LUKA 23
23
Pilat Hmiekunglie Zingsuv
(Mat 27.1-2,11-14; Mar 15.1-5; Jhn 18.28-38)
1Ama phuv yalya khata a thu yi te Zingsuv ca Pilat hmieluo ama chiykhyi. 2Ama kha pachie yi te: “Hingpa paa hingta ma cawsaa zaw kha a cuo lipa luo aa chiy yi; siepahruo'a luo ngukhyi pi'a va ung ciy ta te, kama hingna Messiah, siepahruo#23.2 Sathu pathuvpa siepahruo ta a cuo ang, a ta,” ama ta. 3Cakhutaata Pilat ta, “Judah ming siepahruo ta na cuo ma?” a ta. Zingsuv ta, “Na ripa haata i cuo,” ta pata a palie. 4Cakhutaata Pilat ta tluobyi lepa tie hne cawsaazaapuv kha, “Hingpa paa hing a suena hmung va ang,” a ta yi. 5Cuorasala khi vie hryly yi te, “A pacuvna ta Judea pe bangkhuo hnaahnawna a chiykhyi, Galilee taata pathu te hingpa hmang te hing a vya chiy tli,” ama ta.
Herod Hmiekunglie Zingsuv
6Capa ca Pilat ta a thyi tiyta, hingpa paa hing Galilee ming ta a cuo ma? ta pata a hiehriy yi. 7Pilat ta Zingsuv ca Herod ta a uvnapa ruo chung taa tana a cuo tapa kha a pachang tiyta, Zingsuv ca Herod'a luo kha a paphya, capa cuo ning ca Herod zaw kha Jerusalem lie a aw ningta a cuo. 8Herod ca Zingsuv a hmung tiyta a palung a tluo hringhruo, tahematapakieca Zingsuv kaw kha za thyi pari te a tuepa kharuehaa hmang hmung riypa kha aa nguopuo nakawta a hmung khingnapa a pasiysa tli. 9Zingsuv kha bie a hluvsa a hiehriy, cuorasala Zingsuv ta kaa kha hmuo palie vyi. 10A thaalie a tupa tluobyi lepa tie hne phungbie saya tie ta khuopuv ta sue ama phaw. 11Herod hne a rieka tie zaw ta Zingsuv ca ese yi te ama tue hyalya; pang rungnaapa kha pabuv yi te Pilat'a luo kha ama paphya pakhaa. 12Capa ning lie ca ta Herod hne Pilat ca viesaa ta amaa li; capa hluota ca carie tana ama za cuo.
Zingsuv Thie Riypata Bie Ama Chi
(Mat 27.15-26; Mar 15.6-15; Jhn 18.39—19.16)
13Cakhutaata Pilat ta tluobyi lepa tie, uvthyi tie hne cawsaa zaw kha ku yi te, 14“Niema ta hingpa paa hing cawsaa na a cuo lipa luo aa chiy yi ta pata kama'a luo nama vya chiykhyi. Niema hmielie hrahring i hiehriypasie tiyta niema ta nama pachiepa suena suokha hmuo hmung va ang. 15Herod zaw ta hmung ra vyi, caacuonakawta kiema'a luo malie a vya paphya pakhaa. Hingpa cawsaapa hingta thiy aa phuvpa hmang suokha hmuo tue vyi. 16Caacuonakawta asung ta pachisa'a yi angte i pathlie aa,” a ta. 17(Lawsena pyi kyry ta Pilat ta thaw a tlapa pakha a pathliepa pari taw yi.)#23.17 Kuvtie caataw chekha tie lie ca tluo 17 hing aw vyi.
18Cawsaazaapuv ca khi yi te, “Ama kha thie tie! Barabbas kha malie pathliepa tie!” ama ta. 19(Barabbas ca khypuv chunglie a duna a papuv sa nakaw hne lie a naw nakawta thaw ama pathlapa tana a cuo.) 20Pilat ta Zingsuv kha a pathlie khing nakawta cawsaazaapuv'a lie kha bie a ri pakhaa; 21cuorasala khi pakhaa yi te, “Vieluo lie thie tie! Vieluo lie thie tie!” ama ta. 22Pilat ta a yi thungnapa ta, “Khaapa suena ma a tue? Thiy aa phuvpa suena a cunglie suokha hmuo hmung va ang! Asung ta pachi sa'a yi angte na i pathlie aa,” a ta. 23Cuorasala Zingsuv ca vieluo lie thie riypata ama khi khu thiyta khi yi te ama hie cade pari nakawta, iema ueryi khata a te. 24Caacuonakawta Pilat ta ama hiena haata pi riypata biechina a tue. 25Ama khingpa paa, aduna a tue nakaw hne lie a naw nakawta thaw ama pathlapa paa kha pathliepa yi te, Zingsuv kha iema khingna haata ama kuv luo a pi yi.
Zingsuv Vieluo Lie Ama Thie
(Mat 27.32-44; Mar 15.21-32; Jhn 19.17-27)
26Zingsuv ama sikhyilepa khata, khyta taata khypuv luo a vya chiypa Sairin khy ming Simon kha patuv yi te, vieluotung kha papuv sa yi te Zingsuv hnangluo kha ama paziy sa. 27Cawsaa hluvpuv ta ziy yi te capa hrawlie ca a cacunghnaa a cung pata a caakhyi nguoluopa canung chekha zaw ama aw. 28Zingsuv ta iema kha a palichiy yi te, “Jerusalem sacanung zaw, kama cuota ca caa khah ung; niema cuo hne nama saata zaw cuo khata caa hriy tie ung. 29Tahematapakieca cawsaa ta, ‘A cingpa canung, nu a phya buo lipa hne haatiy ta aa hnung a pazaw buo lipa ca thluechiypa tana ama cuo!’ ama tana cuo kha a vya pha aa. 30#Hos 10.8; Bie 6.16 Cakhutaata cawsaa ta tluo zaw kha, ‘Malie za cingsue la!’ ta'a yi te tluothlue zaw kha, ‘Malie za buvkhung la!’ ama ta aa. 31Tahematapakieca thing a hring ning hmuo hing haapa hmang hing tuepa a cuo kieca a rue taa changchiy ca khaapama a lu aa?” a ta.
32A hrangpa, a suepa pahning kha, Zingsuv hne thie hne riypata ama sikhyi ra. 33“Luvruv,” ama tapa hmang ama pha tiyta, capa hmang lie ca Zingsuv kha vieluo lie khepuo yi te, a suepa pahning zaw kha a cavyiluo ta pakha a cacuoluo ta pakha ta pata vieluo lie ama khepuo ra. [ 34#Slm 22.18 Zingsuv ta, “I Paa! A ngiethe tie yi, tahematapakieca khaapama ma tue tapa kha pachang va yi,” ]#23.34 Kuvtie caataw chekha tie lie ca tluo 34 hing aw vyi. a ta. Cakhutaata a caw kha a re riypata vyisung amaa da. 35#Slm 22.7 A thaalie a daapa cawsaa tie ta ama mang nguoluo ning kha Judah uvthyi tie ta tue hyalya yi te, “Malie ca a khuo yi; Khazing ta aa tlawpa Messiah#23.35 Khrih a cuo kie ama hne ama kha a khuo se,” ama ta 36#Slm 69.21 Rieka tie zaw ta ama tue hyalya ra, khawchiy yi te mingsuvtiy thuepa kha pi yi te, 37“Judah ming siepahruo ta na cuo kieca nama hne nama kha a khuo tie,” ama ta. 38A luv cunglie ama taapa caa ca,#23.38 Kuvtie caataw chekha tie lie ca Grik hne Latin hne Hebru tana ama cape (capa ca Aramaic) “Hingpa paa hing Judah Siepahruo tana a cuo,” ta pata ama cape.
39Capa lie ama pathlie rapa a suepa paa pakha ta bieke ta, “Nama ca Messiah cuo va ca ma? Nama hne nama kha a khuo la kiema zaw hing malie khuo tie nie!” a ta. 40Cuorasala a hrangpa pakha khata ama kha chuo te, “Ama hne aa lupa biechina rawlie na aw nguoluo thluopa hingta ma Khazing ciy li pata na aw? 41Kiema cuota biechina ama tuepa hing ca aa hmuopa tana a cuo, tahematapakieca ma hmang tuepa cunglie ang aa tlapa khana ma ang; cuorasala hingpa paa hing ca pha lina khaapahmuo tue vyi,” a ta. 42Cakhutaata Zingsuv kyihuo khata, “Vya Zingsuv, na pena chung luo naa vaw tiyta naa thyi thi mya!” a ta. 43Zingsuv ta, “Biehmisi tana ica chang, ataning kama hne Paradis lie na aw aa,” a ta.
Zingsuv Thiyna
(Mat 27.45-56; Mar 15.33-41; Jhn 19.28-30)
44 #
Pya 26.31-33
Ningchung khingkhuo hraw taata zuoluo siymaluo pathung te alyicung yalya lie zingna a tlung. 45Ning a zing chung cata Biena-ing pangzu ca tlaa te che hning ta aa che. 46#Slm 31.5 Cakhutaata Zingsuv ca khuopuv ta khi te, “I Paa, i thlaapa ca na kuv chungluo na ica pi,” a ta. Capa ca a ri khutaata a huv a ci. 47Riebyipa ca hmang a cuopa kha a hmung tiyta, Khazing kha pathuosa te, “Hingpa paa hing suena a hnyi bangby lipa#23.47 aa dangpa tana a cuo!” a ta. 48Capa hmang mang riypata a hmyapa cawsaa zaw ca hmang a cuopa kha ama hmung tiyta ama cacunghnaa kha a cung yi te amaa diy. 49#Luk 8.2-3 Pangpa ta Zingsuv a pachangpa bangkhuo hne Galilee ruo taata ama a ziypa canung zaw ca a luopaa khata a daa yi te ama suo.
Zingsuv Pabyna
(Mat 27.57-61; Mar 15.42-47; Jhn 19.38-42)
50Cawsaa phasapa hne a dangsapa Josef ama tapa paa ca bieripatuv phuv chunglie a te rapa a cuo raalaa pata 51ama tingtuopa hne ama hmang tuepa kha a palung tling vyi. Ama ca Judah ming khy Arimathea taata cuo te Khazing pena a tlung riypa kha a huopa ta a cuo. 52Pilat'a luo kha vaa te Zingsuv riyy kha a hie. 53A riyy kha vieluo cung taata pachung te, pawruo ta cataw te, ahungtahmuo hmuo buo li liepa alung ama ryipa thluo chunglie a paby. 54Capa cuo ca Atingdawna ning ta cuo te Sabbath ning kha aa thu tyalya tli. 55Galilee ruo taata Zingsuv hneta a vawpa canung zaw ca Josef kha ziy yi te thluo hne Zingsuv riyy tuokhaatama ama chi tapa kha ama va mang. 56#Pya 20.10; Pbp 5.14 Cakhutaata kaa yi te ziyhmyi hne sathu kha pachie pacie pata ama chi.
Sabbath ning ca phungbie haa khata amaa pahy.
ទើបបានជ្រើសរើសហើយ៖
LUKA 23: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 23
23
Pilat Hmiekunglie Zingsuv
(Mat 27.1-2,11-14; Mar 15.1-5; Jhn 18.28-38)
1Ama phuv yalya khata a thu yi te Zingsuv ca Pilat hmieluo ama chiykhyi. 2Ama kha pachie yi te: “Hingpa paa hingta ma cawsaa zaw kha a cuo lipa luo aa chiy yi; siepahruo'a luo ngukhyi pi'a va ung ciy ta te, kama hingna Messiah, siepahruo#23.2 Sathu pathuvpa siepahruo ta a cuo ang, a ta,” ama ta. 3Cakhutaata Pilat ta, “Judah ming siepahruo ta na cuo ma?” a ta. Zingsuv ta, “Na ripa haata i cuo,” ta pata a palie. 4Cakhutaata Pilat ta tluobyi lepa tie hne cawsaazaapuv kha, “Hingpa paa hing a suena hmung va ang,” a ta yi. 5Cuorasala khi vie hryly yi te, “A pacuvna ta Judea pe bangkhuo hnaahnawna a chiykhyi, Galilee taata pathu te hingpa hmang te hing a vya chiy tli,” ama ta.
Herod Hmiekunglie Zingsuv
6Capa ca Pilat ta a thyi tiyta, hingpa paa hing Galilee ming ta a cuo ma? ta pata a hiehriy yi. 7Pilat ta Zingsuv ca Herod ta a uvnapa ruo chung taa tana a cuo tapa kha a pachang tiyta, Zingsuv ca Herod'a luo kha a paphya, capa cuo ning ca Herod zaw kha Jerusalem lie a aw ningta a cuo. 8Herod ca Zingsuv a hmung tiyta a palung a tluo hringhruo, tahematapakieca Zingsuv kaw kha za thyi pari te a tuepa kharuehaa hmang hmung riypa kha aa nguopuo nakawta a hmung khingnapa a pasiysa tli. 9Zingsuv kha bie a hluvsa a hiehriy, cuorasala Zingsuv ta kaa kha hmuo palie vyi. 10A thaalie a tupa tluobyi lepa tie hne phungbie saya tie ta khuopuv ta sue ama phaw. 11Herod hne a rieka tie zaw ta Zingsuv ca ese yi te ama tue hyalya; pang rungnaapa kha pabuv yi te Pilat'a luo kha ama paphya pakhaa. 12Capa ning lie ca ta Herod hne Pilat ca viesaa ta amaa li; capa hluota ca carie tana ama za cuo.
Zingsuv Thie Riypata Bie Ama Chi
(Mat 27.15-26; Mar 15.6-15; Jhn 18.39—19.16)
13Cakhutaata Pilat ta tluobyi lepa tie, uvthyi tie hne cawsaa zaw kha ku yi te, 14“Niema ta hingpa paa hing cawsaa na a cuo lipa luo aa chiy yi ta pata kama'a luo nama vya chiykhyi. Niema hmielie hrahring i hiehriypasie tiyta niema ta nama pachiepa suena suokha hmuo hmung va ang. 15Herod zaw ta hmung ra vyi, caacuonakawta kiema'a luo malie a vya paphya pakhaa. Hingpa cawsaapa hingta thiy aa phuvpa hmang suokha hmuo tue vyi. 16Caacuonakawta asung ta pachisa'a yi angte i pathlie aa,” a ta. 17(Lawsena pyi kyry ta Pilat ta thaw a tlapa pakha a pathliepa pari taw yi.)#23.17 Kuvtie caataw chekha tie lie ca tluo 17 hing aw vyi.
18Cawsaazaapuv ca khi yi te, “Ama kha thie tie! Barabbas kha malie pathliepa tie!” ama ta. 19(Barabbas ca khypuv chunglie a duna a papuv sa nakaw hne lie a naw nakawta thaw ama pathlapa tana a cuo.) 20Pilat ta Zingsuv kha a pathlie khing nakawta cawsaazaapuv'a lie kha bie a ri pakhaa; 21cuorasala khi pakhaa yi te, “Vieluo lie thie tie! Vieluo lie thie tie!” ama ta. 22Pilat ta a yi thungnapa ta, “Khaapa suena ma a tue? Thiy aa phuvpa suena a cunglie suokha hmuo hmung va ang! Asung ta pachi sa'a yi angte na i pathlie aa,” a ta. 23Cuorasala Zingsuv ca vieluo lie thie riypata ama khi khu thiyta khi yi te ama hie cade pari nakawta, iema ueryi khata a te. 24Caacuonakawta Pilat ta ama hiena haata pi riypata biechina a tue. 25Ama khingpa paa, aduna a tue nakaw hne lie a naw nakawta thaw ama pathlapa paa kha pathliepa yi te, Zingsuv kha iema khingna haata ama kuv luo a pi yi.
Zingsuv Vieluo Lie Ama Thie
(Mat 27.32-44; Mar 15.21-32; Jhn 19.17-27)
26Zingsuv ama sikhyilepa khata, khyta taata khypuv luo a vya chiypa Sairin khy ming Simon kha patuv yi te, vieluotung kha papuv sa yi te Zingsuv hnangluo kha ama paziy sa. 27Cawsaa hluvpuv ta ziy yi te capa hrawlie ca a cacunghnaa a cung pata a caakhyi nguoluopa canung chekha zaw ama aw. 28Zingsuv ta iema kha a palichiy yi te, “Jerusalem sacanung zaw, kama cuota ca caa khah ung; niema cuo hne nama saata zaw cuo khata caa hriy tie ung. 29Tahematapakieca cawsaa ta, ‘A cingpa canung, nu a phya buo lipa hne haatiy ta aa hnung a pazaw buo lipa ca thluechiypa tana ama cuo!’ ama tana cuo kha a vya pha aa. 30#Hos 10.8; Bie 6.16 Cakhutaata cawsaa ta tluo zaw kha, ‘Malie za cingsue la!’ ta'a yi te tluothlue zaw kha, ‘Malie za buvkhung la!’ ama ta aa. 31Tahematapakieca thing a hring ning hmuo hing haapa hmang hing tuepa a cuo kieca a rue taa changchiy ca khaapama a lu aa?” a ta.
32A hrangpa, a suepa pahning kha, Zingsuv hne thie hne riypata ama sikhyi ra. 33“Luvruv,” ama tapa hmang ama pha tiyta, capa hmang lie ca Zingsuv kha vieluo lie khepuo yi te, a suepa pahning zaw kha a cavyiluo ta pakha a cacuoluo ta pakha ta pata vieluo lie ama khepuo ra. [ 34#Slm 22.18 Zingsuv ta, “I Paa! A ngiethe tie yi, tahematapakieca khaapama ma tue tapa kha pachang va yi,” ]#23.34 Kuvtie caataw chekha tie lie ca tluo 34 hing aw vyi. a ta. Cakhutaata a caw kha a re riypata vyisung amaa da. 35#Slm 22.7 A thaalie a daapa cawsaa tie ta ama mang nguoluo ning kha Judah uvthyi tie ta tue hyalya yi te, “Malie ca a khuo yi; Khazing ta aa tlawpa Messiah#23.35 Khrih a cuo kie ama hne ama kha a khuo se,” ama ta 36#Slm 69.21 Rieka tie zaw ta ama tue hyalya ra, khawchiy yi te mingsuvtiy thuepa kha pi yi te, 37“Judah ming siepahruo ta na cuo kieca nama hne nama kha a khuo tie,” ama ta. 38A luv cunglie ama taapa caa ca,#23.38 Kuvtie caataw chekha tie lie ca Grik hne Latin hne Hebru tana ama cape (capa ca Aramaic) “Hingpa paa hing Judah Siepahruo tana a cuo,” ta pata ama cape.
39Capa lie ama pathlie rapa a suepa paa pakha ta bieke ta, “Nama ca Messiah cuo va ca ma? Nama hne nama kha a khuo la kiema zaw hing malie khuo tie nie!” a ta. 40Cuorasala a hrangpa pakha khata ama kha chuo te, “Ama hne aa lupa biechina rawlie na aw nguoluo thluopa hingta ma Khazing ciy li pata na aw? 41Kiema cuota biechina ama tuepa hing ca aa hmuopa tana a cuo, tahematapakieca ma hmang tuepa cunglie ang aa tlapa khana ma ang; cuorasala hingpa paa hing ca pha lina khaapahmuo tue vyi,” a ta. 42Cakhutaata Zingsuv kyihuo khata, “Vya Zingsuv, na pena chung luo naa vaw tiyta naa thyi thi mya!” a ta. 43Zingsuv ta, “Biehmisi tana ica chang, ataning kama hne Paradis lie na aw aa,” a ta.
Zingsuv Thiyna
(Mat 27.45-56; Mar 15.33-41; Jhn 19.28-30)
44 #
Pya 26.31-33
Ningchung khingkhuo hraw taata zuoluo siymaluo pathung te alyicung yalya lie zingna a tlung. 45Ning a zing chung cata Biena-ing pangzu ca tlaa te che hning ta aa che. 46#Slm 31.5 Cakhutaata Zingsuv ca khuopuv ta khi te, “I Paa, i thlaapa ca na kuv chungluo na ica pi,” a ta. Capa ca a ri khutaata a huv a ci. 47Riebyipa ca hmang a cuopa kha a hmung tiyta, Khazing kha pathuosa te, “Hingpa paa hing suena a hnyi bangby lipa#23.47 aa dangpa tana a cuo!” a ta. 48Capa hmang mang riypata a hmyapa cawsaa zaw ca hmang a cuopa kha ama hmung tiyta ama cacunghnaa kha a cung yi te amaa diy. 49#Luk 8.2-3 Pangpa ta Zingsuv a pachangpa bangkhuo hne Galilee ruo taata ama a ziypa canung zaw ca a luopaa khata a daa yi te ama suo.
Zingsuv Pabyna
(Mat 27.57-61; Mar 15.42-47; Jhn 19.38-42)
50Cawsaa phasapa hne a dangsapa Josef ama tapa paa ca bieripatuv phuv chunglie a te rapa a cuo raalaa pata 51ama tingtuopa hne ama hmang tuepa kha a palung tling vyi. Ama ca Judah ming khy Arimathea taata cuo te Khazing pena a tlung riypa kha a huopa ta a cuo. 52Pilat'a luo kha vaa te Zingsuv riyy kha a hie. 53A riyy kha vieluo cung taata pachung te, pawruo ta cataw te, ahungtahmuo hmuo buo li liepa alung ama ryipa thluo chunglie a paby. 54Capa cuo ca Atingdawna ning ta cuo te Sabbath ning kha aa thu tyalya tli. 55Galilee ruo taata Zingsuv hneta a vawpa canung zaw ca Josef kha ziy yi te thluo hne Zingsuv riyy tuokhaatama ama chi tapa kha ama va mang. 56#Pya 20.10; Pbp 5.14 Cakhutaata kaa yi te ziyhmyi hne sathu kha pachie pacie pata ama chi.
Sabbath ning ca phungbie haa khata amaa pahy.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.