LUKA 12
12
Phahruocuo Tie A Raaring Ung
(Mat 10.26-27)
1 #
Mat 16.6; Mar 8.15 Cawsaa ca a thawthaw ta a vya hmya yi te amaa tlawpuole ciemuo ning kha Zingsuv ta ziytuv tie kyihuo ta a ri taapa ca, “Farasi tie thiynung kha a raaring tie ung, phahruo amaa cuo pakhina kha. 2#Mar 4.22; Luk 8.17 Buvkhungpa bangkhuo kha pahawpa cuo'a te, a paruv ta tuepa bangkhuo kha pachang pata a cuo aa. 3Caacuonakawta a zingna lie nama ripa ca ningchung a vuona lie pathyi sa diy pata cuo'a te, ingchiy a khaakhungna chunglie a paruv ta nama ripa kha thlungkhuv daw taata phu pata a cuo aa.
Ciy Li Pata Phu Riypa
(Mat 10.28-31)
4“Viesaa zaw, ica chang yi, pangpa dyi thie khu te a hnang taata capa laata a chie viepa a tue khu lipa kha ciy khah ung. 5Ahungma ciy riypa tapa kha ica chang'a yi, pangpa a thie khutaata hell#12.5 Gk Gahenna luo pathla khuna naw a hnyipa kha ciy tie ung. A cuo, ica chang yi, ama kha ciy tie ung! 6Mingbaw sapangaa ca pie hning tana ama zaa cuo va ma? Cuorasala mingbaw sakha kha hmuo Khazing ta maw vyi. 7Nama luv lie nama suobuv hmuota a ri diy. Nama thlaa zang khah se; niema ca mingbaw a hluvpuv laata nama sungnaa vie.
8“Ica chang yi, malie hmiekunglie naa daakhyipa ahunghmuo cuose, Cawsaa Sacapaa zaw ta Khazing avuoming hmiekunglie i daakhyi ra aa. 9Cuorasala malie hmielie naa thawpa ca Cawsaa Sacapaa ta Khazing avuoming hmiekunglie i thaw ra aa. 10#Mat 12.32; Mar 3.29 Ahunghmuo cuose Cawsaa Sacapaa a du pata bie a ripa ca a ngiethe pata ama cuo aa, cuorasala Thlaapa Pathe a du pata bie a ripa ca a ngiethe pata cuo'a va yi. 11#Mat 10.19-20; Mar 13.11; Luk 21.14-15 Apungna-ing luo cuose, uvtuv tie hne nawhnyituv tie hmieluo aca chiykhyi tiy yi ta tuokhaa ta a pahrang'a angte ma tuokhaa ta i ri aa tapa kha nama palung rie thyi khah se. 12Tahematapakieca capa cuo lie caci ta nama ri riypa ca Thlaapa Pathe na caa chang'a yi,” a ta yi.
A Ngaapa A Hnyirungpa Pakhingpuona
13Cawsaazaapuv hraw taata pakha ta, “Saya, i paa ru kha ina che riypata i uvta kha na changpa tie,” a ta. 14Zingsuv ta, “Liechung, ahungma niema bieripatuv riypata naa chi?” a ta. 15Cakhutaata iema kha, “Karuo-awna phangting taa khata a cadang tie ung; tahematapakieca cawsaa pakha hringna ca a hnyirungna lie kha aw vyi,” a ta yi. 16Cakhutaata pakhingpuona suokha a chang yi: “A hnyirungsapa pakha ca a lu taata kung a vyi laalaw. 17Ca tiyta a palung chunglie kha; ‘I sa bangkhuo hing i china tlaw va tli. Tuokhaata i tue kie ma a pha aa?’ a ta. 18Cakhutaata ama ta, ‘Hing haa hing tana i tue aa: I sa-ing hing phi'a angte na a le vie ta i sa aa. Capa lie ca i sa hne i hmang bangkhuo kha i chi aa,’ a ta. 19Cakhutaata i thlaapa kyihuo khata, “'Vya i thlaapa, kung pasiypuv acaa de riypa hmang ca na hnyi mangtli; a pahy hyalya la, ning la, dang la a nuosa pata hring tie,’ i ta aa,” a ta. 20Cuorasala Khazing ta, ‘A ngaapa! Ata zuo hrahring hingta na hringna ca a chuo aa. Caacuonakawta na cuota naa pacungpa hmang bangkhuo hing ahung huo tama a cuo aa? a ta,’ a ta. 21Caacuonakawta ama cuota chechiy aa pacung raalaa pata Khazing hmielie a hnyirung tlung lipa ca cahaaca tana ama cuo,” a ta.
Nama Palung Rie Thyi Khah Se
(Mat 6.25-34)
22Zingsuv ta ziytuv tie kha, “Caacuonakawta ica chang yi, khaapama nama ning aa, khaapa caw ma namaa tue aa ta pata nama pangpa kawlie hne nama hringna kawlie kha nama palung rie thyi khah se. 23Tahematapakieca hringna ca sa laata biepuv vie te pangpa ca cawsie laata a biepuv vie. 24Ra-aa khiy rue tie ung: saciy vaa va yi, sa zaw hrie va yi, chechiy chinapa ing hne sa-ing zaw hnyi va yi, cuorasala Khazing ta a caw yi! Niema ca pavaa laata kha tluv tama nama sungnaa vie! 25Nama palung rie a thyi nakawta nama hringna siymaluo pakha chuo a pasiy sa vie khupa nama aw ma? 26Cahaapaapa chechiy cawta hmuo nama tue khu li kieca khaapanakawma a hrangpa kawlie ca nama palung rie a thyi? 27#1Sie 10.4-7; 2Chr 9.3-6 Lili paa khiy rue syalya tie ung, tuokhaatama ama le; re hrie va yi, palaa zaw pahie ra va yi; cuorasala ica chang yi, Solomon rungnaana bangkhuo ta hmuo hingpa paapaapa paa kha puvthena tluv hing ta vyi. 28Ataning hring te mawluo myi chung luo hmaw riypa ruo lie aphuv hing Khazing ta hing tluv ta a tuepangi kieca, niema changchiy ca kha tluv tama aca tuepangi vie'a yi? Nama zangna hing a caw hringhruo de! 29Caacuonakawta ning riypa hne dang riypa kaw kyalya rue pata nama palung rie thyi khah se. 30Tahematapakieca chuelyi ming dyina hingpa hmang hing a rue pari yi. Nama Paa ta hingpa hmang zaw hing namaa hu tapa kha a pachang. 31Caacuonakawta ama pena#12.31 Kuvtie caataw chekha tie lie ca Khazing Pena a ta kha huv taa ung la, hingpa hmang zaw hing pipuo pata nama cuo aa,” a ta.
32“Tuvrung cawta zaw, nama thlaa zang khah se, tahematapakieca niema'a luo pena pi riypa kha nama Paa palungtluona tana a cuo. 33Nama hnyipa kha zaa ung la siypasapa tie kha pi tie ung. A caw the lipa tuokaa baw kha a tue ung la a ruvhangpa ta a paruv khu lina lie hne, alungpa ta a para khu lina vuoruo lie kha a chuo the li riypa sue kha a pacung tie ung. 34Tahematapakieca nama sue a awna lie khana nama pathiypalung zaw a aw ra aa.
A Raaringsapa Sii
35 #
Mat 25.1-13
“A ting pacie pata aw ung la, nama myi-ing kha vuo pacie tie ung. 36#Mar 13.34-36 Napuv chiyna pyi taata a vya diypa ama byipaapa kha ingchiy a cakhaw pahne ta pahaw khu paluo riypata a huopa tie haa khata cuo tie ung. 37Ama byipaapa a vya kaa tiyta a hra te a raaringna a hnyipa sii ca thluechiypa tana ama cuo; biehmisi tana ica chang yi, a tesaw kha a saw'a te, ning riypata patu'a yi te, iema kha a ysy a khaasie'a yi. 38Zuocang ta aa vya diy kie cuose, khydyi caw ta aa vya diy kie cuose, a ting pacie pata ama aw pata a hmungpa sii tie ca thluechiypa tana ama cuo.
39 #
Mat 24.43-44
“Cuorasala hingpa hing pachang tie ung: ing a hnyituv ta aparuvpa aa vawna riypa cuo kha a pachang kieca a ing kha paruv sa'a vyi. 40Niema zaw a tingpacie pata aw tie ung, tahematapakieca Cawsaa Sacapaa ca nama mangkhuo linapa cuo lie khana aa vaw aa,” a ta.
Zang Tluo Aa Tlapa Hne Zang Tluo Aa Tla Lipa Sii
(Mat 24.45-51)
41Piter ta, “Abyipa, hing pakhingpuona hing kiema cuota ma na ri, acuolikie cawsaazaapuv cuota ma a cuo?” a ta. 42Abyipa ta, “Ahung ma zang tluo aa tlapa hne a singpa tluotlatuv, a byipaapa ta a sii tie kha ama'a na a cuota lieta ama cuvu sa pi riypata a chipa ta a cuo? 43Re a hrie nguoluo ningta a byipaapa ta a vya chiyhnuepa sii ca thluechiypa tana a cuo. 44Biehmisi tana ica chang yi, capa paa ca a byipaapa ta a hnyipa bangkhuo a mangchiytuv tana a chi aa. 45Cuorasala capa sii ca ta ama hne ama kha, ‘I byipaapa ca a vya haa kalie aa,’ ta sala a hrangpa siicanung zaw siicapaa zaw kha tuvde yi te, ning dang te a pariy kieca, 46a mangkhuo lina cuo ning hne a pachang lina cuo ning khata a byipaapa ca a vya chiy aa. A cekary diy'a te zang tluo aa tla lipa tie hne khata a chi hne aa. 47A byipaapa ta a patue sa khingpa a pachang thluo pata, a tingtuo pata a patue sa khingpa kha a tue lipa sii ca a pasasapa tuvna na a ang aa. 48Cuorasala a byipaapa ta a patue sa khingpa a pachang li pata tuv aa tlapa hmang a tuepa ca dyadyata tah tuvpa tana a cuo aa. A hluvsa pipa ca a hluvsa hie pata cuo'a te, a hluv vie pipa ca a hluv vie hie pata a cuo aa.
Zingsuv Ca Pachetuv Tana A Cuo
(Mat 10.34-36)
49“Alyi hing myi ta pahlaa riypa tana i vaw, a hlaa hunglung tli sala a pha'apa kha! 50#Mar 10.38 Tiy a naw riypa suokha hnyi angte, capa hmang a tlung hluo li ca kha tluv tama i palung rie a thyi! 51Alyi luo diena phya riypa tana aa vaw ta pata ma ina rue ung ciy? Cuo vyi, ica chang yi, achena tlaku na i za phya! 52Ata taa hingta papangaa a tapa chungkhue tie ca a che'a yi te, pathung ta pahning kha a du'a yi te, pahning ta pathung kha amaa du aa. 53#Mik 7.6 Iema ca amaa che aa:
paa ta sacapaa kha a du'a te
sacapaa ta paa kha aa du aa,
nung ta sacanung kha a du'a te
sacanung ta nung kha aa du aa,
ningnung ta munung kha a du'a te
munung ta ningnung kha aa du aa,” a ta.
Cuo Pachang Khuna
(Mat 16.2-3)
54Zingsuv ta cawsaazaapuv kha, “Niema ta ningtla taata amyi a kya thupa kha nama hmung tiyta, sungkha ta, ‘Khy na a saa aa,’ ta ung cate a saa sasaw. 55Sungluo taata thliy a kya hruo tiyta, ‘A vya palingsa aa,’ ta ung cate a palingsa sasaw. 56Phahruocuo tie! Niema ta alyi hne avuo kha mang ung cate khycuo khaapama a lu aa tapa kha nama pachang khu; caacuokieca khaapanakawma ata chuo ningkhue awzya hing nama pachang va?
Caa Dutuv Hne Vaa Re Ung
(Mat 5.25-26)
57“Khaapama aa hmuopa ta a cuo tapa kha khaapanakawma niemata tah bie namaa chi khu va? 58Tazaa caa cyipa hne bieripatuv byi hmieluo nama cakuo ning kha luopuv lieta ama hne a dawraw riypa kha a zue tie; cahaacata na tue li kieca, bieripatuv byi hmieluo kha caa dale'a yi te, ama ta paliy byi kuv luo ca hluo'a te, paliy byi ta thaw aca pathla aa. 59Ica chang yi, na lu riypa tuokaa a chuopatlienapa pie kha te ta na pi diy hluo li thaw chungtaata pya'a vaciy,” a ta.
ទើបបានជ្រើសរើសហើយ៖
LUKA 12: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 12
12
Phahruocuo Tie A Raaring Ung
(Mat 10.26-27)
1 #
Mat 16.6; Mar 8.15 Cawsaa ca a thawthaw ta a vya hmya yi te amaa tlawpuole ciemuo ning kha Zingsuv ta ziytuv tie kyihuo ta a ri taapa ca, “Farasi tie thiynung kha a raaring tie ung, phahruo amaa cuo pakhina kha. 2#Mar 4.22; Luk 8.17 Buvkhungpa bangkhuo kha pahawpa cuo'a te, a paruv ta tuepa bangkhuo kha pachang pata a cuo aa. 3Caacuonakawta a zingna lie nama ripa ca ningchung a vuona lie pathyi sa diy pata cuo'a te, ingchiy a khaakhungna chunglie a paruv ta nama ripa kha thlungkhuv daw taata phu pata a cuo aa.
Ciy Li Pata Phu Riypa
(Mat 10.28-31)
4“Viesaa zaw, ica chang yi, pangpa dyi thie khu te a hnang taata capa laata a chie viepa a tue khu lipa kha ciy khah ung. 5Ahungma ciy riypa tapa kha ica chang'a yi, pangpa a thie khutaata hell#12.5 Gk Gahenna luo pathla khuna naw a hnyipa kha ciy tie ung. A cuo, ica chang yi, ama kha ciy tie ung! 6Mingbaw sapangaa ca pie hning tana ama zaa cuo va ma? Cuorasala mingbaw sakha kha hmuo Khazing ta maw vyi. 7Nama luv lie nama suobuv hmuota a ri diy. Nama thlaa zang khah se; niema ca mingbaw a hluvpuv laata nama sungnaa vie.
8“Ica chang yi, malie hmiekunglie naa daakhyipa ahunghmuo cuose, Cawsaa Sacapaa zaw ta Khazing avuoming hmiekunglie i daakhyi ra aa. 9Cuorasala malie hmielie naa thawpa ca Cawsaa Sacapaa ta Khazing avuoming hmiekunglie i thaw ra aa. 10#Mat 12.32; Mar 3.29 Ahunghmuo cuose Cawsaa Sacapaa a du pata bie a ripa ca a ngiethe pata ama cuo aa, cuorasala Thlaapa Pathe a du pata bie a ripa ca a ngiethe pata cuo'a va yi. 11#Mat 10.19-20; Mar 13.11; Luk 21.14-15 Apungna-ing luo cuose, uvtuv tie hne nawhnyituv tie hmieluo aca chiykhyi tiy yi ta tuokhaa ta a pahrang'a angte ma tuokhaa ta i ri aa tapa kha nama palung rie thyi khah se. 12Tahematapakieca capa cuo lie caci ta nama ri riypa ca Thlaapa Pathe na caa chang'a yi,” a ta yi.
A Ngaapa A Hnyirungpa Pakhingpuona
13Cawsaazaapuv hraw taata pakha ta, “Saya, i paa ru kha ina che riypata i uvta kha na changpa tie,” a ta. 14Zingsuv ta, “Liechung, ahungma niema bieripatuv riypata naa chi?” a ta. 15Cakhutaata iema kha, “Karuo-awna phangting taa khata a cadang tie ung; tahematapakieca cawsaa pakha hringna ca a hnyirungna lie kha aw vyi,” a ta yi. 16Cakhutaata pakhingpuona suokha a chang yi: “A hnyirungsapa pakha ca a lu taata kung a vyi laalaw. 17Ca tiyta a palung chunglie kha; ‘I sa bangkhuo hing i china tlaw va tli. Tuokhaata i tue kie ma a pha aa?’ a ta. 18Cakhutaata ama ta, ‘Hing haa hing tana i tue aa: I sa-ing hing phi'a angte na a le vie ta i sa aa. Capa lie ca i sa hne i hmang bangkhuo kha i chi aa,’ a ta. 19Cakhutaata i thlaapa kyihuo khata, “'Vya i thlaapa, kung pasiypuv acaa de riypa hmang ca na hnyi mangtli; a pahy hyalya la, ning la, dang la a nuosa pata hring tie,’ i ta aa,” a ta. 20Cuorasala Khazing ta, ‘A ngaapa! Ata zuo hrahring hingta na hringna ca a chuo aa. Caacuonakawta na cuota naa pacungpa hmang bangkhuo hing ahung huo tama a cuo aa? a ta,’ a ta. 21Caacuonakawta ama cuota chechiy aa pacung raalaa pata Khazing hmielie a hnyirung tlung lipa ca cahaaca tana ama cuo,” a ta.
Nama Palung Rie Thyi Khah Se
(Mat 6.25-34)
22Zingsuv ta ziytuv tie kha, “Caacuonakawta ica chang yi, khaapama nama ning aa, khaapa caw ma namaa tue aa ta pata nama pangpa kawlie hne nama hringna kawlie kha nama palung rie thyi khah se. 23Tahematapakieca hringna ca sa laata biepuv vie te pangpa ca cawsie laata a biepuv vie. 24Ra-aa khiy rue tie ung: saciy vaa va yi, sa zaw hrie va yi, chechiy chinapa ing hne sa-ing zaw hnyi va yi, cuorasala Khazing ta a caw yi! Niema ca pavaa laata kha tluv tama nama sungnaa vie! 25Nama palung rie a thyi nakawta nama hringna siymaluo pakha chuo a pasiy sa vie khupa nama aw ma? 26Cahaapaapa chechiy cawta hmuo nama tue khu li kieca khaapanakawma a hrangpa kawlie ca nama palung rie a thyi? 27#1Sie 10.4-7; 2Chr 9.3-6 Lili paa khiy rue syalya tie ung, tuokhaatama ama le; re hrie va yi, palaa zaw pahie ra va yi; cuorasala ica chang yi, Solomon rungnaana bangkhuo ta hmuo hingpa paapaapa paa kha puvthena tluv hing ta vyi. 28Ataning hring te mawluo myi chung luo hmaw riypa ruo lie aphuv hing Khazing ta hing tluv ta a tuepangi kieca, niema changchiy ca kha tluv tama aca tuepangi vie'a yi? Nama zangna hing a caw hringhruo de! 29Caacuonakawta ning riypa hne dang riypa kaw kyalya rue pata nama palung rie thyi khah se. 30Tahematapakieca chuelyi ming dyina hingpa hmang hing a rue pari yi. Nama Paa ta hingpa hmang zaw hing namaa hu tapa kha a pachang. 31Caacuonakawta ama pena#12.31 Kuvtie caataw chekha tie lie ca Khazing Pena a ta kha huv taa ung la, hingpa hmang zaw hing pipuo pata nama cuo aa,” a ta.
32“Tuvrung cawta zaw, nama thlaa zang khah se, tahematapakieca niema'a luo pena pi riypa kha nama Paa palungtluona tana a cuo. 33Nama hnyipa kha zaa ung la siypasapa tie kha pi tie ung. A caw the lipa tuokaa baw kha a tue ung la a ruvhangpa ta a paruv khu lina lie hne, alungpa ta a para khu lina vuoruo lie kha a chuo the li riypa sue kha a pacung tie ung. 34Tahematapakieca nama sue a awna lie khana nama pathiypalung zaw a aw ra aa.
A Raaringsapa Sii
35 #
Mat 25.1-13
“A ting pacie pata aw ung la, nama myi-ing kha vuo pacie tie ung. 36#Mar 13.34-36 Napuv chiyna pyi taata a vya diypa ama byipaapa kha ingchiy a cakhaw pahne ta pahaw khu paluo riypata a huopa tie haa khata cuo tie ung. 37Ama byipaapa a vya kaa tiyta a hra te a raaringna a hnyipa sii ca thluechiypa tana ama cuo; biehmisi tana ica chang yi, a tesaw kha a saw'a te, ning riypata patu'a yi te, iema kha a ysy a khaasie'a yi. 38Zuocang ta aa vya diy kie cuose, khydyi caw ta aa vya diy kie cuose, a ting pacie pata ama aw pata a hmungpa sii tie ca thluechiypa tana ama cuo.
39 #
Mat 24.43-44
“Cuorasala hingpa hing pachang tie ung: ing a hnyituv ta aparuvpa aa vawna riypa cuo kha a pachang kieca a ing kha paruv sa'a vyi. 40Niema zaw a tingpacie pata aw tie ung, tahematapakieca Cawsaa Sacapaa ca nama mangkhuo linapa cuo lie khana aa vaw aa,” a ta.
Zang Tluo Aa Tlapa Hne Zang Tluo Aa Tla Lipa Sii
(Mat 24.45-51)
41Piter ta, “Abyipa, hing pakhingpuona hing kiema cuota ma na ri, acuolikie cawsaazaapuv cuota ma a cuo?” a ta. 42Abyipa ta, “Ahung ma zang tluo aa tlapa hne a singpa tluotlatuv, a byipaapa ta a sii tie kha ama'a na a cuota lieta ama cuvu sa pi riypata a chipa ta a cuo? 43Re a hrie nguoluo ningta a byipaapa ta a vya chiyhnuepa sii ca thluechiypa tana a cuo. 44Biehmisi tana ica chang yi, capa paa ca a byipaapa ta a hnyipa bangkhuo a mangchiytuv tana a chi aa. 45Cuorasala capa sii ca ta ama hne ama kha, ‘I byipaapa ca a vya haa kalie aa,’ ta sala a hrangpa siicanung zaw siicapaa zaw kha tuvde yi te, ning dang te a pariy kieca, 46a mangkhuo lina cuo ning hne a pachang lina cuo ning khata a byipaapa ca a vya chiy aa. A cekary diy'a te zang tluo aa tla lipa tie hne khata a chi hne aa. 47A byipaapa ta a patue sa khingpa a pachang thluo pata, a tingtuo pata a patue sa khingpa kha a tue lipa sii ca a pasasapa tuvna na a ang aa. 48Cuorasala a byipaapa ta a patue sa khingpa a pachang li pata tuv aa tlapa hmang a tuepa ca dyadyata tah tuvpa tana a cuo aa. A hluvsa pipa ca a hluvsa hie pata cuo'a te, a hluv vie pipa ca a hluv vie hie pata a cuo aa.
Zingsuv Ca Pachetuv Tana A Cuo
(Mat 10.34-36)
49“Alyi hing myi ta pahlaa riypa tana i vaw, a hlaa hunglung tli sala a pha'apa kha! 50#Mar 10.38 Tiy a naw riypa suokha hnyi angte, capa hmang a tlung hluo li ca kha tluv tama i palung rie a thyi! 51Alyi luo diena phya riypa tana aa vaw ta pata ma ina rue ung ciy? Cuo vyi, ica chang yi, achena tlaku na i za phya! 52Ata taa hingta papangaa a tapa chungkhue tie ca a che'a yi te, pathung ta pahning kha a du'a yi te, pahning ta pathung kha amaa du aa. 53#Mik 7.6 Iema ca amaa che aa:
paa ta sacapaa kha a du'a te
sacapaa ta paa kha aa du aa,
nung ta sacanung kha a du'a te
sacanung ta nung kha aa du aa,
ningnung ta munung kha a du'a te
munung ta ningnung kha aa du aa,” a ta.
Cuo Pachang Khuna
(Mat 16.2-3)
54Zingsuv ta cawsaazaapuv kha, “Niema ta ningtla taata amyi a kya thupa kha nama hmung tiyta, sungkha ta, ‘Khy na a saa aa,’ ta ung cate a saa sasaw. 55Sungluo taata thliy a kya hruo tiyta, ‘A vya palingsa aa,’ ta ung cate a palingsa sasaw. 56Phahruocuo tie! Niema ta alyi hne avuo kha mang ung cate khycuo khaapama a lu aa tapa kha nama pachang khu; caacuokieca khaapanakawma ata chuo ningkhue awzya hing nama pachang va?
Caa Dutuv Hne Vaa Re Ung
(Mat 5.25-26)
57“Khaapama aa hmuopa ta a cuo tapa kha khaapanakawma niemata tah bie namaa chi khu va? 58Tazaa caa cyipa hne bieripatuv byi hmieluo nama cakuo ning kha luopuv lieta ama hne a dawraw riypa kha a zue tie; cahaacata na tue li kieca, bieripatuv byi hmieluo kha caa dale'a yi te, ama ta paliy byi kuv luo ca hluo'a te, paliy byi ta thaw aca pathla aa. 59Ica chang yi, na lu riypa tuokaa a chuopatlienapa pie kha te ta na pi diy hluo li thaw chungtaata pya'a vaciy,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.