama sikhyi. Cuorasala Piter ta aa hlapuo a ziy yi. 55Tlawhmie khingkhuo lieta myipung thaw yi te amaa tu pakhawna lie kha Piter ca aa tu ra. 56Myi kielie aa tupa kha changtaanung pakha ta hmung te hmiedesuo ta mang te, “Hingpa paa zaw hing Zingsuv'a lie a aw rapa tana a cuo,” a ta. 57Cuorasala Piter ta, “Cawsaanung, capa paa ca pachang va ang,” a ta. 58A cawta a awpa ta pakhapa ta hmung te, “Nama zaw hing iema hraw taa pakha tana na cuo,” a ta. Cuorasala Piter ta, “Cawsaapa, cuo va ang,” a ta. 59Siymaluo pakha tluv khutaata a hrangpa pakha ta a cusa pata, “Hingpa paa hing Zingsuv hneta a aw rapa tana a cuo hrahring, tahematapakieca Galilee ming tana a cuo,” a ta. 60Cuorasala Piter ta, “Cawsaapa, khaapa kaw ma na ri tapa pachang va ang!” a ta. Capa cuo lie, bie a ri nguoluo kaliepa cata aa a khang. 61Abyipa ca a pali te Piter kha a mang. Cakhutaata Abyipa ta, “Ata zuo aa a khang hluota yi thung te ina thaw'a ciy,” a tapa kha Piter ta aa kya thyi. 62Ale luo kha pya te palung ityalya khata a caa.
Zingsuv Ca Tue Hyalya Yi Te Ama Tuv
(Mat 26.67-68; Mar 14.65)
63Zingsuv ca a patuvpa tie khata tue hyalya yi te ama tuv. 64A ming kha pahruv yi te, “Ahungma caa tuv, ri tie,” ama ta. 65Cahaacata esena bie kha a cunglie a hluvsa ama ri.
Bieripatuv Phuv Hmiekunglie Zingsuv
(Mat 26.59-66; Mar 14.55-64; Jhn 18.19-24)
66Khy a dyi taata Judah uvthyi tie, tluobyi lepa tie, hne phungbie saya tie kha a hmya yi te, Zingsuv ca bieripatuv phuv hmiekung luo kha ama chiykhyi. 67Iema ta, “Messiah#22.67 Khrih na cuo kie malie chang tie,” ama ta. Ama ta, “Ica chang zaw yi ta na zang'a va ung ciy; 68bie ica hiehriy zaw yi ma na palie'a va ung ciy. 69Cuorasala ata taa hingta Cawsaa Sacapaa ca Khazing cahrana cacuoluo kuo lie patu pata a cuo aa,” a ta. 70Ama bangkhuo ta, “A cuo kie, Khazing Sacapaa ta na cuo ma?” ama ta. Ama ta, “I cuopa ca niema na a ri ung ciy,” a ta yi. 71Cakhutaa iema ta, “Khaapa pachangkhyituv hrangpa ma a hu'a tli! Ama pakaa taa hrahring tana ma thyi tli!” ama ta.
ទើបបានជ្រើសរើសហើយ៖
LUKA 22: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 22
22
Zingsuv Thie Riypata Ama Raw
(Mat 26.1-5; Mar 14.1-2; Jhn 11.45-53)
1 #
Pya 12.1-27
Lawsena Pyi ama tapa Thiynung phuv lipa Viechuo pyi kha aa ngie tli. 2Tluobyi lepa tie hne phungbie saya tie ca cawsaa kha ama ciy nakawta Zingsuv kha a paruvta tah thie riypata luopuv ama huv nguoluo.
3Cakhutaata Setaa ca ziytuv hlyihning hrawlie pakha ta a cuopa Iskariot ama tapa Judah chung luo kha aa ngie. 4Tluobyi lepa tie hne biena-ing a huotuv abyi tie'a luo kha vaa te Zingsuv kha iema'a luo a lyi khuna riypata bie a vaa rue yi. 5Ama palung tluosa te tuokaa pi riypata ama palung a tling. 6Ama zaw a palung tling te cawsaazaapuv pachang li pata iema kuv chung luo Zingsuv a pi the riypa yi cuophaa dyi kha a bya.
Lawsena Pyi Cuota Atingdawna
(Mat 26.17-25; Mar 14.12-21; Jhn 13.21-30)
7Thiynung phuv lipa Viechuo Pyi, Lawsena tuvtaata tah hriykhung a rina cuo kha a vya pha. 8Caacuonakawta Zingsuv ta Piter hne Johan kha pathlie yi te, “Vaa ung la ima ning riypata Lawsena Pyi sa kha va pachie tie ung,” a ta yi. 9Iema ta, “Khaapa lie va pachie yi se tapa ma malie na khing?” ama ta. 10Ama ta, “Naathlie tie ung, khypuv chung luo nama vaa ngie tiyta tiybi ta tiy a vya cabalepa paa kha namaa taw aa. Aa ngienapa ing te khata va paziy ung la, 11capa ing a hnyituvpa kha, ‘Saya na, khaapa khuo hing ma naa ziytuv tie hneta Lawsena Pyi sa i ningna riypa khuo ta a cuo? a ta,’ va ta tie ung, a ta yi. 12A cung khuo lie thude hne cabya tluotlingsa pata ama chipa a khuo kusapa kha ca pahmung'a yi te capa lie ca va pachie tie ung,” a ta yi. 13Vaa yi te Zingsuv ta a changpa dadang haa khata hmangting bangkhuo kha va hmung yi te capa lie ca Lawsena Pyi sa ca ama pachie.
Abyipa Zuosa
(Mat 26.26-30; Mar 14.22-26; 1Kor 11.23-25)
14A cuo a vya tling tiyta, Zingsuv ca ziytuv tie hne khata cabya lie aa tu. 15Ama ta, “Hingpa Lawsena Pyi zuosa hing ruvnaana i ang hluota niema hne ning pakhaw riypa hing i khing hringhruo. 16Tahematapakieca ica chang yi, Khazing pena chunglie hingpa hing patling sapa a cuo hluo li ning'a va tli ang,” a ta. 17Cakhutaata Zingsuv ca panuo kha la te alawna bie a hluo khutaata, “Hingpa hing a la ung la a re tie ung; 18ica chang yi, ata taa hingta Khazing pena a vya tlung hluo li hingpa mingsuvtiy hing dang'a va tli ang,” a ta. 19Cakhutaata viechuo kha la te, alawna bie a hluo khutaata, chechi te iema kha pi yi te, “Hingpa hing niema cuota i pipa i pangpa tana a cuo, kama a thyi pakhaana riypata za tue mya ung,” a ta yi. 20#Jer 31.31-34 Cahaacata zuosa ama ning khutaata panuo kha la te, “Hingpa panuo, nama cuota i lyipa hing i thiyse chunglie biekuona thaapa tana a cuo.#22.20 Kuvtie caataw chekha tie lie ca tluo 19b-20 te hing a palang ta acuolikie chekha aw vyi. 21#Slm 41.9 Cuorasala mang tie ung! Kama naa lyituvpa ca hingpa cabya lie hing kama hneta maa tuhne hing. 22Cawsaa Sacapaa ca rawrue ciepa haa tana a si aa, cuorasala ama a lyituvpa cuota ca bawchie ciemuopa tana a cuo,” a ta. 23Cakhutaata iema pakha hne pakha kha, hing haapa hmang hing ahung hing ma a tue aa, ta pata amaa hiehriy.
Ahungma A Le Ce
24 #
Mat 18.1; Mar 9.34; Luk 9.46 Ziytuv tie hrawlie kha ahungma a le cepa ta rue riypata a cuo, ta pata bie a ina a puv. 25#Mat 20.25-27; Mar 10.42-44 Zingsuv ta, “Jentail ming siepahruo tie ta ca ama cawsaa zaw kha ama khing ta ama lesue; capa naw a hnyituv zaw ca phana a tuetuv tie, ama za ta taw. 26#Mat 23.11; Mar 9.35 Cuorasala niema'a lie ca cahaacata cuo'a vyi; niema hrawlie a le cepa ca a syi cepa haata aw'a te, luochiytuv a cuopa ca changtaapa haata a cuo riypa tana a cuo. 27#Jhn 13.12-15 Ahungma a le vie? Sa ning riypata a tupa kha ma, sa a pituv kha ma? Cabya lie a tupa kha le vie va ma? Cuorasala kama ca niema hrawlie hing sa a pituv haa kha tana i aw,” a ta yi.
28“Ruvnaana i ang chung bangkhuo naa awpuotuv ca niema tana nama cuo; 29i Paa ta a pena ina pipa haata kama zaw ta niema kha ica pi'a yi. 30#Mat 19.28 I pena chunglie i cabya lie kha nama ning nama dang aa, byithude cunglie kha a tu'a ung cate Israel ming phang hraa hlyihning kha bie nama ripa aa,” a ta yi.
Piter Ta A Thawna Riypa Kaw A Rilu
(Mat 26.31-35; Mar 14.27-31; Jhn 13.36-38)
31Zingsuv ta, “Simon, Simon, naathlie tie! Setaa ta niema bangkhuo kha suo cathlyi haata cathlyi riypata naw a hie tli. 32Cuorasala, na zangna aa lie li riypata thlaa ica chuopa. Kama'a luo naa vya pali pakhaa tiyta na uvnu zaw kha thaazuo pi mya yi,” a ta. 33Piter ta, “Abyipa nama hne thaw tlahne riypa hne thiy pakhaw riypata a ting pacie pata na i aw!” a ta. 34Zingsuv ta, “Piter, ica chang, ata zuo lie hing, pachang va ang ta pata yi thung ina thaw hluo li ciy, aa khang'a vyi,” a ta.
Tuokaa Baw, Sahrie Hne Zueziy
35 #
Mat 10.9-10; Mar 6.8-9; Luk 9.3; 10.4 Zingsuv ta ziytuv tie kha, “Tuokaa baw, sahrie, hne phyipakaw a cake li pata ica pathlie ning yi kha suokha chuo a tluo tling lipa a aw ma?” a ta yi. Iema ta, “Aw vyi, suokha hmuo aw vyi,” ama ta. 36Zingsuv ta iema kyihuo khata, “Cuorasala ata hing ca, tuokaa baw a hnyipa ca a phya se, cahaacata sahrie zaw a phya se. Zueziy a hnyi lipa ca a buohryicungle kha zaa sala a calyi se. 37#Isa 53.12 Tahematapakieca ica chang yi, Caapathe ta, ‘Ama ca a suepa tie hrawlie ripuo pata a cuo mangtli,’ ta pata kama kaw a capepa kha a tling aa; kama kaw ama capepa bangkhuo kha a vya tlingle lawmaw aa,” a ta. 38Iema ta, “Mang tie, Abyipa, hinglie hing zueziy suohning a aw,” ama ta. “Capa zaa cata aa de aa!” ta pata a palie yi.
Olif Tluo Lie Zingsuv Thlaa A Chuo
(Mat 26.36-46; Mar 14.32-42)
39Zingsuv ca a tue tawpa haa khata pya te Olif Tluo luo kha kie te a ziytuv tie ta ama paziy. 40A hmang luo a pha tiyta iema kha, “Pasupaliyna chung luo nama tla li riypata thlaachuo tie ung,” a ta yi. 41Cakhutaata alung vaa khang aa hlana luo kha vaa te, a pakhuv pane te thlaa a chuo. 42“I Paa, na palung a tling pata a cuo kieca hingpa panuo hing na lapa thi tie; cuorasala kama khingna haata cuo li pata nama khingna haata cuo mang sue,” a ta. [43Vuoruo taata avuoming pakha zaa luo te thaa a pi. 44Palung rie thyisa pata khuo vie ta thlaachuo te a mathle ca thiydiy haata alyi luo a tla.]#22.44 Kuvtie caataw chekha tie lie ca tluo 43-44 hing aw vyi 45A thlaachuona taata thu te ziytuv tie'a luo kha a kaa tiyta amaa zaa hmung diypa kha a hmung yi, ama ngie a chisa nakawta a cuo. 46Ama ta, “Khaapanakawma namaa hmung? Thu ung la pasupaliyna chung luo nama tla li riypata thlaachuo tie ung,” a ta yi.
Zingsuv Ama Lyina Hne Ama Patuvna
(Mat 26.47-56; Mar 14.43-50; Jhn 18.3-11)
47Zingsuv bie a ri nguoluo kalie pata a ziytuv tie pahraa hlyihning chung taata pakha ta a cuopa Judas ta aa vya chiypa cawsaazaapuv kha ama vya chiy tlabya. Zingsuv kha pahnuo riypata a vaa ngie; 48cuorasala Zingsuv ta, “Judas, Cawsaa Sacapaa hing pahnuona tama na lyi,” a ta. 49A thaalie a awpa tie ta hmang a vya cuo riypa kha ama hmung tiyta, “Abyipa, zueziy hingta a ce'a kanaa yi pamaw?” ama ta. 50Iema hraw taa pakha ta tluobyi lepa siipaapa kha a vya ce te a cacuoluo naakue a sa pathla. 51Cuorasala Zingsuv ta, “Ade se!” a ta. A naakue kha hrie te a patluo sa. 52Cakhutaata Zingsuv ta ama patuv riypata a vawpa tluobyi lepa tie, biena-ing paliy byi tie hne uvthyi tie kha, “Kama hing damie ta na ri ung cate ma zueziy hne tungbung hneta namaa vaw? 53#Luk 19.47; 21.37 Ningting ta niema hne Biena-ing chunglie i aw ning kha na patuv vade ung ciy. Cuorasala ata hing ca khyzingna huvhaa a cahra ning cuo te, niema cuo tana a cuo!” a ta yi.
Piter Ta Zingsuv A Thaw
(Mat 26.57-58,69-75; Mar 14.53-54,66-72; Jhn 18.12-18,25-27)
54Zingsuv ca patuv yi te tluobyi lepa ing luo kha ama sikhyi. Cuorasala Piter ta aa hlapuo a ziy yi. 55Tlawhmie khingkhuo lieta myipung thaw yi te amaa tu pakhawna lie kha Piter ca aa tu ra. 56Myi kielie aa tupa kha changtaanung pakha ta hmung te hmiedesuo ta mang te, “Hingpa paa zaw hing Zingsuv'a lie a aw rapa tana a cuo,” a ta. 57Cuorasala Piter ta, “Cawsaanung, capa paa ca pachang va ang,” a ta. 58A cawta a awpa ta pakhapa ta hmung te, “Nama zaw hing iema hraw taa pakha tana na cuo,” a ta. Cuorasala Piter ta, “Cawsaapa, cuo va ang,” a ta. 59Siymaluo pakha tluv khutaata a hrangpa pakha ta a cusa pata, “Hingpa paa hing Zingsuv hneta a aw rapa tana a cuo hrahring, tahematapakieca Galilee ming tana a cuo,” a ta. 60Cuorasala Piter ta, “Cawsaapa, khaapa kaw ma na ri tapa pachang va ang!” a ta. Capa cuo lie, bie a ri nguoluo kaliepa cata aa a khang. 61Abyipa ca a pali te Piter kha a mang. Cakhutaata Abyipa ta, “Ata zuo aa a khang hluota yi thung te ina thaw'a ciy,” a tapa kha Piter ta aa kya thyi. 62Ale luo kha pya te palung ityalya khata a caa.
Zingsuv Ca Tue Hyalya Yi Te Ama Tuv
(Mat 26.67-68; Mar 14.65)
63Zingsuv ca a patuvpa tie khata tue hyalya yi te ama tuv. 64A ming kha pahruv yi te, “Ahungma caa tuv, ri tie,” ama ta. 65Cahaacata esena bie kha a cunglie a hluvsa ama ri.
Bieripatuv Phuv Hmiekunglie Zingsuv
(Mat 26.59-66; Mar 14.55-64; Jhn 18.19-24)
66Khy a dyi taata Judah uvthyi tie, tluobyi lepa tie, hne phungbie saya tie kha a hmya yi te, Zingsuv ca bieripatuv phuv hmiekung luo kha ama chiykhyi. 67Iema ta, “Messiah#22.67 Khrih na cuo kie malie chang tie,” ama ta. Ama ta, “Ica chang zaw yi ta na zang'a va ung ciy; 68bie ica hiehriy zaw yi ma na palie'a va ung ciy. 69Cuorasala ata taa hingta Cawsaa Sacapaa ca Khazing cahrana cacuoluo kuo lie patu pata a cuo aa,” a ta. 70Ama bangkhuo ta, “A cuo kie, Khazing Sacapaa ta na cuo ma?” ama ta. Ama ta, “I cuopa ca niema na a ri ung ciy,” a ta yi. 71Cakhutaa iema ta, “Khaapa pachangkhyituv hrangpa ma a hu'a tli! Ama pakaa taa hrahring tana ma thyi tli!” ama ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.