LUKA 21
21
Nunghlyinung Sue Pina
(Mar 12.41-44)
1Zingsuv ta a kya mang ca a hnyirungpa tie ta biena-ing tuokaa thingkaw lie sue ama pathla nguoluopa kha a hmung; 2a siypasapa nunghlyinung ta piesepa pie hning a pathlapa zaw kha a hmung. 3Ama ta, “Biehmisi tana ica chang yi, hingpa nunghlyinung hingna a hrangpa bangkhuo laata a hluv vie a pi; 4tahematapakieca a hrangpa tie ca ama hnyipa a hluvsa chungtaata ama pipa tana a cuo, cuorasala hingpa nung hing ca a siy a pasasa thluo pata na a hringna cuota a hnyipa bangkhuo kha a pi diy,” a ta.
Biena-ing Rana Riypa Kaw A Rilu
(Mat 24.1-2; Mar 13.1-2)
5Chekha ta Biena-ing kha alung puvthesapa ta ama panginazya hne Khazing'a luo ama pihluopa lasaw kaw zaw kha ama ri tiyta, Zingsuv ta, 6“Hingpa bangkhuo hing nama hmungpa haata, alung suokha hing hmuo a hrangpa suokha cunglie aa pacangcang pata a aw lina cuo kha aa vaw aa,” a ta.
Pamangsana Hne Hrisaana
(Mat 24.3-14; Mar 13.3-13)
7Iema ta, “Saya, capa hmang ca khatiy thueta ma a cuo aa? Capa ca a vya tlung aa tapa pachangna ta khaapa pamangsana hmang ma a vya aw aa?” ta pata ama hiehriy. 8Zingsuv ta, “Aca dung li riypa yi ta a raaring tie ung; tahematapakieca cawsaa hluvpuv kha i ming ta a vaw'a yi te, ‘Kama hingna Ama ta a cuo ang!’ ca ta'a yi te, ‘A cuo na a ngie tli,’ aca ta'a yi. Iema kha ziy khya ungh.
9“Rie amaa tuvna hne a duna kaw nama thyi tiyta ciy khah ung; cahaapa hmang ca a vya tlung taa aa, cuorasala a chuona ta vya paziy paluo'a va lie,” a ta. 10Cakhutaata iema kha, “Mingphang phang kha hne phang kha, pena suokha hne suokha amaa du aa; 11aling khuosa ta a siy'a te, hmangting lie cakuona hne puvtlung pasana a tlung aa; ciy aa chiypa kharuehaa hmang hne pamangsana lesapa kha avuo taata aa luo aa.
12“Cuorasala hingpa hmang bangkhuo a vya tlung hluota niema ca ca patuv'a yi te aca hrisaa'a yi; apungna-ing luo kha ca chiykhyi'a yi te thaw aca pathla'a yi; I ming kawlieta siepahruo tie hne uvtuv byi tie hmiekung luo aca chiykhyi'a yi. 13Capa ca nama cuota tehtekhuona cuo pha tana a cuo aa. 14#Luk 12.11-12 Niema hne niema kha a rikuo pacie riypata nama palung chunglie kha a ting pacie khah ung, 15tahematapakieca bie hne singna kha ca pi'a yi angte nama carie tie ahungtahmuo nama bie kha a du pata ca i khu'a va yi. 16Nama nung nama paa, nama uvnu, nama tieriy hne nama viesaa tie ta calyi'a yi te chekha ca aca thie'a yi. 17Kama kawlieta cawsaa bangkhuo ta aca hue'a yi. 18Cuorasala nama luv lie suobuv buv kha hmuo vie'a vyi. 19Namaa daapahrang khu kiena hringna nama hmung aa” a ta yi.
Zingsuv Ta Jerusalem Rana Kaw A Rilu
(Mat 24.15-21; Mar 13.14-19)
20“Rieka tie ta Jerusalem ama cadungpa kha nama hmung tiyta a ru hluota a ra'a tli tapa kha nama pachang aa. 21Ca tiyta Judea lie a awpa ca tluocung luo kha a ruo yi se, khypuv chunglie a awpa ta pya yi sala khyta lie a awpa tie ca khypuv chung luo kha a ngie khah yi se. 22#Hos 9.7 Tahematapakieca hingpa tie hing phuvlana ning tapa kha cuo te Caapathe ta a ripa bangkhuo a tlingna riypata a cuo. 23Capa ning hne cuo lie ca nu a phyapa canung hne haaseta a hnyipa canung cuota ca bawchie ciemuopa tana a cuo! Tahematapakieca hingpa alyi cunglie hing ciy aa chiypa ruvnaana za tlung'a te, hingpa cawsaa zaw cunglie hing Khazing duotena a tlung aa. 24Iema ca zueziy ta thiy'a yi te chekha ca chuelyi ruo ting luo kha sii ta a dapa ama cuo aa; Jentail ming ta Jerusalem kha iema cuo a tlingna te ama phyi ta ama chaapuo aa.
Cawsaa Sacapaa Aa Vawna Kaw
(Mat 24.29-31; Mar 13.24-27)
25 #
Isa 13.10; Ezk 32.7; Joe 2.31; Bie 6.12,13 “Ning hne thlaapa hne aasiy lie khiy pamangsana hmang aa luo aa. Chuelyi cung ruo zaw ca riyliy tiylaw pachipa hne a khipa pu khata ciyna hne lalilahie chiy pata a tue'a yi. 26Chuelyi cunglie a tlung riypa ama rue tiyta, cawsaa ca ama palung vie'a te amaa lie aa, tahematapakieca vuoruo cahrana zaw ca amaa cahang aa. 27#Dan 7.13; Bie 1.7 Cakhutaata, ‘Cawsaa sacapaa amyi chunglieta cahrana hne rungnaa lesyina cangta aa zuvpa kha,’ ama hmung aa. 28Hingpa hmang zaw a vya chiy a vya cuole tiyta, a daa ung la nama hning pada tie ung, tahematapakieca niema athlana ning ca aa ngie tli,” a ta.
Thyikuv Kung Taata A Cuv Riypa
(Mat 24.32-35; Mar 13.28-31)
29Cakhutaata Zingsuv ta pakhingpuona suokha a chang yi: “Thyikuvkung hne thingkung bangkhuo kha mang tie ung; 30a hnaa a kya pakiypa nama hmung tiyta, cuovuo na a ngie tli tapa kha nama pachang. 31Cahaa cata, hingpa hmang zaw a vya tlungpa nama hmung tiyta, Khazing pena ca aa ngie tli tapa kha nama pachang aa. 32Biehmisi tana ica chang yi, Ata chuo cawsaa zaw hing hingpa hmang bangkhuo a vya cuo hluo li ca thiy'a va yi. 33Alyi hne avuo ca ama ra aa, cuorasala kama bie ca ra'a vyi.
A Raaring Aa Hu
34“A raaring tie ung, pariyna te ta ning dangna kaw hne khysatungbangna kawlie palungriethyina kaw dyi kha rue khah ung, capa ningkhue ca ta rue li pata ca vya pha'a yi te 35cyihyi pa-uo ta aca pa-uo'a yi. Tahematapakieca capa ning ca chuelyi cunglie a awpa cawsaa bangkhuo cunglie a vya tlung aa. 36A vya tlung riypa hmang bangkhuo taa hingta nama law khuna riypata thaazuo nama hnyi riypa hne Cawsaa Sacapaa hmielie namaa daa khuna riypata a raaringsa pata aw ung la thlaachuo pari tie ung,” a ta.
37 #
Luk 19.47
Zingsuv ca ningting ta Biena-ing lie kha pacuv yi te zuo a vya chiy tiyta pya te Olif ama tapa tluo luo kha aa kya ri taw. 38Biena-ing lie a bie naathlie riypata cawsaa bangkhuo ca mawdiy ta ama thu.
ទើបបានជ្រើសរើសហើយ៖
LUKA 21: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 21
21
Nunghlyinung Sue Pina
(Mar 12.41-44)
1Zingsuv ta a kya mang ca a hnyirungpa tie ta biena-ing tuokaa thingkaw lie sue ama pathla nguoluopa kha a hmung; 2a siypasapa nunghlyinung ta piesepa pie hning a pathlapa zaw kha a hmung. 3Ama ta, “Biehmisi tana ica chang yi, hingpa nunghlyinung hingna a hrangpa bangkhuo laata a hluv vie a pi; 4tahematapakieca a hrangpa tie ca ama hnyipa a hluvsa chungtaata ama pipa tana a cuo, cuorasala hingpa nung hing ca a siy a pasasa thluo pata na a hringna cuota a hnyipa bangkhuo kha a pi diy,” a ta.
Biena-ing Rana Riypa Kaw A Rilu
(Mat 24.1-2; Mar 13.1-2)
5Chekha ta Biena-ing kha alung puvthesapa ta ama panginazya hne Khazing'a luo ama pihluopa lasaw kaw zaw kha ama ri tiyta, Zingsuv ta, 6“Hingpa bangkhuo hing nama hmungpa haata, alung suokha hing hmuo a hrangpa suokha cunglie aa pacangcang pata a aw lina cuo kha aa vaw aa,” a ta.
Pamangsana Hne Hrisaana
(Mat 24.3-14; Mar 13.3-13)
7Iema ta, “Saya, capa hmang ca khatiy thueta ma a cuo aa? Capa ca a vya tlung aa tapa pachangna ta khaapa pamangsana hmang ma a vya aw aa?” ta pata ama hiehriy. 8Zingsuv ta, “Aca dung li riypa yi ta a raaring tie ung; tahematapakieca cawsaa hluvpuv kha i ming ta a vaw'a yi te, ‘Kama hingna Ama ta a cuo ang!’ ca ta'a yi te, ‘A cuo na a ngie tli,’ aca ta'a yi. Iema kha ziy khya ungh.
9“Rie amaa tuvna hne a duna kaw nama thyi tiyta ciy khah ung; cahaapa hmang ca a vya tlung taa aa, cuorasala a chuona ta vya paziy paluo'a va lie,” a ta. 10Cakhutaata iema kha, “Mingphang phang kha hne phang kha, pena suokha hne suokha amaa du aa; 11aling khuosa ta a siy'a te, hmangting lie cakuona hne puvtlung pasana a tlung aa; ciy aa chiypa kharuehaa hmang hne pamangsana lesapa kha avuo taata aa luo aa.
12“Cuorasala hingpa hmang bangkhuo a vya tlung hluota niema ca ca patuv'a yi te aca hrisaa'a yi; apungna-ing luo kha ca chiykhyi'a yi te thaw aca pathla'a yi; I ming kawlieta siepahruo tie hne uvtuv byi tie hmiekung luo aca chiykhyi'a yi. 13Capa ca nama cuota tehtekhuona cuo pha tana a cuo aa. 14#Luk 12.11-12 Niema hne niema kha a rikuo pacie riypata nama palung chunglie kha a ting pacie khah ung, 15tahematapakieca bie hne singna kha ca pi'a yi angte nama carie tie ahungtahmuo nama bie kha a du pata ca i khu'a va yi. 16Nama nung nama paa, nama uvnu, nama tieriy hne nama viesaa tie ta calyi'a yi te chekha ca aca thie'a yi. 17Kama kawlieta cawsaa bangkhuo ta aca hue'a yi. 18Cuorasala nama luv lie suobuv buv kha hmuo vie'a vyi. 19Namaa daapahrang khu kiena hringna nama hmung aa” a ta yi.
Zingsuv Ta Jerusalem Rana Kaw A Rilu
(Mat 24.15-21; Mar 13.14-19)
20“Rieka tie ta Jerusalem ama cadungpa kha nama hmung tiyta a ru hluota a ra'a tli tapa kha nama pachang aa. 21Ca tiyta Judea lie a awpa ca tluocung luo kha a ruo yi se, khypuv chunglie a awpa ta pya yi sala khyta lie a awpa tie ca khypuv chung luo kha a ngie khah yi se. 22#Hos 9.7 Tahematapakieca hingpa tie hing phuvlana ning tapa kha cuo te Caapathe ta a ripa bangkhuo a tlingna riypata a cuo. 23Capa ning hne cuo lie ca nu a phyapa canung hne haaseta a hnyipa canung cuota ca bawchie ciemuopa tana a cuo! Tahematapakieca hingpa alyi cunglie hing ciy aa chiypa ruvnaana za tlung'a te, hingpa cawsaa zaw cunglie hing Khazing duotena a tlung aa. 24Iema ca zueziy ta thiy'a yi te chekha ca chuelyi ruo ting luo kha sii ta a dapa ama cuo aa; Jentail ming ta Jerusalem kha iema cuo a tlingna te ama phyi ta ama chaapuo aa.
Cawsaa Sacapaa Aa Vawna Kaw
(Mat 24.29-31; Mar 13.24-27)
25 #
Isa 13.10; Ezk 32.7; Joe 2.31; Bie 6.12,13 “Ning hne thlaapa hne aasiy lie khiy pamangsana hmang aa luo aa. Chuelyi cung ruo zaw ca riyliy tiylaw pachipa hne a khipa pu khata ciyna hne lalilahie chiy pata a tue'a yi. 26Chuelyi cunglie a tlung riypa ama rue tiyta, cawsaa ca ama palung vie'a te amaa lie aa, tahematapakieca vuoruo cahrana zaw ca amaa cahang aa. 27#Dan 7.13; Bie 1.7 Cakhutaata, ‘Cawsaa sacapaa amyi chunglieta cahrana hne rungnaa lesyina cangta aa zuvpa kha,’ ama hmung aa. 28Hingpa hmang zaw a vya chiy a vya cuole tiyta, a daa ung la nama hning pada tie ung, tahematapakieca niema athlana ning ca aa ngie tli,” a ta.
Thyikuv Kung Taata A Cuv Riypa
(Mat 24.32-35; Mar 13.28-31)
29Cakhutaata Zingsuv ta pakhingpuona suokha a chang yi: “Thyikuvkung hne thingkung bangkhuo kha mang tie ung; 30a hnaa a kya pakiypa nama hmung tiyta, cuovuo na a ngie tli tapa kha nama pachang. 31Cahaa cata, hingpa hmang zaw a vya tlungpa nama hmung tiyta, Khazing pena ca aa ngie tli tapa kha nama pachang aa. 32Biehmisi tana ica chang yi, Ata chuo cawsaa zaw hing hingpa hmang bangkhuo a vya cuo hluo li ca thiy'a va yi. 33Alyi hne avuo ca ama ra aa, cuorasala kama bie ca ra'a vyi.
A Raaring Aa Hu
34“A raaring tie ung, pariyna te ta ning dangna kaw hne khysatungbangna kawlie palungriethyina kaw dyi kha rue khah ung, capa ningkhue ca ta rue li pata ca vya pha'a yi te 35cyihyi pa-uo ta aca pa-uo'a yi. Tahematapakieca capa ning ca chuelyi cunglie a awpa cawsaa bangkhuo cunglie a vya tlung aa. 36A vya tlung riypa hmang bangkhuo taa hingta nama law khuna riypata thaazuo nama hnyi riypa hne Cawsaa Sacapaa hmielie namaa daa khuna riypata a raaringsa pata aw ung la thlaachuo pari tie ung,” a ta.
37 #
Luk 19.47
Zingsuv ca ningting ta Biena-ing lie kha pacuv yi te zuo a vya chiy tiyta pya te Olif ama tapa tluo luo kha aa kya ri taw. 38Biena-ing lie a bie naathlie riypata cawsaa bangkhuo ca mawdiy ta ama thu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.